Ehsaas By Raheela Bano Readelle50334 Ehsaas (Episode 16)

Ehsaas By Raheela Bano

کرن ٹریک سوٹ میں ہی ناشتے کی ٹیبل پر موجود تھی۔۔۔۔ والدہ نے اسے ناگواری سے دیکھا۔۔۔۔ حدید مجھے آج نہیں جانا۔۔۔۔ آج میری مما آرہی ہیں ۔۔۔ میں گھر پر ہی رہوں گی ۔۔۔ اور میں انکے ساتھ ہی چلی جاؤں جاؤں گی۔۔۔ ایک ہفتے تک آ جاؤں گی ۔۔۔۔

بلکل نہیں ۔۔۔

حدید سکندر۔۔۔۔ کی کرخت آواز پر سب چونکے تھے۔۔۔۔۔

میں تم سے ڈرتی نہیں ہوں ۔۔۔۔۔کہ تمہارے اس طرح رعب ڈالنے پر میں خاموش ہو جاؤں گی۔۔۔۔

نہ ہی میں تمہاری محتاج ہوں ۔۔۔۔۔۔جو سسک سسک کر تم سے معافیاں مانگوں گی ،وہ جنت کی طرف دیکھتے ہوئے بولی۔۔۔۔۔ جس پر جنت نے شرمندگی سے نظریں جھکائیں تھیں۔۔۔۔۔

بس اس سے آگے ایک لفظ اور نہیں۔۔۔۔۔۔ حدید غصے میں پھنکارتے ہوئے بولا۔۔۔۔

میں پاؤں کی جوتی نہیں ہوں کہ تمہاری غلامی کروں ۔۔۔۔۔ وہ بھی بدلحاظی پر پوری اتری ہوئی تھی

اور تم سر کا تاج بھی نہیں ہو کہ حکمرانی کرو۔۔۔۔۔ حدید اس سے بھی زیادہ بد لحاظی پہ اترا تھا۔۔۔۔

اگر تم سر کا تاج بناؤ گے نہ تو میں تمہاری آنکھوں کی ٹھنڈک بن جاؤں گی ۔۔۔تمہاری زبان کی مٹھاس بن جاؤں گی۔۔۔ تمہارے دل کی ڈھڑکن بن جاؤں گی۔۔۔۔۔۔ تمہاری روح کا سکون بن کر تمہارے بچوں کی ماں بن جاؤں گی۔۔۔۔ آخر وہ آنکھ ونک کرتے بولی تھی۔۔۔۔ جنت انکی لڑائی پر ہونقوں کی طرح دیکھ رہی تھی ۔۔۔۔۔ اسکی آخری بات پر اسکا زور دارقہقہ بلند ہوا تھا۔۔۔۔

کیا بات ہے ۔۔۔۔؟

کرن بھابھی وہ پاگلوں کی طرح ہنس رہی تھی۔۔۔؟

حدید ۔۔۔۔ غصے میں ناشتہ کئے بغیر ہی اپنے روم کی طرف بڑھ گیا تھا۔۔۔

والدہ نے لڑائی پر تاسف سے سر جھٹکا تھا۔۔۔۔جنت چندا میرا ناشتہ روم میں بھجوا دینا۔۔۔۔

والدہ بھی اپنے روم کی طرف بڑھ گئی تھیں۔۔۔۔

ایک دم اسکی نظر خُبیب سکندر کی خالی کرسی پر پڑی یہ کہاں چلے گئے۔۔۔۔؟

وہ منھ میں بڑبڑائی تھی۔۔۔۔

وہ تو کب کے کے چلے گئے۔۔۔؟

ان کی موجودگی میں بندہ سانس نہیں لے سکتا لڑنا تو دور کی بات ہے۔۔۔۔کرن یہ کہتے ہوئے۔۔۔۔۔ حدید کےپیچھے روم کی طرف بڑھی تھی۔۔۔۔

جنت جلدی سے ناشتہ ٹرے میں رکھتی روم کی طرف بڑھی تھی۔۔۔۔ میں ان سے اتنی غافل کیسے ہو سکتی ہوں۔۔۔۔؟

یہ نہ ہو کہ وہ ناشتے کے بغیر ہی نکل گئے ہوں۔۔۔۔۔وہ ٹائم کے پکے پابند تھے۔۔۔۔۔ جب وہ کمرے میں داخل ہوئی وہ کسی کو کال کر رہے تھے۔۔۔ جنت ناشتے کی ٹرے ٹیبل پر رکھتے ہوئے کن اکھیوں سے اسے دیکھ رہی تھی۔۔۔۔وہ کال اٹینڈ کر کے موبائل کو دیکھ رہے تھے وہ میں والدہ کو ناشتہ دے آؤں۔۔۔۔

خُبیب سکندر اسے نظر انداز کرتا ہوا کمرے سے باہر کی طرف بڑھا اس نے گھڑی کی طرف دیکھا جو پورے آٹھ بجا رہی تھی۔۔۔۔اب تو بہت مشکل بلکہ ناممکن تھا۔۔۔۔ اسنے گہرا سانس لیتے ناشتے کی سجی ہوئی ٹرے کو دیکھا تھا۔۔۔۔۔

*************************

جنت عصر کی نماز پڑھ کر والدہ کے روم میں ہی آگئی تھی۔۔۔۔ والدہ کسی سے موبائل پر بات کر رہی تھیں۔۔۔۔۔ اسے دیکھتے ہی والدہ نے کال اٹینڈ کر کے موبائل سائیڈ پر رکھا تھا۔۔۔۔

ماشااللہ تم بہت پیاری لگ رہی ہو ۔۔۔۔ جنت جو بلیک سوٹ جس پر ہلکاہلکا کام ہوا تھا وہ پہنا تھا کانوں میں سلور بڑی بڑی بالیاں پہنی تھی۔۔۔۔ اور ہاتھوں میں سلور ہی کڑے پہنے تھے۔۔۔۔

والدہ آپ اب خوش ہیں۔۔

اور کیا۔۔۔۔؟

سارا دن یوں ہی پھرتی رہتی ہو اور شوہر کے آنے پر تیار ہونے بیٹھ جاتی ہو۔۔۔ کیوں۔۔۔۔؟

ہمارا دل نہیں کرتا تمہیں سجا سنورا دیکھنے کو ۔۔۔۔۔ جنت والدہ کی بات پر خفت کا شکار ہوئی تھی۔۔۔۔

فرانسیی کہاوت ہے۔۔۔

”حسن خاموش بھی ہو تو بولنے لگتا ہے”

ویسے بھی مرد حسن کا پجاری اور عورت دولت کی پجاری ہوتی ہے۔۔۔۔والدہ مسکراتے ہوئے بولی۔۔۔۔

نہیں والدہ مجھے اس بات سے اختلاف ہے۔۔۔اگر ایسی بات ہے تو ہم تو ایک دوسرے کے بڑے عاشق ہوتے۔۔۔۔

اگر حسن مرد کو اٹریکٹ کرتا ہے تو یہ عورت کو بھی کرتا ہے۔۔۔ اور اگر دولت عورت کو اٹریکٹ کرتی ہے تو یہ مرد کو بھی کرتی ہے۔۔۔۔ والدہ پتہ کیا ہے۔۔۔؟

میری ناقص عقل کے مطابق یہ وقتی اٹریکشن ہے۔۔۔۔کبھی آپ نے ایک شوہر کی بیوی خوبصورت ہو وہ بدتمیز ہو بدلحاظ بے شعوری ہو جو اسے عزت نہ دے آپکے خیال میں وہ اس وقت اسکے حسن کے قصیدے پڑھے گا۔۔۔۔

بلکل نہیں۔۔۔

” ایک مرد کی اصل پیاس سکون ہے۔۔۔۔”

ایک مرد جب تھکا ہارا گھر آتا ہے۔۔۔ اسے بھی اپنی بیوی کی محبت اور توجہ چاہئے ہوتی ہے۔۔۔۔ جو اسے تمام فکروں سے آزاد کر کے اسے سکون مہیا کرے ۔۔۔۔۔

اسی طرح ایک عورت کو محبت اور توجہ چاہئےہوتی۔۔۔وہ پچاس ہزار کا سوٹ پہن کر کھڑی اپنے شوہر کا انتظار کر رہی ہو اور وہ شوہر ایک بار نظر بھر کر اسے دیکھے ہی نہ تو اسکی تیاری کا کیا فائدہ ۔۔۔۔۔؟

وہ پوری رات سکون سے سو نہیں سکے گی۔۔۔۔۔ ایک عورت کی پیاس بھی توجہ اور محبت ہے۔۔۔۔

عزت, محبت, حسن,۔۔۔۔ شرم,۔۔۔۔۔ یہ سب مرد اور عورت میں یکساں ہونی چاہئے۔۔۔۔

ایک عورت اپنے شوہر کو معتبر عزت، محبت، سے بناتی ہے۔۔۔۔ دولت اور حسن سے نہیں۔۔۔۔۔وہ ابھی بول ہی رہی تھی اپنے سامنے اچانک خُبیب سکندر کو دیکھ کر بریک لگی تھی۔۔۔۔۔ اور خُبیب سکندر اسکے لفظوں کے سحر میں جکڑا گیا تھا۔۔۔۔۔ والدہ آپ نے بلایا تھا وہ اسے نظر انداز کرتےہوئے بولا۔۔۔۔۔

جنت اب سر جھکائے اسکے حکم کی منتظر کھڑی تھی۔۔۔۔

*********************************

جنت ڈریسنگ مرمر کے سامنے کھڑی اپنے کانوں سے بالیاں اتار رہی تھی۔۔۔۔ اپنے پیچھے خُبیب سکندر کا عکس دیکھ کر وہ ڈریسنگ مرمر کے سامنے سے ہٹی تھی۔۔۔۔

کیا کہہ رہی تھی۔۔۔۔۔؟

کہ تمہیں دولت اٹریکٹ نہیں کرتی ۔۔۔۔۔۔۔ جی مجھے دولت اٹریکٹ نہیں کرتی۔۔۔۔

کیوں۔۔۔۔۔۔؟؟؟

خُبیب سکندر اپنی ازلی ٹون میں آیا۔۔۔۔۔جیسے آپکو حسن اٹریکٹ نہیں کرتا ۔۔۔۔۔۔

ویسے مجھے دولت اٹریکٹ نہیں کرتی۔۔۔۔ جنت بڑے رسان سے بولی تھی۔۔۔۔

تمہیں کس نے کہا۔۔۔۔۔؟ کہ مجھے حسن اٹریکٹ نہیں کرتا۔۔۔۔ ہر مرد کی خواہش ہو تی ہے اسکی بیوی خوبصورت ہو۔۔۔۔

اگر اسکے ساتھ وہ پھوہڑ ہو گی تو آپ کیا کریں گے۔۔۔۔؟

اگر بھکارن کے ساتھ گزارا کر رہا ہو تو پوھڑ کے ساتھ بھی کر لیتا۔۔۔

بھکاری بھی تو آپ جسے دولت مند لوگوں نے بنایا تھا۔۔۔۔ ورنہ یہ کتنا مشکل کام ہے۔۔۔۔

اگر میں تمہیں دولت نہ دوں تو کیا کرو گی۔۔۔۔؟

”میں صبر کروں گی۔۔۔۔۔ ”

اگر میں تمہیں عزت نہ دوں تو تم کیا کرو گی۔۔۔۔؟

”میں برداشت کروں گی۔۔۔۔”

اگر میں تمہیں محبت نہ دوں تو تم کیا کرو گی۔۔۔۔۔¿

”پھر میں آپ سے وفا کروں گی۔۔۔۔”

گڈ۔۔۔۔۔خُبیب سکندر نے اسکی نم زدہ آنکھوں کو دیکھتے ہوئے کہا۔۔۔۔

آپ نے اپنی ساری باتوں میں حسن کا کہیں زکر نہیں کیا نہ ہی شرم کا۔۔۔۔جنت چہک کر بولی تھی۔۔۔۔

”جیسے تم نے۔۔۔۔۔عزت، محبت ،دولت، حسن، شرم ،میں عقل کا زکر نہیں کیا۔۔۔”

خُبیب سکندر بڑی سنجیدگی سے گویا ہوا۔۔۔۔

آپکو پتہ ہے” جو چلے تو جاں سے گزر گئے ” ناول میں عالم شاہ نے حرام موت کو کیوں گلے لگایا۔۔۔۔؟

کیوں لگایا۔۔۔۔؟؟

خُبیب سکندر نے حیرت سے اس کی طرف دیکھا۔۔۔۔۔

اس لئے کہ اسکی بیوی نے اسے اپنی محبت کا یقین نہیں دلایا تھا۔۔۔۔

وہ چھوٹی سی لڑکی اسے باتوں باتوں میں بڑی گہری بات کر گئی تھی۔۔۔

تمیں پتہ ہے بہترین عورت کون ہوتی ہے۔۔۔۔۔؟

خُبیب سکندر نے اسکی چھوٹی سی ناک کو دباتے ہوئے کہا۔۔۔۔

کون ہوتی ہے۔۔۔ ؟؟

جنت گھٹی گھٹی ہوئی آواز میں بولی۔۔۔۔

جس کو دیکھتے ہی اسکے شوہر کی ساری تھکن اتر جائے۔۔۔۔تمہیں دیکھتے ہی نہ میری تھکن مزید بڑھ جاتی ہے۔۔۔۔اور تمہارا شمار بہترین عورتوں میں نہیں ہوتا۔۔۔۔۔ وہ اب بیڈ پر بیٹھ کر اپنے جوتے اتارنے لگا۔۔۔

جنت اب الجھن زدہ نظروں سے اسے دیکھ رہی تھی۔۔۔۔۔۔روتی عورت پر یقین نہیں کرنا چاہئے ۔۔۔۔ مقابل کے الفاظ اسکی سماعتوں سے ٹکرائے تھے۔۔۔۔اور سب سے مشکل کام اسے اپنے آنسوؤں پر قابو پانا لگ رہا تھا۔۔۔۔

لفظوں کی چوٹ کتنی گہری ہوتی ہے۔ اسکے لفظ اور لہجہ دونوں ہی اسکے دل کو زخمی کر گئے تھے۔۔۔اب وہ اسکے جوتے اٹھائے ڈریسنگ روم کی طرف بڑھی تھی۔۔۔

****************************************

دو گھنٹے ہو گئے تھے ابھی تک وہ ڈریسنگ روم سے باہر نہیں آئی تھی۔اب تو وہ کروٹیں بدل بدل کر بھی تھک گیا تھا۔۔۔۔ کہیں گرمی میں تو نہیں بیٹھی۔۔۔۔ وہ مضطرب سا اٹھ کر بیٹھ گیا تھا۔۔۔۔وہ اسے قبول تو کر چکا تھا پھر بھی پتہ نہیں وہ کچھ ایسا بول جاتا تھا۔۔۔ جس سے اسکا دل ٹوٹ جاتا تھا۔۔۔۔

وہ کمرے میں ہی نہیں کمرے سے باہر بھی اسے اتنی ہی عزت دیتی تھی۔۔۔۔۔وہ اتنی چھوٹی ہونے کے باوجود اسکا ہر طرح سے خیال رکھتی تھی۔۔۔۔

اور میں اتنا میچور مرد ہونے کے باوجود بھی تف ہے تم پر خُبیب سکندر ۔۔۔۔ وہ جلدی سے بیڈ سے نیچے اترتے ننگے پاؤں ہی ڈریسنگ روم کا دروازہ کھولتے اندر داخل ہوا تھا۔۔۔وہ زمین پر بیٹھی رونے کا شغل فرما رہی تھی۔۔۔۔

اِزنا ۔۔۔۔

خُبیب سکندر نے جیسے ہی اسے پکارا وہ اسکے جوتے پکڑے تیزی سے اٹھتے باہر کی طرف بڑھی تھی۔۔۔۔

میرے جوتے تو دے دو ۔۔۔۔

وہ اسکے پیچھے آتے ہو ئے بولا تھا ۔۔۔۔اسنے اپنے ہاتھ میں پکڑے جوتے۔۔۔ اسکے پاؤں کے پاس رکھتی سیدھی کھڑی ہوئی تو۔۔۔ خُبیب سکندر نے اسے بازو سے پکڑ کر اپنے قریب کیا تھا۔۔۔۔

رو رو کر اسکی بڑی بڑی آنکھیں سوج رہی تھی۔۔۔۔ چھوٹی سی ناک سرخ ہو رہی تھی۔۔۔

خُبیب سکندر نے اسکے گال کے ساتھ چپکے بال اسکے کان کے پیچھے کرتے اپنے سینے سے لگایاتھا۔۔۔۔ وہ اسکے سینے سے لپٹے اور شدت سے رونے لگی تھی۔۔۔

تم رو کیوں رہی ہو۔۔۔۔۔؟

اب وہ اس کے چہرے کو اوپر کرتے بڑی نرمی سے پوچھ رہا تھا۔۔۔۔

آپ ۔۔۔نن۔۔۔۔۔نے ۔۔۔۔کک۔۔۔۔ کہا۔۔۔۔ ہے ۔۔۔۔مم۔۔۔میرا ۔۔۔۔شش۔۔۔شمار بہترین ۔۔۔۔ عورتوں۔۔۔میں۔۔۔ نن۔نہیں ہوتا۔۔۔۔۔وہ روتے ہوئے اٹک اٹک کر بول رہی تھی ۔۔۔۔۔خُبیب سکندر کا قہقہ بلند ہوا تھا۔۔۔۔۔ تم عورت تھوری ہو ۔۔۔۔۔

تم تو لڑکی ہو۔۔۔۔

اور جب تم میرے جزبات کو نہیں سمجھو گی۔۔۔۔ تو میری تھکن اور ہی بڑھے گی۔۔۔ نہ۔۔۔

وہ اب اسے دیکھتے گہرا مسکرایا تھا۔۔۔۔اسکی بات دل پر لے گئی تھی۔

جنت۔۔۔۔۔ اسےمسکراتا دیکھ کر ہچکیوں سے رونےلگی۔۔۔ابھی بھی مجھ سے خوش نہیں ہیں۔۔۔ اسکے کہے گئے لفظ اسکے دل پر چھریاں چلا رہے تھے۔۔۔۔۔یہ سوچتے ہی وہ پھر شدت سے رونے لگی۔۔۔۔

میں آپکی اچھی بیوی ہوں نہ۔۔۔۔۔

ہاں تم میری اچھی بیوی ہو۔۔۔۔

مجھے دیکھ کر آپ کی تھکن میں اضافہ نہیں ہوتانہ آپ جھوٹ بول رہے تھے نہ۔۔۔۔

ہاں جھوٹ بول رہا تھا۔۔۔۔ اسکی بات پر خُبیب سکندر نے لب بھنچے تھے۔۔۔

آپ مجھے ڈانٹیں گے بھی نہیں۔۔۔۔۔۔۔نہ۔۔۔۔

کچھ نہیں کہوں گا ۔۔۔خدا کے لئے چپ کر جاؤ۔۔۔۔۔

وہ آج جلدی آیا تھا ۔۔۔۔کہ وہ اپنی نیند پوری کر سکے۔۔۔۔ صبح اسے آفس کے لئے جلدی نکلنا تھا۔۔۔۔عادل صاحب نے ایک ہفتے کا کہا تھا۔۔۔۔۔ لیکن دو دنوں کے اندر ہی۔۔۔ لڑکے بھجوا دیئے تھے۔۔۔۔اوپر سے یہ لڑکی چپ ہونے کانام ہی نہیں لے رہی تھی۔۔۔۔

تم کتنا روتی ہو۔۔۔۔۔۔؟

وہ اسکے اسطرح تڑپ تڑپ کر رونے سے جھنجھلا سا گیا تھا۔۔۔۔ اسے اپنے سینے سے الگ کرتے اسکےآنسو صاف کئے تھے۔۔۔اب رونا نہیں ہے۔۔۔ وہ اسکے ماتھے پر اپنے لب رکھتے ہوئے بولا۔۔۔۔

جس پر جنت نے اثبات میں سر ہلایا تھا۔۔۔

اتنی دیر میں دروازے پر دستک ہوئی تھی۔۔۔۔وہ اسکے حصار سے نکلتی دروازے کی طرف بڑھی تھی۔۔۔۔۔میم ۔۔۔۔کھانا پر والدہ آپ لوگوں کا انتظار کر رہی ہیں ۔۔۔ ٹھیک ہے ہم لوگ آتے ہیں۔۔۔

خُبیب سکندر جو ملازمہ کا پیغام سن چکا تھا۔۔۔۔میں جارہا ہوں۔۔۔۔ اور تم اپنا حلیہ درست کر کے آنا۔۔۔۔ وہ حکم صادر کرتا باہر کی سمت بڑھا۔۔۔۔

اور جنت فریش ہونے کے لئے واش روم میں گھسی تھی۔

*****************************************