Awaaz Ishq By Isra Rao NovelR50465 Awaaz Ishq (Episode - 24)

Awaaz Ishq By Isra Rao

“بھابھی دو دن ہوگئے حمدان گھر نہیں آئے؟”

حریم نے فکر ظاہر کی۔۔۔

“ہاں۔۔۔وہ آجائے گا۔۔۔جیسے غصہ ٹھنڈا ہوگا۔۔۔وہ ایسے ہی کرتا ہے۔۔۔اپنی مرضی کا مالک ہے”

فائقہ نے سنجیدگی سے کہا۔۔۔

“آپ کی بات ہوئی ہے ان سے؟” حریم نے پوچھا۔۔۔

“نہیں۔۔۔۔میں نے کی تھی کال اس کی کاٹ دی۔۔۔وہ ڈسٹرب ہے۔۔۔آجائے۔۔۔ہمم۔تم فکر مت کرو۔۔۔”

فائقہ نے اس کا گال تھپتھپایا۔۔۔

“میری وجہ سے دونوں بھائیوں میں جھگڑا ہوگیا۔۔۔سیریسلی بھابھی میں نے کچھ بھی نہیں کیا تھا۔۔۔”

حریم نے شرمندگی سے کہا۔۔۔

“ایسا مت سوچو۔۔۔انکی شروع سے ہی نہیں بنتی۔۔۔آجائے گا گھر وہ۔۔۔ڈونٹ وری۔۔۔۔”

فائقہ نے کہا اور باہر نکل گئی۔۔۔

⁦⁩⁦⁩⁦⁩⁦⁩⁦⁩

وہ چیئر پر ٹانگ چڑھائے بیٹھی تھی۔۔۔کوریڈور سے آتی ٹھنڈی ہوائیں۔۔۔اس کے سلکی بالوں کو اڑنے پر مجبور کر رہی تھی۔۔۔

تبھی دروازے پر دستک ہوئی۔۔۔حریم بالوں کو ترتیب دیتی اٹھ کھڑی ہوئی۔۔۔

دروازہ کھولا تو سامنے ہی حمدان بکھرے حلیے میں کھڑا دوسری طرف دیکھ رہا۔۔۔

حریم نے سوالیاں نظروں سے اسے دیکھا۔۔۔جو اس کی طرف دیکھنے سے بھی گریز کر رہا تھا۔۔۔

“معافی مانگنے آیا ہوں”

حمدان نے اس کی طرف دیکھا۔۔۔

“مجھ سے معافی نہ بھی مانگیں گے تو چلے گا”

حریم نے اسے جانچتے ہوئے کہا۔۔۔

“آئی لاس مائے مائنڈ۔۔”

وہ بے بسی سے کہنے لگا۔۔۔

حریم نے لمحہ بھر اس کی جھکی نظروں کو دیکھا۔۔۔

“جب جب مجھے غصہ آتا ہے۔۔۔مجھے نہیں پتا میں کیا کرتا ہوں، کیا کہتا ہوں۔۔۔”

وہ زمین پر نظریں گاڑھے بولتا جارہا تھا۔۔۔

“تو چھوڑ دو غصہ کرنا۔۔۔۔” حریم نے اطمینان سے سینے پر ہاتھ باندھے کہا۔۔۔

“یہ میرے کنٹرول میں نہیں ہے” اس نے یک دم کہا۔۔۔

“کوشش تو کرسکتے ہو”

حریم مسکرائی۔۔۔

حمدان اس کی بات سن خاموش رہا۔۔۔

“اگر میں آپ کا غصہ کرنے میں آپ کی مدد کروں تو۔۔۔ساتھ دو گے۔۔۔؟” حریم نے سوال کیا۔۔۔

“کیسے؟” حمدان چونکا۔۔۔

“دوستی کرو گے مجھ سے؟” حریم نے اس کی طرف ہاتھ بڑھایا۔۔۔

حمدان نے لمحہ بھر اسے دیکھا۔۔۔پھر ہاتھ بڑھا کر تھام لیا۔۔۔

⁦⁩⁦⁩⁦⁩⁦⁩

“ڈیڈ آپ کی چائے” حریم نے حامد صاحب کے سامنے ٹرے کی۔۔۔

“پریکٹس کیسی چل رہی ہے؟” حامد صاحب نے کپ اٹھا۔۔۔

“پریکٹس کمپلیٹ سمجھیں بس۔۔۔” حریم بھی کپ تھامے برابر آبیٹھی۔۔۔

“ویری گڈ۔۔۔کوئیپرابلم تو نہیں نا۔۔۔آئی مین حمدان۔۔۔” حامد صاحب نے پیار سے پوچھنا چاہا۔۔۔

“نہیں ڈیڈ۔۔۔سب ٹھیک ہے۔۔۔”

حریم نے تسلی دی۔۔۔

“اس میں تھوڑا غصہ ہے۔۔۔مگر وہ دل کا صاف ہے بیٹا۔۔۔تم دیکھنا بہت جلد وہ تمہیں کامیابی کی سیڑھیوں تک پہنچا دے گا۔۔۔”

حامد صاحب نے مسکرا کر کہا۔۔۔

“میں جانتی ہوں۔۔۔اور آپ دیکھنا میں بھی بہت جلد انہیں بدل کر رکھ دوں گی۔۔۔ہماری اب بہت اچھی دوستی ہوگئی”

حریم نے خوش دلی سے کہا۔۔۔

“بڑی ٹیڑھی خیر ہے ویسے بتا رہا ہوں۔۔۔” حامد صاحب نے دھیمے لہجے میں کہا۔۔۔

“ارے آپ فکر ہی نہ کریں۔۔۔” حریم نے شرارت سے کہا۔۔۔

اور دونوں زوروں سے ہنس دیے۔۔۔

⁦⁩⁦⁩⁦⁩⁦⁩

“تیرے بنا زندگی سے کوئی۔۔۔

شکوہ تو نہیں۔۔۔

شکوہ نہیں۔۔۔”

حریم کی خوبصورت آواز ریکارڈ ہورہی تھی۔۔۔

حمدان سامنے بیٹھا اسے گنگناتے دیکھ رہا تھا۔۔۔

بالوں کو ہائی پونی میں قید کیے۔۔۔

ماتھے پر بکھری کچھ لٹیں۔۔۔اسے اور بھی کشش بخش رہی تھی۔۔۔

حمدان کی نظریں جانے کیوں اس پر ٹھہر سی گئی تھی۔۔۔

شاید وہ ماڈرن نہ سہی مگر کشش رکھتی تھی۔۔۔

“تھینک یو مس حریم۔۔۔آپ کی آواز کی طرح آپ خود بھی بہت پیاری ہیں۔۔۔”

اسامہ نے گہری نظروں سے اسے دیکھا۔۔۔

“تھینک یو۔۔۔” حریم نے مختصر کہا۔۔۔

“میں نے تجھے کہا تھا نا۔۔۔اب دیکھنا یہ گانا کتنا مشہور ہوتا ہے۔۔۔تو آگے کے البم کے لیے بھی اسے ہی سائن کرے گا۔۔۔”

حمدان نے خوش دلی سےکہا۔۔۔

“تو ایسے نایاب ہیرے لاتا کہاں سے ہے؟”

اسامہ نے ترچھی نظروں سے حریم کو دیکھا۔۔۔

” چلیں۔۔۔” حریم نے بات کاٹ حمدان کو دیکھا۔۔۔

“اوکے۔۔۔” حمدان اثبات میں سر ہلاتا۔۔۔اسامہ کو بائے کہتا۔۔۔حریم کے ساتھ ہولیا۔۔۔

“کیا ہوا۔۔۔آر یو اوکے؟”

حمدان نے ڈرائیونگ کرتے ہوئے کہا۔۔۔

“ہمم۔۔ایم اوکے۔۔۔” حریم مسکرائی۔۔۔

“آئسکریم کھاؤ گی۔۔۔؟” حمدان نے پوچھا۔۔۔

“شور۔۔۔” حریم نے مسکرا کر ہامی بھری۔۔۔

حمدان گاڑی روک۔۔۔گاڑی کا دروازہ کھول باہر نکلا۔۔۔

تبھی پاس رکھا حمدان کا فون بجنے لگا۔۔۔

حریم نے باہر دیکھا مگر اسے حمدان کہیں نظر نہیں آیا۔۔۔

فون پھر سے بجنے لگا۔۔۔حریم نے اسکرین کو دیکھا۔۔۔

جہاں عنایہ کا نام جگمگا رہا تھا۔۔۔

“یہ ہے کون؟” حریم سوچ میں پڑ گئی۔۔

“جو اس دن۔۔۔۔” اسے کچھ وقت پہلے کی ملاقات یاد آئی۔۔۔

فون بج بج کر خاموش ہوگیا۔۔۔سامنے سے آتے حمدان پر حریم کی نظر پڑی۔۔۔

وہ دروازہ کھول بیٹھا۔۔۔پھر ہاتھ میں پکڑی آئسکریم حریم کی جانب بڑھائی۔۔۔

“تھینک یو۔۔۔”حریم نے مسکرا کر تھام لی۔۔۔

⁦⁩⁦⁩⁦⁩⁦⁩

“حریم دس منٹ ہوگئے ہیں۔۔۔” اس نے گھڑی کو دیکھتے ہوئے دروازے پر ناک کیا۔۔۔

“ہاں ہاں بس آگئی۔۔۔” وہ دروازہ کھول باہر آئی۔۔۔

گولڈن شارٹ فراک میں بالوں کو میسی بن میں قید کیے۔۔۔۔وہ بہت خوبصورت لگ رہی تھی۔۔۔

حمدان کی نظر لمحہ بھر اس پر ٹھہر گئی۔۔۔

“کسی میں اتنی کشش کیسے ہو سکتی ہے؟” وہ اسے دیکھ سوچنے لگا…

“کیا ہوا؟ چلیں۔۔۔؟” وہ چٹکی بجاتی اس کے سامنے آئی۔۔۔

“ہاں۔۔۔ہاں چلو۔۔۔”حمدان نے نظریں چرائی۔۔۔اور مسکرا کر آگے بڑھ گیا۔۔۔

⁦⁩⁦⁩⁦⁩⁦⁩⁦⁩

“تمہیں پتا ہے تمہارا گانے کو کل سے کتنے لوگوں نے پسند کیا۔۔۔”

حمدان نے خوشی سے کہا۔۔۔

یہاں ہر طرف بس اب حریم ہے۔۔۔”

حمدان مسکرایا۔۔۔

“اوہ۔۔۔اس سب کا کریڈٹ تو تمہیں ہی جاتا ہے۔۔۔”حریم نے ہنس کر کہا۔۔۔

“ہیلو گائز۔۔۔” پیچھے سے اسامہ چلتا قریب آیا۔۔۔

اور جان بوجھ کر ہاتھ میں پکڑی ڈرنک حمدان پر گرا دی۔۔۔

“اوہ۔۔۔سو سوری۔۔۔حمدان۔۔۔ایم سوری۔۔۔”

اسامہ نے بوکھلاہٹ کا ڈرامہ کیا۔۔۔

“ایکسکیوز می۔۔۔”حمدان اپنے کوٹ کو صاف کرتا واش روم کی جانب بڑھ گیا۔۔۔۔۔۔۔

حمدان کے جانے کے بعد وہ ہلکا سا مسکرایا۔۔۔

“ہیلو مس حریم۔۔۔” وہ کولڈ ڈرنک ہاتھ میں لیے خاموش کھڑی تھی۔۔۔

“ہیلو۔۔۔” حریم نے بے تاثر لہجے میں کہا۔۔۔

“یو لکنگ ہاٹ۔۔۔۔” وہ اسے جانچتی نظروں سے دیکھنے لگا۔۔۔

“ایکسکیوز می۔۔۔میں ابھی آئی۔۔۔” حریم جبرن مسکرائی۔۔۔اور حمدان کے پیچھے بڑھ گئی۔۔۔

⁦⁩⁦⁩⁦⁩⁦⁩

وہ واش روم سے باہر نکلا۔۔۔آئینے میں خود دیکھتے وہ باہر جانے لگا ہی تھا۔۔۔کہ ٹھٹکا۔۔۔

“ہیلو ڈارلنگ۔۔۔۔” وہ ہیل اٹھاتی قریب آئی۔۔۔

“اوہ شٹ اپ۔۔۔مجھے کوئی بات نہیں کرنی تم سے۔۔۔”

حمدان نے غصہ سے کہا۔۔۔

“مگر مجھے تو بہت کچھ کرنا ہے تمہارے ساتھ۔۔۔”

وہ اس کے قریب ہوئی۔۔۔

اور ایک ہاتھ سے اس کے کالر کو درست کرنے لگی۔۔۔

کتنی گری ہوئی لڑکی ہو تم۔۔۔۔میں ابھی جا کر کاشف کو سب سچ بتاتا ہوں۔۔۔” حمدان نے اس کا ہاتھ جھٹکا۔۔۔

“بتا دو۔۔۔وہ میرے بارے میں کیا سوچے گا۔۔۔مجھے فرق نہیں پڑتا۔۔۔مجھے صرف تم سے مطلب ہے۔۔۔۔اور ویسے بھی کیا ملے گا تمہیں کاشف کو بتا کر۔۔۔وہ یقین کرے گا؟ “

وہ سینے پر ہاتھ باندھے کہنے لگی۔۔۔

“جیسا چل رہا ہے چلنے دو۔۔۔کسی کو کچھ پتا بھی نہیں چلے گا۔۔۔” اسنے گلے کے گرد بازوں حمائل کیے۔۔۔

“سارہ تم۔۔۔۔” حمدان کچھ کہتا اس سے پہلے کسی نےدروازہ کھولا۔۔۔

دونوں نے چونک کر دروازے کی جانب دیکھا۔۔۔

حریم دروازے پر کھڑی آنکھیں پھاڑے انہیں دیکھ رہی تھی۔۔۔

⁦⁩⁦⁩⁦⁩⁦⁩

وہ تیزی سے باہر کی جانب بڑھ رہی تھی کہ کسی سے ٹکراؤ ہوا۔۔۔

“سوری۔۔۔” حریم نے رسمً کہا۔۔۔

“نو۔۔نو اٹس اوکے۔۔۔ویسے کوئی پریشانی ہے؟”

اسامہ سامنے کھڑا اس کے چہرے کو گھورنے لگا۔۔۔

“نہیں۔۔۔ایسی کوئی بات نہیں۔۔۔بس گھر جانا چاہتی ہوں۔۔۔ایکسکیوزمی۔۔۔”

حریم جانے کے لیے مڑی۔۔۔

“چلی جانا۔۔۔پہلے ہم سے بات تو کرلو۔۔۔”

اسامہ نے اسے ہاتھ پکڑ روکا۔۔۔

“نو تھینکس۔۔۔۔” حریم نے اپنا ہاتھ چھڑوایا۔۔۔۔

“حریم۔۔۔۔” تبھی حمدان وہاں پہنچا۔۔۔

“دیکھو نا یار۔۔۔ابھی پارٹی چل رہی ہے اور حریم جانے کی بات کر رہی ہے۔۔۔”

اسامہ نے خوشدلی سے کہا۔۔۔

حمدان نے حریم کے بگڑتے موڈ کو دیکھا۔۔۔

“کچھ کام ہے ہمیں۔۔۔” حمدان نے بہانہ بنایا۔۔۔

وہ بھی چاہتا تھا کہ وہ حریم کی غلط فہمی کو دور کرے۔۔۔

“اٹس اوکے پھر ملتے ہیں۔۔۔” وہ حمدان کے گلے ملتے ہوئے اسے کہنے لگا۔۔۔

پھر حریم کے قریب آیا۔۔۔وہ گلے ملنے ہی لگا تھا کہ حریم نے پیچھے دھکیلا۔۔۔

وہ گرتے گرتے بچا۔۔۔

حمدان آنکھیں پھاڑے حیرت سے دیکھنے۔۔۔

“دور رہا کرو مجھ سے۔۔۔۔” وہ چلائی اور وہاں سے تیزی سے نکل گئی۔۔۔

⁦⁩⁦⁩⁦⁩⁦⁩⁦⁩⁦

“اتنی سی بات کا تم نے تماشا بنا دیا۔۔”

حمدان نے غصہ سے کہا۔۔۔

“یہ آپ کو اتنی سی بات لگ رہی ہے۔۔۔۔؟”

وہ حیرانی سے پوچھنے لگی۔۔۔

“ہاں۔۔۔۔یہ کوئی بڑی بات نہیں تھی۔۔۔یہ سب یہاں کامن ہے یار۔۔۔۔میں تمہیں ہائیسٹ پوزیشن پر لانا چاہتا ہوں۔۔۔۔ٹرائی ٹو انڈرسٹینڈ۔۔۔۔۔”

وہ اسےشانوں سے تھامے سمجھانے کی کوشش کرنے لگا۔۔۔

“مجھے نہیں پسند یہ سب۔۔یہ چیپ قسم کی حرکتیں”

وہ چلا کر کہتی اس کے ہاتھ جھٹکتے پیچھے ہوئی۔۔۔

“چیپ۔۔۔۔؟تمہیں میری حرکتیں چیپ لگتی ہیں؟”

حمدان روہانسی ہوا۔۔

“ہاں۔۔۔” وہ سنجیدگی سے کہنے لگی۔۔۔

“میں تمہیں ایک بہترین سنگر بنانا چاہتا ہوں اور تم۔۔۔۔۔۔؟”

وہ بے یقینی سے پوچھنے لگا…

“ہاں آپ۔۔آپ کے دوست۔۔۔ان کی حرکتیں سب بے ہودہ ہیں۔۔۔لڑکیوں سے کھیلنا۔۔۔آپ کا پیشہ ہے۔۔۔”

وہ غصہ سے سرخ آنکھوں سے کہنے لگی۔۔۔

اس کی بات سن حمدان کی آنکھوں میں خون اتر آیا۔۔

“بکواس بند کرو اپنی…”

وہ چیختا ہوا ڈریسنگ پر رکھا سامان زمین بوس کر گیا۔۔۔۔

اور فرش پر سارا سامان بکھر گیا۔۔۔۔

حریم سہم کر دو قدم پیچھے ہوئی۔۔۔۔

“اوہو۔۔۔۔۔” ایک زور دار قہقہہ اس کے حلق سے نمودار ہوا۔۔۔

حریم کے نظر زمین پر پڑی تصویروں اور ڈائری پر پڑی۔۔۔۔

وہ آگے بڑھ کر اٹھانے لگی کہ حمدان نے ہاتھ کے اشارے سے روکا۔۔۔

اور جھک کر ایک تصویر اٹھائی۔۔۔

اس کے لبوں کو مسکراہٹ چھو گئی۔۔۔

“ایک بےہودہ اور لڑکی باز شخص کی اتنی ساری تصویریں۔۔۔

مس حریم نے کیوں اپنے پاس رکھی ہوئی ہیں۔۔۔۔؟”

وہ مسکراتا گہری نظروں سے اسے دیکھنے لگا۔۔۔

اور وہ شرمندہ ہوتی نظر جھکا گئی۔۔۔

کیوں کہ یہ سچ تھا وہ حمدان شاہ کی بہت بڑی فین تھی۔۔۔۔اور یہ راز آج حمدان شاہ پر ہی کھل چکا تھا۔۔۔