محند فل سپیڈ پر گاڑی چلاتا ہوا دراب خان کی حویلی کی طرف جارہا تھا ۔۔۔۔۔۔۔۔

ابھی اس نے اس رخ گاڑی ٹرن کی ہی تھی کہ اسے موبائل پر میسج موصول ہوا ۔۔۔۔

میسج پڑھ کر اسکی دماغ کی رگیں تن گئیں تھیں کہ پھٹنے کی طرف نظر آنے لگیں ۔۔۔۔۔

میں تمہیں چھوڑوں گا نہیں سلمان ۔۔۔۔۔۔۔۔

محند پھنکارتا ہوا میسج میں دئے گئے ایڈریس کی طرف جانے لگا

یہ کوئی جنگل تھا جہاں کا ایڈریس اسے ثمال کی بندھی ہوئی فوٹو کے ساتھ سینڈ کیا گیا تھا

محند گاڑی سے تیزی کے ساتھ اترتا اندر بھاگنے لگا اور دیوانہ وار ثمال کے نام کی پکار کرنے لگا

ثمال۔۔۔۔۔۔۔۔۔۔۔!!

یہ جانتے ہوئے بھی تصویر میں وہ جگہ کوئی جھونپڑی نما تھی پھر بھی وہ مسلسل وہ جھونپڑی ڈھونڈتا اسے پکار رہا تھا

دل تھا کہ اڑ کر اس تک پہنچنا چاہتا تھا مگر وہ بے بسی سے صرف بھاگ کر اسے تلاش کر رہا تھا

محند جنگل کے بلکل بیچ و بیچ آچکا تھا ہر طرف اونچے اونچے درخت تھے اور زمین ساری بے ترتیب گھاس سے بھری پڑی تھی۔۔۔ محند سرپٹ دوڑتا ثمال کے پاس پنچنے کی جی جان کوشش کر رہا تھا

محند بھاگنے کے دوران ہی سلمان کو فون کر رہا تھا لیکن اسکا نمبر بند آرہا تھا ۔۔۔۔ کوفت سے اس نے موبائل ہی زمین پر دے مارا ۔۔۔۔۔

محند نے رک کر اپنے آس پاس نظر پھیر کر جگہ کا اندازہ لگایا ۔۔۔۔۔۔ کیونکہ اگر وہ ایسی ہی بنا سوچے سمجھے بھاگتا رہے گا تو کبھی بھی ثمال کے پاس نہیں پہنچ سکے گا

کچھ سوچ کر محند نے دائیں طرف دوڑنا شروع کیا ۔۔۔۔۔ کچھ دور سے اسے کوئی جھونپڑی نما شے نظر آئی تھی اور پھر بنا تاخیر کئے محند اس طرف دوڑنے لگا ۔۔۔۔ دل میں ایک امید تھی کہ شائد یہی وہ جھونپڑی ہے جہاں ثمال کو رکھا ہوا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حامد بچے کچھ کرو پتہ نہیں محند بنا بتائے کہاں چلا گیا ہے ۔۔۔۔۔ کم از کم کچھ اطلاع تو کر دیتا لیکن نہیں انہوں نے تو مجھے مار کر دم لینا ہے ۔۔۔۔

بی بی جان کیسی باتیں کر رہی ہیں آپ۔۔۔۔؟؟؟

پلیز حوصلہ رکھیں وہ شائد ثمال کو ہی ڈھونڈنے گیا ہے ۔۔۔۔۔۔۔۔ انشاءاللہ جلد ہی وہ اسے یہاں لے کر آجائے گا ۔۔۔۔۔ بس آپ ایسی باتیں مت کریں

حامد حویلی میں ہی تھا پہلے تو اسکا دل چاہا کہ وہ بھی باہر نکل کر ثمال کو تلاش کرے لیکن پھر یہ سوچتے کہ کہیں اسکے ان دونوں کو چھوڑ کر جانے سے سلمان انہیں بھی کوئی نقصان نہ پہنچا دے وہ یہی رک گیا تھا اور بے چینی سے محند کی کال کا انتظار کر نے لگا ۔۔۔۔ اس نے پھر بھی پولیس کو اطلاع دے دی تھی کہ دراب خان کے پوتے سلمان نے کیس ہارنے کی وجہ سے انکی ثمال کو اغواء کرکے انہیں زہنی دھچکا دیا ہے ۔۔۔۔۔۔۔ اپنا بدلہ لینے کی کوشش کی ہے ۔۔۔۔۔ حامد کو یقینا” تو نہیں پتہ تھا لیکن شک کی بنیاد پر اس نے اسکا نام ہی دیا تھا

پولیس بھی اپنی طرف سے اسے ڈھونڈنے کی کوشش میں لگی ہوئی تھی اور وقتا”فوقتا” حامد کے ساتھ فون کے زریعے رابطے میں تھی

جاناں کو جب سب پتہ چلا تو وہ بھی حیران ہوئے بنا نہ رہ سکی کہ کیسے کسی نے ایک چھوٹی سی بات پر اتنا بڑا گناہ کردیا اور اب ثمال کو بھی اغواء کرلیا تھا

حامد نے جاناں کو حمنہ کو دیکھنے کو بولا تھا کہ وہ اسکا دھیان رکھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محند جھونپڑی کے سامنے پہنچ گیا تھا اور اب وہ بنا سوچے دروازے کو لات مارتا اندر داخل ہوا اور سامنے ہی اس نے فرش پر اوندھے منہ گری خون میں میں لت پت ڈوبی ہوئی ثمال دکھی تھی

محند کی روح فنا ہونے لگی ۔۔۔۔۔۔۔۔ وہ لڑکھڑاتے قدموں سے چلتا اس کے پاس آیا اور گرنے کے سے انداز میں خود کو زمین پر گھسیٹتا ہوا اس تک لایا

ث۔۔۔۔ ثمال۔۔۔۔۔۔۔۔۔۔ ؟؟

ثمال۔۔۔۔۔۔ دیکھو میں۔۔۔۔۔۔۔ آااا ۔۔۔۔۔۔۔ گیا۔۔۔۔۔۔۔۔۔ اٹھو۔۔۔۔۔۔ چلو اٹھو نہ۔۔۔۔۔۔۔۔

کانپتے ہوئے ہاتھوں سے اس نے اسکے خون سے بھیگے ہوئے چہرے پر ہاتھ پھیرا تھا

سر پھٹ چکا تھا ۔۔۔۔۔۔ جسم پر شدید تشدد کیا گیا تھا کہ ہر حصے سے خون رس رہا تھا

محند یہ سب دیکھ کر ریزہ ریزہ ہونے لگا

ثمال دیکھو ۔۔۔۔۔۔ تم۔۔۔۔۔ مم۔۔۔۔ مجھے۔۔۔۔۔ڈرا۔۔۔۔۔ ڈرا رہی ہو ۔۔۔۔۔۔ آااانکھیں کھول بھی دو ۔۔۔۔۔۔ اب پلیز۔۔۔۔۔۔۔۔

محند نے ایک ہی جھٹکے سے اسے اٹھا کر اپنے سینے سے لگا لیا تھا اور بلک بلک کر رونے لگا

اٹھوووووووو۔۔۔۔۔۔۔۔۔۔۔۔۔۔۔ میں کہہ رہا ہوں اٹھو۔۔۔۔

سنتی کیوں نہیں ہو تم ۔۔۔۔۔۔۔۔۔ سمجھ نہیں آرہی تمہیں میری بات ۔۔۔۔۔۔۔؟

اٹھو ورنہ ۔۔۔۔۔ورنہ میں تمہیں ماروں گا ۔۔۔۔۔!!

بودی سی دھمکی دیتا وہ خود بھی جانتا تھا کہ وہ اسے کیا مارے گا جو پہلے سے ہی شائد مر۔۔۔۔۔۔

نہیں۔۔۔۔۔۔۔۔ نہیں۔۔۔۔۔۔۔ نہیں۔۔۔۔۔۔۔۔۔۔۔۔ نہیںںںںںںںںں۔۔۔۔۔۔

محند اسکے وجود پر ہاتھ پھیرتا دھاڑتے ہوئے بولا تھا لیکن ایک جھماکا سا ہوا تھا اسکا رینگتا ہاتھ اسکے پیٹ پر آکرساکت ہوا تھا

نا قابل بے یقینی تھی جو ازیت و تکلیف کو مزید بڑھا گئی تھی

یہ جان کر ہی کہ وہ اسکے بچے کی ماں بننے والی تھی ۔۔۔۔۔۔۔۔۔

نہیں ثمال ۔۔۔۔۔۔۔۔۔۔۔ تمہیں کچھ نہیں ہو سکتا ۔۔۔ ہمارے بچے کو بھی کچھ نہیں ہوگا ۔۔۔۔۔۔۔۔۔ تم رکو ۔۔۔۔۔۔ ہم ابھی ہوسپٹل جاتے ہیں پھر دیکھنا تم بلکل ٹھیک ہوجاؤ گی

محند ایسے بول رہا تھا جیسے ثمال بہت غور سے اسے سن رہی ہو

ایک بار پھر سے اسے اپنے ساتھ لگایا تو اسے لگا کے جیسے اسے نئی زندگی مل گئی ہو ۔۔۔

ثمال کی دل کی دھڑکنیں مدھم مدھم سی چل رہیں تھیں

ثمال ۔۔۔۔۔۔ پلیز کھولو آنکھیں اپنی ۔۔۔۔۔۔۔

محند زور زور سے جھنجھوڑ تا اسے ہوش میں لانے کی کوشش کرنے لگا

آہ ۔۔۔۔۔۔۔۔۔۔۔۔۔۔۔ کراہ کر ثمال نے اپنی آنکھیں آہستہ سے کھولیں تھیں ۔۔۔۔۔ اسے کسی کی درد بھری آواز بہت دور سے آتی سنائی دی ۔۔۔۔۔۔

ثمال ۔۔۔۔۔۔۔۔۔؟؟

میری طرف دیکھو۔۔۔۔۔۔۔ ادھر دیکھو میری طرف ۔۔۔۔۔

اسکا چہرہ اپنے چہرے کے قریب کرتے ہوئے محند دیوانگی سے بولا تھا

مم۔۔۔۔۔۔۔ مح۔۔۔۔ ند۔۔۔۔۔۔۔۔ میر۔۔۔۔ا۔۔۔۔۔ ب۔۔۔۔چہ۔۔۔۔۔۔۔

جسم تھا کہ ٹوٹ رہا تھا اسکے جسم کے ہر حصے سے دردناک ٹیسیں اٹھ رہیں تھیں سب سے زیادہ تو اسے اپنے پیٹ میں آگ جلتی ہوئی محسوس ہو رہی تھی ۔۔۔۔۔۔ حد سے سوا درد کو سہتے ہوئے اس نے اپنے پاس محند کو دیکھ کر سرگوشی میں کسی خطرناک اندیشے کے خیال سے پوچھا تھا

سب ٹھیک ہوجائے گا میری جان ۔۔۔۔۔۔۔ ٹھیک ہوجائے گا ۔۔۔۔۔ ہمارے بچے کو بھی کچھ نہیں ہوگا ۔۔۔۔۔ تم فکر مت کرو ۔۔۔۔۔ ہم ابھی ہاسپٹل جاتے ہیں ۔۔۔۔۔۔ ہممممم۔۔۔۔

محند فورا” سے اسے اپنی گود میں اٹھا کر اس چھوٹی سی جھونپڑی نما جگہ سے باہر نکلا تھا اور تیز قدموں سے چلتا یہاں سے باہر نکلتے ہوئے اسے دلاسہ دیتا ہوا بولا مگر وہ خود کو بھی اس بات کا یقین نہیں دلا پایا تھا

ثمال درد سے چلا رہی تھی مگر درد اتنا شدید تھا کہ وہ سہی سے چلا بھی نہیں پارہی تھی

محند کبھی اس طرف جاتا کہ باہر جانے کا راستہ یہی ہے لیکن پھر وہ دوسری طرف مڑ جاتا مگر پھر بھی وہ گھوم پھر کر اسی جگہ واپس پلٹ آتا ۔۔۔۔۔۔

محند کو آج اپنا آپ اتنا بے بس لگ رہا تھا کہ اس سے پہلے کبھی نہیں لگا تھا ۔۔۔۔۔۔ آنکھوں سے آنسو بے تحاشہ پھسل رہے تھے

پریشانی اور بوکھلاہٹ میں آج اسکے حواسوں نے ٹھیک سے کام کرنا ہی چھوڑ دیا تھا

اللہ ۔۔۔۔۔۔۔۔۔ بےساختہ اسکی زبان سے یہ پاک نام ادا ہوا تھا ۔۔۔۔۔۔۔۔ آج جب وہ ہر طرح سے بے بس ہوگیا اور کؤئی بھی دولت اور طاقت کام نہ آئی تو وہ آخر کار اس در پر گیا جہاں کے دروازے ہمیشہ کے لئے کھلے رہتے ہیں ۔۔۔۔۔

اللہ میری مدد کر ۔۔۔۔۔۔ مدد کر اپنے گناہگار بندے کی ۔۔۔۔۔۔۔ میرے عمل کی سزا اس معصوم کو مت دینا۔۔۔۔۔۔۔ اے میرے پروردگار ۔۔۔۔۔۔۔ میں سب برے کام چھوڑ دوں گا ۔۔۔۔۔۔۔۔۔ کبھی شراب کو ہاتھ تو کیا دیکھوں گا بھی نہیں ۔۔۔۔۔۔ مجھے میرے غرور کی اتنی بڑی سزا مت دے میرے مولا ۔۔۔۔۔ مت دے۔۔۔۔۔

ثمال کو باہوں میں لئے ہی وہ گھٹنوں کے بل زمین پر بیٹھتا دو جہانوں کے مالک اللہ تعالہ سے گڑگڑا کر اپنے کئے کی معافی مانگتے ہوئے ہارے ہوئے لہجے میں لرزتی زبان سے بمشکل بول رہا تھا

ثمال کو اپنی سانسیں بھاری ہوتی محسوس ہوئیں اس نے ایک دم سے محند کے کالر کو جکڑا تھا اور اپنا چہرہ اسکی گردن میں چھپا دیا ۔۔۔۔

محند کو ثمال کے آنسو اپنے دل پر گر تے ہوئے محسوس ہو رہے تھے

محند نے پھر سے ہمت باندھی تھی اور کھڑا ہوتا راستہ تلاش کرتے بھاگنے لگا

فون تو وہ پہلے ہی توڑ چکا تھا اور اب رات بھی ہوچکی تھی تو اسے کچھ دکھائی بھی نہیں دے رہا تھا

مم۔۔۔میں تمہیں۔۔۔۔ کچھ نہیں ہونے دوں گا ثمال۔۔۔ کچھ بھی نہیں ۔۔۔۔۔ نہیں ہونے دوں گا ۔۔۔۔

مم۔۔۔۔۔ میں۔۔۔۔۔۔ بب۔۔۔۔ بہت تک۔۔۔۔۔ تک۔لی۔ف۔۔۔۔تکلیف۔۔۔۔۔ مم۔۔۔۔ میں۔۔۔۔۔ ہوں۔۔۔۔۔ آ۔۔۔اا۔۔۔۔پ۔۔۔۔۔ مم۔۔۔۔۔ مجھے۔۔۔۔۔۔ ججانے۔۔۔۔۔ دیں ۔۔۔۔۔ پل۔۔۔۔ پلیز

نہیں ں ں ں ں ں۔۔۔۔۔۔۔۔۔۔۔ کبھی نہیں ۔۔۔۔۔ کبھی نہیں ۔۔۔۔۔۔۔ پلیز مت جاؤ ۔۔۔۔۔۔ مجھے معاف کر دو ۔۔۔۔ پلیز ۔۔۔۔۔۔

ثمال خون سے لت پت محند کی باہوں میں تڑپتی شائد اپنی آخری سانسیں لے رہی تھی ۔۔۔۔۔ محند اسے سینے سے لگائے دوڑتا ہوا اس خوفناک جنگل سے باہر نکلنے کا راستہ ڈھونڈ رہا تھا مگر اتنے اندھیرے میں یہ ناممکن سا لگ رہا تھا لیکن محند اپنی ہمت کو ٹوٹنے نہیں دے رہا تھا

مح۔۔۔۔۔ ن۔۔۔۔۔د۔۔۔۔۔۔۔

اسکی زبان سے ٹوٹ کر محند کا نام نکلا تھا اور پھر اس نے ہچکی لی تھی اور اپنی آنکھیں بند کر گئی

محند اس سے انجان اندھیرے میں ہی راستہ ٹٹولتا دیوانہ وار بھاگ رہا تھا

تت۔۔۔۔ تم ۔۔۔۔ پریشان مت ہو ہم جلد ہاسپٹل پہنچ جائیں گے ۔۔۔۔ہممم۔۔۔۔

میں نے تو ابھی تم سے مم۔۔۔۔ معافی بھی مانگنی ہے ۔۔۔۔۔۔۔

ثمال۔۔۔۔۔۔؟؟

محند کو لگا کہ ثمال سانس نہیں لے رہی ہے ۔۔۔۔

ثمال ۔۔۔۔۔۔۔۔ تم ٹھیک ہو نا میری جان ۔۔۔۔۔۔ ہاں۔۔۔؟؟

بول ۔۔۔۔۔۔ بو۔۔۔۔ل کیوں نہیں رہی ۔۔۔۔۔۔۔۔

ثم۔۔۔۔۔۔۔۔۔۔۔۔۔

محند نے اسے کافی آوازیں دے ڈالیں مگر ثمال نے نہ آنکھیں کھولیں تھیں اور نہ ہی کوئی لفظ اپنے منہ سے نکالا

محند زمین پر گرتا اسکے چہرے کو یک ٹک دیکھنے لگا

کتنی یادیں تھیں جو اسے اب یاد آئیں تھیں خاص کر جب ثمال نے اسے شادی کی رات خودکی تزلیل پر اس سے کہا تھا

(بہت اچھا بول لیتے ہیں مسٹر محند سلطان ۔۔۔۔بہت اچھا ۔۔۔۔ امید کرتی ہوں جب آپ کا غرور آپ کو بلندی سے پستی میں دھکیلے گا تو آپ کے لبوں سے ایسے ہی اچھے الفاظ نکلیں گے لیکن کہیں ایسا نہ ہو کہ آپ کے لب ایسے جڑ جائیں کہ آپ کے الفاظوں کو باہر آنے کا راستہ ہی نہ ملے اور آپ یونہی تڑپتے رہ جائیں ۔۔۔)

آج واقعی میں اسکے الفاظ ساکت ہوچکے تھے اور وہ اسے اپنی بازو میں جھولتا ہوا دیکھ منجمد ہوگیا تھا

(اللہ تعالہ کی لاٹھی بے آواز ہے محند سلطان اس سے ڈریں کہیں ایسا نہ ہو کہ آپ کا غرور آپ کی خوشیوں کو ہی نہ کھا جائے اور آپ فقط اپنے خالی ہاتھ ملتے نہ رہ جائیں ۔۔۔۔)

تو کیا آج اسکے بدلے کی آگ میں جلنے کی تگ ودود کی بدولت اس میں غرور آسمایا تھا اور جس غرور کے چلتے اس نے کتنوں کی عزت نفس پر کاری وار کیا تھا ۔۔۔۔ آج اس پر اللہ تعالہ کی لاٹھی پڑ چکی تھی۔۔۔۔۔؟؟

محند اپنی ٹھہری ساکت پلکوں سے اسکے وجود کو چاند کی ہلکی سی روشنی میں دیکھ رہا تھا جو شائد اب بے جان ہوچکا تھا

محند۔۔۔۔۔۔۔۔؟؟

محند۔۔۔۔۔۔۔۔۔۔۔ ؟؟؟؟ ہوش کرو محند۔۔۔۔۔۔۔!!

حامد محند کو جھنجھوڑتے ہوئے چلایا تھا

محند نے بے تاثر نگاہیں اٹھا کر اسے دیکھا تھا جیسے اسے پہچاننے کی کوشش کر رہا ہو ۔۔۔۔

محند چلو اسے ہاسپٹل لے کر جاتے ہیں یہ ابھی زندہ ہے۔۔۔۔۔۔۔۔

زندہ ہے۔۔۔۔۔۔!!!!

محند کو تو صرف یہ دو ہی لفظ سنائی دئیے تھے

اس نے ثمال کو دیکھا اور بنا کوئی دیر کئے اسے جلدی سے اپنی باہوں میں اٹھاتا حامد اور پولیس کی ہمراہی میں جنگل سے باہر نکل کر گاڑی میں بیٹھتا ہاسپٹل کی طرف روانہ ہوا تھا

حامد نے ڈرائوینگ سیٹ سنبھال لی تھی جبکہ محند ثمال کو اپنی گود میں ہی لئے پچھلی سیٹ پر بیٹھا اسے کسی چھوٹے بچے کی طرح اپنے سینے میں چھپا ئے ہوا تھا

کہ وہ کہیں اسے چھوڑ ہی نہ جائے ۔۔۔۔۔

حامد کو اس پر اس وقت بے انتہا ترس آیا تھا جو فق ہوتے چہرے کے ساتھ موت کی جانب چلتے شخص کی مانند لگ رہا تھا

حامد کو پولیس نے محند کی لاسٹ لوکیشن کے بارے میں بتایا تو وہ بھی انکے ساتھ یہاں چلا آیا تھا ۔۔۔۔۔ اور پھر جب اس نے ثمال کی حالت اور محند کو فریز بیٹھا دیکھا تو وہ خود کو سنبھالتا ہوا اسے ہوش میں لایا تھا جو گم سم بیٹھا کسی مورت کی طرح ہوگیا تھا

ہاسپٹل پہنچتے ہی محند کسی آتش فشاں کی طرح پھٹا تھا ۔۔۔۔۔۔ اس نے سب ڈاکٹرز کو بوکھلادیا تھا ۔۔۔۔۔ سب ہی ثمال کے گرد اکھٹا ہوکر اسے چیک کرنے کے بعد اسے فورا” سے آپریشن تھیٹر میں لے گئے تھے

دو گھنٹے ہونے کو آئے تھے اسے آپریشن تھیٹر میں گئے ہوئے مگر ابھی تک اسکی کوئی بھی خبر نہیں آئی تھی

محند جلے پیر کی بلی کی طرح تب سے پورے ہال میں چکر کاٹ رہا تھا ۔۔۔۔۔ایک سیکنڈ کے لئے بھی وہ نہیں بیٹھا تھا

لال بتی بجھی تھی اور ڈاکٹر سنجیدہ سی چلتیں اسکے سامنے آرکیں تھیں

محند نے بے قرار نظروں سے انہیں دیکھا تھا جیسے کہہ رہا ہو کہ کوئی اچھی خبر ہی سنانا۔۔۔۔

ڈاکٹر اسے تاسف سے دیکھتی بولی تھی

دیکھئے مسٹر محند ۔۔۔۔۔۔۔۔ آپ کی وائف کو ہم آئی سی یو میں شفٹ کر رہے ہیں وہ ابھی فی الحال سٹیبل تو ہیں مگر وہ خطرے سے باہر نہیں ہیں ۔۔۔۔۔۔۔

جہاں محند نے اسکے زندہ ہونے پر۔۔۔ پر سکون ہوا تھا وہیں ڈاکٹر کی اسکے خطرے والی بات سن کر اسکا دل پھر سے ڈوبنے لگا

اور ایک اور بات ۔۔۔۔۔۔۔۔

ڈاکٹر کچھ توقف کے لئے رکی تھی

ہم آپکے بچے کو نہیں بچاسکے ۔۔۔۔۔۔۔

محند پر ڈاکٹر نے ایک اور دھماکہ کیا تھا

بےبی کی یہاں آنے سے کافی پہلے ہی ڈیتھ ہوچکی تھی ۔۔۔۔

محند نے اپنا سر جھکا لیا تھا

مسٹر محند اب آپکی وائف کبھی ماں نہیں بن سکیں گیں

محند کو لگا کہ وہ زمین میں دھنستا جارہا ہے

ہم نے بہت کوشش کی مگر ان پر تشدد ہی اتنا کیا گیا تھا کے ہمیں تو لگا تھا وہ آپریشن تک سروائیو کر بھی پائیں گیں یا نہیں ۔۔۔۔۔

اب اگلے چھتیس گھنٹے ان کے لئے نہایت ہی کریٹیکل ہیں ۔۔۔۔۔۔

ڈاکٹر تو کہہ کر اسے تسلی دیتی چلی گئی مگر محند کو لگا تھا کہ وہ اب گرا تو تب گرا ۔۔۔

حامد اسے زبردستی بینچ پر بٹھاتا اسکے لئے جوس لینے کے لئے چلا گیا کیونکہ اسکا چہرہ خطرناک حد تک زرد پڑچکا تھا کہ اسے ڈر لگنے لگا تھا کہ وہ خود ہی کہیں بے ہوش نہ ہو جائے ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری۔۔۔۔۔۔۔۔