دانیال اور آفریں مال سے باہر آئے تو آفریں تیز تیز قدم اُٹھاتی گاڑی کی طرف چل رہی تھی جب دانیال نے اسکا بازو پکڑا اور اپنی طرف کهینچتے بولا

“یہ کیا بچپنا ہے آفی ؟ کیوں کر رہی ہو ایسی حرکتیں تم کچھ دنوں سے، آخر ہوا کیا ہے بتاؤ مجھے….”

“دانیال پلیز گاڑی میں بیٹھ کر بات کرتے ہیں .. اور دانیال چھوڑو مجھے یہاں لوگ ہیں بہت دیکهہ رہیں ہیں…….”

آفریں دانیال کو پیچھے هٹاتی ہوئی بولی اور بوكھلا کر ادھر اُدھر دیکھنے لگی ، لوگوں کی پرواہ کہان تھی اسکو ، ، اسکو تو بس اس شخص سے چھپنا تھا جو اُس کے دماغ پہ حاوی ہو چکا تھا

“آفی تمہیں کب لوگوں کی پرواہ ہونے لگی اور ادھر اُدھر کس کو ڈهونڈ رہی ہو تم ؟ یہاں ایسا کون دِکھ گیا ہے تمہیں جو تم چھپتی پِھر رہی ہو ؟……..”

دانیال اسکو اِس طرح دیکھ کر حیران ہوا اور عجیب نظروں سے دیکھتا ہوا کئی سوال پوچھ بیٹھا ، اسکا دماغ کچھ بھی سمجھنے سے قاصر تھا کیوں کہ آفرین کو وہ اِس طرح ڈرا ہوا پہلی بار دیکھ رہا تھا

“دانی میں تمہیں سب بتاتی ہوں پر پلیز گاڑی میں بیٹھو….”

آفریں نے جیسے ہی کہا دانیال چلتا ہوا لمبے ڈگ بھرتا ہوا گاڑی میں بیٹھا اور گاڑی کا دروازہ غصے میں زور سے بند کیا … آفریں بھی جلدی گاڑی میں بیٹھ گئی اب وہ گاڑی اسٹارٹ کر چکا تھا اور خاموشی سے راستے پہ سنجیدہ نظر ٹکاتے ڈرائیو کر رہا تھا آفریں نے جب دیکھا کے وہ مال سے دور آ چکی ہے تو سکھ کا سانس لیا اور اب اسکی دانیال کے سنجیدہ چہرے پر نظر پڑی تو وہ پوچھ بیٹھی

“دانی کیا ہوا تم مجھ سے غصہ ہو ؟…….”

دانیال نے ایک نظر اسکو دیکھا اور پِھر بولا

“نہیں آفی مجھے افسوس ہوا کے تم مجھ سے باتیں چهپانے لگی ہو …….”

اُس کے لہجے میں دکھ نمایاں تھا

“دانی وہ اس دن میں اور حفسہ ریسٹورنٹ گئے تھے نا تو وہاں وہ……..”

آفریں اسکو سب بتا دینا چاہتی تھی لیکن وہ بولتے بولتے رک گئی اور سوچنے لگی کہ آخر بتانے والی ایسی کونسی بات ہے جو وہ دانیال کو بتائے کیوں کیہ جتنا اسنے اس شخص کو حاوی کر لیا تھا اپنے سَر پر ایسی کوئی حاوی کرنے جیسی بات ہوئی نہیں تھی

“بولو آگے آفی چُپ کیوں ہوگئی……..”

دانیال نے اسکو چُپ بیٹھا دیکھ کر کہا تو وہ ہوش کی دُنیا میں واپس آئی ….

“وہ وہ وہاں وہاں وہ کچھ لڑکوں نے ہم سے بدتمیزی کی تھی تو اسلیئے میں بھیڑ میں ڈر گئی تھی……”

اسنے کچھ سچ اور بہت سارے جھوٹ کو آپس میں ملا کر ایک ویلڈ اسٹوری بنا ڈالی

“کیا ؟ یہ تم مجھے اب بتا رہی ہو ؟ کتنے دن پہلے کی بات ہے ؟ کب ہوا کیسے ہوا ؟ اور اُس کے بعد کیا ہوا ؟ بتاؤ مجھے سب آفی……..”

دانیال کو یکدم غصہ آگیا اور وہ فکرمند ہونے لگا

“دانی کل کی بات ہے اور بس ایسے ہی کچھ آوارہ تھے پر ایک آدمی نے ان کو چُپ کروا دیا تھا اور ہم ریسٹورنٹ سے باہر بھی آگئے تھے ایسی کوئی فکر والی بات نہیں ہے دانی…….”

وہ اُس کے ہاتھ پہ ہاتھ رکھے تسلی دیتی بولی

اور وہ چُپ کر کے ڈرائیو کرتا رہا کیوں کہ اسکو غصہ تھا کہ آفریں نے اسکو اسی وقت کیوں نہیں بتایا ……

“آفی اگے سے کچهہ بهی ایسا ویسا ہو تو سب سے پہلے تم مجهے بتاو گی—- اور ایسے اکلیے کسی بهی ریسٹورنٹ نہیں جاوگی—–“

دانیال کے کہنے پر آفرین نے اپنی نظروں سے اسکو تسئلی دی…. تو دانیال کو تهوڑا اطمینان ہوا

دانیال آفریں کو گھر ڈروپ کر کے چلا گیا……….”

جاری ہے