Ramaad Al Hubb by Sara Shah readelle50009 Episode 10

سامنے اسامہ کے بازو میں ہاتھ ڈالے وہ سحر تھی۔۔۔بزنس ڈپارٹمنٹ کی جو بری طرح اسامہ پر فرفتہ تھی۔۔۔۔یہ منظر دیکھتے زری کے دل میں ہوک سی اٹھی۔۔۔۔۔بھوری آنکھیں اس منظر پر ساکت تھیں۔۔۔۔۔پیچھے سے حبا اسکے جواب نا دینے پر سامنے دیکھنے پر مجبور ہوئی اور سامنے کے منظر نے اسے گہرا سانس لینے پر مجبور کر دیا۔۔۔۔۔۔۔۔

” یہ چڑیل مجال ہے جو کبھی اسکا پیچھا چھوڑ دے۔۔۔۔کمبخت نے موکل رکھے ہوئے ہیں۔۔۔جو اسے اسامہ کے آنے جانے کی خبر دیتے ہیں۔۔۔ہنہہ۔۔۔۔۔۔”

ڈارک میک سے سجے سحر کے چہرے کو دیکھتے حبا ناپسندگی سے بولی۔۔۔۔مگر زری فلحال کچھ کہنے کی پوزیشن میں نہیں تھی۔۔۔۔۔۔۔تبھی بنا اسکی بات کا جواب دئیے بیگ اٹھا کر آگے بڑھی۔۔۔۔۔۔اسکے پشت دیکھتے حبا نے افسوس سے سر ہلایا۔۔۔۔اس وقت اسکے پیچھے جانا بے کار تھا۔۔۔۔۔وہ مزید ڈسٹرب ہوتی ۔۔۔۔یہ تو ہر بار ہوتا تھا وہ جب جب سحر کو اسامہ کے آگے پیچھے دیکھتی اسی طرح ڈسٹرب ہوتی۔۔۔۔۔مگر آج کی سحر کی جرآت نے اسے مزید دکھی کر دیا تھا۔۔۔۔۔۔۔

جو بھی تھا اسے اسامہ ناپسند تھا مگر وہ زری کی محبت تھا۔۔۔اور اس چڑیل کی مداخلت اسے سخت ناگوار گزری تھی۔۔۔۔۔۔۔مڑ کر اسے کینہ توز نظروں سے دیکھتے وہ جھک کر اپنی بکس سمیٹنے لگی۔۔۔۔۔۔گاڑی پارک کر کے آتے حیدر نے جب اسے دیکھا تو اسامہ کو چھوڑ کر اسکی طرف بڑھا۔۔۔۔۔۔

” اسلام علیکم حبا۔۔۔۔”

قریب آتے وہ جوش سے بولا۔۔مگر جوابا حبا کی گھورتی نظروں پر گڑبڑایا۔۔۔۔۔

” کک۔۔۔کیا ہوا؟؟۔۔۔اب میں نے کیا کیا؟؟۔۔۔”

مسکین سی شکل بنائے وہ سراپا استفار تھا۔۔۔۔۔اسکی مسمسی شکل پر حبا مزید چڑی۔۔۔۔۔

” آپ نے کچھ نہیں کیا۔۔بلکہ آپ کے جگر نے کیا ہے۔۔۔۔جس آپ بے خبر نہیں ہیں۔۔۔۔۔”

پیچھے کی طرف اشارہ دیتے وہ گہرے طنز سے بولتی اسے ہکا بکا چھوڑ کر نکلتی چلی گئی۔۔۔۔۔۔اسکی پشت دیکھتے حیدر دل ہی دل میں اسامہ کو سو صلواتوں سے نواز رہا تھا۔۔۔کمینے کی وجہ سے ہر بار وہ اسے بری طرح بے عزت کر کے چلی جاتی تھی۔۔۔۔۔

وہ اسکے بابا کے دوست کی بیٹھی تھی۔۔۔وہ کافی ٹائم سے اسے جانتا تھا۔۔۔۔اور اب زری کی دوست کی حیثیت وہ مزید اسکے بارے میں انوالو ہو گیا تھا۔۔۔۔پسندیدگی کا یہ سلسلہ حیدر کی طرف سے شروع ہوا۔۔۔۔۔حبا کا رویہ اول روز سے اسکے ساتھ ٹھیک رہا تھا۔۔۔۔۔وہ تو بچارہ کچھ بولتا نہیں تھا مگر وہ تیکھی مرچ اسے اچھی طرح لتاڑ کے رکھ دیتی تھی۔۔۔اور اب تو رشتہ طے ہوجانے کے بعد تو اسے مزید پرمٹ مل گیا۔۔۔۔جس کا وہ پورا پورا فائدہ اٹھاتی تھی۔۔۔۔

اسامہ اسے ناپسند تھا وجہ اسکا روڈ بیہویئر

تھا۔۔۔جسکی وجہ سے وہ چڑتی تھی اور غصہ بے چارے حیدر پر نکلتا ۔۔۔اب بھی ایسا ہی ہوا تھا۔۔۔۔۔۔

” چل یار حیدر۔۔۔تیری قسمت میں اسامہ سوتن کی حیثیت رکھتا ہے۔۔۔۔۔ جس نے تیرا جینا حرام کروا دینا ہے۔۔۔۔”

گھور کر اسے دیکھتے وہ چبا کر بڑبڑاتا کینٹین کی طرف بڑھ گیا۔۔۔جانتا تھا وہ سحر کی طبیعت صاف کر کے وہیں آئے گا۔۔۔۔۔۔۔

” بی ان یور لمٹس سحر۔۔۔تم جانتی ہو مجھے اسطرح کی بے تکلفی پسند نہیں ہے۔۔۔”

اسکا بازو جھٹک کر خود سے الگ کرتے وہ سرد لہجے میں غرایا ۔۔۔۔۔۔سحر خائف سی ہوتی پیچھے ہٹی۔۔۔۔۔۔

” اوکے اوکے سوری۔۔۔۔۔اٹس مائی فالٹ۔۔بٹ تم ہاتھ بھی تو نہیں آتے۔۔۔۔۔آئی مین ہم فرینڈ بھی تو ہیں۔۔۔۔”

بال جھٹکتے وہ ایک ادا سے بولی کہ اسکے ہاتھ نا آنے والی بات پر اسامہ نے بےساختہ آبرو اٹھائی۔۔۔۔۔۔۔جس پر سحر گڑبڑا کر بات بدل گئی۔۔۔۔۔۔۔۔

” فرسٹ آف آل۔۔ہم دوست نہیں ہیں۔۔۔دوسری بات آئیندہ مجھ سے 10 فٹ کی دوری پر رہ کر بات کرنا۔۔۔۔۔۔اور تیدری بات میں اپنی بات دوہرانے کا عادی نہیں ہوں۔۔۔سو مائنڈ اٹ۔۔۔۔۔۔”

پینٹ کی پاکٹس میں ہاتھ گھساتے وہ سامنے زری کی پشت دیکھتے ٹھنڈے ٹھار لہجے میں اسکی عزت افزائی کر گیا۔۔۔۔سحر کا چہرہ دھواں دھواں ہو گیا۔۔۔۔۔۔لب بھینچ کر خود پر قابو پاتے وہ سر ہلا گئی۔۔۔۔۔۔

” نائو ایکسکیوزمی ۔۔۔۔”

سنجیدگی سے کہتے وہ اسکی سائیڈ سے ہو کر نکلتا چلا گیا۔۔۔۔۔۔پیچھے اسے دیکھتے سحر کی آنکھوں میں شرارے ناچ رہے تھے۔۔۔۔۔اہانت کے احساس تلے گلابی چہرہ خون چھلکا رہا تھا۔۔۔۔۔۔جبکہ آنکھوں میں غضب کی سرخیاں تھیں۔۔۔۔

” یہ تم نے ٹھیک نہیں کیا اسامہ ابراہیم۔۔۔۔۔”

مٹھیاں بھینچ کر اسکے گلابی لب بے آواز ہلے تھے۔۔۔۔۔۔۔۔

وہ کاریڈور میں سر جھکائے چل رہی تھی۔۔۔۔نظروں میں بار بار وہ منظر گھوم رہا تھا جب وہ اسکے بازو کو استحقاق سے دبوچے کھڑی تھی۔۔۔۔۔۔یہ سارا منظر اسکی آنکھوں میں مرچیں بھر رہا تھا۔۔۔۔۔۔۔ننھا سا دل دکھی تھا۔۔۔

” ہئے زری لسن۔۔۔۔”

پیچھے سے ابھرتی اسامہ کی بھاری آواز پر اسکی دھڑکن بے ساختہ رکی۔۔۔۔۔قدموں نے اٹھنے سے انکار کر دیا تھا۔۔۔۔۔سختی دے لب بھینچے وہ کھڑی تھی جب وہ عین اسکے سامنے آکر رک گیا۔۔۔۔

سفید جینز پر برائون شرٹ اور بلیک لیدر جیکٹ پہنے وہ روز کی طرح شاندار لگ رہا تھا۔۔۔۔پیر بلیک ٹسلز شوز میں مقید تھے۔۔۔۔۔۔بالوں کے سپائکس بنائے وہ زری کا دل دھڑکا رہا تھا۔۔۔۔۔۔۔

” کہاں جا رہی ہو؟؟؟۔۔یہ ٹائم تو فری ہوتا ہے نا تمہارا؟؟۔۔۔”

غور سے اسکا چہرہ دیکھتے وہ دلچسپی سے بولا۔۔۔۔۔۔

” کہیں نہیں کچھ نوٹس چاہیے تھے۔۔۔تو وہی لینے جا رہی تھی۔۔۔۔”

وہ بمشکل بہانہ گھڑ پائی۔۔۔۔۔بھوری آنکھیں ہنوز جھکی ہوئیں تھیں۔۔۔۔اسکی جھکی پلکیں ہمیشہ اسامہ کو عجیب احساس سے دوچار کرتیں تھیں۔۔۔۔۔۔

” کونسے ٹاپک کے چاہیے میں دے دیتا ہوں نا۔۔۔۔”

جینز کی پاکٹ میں دائیاں ہاتھ گھساتے وہ اسکی جھکی پلکوں کو بغور دیکھتے بولا۔۔۔۔۔

” کیوں؟؟۔۔۔آپ کیوں دیں گے۔۔۔۔۔میں زارا سے لے لوں گی۔۔۔تھینک یو سو مچ۔۔۔۔۔”

اسکی بات پر زری بھڑک گئی۔۔۔۔بھلا ایسی کیا بات کر دی تھی اسنے جو وہ یوں بھڑک گئی۔۔۔۔۔وہ تحیر سے اسکی بھوری آنکھوں کی سرخی دیکھتا رہ گیا۔۔۔۔۔۔

” کیوں مجھ سے ہیلپ لینے میں کیا مسلہ ہے؟؟۔۔۔۔”

اسکی آنکھوں میں جھانکتے وہ سنجیدگی سے بولا۔۔۔۔۔اسکے چھبتے سوال پر وہ گڑبڑائی۔۔۔ہمیشہ وہی اسکی مدد کرتا تھا۔۔چاہے وہ ٹاپک ہو یا نوٹس تو آج کیا نیا تھا؟؟۔۔۔لیکن نیا تو تھا۔۔کچھ دیر پہلے کامنظر یاد کرتے وہ بل کھا کر سیدھی ہوئی۔۔۔۔۔۔۔

” کیونکہ آپکی مدد کی ضرورت اور بہت سے لوگوں کو ہے۔۔۔سو مجھے معاف رکھیں۔۔۔۔۔”

ڈائریکٹ اسکی سیاہ آنکھوں میں اپنے بھورے کانچ گاڑتے وہ طنزیہ بولی۔۔۔۔۔۔مگر اسکی بات نے اسامہ کا پارہ ہائی کر دیا تھا۔۔۔۔۔

” واٹ ڈو یو مین؟؟۔۔۔کس کو میری مدد کی ضرورت ہے زرا مجھے بھی تو پتا چلے۔۔۔۔”

گھور کر اسے دیکھتے وہ غصے سے چبا کر بولا۔۔۔۔۔۔

” مم۔۔۔مجھے نہیں پتا۔۔۔آپکو پتا ہو گا۔۔۔۔۔”

اسے یوں آگ بگولہ ہوتے دیکھ زری خائف ہو گئی۔۔۔۔۔۔تبھی لڑکھڑا کر بولتے فرار چاہی مگر اسکے مضبوط ہاتھ کی گرفت نے اسے پتھر کے مجسمے میں ڈھال دیا۔۔۔۔۔۔۔۔

” نو۔۔۔مجھے نہیں پتا۔۔۔۔۔مجھے تم سے جاننا ہے کہ کس کو میری مدد کی ضروت ہے۔۔۔کم آن ٹیل می۔۔۔۔۔”

اسکی کلائی پر گرفت مظبوط کرتے وہ سلگتے لہجے میں بولا۔۔۔سیاہ آنکھیں دہک اٹھیں تھیں۔۔۔۔۔جن کی تپش سے بے ساختہ اسکی بھوری آنکھیں جھک گئیں۔۔۔۔۔۔۔

” سس۔۔۔سحر کو۔۔۔۔۔”

پلکیں سختی سے میچے وہ بمشکل بول پائی۔۔۔۔۔اسکی فضول بات پر اسنے لب بھینچ کر خود پر قابو پایا۔۔۔ورنہ اسکی اتنی فضول بات پر اسے اپنا خون کنپٹیوں میں ٹھوکریں مارتا محسوس ہوا تھا۔۔۔۔۔

” ہمم۔۔۔۔تو اسے مدد کی ضرورت ہے۔۔یہ مجھے کیوں نہیں پتا چلا؟؟۔۔۔مگر میرے پاس اتنی ذہانت جو نہیں جتنی تمہارے پاس ہے۔۔گڈ ویری گڈ۔۔۔۔۔کیا بات ہے زرنین ریحان کی ذہانت کی۔۔۔۔آئم ویری ایمپریسڈ۔۔۔”

اسکی کلائی چھوڑتے وہ ہاتھ سینے پر باندھتے گہری مسکراہٹ لیے اتنی سنجیدگی سے بولا۔۔۔اسکے لہجے میں اتنی ملامت تھی کہ زری کا دل چاہا وہ زندہ زمین میں دفن ہو جائے۔۔۔۔۔شرمندگی ہی اتنی تھی۔۔۔۔۔۔بے ساختہ بھوری آنکھیں نم ہوئیں۔۔۔۔جسے اسنے سر جھکا کر چھپانے کی کوشش کی مگر اسامہ کی زیرک نظروں سے یہ سب چھپا نا رہا۔۔۔۔لب بھینچ کر خود پر قابو پایا۔۔۔۔۔۔

” انسان کو وہ سب نہیں کہنا چاہیے۔۔۔۔جس پر بعد میں سر شرمندگی سے جھک جائے۔۔۔۔۔”

اسکے جھکے سر کو دیکھتے وہ اب کے نرمی سے بولا۔۔۔۔۔اسکی نرمی زری کا دل مزید موم کیا۔۔۔۔۔۔۔نمی بہہ کر گالوں پر اتر آئی جس نے اسامہ کی پیشانی کی بچے کچے بل بھی غائب کر دئیے۔۔۔۔۔۔۔۔

” اوکے ریلکس۔۔۔۔رونا بند کرو ۔۔۔کچھ نہیں کہہ رہا میں۔۔۔۔۔”

بے چینی سے ہاتھ مسلتے وہ نظریں چرا کر بولا۔۔۔۔۔

” تو۔۔۔تو وہ آپکے ساتھ کیوں تھی؟؟۔۔۔”

اپنے آنسو صاف کرتے وہ اسکی نرمی پر بے اختیار بولی۔۔۔۔اسکی عجیب و غریب بات پر اسامہ نے چونک کر اسے دیکھا۔۔۔۔رویا رویا سانولا چہرہ،بھیگی بھوری آنکھیں،سرخ لب کچھ تھا ہمیشہ کی طرح جسنے اسامہ کو ساکت کیا۔۔۔۔۔۔گرے سوٹ میں بڑی سی گرے چادر میں خود کو چھپائے وہ عام سی تھی۔۔۔مگر اسامہ ابراہیم کو کیا چونکا رہا تھا اسکا جواب اسے آج تک نہیں ملا تھا۔۔۔۔۔۔

مسلسل اسے دیکھتے اسکے عنابی لبوں پر بے اختیار ایک جاندار مسکراہٹ ابھری۔۔۔۔سیاہ آنکھیں چمک اٹھیں تھیں۔۔۔۔۔۔۔

” ہممم۔۔۔۔تمہیں نہیں لگتا کوئی جیلس ہو رہا ہے؟؟۔۔۔”

لب دبائے وہ شرارت سے بولا ۔۔۔سیاہ آنکھیں شرارت سے چمک رہیں تھیں۔۔۔۔

” نن۔۔نہیں میں تو جیلس نہیں ہو رہی۔۔۔۔۔”

وہ بے ساختہ کہہ اٹھی لیکن اسامہ کی گہری ہوتی مسکراہٹ پر گڑبڑائی۔۔۔۔

” میں نے تمہارا نام تو نہیں لیا۔۔۔۔” وہ اسکے چہرے کے بدلتے رنگ دیکھتا دلچسپی سے بولا۔۔۔زری کی ایسی بوکھلائی شکل اسے لطف دے رہی تھی۔۔۔۔۔۔

” مم۔۔۔میں۔۔۔۔”

” شش۔۔۔۔۔۔یو آر جیلس نین۔۔۔اور یہ کافی جانلیوا ہے۔۔۔”

اسکی منمناہٹ پر وہ قدرے اسکی طرف جھک کر گھمبیر لہجے میں بولا۔۔۔۔۔اسکے نین لفظ نے زری کی ہتھیلیاں نم کر دیں۔۔۔۔۔۔لہجے کی معنی خیزی سانس روک رہی تھی۔۔۔۔دل کانوں میں دھڑکنے لگا تھا۔۔۔۔۔۔چہرہ پل میں سرخ ہوا تھا۔۔۔سرعت سے پیچھے ہٹتے وہ مڑ کر بھاگتی چلی گئی۔۔۔۔۔۔اسکے فرار پر وہ دھیرے سے ہنس دیا۔۔۔۔۔۔

” یہ سب واقعی جانلیوا ہے نین۔۔۔۔۔”

اسکی سرخ رنگت یاد کرتے وہ یکلخت عجیب سے لہجے میں مدھم سا بولا۔۔۔۔۔۔سیاہ آنکھیں دہک سی اٹھیں تھیں۔۔۔۔۔بے چینی سے بالوں میں ہاتھ پھیرتے وہ بمشکل خود پر قابو پاتا مڑ کر کینٹین کی طرف بڑھا۔۔۔۔۔۔

” کہاں تھا تو؟۔۔۔”

وہ کرسی پر بیٹھ کر آنکھیں موند گیا کہ حیدر کےسوال پر آنکھیں کھول کر اسے دیکھا جو سامنے بیٹھا اسے گھور رہا تھا۔۔۔۔۔

” یہیں تھا۔۔۔۔۔تو بتا کتنی عزت افزائی ہوئی؟؟۔۔”

سینے پر ہاتھ باندھتے وہ قدرے ریلکس ہوتا سنجیدگی سے بولا۔۔۔۔۔اسکے طنز پر حیدر تڑپ اٹھا۔۔۔۔

” کیامطلب ہے بے؟؟۔۔۔میری عزت افزائی کرنے والا پیدا نہیں ہوا سمجھا۔۔۔”

گردن اکڑا کر وہ فخر سے بولا۔۔۔اسکی بھڑک پر اسامہ نے بے ساختہ آبرو اٹھائی۔۔۔۔

” واقعی پیدا نہیں ہوا۔۔بلکہ پیدا کی گئی ہے جانی۔۔۔۔۔”

اسکی آنکھوں میں جھانکتے وہ طنزیہ مسکراہٹ لبوں پر سجائے تپانے والے لہجے میں بولا۔۔۔جس پر حیدر واقعی تپ اٹھا۔۔۔۔

” کمینے انسان۔۔۔۔ تو جب تک زندہ ہے نا تب تک میں اسی طرح بے عزت ہوتا رہوں گا۔۔۔۔۔”

اسکے وجیہہ چہرے کو کینہ توز نظروں سے گھورتے وہ چبا کر بولا۔۔۔ جس پر اسامہ قہقہ لگا کر ہنستا حیدر کو جلتے توے پر بیٹھا گیا۔۔۔۔۔

” کمینے انسان ڈوب مر۔۔۔دوستی کے نام پر دھبا ہے تو۔۔۔۔”

وہ گلاس اسکی طرف اچھالتا خون کے گھونٹ پیتا بمشکل ضبط سے بولا۔۔۔۔۔۔۔

” اور تو مرد کے نام پر دھبا ہے۔۔۔جو لڑکیوں سے بے عزت ہو کے آجاتا ہے۔۔۔۔۔”

لب دباتے وہ مزید اسے چڑاتا اٹھ کر باہر بھاگا کیونکہ حیدر خونخوار تیور لیے اسکے پیچھے تھا۔۔۔۔۔۔اب گراونڈ میں قہقے لگاتا اسامہ آگے تھا اور اسے کوستا حیدر اسکے پیچھے تھا۔۔۔کتنے ہی سٹوڈنٹس نے حیرت سے یہ منظر دیکھا تھا۔۔۔۔۔۔۔۔جن میں زری بھی تھی۔۔۔۔اسامہ کا مسکراتا چہرہ زری کا دل دھڑکا گیا تھا۔۔۔۔۔۔۔