Tum Meri Zindagi Ho by Aroob AR NovelR50717 Tum Meri Zindagi Ho by Aroob AR Episode 19,20

گلگت کے ایک روپوش علاقے میں جنگلوں میں بنے اس گھر میں وہ شخص اس آدمی کو فون ملانے کی کوشش کر رہا تھا جس سے اسنے ان بچوں کو خریدا تھا وہ آدمی اسکا پرانا سپلائر تھا

لڑکیوں اور بچوں کا فریش مال وہ ہی بھیجتا تھا اسے ویسے مال کی پیمنٹ بعد میں ہوتی تھی مگر اسنے پہلی بار اس سے ساری رقم ایڈوانس میں لی تھی تین کروڑ کی سپلائی کرنی تھی اس شخص کو مگر وہ شخص فون ہی نہیں اٹھا رہا تھا اس شخص نے غصے سے فون دیوار پر مارا وہ دہشت گردوں کا بڑا تھا اور آج تک کسی نے اسکا فون نہ اٹھانے کی جرات نہیں کی تھی

اور وہ شخص جسکو وہ کال کر رہا تھا پرسوتی نامی آدمی جو ہندو تھا اسکو اپنے باس کا بار بار فون کرنا گھبراہٹ میں ڈال رہا تھا کیونکہ جن بچوں کا مال اس نے آج بھیجنا تھا وہ تین منٹ کی دیری سے اسکے ہاتھ سے نکل گیا تھا

اور اب وہ شخص پریشان تھا کیونکہ وہ تین کروڑ وہ سب لوگوں میں بانٹ چکا تھا جو جو اس میں شامل تھے اور اب وہ کیا کرے گا کیونکہ اگر یہ بات باس کو پتا چل جاتی تو وہ اسکی بوٹیاں بوٹیاں کر کہ کتوں کہ آگے ڈال دیتا

لیکن اب صرف روپوش ہونے کے علاوہ اس شخص کے پاس کوئی چارہ نہیں تھا کیونکہ وہ بچے آرمی کہ ہاتھ لگ چکے تھے اور آرمی سے بنگا لینا موت کو منہ لگانے جیسا تھا کیونکہ پاکستان کی صرف پولیس ہی بک سکتی تھی لیکن اس کی بھی ایک وجہ ہے اگر

ان کو اتنی فیسیلیٹیز مہیا کی جائیں تو شاید وہ کبھی رشوت نہ لیں مگر ہماری پولیس میں بھی بہت سے ایسے ایماندار آفیسرز ہیں جو اس ملک کیلئے کام کر رہے ہیں

لیکن جو محبت ہمیں اپنی آرمی سے ہے شاید اتنی پولیس والوں سے نہیں ہے کیونکہ انکے کچھ بےایمان لوگوں کی وجہ سے ساری پولیس فورس سے لوگوں کا اعتبار اٹھ چکا ہے

اس شخص نے اپنے بیگ میں کپڑے اپنا پیسا جو اس گھر میں موجود تھا وہ اور اپنی گن رکھی اور اپنے گارڈ کو گاری نکالنے کا بولا مگر وہ نہیں جانتا تھا کہ پولیس کے کچھ ایماندار نوجوان کافی دیر سے اسکے باہر نکلنے کا ویٹ کر رہے تھے اور جیسے ہی انکی گاڑی باہر نکلی وہ بھی اسکا پیچھا کرنے لگے جس روٹ سے انکو جانا تھا ڈرائیور نے گاڑی وہاں سے نہیں موڑی بلکہ ایک دوسرے علاقے سے نکلا وہ پنڈی میں تھی اور آگے سنسان راستہ تھا جب ڈرائیور نے گاڑی روکی اور پولیس کے نوجوان اپنی گاڑیوں سے نکل کر فورا اس بندے کی طرف بڑھے

اسکو کوئی موقع دیئے بغیر ایک انجیکشن اسکی گردن میں لگایا اور گھسیٹتے ہوئے اپنی گاڑی کی طرف لے کر گئے ایک پولیس آفیسر نے اس ڈرائیور کو کچھ پیسے دیئے اور اپنی گاڑی میں بیٹھ کر ایک نمبر ملایا

سر کام ہو گیا ہے تین گھنٹے میں یہ آدمی آپکے پاس ہوگا اس پولیس آفیسر نے اپنے ماتحت کو آگاہ کیا اپنے کام سے

اوہ دیٹس گڈ اسے آرمی کے اس قید خانے میں لے کر آئو جہاں غیر مسلم ایجنٹس کو رکھا جاتا ہے میجر کاشان احمد نے اسکو کچھ اور ہدایت دی

اوکے سر فی امان اللہ

فی امان اللہ جوان تم نے بہت بہترین کام کیا ہے کاشان نے اسکی تعریف کر کہ فون بند کردیا

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

مرتے ہیں اٹھتے ہیں پر جھکتے نہیں

اے میرے وطن تیرے یہ لال کبھی بکتے نہیں

وری گاڑی دڑائیو کر رہی تھی وہ لوگ پانچ منٹ کی دوری پر تھے اسکے اسپیڈ سے چلانے کی وجہ سے پیس منٹ کا راستہ پندرہ منٹ میں تہہ کرلیا تھا

کاشی کہ فون پر آنے والی کال پران سب نے اسکی طرف دیکھا اور اسکے کال اوکے کرنے سے پہلے ہی وری بول اٹھی

اگر صحیح سلامت جرنل کے گھر جانا چاہتے ہو تو کال اسپیکر پر کرو وہ جس انداز میں گھور کر کہہ رہی تھی کاشی نے پہلی فرصت میں کال کا اوکے کر کہ اسکا اسپیکر آن کیا اس کا کیا بھروسہ تھا کہ واقعی میں اسے چلتی گاڑی سے پھینک دیتی

فون پر ہونے والی باتیں ان سب نے سنی تھی

اور سب سے پہلے سوال کرنے والا علی تھا

تم نے کس بندے کو اٹھوایا ہے

سوتی کو کاشی نے آہستہ آواز میں کہا

یہ (سوتی) کون ہے نور نے چبھتے ہوئے لہجے میں کہا

اسنے ایک نظر اسکو اور پھر پیچھے بیٹھے لوگوں کو دیکھا جو اسے ہی دیکھ رہے تھے جس شخص کی کال تم نے اٹھائی تھی اسکا نام سوتی ہے

اور میں کافی دنوں سے اسکا پتا کرنے کی کوشش کر رہا تھا اور اب فائنلی وہ ہاتھ لگ گیا ہے یہ ہی ہمیں گلگت اس زلیل دہشت گرد کے پاس لے جانے میں مدد دے گا

اس شخص کے پاس ہر انفارمیشن ہوگی اور میں وہاں رکا بھی اسی لئے تھا کیونکہ جیسے ہی اسکو پتا چلتا کہ بچوں کو ہم نے بچا لیا ہے تو وہ اپنے بندوں کو بھیج کر ہر ممکن کوشش کرے گا انہیں ہم سے چھیننے کی اور اس نے ایک غلطی کردی تھی

اپنا پرائیویٹ نمبر یوز کرنے کے بجائے عام نمبر یوز کیا جس کو ہم نے ٹریس آوٹ کر کہ پہلے اسکا گھر ڈھونڈا اور اب وہ ہمارے پولیس کے نوجوانوں کے پاس ہے تین گھنٹے میں یہاں ہوگا کاشی اپنی بات کر کہ خاموش ہوا تو وری نے کہا

ساتھ یہ دعا بھی کرلو کہ تب تک تم اس کیس کا حصہ بھی رہو کیونکہ حلات ایسے نہیں ہے کہ اب آگے ہمیں آرمی میں بھی رکھا جائے

مجھے لگتا ہے وہاں کھڑے تم لوگوں سے وردی بھی مانگ لی جائے گی اس لئے اپنے کپڑوں کا انتظام کر لو وری کی بات پر اس بار صرف بلال نے قہقہ لگایا جبکہ کاشی اور اسد اسکو گھور رہے تھے ایسے کہ ابھی اسکو کچا جباجائیں گے

اچھا نہ ایسے گھوروں تو نہیں ویسے ہی میں اتنا ڈری ہوئی ہوں کیوں اور ڈرا رہے ہو وری نے بڑی معصومیت سے آنکھیں جھپکا کر کہا

تم اور ڈر جائو اللہ کو مانو وری کیوں بھری جوانی میں میرے کانوں کو گناہ گار کروا رہی ہو تم صرف لوگوں کو ڈرانے اور پاگل بناکے لئے ہو اس لئے خود کی ڈرنے کی باتیں نہ کرو وری کی بات سن کر اسد نے بھی اپنا حساب پورا کیا

وری نے زور سے ایکسیلیٹر پر سے پائوں ہٹایا اور بریک پر رکھا گاڑی ایک جھٹکے سے رکی کہ بلال کا سر اگلی سیٹ کی پشت پر لگا اسد بھی تھوڑا آگے ہوا مگر کاشی تھوڑا سہ ہی آگے ہوا اسکو عادت ہوگئی تھی وری کے ساتھ سفر کرنے کی اور اسکی عادت تھی کوئی بھی بات غلچ لگتی فورا ایک جھٹکے سے گاڑی روکتی

فرسٹ ٹائم جب اسنے ایسا کیا تھا تو کاشی کا سر ڈیش بورڈ پر جاکر لگا تھا مگر وری نے شرمندگی کے بجائے غصہ ہی کیا تھا کہ سیٹ بیلٹ کیوں نہیں پہنی

کاشی کو اس وقت تو غصہ آیا تھا مگر برداشت کر گیا اسکو لگا تھا آئندہ وہ ایسے نہیں کرے گی مگر اگلی ہی بار اسنے جگہ جگہ اسکو اتنے جھٹکے لگائے کہ کاشی کی عقل ٹھکانے آ گئی کہ یہ کبھی نہیں سدھر سکتی

وری نے سائیڈ سے ایک کٹ مارا اور جرنل کہ آفس کے آگے گاڑی روکی چلو یار آج انکا آفس بھی دیکھ لو گی بڑی حسرت تھی انکے گھر سے ملاقات کی وری نے ڈرامائی انداز میں شعر بولا اور آگے بڑی

وی تینوں مسکرائے اور کاشی نے ایک چپت اسکے سر پر لگا کر اسکو روکا

تم جونیئر ہو اس لئے میرے پیچھے آئو میں پہلے جائو گا

توبہ آج بتا ہی دیا تم نے کاشی کہ تم ثمینہ پھپو کہ بیٹے ہو بس آج تم نے مجھے یہ بات کہہ کر پرایا کر دیا تم سے جو محبت تھی میرے دل میں آج ختم ہوگئی ہے ہائے اللہ یہ سننے سے پہلے اسد کہ کان بہرے اور دیکھنے سے پہلے بلال کی آنکھیں بھینگی کیوں نہیں ہو گئی وری ڈرامائی انداز میں بولتی ہوئی آگے بھاگی وہ تینوں جو اسکی ایکٹینگ دیکھ کر مسکرا رہے تھے اسکے بھاگنے پر خود بھی دوڑ لگا کر آئے مگر وہ گیٹ کراس کر کہ اندر کھڑی ہوچکی تھی

کاشی نے اسکے پاس آکر اسکو گھور کر کہا

تم گھر چلو زرہ تمہیں ٹھیک کرونگا کاشی نے دانت پیس کر کہا

اب کچھ بھی بول لو باہر لگے کیمرے میں انٹری تو ہوگئی ہے میری سب سے پہلے اس سے پہلے کاشی اسکو کچھ سناتا ایک بندے نے آکر ان چاروں کو اندر جرنل کہ آفس میں بلوایا

کاشی کہ ساتھ ساتھ چلتے وری نے سرگوشی میں کہا

کاشی کیا کھانے کو کچھ دیں گے وری نے معصومیت سے پوچھا

کاشی نے گردن موڑ کر اسکو دیکھا اور زرا تیکھے لہجے میں بولا

جی بلکل اتنا کھانا ملے گا کہ تم سارا ہفتہ کچھ اور نہیں کھا سکو گی یہ ہی کھانا بہت ہوگا

کاشی کی بات کہ جواب میں وری نے کہا

پھر تم زیادہ کھا لینا کاشی کیونکہ تمہیں پتا ہے میں بغر کھائے نہیں رہ سکتی

وری خاموشی سے چلو کیوں اتنا بولتی ہو تم پیچھے سے اسد نے اسکو ٹوکا

تمہارے منہ سے نہیں بولتی ہوں اس لئے میرے ساتھ بکواس نہ کرنا یہ نہ ہو سارا الزام تم پر لگا دوں وری نے تپ کر کہا

اسکی بات کہ جواب میں اسد نے کچھ نہیں کہا کیونکہ اب وہ جرنل کے آفس کا گیٹ کھول کر اندر داخل ہوئے

اندر سر اویس جرنل اور کچھ اور سینئر آفیسر تھے جنہیں دیکھ کر ان چاروں نے سلوٹ کیا

وہاں ان چاروں کو ملا کر نو لوگ تھے اور وہ تین سینئر آفیسر وری کو وہاں دیکھ کر حیرت زدہ تھے مگر کچھ بول نہیں سکتے تھے

جرنل ان چاروں کی طرف مڑے اور اپنے روب دار لہجے میں بولے

میرا حکم کس کہ کہنے پر توڑا گیا تھا اور کیوں توڑ اگیا جرنل کی آواز میں انتہائی سختی تھی

اس سے پہلے کاشی جھوٹ بولتا وری نے کہا

سر ہم نے آپ کا حکم نہیں آڈرز توڑے ہیں اور بھی مینے مجھے شرمندگی ہے آپکی بات نہ ماننے پر مگر خوشی ہے یہ آڈرز توڑنے پر وری کی بات سن کر جرنل نے تیز لہجے میں کہا

آُپ جونیئر تھی اور وہاں آپکے سینئر موجود تھے تو آپ نے کیوں فیصلہ لیا

سر مس نور نے صرف پوچھا تھا آخری فیصلہ میرا ہی تھا کاشی نے بھی بنا تاثر کے جواب دیا

آپ جانتے ہیں میجر کاشان احمد کہ اس چیز پر آپ لوگوں کو نوکری سے بھی نکالا جا سکتا ہے

یس سر کاشی نے بلند آواز میں کہا

وہ چاروں ہاتھ پیچھے باندھے کھڑے تھے پھر بھی اپنے یہ رولز توڑے ہیں جرنل راحیل نے ایک بار پھر استفسار کیا

یس سر کاشی نے ایک بار پھر ہاں میں جواب دیا

وجہ بتا سکتے ہیں آپ

یس سر

تو بتائیں پلیز

سر اگر اس وقت وہاں سے آجاتے تو شاید نوکری بچا لیتے مگر ضمیر سو جاتا یا وہ ساری زندگی کوڑے لگاتا سر ہم پر بھروسہ کرتی ہے ہمری قوم اور کیا نوکری ان بچوں سے زیادہ اہم نہیں تھی ہمارے لئے جب ہم سروں پر کفن باندھ کر نکلتے ہیں تو اس بات کی پرواہ نہیں کرتے کہ اگر ہم شہید ہو گئے تو ہماری فیملی کا کیا ہوگا تو سر اب کیسے نوکری کی فکر میں ان بچوں کو چھوڑ دیتے کاشی کی بات بریگڈیئر اویس اور جرنل راحیل نے اسکو فخر سے دیکھا اور کہا

مجھے فخر ہے آپ لوگوں پر میں چاہتا تھا آپ ایسا جواب دیں اور مجھے خوشی ہے کہ آپ نے دیا لیکن آڈرز توڑنے پر آپ لوگوں کو سزا ملے گی کیونکہ یہ رولز ہیں ہمارے اور آپ جانتے ہیں میں یہ کوئی یہ رولز چینج نہیں کر سکتے

آپ دونوں کو ایک ماہ کیلئے سسپینڈ کیا جا رہا ہے ایک ماہ تک آپ آرمی کے کسی کیس پر کام نہیں کریں گے مجھے افسوس ہے اس بات پر لیکن یہ سزا صرف آپ دونوں کیلئے ہے باقی لوگوں کیلئے نہیں بس یہ رعایت دے رہا ہو آپ لوگوں کی پروموشن نہیں رکے گی جرنل کے خاموش ہوتے ہی وری کی زبان پر کھجلی ہوئی جو اس بات کی گوہی تھی کہ وہ اب خاموش نہیں رہ سکتی

سر مجھے سسپینڈ نہیں کیا جا رہا اسنے حیرت سے پوچھا

آپ کو ایک ماہ نہیں بلکہ تین ماہ کیلئے سسپینڈ کیا جا رہا ہے مگر مجھے دکھ سب سے زیادہ آپ کے لئے ہے کرنل نے افسردہ لہجے میں کہا

سر اگر آپ کو اتنا دکھ ہورہا ہے تو پلیز آپ ہمیں اس کیس پر کام کرنے دیں یہ کیس پورا ہوگا تو آپ یہ سزا ہمیں دے دیجیئے گا ہم نے محنت کی ہے اس کیس پر اور اگر یہ کیس کسی اور کو دیا گیا تو وہ دوبارہ سے ان سب کی انویسٹیگیشن کروائے گا جس میں صرف ٹائم ضایع ہوگا اور اس وجہ سے یہ نہ ہو وہ فائدہ اٹھا کر ہمارے قوم کے مستقبل کو روندھ دیں وری نے التجایا انداز میں کہا

میں بات کرتا ہو پرائم منسٹر سے اور میں انہیں منالوں گا دو دن ہیں آپ کے پاس آرام کےآج کا اور کل کا پرسوں آُ لوگ گلگت کیلئے نکلیں گے مگر یاد رہے اب کوئی آڈرز توڑنے پر آپکو غدار سمجھ کر گولی ماری جا سکتی ہے سو بی کیئر فل وہاں صرف آپ ہی نہیں پنجاب کے آفیسرز بھی ہونگیں آپکے ساتھ

اس لئے غلطر کی کوئی گنجائش نہیں کرنل کی بات کے جواب میں انہوں اثبات میں سر ہلایا

یس سر

اب آپ لوگ جائیں کرنل کا حکم سنتے ہی ان چاروں نے سلوٹ مارا اور باہر کی طرف جانے لگے جب سر نے پیچھے سے بلایا

میجر احمد

کاشی نے پیچھے مڑ کر سوالیہ نظروں سے انکو دیکھا وہ تینوں بھی انکو دیکھ رہے تھے

آج سے آپ مس نور کے انڈر کام کریں گے باقی لوگ آپ کے انڈر ہونگیں اور آپ مس نور کہ کرنل کی بات سن کر وری نے سر اویس کی طرف دیکھا جنہوں نے اپنی بائیں آآنکھ دبائی اور مسکرائے

وہ صرف مسکرائی اور ایک دفع پھر سلوٹ مار کر نکل گئی

کون کہتا ہے کہ آرمی والے مزاق نہیں کرتے یا جرنل اور آفیسرز میں باس کا رشتہ ہوتا ہے صرف نہیں کبھی انکے ساتھ رہ کر دیکھیں تو پتا چلے گا کہ وہ کتنی محبت کرنے والے ہیں بیچ میں کچھ لوگ ہوتے ہیں جو اکڑو غرور والے ہوتے ہیں

مگر جرنل راحیل بریگڈیئر اویس یہ سب بلکل فیملی کی طرح تھے ایک دوسرے کے ساتھ

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

ثناء اور آفان گھر پہنچ چکے تھے جہاز سے آنے کی وجہ سے اسنے منع کردیا تھا کسی کوبھی آنے سے اس وجہ سے ڈرائیور ہی انہیں گھر لے کر آیا تھا

اور اب سب ان سے مل رہے تھے سحر بیگم نے آفان کا ماتھا چوما اور دعا دی پھر ثناء کو گلے لگایا اور اسکا بھی ماتھا چوم کر دعا دی

آفان جیسے ہی فہد کے گلے لگا ساتھ میں سب سے استفسار کیا

یہ وری میرو اور کاشان کدھر ہیں اسکے پوچھنے پر نمرہ بیگم نے اداسی سے کہا

وہ ابھی تک ٹرپ پر ہے کل واپس آنا ہے اسنے دوپہر تک لو میں ہنی مون سے بھی ہو آیا اور وہ میدم ابھی تک غائب ہیں چلیں خیر میجر صاحب کدھر ہیں آفی نے کاشی کے بارے میں استفسار کیا

کہاں ہوگا ایک کیس پر کام کر رہا ہے اس لئے غائب ہے ابھی بھی تین دن ہوگئے ہیں گھر نہیں آیا

اوہ یہ بھی ہے اسکا کام بھی تو کتنا مشکل ہے وہ جاگتے ہیں تو بیس کروڑ عوام سکون سے سوتی ہے

ہاں اور اس بار کا کیس بھی زرا مشکل ہے شاید کیونکہ اسد بھی اسکے ساتھ ہے اس کیس میں

اچھا چلیں اللہ پاک حفاظت کرے دونوں کی بلکہ ہمارے سارے آرمی کے نوجوانوں کی

وہ ان سب کو دعا دے رہے تھے مگر انکلے زہن میں وری زرہ بھی نہیں تھی کہ وہ بھی آرمی میں اسی مشکل کیس میں ہو سکتی ہے

ہاں ویسے کہہ رہا تھا کل آئے گا گھر دیکھو اب آتا ہے کہ نہیں ثمینہ پھپو نے ٹھنڈے لہجے میں کہا

چلو تم لوگ بھی فریش ہو جائو پھر کھانا لگایا جائے ان سب نے باتوں کے درمیان ایک دفع بھی حسن صاحب کو نہیں دیکھا تھا جو دل میں اپنی بیٹی کی حفاظت کی دعائیں کر رہے تھے

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

واپس میں اسد گاڑی چلا رہا تھا ساتھ میں بلال تھا جبکہ پچھلی سیٹ پر وری اور کاشان فاصلے سے بیٹھے ہوئے تھے

یار ایک بات سمجھ نہیں آئی مجھے وری نے استفسار کیا

وہ کیا بلال نے پوچھا

کہ اگر سر کو میرے لئے اتنا دکھ تھا تو مجھے تین ماہ کے لئے سسپینڈ نہ کرتے لوگ خوش ہی نہیں ہو سکتے مجھ سے مطلب انکا دل نہیں دکھا ہوگا بلال مجھے سسپینڈ کرتے ہوئے وری دکھی انداز میں کہا

لگ تونہیں رے تھے دکھی وری تمہارے لئے جرنل صاحب کاشی نے نمک چھڑکا اسکے زخم پر

میجر صاحب زرہ تمیز سے مس کہہ کر پکاریں ورنہ آپکو سزا دی جائے گی اسکی آپکو وری نے سخت لہجے میں کہا

کاشی نے وہ سے بیٹھے بیٹھے اسکے سر پر چپت لگائی

تم نے چھوٹا ہی رہنا ہے مجھ سے سر کہ بولنے سے کای ہوتا ہے مینے تو تمہیں وری ہی بولنا ہے کاشی نے پھر سے چڑایا

ہاں تو میں بھی تمہٰن کاشی ہی بولونگی فکر نہ کرو ابھی وہ بات کر رہی تھی جب اسکا فون بجا

سر اویس کی کال تھی

اسنے منہ بنا کر کال اٹھائی

کیا مسئلہ ہے میں دو دن کی چھٹی پر ہوں دو دن بعد کال کریں شکریہ وہ فون بند کرنے والی تھی جب سر اویس نے کہا

میرے گھر پہنچو میں بھی آرہا ہوں تم سے کام ہے سر نے سختی سے کہا

زیادہ روب نہ جھاڑیں میں نہیں آ رہی وری نے پھر انکار کیا

وری یہ میرا آڈر ہے فورا گھر آئو انہوں نے یہ کہتے ساتھ کال کاٹ دی

ایک تو ہر کوئی مجھے اپنے روب میں رکھنا چاہتا ہے اور مطلب میں چھٹی کہ وقت بھی سکوں نہ کرو میرے گھر آجائو اللہ مجھ پر رحم کر ان ظالموں کو احساس دلا کہ یہ مجھ بچی سے کتنا کام کرواتے ہیں اتنی تو سیلری بھی نہیں دیتے جتنا کام کرواتے ہیں مجھ سے وری نے منہ بڑبڑا کر کہا

ماموں کہ گھر کی طرف چلو اسنے اسد سے کہا

کیوں ابھی تو دیکھ کر آئی ہو انہیں اسنے حیرت سے پوچھا

ہاں مگر سر کا دل نہیں بھرا مجھے دیکھ کر پھر سے بلایا ہے اور اب کوئی سوال مت کرنا مجھے وہاں چھوڑ کر تم سب جہاں جانا چاہو درف ہو جائو کیونکہ اب میں پرسوں سے پہلے تم لوگوں کو دیکھنا بھی نہین چاہتی وہ یہ بول رہی تھی یہ جانے بغیر کہ کل ہی سب پھر سے ملیں گیں۔