Kafs E Ana by Gohr E Nayab Shah NovelR50751 Kafs E Ana by Gohr E Nayab Shah Episode03

Categories: Action & Adventure after nikah Love Story Based Romantic Urdu Novel Rude Hero Social Issues BAsed urdu novels

Tags: After Marriage COMPLETE NOVEL Forced marriage Revenge Based Novels Rude hero

Chapters: 70

720.9K

Rate this Novel

Buy me a Coffee

I love bringing stories to life!

Creating features for readers and keeping everything running smoothly takes countless hours of dedication. If you enjoy the reading experience on this site and would like to show your support, you can treat me to a coffee. Your support helps keep the stories flowing!

Kafs E Ana by Gohr E Nayab Shah Episode03

گھر آکر بھی اسکا موڈ اوف تھا.اسکا بس نہئ چل رہا تھا وہ اس شخص کو جان سے مار ڈالے…

ہنہہ…گلی کا آوارہ…بے حیا…

اسکے الفاظ نمرہ کے کانوں میں گونج رہے تھے…

بدتہزیب…دفا کر نمرہ…کیوں خون جلا رہی ہے اپنا..

وہ گہری سانس لے کر سونے لیٹ گئ

آج انکو گاؤں کے لئے نکلنا تھا.ساری تیاریاں مکمل تھیں. .وہ میٹرک کے بعد آج جا رہی تھی..تبھی ایکسائٹڈ بھی تھی…

حالانکہ کہ صرف دو دن کا سٹے تھا وہ بھی شادی والے گھر ہی پر پھر بھی وہ کافی پر جوش تھی…..

ہوگئی تیاری؟امروزیہ بیگم نے پوچھا.

جی مما ہوگئی!!

وہ چہک کر بولی..

بیٹا اب بڑی ہو تم..پہلے کی بات اور تھی ..سوچ سمجھ کر بات کرنا جس سے بھی کرنا..وہ گاؤں ہے وہاں لوگ ذرا ذرا سی بات نوٹ بھی کرتے ہیں اور بھتنگڑ بھی بناتے ہیں. …..

وہ اسکو سمجھاتے ہوئے بولیں کیونکہ وہ جانتی تھیں کہ انکی بیٹی بہت آؤٹ سپوکن ہے..جو.منہ میں آتا اور جو دل میں ہوتا.صاف اگلے کے منہ پر ہی شروع ہوجاتی…..

اوکے اوکے ِ.ڈونٹ وری..چپ چپ رہونگی..ایسے..

اسنے دوپٹا پکڑ کے منہ کے آگے کیا ایسے کہ صرف اسکی آنکھیں نظر آرہی تھیں باقی ناک اور منہ کت آگے دوپٹہ آگیا. .

شرمانا بھی ہوگا؟؟اسنے آنکھیں شرارت سے جھکاتے ہوئے کہا..ایسے؟؟؟

بدتمیز! !وہ.اسکے سر پر چپت لگا کر مسکراتی ہوئی باہر نکلیں. .

گاڑی تیار تھی.اور ہارن بھی دیا جارہا تھا..

اسکا سفر کافی خوشگوار گزرا تھا..گاڑی اب گاؤں کی حدود.میں داخلہو چکی تھی اور نمرہ مزید پر جوش…..

لہلہاتے کھیت,سرسبز پودے اور باغ. تازہ ہوا.سب بہت بھلا لگ رہا تھا اسکو.وہ بچوں کی طرح اس.پاس.دیکھ رہی تھی..

ارام سے بیٹھو باگڑ بلی…

کاشان نے اسے.چڑایا…

کیا ہے بھئ..دیکھوں بھی نا..اپنے گاؤں. ..نہیں وہ کیا کہتے ہیں ؟؟

ہاں یاد.آیا

پنڈ..اب میں اپنے پنڈ.کو.بھی.نا.دیکھوں. …

تھوڑی دیر میں گاڑی ایک گلیوں کی طرف.مڑی… پر یہ حویلی کا راستہ تو نا تھا…

پاپا یہ حویلی تو نہیں جاتا راستہ !!

اسنے پوچھا.

جی بیٹا حویلی نہیں جانا.ابھی..

شادی والے گھر.ہی جائیگے سیدھا..کچھ دیر ميں مغرب ہو جائیگی اور.اس کے بعد مہندی کا فنکشن سٹارٹ ہوجائے گا…

ملک سیال نے بیٹی کو بتایا..

پر ہم حویلی سے بھی تو جا سکتے ہیں نا..وہ سب بھی تو آئیں گے..وہ روہانسی ہوئی…

بیٹا حیدر.بھائی بے بذاتِخود دو.بار کال کر.کے دعوت دی ہے اور کہا ہے کہ ادھر.ہی ٹھہریے گا…انھوں نے انتظام کر رکھا ہے..

اب ایسے میں ہم حویلی چلے گئے انکا خلوص ٹھکرا کر تو انہیں کیسا.فیل ہوگا جب پتا چلے گا؟؟؟

برا لگے گا…وہ بچوں کی طرح بولی…

گڈ..ہماری بیٹی تو سمجھدار.ہے ِِِ

اور حویلی آپ صبح چلی جانا.یا.شادی کے بعد.بھی جا.سکتی ہو..ویسے بھی وہ سب ادھر ہی آجائیگے تھوڑی دیر میں. ……

اتنے میں گاڑی ایک بڑے سے گیٹ کے آگے رکی..گیٹ پہلے ہی کھلا تھا.اور.وسیع.اور کشادہ صحن میں اور بھی گاڑیاں کھڑی تھیں. .

گاڑی زن سے اندر بڑھ گئی…

وہ سب اترے..گھر میں اسوقت صرف گھر کے افراد اور بہت قریبی رشتہ دار تھے صرف ِِمہمانوں کی آمد میں وقت تھا ابھی..

وہ گاڈی سے اترے تو حیدر صاحب بھاگ کر انکے پاس.آئے..سب کو سلام کیا..

بہت شکریہ آپ نے ہمیں یہ شرف بخشا. ..وہ عزت سے بولے

ارے کیسی باتیں کرتے ہوِ.تم بھائی ہو ہما رے اور ہم.کیسے نا.آتے اپنی بہن کی شادی پر..

ملک سیال خوش اخلاقی سے بولے..

وہ ایسے ہی تھے ملنسار اور خوش اخلاق….

ارے بھابھی آئیں نا…ارے یہ ہماری گڑیا ہے..ماشاءاللہ. .انہوں نے نمرہ کے سر پر شفقت سے ہاتھ رکھا……

وہ سب روم میں چلے گئے..کچھ دیر میں سامان بھی.آگیا…

ملنے والوں کی تو جیسے قطار ہی لگ گئی.ملنے ملانے سے فارغ ہوئے کہ.اتنے میں مغرب کی.اذان ہونے لگی…

چلو.نمرہ جلدی سے شاور لے کے تیار ہو جاؤ..اب بس عورتیں آنا شروع ہوجائیں گی نماز کے بعد….

چونکہ مہندی کا گھر میں ہی چھوٹا سا فنکشن رکھا.گیا تھا صرف عورتوں کے لے..مرد حضرات کا.کچھ خاص کام نا تھا وہاں. .بس.گھر کے مرد تھے……یہ کوئی بہت بڑے پیمانے کی مہندی ناتھی جیسی شہروں میں ہوتی ہے…لہذا سب مرد عورتوں کے جانے کے بعد آرام کرتے….

وہ شاور لے کر نکلی..بال سلجھا کر کھلے چھوڑ دئے…اور ڈریس پہننے لگی…

چونکے اسکی ہائٹ اچھی تھی سو ہیل پہننے کا.ارادہ ملتوی کر کے اسنے کُھسے پہننا بہتر سمجھا…لائٹ سا میک اپ.کر کے وہ دمک اٹھی تھی…لہنگا.اسکے سراپے پر بہت جچ رہا تھا.

وہ باہر مہمانوں میں آگئی…….

حویلی سے اسماء, عریبہ وغیرہ آچکے تھے.

وہ خوشی سے انکی طرف بڑھ گئی. اسماء اسنے آواز دی…

اسماء نے اسکی طرف دیکھا..نمرہ فوراً سے پہلے اس سے.لپٹ گئی…کیسی ہو؟؟

میں ٹھیک. .وہ اسے دور کرتے ہوئے بولی..

واوہ اسماء. یو آر لوکنگ پریٹی….

وہ خوشدلی سے اسکی تعریف کتے ہوئے بولی…

ہوں..تھینکس…

اسنے نمرہ کا جائزہ.لیا جسکا لباس اسکے مقابلے میں سادہ مگر سٹائلش سا تھا..

اسکو جلن محسوس ہوئی …ہوں اسکو لازمی آنا.تھاِ

اسماء نے سر جٹھک کر سوچا..

تم.نے بتایا نہیں میں کیسی لگ رہی ہوں ؟؟

وہ شرارتً بولی…

آپ ماشاءاللہ حسین ہیں…اسکو جواب ملا مگر یہ جواب اسماء کی طرف سے نا.تھا..اسنے چونک کر ساتھ دیکھا. ..

ارے عریبہ تم کب ائی!! کیسی ہو؟

وہ فوراً اسکے بھی گلے لگی..

میں تو کب کی آہی ہوں. .آپ کی ہی نظریں اپنی کزن کے علاوہ کسی پر گئی ہی نہیں! !

اسنے شکوہ کیا…

ارے نہیں. .تم بھی تو میری کزن ہو….

اور عریبہ چہک اٹھی..وہ نمرہ اور اسماء سے چوٹی تھی..

اسکی نمرہ سے اتنی بےتکلفی ناتھی..نمرہ اول تو گاؤں اتی ہی کم تھی اور جب اتی بھی تو دو تین چار دن کے لیے جو وہ اسماء کے ستھ اور ملنے ملانے میں ہی گزار دیتی..عریبہ نے بس دو تین بار اسکے ساتھ کھیلا ھو گا کبھی چھٹیوں میں پر اسکو وہ اچھی لگی تھی.

آئیں بیٹھیں. .عریبہ نے اسے اپنے ساتھ پیٹھنے.کو کہا..جبکہ اسماء اپنی جگہ سے ٹس سے مس نا ہوئی..

اسکا انداز کافی روکھا اور لیا دیا سا تھا.

فنکشن سٹارٹ تھا اور نمرہ عریبہ سے باتوں میں مشغول. .وہ اسے اچھی کمپنی دے رہی تھی..

فرحان,برہان! !

آمنہ بیگم نے آواز دی.

جی امی!! فرحان آیا.

بیٹا میں جا رہی.ہوں شادی پر..عریبہ تو کب کی گئی…دیر ہو جائے شاید. .جاگے ہوئے تو گیٹ کھول دینا میں ناک کرونگئ..نہیں تو چابی بھی ہے میرے پاس..

نہیں ہم جاگ رہے ہونگے.آپ بےفکر رہیں. ..

وہ حویلی چل دیں جہاں انکی دیورانیوں نے بھی انکے ساتھ ہی جانا تھا.

وہ شادی والے گھر عریبہ کے پاس پہنچیں جو کسی سے باتوں میں مشغول تھی..

عریبہ! !

انہوں نے آواز دی جب عریبہ کے ساتھ ساتھ نمرہ نے بھی مڑ کے دیکھا. ..

جی امی!

نمرہ بیٹا تم کب آئی؟؟انہیں کافی خوشی ہوئی تھی اسکو دیکھ کر..

بس انٹی اج ہی..وہ اٹھ کر انسے ملی..انہوں نے اسکے ماتھے پر پیار دیا..

ماشاءاللہ بہت پیاری لگ رہی ہو!

شکریہ. ..وہ مسکرائی..

عریبہ میں جا رہی ہوں. ..وہ عریبہ سے مخاطب ہوئیں. .

امی ابھی نہیں نا..میں باتیں کر رہی ہوں نمرہ سے….

نمرہ نے بھی حویلی جانا ہوگا نا…..وہ بولیں

نہیں انٹی!ہم یہیں

رکیں گے شادی تک.انکل نے کافی اسرار کیا ہے تو…..

او اچھا!!

چلو تم باتی

کرو پھر..میں بھائی کو بھیج دونگی جب آنا ہوا…سب جانے لگیں تو آجانا…

جی ٹھیک! عریبہ اور نمرہ دونو

خوش ہوگئیں. .اور دوبارہ.باتوں میں مشغول.

رات کا ایک بج رہا تھا.

انہوں نے اسکے روم کا دروازہ.ناک کیا..

کم ان!وہ بیڈ پر نیم دراز تھا.

بیٹا کافی ٹائم ہو رہا ہے جا.کے عریبہ کو لے آؤ…برہان سو چکا.ہے…

وہ بیٹے سے بولیں. …

عریبہ

ابھی تک نہیں آئی؟اسے حیرت ہوئی کہ عریبہ وہ فنکشنز وغیرہ کی اتنی شوقین نا تھی.

ہاں وہ تب مہندی ہور ہی تھی تو میں نہیں لائی..

اچھا میں جاتا.ہوں. .وہ اٹھ کے چل دیا.

وہ گیٹ تک پہنچا..چوٹا گیٹ کھلا تھا ..وہ اندر داخل ئوا.بڑے صحن کے بعد برامدہ تھا..صحن میں مکمل تاریکی تھی جبکہ برامرے میں لائٹس آن تھیں اسی وجہ سے. صحن میں کھڑا انسان اندر والوں کو دیکھ سکتا.تھا جبکہ اندر والے اندھیرے کی وجہ سے صحن والے کو نہیں. .ِسامنے کچھ لڑکیاں بیٹھی تھیں. ..

اسنے.آگے جانا مناسب.نا سمجھا اور وہیں اندھیرے میں کھڑا.عریبہ کو دیکھنے لگا..بالآخر اسکو کو نظر آگئی..اسنے مسیج کیا.کہ گیٹ کے پاس آجاؤ..وہ کسی سے دھڑا دھ

باتوں میں مشغول تھی..کہ اسنے مسیج نا دیکھا..فرحان آگے ہوا کہ وہ کس کس ساتھ اتنی مصروف ہے؟؟؟؟؟؟

اسکی نظر عریبہ کے ساتھ بیٹھی نمرہ پر پڑی..اور ٹھہر گئی….

تقریباً 5 فٹ چھ انچ قد,لمبے سیرھے بال جو کسی آبشار کی طرح اسکے کندھے اور کمر سے نیچے ڈھلک رہے تھے, نکھری نکھری رنگت,معصوم چہرہ جس پر بلا کی کشش تھی,بولتی شرارتی سی آنکھیں, اسکانازک.سراپا….

لہنگے کی وجہ سے اسکی پتلی کمر بہت نمایاں ہورہی تھی…

اور انکی ستواں سی ناک میں چمکتا باریک سا نگ…جو بلب کی روشنی پڑنے سے چمکا.تھا…

وہ چند لمحے ساکت ہوگیاِ.مبہو

ہی تو رہ گیا تھا وہ. …

_______

بیوٹیفل!!وہ.بےاختیار بولا..

اسنے اپنی چوبیس سالہ زندگی میں شاید ہی کسی لڑکی کا اتنا بغور اور تفصیلی جائزہ لیا ہو. ..

پر آج وہ بے خود سا ہوگیا تھا…

وہ اسکو ٹکٹکی باندھے دیکھ رہا تھا گویا نظروں کے ذریعے دل میں اتار رہا ہو..آنکھوں میں یہ منظر قید کر رہا ہو…دل کی خاطر محفوظ کر رہا ہو……..

وہ سامنے کھڑی اس سب سے انجان اپنے گھیر دار لہنگے میں گول گھوم رہی تھی. ..اور عریبہ اسکے کہنے پہ یہ منظر کیمرے میں ویڈیو بنا کر محفوظ کر رہی تھی…….

وہ گھومنے کے بعد رکی اور پھر مسکرا دی…. فرحان کے دل نے بیٹ مس کی….اسکی مسکراہٹ بہت دلکش تھی یا اسکو لگ رہی تھی….

اسنے سر جھٹکا. ……

چونکہ وہاں سب عورتیں تھیں اسلئے نمرہ نے دوپٹہ گلے میں ڈالے بڑے آرام سے گپوں میں مصروف تھی..

اگر اسکو ذراسا.بھی اندازہ ہو جاتا کہ اس.وقت وہ کسی کی گہری نظروں کے حصار میں ہے تو وہ ایک پل نا لگاتی اپنے اپ کو ڈھاپنے میں. …

او تھینک یو عریبہ …….

اسنے اسکے ہاتھ سےاپنا موبائل لیتے ہوئے کہا….

تمہارا فون کافی اچھا ہے…عریبہ نے تعریف کی. ….

تھینک یو…پہلا فون ہے میرا بڑا ڈھونڈ کے لیا ہے….

میڑک اور ایف ایس سی تک نمرہ کے پاس موبائل نا تھا..نا ہی کسی سوشل سائٹ اور ایپ پر کوئی اکاؤنٹ .اب اسکا یونیورسٹی کا پہلا سال شروع ہوا تو ضرورت کے پیش نظر اسکو اچھا سا موبائل کے دیا گیا…

اب میں یہ ویڈیو ایمن کو دونگی. وہ ایڈیٹنگ بہت اچھی کرتی ہے…

پھر انسٹاگرام پر بھی پوسٹ کرونگی تمہیں بھی دکھاؤنگی….

وہ خوشی سے بولی…

تم سوشل ایپس یوز کرتی ہو؟؟

عریبہ نے پوچھ.لیا..

ہاں اب کرتی ہوں. ..بڑی ہوگئی ہوں نا…

I m 18..legal

بلکہ اب تو انیس کی ہوجاؤں گی کچھ ماہ بعد..

وہ آنکھ دبا کر بولی….

یعنی آپ بھی جوان ہوگئی ہیں. …عریبہ بھی شرارتً بولی….

جی الحمدللہ. ..وہ ذرا جھک کر بولی…

ماشاءاللہ. .سبحان اللہ. .عریبہ بھی اسی انداز میں بولی…

دونوں ہنس دیں..

اتنے میں عریبہ کو دوبارہ میسج آیا…

اوکے بھائی آگئے ہیں میں چلتی ہوں. .بہت لیٹ ہوگیا پہلے ہی!!

وہ فوراًجانے کے لئے کھڑی ہوئی..

کہاں ہیں ؟؟؟…نمرہ نے ادھر اُدھر نظریں دوڑاتے ہوئے پوچھا…..

گیٹ سے باہر…

او اچھا….عریبہ نے بتایا…

اؤ ملواتی ہوں تمہیں. ..عریبہ نے خوشی سے کہا..

ارے نہیں بہت رات ہوگئی ہے پہلے ہی..پھر کبھی سہی…

اسنے سہولت سے انکار کیا…

ہاہاِ.اوکے….وہ بھی شروع سے ہاسٹل رہے ہیں. .تم لوگوں کی طرح چھٹیوں میں ہی شکل دکھاتے تھے..پر اب آگئے ہیں. …

اسنے نمرہ کی معلومات میں اضافہ کیا.

اچھا…سہی…تم آؤگی نا صبح ؟؟اسنے پوچھا. ..

ہاں آؤنگی…تم کل حویلی نہی آؤگی؟؟دادا جان سے نہیں ملنا؟؟؟

یہ کیسے ممکن ہے کہ میں بڑے نانا سے نا ملوں…کل شام کو واپسی ہے پر ڈونٹ وری حویلی تو آنا ہی ہے…

نمرہ نے اسے یقین دہانی کروائی..

اوکے.اللہ حافظ. …عریبہ اسے بغل گیر ہوئی..

اللہ حافظ…

چلیں بھائی…عریبہ بولی…

ہوں ہاں. ..چلو چلو…وہ بہن کو ساتھ لے کر چل پڑا…پر ذہن پر وہ چہرہ چھا چکا تھا. …اسے کیا ہورہا تھا؟؟وہ سمجھنے سے قاصر تھا…دل تو چاہا پوری رات وہاں گزار دے..اسکے سامنے…

اف مجھے کیا ضرورت تھی فوراً عریبہ کو بلانے کی..دو منٹ رک کے نلا لیتا…دل کے کسی کونے سے آواز آئی…

کچھ دیر بعد وہ گھر پہنچ گئے اور سونے چل دئیے. .

نمرہ نے روم میں آکر ڈریس چینج کیا…..ہلکی پھلکی ہو کر وہ بیڈ پر دراز ہو گئی.سفر کی تھکن اور اوپر سے کافی دیر بیٹھنے سے وہ شدید تھک چکی تھی…ویسے بھی اسکو بچپن سے ہی نہانے کے بعد بہت نیند آتی تھی. …سو لیٹے ہی نیند کی پریوں نے اس پری کو بھی اپنے آغوش میں لے لیا……

وہ بھی نیند کی وادی میں سکون سے اترتی چلی گئی اس بات سے انجان کہ وہ کسی کے دل کے سکون کو اور آنکھوں کی نیند کو اتھل پتھل کر چکی تھی…….

وہ سونے کے لیے لیٹ گیا ..وقت دیکھا تو گھڑی رات کے ڈیڈھ بجے کا ہندسہ بتا رہی تھی…وہ سونے کی کوشش کرنے لگا……

اسنے آنکھیں بند کیں تو.ایکدم وہ اسکی نظروں کے سامنے آئی…خوشی سے گھومتی ہوئی..بال اور دوپٹہ ہواؤں سے باتیں کر رہے تھے. ..

اسنے آنکھیں کھول دیں…

افففف کیا ہو.گیا ہے مجھے؟؟وہ جھنجھلا کر اٹھ بیٹھا…

پہلی بار تو کوئی خوبصورت لڑکی نہیں دیکھی میں نے تو پھر کیا؟؟؟؟ وہ خود سے سوال کر رہا.تھا….

وہ حسین ہونے سے زیادہ پرکشش تھی …..

وہ دوبارہ لیٹ گیا……..اور سوچنے لگا…

کون ہوگی وہ؟؟شاید کوئی باہر سے انکی رشتہ دار آئی ہو شادی اٹینڈ کرنے…..

عریبہ کو پتا ہوگا..پر اس سے…..

نہیں نہيں اس سے نہیں پوچھنا. ….

جو بھی تھی میری بلا سے مجھے کیاِ…

کروٹیں بدلتے بدلتے کب اسکی.آنکھ لگی اسے خود بھی پتا نا چلا….

جاری ہے

Kafs E Ana by Gohr E Nayab Shah NovelR50751 Kafs E Ana by Gohr E Nayab Shah Episode03