Sitam E Ishq By Abdul Ahad Butt NovelR50481 Sitam E Ishq (Episode - 29)

Sitam E Ishq By Abdul Ahad Butt

شازین رات کے تقریباً دس بجے کمرے میں پہنچا۔۔۔۔۔ وہ ہاتھ میں کھانے کی ٹرے لیے آیا۔۔۔۔۔۔ وہ جانتا تھا کہ ربعیہ نے صبح کا بس ناشتہ ہی کیا ہے۔۔۔

شازین کمرے میں آیا تو دیکھا وہ سامنے بیڈ سیدھی ہو کر بیٹھنے کے انداز میں لیٹی ہوئی تھی۔۔۔۔ وہ شائید سو رہی تھی۔۔۔۔

تھکاوٹ کی وجہ سے یوں ہی سو گئی۔۔۔۔۔ شازین اس کے پاس آیا اور اس کے سامنے بیٹھ گیا۔۔۔۔۔۔۔!!! اور اس کے چہرے پر ہاتھ پھیرتے ہوئے اسے جگایا۔۔۔۔

” آپ کب آئے۔۔۔۔۔۔؟“

ربعیہ نے ایک دم آنکھ کھولتے ہوئے سامنے شازین کو پایا۔۔۔۔ اور اس سے سوال کیا۔۔۔۔

” بس ابھی۔۔۔۔۔۔!“

اس کے چہرے پر کوئی بھی تاثر نہ تھا۔۔۔۔۔ نہ خوشی اور نہ ہی کوئی مسکراہٹ۔۔۔۔۔!

” یہ کھانا کھا لو۔۔۔۔۔۔! تم نے صبح سے کچھ بھی نہیں کھایا۔۔۔۔۔۔! میڈیسن بھی کھانی ہے۔۔۔۔۔!“

اس کی بات سن کر ربعیہ نے سر اثبات میں ہلا دیا اور کمرے میں گہری خاموشی چھا گئی۔۔۔۔۔ اس خاموشی کو توڑتے ہوئے شازین نے اس سے کہا۔۔۔۔

” کھایا تو صبح سے آپ نے بھی کچھ نہیں۔۔۔۔۔!“

ربعیہ نے اسے یاد کروایا کہ کھایا تو اس نے بھی صبح سے کچھ نہیں ہے۔۔۔۔۔!

” مجھے بھوک نہیں۔۔۔۔۔۔!“

اس کی بھوک تو جیسے مر کی گئی تھی۔۔۔۔۔ تبھی تو صبح سے کچھ نہ کھانے پر بھی اس کا کھانے کو جی ہی نہیں چاہ رہا تھا۔۔۔۔۔

” صبح سے آپ نے کچھ بھی نہیں کھایا ہے شازین۔۔۔۔۔ پلیز کچھ کھا لیں۔۔۔۔۔!“

ربعیہ نے کھانے کی طرف اشارہ کرتے ہوئے اس سے کہا۔۔۔۔

” میں نے کہا نا ربعیہ مجھے بھوک نہیں ہے۔۔۔۔۔ تم کھانا کھاؤ میں بعد میں کھا لو گا۔۔۔۔۔!“

شازین نے تھوڑا سا تلخ لہجہ اپنایا۔۔۔۔۔

” نہیں اگر آپ نہیں کھائیں گے تو میں بھی نہیں کھاؤں گی۔۔۔۔۔۔!“

اس نے روٹی کو توڑتے ہوئے ایک لقمہ بنایا اور اس کی طرف بڑھایا۔۔۔۔ شازین نے اسے دیکھا وہ جانتا تھا کہ اگر اس نے کہا ہے تو وہ نہیں کھائے گی۔۔۔۔ اس نے اس کا ہاتھ سے لقمہ کھا لیا۔۔۔۔۔۔!

” اب تو کھاؤں۔۔۔۔۔!“

شازین نے بھی ایک لقمہ توڑتے ہوئے اس کی طرف بڑھا دیا۔۔۔۔۔ جو ربعیہ نے اس کے ہاتھ سے کھا لیا۔۔۔۔۔

کھانا کھانے کے بعد شازین نے اسے میڈیسن کھلائی۔۔۔۔ اور اس کے ساتھ بیٹھتے ہوئے اس کے سر میں ہاتھ پھیرنے لگا۔۔۔۔۔۔! اور وہ کب سو گئی اسے خود بھی پتہ نہ چلا۔۔۔۔

اس کے بعد وہ آہستگی سے اس کے پاس سے اٹھتا ہوا کھڑکی میں آکر کھڑا ہو گیا۔۔۔۔۔۔ اور اپنی اور اپنی ماں کی کچھ حسین لمحات یاد کرنے لگا۔۔۔۔ یاد کرتے کرتے اس کی آنکھوں سے آنسو بہے جا رہے تھے۔۔۔۔۔۔ لیکن اسے مظبوط بننا ہے۔۔۔۔۔۔

عائشہ بھی اس وقت کھڑکی میں کھڑی تھی۔۔۔۔۔۔! وہ اور علی کچھ دیر ہی پہلے گھر پہنچے تھے۔۔۔۔۔!

علی کمرے میں داخل ہوا۔۔۔۔۔ تو دیکھا وہ کا پرواہ سی کھڑکی میں کھڑی تھی۔۔۔۔۔ ٹھنڈی ہوائیں بھی چل رہی تھی۔۔۔۔۔!

علی اس کے لیے فکر مند ہوا کہ کہیں اسے ٹھنڈ نہ لگ جائے۔۔۔۔۔ اس نے اپنی جیکٹ اتاری اور جا کر اس کے کندھوں پر رکھ دی۔۔۔۔۔

” تھینک یو۔۔۔۔۔۔!“

اپنے کندھوں پر اس کے ہاتھوں کا لمس محسوس کرتے ہوئے عائشہ نے غور کیا اور اس کا شکریہ ادا کیا۔۔۔۔۔

” یور ویلکم۔۔۔۔۔“

اس کے ساتھ کھڑے ہوتے ہوئے علی نے اس سے کہا اور اس کی طرف دیکھا جس کی آنکھیں نم تھی۔۔۔۔۔

” علی آپ کو پتہ ہے۔۔۔۔۔۔! میں نے اپنی ماں کے ساتھ اتنا وقت نہیں گزارا ہے جتنا میں نے اپنی چچی کے ساتھ گزارا ہے۔۔۔۔

بچپن میں ہی ماں بابا کا ایکسیڈینٹ ہو گیا جس کی وجہ سے ان کی وفات ہو گئی۔۔۔۔۔۔! مجھے اور ربعیہ کو انھوں نے ماں بن کر پالا۔۔۔۔۔

آج جب میں نے یہ سنا کہ وہ نہیں رہی۔۔۔۔۔ تو آج میرا دل خون کے آنسو رویا۔۔۔۔! آج میں نے اپنی ماں کو کھو دیا۔۔۔۔۔!!“

وہ کہتے کہتے رو پڑی تھی۔۔۔۔۔۔! جب ہی علی نے اسے اپنے سینے میں بھینج لیا۔۔۔۔۔ اور اس کے بالوں میں ہاتھ پھیرنے لگا۔۔۔۔۔

سلمان کمرے میں اکیلا بیٹھا تھا۔۔۔۔۔! ماں کا غم اسے ستا رہا تھا۔۔۔۔۔۔ وہ تو سوچ بھی نہیں سکتا تھا کہ اس کی ماں اسے یوں چھوڑ کر چلی جائے گی۔۔۔۔

اس کے ذہن میں بس اپنی والدہ کے ساتھ گزارے ہوئے لمحات چل رہے تھے۔۔۔۔ جب وہ چھوٹا تھا اور اگر کسی بھی چیز کی فرمائش کرتا تو اس کی ماں اس کی وہ فرمائش اسی وقت پوری کرتی۔۔۔۔

لیکن اب تو اس کی فرمائش کو پورا کرنے والا تو کوئی نہیں رہا۔۔۔۔۔ ماں جیسی محبت تو اسے کوئی بھی نہیں کرسکتا۔۔۔۔۔

پر اب اسے مظبوط بننا تھا۔۔۔۔۔ اپنے چھوٹے بھائی کے لیے۔۔۔۔۔۔۔“

وہ کچھ فائلز لیے اس کمرے میں داخل ہوا۔۔۔۔۔۔۔! سامنے ہی وہ اس کے انتظار میں بیٹھی ہوئی ملی۔۔۔۔۔۔

” جمال کام ہوا کہ نہیں۔۔۔۔۔۔۔“

ابھی جمال اس کے پاس پہنچا نہیں تھا جب ہی اس نے اس سے سوال کیا۔۔۔۔ جس پر وہ مسکرایا۔۔۔۔

” یس شاہینہ میم۔۔۔۔۔۔! جیسا آپ نے کہا تھا بالکل ویسا ہی کیا ہے۔۔۔۔۔۔! اس کیا نام ہے اس کا ؟ ہاں سلمی وہ مر گئی ہے۔۔۔۔بریکس فیل والا آئیڈیا ہمارے بہت کام آیا ہے میم۔۔۔۔۔۔“

جمال نے اس سے کہا تو وہ خوشی سے جھوم اٹھی۔۔۔۔۔۔

” آج میں بہت خوش ہوں۔۔۔۔۔ شازین صاحب۔۔۔۔۔۔! میں نے کہا تھا کہ میں تم سے بہت محبت کرتی ہوں۔۔۔۔۔ بہت محبت۔۔۔۔۔

اور ایسے میں میں تمھیں کسی بھی اور لڑکی کے ساتھ خوش کیسے دیکھ سکتی تھی۔۔۔۔۔!

اور پھر وہ بچہ۔۔۔۔۔۔!! آف میری صبر کا پیمانہ لبریز ہو گیا۔۔۔۔ اور میں نے تمھیں ایک چھوٹا سا دکھ دیا۔۔۔۔۔۔

پر افسوس میں تمھاری اس بیوی کو ختم کرنا چاہتی تھی۔۔۔۔۔ لیکن اس منحوس کی جگہ تمھاری والدہ آگئی اور بیچاری مر بھی گئی۔۔۔۔

چلو کوئی بات نہیں تمھیں دکھ دینا چاہتی تھی میں وہ تو تمھیں میں نے دے ہی دیا۔۔۔۔۔ اب ایک خوشخبری بھی دو گی۔۔۔۔۔۔“

وہ بولتی جارہی تھی جب کہ سامنے کھڑا جمال اس کی ہر بات پر مسکرا رہا تھا۔۔۔۔۔ وہ ہی وہ دونوں تھے۔۔۔۔۔ جنھوں نے اس گاڑی کے بریکس فیل کروائے۔۔۔۔

انھیں یہ تھا کہ ربعیہ صبح اپنے بہن کے گھر جائے گی تو وہ مر جائے گی۔۔۔۔ لیکن اس کی جگہ سلمی چلی گئی۔۔۔۔۔ اور بیچاری بے موت ماری گئی۔۔۔۔

شائید سلمی کا وقت اتنا ہی تھا جو پورا ہوگیا۔۔۔۔۔۔! لیکن جمال اور اس شاہینہ کو اپنی غلطی پر زرا بھی ندامت نہیں تھی۔۔۔۔۔!

انھیں ایک قتل کرتے ہوئے زرا بھی شرم نہیں آئی۔۔۔۔ اور وہ اس بات پر خوش تھے۔۔۔۔ پر کب تک۔۔۔۔؟ ایک نہ ایک دن تو خدا کی پکڑ ہو گی ان پر۔۔۔۔