Ehsaas By Raheela Bano Readelle50334 Ehsaas (Episode 17)

Ehsaas By Raheela Bano

خُبیب سکندر ۔۔۔۔۔۔ جب آفس پہنچا تو وہ چھ لڑکے پہلے سے ہی موجود تھے۔میں نے تو عادل صاحب سے دس لڑکوں کا کہا تھا ۔انہوں نے چھ بھجوا دیئے۔۔۔۔ اس نے اپنی ریوالونگ چئیر پر بیٹھتے ہوئے۔۔۔ انہیں سرسری سا دیکھا۔۔۔۔ حلیے سے ہی وہ کافی غریب لگ رہے تھے۔۔۔۔

ان میں سے ایک کچھ بہتر حالت میں تھا۔ میں نے آپ لوگوں کو فلیٹ پر جانے کا کہا تھا۔۔۔۔ اور آپ لوگ آفس آگئے ۔۔۔۔خُبیب سکندر انکو دیکھتے ہوئے گویا ہوا۔۔۔۔

آپ کے کہنے کا کیا ہے ۔۔۔۔۔۔؟

مجھے عادل چاچا۔۔۔۔۔ نے یہ ہی اڈریس دیا تھا۔۔۔۔انکے حکم کی تعمیل کی ہے جی۔۔۔۔ وہ جو قدرے بہتر حالت میں تھا ۔وہ بولا۔۔۔اسکی بات پر خُبیب سکندر نے اپنا غصہ بمشکل ضبط کیا تھا۔

آپکا نام کیا ہے۔۔۔۔۔؟

جی میرا نام عمر ہے۔۔۔۔ ویسے سب مجھے پپو کہتے ہیں۔۔۔وہ مسکراتے ہوئے بولا تھا۔۔۔۔

جی پپو صاحب ۔۔۔۔۔اب آپ لوگ میرے فلیٹ میں جا کر ناشتہ وغیرہ کر کے آرام کریں ۔۔۔۔ میں آپ لوگوں کو شام میں ملوں گا۔۔۔۔۔

”دم ہی دم دھوکا نہ غم۔۔۔۔ کمائے گی دنیا کھائیں گے ہم۔۔۔۔۔”

وہ ایک ادا سے بولا۔۔۔۔۔ اس کی بات پر وہاں پر موجود سارے لڑکے دبی دبی آواز میں ہنس رہے تھے۔۔۔۔

خُبیب سکندر ۔۔۔۔اسے دیکھتے ہوئے گہرا مسکرایا تھا۔

” اس کا مطلب ہے کہ تم کمانے نہیں بس کھانے۔۔۔۔آئے ہو۔۔۔”

” نہیں جی۔۔۔۔۔”

نہ میں کمانے آیا ہوں نہ میں کھانے آیا ہوں۔۔۔میں تو عادل چاچا کے کہنے پر انہیں آپ کے پاس چھوڑنے آیا ہوں۔۔۔۔وہ بڑے اعتماد سے بولا۔۔۔۔۔

”دم ہی دم دھوکا نہ غم ۔۔۔۔۔۔ اسکی تو مجھے سمجھ آگئی ہے پپو صاحب ۔۔۔۔پر ۔۔۔۔ یہ کمائے گی دنیا کھائیں گے ہم سے کیا مراد ہے۔۔۔۔۔؟؟

خُبیب سکندر ۔۔۔۔ کو کچھ دیر پہلے اس پر غصہ آ رہا تھا۔۔۔اب اس لڑکے سے بہت متاثر ہوا تھا۔۔۔۔

“سیدھی سی بات ہے۔”

آپکو کیوں نہیں سمجھ آئی۔۔۔۔؟”

وہ اپنے بالوں میں ہاتھ پھیرتے ہوئے کھڑا ہوا تھا۔۔۔۔۔

خُبیب سکندر نے اسے بغور دیکھا۔۔۔۔ اسکی آنکھوں میں سوچ کی پرچھائیاں واضح نظر آ رہی تھیں۔ماتھے پر کئی بل نمودار ہوئے تھے۔وہ کچھ دیر اسکی طرف دیکھتا رہا۔۔۔۔

پھر سے اسے مخاطب کیا۔۔۔۔

سر۔۔۔۔۔لگتا ہے آپ نے میرے بارے میں غلط رائے قائم کر لی ہے۔۔۔وہ سنجیدگی سی بولا۔۔۔۔ اسکے لہجے میں درد ساابھرا تھا۔

نہیں ایسی بات نہیں ہے ۔بلکہ میں تو تم سے بہت متاثر ہوا ہوں۔۔۔۔۔خُبیب سکندر صاف گوئی سے بولا ۔۔۔۔

نہ ہی میں نے بات ایسی کی ہے ۔۔۔۔ نہ ہی میرا حلیہ ایسا ہے ۔۔۔ جو آپکو متاثر کر سکے۔۔۔۔۔ وہ گہرا سانس لیتے ہوئے بولا تھا۔۔۔۔

مجھے تمہارے اعتماد نے متا ثر کیا ہے۔۔۔۔۔ ؟؟

خُبیب سکندر ۔۔۔۔ کی بات پر وہ پاگلوں کی طرح ہنسا تھا۔۔۔۔

” اعتماد۔۔۔۔ ”

یہ اعتماد میری بہنوں نے مجھے دیا ہے۔ پتہ ہے سر میں پانچ بہنوں کا اکلوتا بھائی ہوں ۔۔۔۔ میری بہنوں نے مجھے ایک ہی سبق پڑھایا کے کسی سے ڈرنا نہیں ہے۔۔۔۔ اگر کوئی للکارے تو آنکھ میں آنکھ ڈال کر بات کرنی ہے۔۔۔۔ تم نواب ہو ۔۔۔۔

مجھے کبھی احساس ہی نہیں ہوا کہ میں غریب ہوں۔۔۔۔میرا باپ عادل چاچا کا منشی ہے۔۔۔خود کو نواب ہی سمجھتا تھا۔

اسی طرح ایک دن عادل چاچا کے مہمان شہر سے آئے۔۔۔۔ تو میں اس وقت ڈیرے میں تھا۔۔۔۔ عادل چاچا گھر نہیں تھے۔۔۔۔۔وہ میرے ساتھ خوب باتیں کرتے رہے۔۔۔۔ جب عادل چاچا آئے تو میں نے عادل چاچا سے اجازت طلب کی۔۔۔

عادل چاچا نے کہا جب تک تمہارے ابا نہیں آ جاتے تم یہی رہو۔۔۔۔۔۔ ان مہمانوں نے مجھے بڑی ناگواری سے دیکھا۔۔۔۔۔ میں تو انکے بدلتے رنگ دیکھ کر حیران ہوا تھا۔۔۔۔۔

”ان میں سے ایک بولا اچھا لباس پہن کر دو چار لفظ انگلش کے بول کر بندہ ماڈرن نہیں ہو جاتا۔۔۔۔ماڈرن وہ ہوتا ہے جس کے پاس پیسہ ہو۔۔۔۔”

انکے یہ الفاظ سیدھے میرے دل پر لگے تھے۔۔۔۔ اب جب بھی مجھے کسی امیر شخص سے ملنا ہوتا ہے نہ تو میں اپنا حلیہ ایسا ہی رکھتا ہوں۔۔۔۔۔ تاکہ یہ لفظ مجھے دوبارہ نہ سننے کو ملیں۔۔۔۔۔۔ اسکی ہنسی میں ایک درد تھا۔۔۔ جو اسکے چہرے پر عیاں ہوتے آنکھوں میں دیکھا جا سکتا تھا۔۔۔۔

ایک بات یاد رکھنا ہر شخص ایک جیسا نہیں ہوتا۔۔۔۔ خُبیب سکندر ۔۔۔۔نے آگے بڑھ کر اسے گلے لگا تے تھپکی دی تھی۔۔۔۔۔۔ آج رات پھر تم خُبیب سکندر کے مہمان ہو۔۔۔۔

”بہت شکریہ سر۔۔۔۔۔ ”

گھر میں میری اماں اوربہنیں اکیلی ہوں گی۔۔۔۔ اس لئے میں رات کہیں بھی نہیں رکتا۔۔۔۔

اچھا پھر اچھا سا ناشتہ کرتے ہیں ۔نہیں سر ہم لوگوں نے آتے ہوئے ناشتہ کر لیا تھا۔۔۔۔

یہ کیا بات ہوئی۔۔۔۔ ؟

خُبیب سکندر ۔۔۔۔اسے گھورتے ہوئے بولا۔۔۔۔۔ اصل میں میں ان لوگوں کو آپ کے پاس چھوڑنے آیا ہوں ۔۔۔۔ اب اللہ کے بعد آپ کے سپرد ہیں ۔۔۔۔ آپ کے بارے میں عادل چاچا سے سنا ہی تھا۔۔۔لیکن آپ سے مل کر دلی خوشی ہوئی۔۔۔۔ ورنہ تو امیر لوگوں کے نخرے ہی ختم نہیں ہوتے۔۔۔۔۔وہ آخر میں مسکراتے ہوئے بولا۔۔۔۔۔ جس پر خُبیب سکندر کا قہقہ بلند ہوا تھا۔۔۔۔

اب آپ مجھے اجازت دیں۔۔۔

نہیں ۔۔۔

چائے تو تمہیں اب پینی پڑے گی۔۔۔۔ خُبیب سکندر اسے بیٹھنے کا اشارہ کرتے بولا۔۔۔

ہارون چاچا نہیں آتے آفس۔۔۔۔

وہ عمرے پر گئے ہیں ۔۔۔۔۔ اچھا ماشااللہ۔۔۔۔

موبائل کی مسلسل بیل پر اسنے دیکھے بغیر ہی کال ریسیو کی تھی۔۔۔ والدہ کی آواز سن کر وہ ان سے معزرت کرتے ہوئے اٹھا تھا۔۔۔۔

*****************************************

جنت لان میں بیٹھی۔۔۔۔ خُبیب سکندر کا انتظار کر رہی تھی۔۔۔۔۔جب سے ڈیڈ گئے تھے ۔۔۔۔ وہ زیادہ تر لیٹ ہی آتے تھے۔۔۔۔ موبائل پر ٹائم دیکھا ۔۔۔ ایک بجے سے بھی اوپر ٹائم ہو چکا تھا۔۔۔۔ اب وہ پریشان سی لان میں ٹہلنے لگی۔۔۔۔

گرمیوں کی رات قدرے ٹھنڈی تھی۔۔۔پھولوں کی خوشبو۔۔۔پورے لان میں پھیلی ہوئی تھی۔۔۔۔اب انتظار کرتے کرتے اب فکر ہونے لگی تھی۔۔۔

وہ گم صم سی پھر کرسی پر بیٹھ گئی تھی۔۔۔۔ آنکھیں ایک ہی نکتے پر مرکوز تھیں۔۔۔عجیب عجیب خیال زہہن میں آ رہے تھے ۔۔۔۔چہرے پر تفکرات کی لکیروں کا جال تھا۔۔۔۔ پتہ نہیں کیوں وہ مجھے مجرم سمجھتے ہیں۔۔۔۔؟

دن میں کئی بار اسے سوچتی ۔۔۔اب تو اسے پکارتے ہوئے بھی ڈرتی ہوں۔۔۔

کہیں وہ غصے میں آ کر کچھ الٹا سیدھا نہ بول دیں۔۔۔۔۔اس وجہ سے خاموشی کو ہی سینے سے لگا لیا تھا۔۔۔۔ساری مسکراہٹیں ماں کے دنیا سے جانے پر چہرے سے روٹھ گئی تھیں ۔۔۔۔ جو تھوڑی بہت کبھی چہرے کا حصہ بنتی وہ اس ظالم شخص سے برداشت نہیں ہوتی تھیں۔۔۔۔۔

وہ اسکے جسم سے روح نکالنے اور پھر اس میں رواں کرنے کا ہنر جانتا تھا۔۔۔

اسنے آسمان کی طرف دیکھا ۔۔۔۔ اسکی نظریں ستاروں پر جم سی گئی تھیں۔۔۔بادل جو انکے ساتھ چھپن چھپائی کا کھیل کھیل رہے تھے۔۔۔۔۔

انہیں دیکھتے جنت نے ایک طویل سانس ہونٹوں سے خارج کی تھی۔۔آنکھیں نم ہوئیں تھیں۔۔۔ نم زدہ آنکھوں میں انکا عکس جھلملایا تھا۔۔۔۔

”ایسا ہی تھے پل میں تو لا پل میں ماشا۔۔۔۔”

وہ کبھی سہانے خواب دیکھنے لگتی ۔۔۔۔سارا دن اس خوابوں کی دنیا میں رہتے وہ رات ہونے کا انتظار کرتی لوگ راتوں کو خواب دیکھتے ہیں۔۔۔۔ وہ دن میں اسکی یاد کے سپنے سجائے پھرتی رہتی۔۔۔۔۔ سہانے خوابوں کے چکر میں انکی تلخ باتوں کو بھول جاتی تھی۔۔۔۔

اپنے گھر میں پیڈسٹل فین کے سامنے لیٹی اس تاروں بھرے آسمان کو دیکھتی دیکھتی سو جاتی تھی۔۔۔اب تو شاید نیند بھی اس سے روٹھ گئی تھی۔۔۔۔

وہ لان پر ایک نظر ڈالتے اپنے روم میں جانے کے لئے اٹھی تھی۔۔۔۔

*****************************************************

خُبیب سکندر دو بجے کے قریب گھر پہنچا تھا۔۔۔۔ ان لڑکوں کے ساتھ باتیں کرتے اسے وقت کا احساس ہی نہیں ہوا تھا۔۔۔

عادل صاحب ۔۔۔۔ نےکیا لڑکےبھیجے تھے۔۔۔۔؟

وہ گہرا مسکراتے ہوئے روم میں داخل ہوا تھا۔۔۔۔

داخل ہوتے ہی پہلی نظر اس پر پڑی جو گھٹنوں میں سر دیئے بیٹھی تھی۔ وہ اسکے سر پر پہنچے اسکو بازو سے کھنچتے زمین پر کھڑا کر گیا تھا۔۔۔۔ جنت نے ہڑبڑا کر اسکی طرف دیکھا جو اسے غصے سے گھور رہا تھا۔۔۔۔۔۔

اب میں نے ایسا کیا کر دیا ہے ۔۔۔۔؟

جو مجھے گھورا جارہاہے۔ اسنے دل میں ہی سوچا تھا۔۔۔۔ زبان تک لاتی تو وہ پتہ نہیں اس کا کیا حشر کرتے۔۔۔؟

خُبیب سکندر اسکی جھکی جھکی پلکوں کو دیکھ رہا تھا جو ہلکے ہلکے لرز رہی تھیں۔۔۔۔ اسکی نظریں اسکے چہرے کا طواف کرتے اسکی لرزتی پلکوں پر ٹھہر سی گئی تھیں۔۔۔۔جو اسکے اس طرح دیکھنے پر زرا سی حرکت میں آئی تھیں۔۔۔

اور وہ اب مزید اپنی خواہش پر بند نہیں باندھ سکتا تھا۔۔۔۔ اسکے دل کی دھڑکنیں منتشر ہوئی تھیں۔۔۔روز اپنے دل سے عہد کرتا لیکن روز ہی توڑ دیتا تھا۔۔۔۔

وہ اتنافرشتہ صفت نہیں تھا کہ اپنے اندر اٹھتے ہوئے جزبات کو تھپک تھپک کر سلا دے۔۔۔

اب اسنے اسکی بند لرزتی آنکھوں پر پھونک ماری تھی۔۔۔۔جنت نے اپنی بند آنکھیں کھولی تھیں ۔۔۔۔ نظروں کا مرکز اسکا چہرا نہیں تھا۔۔۔۔ بلکہ اسکا سینہ تھا۔۔۔۔ وہ اب اسکی شرٹ کے بٹنوں کے ساتھ کھیل رہی تھی۔۔۔

وہ حسین ہی نہیں تھی۔۔۔ بلکہ اسکا ہر انداز ہی حسین تھا۔۔ وہ بہت مضبوط بھی تھی۔۔۔ کمزور تو بلکل نہیں۔۔۔۔

وہ اب اچھی طرح سے اسکی ظاہری اور باطنی خوبیوں سے واقف ہو گیا تھا۔۔۔۔۔

جنت نے اب نظریں اٹھا کر دیکھا۔۔۔۔ وہ خاموشی سے ہی سمجھ گئی تھی۔۔۔۔۔

اب وہ کیا چاہتے ہیں۔۔۔۔؟

یہ وہ لمحات تھے جن وہ وہ پل پل مرتی تھی۔

وہ ہر روز اپنے ایک نیا روپ دیکھاتا۔۔۔۔

وہ اس روپ کو کیا نام دے ۔۔۔۔؟

انکے اس والہانہ انداز کو محبت سمجھے یا انکی نفرت ۔۔۔۔ انکا یہ انداز ۔۔۔اسکے دل کی دھڑکنیں منتشر کر کے ایک نیا احساس بخشتا تھا۔۔۔۔

وہ سارا دن انہی لمحات کو سوچتے گزار دیتی تھی۔۔۔شاید وہ ایک دن ان کی محبت کو پالے گی۔۔۔۔ وہ ایک آس کے تحت ایک ایک بات کو گھنٹوں تک سوچتی رہتی ۔۔۔جب بے قراری بڑھتی تو وہ فون کا سہارا لیتی ۔۔۔ انکی آواز سن کر پھر گھر کے کاموں میں مشغول ہو جاتی۔۔۔۔

شاید جینے کی وجہ بن گئے تھے ۔۔۔ میں ان کی مجبوری ہو سکتی ہوں ۔۔۔۔پر۔۔۔۔میں اپنی محبت سے ان کا دل تو جیت سکتی ہوں۔۔۔۔۔۔ غلطی سے بھی اسے میری محبت نہ سمجھنا ۔۔۔۔۔ میں اپنے ڈیڈ کو دی گئی قسم نبھا رہا ہوں۔۔۔۔ستمگر کے لفظ سماعتوں سے ٹکرائے تھے۔۔۔

اسکے ہونٹوں سے سسکی بلند ہوئی تھی ۔۔۔۔جنت نے بے دردی سے اپنی آنکھوں سے آنسو صاف کئے تھے۔۔۔۔

وہ اتنی دیر سے اپنے سینے سے لگائے کیوں کھڑے تھے۔۔۔۔۔؟

آج پہلی بار اسےاس طرح محبت کے ساتھ سینے سے لگایا تھا۔۔۔۔۔ اسکی سسکیاں بلند ہوئی تھیں۔۔۔ اگر سینے سے الگ کیا۔۔۔ تو شاید دوسرا سانس نہیں لے پائے گی۔۔۔ اگر۔۔۔۔

انہوں نے مجھے چھوڑ دیا تو میں کہاں جاؤں گی۔۔۔۔؟

یہ ایک خوف ہر وقت اسکے سر پر سوار رہتا تھا۔۔۔۔نہیں مجھے ان سے بدگمان نہیں ہونا چاہئے۔۔۔۔کہیں میری بے بسی کا فائدہ تو نہیں اٹھا رہے۔۔۔ نہیں وہ اپنے دل کو سمجھانے لگی۔۔۔۔ جو مقدر میں لکھا ہے وہ تو ہو کے رہے گا۔۔۔۔

نہیں۔۔۔۔نہیں۔۔۔۔ دعائیں مقدر بدل دیتی ہیں۔۔۔۔۔ میں انہیں دعاؤں میں مانگوں گی۔۔۔۔

مجھے نیند آ رہی ہے ۔۔۔۔ جنت اپنی سوچوں کو جھٹکتے ہوئے بولی۔۔۔۔

“شکر ہے۔۔۔” میں تو سمجھا شاید ساری رات ایسے ہی مجھے کھڑا رکھو گی ۔۔۔۔جنت انہیں حیرانی سے دیکھ رہی تھی۔۔۔۔ اس میں اتنا حیران ہونے والی بات تو نہیں ہے ۔

اس نے جنت کا ہلکا کھلا منھ بند کیا تھا۔۔۔۔

”اور تم نے سوچ بھی کیسے لیا۔۔۔۔؟ کہ تم میری اجازت کے بغیر سو سکو گی۔۔۔۔ ”

یہ ایک ہی بات مجھے تمہیں روز روز کیوں کہنی پڑتی ہے۔۔۔۔؟

میری نظروں کا مطلب سمجھتے ہوئے بھی انجان بن رہی ہو۔۔۔۔۔

وجہ پوچھ سکتا ہوں۔۔۔۔۔۔؟

اسکے انداز میں سرد پن سے اسکا پورا وجود زلزلوں کی ضد میں آیا تھا۔۔۔۔

آنکھوں سے بہتے آنسو صاف کرتے وہ لائٹ آف کرنے کے لئے انکے حصار سے نکلی تھی۔۔۔۔

یہ شخص بدل سکتا ہے ۔۔۔۔ لگتا ہے میری ساری خواہشیں حسرت بن کر میرے دل میں ہی رہے گی۔۔۔وہ پل میں ہی تو اپنے ازلی خول میں بند ہو گیا تھا۔۔۔۔

کاش!

وہ ایسے ہی سینے سے لگی رہتی۔۔۔۔ ساری رات ایسے ہی گزر جاتی ۔۔۔۔ لائٹ بند کرتے اسنے آنے والے لمحات کا سوچ کر خوف سے جھرجھری لی تھی۔۔۔۔۔

**********************************