Kaanch Ki Choriyan by Zoya Chuadhary NovelR50591 Kaanch Ki Choriyan (Episode 01,02)

Kaanch Ki Choriyan by Zoya Chuadhary

,”یہ کھانا بنایا ہے تم نے ،،،،،،، تمہارا دھیان کہاں رہتا ہے ،،،،،، اپنے عاشق میں۔۔۔۔۔“

وہ غصے سے چلایا تھا۔۔۔۔

”کھانا تو اچھا ہے،،،،،میں اور بنا لاتی ہوں۔۔۔۔۔“

وہ آنسو پیتے ہوۓ بولی۔۔۔۔۔

”نہيں کھانا مجھے تمہارے ہاتھ کا بنا زہر۔۔۔۔۔۔“

وہ انگارے برساتی آنکھوں سے دیکھتے ہوۓ بولا۔

”آٸم سو سوری۔۔۔۔۔“

اب غلطی نہيں تھی پھر بھی ہر بار سوری کہنا پڑتا تھا جب کہ صرف اک بار غلطی کی تھی۔۔۔

”میں شادی کر رہا ہوں بہت جلد ،،،،،، میں نے صرف اپنی پرنسس نیناں کے لٸے نہيں کی تھی ابھی تک شادی بٹ اب اور نہيں ،،،،، تم چاہو تو رہ لینا یہاں ورنہ چلی جانا ،،،،،مجھے کوٸی ضرورت نہيں تمہاری ۔۔۔۔۔۔۔۔۔“

اس کا لہجہ پتھر کو بھی مات دے رہا تھا۔۔۔۔

”ش،،،شادی ،،،،،مگر کیوں،،،،، آپ مجھ سے محبت کرتے تھے نا؟؟؟“

وہ ہکلاتے ہوۓ بولی تھی۔۔۔۔۔

”محبت نہيں غلطی کی تھی ورنہ تم جیسی گھٹیا عورت میرے قابل نہيں تھی۔۔۔۔۔۔“

اس کے ماتھے کی واضح رگیں اس کے غصے کا پتہ دے رہی تھیں ،،،،، وہ دکھ سے اسے دیکھ رہی تھی ،،،، آنکهوں سے آنسو بہہ رہے تھے۔۔۔۔۔

”اب کیا ہوا میں مر گیا ہوں جو سر پر کھڑی یوں روۓ جا رہی ہو،،،،،،،“

وہ سرخ ہوتی آنکهوں سے بولا تھا۔۔

”اللہ نہ کرے،،،،،،،“

اس نے فوراً اس کے لبوں پر ہاتھ رکھا ،،،، وہ اس کی اس حرکت پر چونکا تھا۔۔۔

”اللہ پاک آپ کو میری بھی عمر لگا دے ،،،،،،، زندگی کے چار سال گزر گٸے آپ کو میری محبت کا ، میری وفاداری کا یقین نہيں آیا ،،،،، میں اپنی جان دے کر بھی یقین دلا سکتی ہوں ،،،، پر ڈر ہے کہ کہیں آپ کو دکھ نہ ہو ،،، پچھتاوا نہ ہو اور نیناں کا کیا ہو گا ورنہ آپ کی بے رخی سہتے سہتے میں شوخ و خوش رنگ چوڑیوں سے چور چور ہوٸی چوڑیاں بن گٸ ہوں ۔۔۔۔۔ یو ہرٹ می ویری مچ ،،،،، کبھی سوچا ہے ایک لمحے کو بھی کہ میں ان چار سالوں میں سب کیوں ، کیوں سہتی رہی ہوں ،،،، اگر میں آپ کی نہ ہوتی یا آپ کو مجھ پر یقین ہوتا تو بیرون شہر اور بیرون ملک میٹنگز ہر ٹینشن سے آزاد ہو کر اٹینڈ نہ کرنے جاتے ،،،،، آپ کا indirectly مجھ پر یقین مجھے ہمیشہ خوشی دے جاتا مگر direct نفرت کا اظہار کرنا مجھے توڑ جاتا،،،،،، اب تھک چکی ہوں میں ،،،،، ٹوٹ چکی ہوں میں،،،، اب مزید سہنے کی ہمت نہيں مجھ میں۔۔۔۔۔۔۔۔۔“

وہ کہتے کہتے رو دی اور گھٹنوں کے بل نیچے قالین پر بیٹھ گٸ اور وہ حیران و ساکت سا اسے دیکھ رہا تھا ،،،،،الفاظ جیسے ختم ہو گٸے تھے اور وہ بس روۓ جا رہی تھی، آج اس کا حوصلہ ہمت برداشت سب جواب دے گیا تھا۔۔۔۔

،،،،،،،،،،،،،،،،،،،،،،،،

حنا منہ لٹکاۓ دونوں پاٶں صوفے پر رکھے چھت کو گھور رہی تھی ،،،، سامنے ٹی وی چل رہا تھا ،، گھر میں مکمل خاموشی تھی ،،،صرف ٹی وی میں بولنے والے نفوس کی ہلکی ہلکی آواز آ رہی تھی ۔۔۔

”چاچو جان، بابا ایمبولینس کو بلاٸیں ۔۔۔۔۔“

حنان نے اسے چند لمحے دیکھا جب وہ ساکت یونہی لیٹی رہی تو حنان نے شور مچایا ۔۔۔

”ک۔ کی۔۔کیا ہوا ؟؟“

وہ ہکلاتی ہوٸی اٹھ بیٹھی۔۔۔۔

”اووووو شِٹ میں نے تو تمہارے لٸے کہا تھا ،،،، بٹ تم تو زندہ ہو ،،،شکر ہے کسی نے نہيں سنا۔۔۔۔۔۔“

وہ بھی صوفے پر آن بیٹھا۔۔۔

”میرے لٸے۔۔۔۔۔۔؟؟؟؟“

حنا نے دانت پیسے۔۔۔

”افکوورس ،،،،، تم جیسے ساکت لیٹی تھی ،،،، مجھے لگا گزر گٸ،،،،،،،“

وہ شرارت سے بولا تھا۔۔۔۔۔۔

”ویری فنی۔۔۔۔۔۔۔۔۔“ حنا نے سر جھٹکا۔۔

”کیا ہوا دوست؟؟ منہ کیوں کڑوا کریلا بنا ہے؟؟“

حنان نے اسے دیکھا۔۔۔

”کچھ نہيں ،،،،،“

اس نے نفی میں سر ہلایا ۔۔۔۔

”اوووو میں بھول ہی گیا تھا ،،،،، شکل ہی ایسی ہے ،،،،،“

وہ سر پر ہاتھ مارتے ہوۓ بولا۔۔۔

”ماما نے انسلٹ کی ہے۔۔“

اس نے ناخن چباتے ہوۓ کہا۔۔۔۔

”ہاہاہاہاہاہاہا،،،،،،کون سا پہلی بار ہوٸی۔۔۔۔۔۔“

وہ اس کی بات سن کر قہقہہ لگا کر ہنس پڑا مگر جب اس کا غصے سے سرخ چہرہ دیکھا تو بمشکل ہنسی کنٹرول کرنے کی کوشش کرنے لگا۔۔۔۔۔

”یار تو کیا ہو گیا ،،،،، میری بھی تو ہوتی ہے،،،،،، یہ کہنا بجا ہو گا کہ تمہارا تو ون ڈے پیکج ہے جب کہ میرا منتھلی ،،،،،اور اتنا بڑا بزنس مین ہو کر بھی میں نے کبھی دل پر نہيں لیا۔۔۔۔۔۔“

اس نے جیسے مداوا کرنا چاہا۔۔۔۔

”دعا اور سعد بھاٸی لوگوں کے سامنے کی ہے انسلٹ انہوں نے۔۔۔۔۔“

اس کی آنکهوں میں نمی آٸی ۔۔۔۔۔

”تو کیا ہو گیا یار،،،،ماں کی ڈانٹ خوش نصیبوں کو پڑتی ،،،،،مجھے تو جوتا بھی پڑ جاتا ہے سب کے سامنے اور دعا اسوہ سعد لوگ کوٸی غیر تو نہيں ہیں ۔۔۔۔“

اس نے ہنستے ہوۓ سمجھایا ۔۔۔

”لیکن پھر بھی۔۔۔۔۔“

اس نے آنکهيں صاف کرنے کے لٸے ہاتھ اٹھایا تو چوڑیوں کی کھنکھن نے دھن بجاٸی۔۔

”تو تمہيں کس نے کہا تھا کہ سری لیک کھاٶ؟؟؟“

حنان نے ابرو اچکاۓ۔۔۔۔

”تم تو ہو ہی ماما کے چمچے۔۔۔۔۔“

اس نے سر جھٹکا۔۔۔۔۔

”اچھا لیو اٹ،،،،،،،،،، چاۓ بنا دو۔۔۔۔“

اس نے ریمورٹ سے ٹی وی کا والیم اونچا کیا۔۔۔

”ہاں تم تو آۓ ہی چاۓ پینے ہو،،،،، جاٶ جا کر کہو اپنی چہیتی چچی سے۔۔۔۔۔“

اس نے دانت پیسے۔۔۔۔

”میری ماں ،،،، میں آفس سے تھکا آیا ہوں ،،،، چاۓ کی طلب ہو رہی ہے،،،،، اور چہتی چچی یہاں ہوتی تو محترمہ مجھے آپ کی یوں منتیں نہ کرنی پڑتی ،،،،، جاٶ بھی پلیززززززز۔۔۔۔۔“

اس نے گھورا۔۔۔

”اچھا ،،،، ویسے تمہيں کس نے بتایا کہ میں نے سری لیک کھایا؟؟؟؟“

وہ جاتے جاتے پلٹی۔۔۔۔۔

”افکوورس یار،،،،، دوست ہوں تمہارا ،،،، سب جانتا ہوں ۔۔۔۔“

وہ آنکھ مارتے ہوۓ بولا۔۔۔

”اوووففففففففف زہر لگتے ہو ،،،، جب تھرڈ کلاس ہیرو کی طرح آنکھ مارتے ہو۔۔۔۔۔“

حنا نے کچن کی طرف جاتے ہوۓ گھورا۔۔۔

”کباب پڑے ہیں اگر فریج میں وہ بھی فراٸی کر لینا ،،،، یا کچھ اور ساتھ لے آنا،،،،، میں فریش ہونے جارہا ہوں۔۔۔۔۔۔“

وہ کہتا ہوا سیڑھیاں پھلانگتا اوپر بھاگ گیا۔۔۔

،،،،،،،،،،،،،،،،،

یہ دو منزلہ بنگلہ جو باہر سے تو شاندار تھا ہی مگر اندر سے حسین تر تھا ،،،،،، کیونکہ یہاں رہتے تھے قابل مثال لوگ ،،،،،زاہد اور شاہد دو بھاٸی تھے جب کہ ایک ہی بہن تھی عفت ۔۔۔۔

زاہد کی شادی پھوپھو زاد جویریہ سے ہوٸی ان کے تین بچے ہیں ،،،،،، ہادی جو ہاٸیر اسٹڈیز کے لٸے باہر گیا اور چند سال وہاں ہی جاب کے لٸے رک گیا ،،،،اس کی شادی اپنی کولیگ زرنش سے ہوٸی جو کہ ایک بہترین جیون ساتھی تھی ان دونوں کا ایک بیٹا تھا عریش۔۔۔ دوسری بیٹی دعا جس کی شادی گریجویشن کے بعد پھوپھو کے بیٹے سعد سے ہوٸی اور ان کے دو بچے تھے ،،،،حرم اور فاہم اور دعا کی باقی کی اسٹڈیز اس نے سسرال میں ہی کمپلیٹ کی جب کہ آخری اور اس گھر کا سب سے چھوٹا پیس جو سب کی آنکهوں کا تارہ ہے ”حنا“ ،،،، ہر ایک کے دل میں بسنے والی چلبلی سی لڑکی ،،،، ماسٹرز کر رہی تھی اسے چوڑیوں سے عشق تھا ،،،،ہر وقت اس کے ہاتھ چوڑیوں سے بھرے رہتے اس کے روم میں جاٶ تو یوں لگتا کہ چوڑی شاپ ہو مگر وہ چوڑیوں سے محبت اتنی کرتی کہ اگر صرف ایک چوڑی بھی غاٸب ہو جاۓ تو حنا اس گھر میں زلزلہ لے آتی ،،،،،، ۔۔۔۔

دوسرے شاہد کی شادی خالہ کی بیٹی فرح سے ہوٸی ،،،،، ان کی دو اولادیں تھیں ۔۔۔ اسوہ جو کہ دعا کی ہم عمر تھی اس کی شادی بھی دعا کے ساتھ ہی ہوٸی پھوپھو کے دوسرے بیٹا عمیر سے ہوٸی ۔۔۔۔ جب کہ بیٹا حنان جو ہادی کے ساتھ ہی پڑھنے باہر گیا مگر اسٹڈیز مکمل کر کے واپس آ کر بزنس جواٸن کر لیا ۔۔۔۔حنان اور حنا بیسٹ فرینڈز ایک دوسرے کے بنا رہنا ناممکن ،،،،، ۔۔۔۔ جوائنٹ فیملی ہونے کی وجہ سے حنان اور حنا کا سارا وقت ایک ساتھ گزرتا تھا،،،، حنان پانچ سال کا تھا جب حنا پیدا ہوٸی ،،،اسے اور ہادی کو جیسے کھیلنے کو کھلونا مل گیا تھا ،،،،حنا کا نام بھی حنان نے ہی رکھا تھا ۔۔۔۔یوں

ایک مکمل خوشیوں کا گھر تھا ۔۔۔۔۔

”اوووو شِٹ ،،،،، سات بج گٸے ،،،، آج پھر لیٹ ہو گٸ،،، اور حنان کا بچہ بھی نیچے نہيں آیا،،“

وہ اتنا لیٹ ہونے کے باوجود چوڑیاں پہننا نہيں بھولی تھی ۔۔۔۔

”حنان ،،،،،حنان۔۔۔۔۔۔۔“

وہ سیڑھیوں کے پاس کھڑی ہو کر چلا رہی تھی ،،،، حنان دعا اسوہ ہادی سب ایک دوسرے کے ہم عمر تھے سو کبھی بھاٸی آپی نہ بولا ایک دوسرے کو اور یہی عادت حنا کو بھی پڑی ۔۔۔وہ صرف ہادی کو بھاٸی کہتی تھی جبکہ دعا اور اسوہ کو وہ نام تو بلاتی مگر آپ بولتی جبکہ حنان کو تو بھاٸی یا آپ بولنا اس کے بس سے باہر تھا بقول اس کے عزت دل میں ہوتی ہے۔۔۔

”حنان۔۔۔۔۔“

وہ پھر آوازیں دینے لگی۔۔۔

”جی ،، جی حنان کی جان۔۔۔۔۔“

وہ سیڑھیاں پھلانگتا ہوا نیچے آیا ۔۔۔۔

”چلو بھی۔۔۔۔ لیٹ ہو گٸے آج پھر۔۔۔۔۔“

اس نے حنان کا جان کہنا بلکل برا نہيں بنایا تھا کیونکہ حنان کو جو بھی کہتا حنان تو اس کی عادت تھی آگے سے کہتا جی میری جان۔۔۔۔

”تم چوڑیاں پہن رہی تھی ،،،،،تب لیٹ نہيں ہوٸی ،،،،، مجھے ناشتہ بھی کرنا ہے،،،،، پیٹ میں ہاتھی کبڈی کھیل رہے ہیں ۔۔۔۔۔۔“

حنان نے منہ بنایا۔۔۔۔

”مجھے ڈراپ کر کے پلیز آ کر ناشتہ کر لینا،،، باۓ دا وے آفس میں بھی تو ناشتہ کر سکتے ہو نا؟؟؟؟ آج اگر میں لیٹ ہوٸی تو سر بینڈ بجا دیں گے میری یار ،،،، چلو۔۔۔۔“

وہ اس کا ہاتھ پکڑ کر کار تک لاٸی اور حنان بھی چھوٹے بچوں کی طرف گھسیٹتا چلا آیا۔۔۔۔

”اب کار میں بھی بٹھا دو۔۔۔۔“

حنان نے لطیف سا طنز کیا تو حنا جو فرنٹ سیٹ کا دروازہ کھولے بیٹھنے لگی تھی اس کی بات سن کر ڈراٸیونگ سیٹ کی طرف آٸی اور اسے سیٹ پر دھکا دیا۔۔۔۔۔

”آٶچ ۔۔۔۔۔چڑیل ۔۔۔۔۔۔“

اس کا سر اسٹٸیرنگ سے ٹکرایا ۔۔۔

”حنان ،،،،،“

وہ دانت پیستے چلاٸی۔۔

”جی حنان کٕی جان۔۔۔۔۔۔۔۔۔۔۔۔“

وہ سب درد بھول کر بولا۔۔۔۔

”ہر وقت فلرٹ کرتا ہے اففففففف،،،،،کہیں سے بزنس مین نہيں لگتے تم۔۔۔۔ بھٸ میں نے تو ناولوں میں پڑھا تھا کہ ہیرو ایک بزنس مین ہوتا ہے ،،،،وہ باہر تو کیا گھر والوں کو بھی لفٹ نہيں کرواتا ،،،، ایک یہ حنان صاحب ہیں بزنس مین جو ہر ایک کو لفٹ کرواتے پھرتے ہیں بلکہ یہ کہنا بجا ہو گا کہ ہر جگہ فلرٹ کرتے پھرتے ہیں۔۔۔۔۔۔“

حنا نے دانت پیس کر آٸینہ دکھایا اور اسے شرم دلانے کی کوشش کی تھی مگر یہ بات خود بھی جانتی تھی کہ کوشش غلط جگہ کی ہے۔۔۔۔۔

”یار بات کچھ یوں ہے کہ زندگی ہے چھوٹی سی ،،،، میں اس چھوٹی سی زندگی کو انجواۓ کرنا چاہتا ہوں ،،،،، دوسری بات آج کل کوٸی جتنا بھی شریف ہو ،،،،، کون یقین کرتا ہے؟؟؟ کوٸی نہيں اور ستم تو یہ ہے کہ میرے جیسے ہینڈسم لڑکے کا تو کوٸی یہ بھی یقین نہيں کرتا کہ یہ سنگل ہے ،،،،، سو فلرٹ کر کے دل کو سکون ملتا ہے کہ ہینڈسم ہونے کا حق ادا کیا ہے۔۔۔۔۔“

وہ تفصیلاً اسے صفاٸی دے کر بولا تھا ۔۔۔۔

”ایک بات کہوں ،۔۔۔۔۔؟؟؟“

حنا نے ہنستے ہوۓ اسے دیکھا۔۔۔

”تم کب سے اجازت طلب کرنے لگی؟؟؟“

اس نے حیرانی سے دیکھا۔۔۔

”سچ کہوں تو یقین تو مجھے بھی نہيں ہے کہ تم سنگل ہو؟؟؟ “

وہ شرارت سے اس کا کان کھینچ کر بولی تھی۔۔۔۔

”اوووووووو ہوووووو،،،،،، دیکھا تمہيں بھی نہيں یقین تو باقی کیا کوٸی خاک کرے گا؟؟؟ “

اس نے افسوس سے گردن ہلاتے ہوۓ کہا۔۔۔

”یار تم ایک گرل فرینڈ بنا لو نا پلیز ،،،،، پھر جب اسے سبز باغ دکھاٶ گے میں بھی انجواۓ کیا کروں گی ،،،،“

وہ منت بھرے لہجے میں بولی۔۔۔۔

”تو تم بن جاٶ۔۔۔۔۔“

اس نے آفر دی۔۔۔۔

”میں تو بیسٹ فرینڈ ہوں نا ؟؟گرل فرینڈ اسے بناٶ جو تمہيں جانتی نہ ہو ۔۔۔۔۔۔۔“

اس نے بلیک کلر میں ملبوس ڈیشنگ سے حنان کو دیکھا ،،،،،

”میرے سنگل ہونے کی سب سے بڑی ریزن تم ہو۔۔“

حنان نے منہ بنایا تو حنا نے گھورا۔۔۔۔

”یار آٸم سیریس،،،،، میں یہ سوچ کر نہيں بناتا گرل فرینڈ کہ میری دوست کا کیا ہو گا،،،، آٸی مین جو وقت تمہارے ساتھ گزارتا ہوں وہ شٸیر نہيں کر سکتا۔۔۔۔۔“

اس نے حنا کی چوڑیوں کو دیکھتے ہوۓ کہا۔۔۔

”اور جب تمہاری شادی ہو جاۓ گی تب؟؟؟“

حنا نے اسے دیکھا۔۔۔۔۔۔

”تب تمہاری بھی تو شادی ہو چکی ہو گی ،،،،، پھر مجھے اتنا ملال نہيں ہو گا۔۔۔۔۔۔۔“

وہ دور اندیشی سے بولا تھا۔۔۔۔

”اور اگر تم شادی کے بعد مجھے بھول گٸے تو،،، کیونکہ تمہاری واٸف ہم دونوں کا اتنا گُھلنا ملنا برداشت نہيں کرے گی۔۔۔۔۔۔تم بدل جاٶ گے۔۔۔۔۔“

حنا دکھی ہوٸی تھی ،،،،،۔۔۔

”میری جان کبھی نہيں ،،،،، میں اپنی واٸف کو صاف اور واضح الفاظ میں کہوں گا کہ حنا میری بیسٹ فرینڈ ہے،،،،، زندگی کے پچیس چھبیس سال اس کے ساتھ گزارے ہیں سو میں اسے نہيں بھول سکتا ،،،،ہمارے ریلیشن شپ کو غلط سمجھا تو تمہيں صرف چند سیکنڈز میں اوپر پہنچا دوں گا ،،،،،مطلب بھٸی حد ہے کیا کزنز دوست نہيں ہو سکتے ۔۔۔۔۔”

وہ تو جیسے ایموشنل ہو گیا تھا۔۔۔

”ہاہاہاہاہاہاہا،،،،،، واٶ پلاننگ بھی کر لی ہے ماشاءاللہ،،،،،،،،،باۓ دا وے میرا ہزبینڈ تو نہيں برداشت کرے گا نا ؟؟؟

تم اسے بھی کیا ڈراٶ گے۔۔؟؟؟۔“

حنا نے ہنستے ہوۓ دلچسپی سے پوچھا۔۔۔۔۔۔

”نہيں وہ انسان میری دوست کا ہزبینڈ ہو گا بہت قابل احترام ہو گا ،،،،، سو اس سے ریکوسٹ کروں گا کہ یار حنا صرف تیری ہے ،،،، میری دوست ہے سو پلیز صرف سنڈے کے دن اسے ہمارے گھر چھوڑ دیا کرو میں اپنی دوست کے ساتھ کچھ وقت گزار لیا کروں۔۔۔۔۔“

وہ مسکینوں والی شکل بنا کر بولا تھا اور گاڑی پارکنگ میں کھڑی کی ۔۔۔۔

”ہاہاہاہاہاہا،،،،،، باۓ ،،،،،ہیو اے ناٸس ڈے۔۔۔۔۔“

حنا ہنستے ہوۓ ہاتھ ہلاتی چلی گٸ ،،،، چوڑیوں نے بھی حنان کو اللہ خافظ کہا۔۔۔۔

”پگلی سی ہے،،،،، عادت ہو گٸ ہے اس کی ،،،،، جانے کیسے رہوں گا اس کے بنا،،،،،،،گھر داماد ڈھونڈ لوں گا۔۔۔۔“

حنان نے اسے ڈیپارٹمنٹ کے اندر داخل ہوتے دیکھا تو گاڑی ریورس کرنے لگا۔۔۔۔۔

”آپ کو ڈراپ کر دوں میں؟؟“

حنان ایک کپل کے پاس جا رکا اور لڑکی کو دیکھتے آفر کی۔۔۔

”تیری تو میں ۔۔۔۔۔“

لڑکا جونہی حنان کی طرف آیا تو وہ گاڑی بھگا کر لے گیا۔۔۔۔ یہ اس کی عادت تھی ہر کپل کو ڈسٹرب کرنا اپنا حق سمجھتا تھا۔۔۔۔۔

اس کام میں حنا بھی برابر ساتھ دیتی تھی۔۔۔۔

“ارحہ بیٹا ،،،،،تم فری ہو؟؟؟“

تنزیلہ بیگم نے اسے دیکھا ۔۔۔

”جی ماما کوٸی کام تھا۔۔۔۔۔۔۔“

اس نے ماما کو دیکھا۔۔۔

“ہاں بیٹا ،،،،،،، تم یہ کوفی دے آٶ عارش کو۔۔۔۔“

انہوں نے اسے کوفی تھماٸی۔۔۔۔

”عارش بھاٸی کو،،،،،،،،، وہ کب آۓ ۔۔۔۔۔۔“

اس نے چونک کر دیکھا۔۔۔

”رات کو آیا تھا ،،،،، اس کی میٹنگ تھی ،،،، رات دیر ہو گٸ تو ادھر ہی آ گیا تھا،،،،،، اب جلدی سے کوفی دے آٶ۔۔۔۔۔۔“

انہوں نے کہا تو وہ سر ہلاتی ہوٸی چلی گٸ ۔۔۔

”دادو والے روم میں ہی ہوں گے۔۔۔۔۔۔“

وہ اس کے روم کی طرف جانے کی بجاۓ دادو کے روم کی طرف چلی گٸ۔۔۔۔

”دادو عارش بھاٸی کہاں ہیں؟؟؟؟“

وہ دادو کے روم میں آٸی ۔۔۔

”بیٹا ،،،،،،ابھی تو ادھر نہيں آیا وہ۔۔۔۔۔۔“

دادو نے تسبیح کے دانے پھیرتے کہا۔۔۔۔

”اووووو شٹ ،،،،،،، وہ اپنے روم میں ہوں گے،،،،،، میں ابھی دے کر آٸی کوفی۔۔۔۔۔۔۔“

وہ تیزی سے اس کے کمرے کی جانب آٸی ،،،کیونکہ اسے معلوم تھا کہ کوفی لیٹ ہو گٸ تو وہ شور کرے گا ،،،،،عارش اس کی پھوپھو کا اکلوتا بیٹا تھا،،،،، وہ چند سال کا تھا جب اس کے بابا کی ڈیتھ ہو گٸ تو سویرا کی پھوپھو اور وہ ارحہ کے گھر آ گٸے ،،،، ارحہ کے پاپا صفدر صاحب نے اسے اولاد کی طرح سمجھا تھا اور اسے ہاٸیر اسٹڈیز کے لٸے انگلینڈ بھیجا ،،،،ساری زندگی اس نے باہر ہی گزاری ،،،،، ابھی اسے پاکستان آۓ اور بزنس شروع کیے سال ہی ہوا کہ ماں بھی چھوڑ کر چلی گٸ ،،،،،،، یہ صدمہ اس کے لٸے بہت بڑا تھا مگر اس صدمے نے اسے بےحس بنا دیا ،،،،،،، اسے اتنے بڑے گھر میں وحشت ہوتی تھی کہ ماں نے کونا کونا خود سجایا تھا۔۔۔۔۔ جب دل زیادہ گھبراتا تو وہ نانو گھر چلا آتا ۔۔۔۔۔ ریزرو نیچر کی وجہ سے اس کی اپنی ننھیال ددھیال میں اکلوتی کزن سے بھی دوستی نہ ہو سکی سو یہی فاصلے تھے دونوں کے درميان ،،،،،،

ابھی وہ راہداری مڑنے مڑنے ہی لگی تھی کہ سامنے سے آتے ہوۓ عارش سے بری طرح ٹکراٸی،،،،،،کوفی ساری عارش کے کوٹ پر گر گٸ ،،،،، ارحہ منہ پر ہاتھ رکھے ساکت سی اسے دیکھ رہی تھی کہ اب وہ اسے اٹھا کر پھینک دے گا،،،،،،، جب کہ عارش لب بھینچے کھڑا رہا۔۔

”آٸم سو سوری ،،،،، میں آپ کے لٸے کوفی لا رہی تھی مجھے لگا آپ دادو کے روم میں ہوں گے،، وہاں نہيں تھے تو میں جلدی سے آ رہی تھی اور یہ سب ہو گیأ،،،،،،،،،،سوری۔۔۔۔۔ “

وہ نظریں جھکاۓ سہمی سی بولی۔۔۔۔۔

”اٹس اوکے،،،،،،، اب میرا کوٸی ڈریس نکال دو ،،،،، اور جلدی۔۔۔۔۔۔۔“

اس نے تحمل کا مظاہرہ کیا۔۔۔۔

”میں؟؟؟؟؟“

وہ متحیر ہوٸی تھی۔۔۔۔

”جی آپ۔۔۔۔۔۔۔“

اس نے جتایا ۔۔۔۔

”اوکے۔۔۔۔۔“

اس نے سر ہلایا اور راہداری سے باٸیں جانب مڑی۔۔

”محترمہ دھیان کدھر ہے ،،،،،، میرا روم ادھر ہے۔۔۔۔“

وہ کوفت سے بولا۔۔۔۔

”آٸی نو،،،،، وہ آپ کے لٸے کوفی لے آٶں۔۔۔۔۔۔“

اس کی سیٹی گم ہوٸی ۔۔۔۔۔

”پہلے ڈریس نکال دو،،،،،، “

اس نے حکم دیا تو وہ سر ہلاتی چلی گٸ۔۔۔

”شبانہ یہ جگہ صاف کرو اور میرے لٸے کوفی لاٶ ،،،،،،،ممانی پوچھیں تو کہنا عارش سے گر گٸ ہے ،،،،،،اوکے۔۔۔۔۔۔“

اس نے ملازمہ کو کہا تو وہ سر ہلاتی چلی گٸ

”یہ ٹھیک ہے؟؟؟؟“

اس نے بلو کلر کا پینٹ کوٹ نکالا۔۔۔۔۔

”ہوں ،،،،،،، ٹھیک ہے۔۔۔۔۔۔“

وہ موبائل سے نظریں ہٹاۓ بنا بولا۔۔۔۔

”آپ نے دیکھا ہی نہيں تو آپ کو کیسے معلوم ہو گا،،،،،،؟؟؟؟؟ مجھے بعد میں مت ڈانٹٸے گا ،،،“

اس نے بمشکل ہمت کرتے ہوۓ کہا تھا اس کی اتنی ہمت پر وہ حیران ہوتا اٹھا اور اس کے پاس آن رکا ،،،،،،، ارحہ دو قدم پیچھے ہٹی۔۔۔۔

”ناٸس۔۔۔۔۔۔“

اس نے سر ہلایا تبھی نظر ارحہ کے ہاتھ پر پڑی۔

”کس کی شادی پر گٸ تھی تم،،،،،،“

اس نے ارحہ کے ہاتھ پر لگی مہندی کو دیکھا

”نہيں تو،،،،،کیوں۔۔۔۔۔۔۔۔“

وہ الجھی تھی۔۔۔۔۔

”تو یہ مہندی ۔۔۔۔۔“

اس نے ہاتھ کی طرف اشارہ کیا۔۔۔۔۔۔

”وہ ،،،،،،یہ تو میں نے ویسے ہی لگائی تھی۔۔۔۔“

وہ خشک لبوں پر زبان پھیرتے ہوۓ بولی ۔۔۔

”بے وجہ مہندی لگانے کی تُک نہيں بنتی،،،،،، “

وہ تلخ ہوا تھا ،،،،،اسے اپنی ماں یاد آٸی تھی جو ہر پل مہندی لگاۓ رکھتی تھی۔۔۔۔

”کیوں۔۔۔۔؟؟؟؟“

وہ بمشکل ہمت کر کے بولی۔۔۔۔

”کیونکہ یہ مہندی صرف اور صرف میری ماں کے ہاتھوں پر جچتی تھی،،،،،،آٸندہ اگر میرے سامنے آٶ تو مہندی مت لگا کر آنا اور اگر لگی ہوٸی تو ہاتھ چھپا کر آنا۔۔۔۔۔۔“

وہ غصے سے سرخ ہوتی آنکھوں سے بولا۔۔۔۔

”گوووووو۔۔۔۔۔۔“

اس نے ہاتھ اٹھا کر کہا تو ارحہ بھاگتی ہوٸی چلی گٸ ،، عارش نے چہرے پر ہاتھ پھیرے۔

،،،،،،،،،،،،،،،،،،،،،،،،

”ہیلو ارحہ کدھر ہو؟؟؟“

وہ میٹنگ سے فری ہوا تو ارحہ کو کال کی۔۔

”کہیں نہيں ،،،،،،تمہيں یاد آ گٸ ہفتے بعد۔۔۔۔۔۔۔“

ارحہ نے شکوہ کیا۔۔۔

”جناب آپ کی یاد تو ہر پل آتی ہے۔۔۔۔“

وہ شرارت سے بولا۔۔۔۔

”اچھا جی ،،،، کیسے ہو؟؟؟“

وہ مسکراٸی تھی ،،،،،، وہ اس پر یقین کرتی تھی کیونکہ حنان اس سے جھوٹ نہيں ملتا تھا ،،،، حنان نے اسے بتا دیا تھا کہ نٸے پروجیکٹ کے سلسلے میں وہ بزی ہو گا ،،،،۔۔۔۔۔۔

”ٹھیک ٹھاک،،،،،، تم سناٶ؟؟؟؟“

وہ اپنے روم کی طرف آتا ہوا بولا۔۔۔

”میں بھی الحَمْدُ ِلله ٹھیک ہوں۔۔۔۔“

وہ گہرا سانس لے کر بولی۔۔۔۔

”گڈ،،،،،، گھر پر سب کیسے ہیں؟؟؟“

وہ چٸیر پر بیٹھتے ہوۓ بولا۔۔۔

”سب ٹھیک ہیں،،،،، تم سناٶ چوڑیوں کی دیوانی کیسی ہے؟؟؟“

ارحہ نے مسکراتے ہوۓ پوچھا۔۔

”اے ون ہے،،،، یار ملنا ہے تم سے؟؟؟؟“

حنان نے ٹیبل پر کہنیاں ٹکاتے ہوۓ کہا۔۔۔۔۔

”حنان یہ پاسبل نہيں ہے یار۔۔۔۔۔۔“

اس نے گہرا سانس لیا۔۔۔

”ارحہ پلیزززز ،،،،، اب آنٹی سے بات کرو میں باقاعدہ رشتہ لے کر آنا چاہتا ہوں ،،،،،، ایک سال سے تم نے لٹکا کر رکھا ہے اب تو میری سسٹر کی شادی کو بھی چار سال ہو گٸے ماما لوگ ویٹ نہيں کریں گے۔۔۔۔۔۔“

وہ سنجيدگی سے بولا تھا۔۔۔۔۔۔

”میں کروں گی ماما سے بات جلد ہی۔۔۔۔۔“

اس نے حنان سے زیادہ خود کو تسلی دی۔۔۔

”مہربانی ہو گی آپ کی ،،،،،“

وہ رکھاٸی سے بولا۔۔۔۔

”دنیا جہان کے لٸے نرم دل حنان اور میر ے لٸے اکھڑو اور کھڑوس۔۔۔۔۔۔“

اس نے منہ بنایا ۔۔۔۔

”ارحہ پلیززز ٹراٸی ٹو انڈرسٹینڈ گھر والے ویٹ نہيں کرتے نا،،،،،،،،،، مجھے بھی نہيں اچھا لگتا کہ یوں ریلیشن شپ میں رہیں ہم،،، بے نام رشتے اللہ کو نہيں پسند اور اب میں تمہيں اپنی عزت بنانا چاہتا ہوں ۔۔۔۔۔“

حنان نے کہا تو اس نے مسکراتے ہوۓ سر ہلایا ،،،،،اسے حنان اپنی سوچ کی وجہ سے ہی پسند تھا جب کہ وہ حنان کو اس لٸے پسند تھی کیونکہ اس میں وہ تمام خوبیاں موجود تھی جو جو وہ اپنی لاٸف پارٹنر میں چاہتا تھا۔۔۔۔۔

،،،،،،،،

”دوست ،،،،،،،سنو ایک تازہ ترین خبر لایا ہوں بلکہ دھماکہ دار۔۔۔۔۔“

وہ کتابوں میں سر گھساۓ بیٹھی تھی جب حنان اس کے روم میں آیا ۔۔۔۔۔

”کیسی خبر؟؟؟“

حنا نے سرسری سا اسے دیکھا کیونکہ وہ الٹی سیدھی خبریں لاتا رہتا تھا۔۔۔۔۔۔۔

”آج آفس میں بابا کے دوست آۓ تھے یاد ہیں نا جمال انکل اور پتہ ہے انہوں نے باتوں ہی باتوں میں تمہارے رشتے کے لٸے کہا۔۔۔۔۔۔۔“

وہ مسکراتا ہوا بولا۔۔۔۔

”وٹ؟؟؟؟؟؟؟؟؟؟؟؟؟؟؟“

وہ شاکڈ سی چلائی ۔۔۔۔۔۔

”جی ،،،،کیا ہوا؟؟،،،،میں ملا ہوں لڑکے سے کافی اچھا ہے،،،، دوبٸی میں بزنس رن کر رہا ہے ۔۔۔۔۔۔۔“

حنان نے مسکراتے ہوۓ بتایا…….

”اس رشتے سے انکار کر دینا پلیزززززززز۔۔۔۔۔۔۔۔“

اس نے التجا کی۔۔۔۔۔

”کیوں؟؟؟؟ اتنا اچھا لڑکا ہے ،،،،، سویٹ سا ہے،،،،تم اسے ایزیلی تپا بھی سکو گی تو بھی کہے گا بےبی آٸی لو یو۔۔۔۔۔۔“

حنان نے اسے دیکھتے شرارت سے کہا تو حنا نے کھا جانے والی نظروں سے اسے دیکھا۔۔۔۔

”اچھا میری جان بتاٶ،،،،،، کیوں کروں انکار ۔۔۔۔۔“

حنان نے اس کے اڑے رنگ کو دیکھا۔۔۔۔۔

”مجھے ابھی ایم ایس سی تو کرنے دو۔۔۔۔۔۔“

اس نے روہانسے لہجے میں کہا۔۔۔۔۔

”میری ماں،،،،، دو ماہ میں تمہارے فاٸنلز ہیں اور دو ماہ میں تو مر کے رشتہ اور منگنی وغيرہ کا فنکشن ڈن ہو گا۔۔۔۔۔۔۔“

وہ صوفے پر لیٹتے ہوۓ بولا۔۔۔۔۔

”مجھے نہيں پتہ حنان بٹ مجھے اس دوبٸے سے شادی نہيں کرنی ۔۔۔۔۔۔“

اس نے ہاتھ اٹھا کر کہا تو چوڑیوں نے بھی ساتھ دیا ۔۔۔۔ماحول میں کھنکھن پیدا ہوٸی۔۔۔۔

”تو تمہيں کسی انڈٸیے سے شادی کرنی ہے۔۔۔۔۔۔“

حنان نے گھورا تھا۔۔۔۔۔۔

”تم نے کہا تھا کہ تم میری ہیلپ کرو گے ،،، جب بھی میں کہوں گی ،،،،،،اگر یہ رشتہ ڈن ہوا نا تو یاد رکھنا میں تم سے کبھی بات نہيں کروں گی۔۔۔۔۔۔“

وہ چوڑیاں اتارتے ہوۓ بولی۔۔۔۔۔

” اوکے نہيں ہو گا ڈن بٹ بٹ یہ کیوں اتار رہی ہو؟؟؟؟“

حنان نے ناسمجھی سے اسے دیکھا۔۔۔۔

”بلو والی جو تم لاۓ تھے وہی پہننے لگی تھی،،،،، باۓ دا وے تمہاری چوڑیوں کی چواٸس اعلٰی ہوتی جا رہی ہے،،،،،، “

وہ مسکراتے ہوۓ پلٹی تھی۔۔۔۔

”میری چواٸس تو ہمیشہ سے اعلٰی رہی جناب،،،،“

وہ باٸیں آنکھ دبا کر بولا۔۔۔

”لعنت ہے یار،،،،،،،“

اس نے لوشن پھینکا تو حنان نے ہنستے ہوۓ کیچ کر لیا ۔۔۔۔

”تم یہ بکواس حرکتیں کیوں کرتے ہو ،،،،،“

اس نے گھورا۔۔۔۔۔

”افکورس تمہيں امپریس کرنے کے لٸے۔۔۔۔۔۔۔“

وہ ہنس رہا تھا۔۔۔

”تم آج بلا وجہ ہنسس رہے ہو سب خیر ہے نا؟؟؟“

حنا نے اسے گھوری سے نوازتے ہوۓ چوڑیاں اٹھاٸیں ،،،،،، حنان مسکرا کر اس کو دیکھ رہا تھا۔

”لیٹ می گیس،،،،، تم کسی کپل کے ساتھ اوٹ پٹانگ حرکت کر کے آۓ ہو نا؟؟؟“

وہ اس کے سامنے رکھی ٹیبل پر آن بیٹھی۔۔۔۔۔

”ہاہاہاہاہاہاہاہاہا ،،،،،،صحیح پہنچی ہو۔“

وہ قہقہہ لگا کر ہنس پڑا تھا۔۔

”او ماٸی گوڈ،،،،،، کون تھا اور کیا کیا تم نے۔۔۔۔۔“

حنا نے اسے دیکھا،،،،، حنان نے اس کے ہاتھ سے چوڑیاں پکڑ لیں۔۔۔

”میں سگنل پر رکا تھا تو وہاں ایک بہت پیارا پھول پھولوں کے گلدستے سے بیچ رہا تھا میں نے اس سے ایک بکے لیا ،،،،،، سوچا یہی تھا تمہيں دوں گا بٹ ایک جگہ مجھے ایک لڑکی لڑکا نظر آۓ،،،،، میں نے پھول لڑکے کو تھماۓ اور بولا آپ کی ایکس نے بھیجے ہے ،،،،،وہ سامنے پارک میں بیٹھی ہے،،،،،،،“

وہ ہنستے ہوۓ بتا رہا تھا اور ساتھ اسے چوڑیاں بھی پہنا رہا تھا۔۔۔

”بدتمیز اگر وہ دونوں ہزبینڈ واٸف ہوۓ تو۔۔۔؟؟؟“

وہ بھی ہنس پڑی تھی ۔۔۔۔

”یار شکل سے ہی فلرٹی لگ رہا تھا۔ میں نے سوچا کل کا ہوتا آج بریک اپ ہو جاۓ۔۔۔۔۔۔۔۔“

اس نے گویا سمجھداری کا ثبوت دیا۔۔۔

”ویری فنی ،،،،،، نہيں نہیں۔۔۔۔۔“

وہ دوسرے ہاتھ پر چوڑیاں پہنانے لگا تو اس نے ہاتھ کھینچا۔۔۔۔

”کیوں؟؟؟“

وہ ناسمجھی سے بولا۔۔۔

”حنان ،،،، تم میری عادتیں بگاڑ رہے ہو ،،،،، کل کو اگر کبھی تم چوڑیاں نہ پہنا سکے تو کیا بیتے گی مجھ پر،،،،، مجھے ہی نہيں ان چوڑیوں کو بھی تمہاری عادت ہو چکی ہے۔۔۔۔۔“

وہ ایک اداس مسکراہٹ لبوں پر لٸے بولی۔۔۔۔۔

””حنا ،،،، تمہارے لٸے پہلی بار چوڑیاں میں لایا تھا ،،،،،، مجھے آج بھی یاد ہے ہمارے سکول سٹال لگا تھا تمہارے لٸے میں چوڑیاں پونیاں اور رنگ لایا تھا،،،،، ماما لوگ کہتے تھے کہ اس کے بال نہيں اس لٸے بس چوڑیاں ہی پہنا دو،،، اور میں نے تمہيں چوڑیاں پہناٸی پھر میں جہاں جاتا چوڑیاں لاتا تھا اور پہناتا بھی خود ہی تھا تم چاہے کتنی بھی روتی میں ہی پہناتا اس لٸے مجھے بھی عادت ہو چکی ہے،،،،،، اس لٸے تم فکر مت کرو تمہيں چوڑیاں ہمیشہ میں ہی پہناٶں گا ،،،،، چاہے حالات کچھ بھی ہوں ہر خاص موقعے پر چوڑیاں میں ہی پہناٶں گا یہ حنان کا وعدہ ہے تم سے۔۔۔۔۔۔۔“

وہ مسکرا کر اس کا ہاتھ تھامے بولا تھا۔۔۔

” جزاك اللهُ‎ کیوٹ پلس ڈفر فرینڈ۔۔۔۔۔۔“

وہ مسکراتے ہوۓ بولی تھی۔۔۔۔

”ایموشنل کر دیا ،،،،، چلو میں دعا لوگوں کو لینے جا رہا ہوں چلیں ۔۔۔۔۔۔“

وہ اٹھ گیا۔۔۔۔

”آٸسکریم کھلاٶ گے۔۔۔۔۔۔“

اس نے شرط رکھی۔۔۔

”جیسے پہلے کبھی نہيں کھلاٸی۔۔۔۔۔“

وہ گھورتا ہوا بولا تھا تو وہ ہنستے ہوۓ اس کے ساتھ چلی گٸ ۔۔۔۔

،،،،،،،

دعا اور سعد کے دو بچے تھے، حرم اور فاہم جبکہ اسوہ اور عمیر کے بھی دو بچے تھے افنان اور ارمان۔۔۔۔۔۔ یہ چاروں بچے سب کے لاڈلے تھے۔

”ہیلو اسریٰ ،،،،،، بلکہ ہونے والی دلہن۔۔۔“

حنان گاڑی پورچ میں کھڑی کر کے اندر آیا

اسریٰ عمیر لوگوں کی بہن تھی جس کی جلد ہی شادی تھی۔۔۔۔

”ہاۓ بھاٸی کیسے ہیں آپ؟؟؟“

وہ مسکراتی ہوٸی اس سے ملی۔۔۔

”آپ کی دعاٶں کا اثر ہے،، موٹا ہو گیا ہوں۔۔۔“

وہ منہ بناتے ہوۓ بولا۔۔۔۔

”اوووووف ،،،،،، کس نے آپ کو نیا وہم ڈال دیا ہے اب یہ؟،،،،،،، باۓ دا وے حنا کہاں ہے؟؟؟؟“

اسریٰ نے پوچھا۔۔۔۔

”یہ حنا ۔۔۔۔۔۔“

حنا بھی لاٶنج میں آ گٸی اسریٰ خوشدلی سے ان سے ملی ۔۔۔۔

”دعا اور اسوہ کہاں ہیں بلکہ کوٸی نہيں نظر آ رہا سب کہاں ہیں؟؟؟“

حنان نے اسے دیکھا۔۔۔۔

”بھابھیاں ود ماما بیٹھ کر ہارر مووی دیکھ رہی ہیں تو یو نو مجھے ڈر لگتا ہے جب کہ بھاٸی ابھی آفس میں اور بچے ٹیوشن جبکہ حرم سو رہی ہے،،،،،،،،،،،“

اسریٰ نے تفصیلاً آگاہ کیا۔۔۔۔

”حنا چلو ڈراٸیں ۔۔۔۔۔۔“

وہ اس کا ہاتھ تھام کر اسوہ کے روم کی طرف بھاگا اور اسریٰ کو موبائل تھما دیا کہ ویڈیو بنانا اور خود دروازے کے پاس رک کر جی بھر کر اونچی آواز میں چلاۓ تو وہ تینوں بھی شور مچانے لگی۔۔۔۔۔

”ماما دعا بچاٶ،،،،،،،“

اسوہ چلاٸی۔۔۔

”مجھے بھی۔۔۔۔۔۔“

دعا روتے ہوۓ بولی ۔۔۔۔

”ہاہاہاہاہاہاہاہا۔۔۔۔۔۔۔۔۔“

وہ تینوں ہنس ہنس کر دروازے کے باہر ہی بیٹھ گٸے۔۔۔۔

”کہاں گٸ بہادری ماٸی لونگ سسٹرز پلس پھوپھو،،،،،،، دروازہ بند کر کے مووی دیکھ رہی اور وہ بھی ہارر۔۔۔۔۔۔“

حنان نے مذاق اڑایا۔۔۔۔۔۔

”شرم نہيں آٸی ،،،،، اگر ہماری جان نکل جاتی تو،،،،،، دل ابھی بھی دھک دھک کر رہا ہے۔۔۔۔۔“

ااسوہ نے اسے ایک دھپ مارا۔۔۔۔۔۔۔۔

”تو کس نے بولا کہ روم لاک کر کے اندھیرے میں بیٹھ کر دیکھوو۔۔۔۔۔۔۔“

حنا نے مذاق اڑایا۔۔۔۔

”ذرا پھوپھو کا رنگ تو دیکھو ،،،،،،،،“

حنان ہنستے ہوۓ بولا۔۔۔۔

”بدتمیز ،،،،، پتہ نہيں کب سیریس ہوو گا۔۔۔۔۔“

انہوں نے اسے گھورا۔۔۔۔

”جب آپ اس دنیا سے رخصت ہوں گی۔۔۔۔۔“

وہ معصومیت سے بولا تو سب ہنس پڑے۔۔۔۔

”ویسے تم دونوں یہاں کیا کر رہے ہو؟؟؟“

دعا نے گھورا۔۔۔۔

”حنا حرم کو تیار کرنا تم۔۔۔۔۔“

حنان نے کہا تو حنا چلی گٸ۔۔۔۔۔

”حنا کے لٸے پرپوزل آیا ہے،،،،، وہ جمال انکل یاد ہیں نا بابا کے دوست،،،،،، “

حنان نے ان کو دیکھا۔۔۔۔

”جمال انکل کا پروپوزل آیا ہے۔۔۔۔۔“

اسوہ نے چیخ ماری۔۔۔۔۔

”لعنت ہے،،،،،، ان کے بیٹے کا ۔۔۔۔۔۔۔“

حنان نے گھورا تو اسوہ کھسیانی سی ہنسی ۔۔۔۔

”انکا بیٹا تو کافی اچھا ہے،،،،،،، میں نے دو تین بار دیکھا ہے اسے۔۔۔۔“

دعا نے کہا تو پھوپھو نے بھی تاٸید کی۔۔۔۔

”ہوں کل اس کی سسٹر اور ماما نے آنا ہے ہمارے گھر،،،،،، اسی لٸے دعا کو لینے آیا ہوں۔۔۔۔“

وہ سنجيدگی سے بولا۔۔۔۔۔۔

”اچھا میں جاٶں پھوپھو،،،،،،“

دعا نے اجازت طلب کی ۔۔۔۔

”ہاں ضرور،،،،،،،،“

انہوں نے مسکرا کر کہا۔۔۔۔

”تمہارے دل کو کچھ نہيں ہوا حنا کے پرپوزل کا سن کر،،،،، سچ سچ بتانا۔۔۔۔۔۔“

اسوہ نے دعا اور پھوپھو کے جاتے ہی پوچھا۔۔

”ہاں مجھے بہت خوشی ہوٸی ہے کہ حنا کا اتنا اچھا پروپوزل آیا ہے۔۔۔۔۔“

وہ مسکراتے ہوۓ بولا۔۔۔۔

”تم سچ کہہ رہے ہو کہ تم خوش ہو،،،،،،؟؟؟“

اسوہ نے کھوجتی نگاہوں سے جاٸزہ لیا۔۔۔

”قسم سے بہت میں خوش ہوں،،،،،،،، ارے میری پرنسز آ جاٶ مامو پاس ،،،،مامو کی اکلوتی جان۔۔۔۔۔“

اس نے حرم کو حنا کے ساتھ آتے دیکھا تو خوش دلی سے اٹھا ، اکلوتی ہونے کی وجہ سے حرم سب کو جان سے زیادہ پیاری تھی۔۔۔۔

”اسوہ پھر تم صبح آ جانا ۔۔۔۔۔۔“

وہ حرم کو پیار کرتے ہوۓ بولا۔۔۔

”ہممممم ان شاء اللہ،،،،،،،،“

اسوہ پھیکی سی مسکراٸی۔۔۔۔

”چلو اپنا خیال رکھنا ،،،،، ارمان لوگوں کو سکول بھیج کر ہی آنا اور پلیززز سعد کا بلیک سوٹ استری کروا دینا۔۔۔۔۔۔“

دعا اسوہ کو ملتی ساتھ میں ہدایات بھی جاری کر رہی تھی،،،،،، ان لوگوں میں پیار بھی بہنوں والا ہی تھا۔۔۔۔ حنا اور حنان نے مسکرا کر دیکھا۔۔۔۔

”ہیلو ماما،،،،،،،،“

اسوہ نے روم میں آتے ہی ماں کو فون کھڑکایا۔۔۔

”کیا ہوا اسوہ؟؟؟“

انہوں نے نا سمجھی سے پوچھا۔۔

”ماما حنا کا پرپوزل آیا ہے آپ کو معلوم ہے،،،،،،؟؟“

اسوہ چھوٹتے ہی بولی۔۔۔

”ہاں مجھے معلوم ہے،،،،،، “

وہ اطمینان سے بولیں۔۔۔۔

”ماما پلیزززز آپ کو سمجھ نہيں آ رہی ،،،،، حنا صرف ہمارے حنان کے ساتھ جچے گی،،،،، آپ چاچو سے بات کر لیں اور جمال انکل والے پرپوزل سے انکار کر دیں۔۔۔۔۔۔“

وہ ایک ہی سانس میں بولی۔۔۔۔

”بیٹا میں نے حنان سے بات کی ہے مگر وہ نہيں مان رہا،،،،،، کہتا ہے کہ حنا صرف اس کی دوست ہے نتھنگ مور،،،،،،،،“

ماما نے حنان کی کہی بات دہراٸی۔۔۔۔

”بٹ ماما اسے فورس کر لیں ،،،،حنا اک ہیرا ہے اور یہ لڑکا بس ساٸیکو،،،،،،“

اسوہ نے دانت پیسے۔۔۔۔

”بیٹا جس بات کا فائدہ نہيں وہ نہ ہی کی جاۓ تو بہترین ہے،،،،،،دعا کرو اللہ حنا کی قسمت اچھی کرے آمین ۔۔۔۔اور کل ضرور آنا۔۔۔۔۔۔“

ماما نے کہا تو اس نے کال کاٹ دی ۔۔۔۔

”ایک اچھی لڑکی کو خود گھر سے نکال دیں اور کل امید رکھ رہے کہ کوٸی غیر لڑکی آ کر اس گھر کو سنوارے گی ہمیں اپنا سمجھے گی،،،،، مطلب حد ہے۔۔۔۔۔“

اسوہ کا پارہ ہاٸی ہو رہا تھا۔۔۔۔تبھی بچے ٹیوشن سے آ گٸے تو اس کا دھیان بٹ گیا۔۔۔۔۔

،،،،،،،،،،،،،،،

” اسلام علیکم کیا حال ہے؟؟؟“

ہادی نے کال کی۔۔۔

”وعلیکم اسلام کیا حال ہے بھاٸی؟ بھابھی اور عالیان کیسے ہیں؟؟“

دعا مسکراتے ہوۓ بولی۔۔۔

”الحَمْدُ ِلله سب ٹھیک،،،،،، اور آ گٸے لڑکے والے؟؟“

ہادی نے پوچھا۔

”جی آ گٸے ہیں، ،،،،،ماں اور بہن آٸی ہیں ابھی کہتی ہم نے سوچا کہ پہلے ہم مل آٸیں۔۔۔۔۔۔“

دعا نے بتایا۔۔۔۔۔۔۔

”ہممممم گڈ،،،، کیسے ہیں وہ لوگ؟؟“

ہادی بہن کے لٸے فکرمند تھا۔۔۔۔

”کافی ڈیسینٹ ہیں۔۔۔۔۔“

دعا نے کہا ۔۔۔

”ایک بار اچھی طرح چھان پھٹک کر لینا دعا شادی زندگی بھر کا کا معاملہ ہے اور ہماری حنا تو ہے بھی سب کی لاڈلی ، اور حد سے زیادہ حساس بھی۔۔۔۔“

اب کی بار زرنش بھابھی نے کہا۔۔۔۔۔

”جی بھابھی ڈونٹ وری،،،، حنان ہے نا؟؟؟؟“

دعا نے مسکراتے ہوۓ کہا حنا دروازے کے پاس رکی کھڑی تھی جانے کیوں دل دھک دھک کر رہا تھا البتہ مہمانوں کے پاس صرف چند منٹ رکی تھی۔۔۔۔ حنان بھی آ چکا تھا آفس سے۔۔۔۔۔

”حنا کے لٸے تو ہمیں یہی تھا کہ حنان ہی شادی کرے گا مگر بہت حیرت ہوٸی ہے دونوں کا نارمل بیہیٸیور دیکھ کر،،،،،،“

زرنش بھابھی نے کہا تو حنا کو کرنٹ لگا تھا ان کی بات سمجھ آنے پر۔۔۔۔۔

”جی بھابھی سوچا تو سب نے ہی یہی تھا مگر دونوں کو کوٸی فرق نہيں پڑا،،،،، اس لٸے سب نے خاموشی سادھ لی۔۔۔۔۔۔“

دعا نے افسردگی سے کہا تو حنا نے چونک کر نفی میں سر ہلایا۔۔۔۔

”چلو یہی دعا ہے بس اللہ اسکی قسمت اچھی کرے آمین ۔۔۔۔۔۔“

زرنش نے دعا دی،،،،،حنا چلتی ہوٸی روم کی جانب آٸی ۔۔۔۔

”کیا میں اور حنان صرف دوست نہيں رہ سکتے۔“

وہ الجھی سی بیٹھی تھی۔۔۔۔

” ہاۓ،،،،، مجھے تھپکی دو،،،،،،،“

حنان روم میں آ گیا اور اس کے پاس بیٹھ گیا۔۔

”کیوں؟؟؟“

وہ چونکتے ہوۓ بولی ۔۔۔

”میں نے تمہارے رشتے سے انکار کر دیا۔۔۔۔۔“

وہ مسکراتا ہوا بولا تھا۔۔۔۔

”رٸیلی،،،،،، مگر کیسے؟؟“

وہ ازحد حیرانی سے بولی۔۔۔۔

”میں نے جا کر آنٹی سے کہا کہ پلیززززز وہاں مت کرٸیے گا مجھے یہ لوگ ڈبل فیس لگ رہے ہیں ۔۔طرح طرح کے وہم دل میں ڈالے ہیں سو میری جان ریلیکس اینڈ اسماٸل۔۔۔۔۔۔۔“

وہ شرارت سے بولا تھا۔۔۔

”واہ واہ بھٸی تم تو چھا گٸے ہو،،،،، ماما لوگوں کو شک تو نہيں ہوا نا؟؟؟؟“

اس نے یقین دہانی چاہی۔۔۔۔

”نہيں ،،،،،، اور وہ لوگ بھی انکار کو انا کو مسٸلہ نہيں بنائيں گے۔۔۔۔۔۔۔“

وہ موبائل ان لاک کرتے ہوۓ بولا۔۔۔۔

”کیوں؟؟؟؟؟“

وہ نا سمجھی سے دیکھتے ہوۓ بولی۔۔۔۔۔۔

”کیونکہ میں نے کہا ہے کہ حنا کے ساتھ جن چڑیلیں ہیں،،،،، کبھی بھی حاضر ہو سکتے ہیں،،،،،پھر میں نے بولا کہ دیکھیں حنا ایک خوبصورت لڑکی ہے مگر میں نے صرف اسی لٸے شادی نہيں کی کی اور آپ کو سب سچ بتایا ہے اور کل اگر آپ کے بیٹے نے حنا کو چھوڑنے کا سوچا بھی تو اس کی صحت کے لٸے اچھا نہيں ہو گا،،،،،،،،،“

وہ مزے سے بول رہا تھا حنا نے ایک کے بعد ایک کشن کی اس پر برسات کی،،،،،،

”تمہيں شرم نہيں آٸی یہ سب بکواس کرتے ہوۓ۔۔۔ بدتمیز انسان ۔۔۔۔۔۔۔“

حنا دانت پیستے ہوۓ بولی۔۔۔۔

”اوکےےے،،،،،، میں جا کر کہتا ہوں کہ میں مذاق کر رہا تھا اور وہ رشتہ ڈن کر جاٸیں گے پھر مجھے نہ بلیک میل کرنا کہ دوست ہو کر ہیلپ نہيں کی۔۔۔۔“

حنان نے گھورتے ہوۓ کہا۔۔۔۔

”اچھا رہنے دیں مجھے کیا لگے جو مرضی سوچیں میرے بارے میں،،،،،“

وہ فوراً لاٸن پر آٸی۔۔۔۔

”اب تو تھینکس بول دو،،،،،،،“

حنان نے شرم دلاٸی۔۔۔۔۔

”نہيں جناب۔۔۔ ان فرینڈشپ نو سوری نو تھینکس۔۔۔۔“

وہ اتراتے ہوۓ بولی۔۔۔۔

”بکواس رُول،،،،،، چلو میں آفس جا رہا ہوں ،،،،باۓ“

وہ کیز اٹھاتا نکل گیا۔۔۔۔۔

”زندگی میں مجھے حنان کے جیسا اچھا اور مخلص دوست کبھی نہيں مل سکتا،،،،،،،،، ہر ہر ٹینشن کو لمحوں میں ختم کر دیتا ہے۔۔۔۔۔۔“

اس نے چوڑیوں پر ہاتھ پھیرتے سکون بھری گہری سانس ہوا کے سپرد کی۔۔