Kaanch Ki Choriyan by Zoya Chuadhary NovelR50591 Kaanch Ki Choriyan (Episode 03)
Rate this Novel
Kaanch Ki Choriyan (Episode 03)
Kaanch Ki Choriyan by Zoya Chuadhary
”ارحہ،،،،،ارحہ بیٹا۔۔۔۔۔،“
دادو کی آواز پر وہ بھاگتی چلی آئی۔۔۔
”جی دادو جان۔۔۔۔۔۔“
وہ نرمی سے بولی۔۔۔۔
”بیٹا تین دن ہو گئے نہ عارش آیا نہ ہی اس کا کوٸی فون ،،،،، تم فون کرو اسے اور کہو دادو کہہ رہی ہیں آ کر مل جاٶ ،،،،جی گھبرا کر رہا ہے۔۔۔۔۔“
دادو نے اسے دیکھا۔۔۔۔
”دادو ہو سکتا ہے کہ وہ آٶٹ آف کنٹری ہوں یا آٶٹ آف سِٹی۔۔۔۔۔۔“
اس نے قیاس آراٸی کی کیونکہ اسے بھی معلوم تھا کہ وہ زیادہ دن رکتا نہيں تھا ، جب بھی فری ہوتا تو چکر لگا لیا کرتا چاہے دس منٹ ہی سہی ، اس کے پاس بھی بس یہی رشتے تھے پاکستان میں باقی اس کی ایک پھوپھو امریکہ رہتی تھیں جن کی بیٹی زرنش تھی جو کہ ہادی کی بیوی تھی،،،،، عارش ہفتے میں دو تین چکر ضرور لگاتا اور اگر آ نہ سکتا تو کال ضرور کر لیتا ،،،،اسے یہی لگا کہ یہاں نہيں ہو گا
تبھی نہیں آیا، ۔۔۔
”نہيں بچے،،،،، وہ جب بھی جاتا ہے مجھے مل کر جاتا ہے ۔۔۔۔تم فون کرو اسے ،،،، جاٶ شاباش۔۔۔۔۔“
دادو نے کہا تو اس نے سر ہلایا۔۔۔۔
”موبائل کمرے میں ہے، کرتی ہوں کال۔۔۔۔“
وہ اپنے کمرے میں چلی گٸ۔۔۔۔
”کس مصیبت میں ڈال دیا دادو ،،،،، پاگل سا بندہ ہے اگر موڈ آف ہوا تو سارا غصہ مجھ غریب پر نکالے گا اور اگر میٹنگ میں ہوۓ تو پھر میرے بچنے کے چانسز بہت کم ہیں۔۔۔۔اور میں “میرے پاس تم ہو” کی آخری قسط بھی دیکھنی ہے بلکہ عہد وفا کی بھی ۔۔“
وہ کمرے میں ٹہل رہی تھی، ساتھ ساتھ بڑبڑا رہی تھی۔۔۔۔۔
”کرتی ہوں کال اگر ڈانٹنے لگے تو کال کاٹ دوں گی، ہاں دادو کو کہا تو اپنے نواسے کی شان میں کتاب لکھ کر مجھے کہیں گی ابھی پڑھو۔۔۔۔۔“
وہ نمبر نکالتے ہوۓ لاٸحہ عمل طے کرنے لگی ۔۔۔۔
”ویسے عارش بھاٸی ہیں ہینڈسم اور مسکراہٹ جچتی بھی ہے آپ پر،،،،بس کوٸی حسین سی بھابھی مل جاۓ بس،،،،، کاش آپ مجھے کہیں کہ ارحہ میری بہن ، میرے لٸے لڑکی تم ڈھونڈو تو سب سے حسین لڑکی ڈھونڈ لوں آپ کے لئے ۔۔۔۔۔ویسے سنگل ہوں گے تو نہیں ، بقول حنان کہ ہینڈسم سنگل ہوں تو یا تو کسی کی دعا لگی ہوتی یا بددعا۔“
وہ عارش کی تصویر دیکھ کر مسکراٸی اور نمبر ڈاٸل کیا ،،،،،بیل جاتے ہی ڈر سے اس کی دل کی دھڑکن تیز ہو گٸ ۔۔۔ایسا نہيں تھا کہ عارش بہت سخت تھا مگر وہ کافی مرتبہ ڈانٹ کھا چکی تھی اسی لٸے ڈرتی تھی۔۔۔۔ ایک بار وہ بھاگ کر سیڑھیاں اتر رہی تھی کہ عارش نے دیکھ لیا اور غصے سے بولا۔۔۔
”تم اب چھوٹی نہيں رہی جو یوں بھاگ رہی ہو،،،،لڑکيوں کو یہ حرکتیں زیب نہيں دیتی۔۔۔۔“
پھر ایک بار اس کے امتحانات کے دوران وہ آگیا اور اسے کہا کہ جس مضمون کا پیپر ہے وہ کتاب لے کر آٶ اور جب وہ سنننے لگا تو اسے ڈر سے سب بھول گیا۔۔۔۔ اور عارش نے پورا گھنٹہ تعليم نسواں پر لیکچر دے ڈالا۔۔۔۔
”ہیلو۔۔۔۔۔۔“
اس کی گھمبیر بوجھل آواز ابھری تو وہ سوچوں کے بھنور سے باہر نکلی۔۔۔۔
”اسلام علیکم۔۔۔۔۔۔“
وہ فوراً بولی۔۔۔۔
”وعلیکم اسلام،،،،، خیریت ارحہ۔۔۔۔۔؟“
وہ ارحہ کی آواز سن کر حیران ہوا کیونکہ ارحہ نے پہلی بار اس کو کال کی تھی۔۔۔۔۔
”بڑا پہنچا بندہ ہے ، آواز تک پہچان گیا۔۔۔۔“
وہ حیران ہوٸی تھی۔۔۔۔۔
”وہ ،،، وہ عارش بھاٸی آپ آۓ نہيں نا دو تین دن سے، نہ کال کی تو دادو پریشان ہو گٸی تھیں ،،،، کہتی ہیں کال کر کے پوچھو؟؟ “
وہ خشک لبوں پر زبان پھیرتے ہوۓ بولی تھی۔۔۔
”اوووو ہووو ،،،،، دراصل مجھے فلو اور بخار تھا اس لٸے۔۔۔۔۔“
وہ سوں سوں کرتا بولا ۔۔۔۔۔
”اووو ہو،،،،،،آپ ہمیں ہی بتا دیتے ۔۔۔۔۔۔“
وہ فکرمندی سے بولی۔۔۔
”میں کسی کو پریشان نہيں کرنا چاہتا تھا۔۔۔“
وہ ایک ہاتھ سے سر دباتے ہوۓ بولا۔۔۔
”میں دادو کو بتاتی ہوں،،،،،،الله حافظ۔۔۔۔“
اس نے کال کاٹ دی۔۔۔۔
”ہےےےے ارحہ سنو،،، نہيں بتانا ۔۔۔۔۔۔“
وہ بولا مگر کال کاٹی جا چکی تھی۔۔۔۔
”ّاففففف ایک دم پاگل ہے،،،،نانو دادو ہو جائیں گی ، بتانا ہوتا تو پہلے بتا دیتا۔“
اس نے موبائل بیڈ پر پھینکا۔۔۔۔
تھوڑی دیر بعد دادو اور ارحہ اس کے گھر آ گٸیں۔۔۔۔ارحہ کو تو دادو نے کچن میں سوپ بنانے بھیج دیا۔۔۔۔۔
”پتہ نہيں کس کی نظر لگ گٸ میرے شہزادے کو۔۔۔۔۔“
دادو اس کا سر اپنی گود میں رکھتے ہوۓ بولیں۔۔۔۔۔
”آپ کے شہزادے کو نظر نہيں سردی لگی ہے،،،،،،،“
وہ ان کا ہاتھ آنکهوں پر رکھتے ہوۓ بولا۔
”بیٹا اپنا خیال رکھا کر ،،،،، میرے پاس ایک ہی نشانی ہے اپنی لاڈلی بیٹی کی۔۔۔”
وہ اداسی سے بولیں۔۔۔
”مامی کیوں نہيں آٸیں۔۔۔۔؟“
اس نے بات کا رخ بدلا ، جانتا تھا یہاں سے ہی ماحول تناٶ کا شکار ہو جاۓ گا۔
”وہ تو بازار گٸ تھی اور بتایا اس لٸے نہيں کہ پریشان ہو جاۓ گی۔۔۔۔۔“
وہ اس کے بال سنوارتے ہوۓ بولیں۔۔۔۔۔
”جانتا ہوں ، مامی بہت اچھی ہیں۔۔۔۔۔“
وہ سچے دل سے بولا۔۔۔۔۔
”اب تو شادی کر لے بیٹا ۔۔۔۔میری زندگی کا کوٸی بھروسہ نہيں ہے،،،،، “
وہ اداسی سے بولیں۔۔۔۔۔
”اللہ نہ کرے آپ کو کچھ ہو،،،،،“
وہ تڑپ کر بولا۔۔۔۔۔
”بیٹا موت ایک اٹل حقيقت ہے،،،،،، ویسے بھی میرے خاندان کے اکلوتے بیٹے ہو تم ،،،، اور تمہاری شادی ہی خواہش ہے میری،،،،،، میری خواہش کا ہی احترام کر لو۔۔۔۔گزارش ہے ۔۔۔۔۔“
دادو نے ملتجی لہجے میں کہا۔۔۔
”اچھا ٹھیک ہے،،،،جب آپ کہیں گی کر لوں گا۔۔۔۔۔“
وہ ہتھیار ڈالتے ہوۓ بولا۔۔
”تمہيں کوٸی پسند ہے تو بتا دو ، ورنہ میں نے ایک لڑکی دیکھ رکھی ہے اور مجھے یقین ہے اس سے بہتر کوئی اور تمہارے لئے ہو نہیں سکتی ۔۔۔۔۔“
دادو نے فوراً کہا مبادا مکر نہ جاۓ تبھی ارحہ اندر آگٸ ،،،،،بلیک رویلوٹ کے سوٹ میں وہ بے حد حسین لگ رہی تھی ۔۔۔۔
”عارش بھاٸی میں نے آپ کے لٸے سوپ بنایا ہے،،،، لذیذ ہونے کے ساتھ ساتھ فائدہ مند بھی ہے۔۔۔۔۔۔“
وہ مسکراتے ہوۓ بولی۔۔۔۔۔
”یہاں رکھ دو۔۔۔۔۔“
اس نے میز کی طرف اشارہ کیا تو ارحہ نے دادو کو آنکهوں میں اشارہ کیا کہ کہو ابھی پیو۔۔۔۔
”دادو کو کیا اشارے کر رہی ہو،،،، رکھو ٹھنڈا ہو گا تو پی لوں گا۔۔۔۔۔“
وہ اسے دیکھتے ہوۓ بولا تو وہ جھینپ گٸ تھی۔۔۔۔
”ٹھیک ہے میں نماز پڑھ لوں ،،،،، تم دونوں بیٹھو۔۔۔۔۔“
دادو اٹھ گٸیں اور وہ انہيں باہر تک چھوڑ کر آٸی۔۔۔
”کیا مصروفيات ہیں آج کل۔۔۔۔“
عارش نے ہی اس سے پوچھا۔۔۔۔
”کچھ خاص نہيں ۔۔۔۔۔“
اس نے نفی میں سر ہلایا۔۔۔۔
”آگے داخلہ لے لو۔۔۔۔۔“
اس نے مشورہ دیا۔۔۔۔۔
”نہيں ،،،،،مجھ سے آگے نہيں پڑھا جاتا۔۔۔“
اس نے فوراً نفی میں سر ہلایا۔۔۔۔
”یعنی آگے شادی کا ارادہ ہے۔۔۔۔“
عارش کے کہنے پر وہ جھینپ گٸ۔۔۔۔
”نہيں ۔۔۔۔“
وہ ہاتھ مسلتے ہوۓ بولی۔۔۔۔
ظاہر ہے اب ساری زندگی تمہيں گھر تو نہيں بیٹھا کر رکھنا، اچھا ہے ٹائم سے اپنے گھر کی ہو جاؤ۔۔۔۔“
وہ سوپ کا باٶل اٹھاتے ہوۓ بولا۔۔۔۔
”تو آپ کر لیں شادی۔۔۔۔“
وہ فوراً بنا سوچے بولی۔۔۔۔
”تم سے۔۔۔۔؟؟“
وہ چونکتے ہوۓ بولا۔۔۔
”نہيں ،،،،أَسْتَغْفِرُ اللّٰه ،،،،، میرا مطلب تھا کہ پہلے آپ شادی کر لیں۔۔۔۔۔۔“
وہ فوراً صفائی دے کر بولی۔۔۔
”ویسے اس میں کوٸی مضاٸقہ نہيں ۔۔۔۔۔“
عارش اسے دیکھتے ہوۓ بولا۔۔۔۔۔
”کس میں ؟؟“
وہ الجھی ۔۔۔
”تم سے شادی میں۔۔۔۔۔“
وہ اسے دیکھتے ہوۓ بولا کیونکہ وہ نانو کا اشارہ اچھی طرح سمجھ گیا تھا۔۔۔۔
”مجھ سے۔۔۔۔۔۔“
وہ خشک لبوں پر زبان پھیرتے ہوۓ بولی۔۔
”ہاں تم سے ،،،،، کیوں پریشان ہو گٸ ،،،، ؟ کہیں کمیٹڈ ہو؟؟؟؟“
عارش نے اس کا دھواں دھواں ہوتا چہرہ دیکھا ۔۔۔۔۔
”ن،،نہيں تو۔۔۔۔۔“
اس نے نفی میں سر ہلایا مگر دل میں چور پڑ گٸے تھے۔۔۔۔
”تو پھر۔۔۔۔؟؟؟۔“
وہ سوپ پیتے ہوۓ بولا۔۔۔۔
”کچھ نہيں ،،،،، میں آتی ہوں۔۔۔۔۔،“
وہ اٹھ گٸ ۔۔۔
”رکو۔۔۔۔۔“
اس کی سخت آواز ابھری۔۔۔
”جی،،،،“
وہ رکی مگر پلٹی نہیں ۔۔۔۔
”میں نے تمہيں پرپوز کیا ہے جواب تو دے جاٶ، ریجیکٹ ہونے کا صدمہ میں برداشت نہیں کر سکوں گا اور یہ نہ ہو کہ اللہ کو پیارا ہو جاؤں۔۔۔“
اس کی بات پر وہ پلٹی۔۔۔۔
”مذاق کر رہا تھا یار،،،،،، سوپ اچھا بنا ہے ،،،،، مجھے میڈیسن دینا۔۔۔۔“
اس نے ساٸیڈ ٹیبل کی طرف اشارہ کیا۔۔
”آپ واقعی مذاق کر رہے تھے؟؟“
وہ اسے دیکھتے ہوۓ بولی۔۔۔
”جی مذاق تھا،،،، کیوں تم سیریس ہو؟؟“
وہ شرارت سے بولا تو وہ ہنس دی تو وہ بھی مسکرا دیا ۔۔۔۔۔
،،،،،،،،
”حنان میں سوچ رہی ہوں کہ کیوں نہ میں تمہارے لٸے حنا کا ہاتھ مانگ لوں۔۔۔۔“
فرخ بیگم نے کہا۔۔۔۔
”کیا؟؟؟“
وہ اچھلا۔۔۔۔
”ہاں ،،،،،حنان دیکھو جذباتی ہو کر نہ سوچو ،،،سچ تو یہی ہے کہ وہ ایک بہت اچھی لڑکی ہے بلکہ ہیرا ہے اور کوٸی بیوقوف ہی ہو گا جو اس ہیرے کو ٹھکراۓ گا،،،،“
فرخ بیگم نے کہا۔۔۔۔
”ماما پلیزززز ،،،،، میں اس کے جیسی لاٸف پارٹنر نہيں چاہتا ہوں،،،،،میرے خیالات پارٹنر کو لے کر جو ہیں وہ حنا میں سرے سے ہی موجود نہيں ہیں اور وہ میری صرف دوست ہے اور میں اسے ہمیشہ دوست ہی رکھنا چاہوں گا۔۔۔۔۔“
وہ سخت اور دوٹوک انداز میں بولا۔۔۔۔
”جب لڑکی کی شادی ہو جاتی ہے تو وہ خود کو شوہر کی پسند کے مطابق ڈھال لیتی ہے اور حنا بھی ڈھال لے گی خود کو تمہارے رنگ میں۔۔۔۔۔“
انہوں نے رسانیت سے سمجھایا۔۔۔
”ماما حنا میری دوست ہے ، مین اسے ایک بہترین دوست ہی رکھنا چاہوں گا اور شادی کے بعد بندہ دوست تو کبھی نہیں رہ سکتا اور وہ بچپن سے میرے بہت قریب رہی ہے سو میں اچھی طرح جانتا ہوں وہ کبھی خود کو نہیں بدل سکتی اور بالفرض بدل بھی لیتی ہے میری خاطر تو میں یہ کبھی نہيں چاہوں گا وہ خود کو فقط میری خاطر بدلے، اس کی اپنی بھی کوئی شخصیت ہے ماما۔۔۔“
وہ فوراً تفصیلا ً بولا ،،،،،،اس کا لہجہ بھی انکار کر رہا تھا ، فرح بیگم کو دکھ ہوا ، اس لڑکی کو انہوں نے ہاتھوں میں پالا تھا۔۔۔
”کیا تھا تم سوچ لیتے،،،، اسوہ کی بھی یہی خواہش ہے۔۔۔۔۔“
انہوں نے تاسف سے اسے دیکھا۔۔۔
”مجھے پہلے ہی یقین تھا کہ یہ باتيں آپ کے دماغ میں اسوہ ڈال رہی ہے ،،آج بھی انکار ہے کل بھی انکار ہے،، اور جب بھی کہیں گی تب بھی۔۔۔۔۔۔“
وہ سنجیدگی سے کہتا چلا گیا۔۔۔۔
”خدا جانے کب عقل آۓ گی اس لڑکے کو ،،،،، اتنی اچھی لڑکی ہے اور یہ پتہ نہيں کن چکروں میں ہے، کیوں نا اس کے بابا کو کہہ کر زور ڈلواؤں ، نہیں باپ بیٹا منہ پر آ جائیں گے۔۔۔۔“
فرح بیگم نے گہرا سانس لیا۔۔۔۔۔
”حنان اپنے روم میں آ گیا اور اسوہ کا نمبر ڈاٸل کرنے لگا ، ارادہ اس کا دماغ ٹھکانے لگانے کا تھا۔۔۔
”ہیلو ہینڈسم ۔۔۔۔۔،“
اسوہ مسکراتے ہوۓ بولی۔۔۔۔
”تم نے سدھرنا کب ہے؟؟؟“
وہ تپا ہوا بولا۔۔۔۔
”سیم کوٸسچن از ماٸن۔۔۔۔۔“
اسوہ اسے بہت کچھ جتا گٸ۔۔۔۔
”اسوہ اگر اب تم نے میرا اور حنا کا نام ساتھ میں لیا تو ہماری بہت زبردست لڑائی ہو جانی ہے،،،،، مذاق نہیں کر رہا میں یاد رکھنا۔۔“
وہ سنجیدہ تھا اور سنجيدہ بہت کم ہوتا تھا۔۔۔۔۔۔۔
”تو ڈٸیر برو ،،،وہ لڑائی بہت جلد ہونے والی ہے۔۔۔۔۔“
وہ بھی سنجيدہ تھی۔۔۔۔
”ایک بات یاد رکھنا اسوہ،،،،، تم میری چھوٹی بہن ہو بھلے سال ہی مگر بہت عزت کرتا ہوں تمہاری ،،،،، تمہارا ہر حکم سر آنکهوں پر،،،،اب اگر تم نے ماما یا کسی اور کے سامنے ہم دونوں کا نام اکھٹا لیا تو اچھا نہيں ہو گا،،،،،،اسے صرف وارننگ مت سمجھنا ، بہت بار پیار سے سمجھایا ہے مگر تمہاری عقل میں شاید بھوسہ بھرا ہوا ہے۔۔۔۔۔۔“
اس نے غصے سے کہہ کر کال کاٹ دی تو اسوہ نے بھی غصے سے موبائل صوفے پر پھینکا اور گہرے سانس لینے لگی۔۔۔۔
”کیا ہوا ہے؟ کس سے بات کر رہی تھی؟؟“
پھوپھو نے فکرمندی سے اسے دیکھا۔۔۔۔
”حنان سے ۔۔۔۔“
اس نے بنا دیکھے کہا۔۔۔۔۔
”کیا کہہ رہا تھا۔۔۔۔۔؟؟“
انہوں نے ناسمجھی سے اسے دیکھا۔۔۔۔۔
”پھوپھو فضول کی ضد لگا کر بیٹھا ہے کہ حنا سے شادی نہيں کرنی ،،،،،آپ خود بتاٸیں کیا کمی ہے،،،،، اب گھر کی اتنی اچھی لڑکی گھر میں لڑکے کے ہوتے ہوۓ باہر جاتی اچھی تھوڑی نا لگتی ہے؟؟۔۔۔۔۔“
وہ تپی ہوٸی روہانسی ہو کر بولی۔۔۔۔
”بیٹا کچھ ٹائم کے لٸے چپ کر جاٶ،،،، شاید اسے بھی سمجھ آ جاۓ، فورس کرو گی تو ضد میں آ جاۓ گا ۔۔۔۔۔“
پھوپھو نے کہا تو اس نے سر ہلایا ….
”ارمان اور افنان کے کپڑے نکال دو،،،
میں استری کرنے لگی ہوں۔۔۔۔۔“
دعا نے آ کر اسوہ کو دیکھا۔۔۔۔
”کپڑے میں استری کروا چکی ہوں سب کے،،،، تم چاۓ بنا لو پلیزززز، سر درد کر رہا ہے۔۔۔۔“
اس نے ریکوسٹ کی۔۔۔۔
”اچھا ٹھیک ہے ، میڈیسن دوں ؟۔۔۔“
دعا نے سر ہلا کر پوچھا ۔
” نہیں یار ، ہلکا درد ہے چاۓ سے آفاقہ ہو گا۔”
وہ نفی میں سر ہلا کر مسکرا دی۔۔۔۔
” اوکے میں بنا رہی چاۓ ۔”
وہ مسکرا کر چلی گئی۔
” کیا ہوا پھوپھو؟”
پھوپھو کو مسکراتے دیکھ کر اس نے پوچھا۔
” سوچ رہی ہوں کہ زندگی کا بہترین فیصلہ تم دونوں اس گھر لانا تھا۔”
وہ مسکرائیں۔
” چچی پھوپھو ۔”
وہ محبت سے گلے لگی۔
” بھابھی یہ حرم اٹھائیں ، مجھے چچی نے بلایا میں آتی ہوں ، پھوپھو کی جان جاؤ آنی پاس۔”
اسریٰ نے حرم اسے تھائی۔
” آنی کی جان ہے حرم ، آنی کی ڈمپل کوئین ہے ۔۔”
وہ حرم سے لاڈ کرتی ریلیکس ہوئی ۔
،،،،،،،
”حنا،،،،،“
حنان اس کے روم میں آیا۔۔۔۔
”ہوں۔۔۔۔۔“
وہ سارے بیڈ پر چوڑیوں کو پھیلاۓ بیٹھی تھی ،،، اس لٸے سرسری سا بولی۔
”ماشاءاللہ ،،،،، اتنی چوڑیاں ہیں اور تمہيں ابھی بھی اور چوڑیوں کی خواہش ہے،،،،توبہ ہے لڑکی۔۔۔۔۔۔“
حنان نے اس کے مسکراتے ہوۓ چہرے کو نظروں کے حصار میں لے کر کہا۔۔۔۔۔
”کچھ چیزیں سے آپ کو اتنی محبت ہوتی ہے کہ آپ ان کا ڈپلیکیٹ بھی کسی اور کے پاس برداشت نہيں کر سکتے،،،،، چوڑیوں کے سین میں میرے ساتھ بھی کچھ ایسا ہی ہے ، دل چاہتا کہ اتنی چوڑیاں ہوں کہ بس حد ختم ہو جاۓ۔۔۔۔۔۔۔۔“
وہ مسکراتے ہوۓ گویا ہوٸی۔۔۔۔۔
”تمہيں زندگی میں سب سے زیادہ خوشی چوڑیوں کے ساتھ ہوتی ہے ،،،، کیا میں وجہ جان سکتا ہوں؟؟؟“
حنان چند ایک چوڑیوں کو اٹھاتے ہوۓ بولا۔۔۔۔
”توڑنا مت پلیززززززز،،،،،،، اور مجھے نہيں پتہ یار کہ مجھے چوڑیاں کیوں پسند ہیں؟؟ بلکہ تم بچپن سے میرے ساتھ ہو تمہيں ہی معلوم ہو گا نا؟؟؟“
وہ سرخ رنگ کی چوڑیاں اٹھاتے ہوۓ بولی ۔۔۔۔۔۔
”نہيں مجھے نہيں معلوم ،،،،،،، یہ معلوم ہے کہ تم چوڑیوں کو دیکھ کر دیوانی ہو جاتی ہو،،،،،، مگر پہلی بار پہنائی میں نے تھی یہ یاد ہے اور چوڑیوں سے تمہاری محبت شاید بے وجہ ہے۔۔۔۔۔“
وہ کندھے اچکاتے ہوۓ بولا۔۔۔۔۔
”ہاہاہاہاہا،،،،،، باۓ دا وے تم مجھے کیوں بلانے آۓ تھے؟؟؟“
حنا نے اسے دیکھا جو چوڑیاں انگليوں پر گھما رہا تھا۔۔۔۔۔
” کیوں بلاوجہ تمہيں بلانا منع ہے؟؟؟“
وہ ابرو اچکا کر بولا۔۔۔۔۔
”نہيں یار،،،،،،، مجھے لگا کوٸی کام ہے۔۔۔۔۔“
وہ چوڑیاں سمیٹتے ہوۓ بولی۔۔۔۔
”تم باہر نظر نہيں آٸی تو اس لٸے دیکھنے آ گیا ،،،،تم جانتی ہو نا کہ تمہيں دیکھے بنا مجھے چین نہيں پڑتا۔۔۔۔“
وہ کھڑا ہو گیا ،،،، پتہ نہيں کیوں حنا کے ہاتھ لڑکھڑاۓ تھے۔۔۔۔
”کیوں؟؟؟؟؟“
حنا نے پلٹ کر اس کو دیکھا۔۔۔۔
” کیا مطلب کیوں ؟؟؟؟؟حنا تم میری بیسٹ فرینڈ ہو یار ، فرائز بنواۓ تھے عذرا آنٹی(ملازمہ) کو کہہ کر سو سوچا کہ تمہیں بلا لاؤں ، آخر دوست کے بنا کیسے کھاتا سو بندہ حاضر ہے۔۔۔۔۔“
وہ واقعی اسے صرف ایک دوست ہی تو سمجھتا تھا لیکن وہ لڑکی تھی اس کے جذبات بدل رہے تھے،،،، وہ اس کی اتنی محبت ، پروا اور عزت کو صرف دوستی نہيں سمجھ پا رہی تھی۔۔۔
”کیا ہوا؟؟؟“
حنان نے اس کے آگے ہاتھ لہرایا۔۔۔
”آہاں کچھ نہیں۔۔۔۔۔“
وہ مسکراٸی۔۔۔۔۔
”چلو آ جاٶ باہر چلتے ہیں۔۔۔۔۔۔“
وہ چوڑیاں مہارت سے رکھتے ہوۓ بولا۔۔۔
”ہاں تم چلو،،،،،،میں چینج کر کے آٸی۔۔۔۔“
وہ مسکراتے ہوۓ بولی ۔۔۔۔
”نہيں ابھی چلو، تمہارے کچھ لگتے ٹھنڈے ہو گئے ہوں گے۔۔۔۔“
وہ اس کا ہاتھ پکڑ کر لے گیا اور وہ سر تھام کر رہ گئی۔۔۔۔
،،،،،،،،،،
وہ آفس میں بیٹھا تھا،،،،سارا کام کر کے فری ہوا تو سوچوں کو پھر فرصت مل گٸ تھی۔۔
”بیٹا میری بلکہ تمہاری ماں کی بھی دلی خواہش یہی تھی کہ تم ارحہ سے شادی کر لو،،،،، میرا یقين کرو تم اس کے ساتھ ایک خوشگوار زندگی گزار سکو گے۔۔۔۔۔“
اس کے کانوں میں نانو کے الفاظ گونجے۔
”ارےےے بیٹا ،،،، یہ چند سال کی عمر کا فرق کوٸی فرق نہيں ہوتا بلکہ اتنے سال کی لڑکی تمہارے ساتھ جچے گی۔۔۔۔۔“
دادو تو پورا ارادہ رکھتی تھیں ،،،،،،، ان دونوں کی شادی کا۔۔۔۔وہ سوچوں میں غرق تھا جب ریسپشنسٹ نے اسے حنان کے آنے کی اطلاع دی ،،،،، حنان اس کا بیسٹ فرینڈ تھا۔۔۔۔
”مے آٸی کم ان سر۔۔۔۔۔“
حنان شرارت سے بولا۔۔۔
”نو ۔۔۔۔۔“
وہ بھیٕ شرارت پر آمادہ ہوا۔۔۔۔
”سوری سر میں تو آٶں گا۔۔۔۔“
وہ ہنستا ہوا اندر آ گیا،،،،، عارش اٹھ کر گرمجوشی سے بغلگیر ہوا، دونوں کی دوستی امریکہ میں ہوئی تھی ، اس کے بعد زرنش کا کزن جان کر سب کو اس سے مل کر کافی خوشی ہوئی مگر اتفاق تھا یا کیا کہ ارحہ سے اس سے ملاقات کبھی عارش کے گھر پر نہ ہو سکی ۔۔
”کیسے آنا ہوا؟؟؟“
عارش نے اسے دیکھا۔۔۔۔
”میں نے سوچا عارش صاحب کے پاس تو بالکل وقت نہيں ہے،،،،، اس سے پہلے ہماری دوستی کام کی نظر ہو،،،،، میں جا کر مل آٶں ،،،،، سو اب آپ کے سامنے ہوں۔۔۔۔۔“
وہ مسکراتے ہوۓ بولا۔۔۔
”بہت اچھا کیا۔۔۔۔۔اب بتا چاۓ ، کوفی یا جوس؟؟؟“
عارش نے اسے دیکھا۔۔۔
”پہلے چاۓ ،،،،،، پھر تیرے پیسوں کا شاندار سا لنچ۔۔۔۔۔۔“
حنان شرارت سے بولا۔۔۔۔
”فور یور کاٸنڈ انفارميشن ،،،، ہر بار میرے ہی پیسوں کا ہوتا ہے۔۔۔۔۔“
عارش نے گھورا۔۔۔۔
”تو اب میرے ساتھ حساب کرے گا۔۔۔۔۔!“
حنان نے پہلو بدلا۔۔۔
”نہيں تجھے بتایا ہے کہ تو کتنا کنجوس ہے میرے یار، اسٹیٹس میں میرے برابر اقر دل میں اتنا ہی چھوٹا۔۔۔۔“
وہ شرارت سے مسکراہٹ دباتے ہوۓ بولا۔۔۔
”جو گاڑی میں پٹرول ڈالتا ہوں تجھ سے ملنے آنے کے لٸے،،،،،، وہ کس کھاتے میں ہے؟؟؟؟“
حنان نے دانت پیسے۔۔۔۔۔۔
”اووووو بس کر دے یہ فضول باتيں ،،،،، میں بھی تجھ سے ملنے آنے والا تھا جلد ہی ،،،،،، چل پہلے میرا مسٸلہ سن۔۔۔۔۔“
عارش نے چاۓ کا کہہ کر اس کو دیکھا۔۔۔
”یار نانو چاہتی ہیں میں شادی کر لوں۔۔“
وہ پیپر ویٹ گھماتے ہوۓ بولا۔۔
“واہ واہ،،،، کیا گانا تھا،،،،، میرے یار کی شادی ہے ۔۔۔۔“
حنان تو باقاعدہ بھنگڑا ڈالنے لگا۔۔۔
”حنان یار میں سنجیدہ ہوں،،،، میری بات سن پھر ناچ لینا۔۔۔۔۔“
عارش خفگی سے بولا۔۔۔
”ڈرا تو نہ ،،،،، چل بتا؟؟“
وہ ڈرنے کی ایکٹنگ کرتا بیٹھ گیا۔۔۔
”یار میرے مامو کی بیٹی ہے ،،،بہت اچھی ہے،،،،
ماسٹرز کیا ہے اس نے حال ہی میں اور اتفاق سے وہ بھی اکلوتی اور میں بھی ،،،،، سو نانو چاہتی ہیں کہ ہم دونوں کی شادی کر دیں،،،،، مگر یار سمجھ نہيں آ رہی کہ کیا کروں میں؟؟؟؟ ہر قسم کے معاملات سمجھداری سے طے کرنے کے بعد آج زندگی کے سب سے اہم معاملے میں جانے کیوں الجھن ہو رہی ہے،،،،، بہت سوچا مگر الجھن ہی الجھن ہے، سمجھ سے باہر ہے سب یار یعنی وہ لڑکی جسے واقعی میں نے ایک بہن کی حیثیت ہی دی اب اس سے شادی ؟؟؟ اور اس کا بھی جانے کا کیا ری ایکشن ہو گا۔۔۔؟؟“
عارش الجھا الجھا سا بولا۔۔۔
”دیکھ میرے یار،،،،، شادی سے پہلے سب ہی بہن بھاٸی ہوتے ،،،،، مجھے یہی لگ رہا کہ تُو کر لے شادی،،،،، اگر تیری کزن ہے تو تیرے دھوپ چھاٶں موڈ کو اچھی طرح سمجھے گی،،،، ایک اور بات ایک بار خود اس سے بات کر لینا اس سے،،،،،،“
حنان نے سنجيدگی سے مشورہ دیا۔۔۔
”ہوں ،،،، کرتا ہوں نانو سے بات ،، باۓ دا وے ہادی کب آ رہا ہے،،،،؟؟“
وہ کوفی کا کپ اٹھاتے ہوۓ بولا۔۔۔
”چار ماہ تک،،،،،، بھابھی کو جونہی ڈاکٹریٹ کی ڈگری ملے گی تو آ جاٸیں گے ،،،،، ان شاء اللہ،،،،،،،“
وہ مسکرایا تھا۔۔۔۔
”ہممممم اور عریش سے بات ہوتی ہے؟؟“
اس نے ہادی کے بیٹے کا نام لیا۔۔۔
”دن میں کٸی بار،،،،، اور وہ تو فاہم اور افنان سے بھی زیادہ نوٹی ہے،،،،،،،“
وہ ہنسا تھا۔۔۔۔
”ماشاءاللہ،،،،،،، یعنی چاچو پر چلا گیا ہے،،،، کیونکہ باپ اور ماں تو بالکل نہيں شرارتی ۔۔۔۔۔“
وہ بھی ہنسا تھا۔۔۔۔
”بالکل لیکن کم اس کی پھوپھو بھی نہيں بلکہ چاچو سے زیادہ پھوپھو کا اثر ہے۔۔۔“
وہ حنا کے ذکر پر مسکرا دیا تھا۔۔۔