Ishq Mera Kamil by Neena Khan NovelR50807 Ishq Mera Kamil by Neena Khan Episode16

Categories: Action Action & Adventure Adult After Marriage after nikah Contemporary cousin based Forced Marriage Joint Family Rude Hero Two couples

Tags: After Marriage Cousin Based Forced marriage Urdu Novels

Chapters: 37

777.3K

Rate this Novel

Buy me a Coffee

I love bringing stories to life!

Creating features for readers and keeping everything running smoothly takes countless hours of dedication. If you enjoy the reading experience on this site and would like to show your support, you can treat me to a coffee. Your support helps keep the stories flowing!

Ishq Mera Kamil by Neena Khan Episode16

ثمال منہ بنائے بیڈ پہ بیٹھی ہوئی تھی حمنہ کو افعت صبح ہی اسے دے گئی تھی اور ساتھ ہی میں بی بی جان کا دیا ہوا رقعہ بھی دیا تھا جسے پڑھ کر ثمال جہاں خوش ہوئی تھی وہیں ٹینشن بھی ہوئی کہ کہیں بی بی جان اس سے ناراض ہوکر تو ایسا نہیں کر رہیں ۔۔

محند آنکھیں مسلتا انگڑائی لیتا روم میں آیا ساری رات بیٹھ کر سونے سے اس کی کمر اکڑ گئی تھی

آئیں جناب کہاں سے تشریف آوری ہو رہی ہے آپ کی ۔۔۔؟؟ کہاں تھے ساری رات اور کسی کو بتا کر بھی نہیں گئے …. ہم ماں بیٹی ساری رات اکیلے سوئے اور اکیلے سونے میں کتنا ڈر لگتا ہے لڑکیوں کو اس بات کا علم ہے آپ کو یا نہیں ۔۔۔

چچچچچ۔۔۔۔۔۔۔ بہت ہی غیر زمیدار شوہر ہیں آپ پلس باپ بھی ۔۔۔۔۔۔۔ اتنا بھی نہیں پتہ کہ بیوی اور بیٹی کے کچھ حقوق و فرائض ہوتے ہیں ۔۔

لیکن نہیں آپ تو جناب مہاراجا ہیں نہ یہاں کے جو جب چاہیں جیسا چاہیں جس وقت چاہیں کر سکتے ہیں

محند کو دیکھتے ہی ثمال نے اپنا سارا غصہ جھنجھلاہٹ اس پر انڈیلنی شروع کردی تھی محند تو بچارا ہوا میں ہی پاؤں اٹھائے پریشان سا ہوگیا کہ اسے کیا آفت پڑ گئی صبح صبح۔۔۔۔

ہوش میں تو ہو تم یہ کیا تم صبح سویرے میرا دماغ کھانا شروع ہو گئی ہو۔۔۔۔۔؟

زبان سنبھال کر بات کریں آپ ۔۔۔۔ میں ناشتہ کر چکی ہوں اور ویسے بھی مجھے کسی بی بی جان کے گدھے کا دماغ کھانےکی ضرورت نہیں ہے۔۔۔۔ ہونہہ۔۔۔۔

اور آپ ہی نے بی بی جان کو میرے خلاف کچھ کہا ہے نہ جو انہوں نے مجھے آفس جانے سے منع کردیا ہے؟؟؟؟

اسکے پاس آکر ثمال کمر پر ہاتھ رکھتی آنکھیں نکالتی ہوئی بول رہی تھی

سب سمجھتا ہوں میں یہ تمہاری زبان نہیں چل رہی یہ تو حامد کی زبان بول رہی ہے جسے بند کرنا مجھے اچھے سے آتا ہے ۔۔۔۔

محند اسکی بتمیزی پر سیخ پا ہوتا غرایا تھا

حامد کا نام لینے پر ثمال شعلہ برساتی نظروں سے اسے دیکھنے لگی۔۔۔۔۔۔

خبردار اگر میرے سیو گلم کو کچھ بھی کہا آپ نے تو ۔۔۔۔۔۔۔ورنہ میں آپ کو نہیں چھوڑوں گی

کیا۔۔۔۔۔۔۔ کیا کہاں تم نے اسے ۔۔۔۔؟؟ میرے۔۔۔۔۔۔۔۔ سیو گلم ۔۔۔۔۔۔!!

اسے کمر سے دبوچتا وہ انتہائی سختی سے اس سے پوچھ رہا تھا

ثمال کی کمر میں اسکی انگلیاں اندر گھستی ہوئی محسوس ہوئیں وہ کسمسا کر اس سے دور ہونے کی کوشش کرنے لگی مگر اب کی بار محند نے اسے دیوار سے زور سے لگایا اور اپنے جسم کا سارا بوجھ اس کے نازک وجود پر انڈیل دیا

تمہاری ہمت بھی کیسے ہوئی حامد کو اپنا سیو گلم بنانے کی ۔۔۔۔۔ کیسے ۔۔۔۔۔. بولو۔۔۔۔۔۔ کیسے۔۔۔۔۔۔

اسکے منہ سے آگ نکل رہی تھی جیسے اور ثمال کو جلانے میں پوری طرح سرگرداں تھی

چھو۔۔۔۔۔۔ آہ۔۔۔۔۔۔ چھوڑیں ۔۔۔۔۔۔ پلی۔۔۔۔ز۔۔۔۔۔۔۔۔

اٹک اٹک کر بڑی مشکل سے اسکے منہ سے چند الفاظ نکلے تھے وہ حیران تھی کہ آخر ایسا بھی کیا بول دیا اس نے جو یہ اتنا غصہ ہو رہے ہیں

ثمال کو اتنا ڈر کبھی نہیں لگا اس سے مگر آج اسکی آنکھیں اسکی سرد آواز اور سخت وجود اسے بے حد وحشت میں مبتلا کر رہے تھے۔۔۔۔

کیوں کہا تم نے اسے سیو گلم۔۔۔۔۔۔؟؟ جواب دو۔۔۔۔ آئی سیڈ آنسر می۔۔۔۔۔۔۔۔

اسکے ابھی تک خاموش رہنے پر محند اسکے بال جکڑتا تقریبا” اسکے چہرے کو اپنے چہرے سے مسلتے دھاڑا تھا

ثمال کو سہی معنوں میں آج اس سے بے تحاشہ خوف آیا تھا سن ہوتے وجود کے ساتھ وہ ہمت کرکے بڑی مشکل سے کچھ بول پائی۔۔۔۔۔

میرے ۔۔۔۔۔۔ دوس۔۔۔ت۔۔۔۔۔ ہیں۔۔۔۔۔تت۔۔۔۔۔و۔۔۔۔۔۔ اس ۔۔۔۔لئے۔۔۔۔۔۔۔۔۔۔۔۔

واٹ۔۔۔۔۔۔۔؟؟؟

دوست ہے تو تم اسے سیو گلم بولو گی ۔۔۔۔۔۔؟؟ہاں ۔۔۔۔۔۔ جواب دو مجھے۔۔۔۔۔۔ پاگل لڑکی کس دوست کو بندہ سیو گلم پکارتا ہے ۔۔۔۔۔؟؟

ہاں تو سیو گلم دوست کو ہی تو کہتے ہیں نہ۔۔۔!

محند کے اسکی بات سن کر جھٹکے سے پیچھے ہٹ کر حیرانی سے پوچھنے پر ثمال بولنے کے قابل ہوئی تھی تو دھیرے سے منمنائی تھی۔۔۔

واللہ ۔۔۔۔ اوہ ۔۔۔۔۔ کس بیوقوف نے کہہ دیا تم سے یہ ۔۔۔۔۔۔؟؟

محند کچھ سوچتے پھر سے اس کے پاس آیا تھا اور بازو مڑوڑتے اب کی بار مصنوئی غصے سے بولا تھا کیونکہ وہ سمجھ چکا تھا کہ ضرور کسی نے اسے سیو گلم کا غلط مطلب بتایا ہے

وووو۔۔۔۔۔ وہ ۔۔۔۔۔۔۔ وہ۔۔۔۔۔۔۔۔۔۔

کیا وہ وہ لگا رکھی ہے جلدی بولو۔۔۔۔۔۔۔

اسکے ہکلانےپر محند اسکے مزید قریب ہوتا دھاڑا تھا

ثمال اسکے پھر سے قریب آنے پر بوکھلا ئی تھی اور جو اس نے پوچھا تھا جلدی سے اسکا جواب دے دیا کہ اب پتہ نہیں غصے میں کیا کر جائے۔۔۔

حا۔۔۔۔۔۔۔ حامد بھائی نے کہا تھا کہ اسکا مطلب دوست ہوتا ہے ۔۔۔۔۔۔ تو۔۔۔۔۔۔۔

محند کے اچانک اسے گلے لگا کر بھینچنے سے ثمال چپ ہوئی تھی

محند کو اسکا حامد کو بھائی کہنا سکون دے گیا تھا اسی لئے وہ اسے اپنے اندر سمو گیا تھا نہیں تو پارٹی والے دن سے اس کے اندر حامد اور ثمال کو لے کر بے چینی لگی ہوئی تھی کہ انکے بیچ کیا چل رہا ہے ہر وقت حامد اسکے ساتھ کیوں ہے ۔۔۔۔ ؟ ایسا کیوں کیا ۔۔۔۔۔؟؟ ویسا کیوں کیا ۔۔۔۔ ثمال کے ساتھ ڈانس کس خوشی میں کر رہا تھا وغیرہ ۔۔۔۔۔۔

لیکن اب ثمال کا بھائی کہنا اور اسکا معصومیت بھرا سچا لہجہ اسے یقین دلا گیا تھا ثمال غلط نہیں تھی ۔۔۔ اسے الجھا یا گیا تھا وہ بھی حامد نے اسے غلط راستے کی طرف بڑی چالاکی سے دھکیلا تھا ۔۔۔۔ بس بہت ہوگیا اب وہ اپنی زندگی اور بیٹی کے بیچ کسی کو نہیں آنے دے گا

محند اپنے ہی میں الجھا یہ بھول گیا کہ ثمال ابھی بھی اسکی باہوں میں ہے اور اسکی مسلسل پڑتی سخت گرفت اسے تڑپنے پر مجبور کر رہی ہے

چھوڑیں۔۔۔

ثمال کی لرزتی آواز اسے ہوش میں لائی اور اس سے تھوڑا دور ہوتا وہ اسکے چہرے پر جھکا تھا

تم آئندہ سیو گلم کسی کو بھی نہیں بولو گی ہممممم۔۔۔۔۔۔ چاہے عورت ہو یا مرد دوست ہو یا دشمن اور چاہے حمنہ بھی کیوں نہ ہو تم یہ لفظ کسی کو بھی نہیں بولو گی ۔۔۔۔۔ سمجھی۔۔۔؟؟؟

ثمال نے ایک پل کے لئے اسکی آنکھوں میں دیکھا تھا مگر اسکی جزبے لٹاتی آنکھوں کی تاب نہ لاتے وہ اپنا سر اسکے سینے میں چھپا گئی تھی۔۔۔۔۔

محند اسکا سر اسی کے سینے میں چھپا نے سے محظوظ ہوا تھا اور اسکے سر پر اپنی تھوڑی ٹکاتا مزید بولا تھا

آج سے بلکہ ابھی سے تم مجھے سیو گلم کہہ کر پکارا کروگی۔۔۔۔۔۔۔۔۔۔

لیکن آپ۔۔۔۔۔۔۔۔ آپ تو میرے دوست نہیں ہیں ۔۔۔۔

ثمال اسکے حصار میں چھپی آنکھیں موندے دھیرے سے بولی تھی

ہاں بلکل نہیں ہوں ۔۔۔اور ویسے بھی میں تمہارا شوہر ہی رہنا چاہتا ہوں ۔۔۔۔۔ دوست کے چکروں میں پڑنا بھی نہیں ہے ۔۔۔.

چلو اب بولو۔۔۔۔۔۔۔۔۔

کیا ۔۔۔۔۔۔۔؟؟

سیو گلم۔۔۔۔۔۔۔۔!

اسکے کان میں سرگوشی کرتے محند نے اسے حکم صادر کیا تھا

ثمال پہلے تو کچھ پل خاموش رہی اسے محند کی دھڑکتی دل کی دھڑکنیں صاف سنائی دے رہی تھیں

سیو گلم۔۔۔۔۔۔۔۔!!!!

ثمال سرگوشی میں بولتی اسے مسرور کر گئی تھی۔۔۔۔۔

محند نے اسکے سر کا بوسا لیا تھا

پھر کہو۔۔۔۔۔۔۔۔۔۔

سیو گلم۔۔۔۔۔۔۔۔۔۔۔۔!!!!!

پیشانی پر پیار کیا

پھر ۔۔۔۔۔۔۔۔۔!!!

سیو گلم۔۔۔۔۔۔۔!!!!

اب کی بار آنکھوں کو چوما

کہو۔۔۔۔۔۔۔۔۔۔ کہتی رہو۔۔۔۔۔۔۔

سیو گلم۔۔۔۔۔۔۔۔۔۔۔!!!

محند کسی بادشاہ کی طرح حکم دیتا جارہا تھا اور ثمال اسکے ہر حکم پر اپنا سر خم کرتی جارہی تھی

اسی طرح محند اسکے ہونٹوں سے بار بار بلواتا اسکے چہرے کے ایک ایک نقوش پر اپنی محبت برساتا گیا

جانے کیسی بے خودی تھی جو دونوں کو ہر چیز سے غافل کر گئی تھی

کتنے لمحے بیت رہے تھے اور یہ دونوں ایک دوسرے کے احساس میں گم رہے تھے

ٹھک ٹھک ۔۔۔۔۔۔۔۔۔۔۔۔

ان دونوں کو ہوش کی دنیا میں پٹخنے والی دروازے پر ہوتی دستک تھی جو دونوں کو حواسوں میں لائی تھی

محند کو تو کوئی فرق نہیں پڑا تھا وہ تو بڑے مزے سے اسکے سرخ پڑتے چہرے کو دیکھ رہا تھا. اور ثمال شرم سے لال پیلی ہوتی اسکی بولتی آنکھوں سے گھبراتی اسے دھکا دے کر ڈریسنگ روم میں چلی گئی تھی

محند ہنستا دستک دینے والے کو اجازت دیتا متوجہ ہوا تھا جہاں ملازمہ اندر آتی اسے بی بی جان کا پیغام پہنچا رہی تھی کہ انہوں نے انہیں اپنے روم میں بلوایا ہے

محند یہ سوچتا کہ بی بی جان نے اتنی صبح صبح کیوں بلایا ہے واشروم فریش ہونے چلا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حامد نے جاناں کا من پسند ناشتہ تیار کر لیا تھا اور اب صوفے پر بیٹھا جاناں کا انتظار کر رہا تھا ۔۔۔۔ ایک دو بار اس نے ناک کرکے اسے آواز بھی دی تھی مگر جاناں نے کوئی جواب نہیں دیا تھا

دروازہ کھلنے کی آواز پر حامد اپنے خیالوں سے باہر آیا تھا اور جاناں کی طرف دیکھا تھا جو فریش سی اسی کی طرف آرہی تھی

اوہ ۔۔۔۔۔ تو تم اٹھ گئی ۔۔۔۔۔؟؟؟

چلو اچھا ہوا ورنہ مجھے تو تشویش ہونے لگی تھی کہ تم اٹھ کیوں نہیں رہی ہو۔۔۔۔۔۔ دیکھو میں نے بریک فاسٹ بھی ریڈی کر لیا ہے آؤ مل کر کھاتے ہیں ۔۔۔۔ مل کر کھانے سے پیار محبت بڑھتا ہے ۔۔۔۔۔۔۔ آؤ چلو بیٹھو ۔۔۔۔۔۔۔

حامد نان سٹاپ بولتاجا رہا تھا جبکہ جاناں ہمت جٹارہی تھی کہ وہ اسے اپنے فیصلے سے آگاہ کرسکے ۔۔۔۔۔۔

یہ دیکھو میں نے چیز آملیٹ بنایا ہے مجھے تمہاری ہر پسند کے بارے میں پتہ ہے میں نے سب کچھ پتہ کروا لیا تھا تاکہ۔۔۔۔۔۔۔۔

مجھے ڈائیوورس چاہیے ۔۔۔۔۔۔۔۔۔۔!!

حامد بول ہی رہا تھا کہ جاناں کے لفظوں نے اسکے چلتے ہاتھ اور زبان دونوں روک دئیے تھے

کیا کہا۔۔۔۔۔۔؟؟

حامد کو لگا کہ اسے دھوکہ ہوا ہے سننے میں۔۔۔۔

کان سلامت ہیں تمہارے ۔۔۔۔۔۔

جاناں طنزا” بولی تھی

کان تو میرے سلامت ہی ہیں لیکن مجھے لگتا ہے کہ تمہارا دماغ سلامت نہیں رہا شائد۔۔۔۔۔۔

حامد ٹرے پٹکتا غصے سے بولا تھا

میں کچھ نہیں جانتی مجھے بس ڈائیوورس چاہیے تم سے اور وہ بھی بہت جلد مزید میں تمہارے ساتھ نہیں رہ سکتی اس لئے جتنا جلدی ہوسکے اپنا نام میرے نام سے ہٹاؤ۔۔۔۔۔۔

جاناں پتھر بنی اسے اپنے لفظوں سے چھلنی کر رہی تھی مگر اس نے تو شائد قسم کھالی تھی کہ وہ آج ہی فیصلہ کروا کر رہے گی چاہے کچھ بھی ہوجائے اب۔۔۔۔۔ وہ مزید خود کو اسکے ہاتھوں استعمال ہوتا نہیں دیکھ سکتی۔۔۔۔۔۔

بول لیا ۔۔۔۔۔۔۔۔؟؟؟

تو اب شرافت سے ناشتہ ختم کرو اور۔۔۔۔۔!

میری بات کان کھول کر اچھی طرح سمجھ لو کہ میں ۔۔۔۔۔ تمہیں ۔۔۔۔۔۔ ڈائیوورس ۔۔۔۔۔۔۔ نہیں ۔۔۔۔۔ دوں۔۔۔۔۔ گا۔۔۔۔۔۔۔

اسکے سامنے آتا وہ شائد زندگی میں پہلی بار اس قدر سنجیدہ ہوا تھا

اپنی بات پوری کئے حامد گاڑی کی چابی اٹھاتا وہاں سے چلا گیا تھا

جاناں کی آنکھوں سے کب کے رکے آنسو ضبط کی بار توڑ کر باہر نکلے تھے۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بی بی جان یہ آپ کیا کہہ رہی ہیں ۔۔۔۔؟؟

ثمال اور محند بی بی جان کے کمرے میں بیٹھے ہوئے تھے اور بی بی جان کی بات سن وہ دونوں ہی حیران ہوئے تھے

جو آپ نے سنا۔۔۔۔ اب مزید تفصیلا” کچھ نہیں ہے کہنے کو میرے پاس ۔۔۔۔۔

اب جاؤ میں آرام کرنا چاہتی ہوں۔۔۔۔

بی بی جان انہیں دو ٹوک کہتیں اٹھ گئیں تھیں

محند اور ثمال کمرے سے نکلتے اپنی اپنی سوچوں میں الجھے ہوئے تھے

ہائے اب ہم پاکستان شفٹ ہو جائیں گے کتنا مزہ آئے گا نہ۔۔۔۔۔۔

ثمال کی تو خوشی قابو میں ہی نہیں آرہی تھی

زیادہ خوش ہونے کی ضرورت نہیں ہے ایسا کچھ بھی نہیں ہوگا ۔۔۔۔ میں یہاں سے کہیں نہیں جانے والا ۔۔۔۔ اور پاکستان تو بلکل بھی نہیں جہاں پر میرے اپنوں کا لہو بہایا گیا

محند اسے تڑخ کر کہتا اسے وہیں چھوڑے چلا گیا

ایسے ہی نہیں جانا ۔۔۔۔۔۔۔

میرے ووٹ اور بھی پکے ہو جائیں گے اسی لئے انہیں کھد بھد ہو رہی ہے

میں تو جاؤں گی ۔۔۔۔۔ چاہے کچھ بھی ہوجائے

ثمال منہ بسورتی اسکے پیچھے زبان نکال کر مزے سے بولی تھی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Ishq Mera Kamil by Neena Khan NovelR50807 Ishq Mera Kamil by Neena Khan Episode16