Ramaad Al Hubb by Sara Shah readelle50009 Episode 27

کھڑکی سے نظر آتے منظر نے بیتی یادوں کو جیسے پھر سے زندگی کر دیا تھا۔۔۔۔وہ گھر وہاں بیتا اسکا بچپن اور جوانی۔۔۔۔اور وہیں پر تو اسکا آشیانہ بکھرا بھی تھا۔۔۔۔نجانے وہ آندھی کس سمت سے چلی تھی مگر اسکا کا سب کچھ بہا کر لے گئی۔۔۔۔اور پیچھے رہ گئی وہ اور اسکی بھیگی آنکھیں ۔۔۔جنہوں نے گویا سمندروں سے شرط باندھ لی تھی۔۔۔تبھی تو سوکھنے میں نہیں آ رہیں تھیں۔۔۔۔۔

گزرے سالوں میں طلحہ کی آمد بھی اسکے دل کا درد کم نہیں کر پائی تھی۔۔۔۔فرق صرف اتنا تھا کہ وہ اب اس درد کے ساتھ جینا سیکھ گئی تھی۔۔۔۔۔۔لیکن کبھی کبھی وہ کھڑکی جو اسکی جنت میں کھلتی تھی اسے تڑپا دیتی تھی۔۔۔۔۔کیونکہ اب وہاں تاریکی اور خاموشی کے علاؤہ کچھ نہیں تھا۔۔۔۔۔۔تھے تو صرف خاک کے وہ دو گھر جہاں اسکے دل کے مکین سو رہے تھے۔۔۔۔۔۔۔

” کیا سوچ رہی ہو؟؟؟….”

عقب سے ابھرتے ایک مضبوط اور استحقاق بھرے حصار نے اسے چونکا دیا۔۔۔۔۔گرم سانسیں گردن پر پڑتیں اور بوکھلا گئیں۔۔۔۔۔گزرے سالوں میں وہ اب تک اسکی دہکتی قربت کی عادی نہیں ہو پائی تھی ۔۔۔۔۔۔۔اب بھی سرعت سے آنسو صاف کرتے گردن موڑ کر اسے دیکھا جو اسکے آنسوئوں سے انجان نہیں تھا۔۔۔۔۔۔

” کک۔۔۔کچھ نہیں۔۔۔ آپ جلدی آگئے ؟؟؟؟۔۔۔۔”

بمشکل مسکراتے وہ نظریں چراتی اسے لب بھینچتے پر مجبور کر گئی۔۔۔۔۔اسکی اذیت کا مداواہ اگر ممکن ہوتا تو وقاص احمد اپنی جان دے کر بھی وہ حاصل کر لیتا مگر افسوس ایسا ممکن نہیں تھا تبھی تو تپش دیتی نظروں سے اسے دیکھتے اسنے اپنے دہکتے لب اسکے گال پر رکھے۔۔۔۔۔۔۔۔جہاں آنسوئوں کے مٹے مٹے نشان تھے۔۔۔۔

” تم اداس تھیں تو میں کیسے کہیں اور رک سکتا تھا۔۔۔۔۔دل نے الرٹ جاری کیا اور میں خاضر۔۔۔۔۔”

زبردستی مسکراتے وہ شریر سے لہجے میں بولتا ابیہا کو سرخ کر گیا۔۔۔۔۔گھنیری پلکیں سرعت سے گالوں پر سایہ فگن ہوئیں۔۔۔۔اور اس دلکش منظر نے وقاص کو ہمیشہ کی طرح باندھا۔۔۔۔۔۔

” تم وقاص احمد کی دھڑکن ہو بیا۔۔۔۔۔۔تمہیں کچھ ہوا تو وقاص احمد مرجائے گا۔۔۔۔”

اسے اپنے سینے لگاتے وہ شدت بھرے لہجے میں بولتا ابیہا کی دھڑکنیں روک گیا۔۔۔۔۔اسنے تڑپ کر سر اٹھانا چاہا مگر مضبوط حصار نے کوشش ناکام بنا دی۔۔۔۔۔۔۔۔

” بہت برے ہیں آپ۔۔۔۔۔”

شدید بے بسی محسوس کرتے وہ اسی کے گریبان پر سر ٹکائے روتی چلی گئی۔۔۔۔اور بے ساختہ مسکراتے وہ اسے اپنی پناہوں میں سمیٹتا چلا گیا۔۔۔۔۔۔گزرے وقت میں اپنی کوتاہیوں کی معافی بارہا مانگ چکا تھا۔۔۔۔۔لیکن دل اب بھی بے سکون تھا۔۔۔۔۔۔اور سکون آگر میسر آتا بھی تھا تو صرف ابیہا کی قربت میں تبھی تو وہ وقت کے ساتھ اسکے لیے دیوانہ ہوتا چلا گیا۔۔۔جس پر وہ جتنا اللہ کا شکر ادا کرتی کم تھا۔۔۔۔۔

ابیہا کے لیے وہ کسی گھنے سائے سے کم نہیں تھا۔۔۔۔۔ہمیشہ اسکی گھنی چھاؤں تلے وہ پرسکون رہی تھی ۔۔۔۔اسکی محبت بے پناہ تھی جسے سمیٹنے میں وہ تھک جاتی مگر سمٹنا ممکن نہیں تھا۔۔۔۔۔۔بیتے وقت میں بہت کچھ ہوا۔۔۔۔ولید اپنی پڑھائی میں مگن ہو گیا۔۔۔اور فاریہ۔۔۔۔وہ اپنے کسی آشنا کے ساتھ بھاگ گئی۔۔۔اور رابعہ بیگم کا غرور پاش پاش ہو گیا۔۔۔بیتے وقت میں جو تہمتیں انھوں نے زری پر لگائیں تھیں وہ انکی اپنی بیٹی پر ختم ہوتیں انھیں مٹی کر گئیں۔۔۔۔۔۔تبھی تو کہتے ہیں مکافات عمل سخت ترین ہوتا ہے۔۔۔۔۔لیکن ابھی بہت کچھ تھا جو ہونا تھا۔۔۔۔۔

” اسلام علیکم۔۔۔۔۔”

وہ لان میں بیٹے چائے پی رہے تھے جب اسکی چہکتی آواز انکے کانوں سے ٹکرائی۔۔۔۔۔چونک کر سامنے دیکھا تو وہی کھڑی تھی جو انکی جان تھی۔۔۔۔۔۔

” رانیہ۔۔۔۔۔ میرا بچا۔۔۔۔۔۔”

عصری بیگم خوشی کی شدت سے چیختیں سرعت سے اٹھیں تب تک وہ بھاگ کر انکے سینے میں سما گئی تھی۔۔۔۔۔۔۔پچھلے دو سال سے وہ سٹڈی کے لیے لندن تھی اور آج اسکی اچانک آمد انھیں سرشار کر گئی ۔۔۔۔

” ماشاءاللہ۔۔۔۔اتنا خوبصرت سپرائز۔۔۔۔”

والہانہ انداز میں اسے چومتے وہ محبت سے بولیں۔۔جس پر وہ اور رجب صاحب مسکرا دئیے۔۔۔۔۔۔

” بس میں نے سوچا آپکا اتنا پیارا فیس دیکھنا ہے تو فورا چلی آئی۔۔۔۔۔اور میں نے وہ دیکھ بھی لیا بابا۔۔۔۔۔”

انکا گال چومتے وہ شرارت سے بولتے رجب صاحب کے گلے کا ہار بنی۔۔۔۔۔اسکی بات پر وہ دونوں بے ساختہ مسکرا دیے۔۔۔۔۔

” بھائی کہاں ہیں ؟؟…”

ذوالنون کی غیر موجودگی محسوس کرتے وہ حیرت سے بولی۔۔۔۔

” وہ میٹنگ کے لیے حیدرآباد گیا ہے مے بی کل آ جائے۔۔۔۔ “

اپنی کرسی پر بیٹھتے رجب صاحب سنجیدگی سے بولے جس پر وہ سر اثبات میں ہلا گئی۔۔۔۔۔

” ہمم گڈ تو پھر آپ انھیں بتائیے گا نہیں ۔۔۔میں انھیں سرپرائز دوں گی ۔۔اوکے۔۔۔۔”..

پرجوش سا بولتے اسنے انھیں خبردار کیا۔۔۔۔۔

” شیور وائے ناٹ۔۔۔عصرہ سنیک کا انتظام کریں۔۔۔۔۔”

مسکرا کر بولتے انھوں نے عصری بیگم کو چائے کا بولا جس پر وہ سرعت سے اٹھ کر اندر بڑھ گئیں۔۔۔۔۔پیچھے وہ پرجوش سی بھائی کو سرپرائز دینے کا سوچ کر کھلکھلا کر ہنس دی۔۔۔۔۔۔لیکن اسکے لیے کونسا سرپرائز تیار تھا وہ انجان تھی۔۔۔۔۔۔

” وہ ٹھیک ہو جائے گی بوا۔۔۔کیوں پریشان ہوتی ہیں۔۔۔۔۔”

انکے کندھوں پر ہاتھ رکھتے وہ تسلی دیتے لہجے میں بولی۔۔۔انکا نڈھال چہرہ اسے بھی خائف کرگیا تھا۔۔۔۔

” ان شاءاللہ رائمہ۔۔۔۔”

سامنے دروازے کو دیکھتے انکے لب امید سے بڑبڑائے۔۔۔۔۔زری کے بے ہوش ہوتے انھوں نے رائمہ اور اسکے شوہر طیب کو کال کر کے بلایا تھا۔۔۔۔۔طیب ہی کوئی ڈاکٹر لایا تھا۔۔۔جو اسے چیک کر کے گیا تھا۔۔۔۔اسکا کہنا تھا کہ اسنے کوئی ٹینشن لی تھی ۔۔۔۔۔اور وہ ٹینشن کیا تھی یہ انکا دل جانتا تھا۔۔۔۔۔۔۔رات سے وہ اور رائمہ بے حال سی اسکے ہوش میں آنے کا انتظار کر رہیں تھیں۔۔۔۔۔۔

” ایسے ہی چلتا رہا تو وہ بہت جلد ہار مان جائے گی بوا۔۔۔۔۔”

رائمہ کا متفکر اور سنجیدہ لہجہ انکی سماعتوں سے ٹکرایا ۔۔۔۔۔جس پر وہ تھکن زدہ سی سر ہلا گئیں۔۔۔۔

” وہ قدرت کے فیصلوں کے خلاف جانے کی کوشش کر رہی ہے رائمہ۔۔۔ اور مخالفت ہمیشہ تکلیف دیتی ہے۔۔اسے بھی تکلیف ہو گی۔۔۔۔۔۔۔۔”

وہ سنجیدگی سے بولتیں بہت سے ایسے راز افشاں کر گئیں جن سے وہ انجان نہیں تھی۔۔۔۔اگر کوئی انجان تھا تو وہ صرف زری کی ذات تھی۔۔۔۔وہ اس سے بھاگ رہی تھی جو اسکے نصیب میں لکھ دیا گیا تھا۔۔۔۔۔اور بے شک یہ مسافت سے تھکا دینے والی تھی۔۔۔۔۔۔

” لیکن بوا۔۔۔۔۔۔”

اس سے پہلے وہ کچھ کہہ پاتی دروازے پر ہوتی جاندار دستک نے اسے چونکا دیا۔۔۔۔۔طیب کام پر گیا ہوا تھا۔۔۔۔ایسے میں کسی کی آمد ان دونوں کو چونکا گئی تھی۔۔۔لیکن بوا سخت ہراساں ہوئیں۔۔انکا دل کسی انہونی کا پتہ دے رہا تھا۔۔۔۔۔۔۔ایک نظر بوا کے ہراساں چہرے کو دیکھتے وہ دروازے کی طرف بڑھی۔۔۔۔۔

دروازہ کھولتے ہی جو منظر رائمہ نے دیکھا وہ اسے ساکت کر گیا۔۔۔۔۔۔وہیل چئیر پر بیٹھا مردانی وجاہت کا شاہکار اور اسکے عقب میں کھڑے گارڈز ۔۔۔۔۔وہ خائف سی ہوتی اس سے پہلے کچھ پوچھتی دو گارڈز آگے بڑھتے اسے نرمی سے سائیڈ پر کر گئے۔۔۔۔اسکی دہشت اور رعب ہی اتنا تھا کہ رائمہ کی زبان تالو سے چپک گئی۔۔۔۔

” اسلام علیکم ۔۔۔”

اندر بوا اسے دیکھ کر سرعت سے اٹھ کھڑی ہو گئیں تھیں۔۔۔۔۔ اسنے سلام کیا مگر وہ حیرت سے زیادتی سے جواب نا دے پائیں۔۔۔۔۔۔۔

” نیناں۔۔۔ آئی مین زری۔۔۔کہاں ہے وہ۔۔۔۔۔۔”

انھیں ساکت کھڑا دیکھتے اسنے تمہید میں وقت ضائع نہیں کیا بلکہ سیدھا سوال پوچھا جس نے انکے اوسان خطا کر دیئے ۔۔۔۔۔۔۔

” کو۔۔۔کون زری؟؟؟…یہاں کوئی زری نہیں رہتی۔۔۔۔۔”

بمشکل خود پر قابو پاتے انھوں نے اسے یقین دلانا چاہا۔۔۔لیکن جواب میں اسکی مسکراہٹ انھیں بوکھلا گئی۔۔۔۔۔۔

” کیا مجھے بتانا پڑے گا اماں جی۔۔۔۔کہ جھوٹ بولنا حرام ہے۔۔۔۔۔۔حیرت ہے آپکو اس عمر میں بھی نہیں پتا۔۔۔۔۔۔”

تیکھی مسکراہٹ لبوں پر سجائے وہ سیاہ سرد آنکھوں سے انھیں گھورتا شرم سے پانی پانی کر گیا۔۔۔۔۔ ۔۔۔۔۔کمبخت انھی کی بات منہ پر مارتا انھیں شرمندہ کر گیا تھا۔۔۔۔۔۔

” بخش روم چیک کرو۔۔۔تمہاری بھابھی اندر ہی ہو گی۔۔۔۔”

بوا کی آنکھوں میں آنکھیں ڈالتے وہ سختی سے بولتا انھیں سن کر گیا۔۔۔اسکی آنکھوں میں اتنی شدت اور لہجہ اتنا مضبوط تھا کہ وہ دیکھتیں رہ گئیں۔۔۔۔۔۔سیاہ شرٹ اور جینز میں وہ رف حلیے میں بھی نظر انداز کیے جانے کے قابل نہیں تھا۔۔۔۔۔۔۔وہیل چئیر پر ہونے کے باوجود وہ شخص اتنا بارعب تھا کہ کتنے ہی الفاظ انھیں روکنے کے لیے انکے لبوں پر آکر رک گئے۔۔۔۔۔

کیا وہ اسے روکتیں؟؟؟۔۔۔۔کیا وہ اسے روک سکتیں تھیں؟؟؟ ۔۔۔۔۔لیکن کیا وہ اسے روکنا چاہتیں تھیں؟؟؟۔۔۔۔نہیں بلکل نہیں۔۔۔۔۔وہ نادان انجان تھی مگر وہ جان گئیں تھیں کہ اسکے بخت کا ستارہ اوج پر تھا۔۔۔۔جسے وہ جہنم سمجھ رہی تھی وہ اسکے لیے جنت تھی۔۔۔۔تبھی تو لب سیے وہ اسے دیکھتیں رہ گئیں جو انکی فاطمہ کا دیوانہ تھا۔۔۔۔۔۔۔اور بے شک اس دیوانے نے سچی محبت کی تھی اسکی حالت انھیں کسی بھی سنگین اقدام سے روکتی ساکت کر گئی۔۔۔۔۔۔۔کیونکہ وہ چاہتیں تھیں کہ انکی فاطمہ اب سکون بھری زندگی گزارے۔۔۔لیکن کیا اسے یہ زندگی قبول تھی؟؟؟…….