Sitam E Ishq By Abdul Ahad Butt NovelR50481 Sitam E Ishq (Episode - 26)

Sitam E Ishq By Abdul Ahad Butt

دن کیسے گزرے گئے عائشہ کو پتہ ہی نہیں چلا۔۔۔۔۔ آج اس کا نکاح کے علی کے ساتھ۔۔۔۔ پارلر سے کچھ بیوٹیشنز آئی تھی اسے تیار کرنے کے لیے۔۔۔۔

علی کے گھر والوں کی تیاریاں بھی زور و شور پر رہی۔۔۔۔ نکاح عائشہ کے گھر ہونا تھا۔۔۔۔ نکاح کی سب تیاریاں ہو گئی۔۔۔۔

علی اور اس کی فیملی عائشہ کے گھر پہنچ گئے۔۔۔۔ مولوی صاحب بھی آگئے۔۔۔۔ اور پھر نکاح کی رسمیں شروع کی گئی۔۔۔۔

دونوں نے اس نکاح کو قبول کر لیا۔۔۔۔۔ علی اور عائشہ کا نکاح ہو گیا۔۔۔۔ اور اب وہ دونوں ایک دوسرے کو اپنی زندگی میں شامل ہو گئے تھے۔۔۔۔

نکاح کے بعد کافی دیر تک وہ لوگ عائشہ کے گھر ہی رہے۔۔۔۔

کافی باتیں کی کافی ہنسی مزاق کیا۔۔۔۔۔ شام ہو گئی۔۔۔۔۔ لیکن عائشہ کمرے سے نہیں نکلی۔۔۔۔وہ ایک مرتبہ آئی لیکن دس سے بیس منٹ بعد ربعیہ کے ساتھ کمرے میں چلی گئی۔۔۔۔۔ اس کا دل ہی نہیں کر رہا تھا۔۔۔۔ علی نے یہ نوٹ کیا۔۔۔۔۔ پر باقی کسی نے بھی نہیں۔۔۔۔۔۔

کومل بھی علی اور عائشہ کے نکاح میں خوشی خوشی شامل ہوئی۔۔۔۔۔! نینا بھی کافی خوش تھی۔۔۔۔ سب کی زندگیوں میں خوشی کی لہر ڈور ڈور گئی تھی۔۔۔۔۔

لیکن سلمی کو اس شادی سے کچھ خاص خوشی نہیں ملی۔۔۔۔۔ وہ عائشہ کو کسی بھی قیمت پر خوش نہیں رہنے دے سکتی تھی۔۔۔۔۔ اس نے عائشہ کے متعلق بہت برا بھلا کہا لیکن شائستہ نے اسے صاف جھٹک دیا۔۔۔۔۔

عائشہ صبح آفس پہنچی۔۔۔۔۔۔! اور اپنے کمرے میں آگئی۔۔۔۔ اور جیسے ہی کمرے میں داخل ہوئی اوپر سے گلاب کے پھول اس پر گر پڑے۔۔۔۔۔

وہ کافی حیران ہوئی۔۔۔۔ اس نے مڑ کر دیکھا تو پیچھے علی کو پایا۔۔۔۔۔ اس نے حیرانگی سے اسے دیکھا۔۔۔۔ جو مسکرا رہا تھا۔۔۔۔۔

” یہ سب کیا ہے۔۔۔۔۔۔!!“

عائشہ نے حیرانگی سے اسے دیکھتے ہوئے کہا۔۔۔۔ علی نے اپنے قدم اس کی طرف بڑھا دیے۔۔۔۔

” کیا ہے مطلب۔۔۔۔۔؟ پسند نہیں آیا میرا سرپرائز۔۔۔۔۔۔“

علی نے سوالیہ نظریں لیے ہوئے اس سے سوال کیا۔۔۔۔۔ جس پر وہ خود سوچ میں پڑ گئی کہ کیا کہے۔۔۔۔

” ن۔۔۔۔نہیں میرا وہ مطلب نہیں تھا۔۔۔۔۔!“

عائشہ نے کہا تو وہ ہلکا سا مسکرا گیا۔۔۔۔۔ اور اس کی کمر کے گرد بازو حائل کرتا ہوا اسے اپنے قریب کر گیا۔۔۔۔۔۔ عائشہ کو اس کے اس عمل کی بالکل بھی امید نہیں تھی۔۔۔۔۔

” یہ کیا کر رہے ہیں آپ۔۔۔۔۔؟“

عائشہ نے حیرانگی سے اسے دیکھتے ہوئے کہا۔۔۔۔۔ جس پر وہ مسکرایا۔۔۔۔

” اپنی بیوی کو ہاتھ لگانا یا اسے اپنے قریب کرنا کیا کوئی جرم ہے۔۔۔۔؟“

علی نے گہری مسکراہٹ میں پڑتے ہوئے کہا۔۔۔۔

” نہیں۔۔۔۔۔! لیکن کوئی دیکھ لے گا۔۔۔۔۔“

عائشہ کو یہ ڈر کھائے جا رہا تھا کہ اگر کوئی روم میں آگیا اور ان دونوں کو ساتھ دیکھ کیا تو وہ اس کے بارے میں کیا سوچے گا؟؟

” آگیا تو آگیا۔۔۔۔۔ مجھے کسی کی کوئی بھی پرواہ نہیں۔۔۔۔۔ تم میری بیوی ہو۔۔۔۔۔ کوئی غیر تو نہیں۔۔۔۔۔!“

علی نے اسے سمجھاتے ہوئے کہا۔۔۔۔ جس پر عائشہ نے اسے گھورا۔۔۔۔

” عائشہ میں تمھیں ایک بات کلئیر کردیا چاہتا ہوں کہ میں نے یہ شادی کسی کے بھی دباؤ میں آکر نہیں کی۔۔۔۔

یا اس وجہ سے نہیں کی کہ تم پہلے بھی شادی شدہ رہ چکی ہو تم پر کوئی احسان نہیں کیا۔۔۔۔ یا یہ ہمدردی نہیں ہے۔۔۔۔

میں تم سے آج سے دو سال پہلے بھی محبت کرتا تھا۔۔۔۔۔ آج بھی کرتا ہوں۔۔۔۔ اور آگے بھی ہمیشہ یوں ہی کرتا رہوں گا۔۔۔۔۔“

علی اس کے بالوں کو سہلاتا ہوا اسے بتاتا گیا اور وہ چپ چاپ اس کی بات کو سنتی گئی۔۔۔۔

” کل آپ کمرے سے باہر کیوں نہیں آئی۔۔۔۔۔؟“

علی نے تشویش ناک انداز میں اسے سے سوال کیا۔۔۔۔۔ جس پر وہ سوچ میں پڑ گئی کہ کیا جواب دے۔۔۔۔۔

” و۔۔۔۔ وہ میری طبعیت خراب تھی اسی لیے۔۔۔۔۔۔!“

پہلے تو عائشہ کے ذہن میں کچھ نہ آیا لیکن جیسے ہی یہ بات آئی وہ فوراً بول دی۔۔۔۔۔ در حقیقت تو وہ علی کے سامنے نہیں آنا چاہتی تھی۔۔۔۔ اور گھر والوں نے یہ سمجھ لیا کہ وہ شرما رہی ہے۔۔۔۔۔

” اچھا۔۔۔۔۔۔ کیا ہوا طبعیت کو۔۔۔۔۔ آپ نے میڈیسن لی۔۔۔۔۔“

علی نے جیسے ہی اس کی بات سنی اس دل میں پریشانی کی لہر دوڑ اٹھی اس نے فوراً اس سے کہا۔۔۔۔

” میں اب بالکل ٹھیک ہوں۔۔۔۔۔!“

عائشہ نے مسکراتے ہوئے اس کی پریشانی کو یہ بتاتے ہوئے دور کیا کہ وہ اب بالکل ٹھیک ہے۔۔۔۔ جس پر علی مسکرایا۔۔۔۔

اگلے ہی لمحے علی اس کے گالوں پر جھکا اور اس کے نرم گالوں پر اپنے لب رکھ گیا۔۔۔۔ عائشہ کا دل زور سے دھڑکا اٹھا۔۔۔۔ اسے اس کی بالکل بھی امید نہ تھی۔۔۔۔

علی نے اس بات کی بھی پرواہ نہ کی کہ وہ دونوں آفس میں کھڑے ہیں۔۔۔۔ اگر کسی نے دیکھ لیا تو کیا ہوگا۔۔۔۔؟ جبکہ عائشہ کو تو خوف کھائے جارہا تھا کہ اگر کوئی آگیا تو۔۔۔۔!

وہ آہستگی سے پیچھے ہوئی۔۔۔۔۔ وہ مسکرایا۔۔۔۔۔

” چلو کہیں باہر چلتے ہیں لنچ بھی باہر ہی کر لیں گے۔۔۔۔۔!“

علی نے اس کے گالوں کو سہلاتے ہوئے کہا تو وہ سوچ میں پڑ گئی کہ کیا کہے۔۔۔۔۔

” ن۔۔۔۔نہیں مجھے بہت کام ہے آفس میں ویسے بھی میں کل آفس نہیں آئی تھی تو اس کا بھی کافی پینڈنگ ورک پڑا ہوا ہے۔۔۔۔۔ کل چلیں گے۔۔۔۔۔!“

عائشہ نے اسے سمجھایا کہ کام کافی ہے اس وجہ سے نہیں جاسکتی وہ۔۔۔۔۔ آج نہ جانے کے لیے اس نے کل کا کہہ دیا۔۔۔۔۔

” ٹھیک ہے۔۔۔۔۔“

علی اس کی بات کو سمجھتے ہوئے مان گیا۔۔۔۔۔

” پر میں کل کوئی بھی بہانہ نہیں سنو گا۔۔۔۔۔ “

علی نے مسکراتے ہوئے کہا۔۔۔۔ جس پر وہ بھی با مشکل ہی مسکرائی۔۔۔۔

اب کچھ ہی دن باقی تھے ان کی شادی میں۔۔۔۔۔۔ان کی شادی سے ایک ہفتہ پہلے ان کا نکاح ہوا۔۔۔۔۔

” عائشہ۔۔۔۔۔ تو نے میرا سہاگ اجاڑا تھا۔۔۔۔۔ تو تجھے میں کیسے صدا سہاگن رہنے دو۔۔۔۔۔

میں قسم کھاتا ہوں کہ تیرہ زندگی کو برباد کر دو گی عائشہ میں۔۔۔۔۔ تجھے کبھی خوش نہیں رہنے دو گی۔۔۔۔

تیری زندگی میں خوشی کو قدم بھی نہیں رکھنے دو گی میں۔۔۔۔۔۔۔۔ جس طرح میں برباد ہو گئی۔۔۔۔ اس طرح تو بھی برباد ہوگی۔۔۔۔

اتنا رسوا کرو گی تجھے میں عائشہ کی تو تڑپے گی۔۔۔۔۔ تو روئے گی۔۔۔۔۔ موت کی بھیک مانگے گی۔۔۔۔۔ پر تجھے موت کی بھیک بھی نہیں ملے گی۔۔۔۔۔! یہ میرا وعدہ ہے خود سے۔۔۔۔۔“

کمرے میں اندھیرا کیے کھڑکی کے پاس کھڑے ہو کر سلمی نے دل میں سوچا۔۔۔۔۔ اور اسے کرنے کی ٹھان بھی لی۔۔۔۔۔ وہ عائشہ کو ویسے ہی پسند نہیں کرتی تھی۔۔۔۔۔۔

لیکن جب سے عائشہ نے انوار کو جیل بھجوادیا۔۔۔۔۔ وہ اس سے مزید نفرت کرنے لگی۔۔۔۔۔ مگر وہ یہ بات بھول گئی کہ جو گھڑا ہم دوسروں کے لیے کھودتے ہیں اس میں خود ہی گرتے ہیں۔۔۔۔۔