Ishq Mera Kamil by Neena Khan NovelR50807 Ishq Mera Kamil by Neena Khan Episode22

Categories: Action Action & Adventure Adult After Marriage after nikah Contemporary cousin based Forced Marriage Joint Family Rude Hero Two couples

Tags: After Marriage Cousin Based Forced marriage Urdu Novels

Chapters: 37

777.3K

Rate this Novel

Buy me a Coffee

I love bringing stories to life!

Creating features for readers and keeping everything running smoothly takes countless hours of dedication. If you enjoy the reading experience on this site and would like to show your support, you can treat me to a coffee. Your support helps keep the stories flowing!

Ishq Mera Kamil by Neena Khan Episode22

فاروق نے موبائل نکال کر دراب خان کو فون ملا دیا اسے دراب خان نے ہی ثمال کی نگرانی کرنے کو بولا تھا تاکہ وہ موقعے کی مناسبت سے بروقت کوئی قدم اٹھا سکے

سردار جی اس نے ثمال بی بی کو گھر سے دھکے مار کر باہر نکال دیا ہے

جی جی۔۔۔۔ جی سہی ہے ۔۔۔ ابھی کرواتا ہوں

ثمال نے منہ گھٹنوں میں چھپایا ہوا تھا کہ کسی نے اسے آواز دی جس پر اس نے سرعت سے سر اٹھا کر سامنے دیکھا تھا

سردار دراب خان آپ سے بات کرنا چاہتے ہیں

فون اسکے سامنے کئے وہ سر جھکا کر بولا

اسلام وعلیکم۔۔۔۔۔۔۔۔ رندھی آواز میں اس نے سلام کیا

جی ٹھیک ہے ۔۔۔۔۔ ایک ہی پل میں اس نے دراب خان کو اپنے فیصلے سے آگاہ کیا تھا۔۔۔ موبائل فاروق کو پکڑاتی وہ اٹھ کھڑی ہوئی اور سامنے کھڑی پجارو میں بیٹھتی ایک نظر حویلی پر ڈالی اور آنسو رگڑتے شیشہ چڑھالیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بس کردو میرے بچے بس کردو کیوں خود کو رو رو کر ہلکان کر رہی ہو وہ تو ہے ہی ایسے ان لوگوں کو اپنے علاوہ اور کچھ نظر نہیں آتا ارے ایسے کیسے تمہیں گھر سے ہی نکال دیا وہ بھی اس طرح زلیل کرکے۔۔۔۔۔۔

دراب خان اسکا سر اپنے کندھے سے لگائے غمگین آواز بناتے بولا مگر دل ہی دل میں وہ اور بھی خوش ہو رہا تھا کہ محند نے اپنے غصے میں اسکا کام اور بھی آسان کردیا ہے

کم از کم یہی خیال کر لیتے کہ تم اس گھر کی واحد بہو ہو عزت ہو انکی لیکن نہیں ۔۔۔۔۔ اپنی خود ساختہ دشمنی کے آگے انہیں تو کچھ نظر ہی نہیں آتا ۔۔۔۔

صحیح کہہ رہے ہیں آپ دادا جان کیسے انہوں نے مجھے تپھڑ مارا اسے تو کچھ بھی نہیں کہا اور میں جو انکی بیوی تھی اسے اتنی بے دردی سے مارا میں کبھی معاف نہیں کروں گی انہیں کبھی بھی نہیں ۔۔

ثمال ہچکیوں ساتھ روتی اپنے دادا سے محند کی شکایت لگا رہی تھی اسے تو یقین ہی نہیں آرہا تھا کہ محند نے اپنی پہلی بیوی کی خاطر اسے مارا ۔۔۔۔۔ غصے سے وہ روتی نہ جانے کیا کیا بولے جارہی تھی

اچھا چلو خاموش تو ہو تم اور اتنا تم رو کس کے لئے رہی ہو ارے وہ تو جشن منا رہیں ہوں گے جشن آخر کار اتنے سالوں بعد سردار دراب خان کی پگڑی ایک بار پھر جو اچھال دی انہوں نے ۔۔۔ میری دلاری بیٹی کا گھر اجاڑ کر ۔۔۔۔۔۔

گھر اجاڑ نے کی بات پر ثمال نے سر جھٹکے سے اٹھایا تھا

چلو جاؤ ملازمہ کے ساتھ کمرے میں جاؤ میں نے اپنی بیٹی کے لئے اسکا روم ریڈی کروا دیا ہے

جی ۔۔۔۔۔۔۔۔۔۔۔۔

آنسو صاف کرتی ثمال سر اثبات میں ہلاتی ملازمہ کے ساتھ چلی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کیا کیا ہے تم نے محند ۔۔۔۔۔؟ کس سے پوچھ کر اتنا بڑا فیصلہ کر لیا تم نے ابھی میں زندہ ہوں محند بیٹے۔۔۔۔۔ تو آپ کو اتنی زحمت کرنے کی کوئی ضرورت نہیں تھی ابھی جائیں اور ڈھونڈ کر لائیں میری بہو کو پتہ نہیں کہاں کہاں بھٹک رہی ہوگی

بی بی جان کے تو وہم و گمان میں بھی نہیں تھا کہ محند ایسا بھی قدم اٹھا سکتا ہے

بھٹکنے دیجئے بی بی جان اسے ۔۔۔۔۔ آخر دماغ ٹھکانے تو لگے گا اسکا بہت گرم ہوگیا تھا نہ ۔۔۔۔۔

محند نے اب تک خود کو نارمل کر لیا تھا اسکے چہرے سے کوئی بھی اندازہ نہیں لگا سکتا تھا کہ اسکے دل میں کون سے طوفان سر اٹھا رہے ہیں

لیکن ۔۔۔۔۔۔۔۔۔۔۔

بس بی بی جان اور کچھ سننا نہیں چاہتا میں ۔۔۔

محند دو ٹوک کہتا روم میں چلا گیا مگر بی بی جان بےدم سی صوفے پر گرتیں گہرے اندیشوں میں گھر گئی تھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دادا کب کریں گے آپ دھماکہ آخر۔۔ کب سے میں اس انتظار میں ہوں کہ آپ مجھے کوئی خوشخبری سنائیں گے کہ محند کو جھٹکا لگا دیا ہے اور وہ اس جھٹکے کی تاب نہ لاتے مچل مچل رہا ہوگا

سلمان دراب خان کے کمرے میں دھماکے سے آیا تھا اور چلا کر ان سے بول رہا تھا سلمان تو چین سے ہی نہیں بیٹھ رہا تھا اسے تو بس بدلہ چاہیے تھا چاہے کیسے بھی سہی مگر وہ محند کو تڑپتے ہوئے دیکھنا چاہتا تھا

بیٹا جی ٹینشن کیوں لے رہے ہو سارا پلین جو تمہارے دادا نے کیا تھا وہ کامیاب بھی ہو چکا ہے

کیا ۔۔؟ کیا دادا ۔۔۔۔ کیا کیا آپ نے ۔۔۔۔۔

سلمان بے تابی سے انکے پاس بیڈ پر بیٹھتے ان سے پوچھنے لگا تھا

محند کی بیوی یعنی میری پوتی تمہاری کزن ثمال اس سے جھگڑا کرنے کی وجہ سے گھر سے نکال دی گئی ہے اور پھر اسی موقعے کے انتظار میں جو میں کب سے منتظر تھا اسے یہاں حویلی لے آیا ہوں اب دیکھنا کیسے میں اس کے زریعے اسکی دھجیاں اڑاتا ہوں ۔۔۔۔

واہ دادا واہ کیا کمال کیا آپ نے جسے میں اپنے پاس لانے کے لئے نہ جانے کب سے بے چین تھا وہ ظالم تو خود ہی میری دہلیز پر آگئی

سلمان کے تو خوشی سے اوسان ہی خطا ہو رہے تھے دراب خان سے لپٹ کر وہ جوش سے بولتا چلا گیا

تم ۔۔۔۔ مطلب ۔۔۔۔۔۔؟

مجھے ثمال چاہیے دادا مجھے ثمال چاہیے محند کی بیوی چاہیے مجھے اپنی ہر ایک ناکامی کا بدلہ میں محند کی بیوی سے حساب لے کر پورا کروں گا بہت دفعہ اس محند نے مجھے نیچا دکھایا مجھ سے میرے پروجیکٹ چھینے اب ۔۔۔۔ اور اب تو میری ساری کمپنی ہی بند کر دی اس نے کہیں کا نہیں چھوڑا اسکے دئے ایک ایک احسان کا بدلہ سود سمیت چکاؤں گا میں سود سمیت۔۔۔۔۔۔۔۔۔۔۔

سرد آواز میں بولتا وہ انتقام کی بھڑکتی آگ میں جھلس رہا تھا جسے وہ بجھا نے کے لئے حد سے زیادہ بے چین تھا

فکر مت کرو میرے شیر تم جو چاہو گے وہ ہوگا ۔۔۔۔ ثمال چاہیے نہ تمہیں تو میں دوں گا تمہیں ثمال ۔۔۔۔۔ اب سے وہ تمہاری ہے ۔۔۔۔ بنالو اسے اپنی باندی ۔۔۔۔۔۔۔

دراب خان اتنی پستی میں گر چکا تھا کہ وہ اپنے ہی بیٹے کی آخری نشانی اپنی پوتی کا سودا سلمان سے کر رہا تھا لیکن نہیں جانتا تھا کہ جو لوگ دوسروں کےلئے گڑھا کھودتے ہیں وہ اکثر خود ہی اس میں گر جاتے ہیں مگر اب دیکھنا یہ تھا کہ اور کتنے امتحان تھے جن کے بعد دراب خان کی اللہ کی عدالت میں پکڑ ہوتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں بہت خوش ہوں میں ابھی جاکر زرا اپنی ہونے والی مسسز سے تو مل لوں ۔۔۔۔

سلمان ہنستا ہوا جیسے پیچھے مڑا تو اسکی ہنسی فورا” تھمی تھی اسکے ساتھ دراب خان بھی چونک تھے

کہیں اس نے سب سن تو نہیں لیا ۔۔۔۔؟؟

دل ہی دل میں بولتا سلمان ثمال کی طرف بڑھا تھا

ہائے کزن مجھ سے ملو میں تمہارا فرسٹ اینڈ موسٹ ہینڈسم کزن سلمان ۔۔۔۔۔

اسکے آگے ہاتھ کئے سلمان نے ٹٹولتی نظروں سے اسے دیکھتے پہل کی تھی

اسلام وعلیکم سلمان بھائی ۔۔۔۔۔۔۔۔ وہ دادا جان میں چھت پر جا سکتی ہوں مجھے اچھا لگے گا یہاں دم گھٹ رہا ہے

دوپٹے کے کونے کو مٹھی میں جکڑے ثمال سلمان کی اندر تک گڑھتی نظروں سے جھجھکتی بنا اس سے ہاتھ ملائے اسے سلام کئے دراب خان سے چھت پر جانے کی اجازت لے کر سرعت سے پلٹ کر چلی گئی تھی

واہ کیا چیز ہے یہ ۔۔۔۔۔۔۔!!

کچھ کہا برخوردار ۔۔۔۔؟

اوہ نہیں سوئٹ دادا میں زرا آیا ۔۔۔۔۔

آنکھ مار کر بولتا سلمان چھت کی طرف گیا تھا جہاں ثمال گئی تھی

ہونہہ سوئیٹ دادا لڑکی ملی نہیں کہ سوئیٹ دادا ۔۔۔۔۔۔۔

ہا ہا ہا ہا۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہائے آگئے آخر ۔۔۔۔۔۔۔۔۔ اففف مجھے تو لگا تھا سیو گلم کہ ہم پتہ نہیں کس سیارے پر جارہے ہیں کہیں گم ہی نہ ہو جائیں ۔۔۔۔۔۔

حامد محند کی حویلی کے سامنے گاڑی کھڑی کرتا لمبی سانس کھینچ کر بولا تھا اور سر سٹیرنگ پر پٹخ دیا

تو کس نے کہا تھا کہ بنا بتائے آؤ ۔۔۔۔۔ سرپرائز دیں گے دونوں دنگ رہ جائیں گے بلا بلا بلا ۔۔۔۔۔

اگر گم ہو جاتے ہم تو ۔۔۔۔۔ اوپر سے یہاں کسی کو جانتے تک نہیں ہم ۔۔۔۔۔۔ پتہ نہیں کیا ہوتا ۔۔۔۔

گم ہو جاتے تو ۔۔۔۔۔۔۔۔۔۔۔۔؟

حامد جاناں کی نقل اتارتے بگڑا تھا

ہم کوئی سوئیاں ہیں جو گھاس میں گم ہو جائیں گیں تو کبھی نہیں ملیں گیں ۔۔۔۔۔ حد کرتی ہو تم بھی ۔۔۔۔۔۔۔۔

اب کیا سارا دن یہی کھڑے رہنا ہے کہ اندر بھی جانا ہے ۔۔۔؟؟

دروازہ کھول کر جاناں اسے خفیف سا بولتی خود ہی گیٹ کی بیل بجانے لگی اسکے پیچھے حامد گاڑی سے اترتا منہ کھولے اسکے پاس آیا

اوہ ہیلو میڈیم جی یہ میرے یار کا گھر ہے تم کس خوشی میں اتنی اتاولی ہو رہی ہو۔

حامد اسکا رخ اپنی طرف کرتے کمر پر ہاتھ رکھ کر بولا

اب وہ اسے کیا بتاتی کہ وہ اس چڑیل کے پیچھے آئی تھی جس سے حامد کا افئیر چل رہا تھا اسی لئے وہ جلد سے جلد اسکے بال اسکے سر سے اکھاڑنا چاہتی تھی

میں بہت تھک چکی ہوں اسی لئے جلدی کر رہی ہوں تمہیں تو پتہ نہیں کون سی ٹھنڈی ہوائیں لگ رہیں ہیں یہاں جو ہل ہی نہیں رہے۔۔۔۔۔

جاناں کہاں شرمندہ ہونے والی چیز تھی

او صاحب اپنی لڑائی خانہ بند کرو اور مجھے یہ بتاؤ بیل کیوں بجائی ہے۔۔۔؟؟

دونوں تو اپنی بحث میں مصروف ہوچکی تھے مگر چوکیدار جو بیل بجانے پر کب سے گیٹ کھولے ان دونوں کی تکرار سن رہا تھا آخر کار تنگ آکر بول پڑا ۔۔۔۔

محند صاحب گھر پر ہیں ۔۔۔۔۔؟؟

حامد گردن اکڑاتے خوانخواہ ہی اس پر رعب جمانے لگا

ہاں ہیں ۔۔۔۔۔۔آپ کون ۔۔۔۔۔۔؟؟؟

چوکیدار اسے سر تا پیر گھور کر بولا ۔

میں اسکا بزنس پارٹنر اور دوست پلس بھائی ہوں ۔۔۔۔۔ جاؤ بتاؤ اسے جاکر حامد آیا

اور حامد کی بیوی بھی۔۔۔۔۔۔

جاناں بھی تیزی سے بولی کہ چڑیل کو پتہ تو چلے کہ حامد کی بیوی اسکی خبر لینے آئی ہے ۔۔۔

کیا۔۔۔۔۔۔۔۔۔۔ ؟؟؟ او برخوردار پہلے تو تم یہ سمجھ لو کہ تم ہمارے صاحب کے کیا ہو اتنے رشتے ایک شخص کے تو نہیں ہو سکتے سچ سچ بتاؤ کون ہو تم۔۔۔۔۔ اور یہ میڈیم کیا بول رہی ہے کیا چائنہ سے لائے ہو کیا اسے ۔۔۔۔

چوکیدار بندوق آگے کرتے تیز لہجے میں بولا

یہ چائنہ کیوں بول رہا ہے کیا محند چائنہ چلا گیا ہے ۔۔۔۔۔؟؟

ایک منٹ تمہیں تو میں ابھی جواب دیتا ہوں

چوکیدار کو آنکھیں دکھاتا حامد جاناں کی طرف مڑا تھا

جب پہلے تمہیں میری بات سمجھ آگئی تو اسکی بھی آہی گئی ہوگی نہ ۔۔۔۔۔

حامد اسکے بیوی بھی آگئی بولنے پر چوٹ کرتا بولا تھا

وہ تو تم نے اپنا نام لیا اور باڈی لینگجوئج سے مجھے سمجھ آگیا تھا کہ تم نے انٹرو دیا ہے اپنا اسے۔۔۔۔۔

پہلے مجھے بتاؤ ورنہ میں گیٹ بند کر رہا ہوں

چوکیدار انہیں دمھکاتے ہوئے بولا جانتا تھا کہ ایک بار بیوی بولنا شروع ہوئی تو دوسرا کوئی نہیں بول سکے گا آخر کو خود بھی شادی شدہ تھا

تم تو۔۔۔۔۔۔۔۔۔۔

کیا ہو رہا ہے یہاں ۔۔۔۔۔۔؟؟

اس سے پہلے کہ حامد اسے کچھ کہتا محند جو گارڈن میں ہی کھڑا تھا شور سنتا اس طرف چلا آیا تھا

صاحب وہ یہ۔۔۔۔۔۔۔

محند ۔۔۔۔۔۔ ہے بگ برو ۔۔۔۔۔ شکر ہے تم آگئے یہ مجھے اندر ہی نہیں آنے دے رہا ایک تو میں پہلی دفعہ یہاں آیا ہوں اوپر سے یہ کب سے میرا دماغ پکا رہا ہے

حامد بے چارہ منہ بناتا اسکے گلے لگ گیا

کیا کہہ رہے ہو ۔۔۔۔۔

جاناں کو سمجھ نہیں آیا کہ وہ کیا بول رہا ہے مگر چہرے پر مسکان لاتی محند کو سر کے اشارے سے سلام کیا اور حامد کے پیچھے کھڑی ہوتی سرگوشی میں بولی

ارے یار تم تو چپ کرو ایک تو اس نے اور ایک اس مچھ نے میرا سر پھاڑ دینا ہے

تم چلو اندر ۔۔۔۔۔۔۔۔۔۔۔۔

محند چوکیدار کو دیکھتا انہیں لئے اندر کی طرف بڑھ گیا

مرحبا لیڈی۔۔۔۔۔۔۔۔!!

حامد نے بی بی جان کو دیکھتے ہی اونچی آوازمیں بلایا اور انکے کندھے پر سر رکھ دیا

ارے میرا بچہ ۔۔۔۔۔۔ تم کب آئے ۔۔۔۔۔۔۔

بی بی جان اسکی اچانک آمد پر حیران ہی ہوگئیں تھیں

بس آگیا ۔۔۔۔ آپ کی یاد آئی تو چلا آیا میں آپ سے ملنے آپ کو سرپرائز دینے ۔۔۔۔۔۔

حامد اب انکی گود میں سر رکھ کر لیٹ چکا تھا جبکہ جاناں ابھی تکا کھڑی بی بی جان کے پرنور چہرے کی طرف دیکھ رہی تھی

میرا بچہ۔۔۔۔۔۔۔۔

ارے یہ بچی کون ہے پیاری سی۔۔۔۔؟؟

بی بی جان اسکے ماتھے پر پیار کر تیں سامنے کھڑی انجان لڑکی کو دیکھ کر بولیں

یہ آپ کی دوسری بہو ہے بی بی جان ۔۔۔۔۔ جاناں ۔۔۔۔۔۔میں نے شادی کر لی تھی

حامد نے بڑے آرام سے انہیں ایک اور سرپرائز دے دیا تھا

کیا۔۔۔۔؟ تم نے کب کی شادی ۔۔۔۔؟؟ اور کسی کو کانوں کان خبر بھی نہیں کی ۔۔۔۔۔۔۔

بی بی جان توحیران ہو تیں اس پر خفا ہو رہیں تھیں

چہ ۔۔۔۔۔۔بی بی جان وہ بعد میں آپ کو تفصیل سے بتاؤں گا پہلے آپ اس سے مل تو لیں

جاناں خاموش کھڑی انہیں آپس میں بات کرتا ہوا سن رہی تھی جب بی بی جان نے اسکی طرف دیکھا تو گھبراتے ہوئے اس نے حامد کو دیکھا تھا جس پر حامد اسے آنکھوں سے تسلی دیتا ملازمہ سے جوس کا گلاس لیکر منہ سے لگا گیا تھا

یہ ڈر کیوں رہی ہے حامد اتنا کیا کیا تم نے اس کے ساتھ ۔۔۔۔؟؟

بی بی جان اسے گھبراتے دیکھ حامد کو کڑے تیوروں سے دیکھتے ہوئے بولیں

ایک تو سب کو میں ہی کیوں مشکوک لگتا ہوں اچھے خاصے ہینڈسم ہیرو بندے پر ہر کوئی شک کرنے لگ جاتا ہے

حامد پہلے ہی اتنے لمبے سفر اور حویلی ڈھونڈتے اور پھر چوکیدار کی وجہ سے بہت کوفت کا شکار ہو چکا تھا اب بی بی جان کے شک کرنے پر ناراض ہی ہوگیا

گھور کیوں رہیں ہیں اردو نہیں آتی چڑیل کو ترکش بولیں اس سے پھر دیکھیں کیسے پٹر پٹر کرتی ہے۔۔۔۔۔

آخری کے الفاظ اس نے منہ میں بڑبڑائے تھے

یہاں آؤ بیٹا ۔۔۔۔

اب کی بار اسی کی زبان میں بولتیں بی بی جان نے اسے اپنے پاس بلایا

ماشاءاللہ۔۔۔۔۔ ماشاءاللہ کتنی پیاری لڑکی ہے یہ ۔۔۔

نیلی جینز پر نیلا ہی گھٹنوں تک آتا فل سلیوز کرتا اور گلے میں مفلر لٹکائے وہ کھلے گھنگھریالے بالوں میں انہیں بہت پیاری لگی تھی

بی بی جان یہ ثمال کہاں ہے نظر نہیں آرہی اور یہ محند دی اکڑو تو ہے ہی مغرور اسی لئے یہاں ہمیں چھوڑ کر خود بھاگ گیا مگر ثمال تو میری بیسٹ فرینڈ ہے وہ کیوں نہیں آئی ابھی تک مجھ سے ملنے ۔۔۔۔۔۔۔ ؟؟

چند باتیں کرنے کے بعد حامد کو ثمال کی کمی محسوس ہوئی تو اس نے بی بی جان سے اس سے متعلق پوچھا

ثمال کے زکر پر بی بی جان افسردہ سی ہوگئیں اور پھر اس سے کچھ بھی نہ چھپاتے ہوئے حامد کو سارا کچھ بتا دیا جسے سن کر پہلے تو حامد کے ہوش ہی اڑگئے

او گاڈ یہاں تو پوری کی پوری فلم ہی بن گئی اور میں ہی یہاں نہیں تھا

لیکن بی بی جان جو بھی ہوا محند کو اس طرح ثمال کو تھپڑ مار کر گھر سے نہیں نکالنا چاہیے تھا

اگلے ہی پل حامد کو محند کی حرکت پر غصہ آیا تھا جس کا اس نے کھل کر اظہار بھی کردیا تھا

کیا کروں حامد بیٹاکتنا کہا میں نے کے جاؤ اسے لیکر آؤ لیکن وہ نہیں گیا تو دراب خان نے اسکا فائدہ اٹھایا اور وہ ثمال کو اپنے ساتھ لے گیا ہے اب پتہ نہیں وہ کس حال میں ہوگی۔

کیا۔۔۔۔۔؟؟ یہ تو کچھ اچھا نہیں ہوا بی بی جان دشمن کے گھر چلی گئی وہ ۔۔۔۔۔۔ ایک تو یہ چھٹانک بھر کی لڑکی بھی نہ کبھی عقل سے کام نہیں لیتی ہمیشہ بیوقوفی ہی کرتی ہے کیسے وہ پھنس گئی دراب خان کی چال میں یقینا” بی بی جان دراب خان نے ہی اسے بھڑکایا ہے اور پتہ نہیں ایسا کیا کیا بولا کہ وہ اس حد تک بدگمان ہوگئی

حامد کو محند کے ساتھ ثمال پر بھی بے انتہا غصہ تھا اسے امید نہیں تھی کہ ثمال جیسی لڑکی بھی ایسے کسی کی بھی باتوں میں آکر ان سب کو چھوڑ سکتی ہے

جاناں بھی انکی گفتگو سن کر حیران ہوگئی تھی کیونکہ ملازموں کے چلتے وہ ترکش میں ہی بات کر رہے تھے

اب کیا ہوگا حامد بیٹا۔۔۔۔۔ مجھے تو بہت فکر ہو رہی ہے ثمال کی پتہ نہیں کس حال میں ہوگی وہ ۔۔۔۔۔۔۔

فکر مت کریں بی بی جان اللہ سب بہتر کرے گا

اب کچھ نہ کچھ تو سوچنا ہی پڑے گا ان دونوں چولوں نے تو سب کچھ ہی بگاڑ کر رکھ دیا ہے اب حامد ہی ان کو سیدھا کرے گا

بیوقوف۔۔۔۔۔۔۔۔۔!!

بی بی جان کو تسلی دیتا حامد کچھ سوچنے میں مصروف ہوچکا تھا اور پھر ثمال کی بیوقوفی پر ایک بار پھر سے دل بھر کے اس پر غصہ ہوا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری۔۔۔۔۔۔۔۔

Ishq Mera Kamil by Neena Khan NovelR50807 Ishq Mera Kamil by Neena Khan Episode22