Awaaz Ishq By Isra Rao NovelR50465 Awaaz Ishq (Episode - 28)
No Download Link
Rate this Novel
Awaaz Ishq (Episode - 28)
Awaaz Ishq By Isra Rao
وہ دونوں باتیں کرتے ہوئے گھر میں داخل ہوئے۔۔۔
سامنے ہی لان میں حامد صاحب، فائقہ اور یزدان بیٹھے باتیں کر رہے تھے۔۔۔
انہیں دیکھ مسکرائے۔۔۔
“کوئی اہم ڈسکشن چل رہی تھی کیا۔۔۔؟”
حمدان نے ہنس کر کہا۔۔۔
“ہاں تم دونوں کا ہی ویٹ ہورہا تھا۔۔۔سٹ”یزدان نے کہا
وہ دونوں بھی کرسی کھسکا کر بیٹھ گئے۔۔۔
“ہم سوچ رہے تھے کہ تم دونوں کی شادی کردیں”
فائقہ نے شرارت بھرے لہجے میں کہا۔۔۔
“ارے بھابھی جیو۔۔۔۔لو یو۔۔۔”
حمدان بات سن خوش ہوا۔۔۔
اور سب ہی ہنس دیے۔۔۔
جبکہ شادی کی بات سن حریم کے چہرے پر سنجیدگی چھا گئی۔۔۔
“حریم تمہارا کیا خیال ہے۔۔۔کیا تم بھی اس کی طرح ایکسائیٹڈ ہو۔۔۔؟”
فائقہ نے ہنس کر حریم کی طرف دیکھا۔۔۔
“نن۔۔نہیں۔۔۔میں ابھی شادی نہیں کرسکتی۔۔۔”
حریم نے یک دم کہا۔۔۔
سب حیرانی سے اس کو دیکھنے لگے۔۔۔
حمدان کے لبوں کی مسکراہٹ یک دم غائب ہوئی۔۔۔
“میرا مطلب ہے۔۔اتنی جلدی شادی۔۔۔۔”
حریم نے لہجہ چھپایا۔۔۔
جلدی کہاں ہے؟ ہم اگلے مہینے کی ڈیٹ رکھیں گے۔۔میرے خیال اتنے دن تو مل جائیں گے کہ تیاری ہوجائے۔۔۔”
حامد صاحب نے تسلی دی۔۔۔
“اور تمہیں فکر کرنے کی ضرورت نہیں ہے۔۔۔میں سب دیکھ لوں گی۔۔۔”
فائقہ نے ہنس کر کہا۔۔۔
اور حریم خاموشی سے انہیں دیکھ کر رہ گئی۔۔۔
اس نے کمرے میں آتے ہی دروازہ بند کیا۔۔۔
پھر جلدی سے موبائل پر نمبر ڈائل کیا۔۔۔
دوسری ہی بیل پر کال رسیو کرلی گئی۔۔۔
“ہیلو۔۔۔” حریم نے جھجھکتے ہوئے کہا۔۔۔
“حریم۔۔۔” حنید کی آواز اس کے
کانوں سے ٹکرائی۔۔۔
حریم خاموش رہی۔۔۔
“مجھے پتا تھا۔۔۔تم ضرور مجھ سے۔۔۔۔”
وہ اپنی بات پوری کرتا اس سے پہلے ہی حریم نے بات کاٹی۔۔۔
“مجھے تم سے ملنا ہے” حریم نے سنجیدگی سے کہا۔۔۔
“ہاں۔۔۔جب۔۔جب تم کہو۔۔۔” وہ بے چین ہوا۔۔۔
“کل شام۔۔۔پارک میں۔۔۔میں انتظار کروں گی۔۔۔”
حریم نے بات مکمل کی۔۔۔
“ہاں۔۔۔میں۔۔۔میں آجاؤں گا۔۔۔میں۔۔۔” حریم نے بات پوری سنے بنا ہی کال کاٹ دی۔۔۔
اور ضبط سے آنکھیں بند کی۔۔۔
بیتے لمحے پھر سے سامنے لہرا رہے تھے۔۔۔
وہ کافی کا کپ تھامے لان میں بیٹھی تھی۔۔۔
کہ حمدان وہاں آکر بیٹھا۔۔۔
“کن خیالوں میں گم ہو؟” حمدان نے مسکرا کر پوچھا۔۔۔
“نہیں۔۔۔۔ کہیں نہیں۔۔بس۔۔۔”
حریم بوکھلائی۔۔۔
“ہماری شادی کے بارے میں سوچ رہی ہو نا؟” حمدان نے ہنس کر پوچھا۔۔۔
حریم خاموشی سے مسکرا دی۔۔۔
“بھئی میں تو بہت خوش ہوں۔۔۔تم ہمیشہ کے لیے میریجو ہوجاؤ گی۔۔۔”
حمدان نے پیار سے کہا۔۔۔
“حمدان۔۔۔کک۔۔۔کیا شادی آگے نہیں بڑھ سکتی۔۔۔؟”
حریم نے سوال کیا۔۔۔
“کیوں؟ تم خوش نہیں ہو۔۔۔؟”
وہ حیران ہوا۔۔۔
“نہیں۔۔۔ایسی بات نہیں ہے۔۔۔میں بس کچھ وقت چاہتی ہوں۔۔۔سب اتنا جلدی ہورہا ہے نا۔۔۔”
حریم نے بہانا بنایا ۔۔۔
“ہاں۔۔۔مگر تم ٹینشن کیوں لے رہی ہو۔۔۔بھائی اور بھابھی ہیں نا۔۔۔سب ہوجائے گا۔۔۔”
حمدان نے خوشی سے کہا۔۔۔
حریم خاموشی سے اسے دیکھنے لگی۔۔۔
وہ خوش تھا بہت۔۔۔جو اس کا چہرہ ظاہر کر رہا تھا۔۔۔
تبھی سامنے سے آتے کاشف پر دونوں کی نظر پڑی۔۔۔
حمدان اسے دیکھ حیران ہوا۔۔۔
“تمہاری ہمت کیسے ہوئی یہ سب کرنے کی؟” وہ غصہ میں حمدان کے قریب آیا۔۔۔
“کاشف۔۔۔ہوا کیا ہے؟” وہ حیرت سے دیکھنے لگا۔۔۔
“مجھے دوست کہتا ہے نا۔۔۔اور میرے ہی پیٹھ پر۔۔۔۔میری منگیتر کے ساتھ”
کاشف نے تلخ لہجے میں کہا۔۔۔
“میں نے تجھے بتایا تھا سب سچ۔۔۔” حمدان نے کہا
“وہ سچ نہیں تھا۔۔۔۔سچ تو یہ ہے کہ تو پیچھے پڑا ہے سارہ کے۔۔۔اس نے مجھے سب سچ بتا دیا۔۔۔کہ کس طرح تو اسے بلیک میل کرتا ہے۔۔۔”
کاشف بھرا بیٹھا تھا۔۔۔
“یہ سچ نہیں ہے۔۔۔وہ میرے پیچھے پڑی ہے۔۔۔میں اس کے نہیں۔۔ ” حمدان نےصفائی دی۔۔۔
“بس کردے۔۔۔اور کتنا گرے گا۔۔۔شیم آن یو۔۔۔۔سچ یہ ک
ہے کہ تیری نیت خراب ہوگئی تھی سارہ کواس دن پارٹی میں دیکھ۔۔۔”
کاشف نے چبا کر کہا۔۔۔
اس کی بات سن حمدان کی آنکھوں میں خون اتر آیا۔۔۔
پھر اس نے برابر میں کھڑی حریم کو دیکھا۔۔۔
اس نے ضبط سے مٹھی کو مضبوطی سے بند کیا۔۔۔
کیوں کہ وہ حریم کی خاطر غصہ چھوڑ چکا تھا۔۔۔
ورنہ شاید اس کا ہاتھ کاشف کے چہرے کے نقش بدل دیتا۔۔۔
“شٹ اپ۔۔۔” حریم نے کاشف کو دیکھتے ہوئے سختی سے کہا۔۔۔
“خبردار۔۔۔خبردار جو حمدان کے بارے میں ایک اور لفظ کہا۔۔۔”
حریم نے انگلی دکھائی۔۔۔
“حریم۔۔۔یہ جھوٹا ہے۔۔۔یہ تمہیں بھی چیٹ کرے گا۔۔۔جیسے مجھے کیا”
کاشف نے حریم کوسمجھانا چاہا۔۔۔
“پوری دنیا بھی اگرگواہی دے گی نا حمدان کے خلاف میں تب بھی یقین نہیں کروں گی۔۔۔جانتے ہو کیوں؟ کیوں کہ میرا یقین پختہ ہے۔۔۔اصولً تو تمہارا بھی ہونا چاہیے۔۔۔تم دوست ہو۔۔۔اور دوست دوست کواچھی طرح جانتا اور سمجھتا ہے۔۔۔”
حریم نے سینے پر ہاتھ باندھے کاشف کا ضمیر جگانا چاہا۔۔۔۔
“تم نے حمدان سے جو سنا یقین کیا۔۔۔اور سارہ سے جوسنا اب اس پر یقین کرلیا۔۔۔کیا تم نے سچ جاننے کی کوشش کی؟ نہیں۔۔۔”
حریم نے بات مکمل کر اسے دیکھا۔۔۔
جو خاموشی سے سن رہا تھا۔۔۔
“پتا ہے۔۔دنیا کا سب سے خوبصورت رشتہ دوستی ہے۔۔۔اگر ہم اس رشتے کے ساتھ ہی سچے نہیں۔۔۔تو ہم کبھی کسی رشتے کے ساتھ سچے نہیں ہوسکتے۔۔۔اور حمدان اس رشتے میں سچا ہے۔۔۔”
حریم نے پر اعتماد لہجے میں کہا۔۔۔
“فون دو۔۔۔۔” حریم نے حمدان کی طرف ہاتھ بڑھایا۔۔۔
حمدان نے فون نکال ان لاک کیا اور حریم کے ہاتھ میں دے دیا۔۔۔
“ہممم۔۔۔دیکھو۔۔۔”
حریم نے میسیجز اور کال ہسٹری کاشف کو دکھائی۔۔۔
اور کاشف کو حیران کردیا۔۔۔
مگر اس سب میں حمدان کی نظر بس حریم پر جمی تھی۔۔۔جو اس کے لیے سامنے کھڑی تھی۔۔۔
وہ کب سے پارک میں کھڑا انتظار کر رہا تھا۔۔۔جب سامنے سے آتی حریم پر اس کی نظر پڑی۔۔۔
اس کا انتظار ختم ہوگیا تھا۔۔۔لبوں پر مسکراہٹ پھیل گئی تھی۔۔۔
“حریم۔۔۔۔” اس کے قریب آتے ہی حنید کے لب ہلے۔۔۔
“کیسی ہو؟” حنید نے سوال کیا۔۔۔
حریم نے بس خاموشی سے اثبات میں سر ہلایا۔۔۔
“تم کھڑی کیوں ہو بیٹھو نا۔۔۔” حنید نے پاس ہی رکھی بینچ کی طرف اشارہ کیا۔۔۔
حریم خاموش کھڑی تھی۔۔۔
“میں جانتا تھا۔۔۔تم مجھے معاف کردو گی۔۔۔ مجھ ۔۔۔میں جانتا ہوں میں نے تمہارے ساتھ غلط کیا۔۔۔مگر اس کی سزا مجھے مل گئی۔۔۔وہ نیہا۔۔۔صرف ٹائم پاس لڑکی تھی۔۔۔اس کے انکل نے میرے گانے کسی اور کے نام سے ریلیز کردیے۔۔۔وہ لوگ جھوٹے اور فراڈ تھے۔۔۔”
حنید ایک سانس میں بولتا جارہا تھا۔۔۔
“لیکن جب میں نے تمہیں دیکھا اسکرین پر۔۔۔تمہاری کامیابی دیکھ مجھے سمجھ آگیا تھا کہ مجھے سزا مل رہی ہے تمہارا دل دکھانے کی۔۔۔میں خود غرض ہوگیا تھا۔۔۔۔مجھے معاف کردو حریم۔۔۔۔”
حنید نے نم آنکھوں سے کہا۔۔۔
حریم نے کوئی جواب نہیں دیا۔۔۔
“تم بس ایک موقع دو مجھے۔۔۔میں سب غلطیوں کاازالہ کرلوں گا۔۔۔”
حنید نے منت کی۔۔۔
“غلطیوں کا ازالہ ہوجاتا ہے گناہوں کا نہیں۔۔۔”
حریم نے خاموشی کو توڑا۔۔۔
وہ پینسل ہیل اٹھاتی۔۔۔چلتی آرہی تھی۔۔۔وہ سامنے کافی کا مگ تھامے صوفے پر براجمان تھا۔۔۔
اسے دیکھ اٹھ کھڑا ہوا۔۔۔
“تم یہاں کیا کر رہی ہو؟” حمدان نے غصہ سے کہا۔۔۔
“یہ بات اہم نہیں ہے کہ میں یہاں کیا کر رہی ہوں؟ بات یہ اہم ہے کہ وہ وہاں کیا کر رہی ہے؟”
عنایہ نے سے سینے پر ہاتھ باندھے کہا۔۔۔
“کون؟ کس کی بات کر رہی ہو؟”
حمدان نے ناسمجھی سے پوچھا۔۔
“وہی جس کے ساتھ آجکل تم گھوم رہے۔۔۔۔جسے تم نے زمین سے اٹھا کر آسمانوں تک پہنچا دیا۔۔۔وہ تمہارے ہی پیٹھ پیچھے۔۔۔۔۔”
عنایہ طنز کرنے لگی کہ حمدان نے بات کاٹی۔۔۔
“بکواس بند کرو۔۔۔اور صاف صاف کہو کیا کہنا چاہتی ہو؟”
حمدان نے تلخ لہجے میں کہا۔۔۔
“حریم۔۔۔تمہیں پتا ہے حریم کہاں ہےاس وقت؟”
عنایہ نے تسلی سے سوال کیا۔۔۔
“وہ جہاں بھی ہو۔۔۔تمہیں کیا پرابلم ہے؟”
حمدان نے سرخ آنکھوں سے کہا۔۔۔
“مجھے کوئی پرابلم نہیں۔۔۔ہوگی تو تمہیں۔۔۔ مجھے چھوڑ کر تم نے اسے چنا تھا۔۔۔جو تمہارے ساتھ وفادار بھی نہیں۔۔۔کسی اور کے ساتھ”
عنایہ نے سنجیدگی سے چوٹ کی۔۔
“شٹ اپ۔۔۔۔جسٹ شٹ اپ۔۔۔”
وہ چلایا۔۔۔
“تمہارے چلانے سے سچ نہیں بدل جائے گا۔۔۔نہیں یقین تو چلو میرے ساتھ”
عنایہ نے کہا۔۔۔
“نہیں۔۔۔مجھے کہیں نہیں جانا۔۔۔”
حمدان نے صاف انکار کیا۔۔۔
“کیوں ڈر گئے۔۔۔کہیں اس بھولی بھالی حریم کی سچائی تمہارے اور میرے سامنے نا آجائے”
عنایہ نے پوچھا۔۔۔
“نہیں۔۔۔اسلیے کہ مجھے اس پر یقین ہے۔۔۔”
حمدان نے پر اعتماد لہجے میں کہا
“جب یقین ٹوٹتا ہے نا تو بہت تکلیف ہوتی ہے۔۔۔۔اور اگر اتنا ہی یقین ہے تو ساتھ چلنے سے گھبرا کیوں رہے ہو؟ ساتھ چلو اور مجھے غلط ثابت کردو۔۔۔”
عنایہ نے طنزیہ مسکراہٹ کے ساتھ کہا۔۔۔
“اوکے چلو۔۔۔۔” حمدان اس کے ساتھ ہولیا۔۔۔۔
“میں۔۔۔میں سب ٹھیک کردوں گا۔۔۔سب پہلے جیسا ہوجائے گا۔۔۔بس تم ایک بار معاف کردو۔۔۔میں جانتا ہوں تم آج بھی مجھ سے محبت کرتی ہو۔۔۔”
حنید کہتا چلا جارہا تھا۔۔۔
“نہیں کرتی میں تم سے محبت۔۔۔تمہارا اور میرا رشتہ اسی دن ٹوٹ چکا تھا جب تم مجھے روتا ہوا چھوڑ گئے تھے۔۔۔”
حریم نے سنجیدگی سے کہا۔۔۔
“تم کرتی ہو محبت ورنہ تم یہاں مجھ سے ملنے نہیں آتی۔۔۔مجھے یوں فون کر کے نا بلاتی۔۔۔”
حنید نے پر امید چہرہ لیے اسے دیکھا۔۔۔
“میرے اس عمل سے یہ ثابت نہیں ہوتا کہ میں تم سے محبت کی وجہ سے یہاں ہوں۔۔میری شادی ہورہی ہے بہت جلد۔۔۔”
حریم کا چہرہ بنا تاثر تھا۔۔۔
“نہیں۔۔۔تم یہ کیسے کرسکتی ہو؟..”
وہ حیران ہوا۔۔۔
“کیوں نہیں کرسکتی۔۔۔مجھے خوش رہنے کا حق نہیں ہے۔۔۔مجھے لائف میں آگے بڑھنے کا حق نہیں۔۔۔؟”
حریم نے تلخی سے پوچھا۔۔۔
“شاید تم بھول رہی ہو۔۔۔کہ محبت کے ساتھ ساتھ ہم نے نکاح بھی کیا تھا۔۔۔اسے تم نہیں جھٹلا سکتی”
حنید نے یادہانی کروائی۔۔۔
“کیسے بھول سکتی ہوں۔۔۔میری زندگی کی سب سے بڑی غلطی تھی وہ۔۔۔” حریم نے دکھ بھرے لہجے میں کہا۔۔۔
“حریم۔۔۔ایسا مت کہو۔۔۔تم۔۔۔بس تم مجھے ایک موقع دو۔۔۔میں اس بار سب ٹھیک کردوں گا۔۔۔میں نے ہمیشہ بس تم سے ہی محبت کی ہے۔۔۔میں تمہیں خوش رکھوں گا۔۔۔”
حنید منت کرنے لگا۔۔۔
“مجھ سے محبت کرتے ہو نا۔۔۔ایک چیز مانگوں۔۔۔دے سکتے ہو؟” حریم نے نم آنکھوں سے پوچھا۔۔۔
“جان بھی مانگ لو۔۔۔کبھی نا نہیں کہوں گا۔۔۔”
حنید نے محبت سے کہا
“مجھے طلاق دے دو۔۔۔۔”
حریم نے بنا جھجھکے کہ دیا۔۔۔
اس کی بات سن وہ ساکت ہوگیا۔۔۔
وہ ناسمجھی سے اسے دیکھنے لگا۔۔۔
تبھی کوئی پیچھے سے چلتا ہوا آیا۔۔۔اور حریم کو بازوں سے پکڑ پوری قوت سے کھینچتا ہوا لے جانے لگا۔۔۔
حریم نے نا سمجھی سے ساتھ چلتے حمدان کو دیکھا۔۔۔
جو سرخ آنکھوں میں غصہ لیے۔۔۔اسے زبردستی کھینچتا لے جا رہا تھا۔۔۔
حریم کے پاؤں تلے زمین نکل گئی۔۔۔حمدان کا غصہ اسے بتا رہا تھا کہ اس نے حنید کے ساتھ ہوتی باتیں سن لی تھی۔۔۔
وہ اسے گاڑی میں بٹھا کر گاڑی اسٹارٹ کر چکا تھا۔۔۔
وہ بس ساکن سی بیٹھی اسے تک رہی تھی۔۔۔
اس نے گاڑی کو ریور بریج پر روکا۔۔۔
پھر اتر کر اس کی طرف گیا۔۔۔
اسے ہاتھ سے پکڑ کر گاڑی سے نکالا۔۔
وہ چپ چاپ کسی نازک گڑیا کی طرح کھڑی تھی۔۔۔
“کیوں۔۔۔؟ کیوں؟” وہ گاڑی پر ہاتھ مار کر زور سے چلایا۔۔۔
حریم لمحہ بھر سہم گئی۔۔۔اس کی آنکھوں سے متواتر آنسوں گرنے لگے۔۔۔
“کیوں کیا تم نے ایسا؟ میرے ساتھ ہی کیوں؟” وہ سرخ آنکھوں سے سوال کرنے لگا۔۔۔
حریم نظر جھکائے آنسوں بہا رہی تھی۔۔۔
“پہلے میں تمہیں اچھی لڑکی سمجھتا تھا۔۔۔پھر اچھی دوست۔۔۔اور پھر میں تم سے محبت کرنے لگا۔۔۔میں۔۔۔میں نہیں رہا۔۔۔حمدان نے صرف۔۔۔صرف حریم کے لیے خود کو بدل لیا۔۔۔”
حمدان نے نم آنکھوں کو رگڑا۔۔۔
“تم پر اتنا اعتماد کیا۔۔۔اور تم نے۔۔۔سب ختم کردیا۔۔۔۔اتنا بڑا دھوکا۔۔۔۔کیوں؟” اس نے حریم کو بازوؤں سے پکڑا کر اس کی بھیگی آنکھوں میں دیکھا۔۔۔
“بولو۔۔۔۔” وہ چلایا۔۔۔
“میں نے کوئی دھوکا نہیں دیا۔۔۔شادی تمہاری اور گھر والوں کی مرضی تھی۔۔۔میں نے فورس نہیں کیا تھا “
حریم نے آنسوں صاف کیے۔۔۔
“سہی کہا یہ میری خواہش تھی۔۔۔کیوں کہ میں نہیں جانتا تھا تم پہلے سے شادی شدہ ہو۔۔۔۔لیکن تم تو یہ جانتی تھی نا۔۔۔پھر کیوں چپ رہی۔۔۔کیوں مجھے میرے گھر والوں کو دھوکے میں رکھا تم نے۔۔۔۔؟”
حمدان نے غصہ سے سوال کیا۔۔۔
“میں بتانے ہی والی تھی۔۔۔”
حریم نے صفائی دینی چاہی۔۔۔
“کب۔۔؟ جب شادی ہوجاتی۔۔۔تم نکاح پر نکاح کر رہی تھی۔۔۔”
حمدان نے جھنجھلا کر کہا۔۔۔
“نہیں میں نکاح پر نکاح نہیں کرتی۔۔۔”
حریم نے سمجھانے کی کوشش کی۔۔۔
“تو۔۔۔مطلب تم مجھ سے نکاح نہیں کرتی۔۔۔تم مجھ سے میرے جذبات سے کھیل رہی تھی۔۔۔؟”
حمدان نے دکھ بھرے لہجے میں پوچھا۔۔۔
“نہیں۔۔۔تم غلط سمجھ رہے ہو حمدان۔۔۔”
حریم نے بہتی آنکھوں سے اسے دیکھا۔۔۔
“اب تو میں تمہیں سہی سمجھا ہوں۔۔۔”
حمدان نے تلخ لہجے میں کہا۔۔۔
دوآنسوں بہ کر اس کے گال پر لڑھک گئے۔۔۔
“حمدان۔۔۔میری بات سنو۔۔۔”
حریم چلائی۔۔۔مگر اس نے جاتے جاتے پیچھے مڑ کر بھی نہیں دیکھا۔۔۔
وہ گاڑی سے اتر سیدھا گھر میں داخل میں داخل ہوا۔۔۔
“حمدان۔۔۔حریم کہاں ہے؟” فائقہ نے اسے اندر آتا دیکھ سوال کیا۔۔۔
وہ بنا کوئی جواب دیے سیڑھیاں چڑھتا اپنے کمرے میں چلا آیا۔۔۔۔
دروازہ بند کرتے ہی کب سے روکا غصہ نکلنے کو بے تاب تھا۔۔۔
“اتنا بڑا دھوکا۔۔۔” پاس پڑی چیئر کو اس نے زور دار لات ماری۔۔۔
“میں تمہیں کبھی معاف نہیں کروں گا” وہ چلایا۔۔۔۔ساتھ ہی پاس کھڑا لیمپ اسٹینڈ سمیت اس نے زمین بوس کردیا۔۔
“کیوں کیا۔۔۔میرے ساتھ ایسا۔۔۔؟”
وہ بیڈ کے قریب بیٹھ دکھ بھرے لہجے میں خود کلامی کرنے لگا۔۔۔
اس کا دل رونے کو تیار تھا۔۔۔
سر درد سے پھٹا جارہا تھا۔۔۔
“یزدان۔۔۔حمدان کو دیکھو۔۔۔پتا نہیں اسے کیا ہوگیا۔۔۔”
فائقہ نے کمرے میں آتے ہی کہا۔۔۔
“کیا ہوا؟” وہ بیڈ سے اٹھ کھڑا ہوا۔۔۔
“پتا نہیں غصہ میں گھر آیا۔۔۔میں نے پوچھا بھی تو جواب نہیں دیا۔۔۔۔۔۔خود کو کمرے میں بند کرلیا ہے۔۔۔”
فائقہ نے فکر مندی سے کہا۔۔۔
اس کی بات سن یزدان تیزی سے کمرے سے باہر نکل گیا۔۔۔
اور سیڑھیاں چڑھتا حمدان کے کمرے کے باہر کھڑا دروازہ بجانے لگا۔۔۔
“حمدان۔۔۔اوپن دا ڈور۔۔۔حمدان۔۔۔”
وہ مسلسل دروازہ بجا رہا تھا۔۔۔
“تم مجھے بتاؤ گے نہیں تو مجھے کیسے پتا لگے گا۔۔۔دروازہ کھولو۔۔۔پلیز۔۔۔”
یزدان نے منت کی۔۔۔
تبھی دروازہ کھلا اور سامنے حمدان کا اداس چہرہ نظر آیا۔۔۔بکھرا حلیہ بتا رہا تھا کہ وہ بہت دکھی ہے۔۔۔
“حمدان۔۔۔آر یو اوکے؟” یزدان نے پوچھا۔۔۔
“ہاں ٹھیک ہوں۔۔۔” حمدان نے نظریں چرائی۔۔۔
“حمدان یہ کیا حالت کی ہے روم کی۔۔۔کیا ہوا ہے مجھے بتا؟تیرا بھائی سب ٹھیک کردے گا”
یزدان نے اس کے کاندھے پر ہاتھ رکھا۔۔۔
“بھائی۔۔۔آئی لو ہر۔۔۔۔” وہ یزدان کے گلے لگ بھری آواز میں کہنے لگا۔۔۔
کب سے رکے آنسوں بہ نکلے۔۔۔
“حریم سے جھگڑا ہوا ہے؟”
یزدان نے پوچھا۔۔۔
وہ اس کی حالت دیکھ اندازہ لگا چکا تھا۔۔۔
وہ بیگ کو بیڈ پر رکھ اس میں اپنے کپڑے ڈال رہی تھی۔۔۔
آنسوں بہا کر آنکھیں اور ناک سرخ ہوچکی تھی۔۔۔
تبھی دروازے پر ہلکی سی دستک ہوئی اور یزدان اندر داخل ہوا۔۔۔
“کہاں جارہی ہو؟”
وہ بیگ دیکھ پوچھنے لگا۔۔۔
وہ خاموشی سے نظریں جھکا گئی۔۔۔
“تم نے بہت غلط کیا ہے۔۔۔ہم سب سے سچائی چھپائی۔۔۔کوئی بات نہیں۔۔۔مگر تمہیں حمدان کو سچ بتا دینا چاہیے تھا۔۔۔”
یزدان نے ٹھنڈے لہجے میں کہا۔۔۔
“ہر رشتے میں سچائی اہم ہے۔۔۔۔اگر تم سچ بتا دیتی کوئی زبردستی نہیں کرتا۔۔۔جیسا تم چاہتی ویسا ہی ہوتا۔۔۔”
یزدان نے اس کا گال تھپتھپایا۔۔۔
وہ خاموشی سے آنسوں بہا رہی تھی۔۔۔
“خیر میں سمجھا دوں گا حمدان کو۔۔۔جیسا تم چاہو گی وہی ہوگا۔۔۔”
وہ اسےتسلی بھرےلہجے میں کہتا کمرے سے باہر نکل گیا۔۔۔
اور حریم بیڈ پر بیٹھ آنسوں بہانے لگی۔۔۔
وہ سب کو بتانا چاہتی تھی کہ وہ کیا چاہتی ہے۔۔