Awaaz Ishq By Isra Rao NovelR50465 Awaaz Ishq (Episode - 20)

Awaaz Ishq By Isra Rao

وہ ہلکے ہلکے گنگناتی۔۔۔پیانوں سے انگلیاں اٹھاتی۔۔خاموش ہوگئی تھی۔۔۔

وہ دروازے پر کھڑا۔۔۔خاموشی سے اسے دیکھ رہا تھا۔۔۔

کتنا خوبصورت لگ رہا تھا اسے یہ لمحہ۔۔۔۔یہ کمرہ۔۔۔اور یہاں کی ہر چیز۔۔۔

“رک کیوں گئی۔۔۔؟ اچھا گنگناتی ہیں۔۔”

پیچھے سے ابھرتی آواز نے اسے ساکت کردیا۔۔۔

وہ جیسے ہلنا بھول گئی۔۔۔

وہ بنا پوچھے کسی کے کمرے میں گھسی تھی۔۔۔

ہاتھ پاؤں کانپنے لگے۔۔۔مگر پلٹنے کی ہمت نہیں کی تھی اس نے۔۔۔

“بائے دی وے۔۔۔ہیں کون آپ؟ اور اس روم میں کیا کر رہی ہیں؟”

اس نے سلکی بالوں سے ڈھکی پشت کو گھورتے ہوئے کہا۔۔۔

حریم نے زور سے آنکھیں موندی۔۔۔

وہ چاہتی تھی وہ یہاں سے کہیں غائب ہوجائے۔۔۔

“لک ہیئر۔۔۔” حمدان نے پھر کہا۔۔۔

حریم کو جیسے کرنٹ لگا۔۔۔

وہ مڑنا نہیں چاہتی تھی۔۔۔

“آئی سیڈ ٹرن اراؤنڈ۔۔۔۔” وہ خاموشی پا کر پھر سے اکتا کر کہنے لگا۔۔۔

وہ اسے دیکھنا چاہتا تھا۔۔۔جاننا چاہتا تھا وہ کون ہے۔۔۔

وہ آہستگی سے پلٹی۔۔۔مگر نظریں۔۔۔شرمندگی کے باعث جھکی تھی۔۔۔

“ایم۔۔۔ایم سوری۔۔۔” وہ دیکھے بنا بمشکل کہنے لگی۔۔۔

جبکہ وہ خاموشی سے اسے دیکھ رہا تھا۔۔۔

بنا پلکیں جھپکائے۔۔۔اس کا جائزہ لے رہا تھا۔۔۔

“حمدان تم کب آئے؟” تبھی فائقہ کی آواز دونوں کے کانوں میں پڑی۔۔۔

حریم نے چونک کر نظر اٹھا کر اسے دیکھا۔۔۔

“ابھی آیا ہوں۔۔۔” حمدان نے فائقہ کی طرف دیکھتے ہوئے کہا۔۔۔

جبکہ حریم تو سانس لینا بھول گئی تھی۔۔۔

اسے یقین نہیں آرہا تھا کہ وہ حمدان شاہ کو اپنے سامنے دیکھ رہی تھی۔۔۔

ان کے بیچ کیا باتیں ہوئی۔۔۔کب وہ دونوں نیچھے چلے گئے۔۔۔

حریم حواس سے بیگانہ وہیں کھڑی تھی۔۔۔

⁦⁩⁦⁩⁦⁩⁦⁩⁦⁩

” حمدان شاہ” اس نے اپنے کمرے میں آتے ہی دروازہ لاک کیا۔۔۔

وہ زیر لب مسکرائی۔۔۔

“مطلب۔۔۔ڈاکٹر حامد سکندر شاہ کے بیٹے ہیں حمدان شاہ۔۔۔اوہ۔۔۔مائی گاڈ۔۔۔اوہ مائی گاڈ۔۔۔”

وہ خوشی سے اچھلی۔۔۔

(اچھا گنگناتی ہو۔۔۔)

“حمدان شاہ نے میری تعریف کی۔۔۔”وہ سوچ کر بڑبڑانے لگی۔۔۔

پھر جاکر آئینے میں کھڑی خود کو دیکھنے لگی۔۔۔

پاس پڑی۔۔۔لپسٹک اٹھائی اور خوش دلی سے ہونٹوں کو رنگنے لگی۔۔۔بالوں میں برش کیا۔۔۔پھر کاجل اٹھا کر آنکھوں تک لائی۔۔۔

(حریم تمہیں پتا ہے ۔۔۔تمہاری آنکھیں بہت خوبصورت ہیں۔۔۔جب تم ہنستی ہو تو ان میں اور بھی خوبصورتی آجاتی ہے۔۔۔)

جملہ یاد آتے ہی اس کے ہاتھ رکے۔۔۔تیزی سے آنکھوں میں نمی تیر آئی۔۔۔

اس نے کاجل واپس رکھی۔۔۔پھر پاس پڑے ٹشو باکس سے کچھ ٹشو نکے۔۔۔اور بے دردی سے ہونٹ صاف کرنے لگی۔۔۔

آنسوں تھے کہ گال پر لڑھک گئے۔۔۔

شاید کچھ پل کے لیے۔۔۔وہ حنید کو بھول گئی تھی۔۔۔مگر یاد آتے ہی اسے مسکرانا مہال لگ رہا تھا۔۔۔

کسی کا دھوکہ کسی کا فریب اسے رہ رہ کر ستا رہا تھا۔۔۔

⁦⁩⁦⁩⁦⁩⁦⁩

“سوری بھابھی۔۔۔۔وہ ۔۔” وہ شرمندگی سے کہتی نظر جھکا گئی۔۔۔

“سوری کس لیے؟” فائقہ نے حیرانی سے پوچھا۔۔۔

“وہ میں بنا اجازے۔۔میوزک روم میں چلی گئی تھی۔۔۔مجھے نہیں جانا چاہیے تھا”

وہ سنجیدگی سے کہنے لگی۔۔

“حریم ویسے تو یہ گھر تمہارا بھی ہے۔۔۔ڈیڈنے تمہیں بیٹی صرف کہا نہیں ہے۔۔۔سمجھا بھی ہے۔۔۔ورنہ تم یہاں نہیں ہوتی۔۔۔تو اس گھر میں کہیں جانے کے لیے تمہیں پرمیشن کی ضرورت نہیں ہے۔۔۔۔لیکن۔۔۔”

وہ تفصیل میں سمجھاتی۔۔ رکی۔۔۔ان کی نظر پیچھے کھڑے حمدان پر پڑی۔۔۔

“لیکن۔۔۔” حریم سادگی سے پوچھنے لگی۔۔۔اس بات سے بے خبر کہ کوئی پیچھے کھڑا ہے۔۔۔

“لیکن۔۔۔آپ کو میرے۔۔۔یعنی کہ۔۔حمدان۔۔۔کی ہر چییز سے دور رہنا ہے۔۔۔”

وہ ٹھنڈے لہجے میں۔۔۔چیز پر زور دیتا۔۔حریم کے سامنے صوفے پر براجمان ہوا۔۔۔

حریم نے یم دم نظر اٹھا کر اسے دیکھا۔۔۔

“۔۔۔یہی کہنے والی تھی آپ۔۔۔؟”

وہ فائقہ بھابھی کو دیکھ طنزیہ مسکرایا۔۔۔

“عارفہ۔۔۔کافی۔۔۔” حمدان نے ٹانگ پر ٹانگ چڑھا کر حکم صادر کیا۔۔۔

“میں لاتی ہوں۔۔۔عارفہ چھٹی پر ہے۔۔۔” فائقہ نے اٹھتے ہوئے کہا۔۔۔

“آپ میرے لیے کافی بنا کر لادیں گی؟” حمدان جھک کر حریم سے مخاطب ہوا۔۔۔

“جی۔۔۔میں۔۔۔؟” وہ چونکی۔۔۔

فائقہ کو بھی جیسے جھٹکا لگا۔۔۔

حمدان نے حریم کو دیکھتے ہوئے اثبات میں سر ہلایا۔۔۔

اور سیدھا ہوکر صوفے کی پشت سے ٹیک لگائی۔۔۔

“جی۔۔۔میں لاتی ہوں۔۔۔” وہ نروس ہوتی۔۔یم اٹھ کھڑی ہوئی۔۔اور کچن کی جانب بڑھ گئی۔۔۔

“حمدان۔۔۔کب تک ناراض رہو گے؟” فائقہ نے سینے پر ہاتھ باندھے اسے دیکھا۔۔۔

حمدان خاموشی سے اٹھ کھڑا ہوا۔۔۔اور پنٹ کی جیبوں میں ہاتھ ڈالتا۔۔۔انہیں نظر انداز کرتا لان کی جانب بڑھ گیا۔۔۔

فائقہ اس کی ادا پر مسکرا دی۔۔۔

وہ جانتی تھی وہ اس سے ناراض ہے۔۔۔اور اسے منانا تھوڑا مشکل ہے۔۔

لیکن یہ بھی سچ تھا کہ وہ دونوں ایک دوسرے سے زیادہ دن ناراض نہیں رہ سکتے۔۔۔

⁦⁩⁦⁩⁦⁩⁦⁩

حریم کچن میں آتے ہی اپنے سانس بہال کرنے لگی۔۔۔

وہ جلدی جلدی کافی بنانے لگی۔۔۔لبوں پر مسکراہٹ پھیل گئی۔۔۔

وہ کافی بنا کر باہر آئی۔۔۔وہ کچن کے دروازے پر ہی تھی۔۔۔

جب سامنے سے آتے حمدان اور ڈاکٹر حامد پر نظر پڑی۔۔۔

“اوہ بگڑے دل شہزادے کم عمر کی دلہن لا دوں گا۔۔۔باپ ہوں منڈے تیرا تجھے گھوڑی پر چڑھوا دوں گا۔۔۔”

ڈاکٹر حامد ٹون میں گنگنا رہے تھے۔۔۔

“شادی ہے بربادی یہ نارے میں لگوا دوں گا۔۔۔نہیں چڑھوں گا گھوڑی میں سولی پر چڑھ جاؤں گا”

حمدان مسکراتا جواباً گنگنانے لگا۔۔۔

حریم انہیں دیکھ کھلکھلا کر ہنس دی۔۔۔

ہنسی کی آواز سن وہ دونوں حریم کی طرف دیکھنے لگے۔۔۔

حریم یک دم شرمندہ ہوئی۔۔۔پھر آگے بڑھ کر کافی ٹیبل پر رکھی۔۔۔

“آپ کی کافی۔۔۔” اس نے جھجھکتے ہوئے کہا۔۔۔

“ایک منٹ۔۔۔” وہ پلٹ کر جانے ہی لگی تھی کہ آواز پر رک گئی۔۔۔پھر پلٹ کر حمدان کی طرف دیکھا۔۔۔

“کس پر ہنس رہی تھی آپ مجھ پر؟”

وہ سنجیدگی سے پوچھنے لگا۔۔۔

حریم نے معصومیت سے زور زور سے نفی میں سر ہلایا۔۔۔

“پھر میرے ڈیڈ پر ہنس رہی تھی۔۔۔؟”

اس کا لہجہ سخت تھا۔۔۔

“نہیں نہیں۔۔۔” وہ یک دم ڈر کر کہنے لگی۔۔۔

تبھی دونوں اس کا چہرہ دیکھ قہقہہ لگا کر ہنس دیے۔۔۔

⁦⁩⁦⁩⁦⁩⁦⁩⁦⁩⁦

“ڈیڈ یہ سہی نہیں کیا آپ نے ویسے”

حمدان نے جوس گلاس میں ڈالتے ہوئے کہا۔۔۔

“کرنا پڑتا ہے۔۔تمہیں سدھارنے کے لیے۔۔”

حامد صاحب مے مسکرا کر دیکھا

“میں سدھرا ہوا نہیں ہوں کیا؟”

حمدان نے آنکھیں سکیڑ کر انہیں دیکھا۔۔۔

“سدھرے ہوئے ہوتے تو آج دو بچوں کے باپ ہوتے۔۔۔اور میں دادا”

انہوں نے شرارت سے کہا۔۔۔

اور بدلے میں حمدان کا زوردار قہقہ سنائی دیا۔۔۔

تبھی حریم آہستہ قدموں سے چلتی ناشتے کی ٹیبل پر آئی۔۔۔

وہ پیلے رنگ کے سادہ سے سوٹ میں۔۔ہمیشہ کی طرح کھلے بالوں کو کاندھوں پر پھیلائے۔۔۔بہت معصوم لگ رہی تھی۔۔۔

“گڈ مارننگ۔۔۔” وہ ہلکے سے کہتی بیٹھ گئی

“گڈ مارننگ ۔۔” حامد صاحب نے خوش دلی سے جواب دیا۔۔۔

حمدان نے ایک نظر اسے دیکھا پھر ناشتہ کرنے میں مصروف ہوگیا۔۔۔

“تو حریم کیا کرتی ہو۔۔پورا دن۔۔بور تو نہیں ہوتی۔۔۔؟”

حامد صاحب نے چائے کا سپ لیتے ہوئے پوچھا۔۔۔

“جی۔۔جی۔۔سر وہ مجھے کچھ کہنا تھا”

حریم نے ٹھہر کر جھجکتے ہوئے پوچھا۔۔۔

“پہلے تو سر کہنا بند کرو۔۔۔سب مجھے ڈیڈ کہتے ہیں۔۔۔تم بھی یہی کہو گی۔۔۔اوکے۔۔؟”

وہ سنجیدگی سے کہنے لگے۔۔۔

وہ اثبات میں سر ہلا گئی۔۔۔

“اب بتاؤ۔۔۔کیا کہنا ہے؟” حامد صاحب نے فرصت سے پوچھا۔۔۔

“وہ۔۔وہ میں جاب کرنا چاہتی ہوں”

حریم نے سادگی سے کہا۔۔۔

“کیا؟ جاب۔۔۔کیوں؟”حامد صاحب کو جیسے شاکڈ لگا۔۔۔

حمدان نے بھی ناشتہ روک حریم کی طرف دیکھا۔۔۔

“میں بور ہوجاتی ہوں گھر پر۔۔۔” حریم نے وجہ بتائی۔۔

حامد صاحب لمحہ بھر خاموش ہوئے۔۔۔

“گریجویشن کی بیس پر کون سی جاب ملے گی تمہیں۔۔”

انہوں نے سوچتے ہوئے پوچھا۔۔۔

“تو کیا ضرورت ہے جاب کی۔۔۔ڈیڈ یہ اچھا گاتی ہیں۔۔۔اور میرا ماننا ہے کہ اسے سنگنگ کرنی چاہیے۔۔۔”

حمدان نے بات لگائی۔۔۔

جسے سن حریم کے پاؤں تلے زمین نکلی۔۔۔۔

“نہیں۔۔نہیں۔۔۔نہیں۔۔۔” وہ تیزی نے نفی میں سر ہلانے لگی۔۔۔

اسے سمجھ نہیں آرہا تھا کہ وہ کیا کہے۔۔۔

“کیوں۔۔۔؟ کیا پرابلم ہے”

حمدان اب حریم سے مخاطب ہوا۔۔

“میں۔۔۔مجھے نہیں آتا گانا۔۔۔میں بس اس دن گنگنا رہی تھی۔۔۔” حریم نے صفائی دی۔۔۔

“میں سکھا دوں گا۔۔۔اور کچھ۔۔” حمدان نے مسکرا کر دیکھا۔۔۔

“آپ کی طرح میں کیا۔۔کوئی بھی نہیں گا سکتا۔۔”

حریم نے تعریف کی۔۔۔

اور سب بیک وقت ہنسنے لگے۔۔۔

حریم خاموشی سے سب کو دیکھنے لگی جیسے پتا نہیں کوئی انوکھی بات کہ دی ہو۔۔۔

“یہ۔۔یہ اچھا گاتا ہے۔۔۔اس سے بری آواز کسی کی نہیں۔۔۔”

حامد صاحب نے ہنستے ہوئے کہا۔۔۔

“ڈیڈ۔۔۔” وہ ہنسی روک جوس کا گلاس ختم کرنے لگا۔۔۔

“دیکھو۔۔۔میوزک انڈسٹری میں۔۔۔جو جتنا برا گاتا ہے وہ اتنا مشہور ہوتا ہے۔۔آپ تو پھر بھی بہت اچھا گاتی ہو۔۔۔”

حمدان نے ہنستے ہوئے کہا۔۔۔

“ہاں۔۔مثال تو تمہارے سامنے ہے؟”

حامد صاحب کا اشارہ سمجھ حریم ہنس دی۔۔۔

“ہاں۔۔۔میں نے سنگنگ اپنے ڈیڈ سے سیکھی۔۔”

حمدان نے بدلہ چکایا۔۔۔

“شٹ اپ۔۔۔” حامد صاحب نے چڑ کر کہا۔۔۔

اور حمدان کا زوردار قہقہہ نمودار ہوا۔۔۔