Sitam E Ishq By Abdul Ahad Butt NovelR50481 Sitam E Ishq (Episode - 25)

Sitam E Ishq By Abdul Ahad Butt

 کچھ دن گزر گئے۔۔۔۔ علی اور اس کی فیملی اس کا رشتہ لے کر شائستہ کے گھر آئے۔۔۔۔ ربعیہ بھی وہی موجود تھی۔۔۔۔ سلمی اور باقی سب بھی وہی موجود تھے۔۔۔۔

عائشہ کو جب معلوم ہوا کہ علی اور اس کی فیملی اس کے رشتے کے عوض آئے ہیں۔۔۔۔ تو اسے شدید غصہ چڑھا۔۔۔۔ لیکن اس کی تربیت میں یہ شامل نہ تھا کہ وہ کسی بڑے سے بد تمیزی کرے۔۔۔۔

وہ چپ چاپ اٹھ کر کمرے میں آگئی۔۔۔ شائستہ سمجھ گئی کہ وہ کیوں کمرے میں گئی ہے۔۔۔۔

مہمانوں کے پاس ربعیہ اور شازین بیٹھے جبکہ شائستہ عائشہ کے پاس کمرے میں گئی۔۔۔۔

وہ کمرے میں پہنچی تو سامنے جا کر بیڈ پر بیٹھ گئی۔۔۔۔ اور خود پر قابو پانے لگی۔۔۔۔ اسے سمجھ نہیں آیا کہ کیا کرے۔۔۔۔؟

پھر دروازہ کھلنے کی آواز پورے کمرے میں گونجی۔۔۔۔۔۔ اس نے مڑ کر دیکھا تو شائستہ کمرے میں داخل ہوئی اور پھر اس کے پاس آکر بیٹھ گئی۔۔۔۔

” پھپھو میں یہ شادی ہر گز نہیں کرو گی۔۔۔۔۔”

جیسے ہی شائستہ اس کے پاس پہنچی اور بیٹھی اسی وقت عائشہ نے خود پر قابو کرتے ہوئے کہا۔۔۔۔

” عائشہ بیٹا۔۔۔۔۔۔!! ہر فیصلہ جلد بازی میں نہیں کرنا چاہئیے۔۔۔۔۔!! کچھ فیصلے یوں بھی ہوتے ہیں۔۔۔۔۔ جنھیں ہمیں تحمل مزاجی سے سلجھانا چاہئیے۔۔۔۔۔

ہر فیصلے میں یوں جلدی نہیں کرنی چاہئیے۔۔۔۔۔“ شائستہ نے بہت ہی تحمل سے کہا۔۔۔۔۔

” لیکن پھپھو مجھے جب اس معاملے کے بارے میں سوچنا ہی نہیں تو فیصلہ کیسا۔۔۔۔۔؟“

عائشہ نے اس بات کا صاف طور پر انکار کرتے ہوئے کہا۔۔۔۔ جس پر شائستہ کو دکھ ہوا۔۔۔۔۔

” بیٹا۔۔۔۔۔! تم میری بات سمجھ نہیں رہی ہو۔۔۔۔ مرد کے بغیر عورت ادھوری ہوتی ہے۔۔۔۔۔۔۔ میری جان جس زمانے میں تم رہ رہی ہوں۔۔۔۔۔ وہاں لوگ یہ معاشرہ عورت کا اکیلا رہنا بہت محال کر دیتے ہیں۔۔۔۔۔

میری جان علی سے شادی کر لو۔۔۔۔۔ میں نہیں چاہتی کہ تم زندگی اکیلے گزارو۔۔۔۔ میری جان یہ زندگی بہت لمبی ہے۔۔۔۔ تم اکیلے نہیں گزار پاؤ گی۔۔۔۔

عائشہ۔۔۔۔۔ ارباز ت۔۔۔ تمھاری زندگی سے چلا گیا ہے۔۔۔۔۔۔ میں نہیں چاہتی ہو کہ تم اکیلی رہو۔۔۔۔۔۔“

شائستہ اسے نرم لہجے میں سمجھا رہی تھی۔۔۔۔ جب ہی اس نے ارباز کا ذکر کیا تو اس کی آنکھوں سے آنسو بہہ گیا۔۔۔۔۔ جس پر عائشہ بھی رو پڑی۔۔۔۔ عائشہ کو اس کی بات کچھ کچھ سمجھ آرہی تھی۔۔۔۔

” اب بتاؤ کہ تمھارا کیا فیصلہ ہے۔۔۔۔۔۔۔؟“

عائشہ کو سمجھانے کے بعد کچھ لمحات کمرے میں خاموشی چھائی۔۔۔۔ اس خاموشی کو ختم کرتے ہوئے شائستہ نے کہا۔۔۔۔۔ عائشہ گہری سوچ میں پڑ گئی۔۔۔۔۔

” ٹھیک ہے۔۔۔۔۔!“

عائشہ نے علی سے شادی کے لیے رضامندی بھر دی۔۔۔۔۔ وہ اس سے شادی کے لیے تیار ہوگئی۔۔۔۔۔ شائستہ مسکرائی۔۔۔۔ اور اس کے ماتھے پر بوسہ دیا۔۔۔۔

اور یہ خوشخبری جا کر سب کو سنائی۔۔۔۔۔علی اور عائشہ کا رشتہ طہ پایا۔۔۔۔۔۔ اور دو ہی دنوں میں ان کا نکاح بھی طہ پا گیا۔۔۔۔ جس پر عائشہ کا کافی شاک ہوا۔۔۔۔۔

عائشہ علی کے ساتھ مال آئی تھی۔۔۔۔ کیونکہ کل ان کا نکاح ہے۔۔۔۔ اس لیے۔۔۔۔ کیونکہ عائشہ نے پہلے تو کوئی شاپنگ کی نہیں۔۔۔۔۔!

وہ تو شائستہ کے ساتھ آنا چاہتی تھی۔۔۔۔ پر اسے کچھ اہم کام تھے۔۔۔۔ جو اسے نبھٹانے تھے۔۔۔۔ جس کی وجہ سے عائشہ کو علی کے ساتھ ہی آنا پڑا۔۔۔۔۔

وہ سارا مال گھوم رہے تھے۔۔۔۔ عائشہ کو چند ایک چیزیں پسند آرہی تھی۔۔۔۔۔ جبکہ علی کو تو بس نہیں چل رہا تھا کہ وہ پورا ہی مال خرید لے۔۔۔۔ وہ بہت خوش تھا۔۔۔۔۔

عائشہ نے اسے کئی ہی چیزوں پر کہا کہ رہنے دیں۔۔۔۔۔ لیکن وہ تو اس کی سن ہی نہیں رہا تھا۔۔۔۔۔

یوں لگ رہا تھا کہ جیسے نکاح کی شاپنگ عائشہ نہیں کر رہی بلکہ بس علی ہی کر رہا ہے۔۔۔۔

اس کے بعد وہ ایک جیولری شاپ آئے۔۔۔۔ علی نے عائشہ کے لیے بہت اچھے دو سے تین جیولری سیٹ پسند کیے اور عائشہ کے منع کرنے کے باوجود بھی سارے کے سارے ہی خرید لیے۔۔۔۔

علی نے عائشہ سے کہا کہ کہیں گھومنے چلتے ہیں۔۔۔۔ پر اس نے یہ کہہ کر انکار کردیا کہ آج وہ بہت زیادہ تھکی ہوئی ہے۔۔۔۔ نہیں جانا چاہتی۔۔۔۔

علی اس کی بات کیسے نہ مانتا۔۔۔۔۔؟ وہ دونوں گھر کی طرف روانہ ہوئے۔۔۔۔

” علی۔۔۔۔۔۔! تم نے ہمیں یہ بات پہلے کیوں نہیں بتائی کہ عائشہ بیوہ ہے۔۔۔۔۔!“

وہ جیسے ہی گھر پہنچا تو سامنے نینا بیٹھی ہوئی ملی اور ساتھ ہی اس کے بابا بھی موجود تھے۔۔۔۔ وہ مسکراتا ہوا ان کی طرف بڑھا جب ہی نینا نے اس سے کہا۔۔۔۔۔

” میں نے چھپایا نہیں۔۔۔۔۔۔! میں نے بابا کو اس بارے میں سب کچھ پہلے ہی بتا دیا تھا۔۔۔۔ اور میں نے آپ سے یا ان سے کچھ بھی نہیں چھپایا۔۔۔۔“

علی نے پہلے ہی عائشہ کے بیوہ ہونے کے متعلق اپنے بابا کو بتا دیا اور یہ بھی کہا کہ نینا کو بھی اس کے متعلق آگاہ کردے۔۔۔۔ لیکن شائید انھوں نے اس بارے میں اسے کچھ بھی نا بتایا۔۔۔۔۔ جس پر نینا نے گھور کر انھیں دیکھا۔۔۔۔

” مجھے یاد نہ رہا۔۔۔۔۔“

خود کو کسی کی گہری نظروں میں پاتے ہوئے شازل صاحب نے کہا۔۔۔۔

” اتنی کوئی چھوٹی بات تو نہیں ہے یہ کہ آپ کو یاد نہ رہی ہو۔۔۔۔۔!!“

نینا نے ایک مرتبہ پھر سے گھور کر کہا اور وہاں سے سیدھا اپنے کمرے میں چلی گئی۔۔۔۔

نینا کچھ دیر کمرے میں بیٹھنے کے بعد کومل کے کمرے میں گئی۔۔۔۔۔ جہاں پر وہ بیٹھی ہوئی تھی۔۔۔۔ کمرہ اندھیرے میں ڈوبا ہوا تھا۔۔۔۔ نینا نے جاکر لائٹ آن کی۔۔۔۔

” کومل بچے۔۔۔۔۔! یہ کیا حالت کر لی ہے تم نے اپنی۔۔۔۔۔!! میری جان۔۔۔۔ تم فکر نہ کرو۔۔۔۔۔ میں کچھ بھی کر لو گی۔۔۔۔ پر علی کی شادی تم سے ہی کروا کر رہو گی۔۔۔۔۔“

نینا نے اسے تسلی دی جس پر کومل ہلکا سا مسکرائی۔۔۔۔ وہ با مشکل ہی مسکرائی۔۔۔۔کیونکہ ٹوٹے دل کے ساتھ مسکرانا کوئی آسان کام نہیں۔۔۔۔۔!!!!

” نہیں خالہ۔۔۔۔۔۔! اس کی کوئی ضرورت نہیں ہے۔۔۔۔۔۔ میں یہ سمجھ گئی ہوں کہ میرے نصیب میں خدا نے علی کو نہیں لکھا ہے۔۔۔۔ شائید میری قسمت میں کوئی اور ہوگا۔۔۔۔۔“

کومل نے با مشکل مسکراتے ہوئے ٹوٹے پھوٹے سے الفاظ ادا کیے جس پر نینا کی آنکھوں میں آنسو بھر آئے۔۔۔۔۔

” میری بچی کتنی بڑی ہوگئی ہو نہ تم۔۔۔۔۔! بڑی بڑی باتیں کرنے لگی ہوں۔۔۔۔۔!“ نینا نے اس کو اپنے گلے سے لگاتے ہوئے کہا۔۔۔۔

” خالہ۔۔۔۔۔!!! میں نے علی کو میشا سے کہتے ہوئے سنا تھا کہ وہ عائشہ سے محبت کرتا ہے۔۔۔۔۔۔ اور محبت چھیننے کا نام نہیں ہے۔۔۔۔۔ بلکہ محبت تو قربان کرنے کا نام ہے۔۔۔۔۔ تو میری محبت کیسی ہوئی اگر میں علی سے عائشہ کو چھین لو گی۔۔۔۔۔! میری دعا ہے کہ وہ دونوں ہمیشہ خوش رہیں۔۔۔۔ “

کومل نے دل بڑا کرتے ہوئے کہا۔۔۔۔ اتنا آسان نہیں تھا اس کے لیے کہ بچپن کی محبت کو یوں پیروں تلے رول دینا۔۔۔۔ لیکن وہ سمجھ گئی کہ خدا نے اس کے نصیب میں علی کو نہیں لکھا۔۔۔۔

نینا کو بھی احساس ہوا کہ وہ عائشہ کے لیے کتنے برے خیالات رکھ رہی تھی۔۔۔۔۔ جو اس کی غلطی تھی۔۔۔۔۔ اس نے اپنی غلطی سدھارنے کا سوچا۔۔۔۔

” تو اب کیا کرنا ہے آگے تمھیں کچھ سوچا ہے۔۔۔۔؛“

اس کو گلے لگائے ہوئے نینا نے اس سے سوال کیا۔۔۔۔ جس پر وہ ہولے سے مسکرائی۔۔۔۔

” کیا کرنا ہے۔۔۔۔۔ پڑھائی کرو گی۔۔۔۔۔ پر یہاں نہیں دوسرے ملک جا کر۔۔۔۔!“ کومل نے کہا تو وہ مسکرائی اور سر اثبات میں ہلا گئی۔۔۔۔