Anokhi Muhabbat Season 1 By Rimsha Khan Readelle50282 Anokhi Muhabbat Season 1 (Episode 7)

Anokhi Muhabbat Season 1 By Rimsha Khan

صارم کے قدم ادینہ کی جانب اٹھنے لگے تو ساتھ میں پولیس کانسٹیبل بھی چلنے لگے۔۔۔۔ ہاتھ کے اشارے سے اسے ساتھ چلنے سے روک دیا ۔۔۔۔۔

پلر کے قریب پہنچ کر اسے ادینہ کی امی بینچ پر بیٹھی نظر آئی ۔۔۔۔ اسکو سلام کرکے سر جھکایا ۔۔۔

سدا خوش رہو۔۔۔۔اس نے سر پر ہاتھ رکھ کر دعا دی ۔۔۔۔

چیک اپ ہوگیا ؟؟؟۔۔۔۔۔ اس نے ڈائریکٹ ادینہ کو مخاطب کرکے پوچھ لیا۔۔

جو اس کو دیکھ کر بوکھلائی ادھر ادھر جھانک رہی تھی۔۔۔۔۔

نہیں ۔۔۔۔ وہ ڈاکٹر کی کیبن کے سامنے غنڈوں کو کھڑا کیا ہے۔۔۔۔ کہ جب تک زخمی لڑکے کا آپریشن نہیں ہوجاتا کوئی اندر نہیں جائے گا۔۔۔ ڈاکٹر کو بھی اندر قید کیا ہے۔۔۔۔ادینہ ٹہر ٹہر کر بولنے لگی۔۔۔۔

واٹ۔۔۔۔۔ یہ کیسی غنڈہ گردی ہے ۔۔۔۔۔ صارم جو ادینہ سے مل کر تھورا ریلکس ہوگیا تھا پھر سے ماتھے پر بلوں کا جال بن گیا ۔۔۔۔

چلو میرے ساتھ ۔۔۔۔۔ اس نے ادینہ کی امی کے گرد بازوؤں حمائل کئے اور ساتھ چلنے لگا۔۔۔۔۔ جبکہ ادینہ آگے تھی۔۔۔۔۔

ارے بی بی تو پھر آگیا ۔۔۔۔ ایک بار کی بات سمجھ نہیں آتا ۔۔۔۔۔ یا ادھر تم کو ٹپکااااا ۔۔۔۔۔

چلتی زبان کو بریک لگ گئی ۔۔۔۔۔ صارم سامنے آگیا۔۔۔۔ اور اس کے ہاتھ میں موجود بندوق چھین لیا۔۔۔۔۔

اس کا لائسنس دکھا دو ۔۔۔۔۔ اور ہاسپٹل میں اتنا جمگھٹا بنانے کو کس نے بولا ۔۔۔۔ صارم کرخت لہجے میں گویا ہوا۔۔۔۔۔۔۔

امارے پاس نہیں ہے ۔۔۔۔۔ بڑے صاب کے پاس ہوگا۔۔۔۔۔ وہ جو تیز تیز بول رہا تھا ساری ہوا نکل گئی۔۔۔۔۔۔

اسلم۔۔۔۔صارم نے اپنے ساتھی پولیس کو آواز دی۔۔۔۔۔ وہ دوڑ کر آیا۔۔۔۔۔

جی سر۔۔۔۔۔ پولیس کانسٹیبل نے با ادب کھڑے ہو کر کہا ۔۔۔۔۔

بغیر لائسنس والے اسلحے کا ہم کیا کرتے ہیں۔۔۔؟؟؟

سر جی ۔۔۔سرکاری کر دیتے ہیں ۔۔۔۔ جواب آیا۔۔

گڈ۔۔۔۔۔یہ پکڑو۔۔۔ آج کے بعد یہ سرکار کی ملکیت ہے۔۔۔۔۔

آپ تم لوگوں کو الگ انویٹیشن دینا پڑے گا۔۔۔ کھول دو دروازہ۔۔۔ صارم نے اس کرائے کے غنڈوں سے کہا۔۔۔۔۔

ایک نے آگے بڑھ کر لرزتے ہاتھوں سے دروازہ کھولا۔۔۔۔وہ تینوں ایک ساتھ اندر داخل ہوگئے۔۔۔۔۔

چیک اپ وغیرہ ہوگیا تو ڈاکٹر صاحب نے صارم کا شکریہ ادا کیا ۔۔۔۔۔ جو کب سے کیبن میں بند تھا۔۔۔تھینکس ایس پی صاحب ۔۔۔۔

مائی پلئزر۔۔۔۔ اٹس مائی ڈیوٹی۔۔۔صارم نے خوش اخلاقی سے جواب دیا۔۔۔۔۔

تم امی کو لے کر جاؤ ۔۔۔۔ یہ مسئلہ سائیڈ پر ہوجائے تو کال کرکے حیریت پوچھ لوں گا۔۔۔۔۔ صارم نے ادینہ کو کہا۔۔۔۔۔

اوکے تھینکس ۔۔۔ اور جانے لگی۔۔۔۔پھر سے صارم کی آنکھوں میں محبت پاش نظروں سے دیکھا۔۔۔

اپنا خیال رکھے گا۔۔۔۔اور اپنے غصے پر تھوڑا قابو ۔۔۔۔

صارم نے اثبات میں سر ہلایا ۔۔۔۔۔

*************

بچوں کے ہوم ایگزامز سٹارٹ ہونے والے تھے ۔۔۔۔ ادینہ نے امی کو پہلے سے انفارم کیا تھا۔۔۔ کہ کبھی کبھی دیر ہو جائے گی آنے میں۔۔اس لیے ٹینشن نہیں لینی۔۔۔۔۔بچوں کو تیاری کروانی ہے۔۔۔۔۔۔۔۔

اس دن کے بعد صارم سے پھر ملاقات نہیں ہوئی ۔۔۔۔ وہ بہت زیادہ بے چین تھی۔۔۔۔۔ دل مچل رہا تھا اسے ایک نظر دیکھنے کے لئے۔۔۔۔ دل کو بہت سمجھایا بھی ۔۔۔۔ لیکن دل کسی کی سنتا کب تھا۔۔۔۔ بے قراری بڑھنے لگی تھی۔۔۔ وہ یہ بھی بھول گئی تھی کہ وہ خود انگیجڈ ہے ۔۔۔ اور صارم بھی شادی شدہ ۔۔۔۔۔ وہ اپنی لائف میں سٹیبل ہے ۔۔۔۔۔ میں کیوں زبردستی آپنے آپ کو اس پر مسلط کرنے لگی ہوں ۔۔۔۔۔ ان کی لائف میں کوئی جگہ نہیں ہے میری۔۔۔۔۔

رات کو کافی دیر رونے کے بعد دل میں درد کی ٹھیس اٹھی تو وضو کیا نماز پڑھ کے پھر سجدے میں گر کر رونے لگی۔۔۔۔۔ اور گڑگڑا کر اللّٰہ سے اسے مانگنے لگی۔۔۔۔ کہ اے اللّٰہ جس طرح میرے دل میں اس کے لئے محبت آپ نے ڈالی تو اسے میرے نصیب میں لکھنے کا اختیار بھی آپ کو ہے ۔۔۔۔۔ پلیز اسے میرا نصیب بنا دے ۔۔۔۔۔ اور اگر قسمت میں نہیں تو مجھے صبر دے ۔۔اشکوں کی برسات آنکھوں سے رواں تھی۔۔۔

جائے نماز فولڈ کر کے وہ لیٹی ۔۔۔۔۔ ان دنوں بھابھی گھر واپس آئی تھی تو امی زیادہ تر بچوں کے ساتھ بزی رہتی ۔۔۔۔۔ ورنہ ان کی موجودگی میں وہ کبھی کھل کر نہ رو پاتی۔۔۔

موبائل ٹون بجی ۔۔۔۔۔ اس نے دیکھا تو ملیحہ کی کال تھی۔۔۔۔۔ وہ بیماری کا بہانہ بنا کر ملیحہ کے بھائی کی شادی میں بھی نہیں گئی تھی۔۔۔۔ وہ تو ویسے بھی کہی آتی جاتی نہیں تھی زیادہ ۔۔۔۔۔ مگر اب تو دل جیسے ہر چیز سے اچاٹ گیا تھا۔۔۔

ہاں ملیحہ بول۔۔۔۔۔ اس نے بے زاری سے کال پک کی۔۔۔۔۔۔

یار۔۔۔۔ خفہ تو مجھے ہونا چاہیے تھا نہ۔۔۔۔۔تم نے میرے بھائی کی شادی اٹینڈ نہیں کی۔۔۔۔ الٹا تم منہ لٹکا کے بیٹھی ہو۔۔۔۔۔

نہیں یار۔۔۔ میں خفہ نہیں ہوں۔۔۔۔۔ بس طبیعت کچھ ٹھیک نہیں ہے ۔۔۔۔۔اس نے پھر سے جھوٹا بہانہ گھڑا۔۔۔۔۔

کس چیز کا روگ لگایا ہے تم نے۔۔۔ملیحہ کو غصہ آنے لگا۔۔۔۔۔ اب وہ اس کو کیا بتاتی کہ ایک شادی شدہ اور تین بچوں کے باپ سے اسے شدید قسم کا عشق ہوگیا ہے۔۔۔۔۔۔

کوئی روگ ووگ نہیں لگا ہے ۔۔۔۔۔ غلط فہمی ہے تمہاری ۔۔۔اس نے دل گرفتگی سے جواب دیا۔۔۔

اللّٰہ کریں کہ غلط فہمی ہی ہو ۔۔۔۔۔ ورنہ جس طرح کی مشکوک تمہاری حرکتیں ہیں نہ کسی ناکام عاشقوں کے ہوتے ہیں۔۔۔۔ پھر ادھر ادھر کی باتیں کر کے فون رکھ دیا۔۔۔۔۔۔

*********

کل بچوں کا لاسٹ پیپر تھا ۔۔۔۔ پھر ریزلٹ آنے تک کچھ دن سکول آف ہوگا ۔۔۔۔۔ بچوں کو اچھی طرح تیاری کرواکر وہ جانے لگی ۔۔۔ تو مسز فاروقی اس سے بہت تپاک سے ملی۔۔۔

ادینہ اپنا خیال رکھنا ۔۔۔۔ بہت ویک ہو گئی ہو۔۔۔۔ اب کچھ دن چھٹی ہے۔۔۔۔تو اچھے سے آرام کرنا ۔۔۔۔۔ ہم تمہیں بہت مس کریں گے۔۔۔۔ اس کے گلے لگ کر پھر بچوں کو پیار کیا اور جانے لگی۔۔۔۔۔

لان میں ہی اسے اسفند ارسلان اور صارم بیٹھے نظر آئے ۔۔۔۔۔ دل دھک دھک کرنے لگا۔۔۔ وہ ان سے آنکھ بچا کر گاڑی میں بیٹھنے والی تھی کہ اسفند کی عقابی نظروں سے بچ نہ پائی ۔۔۔۔اور آواز دی۔۔۔۔۔

ادینہ ادھر آؤ گڑیا۔۔۔۔ وہ دبے قدموں اس کی طرف بڑھی۔۔۔۔۔

اسلام وعلیکم ۔۔۔۔۔ اس نے سب کو مشترکہ سلام کیا ۔۔۔۔۔۔

وعلیکم السلام ۔۔۔ سب نے ایک ساتھ جواب دیا۔۔۔۔۔۔۔۔

چھٹی کر لی۔۔۔۔۔ اسفند نے بڑے پیار سے پوچھا ۔۔۔۔۔

جی بھائی ۔۔۔۔ ادینہ نے نظریں جھکائے جواب دیا ۔۔۔۔۔۔

اتنی بجھی بجھی کیوں ہو ۔۔۔۔۔ سب ٹھیک ہے نہ۔۔۔۔ گھر میں سب ٹھیک ہے ۔۔۔۔ اسفند نے بڑے غور سے اسکی مرجھائے چہرے کو دیکھ کر پوچھا۔۔۔۔

اف اللّٰہ اس بندے کو تو نجومی ہونا چاہیے تھا۔۔۔۔ اب تو آنکھیں اور چہرے بھی پڑھنے لگا ہے۔۔۔۔ وہ سوچ کر رہ گئی۔۔۔۔۔۔

جی جی بھائی ۔۔۔۔ سب ٹھیک ہے ۔۔۔۔ میں جاؤں ۔۔۔۔۔۔

اسفند کو اس کا بے تاثر انداز کچھ کھٹکا۔۔ وہ اس دن کی ادینہ سے یکسر مختلف تھی ۔۔ کھلکھلاتی ۔۔۔۔۔ اور آج ایک دم مرجھائی سی۔۔۔۔۔

میں ڈراپ کردو ۔۔۔۔۔ اسفند اٹھ کر کھڑا ہوا۔۔۔

نہیں۔۔۔۔ صابر چاچا ڈراپ کر دےگا۔۔۔۔تھینکس ۔۔۔۔۔۔۔۔۔ ادینہ نے جلدی کہا۔۔۔۔۔

وہ جلدی یہاں سے جانا چاہتی تھی ۔۔۔۔۔۔

اپنے ستمگر کی بے رخی وہ مزید سہہ نہیں سکتی تھی۔۔۔۔ ورنہ ضبط کا بندھن ٹوٹ جاتا ۔۔۔۔

ارسلان کافی رعونت سے اس کے چہرے کے اتار چڑھاؤ دیکھ رہا تھا ۔۔۔۔ جو صارم کے چہرے پر نظرے گاڑھے کھڑی تھی مگر وہ بولا کچھ نہیں۔۔۔

اسفند نے اب صارم کی طرف تعجبی نظروں سے دیکھا ۔۔۔۔۔۔ جو موبائل فون پر نظریں جھکائے ارد گرد سے بیگانہ تھا۔۔۔۔۔صارم تم نے کچھ کیا ہے۔۔؟؟؟؟

ابے…… میری کیا مجال جو تمہاری جان سے پیاری معصوم بہن کو کچھ کہوں ۔۔۔۔۔ صارم نے ادینہ کی طرف دیکھ کر معصومیت سے کہا ۔۔۔۔۔۔

ادینہ اب پر شکوہ نگاہوں سے صارم کے وجیہہ چہرے کو دیکھ رہی تھی۔۔۔۔۔ اس کی پلکیں بھیگی اور آنکھیں بجھی اور ریڈ ہورہی تھی ۔۔۔۔۔۔

صارم کے دل کو ایک دم کسی نے مٹھی میں جکڑ لیا۔۔۔مطلب اسفند کی بات ٹھیک تھی ۔۔ کچھ تو سیریئس تھا۔۔۔۔۔۔

صارم ایک دم اٹھا۔۔۔۔۔۔

لسن گائز ۔۔۔۔۔۔ میں اسے ڈراپ کر کے آتا ہوں واپس۔۔۔۔۔۔

اوکے۔۔۔ دونوں نے ایک ساتھ کہا۔۔

چلو ادینہ۔۔۔۔

گاڑی کے قریب جاکر اس نے صابر چاچا کو کچھ کہا ۔۔۔۔۔ تو اس نے چابی صارم کو تھما دی۔۔۔۔

وہ ڈرائیونگ سیٹ پر بیٹھ گیا ۔۔۔۔ تو وہ بھی فرنٹ سیٹ پر بیٹھ گئی ۔۔۔۔۔

کچھ ہوا ہے ادینہ؟؟۔۔تم اتنی آپ سیٹ کیوں ہو ۔۔۔۔۔ امی ٹھیک ہے نہ ۔۔۔۔۔ وہ میں آوٹ آف سٹی تھا کچھ دنوں سے ۔۔۔۔۔۔ کل رات ہی واپس آیا ہوں ۔۔۔۔۔۔ وہاں سگنل پرابلم بھی ہوتی ہے ۔۔۔۔۔۔۔

وہ آنکھیں پھیرے خاموشی سے باہر دیکھ رہی تھی ۔۔۔۔۔۔

ادینہ کچھ تو بولو ۔۔۔۔ اس کی خاموشی اسے کھٹک رہی تھی ۔۔۔۔۔ اس نے گاڑی سائیڈ پر کھڑی کر دی۔۔۔۔۔۔

موٹے موٹے آنسو ادینہ کے آنکھوں سے بہنے لگے۔۔۔۔۔۔۔

فار گاڈ سیک ۔۔۔۔ کچھ تو بولو ۔۔صارم کا میٹر گھوم ہوگیا۔۔۔

اوکے۔۔۔۔۔ ڈاکٹر کے پاس چلتے ہیں ۔۔۔۔۔ صارم نے غصے سے پھنکارتے ہوئے کہا۔۔۔۔۔۔

ن ن نہیں ۔۔۔۔۔ گھر چلو ۔۔۔۔۔ اس نے منع کر دیا ۔۔۔۔۔۔۔۔۔

میرے پاس میڈیسن ہے میں لے لوں گی۔۔۔ ادینہ مسلسل مٹھیاں بھینچے ہونٹوں کو چبا رہی تھی ۔۔۔۔۔

شیور ؟؟؟؟ صارم کی نظروں کی تپش وہ اپنے چہرے پر محسوس کر رہی تھی۔۔۔۔۔ جو کافی رڈ ہو رہا تھا۔۔۔۔۔ آنکھیں سوجھی ہوئی تھی ۔۔۔

اس نے ہلکے سے ادینہ کے فیس کو ٹچ کرنا چاہا۔۔۔۔تو وہ بدک کر دروازے سے چپک گئی۔۔۔۔

ادینہ اتنی بے یقینی؟؟ ۔۔۔ میں تمہاری بہت ریسپکٹ کرتا ہوں ۔۔۔۔۔۔۔۔

وہ غصے میں گاڑی سٹارٹ کرنے لگا تو انجانے میں ادینہ کے ہاتھ سے ہاتھ ہلکا سا ٹچ ہوا۔۔۔۔ اس نے ادینہ کے منع کرنے کے باوجود فیس کو بھی ٹچ کیا تو شک یقین میں بدل گیا ۔ ۔۔ وہ بخار میں تپ رہی تھی ۔۔۔۔۔

آر یو کریزی ادینہ ۔۔۔۔۔ بخار میں جھلس رہی ہو تم۔۔۔۔اور تم آئی کیوں تھی آج۔۔۔۔۔ چھٹی کر لیتی۔۔۔ اس نے انتہائی سرد لہجے میں کہا۔۔۔۔۔

وہ کل لاسٹ پیپر تھا ۔۔۔۔ تو۔۔۔۔۔اس نے آہستہ سے سر جھکا کر کہا۔۔۔۔۔

تو کیا ؟؟۔۔ تم نہیں آتی تو ہم تھے نا ۔۔۔۔ اس کی موم تھی نہ ہم تیاری کروادیتے ۔۔۔۔ اتنے ظالم نہیں ہے ہم لوگ ادینہ ۔۔۔۔۔ کہ تمہاری مجبوری یا بیماری کو بھی نا سمجھ سکے ۔۔۔ وہ سخت برہم ہوا۔۔۔۔۔۔

گاڑی اس نے ایک کلینک کے سامنے روک دی۔۔انتہائی عجلت میں وہ گاڑی سے نکلا۔۔۔۔

اس کی سائیڈ پر آکر دروازہ کھول کر اسے باہر آنے کو کہا۔۔۔ ادینہ کا پورا وجود زلزلوں کی زد میں تھا ۔۔۔۔۔ وہ گاڑی سے نکلی اور صارم کے پیچھے جانے لگی ۔۔۔۔ دو سیڑھیاں چڑھ کر سر چکرایا۔۔۔۔ ایک دم آنکھوں کے سامنے اندھیرا چھانے لگا۔۔۔۔۔

صارم م م م۔۔۔ وہ چکرا کر گرنے والی تھی ۔۔۔۔۔ تو پکارا اسے ۔۔۔۔۔

ہلکی سی آواز سن کر صارم نے اپنے عقب میں دیکھا تو ڈور کو اس کو سنبھالا ورنہ زمین بوس ہوجاتی۔۔۔

ادینہ۔۔۔۔۔۔ وہ ہذیانی انداز میں چلایا۔۔۔۔

اس نے ادینہ کو باہوں میں اٹھایا اور دو دو سیڑھیاں پھلانگ کر اوپر پہنچا ۔۔۔۔ اس کو ایمرجنسی تک لے کر جانے لگا۔۔۔اور ایک نرس کو روک کر کہا۔۔۔۔۔

پلیز کال ڈاکٹر حمدانی۔۔۔اٹس ارجنٹ پلیز۔۔۔

سب لوگ جانتے تھے اسے ۔۔۔۔۔ آج کل ہر نیوز ہر پروگرام ٹی وی چینل پر یہ ینگ ایس پی زیر بحث تھا ۔۔۔۔۔ بہت سے لوگوں کا کرش۔۔۔۔۔۔

نرس ڈور کر گئی ۔۔۔۔۔ اس نے ادینہ کو بیڈ پر لٹایا ۔۔۔۔ اس کا سکارف ٹھیک کیا۔۔۔ تو ڈاکٹر حمدانی متفکر سا اندر داخل ہوئے۔۔۔۔

ہائے ینگ مین۔۔۔۔ آفٹر لونگ ٹائم ۔۔۔ وٹس پرابلم۔۔۔۔۔۔

آپ پلیز ان کا چیک اپ کریں ۔۔۔۔۔ اس کو بخار ہو رہا تھا بے ہوش ہو گئی یے۔۔۔۔ وہ پھولتے سانس میں بولا۔۔۔۔

اوکے اوکے ۔۔۔۔ ریلیکس ۔۔۔۔تم باہر جاکر ویٹ کرو ۔۔۔۔ میں چیک کر رہا ہوں۔۔۔۔۔

وہ باہر آکر بیٹھ گیا۔۔۔ لوگ آتے جاتے اس کو سلام کرتے گزر رہے تھے ۔۔۔۔ بس وہ یہی سوچ سوچ کر ہلکان ہورہا تھا کہ اسفند کو اس کے چہرے پر چھائی تشویش نظر آئی اور میں نے کیسے نہیں دیکھی ۔۔۔۔ کب سے بیمار تھی۔ ۔۔۔اسے گھٹن سی ہونے لگی۔۔۔۔۔۔

اس نے اسفند کو کال ملائی ۔۔۔۔۔ جو دوسرے بیل پر ریسیو ہو گئی۔۔۔۔۔

ہاں صارم ۔۔۔۔۔۔

اسفند تم لوگ جلدی سے ڈاکٹر حمدانی کے کلینک پہنچو ۔۔۔۔۔ ادینہ بے ہوش ہو گئی ہے۔۔۔۔ تمہارا شک صحیح تھا۔۔۔۔ وہ واقعی بیمار تھی۔۔۔۔۔

اوکے۔۔۔ ہم ابھی آئیں ۔۔۔۔کال ڈسکنکٹ کر کے وہ اٹھا تو ساتھ میں ارسلان بھی تھا۔۔۔۔ کیا ہوا۔۔۔ ارسلان نے گاڑی میں بیٹھتے ہوئے پوچھا۔۔۔۔ہاسپٹل جانا ہے ۔۔۔

وہ لوگ جلد ہی ہاسپٹل پہنچ گئے ۔۔۔۔۔

صارم کیا ہوا تھا ادینہ کو۔۔؟؟ اور کیسی ہے اب.؟؟ ؟؟ ڈاکٹر نے کیا کہا ؟؟ اسفند نے آکر پریشان سے بیٹھے صارم سے ایک ہی سانس میں پوچھا۔۔۔۔

ٹیسٹ کروا رہے ہیں ۔۔۔۔ اندر ہے وہ۔۔۔ اس نے کھوئے ہوئے لہجے میں کہا ۔۔۔ ایسا نہیں تھا کہ وہ کوئی کمزور مرد تھا۔۔۔۔ اس نے اس سے پہلے بہت سے ایسے سیچویشن فیس کئے تھے جس نے اسے بے حس بنا دیا تھا ۔۔۔۔۔

رپورٹس آچکے تھے۔۔۔

ڈاکٹر حمدانی نے ان کو اپنے کیبن میں بلایا تو تینوں ساتھ چلے گئے ۔۔۔۔۔

اس کو کب سے بخار تھا ایس پی صاحب؟؟؟

اس نے صارم سے ڈائریکٹ سوال کیا۔۔۔۔

پتہ نہیں ڈاکٹر صاحب ۔۔۔ ہمیں تو ابھی پتہ چلا ہے ۔۔۔۔۔ صارم کچھ بولنے کی کنڈیشن میں نہیں تھا سوئی ایک ہی جگہ اٹکی ہوئی تھی۔۔۔۔تو اسفند نے جواب دیا۔۔۔۔۔

اس کو 10 یا 12 دن سے بخار ہے۔۔۔۔ ڈاکٹر حمدانی کے بولنے پر اسفند نے صارم کی طرف دیکھا۔۔۔ جس کی نظر کسی غیر مرئی نقطے پر مرکوز تھی ۔۔۔۔ ہاتھوں کی لرزش اسفند سے چھپی نہیں تھی ۔۔۔۔۔۔

کوئی مسئلہ ہے کیا ؟؟؟ دونوں کو خاموش دیکھ کر اس بار ارسلان نے پوچھا۔۔۔۔۔

کسی بات کا بہت زیادہ سٹریس لیا ہے ۔۔۔ اور لگتا ہے یہ پہلی دفعہ بے ہوش نہیں ہوئی ہے ۔۔۔۔ ان سمپل ورڈز اس کو پینیک اٹیک آیا ہے۔۔۔۔۔

واٹ۔۔۔ایسے کیسے ۔۔ صارم کو کرنٹ لگا۔۔۔۔ بے یقینی سے ڈاکٹر حمدانی کو دیکھا۔۔۔۔۔ اسے ایسا لگا کہ کسے نے اس کے کانوں میں گرم سیسہ انڈیلا ہو۔۔۔

بلکل ۔۔۔سارے ٹیسٹ کلیئر ہے۔۔۔۔بٹ جو سیمپٹمز ہیں وہ یہی پروف کرتے ہیں ۔۔۔ ہارٹ ریٹ نارمل سے کافی زیادہ ہے ۔۔۔۔ چسٹ پین ہے۔۔۔ ٹیمپریچر 102 ہے ۔۔۔ بے چینی ہو رہی ہے۔۔۔۔ اور کبھی کبھی بے ہوشی۔۔۔۔ ڈاکٹر حمدانی تفصیل سے بتانے لگے۔۔۔

پیشنٹ کوئی ریلیٹو ہے ؟؟؟۔۔۔ ڈاکٹر صاحب براہ راست صارم سے پوچھ رہے تھے۔۔۔ وہ لے کر آیا تھا تو ہر سوال کا رخ اس کی طرف تھا۔۔۔۔

صارم کے سرد چہرے کو دیکھ کر اسفند نے جواب دیا۔۔۔۔ ہاں فیملی ممبر ہے۔۔۔۔۔

وہ بے ہوشی میں بار بار تمہارا نام لے رہی تھی صارم ۔۔۔۔۔ اس نے صارم کے چہرے پر تشویش دیکھ کر کہا۔۔۔۔۔

م م میں۔۔ میں مل سکتا ہوں ؟؟؟ صارم نے اٹھ کر اجازت مانگی۔۔۔۔۔

شیور۔۔۔۔اس نے اجازت دے دی ۔۔۔

وہ تینوں ڈاکٹر کے کیبن سے باہر آگئے ۔۔۔۔۔

ہم میڈیسن لینے جا رہے ہیں ۔۔۔۔ تم جا کر مل لو۔۔۔۔ اسفند ارسلان کو ساتھ لے کر چلا گیا۔۔ وہ اندر داخل ہوا تو وہ ہوش میں تھی ۔۔۔۔۔

کیسی طبعیت ہے اب۔۔۔اس کی آنکھوں میں سرد مہری دیکھ کر ادینہ کو اس سے خوف آنے لگا ۔۔۔۔۔

ٹھیک ہوں۔۔گھر چلے ۔۔۔۔ ادینہ کے آنکھوں میں اس نے عجیب سا درد دیکھا۔۔۔۔

کس بات کا اتنا سٹریس لیا ہے تم نے کہ پینیک اٹیک آیا ہے ۔۔۔صارم نے اسکی بات کو مکمل اگنور کر کے اس کی آنکھوں میں جھانک کر پوچھا۔۔۔۔۔

کسی بات کا بھی نہیں ۔۔۔۔ بس بخار تھا معمولی سا۔۔۔اس نے آنکھیں بند کردیں۔۔۔۔ اور بہت سارے آنسو اپنے اندر جذب کر لئے۔۔۔۔۔

دونوں چپ تھے ۔۔۔۔۔ اسفند اور ارسلان اندر داخل ہوئے۔۔۔۔ وہ بیٹھ گئی ۔۔۔۔۔ اسفند اس کے ساتھ آکر بیٹھ گیا ۔۔۔۔

کیا ہوا ہے تمہیں ۔۔۔۔ اگر کوئی مسئلہ تھا تو مجھے بتا دیتی نہ ۔۔۔۔۔ صرف نام کا بھائی نہیں ہوں ۔۔۔۔۔ اس نے بڑے پیار سے بولا تو ادینہ جو کتنی دیر سے آنسو ضبط کئے بیٹھی تھی ۔۔۔۔ اس کے سینے سے ے لگ کر رونے لگی ۔۔۔

اس نے ادینہ کے سر پر ہاتھ رکھا ۔۔۔۔۔ روتے نہیں گڑیا ۔۔۔۔۔ اتنے سٹرانگ بھائی کی بہن ہو ۔۔۔۔۔روتی ہوئی اچھی نہیں لگتی ۔۔۔۔۔ باکس سے ٹشو نکال کر اس کے آنسو صاف کئے۔۔۔۔۔

صارم اور ارسلان دونوں ساکت کھڑے اس پیاری سی لڑکی کے لئے پریشان تھے۔۔۔۔

چلو گھر چلیں ۔۔۔۔ اسفند اٹھا۔۔۔۔۔ تو وہ بھی بیڈ سے اتری۔۔۔۔۔۔

چل سکتی ہو خو ۔۔۔۔ اسفند نے نرمی سے پوچھا۔۔۔۔۔تو ادینہ اس کی طرف دیکھنے لگی۔۔۔۔ صارم ٹھیک کہتا تھا اسفند کے بارے میں کہ رشتوں کو لے کر وہ بہت حساس ہے۔۔۔۔

جانتا ہوں کچھ زیادہ ہینڈسم ہوں۔۔۔ مگر کبھی غرور نہیں کیا ۔۔۔ خود کو تکتے ادینہ کو دیکھ کر اسفند نے ماحول میں چھایا تناؤ کم کرنے کے لئے اپنی ٹون بدلی ۔۔۔۔ تو سب مسکرائے۔۔۔۔ سوائے صارم کے۔۔۔۔۔

یہ میڈیسن بلکل ٹائم پر لینی ہے ۔۔۔۔۔ اسفند نے اس کو میڈیسن تھما کر کہا ۔۔ کوئی کوتاہی نہیں کرنی۔۔۔۔

ادینہ نے اثبات میں سر ہلایا ۔۔۔

وہ چاروں ایک ساتھ باہر نکلے۔۔۔۔

میں ڈراپ کردوں اس کو اگر تمہاری طبیعت ٹھیک نہیں ہو تو ۔۔۔۔۔ اسفند نے صارم کی پریشانی نوٹ کرکے پوچھا۔۔۔۔۔

آئی ایم اوکے ۔۔ میں کردونگا۔۔۔۔ صارم نے کہا۔۔۔

اسفند نے ادینہ کو اپنے ساتھ لگا کر کہا۔۔۔ اپنا خیال رکھنا گڑیا ۔۔۔ اپنے لئے نہیں تو اپنے ساتھ وابستہ لوگوں کے لیے ۔۔۔۔۔ کیونکہ کچھ باتوں کو لیکر ہم کافی زیادہ بے بس ہوتے ہیں۔۔ اور یہاں تمہارے معاملے میں واقعی میں بے بس ہوں۔۔۔۔

ادینہ نے کوئی جواب نہیں دیا۔۔۔ اور جاکر گاڑی میں بیٹھ گئی ۔۔

میں تمہارے لئے دعا کروں گا ادینہ ۔۔ تم بس ایک سراب کے پیچھے بھاگ رہی ہو۔۔۔۔ ایک ایسے انسان کے پیچھے جس کے پاس تمہیں دینے کے لیے کچھ بھی نہیں ۔۔۔۔ اسفند نے اسکی گاڑی کو دور جاتے دیکھ کر افسوس سے سوچا ۔۔۔۔۔