Mein Kese Kahun by Umme Emman Fatima NovelR50540 Mein Kese Kahun (Episode 03)

Mein Kese Kahun by Umme Emman Fatima

“بھابھی آپ ٹھیک ہے نہ ؟” پری زیب نے ساٸرہ کا اترا ہوا چہرہ دیکھ کر پوچھا۔۔۔

“بالکل ٹھیک ہے بچے یہ“آپ ٹھیک سے کھانا کھاٸیں۔۔”احمد نے کہا۔۔۔

پری لب بھینچ کر کھانے کیطرف متوجہ ہو گٸی۔۔

کھانا کھا کر وہ فارغ ہوٸی اور پھر ساٸرہ کیساتھ کچن سمیٹا اور روم میں آکر اپنے اساٸمنٹ کمپلیٹ کرنے لگی۔۔

۔۔۔۔۔۔۔۔۔۔۔۔۔۔۔۔

“یہ سوپ پٸیو اور پھر میڈیسن کھانی ہے۔۔”ناٸلہ آفندی نے سوپ کا بال زین کے سامنے رکھتے ہوۓ کہا۔۔

زین چپ چاپ سوپ پینے لگا۔۔۔

“یہ پری زیب کون ہے؟” ناٸلہ آفندی نے شرارت بھرے لہجے میں پوچھا۔۔۔

پری زیب کا نام سن کر زین کو لگا اسکا حلق کڑوا ہو گیا۔۔

“ککک“کون پری زیب“وہ انجان بن کر بولا۔۔

“وہی پری زیب جو تمہیں بچانے کیلٸے غنڈوں سے الجھ پڑی اور تمہیں بچا کر ہاسپیٹل پہنچایا۔۔”ناٸلہ آفندی نے کہا۔

زین کا سوپ پیتے ہاتھ رک گیا۔۔۔

“پری زیب نے مجھے بچایا غنڈوں سے۔”وہ جھلا کر بولا۔۔

ناٸلہ آفندی نے اثبات میں سر ہلایا۔۔۔

“اوففففف”اب وہ لڑکی اور میرے پیچھے پڑ جاۓ گی پہلے ہی جان نہیں چھوڑتی۔۔”وہ بڑبڑایا۔۔

‘وہ لڑکی کیا تم سےپیار کرتی ہے؟” ناٸلہ آفندی نے پرجوش انداز میں پوچھا۔۔

“وہ میری جاٸیداد کے پیچھے ہے جیسے وہ تھی“وہ کرب سے بولا۔۔۔۔۔

ناٸلہ آفندی لب بھینچ کر اسے دیکھے گٸی۔۔

“صبح یونیورسٹی سے چھٹی کروگے کیا؟” ناٸلہ آفندی نے اسکا دھیان بٹانے کیلٸے پوچھا۔۔

“نہیں مام ،جاٶں گا یونی کیونکہ بہت ضروری اساٸمنٹ تیار کرنی ہے کل اس جھگڑےکے چکر میں کچھ بھی نہیں کر پایا۔”وہ جلدی سے بولا۔۔۔۔۔۔

ناٸلہ آفندی نے اثبات میں سر ہلا دیا۔۔۔

۔۔۔۔۔۔۔۔۔۔۔۔۔۔۔۔۔۔۔

پری زیب یونیورسٹی کے سامنے پہنچی تو زین آفندی کو گاڑی پارک کرتے دیکھ کر چونکی۔۔

پھر وہ کیب سے اتر کر اسکی طرف آ گٸی۔۔

“ہاۓ زین۔۔”وہ پاس جاکر بولی۔۔

زین نے تیوری چڑھا کر اسے دیکھا۔۔

“کتنی ڈھیٹ ہو تم “پھر سے میرے راستے میں آ گٸی۔”وہ تپ کر بولا۔۔۔۔

میں تو صرف آپکی طبیعت کا پوچھنے آٸی تھی۔۔

“تمہیں مجھ سے اور میری طبیعت سے کیا مطلب ہے،تم صرف مجھ پہ احسان جتلانے آٸی ہو کہ تم کتنی عظیم ہو کہ تم نے مجھے بچایا مگر میں جانتا ہوں تم جیسی لڑکیوں کو جو ایسی حرکتیں صرف مجھ جیسے لڑکوں کو پھانسنےکیلٸے کرتی ہیں“وہ نفرت بھرے انداز میں بولا۔۔

“یو نو واٹ ،میرا دماغ خراب تھا جو آپکو بچالیا۔اچھا تھا مر مرا جاتے تو دھرتی سے بوجھ کم ہوجاتا۔اور کیا بولا آپ نے کہ آپکو پھانسنے کیلٸے کرتی ہوں ۔زرا آٸینے میں اپنا آپ دیکھنا کیاہے آپ میں؟ “وہ تھوڑا رکی ۔۔۔

“ایک عام سے لڑکے ہو،میرے خاندان میں آپ سے خوبصورت لڑکے پاۓ جاتے ہیں،اور یہ جو لڑکیاں آپ پہ مرتی ہیں نہ وہ صرف آپ کا گمان ہے۔وہ آپ کی برانڈ پہ مرتی ہیں“اور آپ جیسی برانڈ میرے جوتے کی نوک پہ رہتی ہے۔۔”وہ غصے سے بولتی چلی گٸی۔

وہ نہیں جانتی تھی کہ اسکے الفاظ نے کسی کے زخموں پہ لگا کھرنڈ کھرید دیا ہے۔۔۔

پھر پری زیب ایک غصہ بھری نظراس پہ ڈال کر یونیورسٹی میں گھس گٸی۔۔

۔۔۔۔۔۔۔۔۔۔۔۔۔۔۔۔۔۔۔

زین آندھی طوفان کیطرح گاڑی چلاتا گھر آیا اور دھپ دھپ کرتا سیڑھیاں چڑھ کر اپنے روم میں آیا۔۔

اس نے اپنی شرٹ اتار کر پھینکی اور واش روم میں جاکر شاور کے نیچے کھڑا ہو گیا۔۔

پھر جب اسکا غصہ ٹھنڈا ہوا تو وہ ٹاول سے سر پونچھتا باہر نکل گیا۔۔۔۔

پھر اس نے خودکو مرر میں دیکھا۔۔

گندمی نما سانولا سلونا سا رنگ اور تیکھے نین نقش اور ہلکی سے شیو اسے مزید پرکشش بناتی تھی۔اور کسرتی بدن اسے بہت سوں سے الگ کرتا تھا۔

سوہنی،اس نے کرب سے آنکھیں میچی۔۔اور ماضی کی کرب بھری یادیں اسکے سامنے آنے لگی۔۔۔

(“سوہنی،تم مجھے نہی چھوڑ سکتی تم تو میری واحد خوشی ہو“میں تمہاری بنا مر جاٶں گا۔۔”وہ تڑپ کر بولا۔

“تو مر جاٶ بوجھ کم ہو جاۓ گا دھرتی سے۔اور تم زرا آٸینے میں خود کو دیکھنا کیا ہو تم۔تمہارے دوست تمہیں فرعون کی لاش جو کہتے ہیں وہ ٹھیک ہی کہتے ہیں۔”وہ اس پہ چلاٸی۔۔)

زین جھٹکے سے آنکھیں کھول کر ماضی سے حال میں آیا اور سرخ انگارہ ہوتی آنکھوں کو ہاتھوں سے مسلا اور پھر تیار ہوکر وہ باہر نکل کر دوبارہ یونیورسٹی کیلٸے نکل گیا۔۔

۔۔۔۔۔۔۔۔۔۔۔۔۔۔۔۔۔

پری زیب مضطرب سی بیٹھی آڑی ترچھی لاٸینیں کھینچ رہی تھی۔۔

مس پری زیب آپ کو پرنسپل سر نے بلوایا ہے۔پیون نے پاس آکر کہا تو وہ چونک کر سیدھی ہوٸی۔۔

پھر وہ اٹھ کر پرنسپل کے روم کیطرف بڑھ گٸی۔۔

“مے آٸی کمنگ سر“اس نے دروازے پہ کھڑے ہو کر پوچھا۔۔۔

“اووووہ “یس مس پری زیب اندر تشریف لاٸیں۔۔”

وہ اندر داخل ہوٸی تو سامنے کرسی پہ ایک گندمی رنگت کی پرکشش خاتون بیٹھی تھی۔۔جنکے بیٹھنے میں بھی ایک وقار اور متانت تھی۔۔پری زیب انکی پرسنالٹی سے کافی متاثر ہوٸی۔۔

وہ دلچسپی سے پری زیب کو ہی دیکھ رہی تھی۔پری زیب انکی نگاہوں سے پزل ہو گٸی۔۔

“سر آپ نے مجھے بلایا؟ “وہ اپنا اعتماد بحال کرتے ہوۓ بولی۔۔

“یہ مسز ناٸلہ آفندی ہیں زین آفندی کی مدر ۔۔”پرنسپل کے کراٸے تعارف پہ وہ چونک کر انہیں دیکھنے لگی۔۔۔

“بیٹھو نہ پری زیب“ناٸلہ آفندی نے پروقار انداز میں کہا۔۔

“بچے میں آج صرف اس بہادر لڑکی سے ملنے آٸی تھی جس نے میرے بیٹے کی جان بچاٸی مگر مجھے تو یہاں آکر پتا چلا کہ آپ تو اپنے نام کیطرح پریوں جیسی ہیں۔”۔آپ کو پتا ہے کہ آپ کتنی خوبصورت ہیں“یہاں اتنی لڑکیاں خوبصورت بنی ہیں مگر آپ خوبصورت اوپر سے ہی بنا کر بھیجی گٸی ہیں۔۔”ناٸلہ آفندی نے اسکے گال کو چھوتے ہوۓ کہا۔۔۔

“تھینکس مسز آفندی،میں خود آپ جیسی پروقار خاتون سے مل کر بہت خوش ہوں“پری زیب نے کہا۔۔۔

“ایک ریکویسٹ کر سکتی ہوں آپ سے ؟” ناٸلہ آفندی نے پوچھا۔۔

“جی شیور۔۔۔۔”وہ بولی۔۔

“ہمارے نیکسٹ ویک اینورسری پارٹی ہے پلیز آپ کو انویٹیشن دے رہی ہوں،پلیز ضرور آٸیے گا۔”

“میں آپ سے وعدہ تو نہیں کرتی مگر میں کوشش ضرور کرونگی۔۔”پری زیب نے انکے انویٹیشن پہ جلدی سے کہا۔۔

پھر ناٸلہ آفندی کو خدا حافظ بول کر وہ باہر آٸی۔۔

“مجھے لگتا ہے مجھے اس کھڑوس کو سوری بولنا چاہیے بہت زیادہ بول دیا تھا اسکو صبح“وہ چلتے ہوۓ بڑبڑاٸی

۔

پھر وہ زین کی کلاس کیطرف آٸی اور دروازہ کھول کر وہ اندر داخل ہوٸی۔تو زین کی اسکی طرف پیٹھ تھی۔۔

“رک جاٶ مس پری زیب،اور یہی سے واپس دفع ہوجاٶ۔ورنہ میں حشرکردونگا تمہارا۔۔”وہ مڑے بغیر بولا۔۔۔

پری زیب الٹے پاٶں واپس مڑ گٸی۔۔۔

“اووفففف“نجانے کیوں ہر بار اس بدتمیز سے پھر بات کرنےآجاتی ہوں۔”اس نے جھلا کر سوچا۔۔

اور پھر اپنی باقی کی کلاسسز لینے کیلٸے اپنے کلاس روم کیطرف چل پڑی۔۔۔

۔۔۔۔۔۔۔۔۔۔۔۔۔۔۔۔۔۔

زین گھر پہنچا تو ناٸلہ آفندی لاٶنج میں ہی بیٹھی تھیں۔۔

وہ سلام کرکے انکے پاس ہی بیٹھ گیا۔۔

وہ کوٸی لسٹ تیار کر رہی تھیں۔۔

“یہ کس چیز کی لسٹ ہے؟ “اس نے پوچھا۔۔

“آپ کو پتا ہی ہے میں اپنی اینورسری پہ ہر بار غریبوں کو راشن ضرور دیتی ہوں تو بس وہی لسٹ تیارکر رہی ہوں۔۔”وہ مسکرا کر بولی۔۔۔

زین نے ان کا ہاتھ تھام کر اپنے لبوں کیساتھ لگایا۔۔۔

“مام آپ ورلڈ کی نہ صرف بیسٹ مام ہیں بلکہ ورلڈ کی بیسٹ عورت بھی ہیں۔ہماری ہاٸی سوساٸٹی میں آپ واحد عورت ہیں جو بنا کسی مفاد کے غریبوں کیلٸے اتنا سوچتی ہیں۔”زین نے محبت سے کہا۔۔

“اووووہ میرا بچہ، بس بس زیادہ تعریف مت کرو پھول جاٶں گی۔۔”وہ مسکرا کر بولی۔۔

زین دھیما سا مسکرا دیا۔۔۔

“زین اس بار اینورسری پہ تم گانا گاٶ گے نہ“ناٸلہ آفندی نے پوچھا۔۔

“مام آپکو پتا ہے نہ کہ گانا چھوڑ چکا ہوں“وہ لب کاٹتے ہوۓ بولا۔۔

“اپنی ماں کیلٸے میری جان”وہ امید بھرے لہجے میں بولیں۔۔۔

“اوکے ٹھیک ہے،لیکن آپ پھر مجھے زیادہ دیر تک پارٹی میں رہنے کیلٸے فورس نہیں کریں گی۔”وہ بولا۔۔

ناٸلہ آفندی نے اثبات میں سر ہلا دیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔

“بھیا آپ سے ضروری بات کرنی ہے۔”پری زیب نے احمد کے پاس آکر کہا۔۔

“جی میرے بچے ،”احمد نے اسے اپنے ساتھ بیٹھاتے ہوۓ پیار سے کہا۔۔۔۔

“وہ جس لڑکے کو میں نے بچایا تھا اس کی مدر آٸیں تھیں آج مجھ سے ملنے،انہوں نے مجھے اپنی پارٹی میں بلوایا ہے۔” وہ ہولے سے بولی۔۔

_بیٹا،آپ کو فورا انکار کر دینا چاہیے تھا،”احمد نے کہا۔

“وہ بھیا انکے پروقار انداز کے سامنے مجھے لگا کہ انکو انکار انکی توہین ہوگی وہ اس قدر ناٸس خاتون ہیں۔۔”وہ جلدی سے بولی۔۔

ہوووں،ٹھیک ہے۔جس دن بھی جانا ہوگا مجھے بتا دیناتو میں تمہیں چھوڑ دوں گا،احمد نے کہا۔۔

تھینک یو بھیا“وہ احمد کے سینےکیساتھ لگتے ہوۓ بولی۔۔۔

ویسےایڈریس ہے انکے گھر کا۔۔؟

پری زیب نے نفی میں سر ہلا دیا۔۔۔۔

تو پھر جاٶ گی کیسے۔۔؟ احمد نے مسکرا کر پوچھا۔۔۔

کوٸی بات نہیں ،وہ میں اس لڑکے سے پوچھ لوں گی۔پری زیب نے کہا۔

احمد نے اثبات میں سر ہلا دیا۔۔

پری اٹھ کر سونے کیلٸے چلی گٸی۔۔

صبح جب وہ یونیورسٹی پہنچی تو زین کی گاڑی نہیں کھڑی تھی جسکا مطلب تھا کہ وہ ابھی آیا نہیں تھا۔۔۔

وہ وہی کھڑی ہوکر اسکا انتظار کرنے لگی۔۔

کچھ دیر میں زین آ گیا تھا اس نے گاڑی پارک کی اور پری زیب کو اگنور کرتا ہوا آگے بڑھنے لگا تو پری زیب جلدی سے اسکے سامنے کھڑی ہوگٸی۔۔

کیا مسٸلہ ہے تمہارا؟ وہ غصے سےبولا۔۔۔

آپ کے گھر کا ایڈریس چاہیے۔کیونکہ آپ کی مام نے مجھے پارٹی میں بلوایا ہے۔۔وہ جلدی سے بولی۔۔

واٹ؟ ۔۔۔۔۔

اووووہ گاڈ مام ایسا کیسے کر سکتی ہیں،وہ غصے سے بولا۔۔

پلیز ،بتا دیں ۔۔وہ التجاٸیہ انداز میں بولی۔۔

تم ہمارے گھر کی پارٹی میں نہیں آٶ گی،تمہاری اوقات نہیں ہے آفندی ولا کی پارٹیاں اٹنڈ کرنے کی۔تم ایک کام کرنا صبح کے وقت مام کی این جی او کے سامنے چلے جانا،تم جیسوں کو میری ماں خیرات دل کھول کے دیتی ہے اور اسی خیرات کے لاٸق ہوتم،وہ بولا۔۔۔۔

یو نو واٹ،آپ انتہاٸی چیپ انسان ہیں،وہ غصے سے بولی اور پیر پٹخ کر وہاں سے چلی گٸی۔۔۔

زین بھی سر جھٹک کر اندر بڑھ گیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔

آفندی ولا“واٶ یہ میرے ذہن میں کیوں نہیں آیا کہ اتنے امیر لوگ ہیں انکو تو ڈھونڈنا اتنا آسان ہوگا۔۔۔پری زیب جویونیورسٹی سے آکر کب سے بیٹھی کڑھ رہی تھی،ایک دم سیدھی ہوکر بڑبڑاٸی۔۔۔

پھر شام کو وہ سب ڈاٸننگ ٹیبل پہ کھانا کھانے بیٹھے تھے ساتھ ہلکی پھلکی باتوں کیساتھ ساتھ وہ کھانا بھی کھا رہے تھے۔۔۔

بھیا آپکو آفندی ولا کا پتا ہے؟ اچانک پری زیب نے پوچھا۔۔

ارے آفندی ولا سے آپ کو کیا لینا دینا، احمد نے پوچھا۔۔

بھیا،وہ جو عورت آٸیں تھی نہ مجھے انویٹیشن دینے وہ ادھر ہی تو رہتی ہے۔۔۔۔اور

تم “تم سے ملنے ناٸلہ آفندی آٸی تھیں اور وہ تمہیں اپنے گھر انواٸٹ کر کے گٸی ہیں؟ احمد نےاسکی بات کاٹتے ہوۓ حیرت سے پوچھا۔۔۔۔

آپ انہیں جانتے ہیں کیا؟ پری زیب نے حیرت سے پوچھا۔۔

ہاں میں زیڈ اینڈ این انٹرپراٸز کیلٸے ہی تو کام کرتا ہوں،اور یہ زنیر آفندی میرے باس ناٸلہ آفندی کے شوہر ہیں“کافی سوشل ورک کرتی ہیں ناٸلہ آفندی۔۔آۓ دن وہ نیوز کی سرخیوں میں آتی ہیں۔اور آفندی ہاٶس کی پارٹی میں سپیشل انویٹیشن کارڈز ہوتے ہیں۔اور آفندی ولا بہت بڑا ہے۔۔ایک پوری کالونی ہے۔جس کے بیچوں بیچ آفندی ولا ہے۔۔اور اس کارڈ کے بنا تو اس گیٹ کے بھی پاس نہیں جا سکتے ہیں“اور کیا مسز ناٸلہ آفندی نے وہ کارڈ تمہیں دیا ہے کیا؟۔احمد نے تفصیل بتاتے ہوۓ پوچھا۔۔۔

نہیں تو بھیا“وہ سر جھکا کر بولی۔۔

تو پھر تمہیں بس انہوں نے ایسے ہی کہہ دیا ہوگا۔احمد نے کہا۔۔

پری زیب نے شرمندگی سے سر جھکا لیا۔۔۔

ارے افسردہ مت ہو ،بس مٹی ڈالو۔۔اور کل چھٹی ہے تو آج رات ہم سب باہر رات دیر تک انجواۓ کرنے جاٸیں گے“احمد نے کہا۔۔

پری زیب نےاثبات میں سر ہلا دیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔

ساٸرہ اور پری زیب ناشتے کے برتن سمیٹ کر اب گھر کی تفصیلی صفاٸی کر رہیں تھیں۔اور احمد ،اور پروفیسر صاحب باہر صحن میں بیٹھے تھے۔۔

اسی اثنا میں باہر گیٹ بجا۔تو احمد اٹھ کر باہر نکلا تو سامنے کھڑے آفندی ولا کا ہیڈ سرونٹ صفدر( جو کہ سب ملازموں کو سپرواٸز کرتا ) کو دیکھ کر چونکا۔۔

صفدرصاحب آپ؟ احمد نے پوچھا۔۔

ارے آپ صاحب جی کی کمپنی کے ملازم ہے نہ،صفدر نے بھی حیرت سے پوچھا۔

احمد نے اثبات میں سر ہلا دیا۔۔

اوووووہ اچھا“اکچوٸلی مجھے مس پری زیب سے ملنا ہے۔۔صفدر نے کہا۔۔

اندر آٸیں آپ۔۔۔احمد نے کہا۔۔

اور پھر صفدر کو باہر پروفیسر صاحب کساتھ بیٹھا کر وہ خود پری زیب کو بلانے آ گیا۔۔

کچھ دیر بعد باہر نکل کر آٸیں تو صفدر احتراما کھڑا ہوگیا۔اور پھر چھوٹی سے ٹوکری اسکی طرف بڑھاٸی۔۔

پری زیب نے متذبذب انداز سے ٹوکری کو دیکھا۔

۔مس یہ انویٹیشن ہے میم کیطرف سے انکی گھر کی پارٹی کا اور پارٹی کے دن آپ کو میں خود ہی پک کرنے آٶں گا۔۔صفدر نےمٶدب لہجے میں کہا۔۔

میم کو تھینکس بولٸے گا“پری زیب نے کہا۔۔صفدر نے اثبات میں سر ہلادیا۔۔

پھرصفدر کےجانے کے بعد اس نے انویٹیشن کارڈ نکال کر دیکھا۔۔۔

واہ خوش قسمتی ہے میری بہن کی۔۔احمد نے متاثر کن لہجے میں کہا۔۔

اس میں کیا خوش قسمتی ہے اور امیر ہے تو کیا ان سے میل جول خوش قسمتی ہے۔میں تو نہیں سمجھتی،پری زیب نے ہولے سے کہا اور پھر اثھ کر اندر چلی گٸی۔۔۔

جاری ہے۔۔۔۔۔