No Download Link
Rate this Novel
Episode 38
❤ ستمگر سے ہمسفر ❤
از فاطمہ
38 قسط
آج اس کی نائیٹ ڈیوٹی تھی اس وقت رات کا ایک بج رہا تھا
وہ آج بھی ہمیشہ کی طرح شرٹ اور ٹراؤزر میں سر پر حجاب لپیٹے ہوئے تھی
مہرون شرٹ پر اس نے لیب کوٹ پہن رکھا تھا
چہرہ ، میک اپ سے پاک تھا یا شاید اس کو ضرورت ہی نا تھی
اس کا گورا گورا شفاف چہرہ اس پر بلا کی معصومیت ، گلابی ہونٹ، آنکھیں ذیادہ بڑی نہ تھی لیکن پلکیں گھنی تھیں
وہ بلاشبہ بے حد حسین تھی
عمر 23 سال کے قریب تھی لیکن آج بھی اسی سولہ سال کی حورین کی طرح اس کے چہرے پر بلا کی معصومیت تھی
شہر میں حسن بھرا پڑا ہے لیکن ایسی معصومیت کسی لڑکی کے چہرے پر کم ہی ملتی ہے
کئی لوگ اس کی معصومیت کی وجہ سے اس کے ساتھ مخلص تھے جن میں اس کے ساتھی ڈاکٹرز ، ساتھ کام کرنے والا عملہ شامل تھا لیکن کئی لوگوں نے اس کی معصومیت کا فائدہ اٹھانے کی کوشش کی لیکن حورین ہر وقت خود کو ہر طرح کے حالات کا مقابلہ کرنے کو تیار رکھتی تھی
کچھ دیر پہلے اس نے اور ایک میل ڈاکٹر نے زامن کا آپریشن کیا تھا جس دوران اس کے کاندھے پر لگی گولی نکالی گئی اور اب زامن دوائیوں کے زیر اثر سو رہا تھا وہ اس کے پاس کھڑی سینے پر بازو باندھے زامن کو بغور دیکھ رہی تھی
وہ آج اپنے سامنے لیٹے ہوئے زامن شاہ کا ، چھ سال پہلے والے زامن شاہ سے موازنہ کر رہی تھی
زامن کا رنگ پہلے بھی گورا تھا لیکن حورین کو اس کے چہرے پر اب ایک الگ چمک دکھتی تھی
پہلے اس کی ڈاڑھی چھوٹی تھی لیکن اب کچھ بڑی بڑی تھی
پہلے اس کے ہونٹ سرمئی تھے جو کہ شاید سگریٹ نوشی کی وجہ سے لیکن اب اس کے ہونٹ ہلکے سے گلابی تھے ،( کیا زامن شاہ نے سگریٹ پینا چھوڑ دی ) ہاں لیکن آنکھوں کے گرد ہلکے تھے
صحت اس کی پہلے جیسی ہی تھی کسمایا جسم ۔۔۔۔۔
بلاشبہ وہ ایک بھر پور وجہہ مرد تھا
ابھی اس کے دائیں کاندھے پر پٹی تھی
اس کے چہرے پر بے ہوشی میں بھی درد کے آثار تھے
جس کی وجہ وہ خود تھا اگر وقت پر ٹریٹمنٹ لے لیتا تو اتنی تکلیف برداشت نہ کرنی پڑتی لیکن وہ تو بضد تھا کہ ڈاکٹر حورین سے ہی ٹریٹمنٹ لے گا
وہ چھ سال پہلے بھی ایسے ہی سوئے ہوئے زامن کو دیکھتی رہتی تھی ہاں یہ الگ بات ہے کہ جب وہ مکمل ہوش میں ہوتا تھا تو حورین کی نظریں اٹھتی ہی نہیں تھیں اس کے سامنے
ابھی وہ زامن کو دیکھنے میں مگن ہی تھی کہ دروازے کھلنے پر وہ مڑی اور آنے والے کو دیکھا
وہ کسی نرس کی آمد کی توقع کر رہی تھی لیکن علی کو اپنے سامنے دیکھ کر ایک لکیر اس نے ماتھے پر پڑی تھی
” السلام علیکم بھابھی ۔۔۔۔۔۔۔۔ میں علی ۔۔۔۔۔۔۔ انسپکٹر علی ۔۔۔۔۔۔۔ زامن کا دوست ۔۔۔۔۔۔۔ چھ سال پہلے ۔۔۔۔۔۔ وہ آنٹی نے ملوایا تھا ۔۔۔۔۔۔۔ شاید آپ کو یاد ہو ۔۔۔۔۔۔۔؟”
علی جب کمرے میں آیا تو حورین کو دیکھ کر حیرت زدہ ہوا پھر جلدی سے ایک ٹرانس میں بولتا گیا
زامن کے آپریشن کے دوران وہ ہاسپٹل آیا تھا لیکن کیس کے سلسے کی وجہ سے وہ کسی ضروری کام سے چلا گیا اور اب کام نبٹا کر فورا ہاسپٹل آیا
” اوہ ۔۔۔۔۔۔ وعلیکم السلام ۔۔۔۔۔۔۔۔ جی پہچان لیا ۔۔۔۔۔۔۔ “
حورین کو چند لمحے لگے تھے علی کو پہچاننے میں ۔۔۔۔۔۔۔ بڑی ماما کے بعد وہ علی ہی تھا جس نے حویلی سے اسے نکلنے میں مدد کی تھی
” کیسا ہے اب زامن ۔۔۔۔۔۔ ؟”
حورین کے جواب پر اس نے زامن کو دیکھتے ہوئے حورین سے اس کا حال پوچھا
” ڈونٹ وری ۔۔۔۔۔۔۔ ناؤ ہی از آؤٹ آف ڈینجر ۔۔۔۔۔۔۔۔ “
حورین نے پیشہ ورانہ انداز میں کہا اور باہر جانے لگی
” ایکسکیوز می ۔۔۔۔۔۔۔ بھابھی۔۔۔۔۔۔”
حورین جانے کے لیے مڑی تھی کہ علی نے اسے نہایت ادب سے پکارا تو حورین اب اسے سوالیہ نظروں سے دیکھنے لگی
” بہت اچھا لگا بھابھی آپ کو اتنا سٹرونگ دیکھ کر ۔۔۔۔۔۔۔۔ جب پتہ چلا کہ یو آر آ ڈاکٹر ۔۔۔۔۔۔ بہت خوشی ہوئی ۔۔۔۔۔”
علی کے لہجے میں حورین کے لیے بہت احترام تھا
وہ بس علی کی بات پر مسکرائی تھی
” بھابھی ۔۔۔۔میں زامن کا بچپن کا دوست ہوں ۔۔۔۔ میں نے کبھی اسے اتنا خوش نہیں دیکھا جتنا اس دن دیکھا جب وہ عرش سے پہلی بار ملا تھا ۔۔۔۔۔۔۔۔۔۔ عرش بہت پیارا ہے ماشااللہ ۔۔۔۔۔۔۔۔ ایک بات کے لیے آپ کا اور عرش کا شکر گزار ہوں میں ۔۔۔۔۔۔”
علی نے لیٹے ہوئے زامن کو دیکھتے ہوئے کہا
” کس بات کے لیے ۔۔۔۔۔۔؟؟”
حورین نے علی کی ہر بات نظر انداز کی تھی اور خود بھی وہ اب زامن کو دیکھ رہی تھی
” زامن نے کافی عرصہ پہلے جاب چھوڑ دی تھی ۔۔۔۔۔۔۔ وہ کہتا تھا وہ اس جاب کے ۔۔۔۔۔۔۔۔۔ اس عہدے کے قابل نہیں ہے ۔۔۔۔۔ میں نے اور ڈی ایس پی سر نے بہت سمجھایا لیکن زامن ضد کا پکا ہے ۔۔۔۔۔۔۔
لیکن عرش سے دوسری ملاقات کے بعد خود اس نے دوبارہ جوائینگ کا کہا ۔۔۔۔۔۔ آپ یقین کریں ۔۔۔۔۔۔ بہت خوشی ہوئی تھی مجھے ۔۔۔۔۔۔”
علی زامن کو دیکھتے ہوئے حورین کو بتا رہا تھا
” ان کو گولی کیسے لگی ۔۔۔۔۔۔۔؟؟؟”
حورین علی سے کم ہی بات ہر رہی تھی کیونکہ کسی مرد سے وہ کم ہی بات کرتی تھی اپنے میل ڈاکٹرز سے بھی بس کام کی بات کرتی
علی کی آنکھوں میں اس نے اپنے لیے احترام دیکھا تھا
” میں یہاں ایک کیس کے سلسلے میں آیا ہوں ۔۔۔۔۔ ایک بہت بڑا کریمینل یہاں آیا ہے جیل سے بھاگ کے ۔۔۔۔ لیکن زامن یہاں آپ کو ڈھونڈنے آیا تھا ۔۔۔۔ اور ایس پی زامن شاہ کو کون مجرم نہیں جانتا ہوگا ۔۔۔۔۔۔۔
اس مجرم نے سمجھا زامن اور میں دونوں اس کے پیچھے آئیں ہیں ۔۔۔۔۔۔ اسی لیے اس نے زامن پر قاتلانہ حملہ کروا دیا ۔۔۔۔۔۔ “
علی نے اسے تفصیلا بتایا
” یو مین زامن کو خطرہ ہے ۔۔۔۔؟؟”
پریشانی حورین کے چہرے سے عیاں تھی
” جی ہے تو صحیح لیکن ۔۔۔۔۔۔۔ زامن کے لیے یہ فرسٹ ٹائم نہیں ہے ۔۔۔۔۔۔ اس کو اکثر ایسے خطرناک کیس ہی ملتے ہیں ۔۔۔۔۔۔”
علی ایسے کہہ رہا تھا جیسے یہ کوئی پورانی بات ہو
” واٹ یو مین ۔۔۔۔۔۔ اگر کچھ ہو جاتا تو ۔۔۔۔۔۔۔ گولی سینے پر لگ جاتی تو ۔۔۔۔۔۔؟؟۔۔۔۔۔۔ اور ۔۔۔۔ اور ۔۔۔۔۔۔ اتنی دیر ہو گئی تھی جب آپریشن ہوا ان کا ۔۔۔۔۔۔ زہر اگر پھیل جاتا تو ۔۔۔۔۔۔ بہت کئیر لیس ہیں آپ کے دوست ۔۔۔۔۔اگر اس کرمنل نے پھر سے اٹیک کیا تو ۔۔۔۔۔۔۔”
حورین بہت کچھ بول گئی تھی جس کا احساس اسے بعد میں ہوا
” آپ فکر نہیں کریں بھابھی ۔۔۔۔۔۔ زامن ہینڈل کر لے گا انہیں ۔۔۔۔۔۔ ابھی وہ اس حملے کے لیے تیار نہیں تھا ۔۔۔۔۔۔ لیکن اب وہ پلینگ کے مطابق قدم اٹھائے گا ۔۔۔۔۔۔”
حورین کو زامن کی فکر کرتا دیکھ علی کو اچھا لگا تھا وہ مسکراتے ہوئے اسے تسلی دینے لگا
” ہمممممم ۔۔۔۔۔۔ ٹیک کیئر آف ہیم ۔۔۔۔۔۔۔۔۔ “
علی کے مسکرانے پر اسے سمجھ آیا کہ وہ کچھ ذیادہ ہی بول رہی ہے
اسی لیے بات ختم کرتے ہوئے گویا ہوئی اور وہاں سے چلی گئی پیچھے علی مسکرانے لگا تھا
صبح ہو چکی تھی اور زامن شاہ کو ہوش آ گیا تھا
علی اس کے پاس ہی بیٹھا تھا اس دوران ایک ڈاکٹر زامن کا چیک اپ کر کے گیا تھا لیکن اسے جس کا انتظار تھا وہ نہیں آئی تھی
زامن کی بے چینی کے پیش نظر علی نے ایک نرس سے حورین کے بارے میں پوچھا تو اس نے کہا کہ ڈاکٹر حورین کے ڈیوٹی آارذ ختم ہو گئے ہیں وہ گھر جا چکی ہیں
نرس کا جواب سن کر زامن مایوس ہو گیا
” مایوس نہ ہو یار ۔۔۔۔۔۔۔ جانتا ہے رات جب میں آیا تو حورین بھابھی تیرے پاس تھیں۔۔۔۔۔۔۔۔۔ “
زامن کے چہرے پر مایوسی دیکھ کر علی نے اسے بتایا
” تو سچ کہہ رہا ہے نا ۔۔۔۔۔۔۔”
زامن نے تصدیق کرنی چاہی اسے شاید یقین نہ آیا تھا
” ہاں یار میں جھوٹ کیوں بولوں گا ۔۔۔۔۔۔۔؟؟”
علی نے یقین دلاتے ہوئے کہا
” اچھا ماما سے بات ہوئی تیری ۔۔۔۔۔۔؟؟؟ ۔۔۔۔۔۔۔۔ میرا تو پوچھ رہیں ہوں گی ۔۔۔۔۔؟؟؟۔۔۔۔”
زامن نے دو دن سے ان سے مصروف کی وجہ سے بات نہ کی تھی وہ جانتا تھا اس کی ماما پریشان ہو گئی ہوں گی
” یار میں نے تجھے یہی کہنا تھا ۔۔۔۔۔۔۔۔ رات کو اماں کی کال آئی تھی ۔۔۔۔۔۔۔۔ آنٹی کی طبیعت ٹھیک نہیں ہے ۔۔۔۔۔۔۔۔ ہمیں جتنی جلدی ہو سکے پاکستان جانا ہوگا ۔۔۔۔۔۔ ویسے بھی وہ اشرف اور اس کا بھائی ۔۔۔۔۔۔۔ تیرے پہ حملے کے بعد بھاگ گئے یہاں سے ۔۔۔۔۔۔۔ اس لئے ہممم ۔۔۔۔۔۔۔ “
” کیا مطلب ۔۔۔؟؟ماما کو کیا ہوا ہے ۔۔۔۔۔۔۔ تو نے مجھے پہلے کیوں نہیں بتائی یہ بات ۔۔۔۔۔
“علی مجھے حورین کے پاس جانا ہے ۔۔۔۔۔۔۔ مجھے اس سے بات کرنی ہے ۔۔۔۔۔۔۔۔”
زامن نے بیڈ سے اٹھتے ہوئے کہا وہ ڈرپ اپنے ہاتھ سے اتار چکا تھا
” پاگل تو نہیں ہو گیا تو ۔۔۔۔۔۔ چپ کر کے بیٹھ یہی پر ۔۔۔۔۔ تجھے ابھی ریسٹ کی ضرورت ہے ۔۔۔۔ اور یہ تو نے کیا کیا ہے ۔۔۔۔۔۔۔۔۔۔۔۔”
علی اس کے پاگل پن پر حیران ہوتے ہوئے بولا
لیکن زامن شاہ اگلے ہی پل روم سے نکل گیا
علی پیچھے سے آوازیں دیتا رہ گیا لیکن وہ زامن ہی کیا جو کسی کی سن لے
” ز زامن بھائی ۔۔۔۔۔۔۔”
دروازے پر دستک ہوئی تھی جس کو سن کر رامین دروازہ کھولنے آئی تھی لیکن اپنے سامنے زامن کو دیکھ کر اسے حیرت ہوئی تھی لیکن اس سے بھی ذیادہ حیرت اسے زامن کی بلیو شرٹ پر خون دیکھ کر ہوئی تھی
علی بھی زامن کے ساتھ کھڑا تھا
” رامین بیٹا ۔۔۔۔۔۔ حورین کو بلا دو ۔۔۔۔۔۔ “
زامن نے باہر کھڑے ہوئے ہی کہا
” لیکن ۔۔۔۔۔۔۔۔ “
رامین کو سمجھ نہیں آیا کہ کیا کرے وہ
” پلیز بیٹا ۔۔۔۔۔۔۔”
زامن نے پھر التجائیہ کہا
رامین کو وہ کافی تکلیف میں لگ رہا تھا رامین کو زامن کو ایسے دیکھ کر برا لگا تھا
اسی لیے کچھ کہے بغیر وہ مڑی تھی اور حورین کو بلانے چلی گئی
Like nd comments☺😊❤❤