Awaaz Ishq By Isra Rao NovelR50465 Awaaz Ishq (Episode - 27)

Awaaz Ishq By Isra Rao

وہ ہ کھڑکی پر لگے پردے درست کرنے میں مصروف تھی کہ تھڑلے سے دروازہ کھلا اور حمدان اندر داخل ہوا۔۔۔

وہ تیزی سے اس کی جانب بڑھا۔۔۔

“تم خود کو سمجھتی کیا ہو۔۔۔؟” وہ اسے مضبوطی سے تھامے دیوار سے لگا چکا تھا۔۔۔

وہ اس اچانک حملے کے لیے تیار نہیں تھی۔۔۔

وہ پھٹی پھٹی نظروں سے اس کی آنکھوں میں دیکھ رہی تھی۔۔۔جہاں صرف سوال تھے۔۔۔

“جب چاہو گی کسی کی زندگی میں آجاؤ گی جب دل چاہے گا نکل جاؤ گی۔۔۔”

وہ سرخ آنکھوں سے کہنے لگا۔۔۔اور جھٹکے سے اسے چھوڑ دور ہوا۔۔۔

“کسی کی زندگی میں آکر۔۔۔اس کی اچھائیوں کو برائیوں کو۔۔۔اس کے غصہ کو۔۔۔غرض ہر چیز کو بدل کر رکھ دو گی۔۔۔اور پھر دامن بچا کر نکل جاؤ گی۔۔۔”

حمدان نے دکھ بھرے لہجے میں کہا۔۔۔

حریم خاموشی سے اسے دیکھ رہی تھی۔۔۔

“جب تمہیں میرے ساتھ نہیں چلنا تھا تو۔۔۔کیوں تم آئی میری زندگی میں۔۔۔مجھے حمدان شاہ کو بھی کوئی کمزور کرسکتا ہے۔۔۔یہ کبھی نہیں سوچا تھا۔۔۔مگر میں ہوگیا۔۔۔میں ویسا بن گیا جیسا تم نے کہا۔۔۔جیسا تم چاہتی تھی۔۔۔پھر کیوں؟”

وہ اس کے قریب کھڑا اس سے پوچھنے لگا۔۔۔

حریم کی آنکھ سے دو آنسوں گرے۔۔۔

مگر وہ خاموش کھڑی اسے سن رہی تھی۔۔۔

لمحہ بھر جواب کا انتظار کیا۔۔۔مگر وہ اسی طرح ساکت کھڑی تھی۔۔۔

حمدان خود کو نارمل کرتا تیزی سے کمرے سے باہر نکل گیا۔۔۔

⁦⁩⁦⁩⁦⁩⁦⁩⁦⁩

(جب تمہیں میرے ساتھ نہیں چلنا تھا تو۔۔۔کیوں تم آئی میری زندگی میں)

(مجھے حمدان شاہ کو بھی کوئی کمزور کرسکتا ہے۔۔۔یہ کبھی نہیں سوچا تھا۔۔۔مگر میں ہوگیا۔۔۔میں ویسا بن گیا جیسا تم نے کہا۔۔۔جیسا تم چاہتی تھی۔۔۔پھر کیوں؟)

وہ راکنگ چیئر پر آنکھیں موندے سوچوں کے مہور میں گم تھی۔۔۔

(میں تمہیں کبھی نہیں چھوڑوں گا حریم۔۔۔)

حنید کا جملہ یاد آتے ہی اس نے جھٹ آنکھیں کھولی۔۔۔

“نہیں۔۔۔میں۔۔۔تو نکاح۔۔۔۔”

وہ خود کلامی کرنے لگی۔۔۔

“حمدان میں تمہیں کیسے بتاؤں۔۔۔”

وہ پریشان ہوئی۔۔۔

⁦⁩⁦⁩⁦⁩⁦⁩⁦⁩

“حریم۔۔۔” فائقہ نے پاس بیٹھی حریم کو دیکھتے ہوئے کہا۔۔۔

“جی بھابھی۔۔۔” حریم سیدھی ہوئی۔۔۔

“تم حمدان کو پسند نہیں کرتی؟”

فائقہ کے چہرے پر بلا کی سنجیدگی تھی۔۔۔

“میں نے یہ کب کہا؟” وہ الٹ پوچھنے لگی۔۔۔

“پھر تم نے ڈیڈ کو انکار کیوں کیا۔۔۔؟”

وہ پھر سے سوال کرنے لگی۔۔۔

“کچھ مجبوریاں ایسی ہوتی ہیں بھابھی جن پر مرضیاں نہیں چلتی۔۔اور ویسے بھی حمدان کے لیے لڑکیوں کے لیے کمی تو نہیں۔۔۔”

حریم نے جبراً مسکرا کر کہا۔۔۔

تبھی ہارن کی آواز پر دونوں چونکے۔۔۔

یہ آواز حمدان کی گاڑی کی تھی۔۔۔

“حمدان۔۔۔” فائقہ نے گلاس وال سے حمدان کو دیکھا۔۔۔

جسے کوئی پکڑ کر گاڑی سے اتار رہا تھا۔۔۔

فائقہ باہر کی جانب لپکی۔۔۔

“حمدان کیا ہوا؟یہ۔۔۔یہ کیا ہوا؟” وہ اس کے ہاتھ۔۔۔اور ماتھے پر پٹی دیکھ گھبرائی۔۔۔

“ایکسیڈنٹ ہوگیا تھا۔۔۔وہ تو میں پاس سے گزر رہا تھا تو۔۔۔میں انہیں ہاسپیٹل لے گیا۔۔۔ویسے گھبرانے کی بات نہیں ہے “

پاس کھڑے شخص نے بتایا۔۔۔

“ایکسیڈنٹ۔۔۔کیسے۔۔۔حمدان۔۔۔زیادہ چوٹ۔۔۔” وہ اسے بازو سے تھامتی فکر کرنے لگی۔۔۔

“کچھ نہیں ہوا بھابھی میں ٹھیک ہوں۔۔۔”

حمدان نے کہا۔۔۔

“ہاں دکھ رہا ہے مجھے کتنے ٹھیک ہو۔۔۔”فائقہ نے ڈانٹا۔۔۔

سامنے کھڑی حریم انہیں دیکھ رہی تھی۔۔۔

پاس کھڑا سب کے لیے انجان تھا مگر اس کے لیے ہر گز نہیں۔۔۔

“حمدان۔۔۔تم ٹھیک ہو؟” وہ اسے دیکھ فکرمندی سے قریب آئی۔۔۔

حمدان اس کے چہرے پر خود کے لیے فکر دیکھ رہا تھا۔۔۔

جو اسے سکون بخش رہی تھی۔۔۔

پاس کھڑا شخص حریم کو کن انکھیوں سے دیکھ رہا تھا۔۔

وہ حمدان کو روم میں چھوڑنے گئے۔۔۔ اور حریم کچن کی جانب بڑھ گئی۔۔۔

“عارفہ۔۔۔ہلدی والا دودھ بناؤ جلدی۔۔۔”

حریم نے آتے ہی کہا۔۔۔

اور کیبنیٹ کھول گلاس نکالنے لگی۔۔۔

“حنید یہاں کیا کر رہا ہے؟۔۔۔”

وہ سوچنے لگی۔۔۔

“کہیں اس نے حمدان کو سب سچ۔۔۔نہیں۔۔۔”

وہ دل میں آیا خیال جھٹکنے لگی۔۔۔

“حریم باجی دودھ۔۔۔”

عارفہ کی آواز پر وہ چونکی۔۔۔

“ہاں۔۔۔” وہ ٹرے تھام باہر نکل گئی۔۔۔

⁦⁩⁦⁩⁦⁩⁦⁩

“تھینک یو حنید۔۔۔” حمدان نے پاس بیٹھے شخص کا شکریہ ادا کیا۔۔۔

“ارے نہیں سر۔۔۔تھینک یو کی ضرورت نہیں ہے۔۔۔”

حنید نے مسکرا کر کہا۔۔۔

“کیوں نہیں ہے؟ تمہارا تو احسان ہے۔۔۔تم نے وقت پر پہنچ کر حمدان کی مدد کی۔۔۔”

فائقہ نے خوش دلی سے شکریہ کیا۔۔۔

تبھی دروازہ کھول حریم اندر داخل ہوئی۔۔

“دودھ۔۔۔” حریم نے گلاس حمدان کی طرف بڑھایا۔۔۔

“میں یہ نہیں پیتا” حمدان نے روکھے پن سے کہا۔۔۔

حریم مسکرائی۔۔۔

“پی لی ا۔۔۔”حریم نے دودھ سائیڈ ٹیبل پر رکھ دیا۔۔۔

حریم پاس بیٹھے شخص کو مکمل طور پر اگنور کرتی روم سے باہر نکل گئی۔۔۔

“میں چلتا ہوں۔۔۔”

حنید یک دم اٹھ کھڑا ہوا۔۔۔

“ارے بیٹھو تو۔۔۔” فائقہ کھڑی ہوئی۔۔۔

“پھر کبھی۔۔۔ٹیک کیئر سر۔۔۔”

حنید نے رسمً کہا اور تیزی سے باہر نکل گیا۔۔۔

“حریم۔۔۔” کچن کی جانب جاتی حریم۔۔۔آواز پر ٹھہر گئی۔۔۔مگر مڑی نہیں۔۔۔

“تم تو ایسے ریئیکٹ کر رہی ہو جیسے انتی ہی نہیں مجھے۔۔۔” وہ اس کے قریب آیا۔۔۔

“کون ہیں آپ۔۔۔؟” حریم نے پلٹتے ہی اس سے سوال کیا۔۔۔

“کیا ہمارا پیار اتنا سستا تھا جو جدائی کی ٹھوکر سے گر گیا۔۔۔”

حنید نے دکھ بھرے لہجے میں پوچھا۔۔۔

“پیار۔۔۔کون سا پیار؟ وہ تو کب کا مر گیا۔۔میرا تم سے اب ایک ہی رشتہ ہے نفرت کا۔۔۔”

حریم نے چبا کر کہا۔۔۔

“ایک اور رشتہ بھی ہے جسے تم شاید تم بھول گئی۔۔۔مگر میں نہیں بھولا۔۔۔”

حنید نے سنجیدگی سے کہا اور باہر کی جانب بڑھ گیا۔۔۔وہ ساکت کھڑی اسے جاتا دیکھ رہی تھی۔۔۔

⁦⁩⁦⁩⁦⁩⁦⁩⁦⁩

“نہیں کھانی مجھے کوئی دوا۔۔ے کر جاؤ یہاں سے”

وہ چلایا۔۔۔

“کیا ہوا ہے۔۔۔؟” حامد صاحب شور سن حمدان کے کمرے میں آئے جو ملازمہ پر چلا رہا تھا۔۔۔

“مجھے نہیں کھانی کوئی دوا۔۔۔”

وہ پھر سے غصے سے کہنے لگا۔۔۔

“تم جاؤ۔۔۔”

حامد صاحب نے ملازمہ کو کہا۔۔۔اور وہ فورا کمرے سے چلی گئی۔۔۔

“کیا بات ہے؟” حامد صاحب اس کے قریب بیٹھے۔۔۔

“کچھ نہیں ہوا۔۔۔میں ٹھیک ہوں۔۔۔ کیوں آپ سب میرے پیچھے پڑ گئے۔۔۔اس سے بہتر تھا میں مر ہی جاتا۔۔۔”

حمدان نے چڑ کر کہا۔۔۔

“حمدان کامڈاؤن۔۔۔ایسے نہیں کہتے۔۔۔”

حامد صاحب نے اسے گلے سے لگایا۔۔۔

“دوسروں کے ہاتھ دوا ٹائم سے بھیجتی ہے۔۔میرا اتنا خیال ہے اسے ڈیڈ۔۔۔پھر کیوں وہ مجھ سے پیار نہیں کرتی۔۔۔

کیا میں اتنا برا ہوں۔۔۔؟”

وہ بھری آواز سے کہنے لگا۔۔۔

“نہیں میرا بیٹا بلکل بھی برا نہیں ہے۔۔۔بلکہ بہت سمجھدار ہے۔۔۔اور کیوں کوئی میرے بیٹے سے پیار نہیں کرے گا بھلا۔۔۔”

وہ تسلی دینے لگے۔۔۔

“فٹا فٹ یہ دوا کھاؤ۔۔۔تمہارا ڈیڈ ہے نا سب ٹھیک کردے گا۔۔۔”وہ پیار سے کہنے لگے۔۔۔

حامد صاحب اسے دوا کھلا کر باہر چلے گئے۔۔۔

⁦⁩⁦⁩⁦⁩⁦⁩

” سوپ بس تیار ہوگیا ہے۔۔۔حمدان کے روم میں یہ دے کر آجاؤ۔۔۔”

حریم نے سوپ ڈال کر عارفہ کی جانب بڑھایا۔۔۔

عارفہ سوپ لے کر چلی گئی۔۔۔

“خود لے کر جاتی تو شاید وہ زیادہ خوش ہوتا”

حامد صاحب کچن میں آئے۔۔۔

“میں لے کر جاتی تو وہ شاید پیتا ہی نہیں۔۔۔” حریم نے سر جھکایا۔۔۔

“اس کی وجہ بھی تم جانتی ہو۔۔۔”

حامد صاحب نے کہا۔۔۔

وہ خاموش رہی۔۔۔

“حریم۔۔۔ہمیشہ زندگی میں اس شخص کا انتخاب کرنا چاہیے جو ہم سے پیار کرتا ہو۔۔۔ہماری عزت کرتا ہو۔۔۔۔”

حامد صاحب نے سنجیدگی سے کہا۔۔۔

“بعض دفعہ تو ایسا ہوتا ہے۔۔۔جسے ہم چاہتے ہیں وہ ہماری قدر نہیں کرتا۔۔۔تو اگر ہماری قدر کرنے والا ہمیں مل جائے تو یہ خوش نصیبی ہے ہماری۔۔۔ہمیں اس شخص کو کھونا نہیں چاہیے۔۔۔اور حمدان تمہارا قدردان ہے۔۔۔اسے کھو مت دینا۔۔۔”

حامد صاحب نے مطمئن لہجے میں کہا اور وہاں سے چلے گئے۔۔۔

حریم سوچوں میں گم ہوگئی۔۔۔

⁦⁩⁦⁩⁦⁩⁦⁩⁦⁩

“تمہیں کتنی بار کہا ہے۔۔۔مجھے کچھ کھانا ہوگا بتا دوں گا۔۔۔لے کر جاؤ اسے”

حمدان نے تلخ لہجے میں کہا۔۔۔

ملازمہ جانے کے لیے پلٹی ہی تھی کہ حریم اندر آئی۔۔۔اور ملازمہ کے ہاتھ سے سوپ لے لیا۔۔۔

“کیوں نہیں پی رہے؟” حریم سوپ لے کر قریب آئی۔۔۔

حمدان خاموش رہا۔۔۔

“ناراضگی مجھ سے ہے۔۔۔کھانے سے نہیں۔۔۔چلو جلدی سے ختم کرو۔۔۔”

حریم نے پاس بیٹھ کر کہا۔۔۔

“مجھے تمہارا احسان نہیں چاہیے۔۔۔”

حمدان نے غصہ سے کہا۔۔۔

“یہ تو سوپ ہے۔۔۔احسان نہیں۔۔۔”

حریم نے شرارت سے کہا۔۔۔

“جاؤ یہاں سے”

وہ بےرکھی سے کہنے لگا۔۔۔۔۔

“یہ پلا کر ہی جاؤں گی۔۔۔اور تمہیں پینا ہوگا”

وہ حکمرانی سے کہنے لگی۔

“یہی تو کرتی آئی ہو تم۔۔۔ہمیشہ اپنی منوائی۔۔۔بس”

وہ تلخ لہجے میں کہنے لگا۔۔۔

“آگے بھی منواؤں گی۔۔۔اب تو ساری عمر بھگتو گے۔۔۔ساتھ رہ کر ستاؤں گی۔۔۔”

حریم نے مسکرا کر کہا۔۔۔

حمدان نے فوراً اس کی طرف دیکھا۔۔۔

حریم نے اثبات میں سر ہلایا۔۔۔پھر سوپ سے بھری چمچ اس کی جانب بڑھائی۔۔۔

حمدان حیرانی سے اسے دیکھنے لگا۔۔۔

⁦⁩⁦⁩⁦⁩⁦⁩⁦⁩

“تھینک یو حریم۔۔۔” حمدان نے حریم کے کاندھے پر سر رکھا۔۔۔

“کس لیے؟” وہ پوچھنے لگی۔۔۔

“میری زندگی میں آنے کے لیے۔۔۔”

حمدان مسکرایا۔۔۔

“اپنا فون دو۔۔۔” حریم کی بات سن وہ سیدھا ہوا

“کیوں؟” وہ حیران ہوا ۔۔۔

“چیک کرنا ہے۔۔۔کتنی لڑکیاں ہیں۔۔۔”

حریم نے ہنسی دبائی۔۔۔

مگر اس کی بات سن حمدان کا قہقہہ نمودار ہوا۔۔۔

“یہ لو۔۔۔۔کرلو چیک۔۔۔”

حمدان نے اس کی جانب فون بڑھایا۔۔۔

“تم کیوں دیکھ رہے ہو۔۔۔؟” وہ اسے دیکھتا پا کر کہنے لگی۔۔۔

اچھا بابا نہیں دیکھ رہا۔۔۔وہ وہیں گھاس پر اس کی گود میں سر رکھ لیٹ گیا۔۔۔

حریم نے فون لیتے ہی کانٹیکٹ سے حنید کا نمبر سرچ کیا۔۔۔پھر زہن نشین کرتے ہی حمدان کا فون بند کر دیا۔۔۔

⁦⁩⁦⁩⁦⁩⁦⁩⁦⁩

“کیوں نا ہم حمدان اور حریم کی شادی کی ڈیٹ فکس کردیں۔۔۔اب اور دیر نہیں ڈیڈ”

فائقہ نے کہا

“ہاں میں بھی یہی سوچ رہا ہوں۔۔۔وہ آئیں تو تم بات کرلینا”

حامد صاحب نے کہا۔۔۔

“حمدان کا بس چلے تو وہ آج ہی کرلے شادی”

یزدان نے ہنس کر کہا۔۔۔

“یہ بھی ٹھیک ہے۔۔۔ورنہ کتنے سالوں سے میں فورس کر رہا ہوں۔۔۔مانا نہیں کبھی۔۔۔”

حامد صاحب نے کہا۔۔۔

“حریم جیسی لڑکی پہلے کبھی اسے ملی بھی نہیں ہوگی نا”

یزدان نے حریم۔کی تعریف کی۔۔۔

“ہاں۔۔۔پسند کی تو داد دینی ہو۔۔اس کے جیسی تو واقع کوئی نہیں۔۔۔”

فائقہ نے بھی ہاں ملائی۔۔۔