No Download Link
Rate this Novel
Episode 36
❤ ستمگر سے ہمسفر ❤
از فاطمہ
36 قسط
علی نے جب زامن کو حورین کی جانب متوجہ کیا تو زامن اگلے لمحے گاڑی سے باہر نکلا اور حورین کی جانب بڑھا
دھڑکتے دل کے ساتھ اسے پکارا
” حورین ۔۔۔۔۔۔ “
حورین نے جیسے ہی گاڑی کا ڈور کھولنے کے لئے ہاتھ بڑھایا اسے اپنے پیچھے زامن کی آواز آئی
ایک پل کو اس کا ہاتھ کپکپایا تھا لیکن اگلے ہی پل وہ نارمل ہو گئی
حورین کی زامن کی جانب پشت تھی وہ اس کے چہرے کے اتار چڑھاؤ نہ دیکھ سکا
بغیر کوئی جواب دیے وہ مڑی تھی اور ابرو اچکا کر سوالیہ نظروں سے زمن کو دیکھنے لگی
” حورین مجھے تم سے بات کرنی ہے پلیز ۔۔۔۔۔۔۔ “
زامن نے ایک قدم اس کی طرف بڑھاتے ہوئے کہا
” ہممم کہیے ۔۔۔۔۔۔۔۔؟ سن رہی ہوں ۔۔۔۔۔۔۔۔!!!”
حورین نے ہاتھ میں پکڑے موبائل پر انگلی چلاتے ہوئے کہا اس طرح وہ خود کو بہت مصروف ظاہر کر رہی تھی
” حورین تم کہاں چلی گئی تھی یار ۔۔۔۔۔۔۔ پتہ ہے کتنا تلاش کیا میں نے تمہیں ۔۔۔۔۔۔۔۔۔ پل پل تڑپا ہوں تمہارے لل ۔۔۔۔۔۔۔۔۔۔ “
” کیوں زامن شاہ ۔۔۔۔۔۔۔۔ ابھی کوئی بدلہ پورا ہونا رہ گیا ہے ۔۔۔۔۔۔۔۔۔یا ابھی اور سزا باقی ہے میری ۔۔۔۔۔۔؟؟ ۔۔۔۔۔ “
زامن کی بات کاٹ کر وہ بولی تھی جبکہ لہجے کے ساتھ ساتھ چہرہ بھی سپاٹ تھا اس کا
” ایسے مت کہو حورین ۔۔۔۔۔۔۔۔۔۔ میں بہت شرمندہ ہوں تم سے ۔۔۔۔۔۔۔۔ تم ایک بار میری بات سن لو ۔۔۔۔۔ پلیز جان ۔۔۔۔۔۔”
محبت سے کہتے ہوئے زامن آگے بڑھا اور حورین کے ہاتھ تھامنے چاہے جبکہ حورین کو تو اس کا انداز شوکڈ کر رہا تھا
” آپ کو ذرا بھی سینس نہیں ۔۔۔۔۔۔۔۔ کسی بھی لڑکی کو ایسے سڑک پر روک کر اس کو بات کرنے کے لیے فورس کر رہے ہیں ۔۔۔۔۔۔۔۔”
زامن کا بڑھتا ہاتھ جھٹک کر وہ تیز آواز میں بولی تھی کچھ آس پاس کے لوگ ان کی طرف متوجہ وہ چکے تھے
” میں کسی غیر لڑکی سے نہیں بلکہ اپنی بیوی سے مخاطب ہوں ۔۔۔۔۔۔۔۔۔ پلیز جان من ۔۔۔۔۔۔۔ ایک بار میری بات سن لو ۔۔۔۔۔۔۔۔۔۔۔ “
حورین کی تیز آواز کو وہ نظر انداز کر گیا تھا
اور پہلے سے ذیادہ لہجے میں محبت لیے بولا تھا
اور یہ بات حورین کو حیران کر گئی تھی
” زامن شاہ آپ کی فالتو باتیں سننے کا ٹائم نہیں ہے میرے پاس ۔۔۔۔۔۔۔۔ مجھے دیر ہو رہی ہے ۔۔۔۔۔۔۔ “
زامن کی آنکھوں میں آنکھیں ڈالے وہ بولی تھی اور گاڑی کا دروازہ کھول کر اندر بیٹھنے لگی تھی جب پھر سے زامن نے اسے مخاطب کیا
” حورین میری جان پلیز ایک بار بات سن لو ۔۔۔۔۔۔۔۔ مت تڑپاؤ مجھے ۔۔۔۔۔۔۔۔ سب برداشت کر سکتا ہوں لیکن تمہاری بے رخی مار دے گی مجھے ۔۔۔۔۔۔۔ ایسے منہ مت موڑ کر جاؤ یار ۔۔۔۔۔۔۔”
زامن کی آواز بھر آئی تھی لیکن حورین اس کی بات سن کر ہنسنے لگی تھی
” واؤ زامن شاہ واؤ ۔۔۔۔۔۔۔ جو خود تم نے ظلم کیے مجھ پہ وہ بھول گئے ۔۔۔۔۔۔۔؟؟۔۔۔۔ ہاں ۔۔۔۔۔؟؟؟ ۔۔۔۔۔۔اور ۔۔ آج میری بے رخی زامن شاہ برداشت نہیں کر پا رہا ۔۔۔۔۔۔۔ ہاہاہا واہ شاہ صاحب ۔۔۔۔۔۔ کیا مذاق ہے ۔۔۔۔۔۔”
حورین نہ چاہتے ہوئے بھی اس پر طنز کر گئی
” حورین میں چھ سال تڑپا ہوں یار ۔۔۔۔۔۔۔۔۔۔۔ صرف اس امید پہ جی رہا تھا کہ ایک دن تم ملو گی ۔۔۔۔۔۔۔۔۔۔
پلیز حورین ایک بار میری پوری بات سن لو ۔۔۔۔۔۔۔۔
حورین مجھے معا ففف ۔۔۔۔۔۔۔”
” بس اتنا ہی کہنا ہے ۔۔۔۔۔۔۔ یا کوئی اور بات بھی ہے ۔۔؟؟؟؟؟؟۔۔۔ “
زامن کی بات اس کی نے کاٹ دی تھی
” حورین، ہمارا ایک بیٹا ہے ۔۔۔۔۔۔۔۔ میں یہ تک نہیں جانتا تھا ۔۔۔۔۔۔۔۔۔ اس سے بڑی اور کیا سزا ہو سکتی ہے ۔۔۔۔۔۔ پلیز حورین مجھے میرے بیٹے سے ۔۔۔۔۔”
” میں تمہاری شکل بھی نہیں دیکھنا چاہتی زامن شاہ ۔۔۔۔۔۔۔۔ تم سے بات کرنا تو بہت دور کی بات ۔۔۔۔۔۔۔۔۔۔۔”
زامن کی آنکھوں میں دیکھتے ہوئے اس نے اس کی بات کاٹی وہ اب گاڑی میں بیٹھ چکی تھی
اور جلدی سے گاڑی سٹارٹ کر دی تھی
پیچھے زامن شاہ حورین کو آوازیں دیتا رہا لیکن وہ جا چکی تھی
” زامن وہ چلیں گئیں ۔۔۔۔۔۔۔۔”
آنکھوں میں آنسو لیے وہ اسی جگہ کو دیکھ رہا تھا جہاں سے ابھی حورین گئی تھی جب علی نے پیچھے سے اسے آکر مخاطب کیا
علی کو بھی دکھ ہو رہا تھا لیکن اسے پتہ تھا حورین کا ری ایکشن نارمل ہے
” علی یار وہ چلی گئی لیکن میں اس سے معافی تک نہیں مانگ سکا ۔۔۔۔۔۔۔۔۔۔۔ دیکھا تو نے میں نے کیا بنا دیا اپنی حورین کو ۔۔۔۔۔۔۔۔۔ وہ پتھر دل نہیں ہے یار ۔۔۔۔۔۔۔۔۔ اس کا دل بہت نرم ہے ۔۔۔۔۔۔۔۔۔ بس وہ غصے میں ہے ۔۔۔۔۔۔ لیکن تو دیکھنا وہ مجھے معاف کر دے گی ۔۔۔۔۔۔۔۔”
زامن نے علی کے بازو تھام کر اسے یقین دلانے والے انداز میں کہا جبکہ وہ اپنے آنسو پہلے سے ہی صاف کر چکا تھا
لیکن علی سمجھ نہیں سکا کہ وہ اسے یقین دلا رہا ہے یا خود کو ۔۔۔۔۔۔۔۔۔۔
” ہمممممم انشاءاللہ ۔۔۔۔۔۔۔۔
آگے کیا کرنا ہے ۔۔۔۔۔۔ ؟۔۔۔۔۔”
علی نے بھی اس کے ہاتھ پر تھوڑا دباؤ ڈال کر کہا
” اب زامن شاہ حورین کو اپنی محبت کا یقین دلائے گا ۔۔۔۔۔۔۔ تو جانتا ہے پہلے میں بہت ڈر رہا تھا ۔۔۔۔۔ کہ اگر حورین مجھ سے نفرت کرنے لگی تو میں مر جاؤں گا۔۔۔۔۔۔
لیکن آج میری حورین کی آنکھوں میں زامن شاہ کے لیے سب کچھ تھا ۔۔۔۔۔۔ شکوہ شکایت ۔۔۔۔۔۔ناراضگی ۔۔۔۔۔۔۔۔۔
لیکن ۔۔۔۔۔۔ نفرت۔۔۔۔۔۔ نفرت نہیں تھی ۔۔۔۔۔۔ میں اسے پا لوں گا ۔۔۔۔۔۔ کیوں کہ مجھے یقین ہے میرا خدا میرے ساتھ ہے ۔۔۔۔۔۔۔۔ “
زامن نے آسمان کی جانب دیکھتے ہوئے کہا
علی کو لگا تھا حورین کی بے رخی زامن کو مزید توڑ دے گی لیکن زامن کی آنکھوں میں امید اور یقین دیکھ کر اسے خوشگوار حیرت ہوئی تھی
” حورین کے بارے میں ساری انفارمیشن چاہیے مجھے ۔۔۔۔۔۔”
زامن کہنے پر علی نے سر اثبات میں ہلایا
” یا اللہ یہ سب کیا تھا ۔۔۔۔۔۔۔۔ یہ زامن شاہ تھا۔۔۔؟؟؟؟۔۔۔۔۔ اوہ ۔۔۔۔۔۔۔ زامن شاہ کی آنکھوں میں آنسو ؟؟؟ ۔۔۔۔۔۔۔
یہ لہجہ تو بلکل حقارت بھرا نہیں تھا ۔۔۔۔۔۔۔۔
محبت۔۔۔۔۔۔!!
زامن شاہ کے ہر انداز سے محبت جھلک رہی تھی ۔۔۔۔۔۔۔۔
وہ بھی ۔۔۔۔۔۔۔ وہ بھی ممم مجھ ۔۔۔۔۔۔۔۔
نہیں نہیں حورین یہ تمہاری آنکھوں کا دھوکا ہے ۔۔۔۔۔۔
زامن شاہ اور ۔۔۔۔۔ محبت!!!!!
نہیں ۔۔۔۔۔۔”
ہاسپٹل پہنچ کر وہ کافی مصروف ہو گئی تھی ۔۔۔۔۔۔۔۔۔۔
ایک آپریشن کے بعد سیدھا وہ اپنے روم میں آئی تھی چہرے پر پہنا ہوا اماسک اتار کر باسکٹ میں پھینکا اور چئیر پر بیٹھ گئی لیکن دماغ اس کا ایک بار پھر زامن اور زامن کی باتوں میں الجھ گیا تھا
چئیر پر بیٹھی وہ زامن کی باتوں پر ۔۔۔۔ اس کے انداز پر ۔۔۔۔۔۔۔ غور کر رہی تھی
اس کے لیے زامن کا یہ رویہ حیرت انگیز تھا
عرشو کے بچے ۔۔۔۔۔۔۔۔ آنی کے ساتھ گیم ۔۔۔۔ہاں ؟؟؟؟۔۔۔۔۔۔۔ تمہیں تو میں ابھی بتاتی ہوں ۔۔۔۔۔۔۔۔”
رامین یہ کہتے ہوئے عرش کے پیچھے بھاگ رہی تھی
جو اب گھر سے باہر نکل گیا تھا رامین سے بچنے کے لیے
” آنی آپ کو مام سے ڈانٹ پڑی ہے نا اسی لیے مجھے پکڑ رہیں ۔۔۔۔۔۔۔۔۔ “
عرش آگے بھاگتے ہوئے ہنس ہنس کر کہہ رہا تھا
” عرشو کے بچے ۔۔۔۔۔۔۔ ایک بار پکڑ میں آ جاؤ میری ۔۔۔۔۔۔۔ “
” آآ ہہہہ۔۔۔۔۔۔۔”
لیکن وہ بہت زور سے کسی سے ٹکرائی تھی
اور اس سے پہلے وہ گرتی کسی نے اسے اپنے حصار میں لے کر گرنے سے بچا لیا تھا
اپنے سامنے علی کو دیکھ کر رامین کی سانسیں رک گئیں
علی کی بھی کچھ ایسی ہی حالت تھی
چند لمحوں بعد علی نے اسے اس کے سہارے کھڑا کیا
” تت تم یہاں ۔۔۔۔۔۔۔۔”
رامین کو یقین نہ آیا تھا وہ اپنے سامنے علی کو دیکھ رہی تھی
جبکہ رامین کی بات سن کر علی کو سکون ملا تھا یقینا رامین اسے نہیں بھولی تھی
یہ کیسا تعلق تھا دونوں کا ۔۔۔۔۔۔
ایک ملاقات نہیں بھولی تھی دونوں کو۔۔۔۔۔۔
وہ چھوٹی سی بچی آج علی کے سامنے ایک خوبصورت لڑکی کی صورت میں کھڑی تھی
” مجھے تو لگا تھا آپ پہچاننے سے انکار کر دیں گی ۔۔۔۔۔۔ “
اپنے ابھرتے جذبات پر قابو پا کر وہ بولا تھا
” آ ۔۔۔ وہ ۔۔۔۔۔ میرا مطلب ہے ۔۔۔۔۔۔ میں نہیں جانتی آپکو ۔۔۔۔۔۔ آپ ہمارے گھر کے باہر کیا کر رہے ہیں ۔۔۔۔۔۔؟؟”
رامین اب سمبھل چکی تھی
اسی لئے نارملی پوچھنے لگی
” کچھ نہیں ایک کام تھا ۔۔۔۔۔۔۔۔۔ کیا ہم تھوڑی دیر بات کر سکتے ہیں ۔۔۔۔۔۔ “
علی نے پاس والے بینچ کی طرف اشارہ کرتے ہوئے کہا
وہ رامین سے باتیں کرنا چاہتا تھا اپنے دل کی
” وائے ۔۔۔۔۔۔۔؟؟؟ ۔۔۔۔۔۔ ٹپیکل پاکستانی ۔۔۔۔۔۔۔ جہاں لڑکی کو اکیلے دیکھا وہی فلرٹ سٹارٹ۔۔۔۔۔۔۔۔۔۔۔ “
رامین کا دل زور سے دھڑکا تھا لیکن اسے کمزور نہیں پڑنا تھا
وہ مرد پہ یقین نہیں کر سکتی تھی
یہ کیا ہو گیا دونوں بہنوں کو۔۔۔۔۔۔؟؟
دونوں کا ہی یقین مرد سے اٹھ گیا
کیوں نہ اٹھتا ؟؟؟
ایک بیٹی کے لیے دنیا میں سب سے بھروسے کے قابل اس کا باپ ہوتا ہے
لیکن ان دونوں کے باپ کا جو روپ ان کے سامنے آیا تھا وہ بہت برا تھا
اگر ان کا باپ پیسوں کے لالچ کی وجہ سے کسی کی بیٹی کے ساتھ غلط نہ کرتا تو آج وہ دونوں بھی اس اذیت سے نہ گزر رہی ہوتیں
سب سے زیادہ اسے حورین کے لیے برا لگتا تھا
حورین نے اسے تو بڑی بہن کی طرح اپنے آنچل میں چھپا لیا تھا
لیکن رامین راتوں کو حورین کی سسکیاں کیسے بھول سکتی تھی
حورین کی طرح وہ بھی نفرت تو نہیں کر سکتی تھی اپنے باپ سے آخر باپ تھا
لیکن اب اعتبار نہیں رہا تھا کسی پر بھی
” رامین لسن ٹو می ۔۔۔۔۔۔۔۔۔۔۔ مجھے غلط نہیں سمجھو ۔۔۔۔۔۔۔ میں فلرٹ نہیں کر رہا ۔۔۔۔۔۔۔۔
میں نہیں جانتا مجھے تم سے محبت ہے یا نہیں لیکن میرے دل میں تمہارے لیے بہت پاک جذبات ہیں ۔۔۔۔۔۔۔۔۔”
علی کی آنکھوں میں صرف سچائی تھی
” یو شٹ اپ ۔۔۔۔۔۔۔۔۔۔ اینڈ گو آ وے ۔۔۔۔۔۔۔۔”
رامین نے کافی غصے سے کہا تھا وہ علی کو کوئی امید نہیں دینا چاہتی تھی
اور بغیر علی کی کوئی بات سنے وہ خود اندر چلی گئی
اس ملاقات کے بعد علی کئی دفعہ رامین کی یونیورسٹی بھی جاتا لیکن وہ کسی صورت اس سے ملنے کو تیار نہیں تھی
لیکن علی اب ہمت نہیں ہارنے والا تھا
آج ایک ہفتہ ہو گیا تھا لیکن زامن اس دن کے بعد اس سے نہیں ملا تھا
” واہ زامن شاہ اتنا ہی حوصلہ تھا تم میں ۔۔۔۔۔۔۔۔۔ “
پتہ نہیں کیوں لیکن اسے یہ بات بے چین کر رہی تھی اسی لیے بے اختیار اس کے دل نے کہا تھا
اس نے باتوں باتوں میں عرش سے بھی پوچھا لیکن عرش نے الٹا اس سے ہی پوچھ لیا
” نو مام ۔۔۔۔۔۔۔ ڈیڈ تو آئے ہی نہیں ۔۔۔۔۔۔۔۔۔ بٹ مام وہ کیوں نہیں آئے مجھے ان سے ملنا ہے ۔۔۔۔۔۔۔۔۔۔”
عرش کے لہجے میں ایک تڑپ تھی جسے حورین باخوبی محسوس کر سکتی تھی
” اپنے بیٹے کا بھی احساس نہیں ہے اس ظالم انسان کو ۔۔۔۔۔۔۔۔۔۔ ظاہر ہے جو ایک اولاد کو قتل کر سکتا ہے ۔۔۔۔۔۔۔ اسے دوسرے کی کہاں پروا ہو گی ۔۔۔۔۔۔۔۔۔ “
اپنی سوچوں کو جھٹکتی وہ گھر سے باہر نکلی تھی
اور باقی سب کے آنے کا انتظار کرنے لگی
آج وعدے کے مطابق وہ عرش کو پلے لینڈ لے جا رہی تھی جبکہ ندا اور رامین بھی جانے کو تیار تھیں
وہ لوگ عرش کے ساتھ پلے لینڈ آئیں
کچھ دیر عرش کے ساتھ انجوائے کرنے کے بعد رامین ، ندا اور حورین باہر کیفے ٹیریا میں چلیں گئیں اور باتیں کرنے لگیں
وہ ان کی ہر حرکت پر نظر رکھتا تھا
اس کا عرش سے ملنے کا بہت دل کرتا تھا لیکن وہ جانتا تھا حورین کو یہ بات بلکل پسند نہیں آئے گی
اور اگر وہ چھپ کر عرش سے ملنے کی کوشش کرتا تو اس ایک ہفتے میں وہ یہ بات جان گیا ہے کہ حورین نے عرش کی تربیت اس طرح کی ہے کہ وہ اپنی ماں سے پوچھے بغیر اس سے نہیں ملے گا
اسی لیے وہ ہر رات کو عرش اور حورین سے ملنے جاتا عرش کو سوتے ہوئے ڈھیر سارا پیار کرتا
کافی دیر وہاں بیٹھا عرش اور حورین کو دیکھتا رہتا
اور جاتے ہوئے آہستہ سے حورین کے ماتھے پر اپنی محبت بھرا لمس چھوڑ جاتا
” عرش ۔۔۔۔۔۔۔۔ “
عرش کھیل رہا تھا لیکن اسے اپنے پیچھے سے آواز آئی تھی اس نے مڑ کر دیکھا تو اپنے سامنے زامن کو دیکھ کر وہ خوشی سے اس کی طرف لپکا تھا
” ڈیڈ ۔۔۔۔۔۔۔۔۔۔”
” جی ڈیڈ کی جان ۔۔۔۔۔۔۔۔۔ میرا شیر بیٹا ۔۔۔۔۔۔۔۔۔ “
آج وہ چاہ کر بھی خود کو روک نہیں سکا تھا عرش کو اکیلا دیکھ کر وہ بے اختیار عرش کی طرف بڑھا تھا
زامن کے پکارنے پر عرش اس کی کھلی باہوں سے جا لگا
” آئی مس یو ڈیڈ ۔۔۔۔۔۔۔ “
زامن کے گلے لگ کر عرش نے کہا
” آئی مس یو ٹو مائی پرنس ۔۔۔۔۔۔ اینڈ ایم رائیلی سوری بیٹا ۔۔۔۔۔۔ “
زامن نے اس کے سر پر بوسا دیا
” اٹس اوکے ڈیڈ آپ بزی تھے نا ۔۔۔۔۔ آپ کی جاب کی وجہ سے ۔۔۔۔۔ مام نے بتایا کہ آپ اس لیے ملنے نہیں آتے ۔۔۔۔۔۔۔۔ “
عرش نے زامن کو بھی ایسے ماتھے پر پیار کیا ۔۔۔
” اور کیا کیا بتایا آپ کی مام نے ۔۔۔؟؟؟؟۔۔ “
زامن دلچسپی سے عرش سے پوچھنے لگا
” آپ بہت بریو ہیں ایسے ٹشوں ٹشوں کر کے گندے بچوں کو مارتے ہیں ۔۔۔۔۔۔۔۔۔۔ اپنی کنٹری کے لوگوں کی حفاظت کرتے ہیں آپ ۔۔۔۔۔۔۔۔۔۔ “
عرش کی باتیں سن کر زامن کو شرمندگی ہوئی وہ تو کب کا جاب چھوڑ چکا تھا
” ڈیڈ مجھے آپ جیسا بننا ہے ۔۔۔۔۔۔۔۔۔ مجھے بھی پولیس آفیسر بننا ہے ۔۔۔۔۔۔۔۔ ایسے ٹشوں ٹشوں کر کے ماروں گا بیڈ پیپلز کو۔۔۔۔۔۔۔۔۔۔ “
عرش نے ہاتھوں کا مکا بنا کر ہوا میں مارا ۔۔۔۔۔۔۔
” ہاہاہاہاہاہا ۔۔۔۔۔۔۔۔ “
زامن کا کہکا فضا میں گونجا
کئی لوگوں نے اس باپ بیٹے کو دیکھا جو اپنی دنیا مست تھے
” میرے شہزادے بہت جلدی ہم ساتھ رہیں گے ۔۔۔۔۔۔۔۔۔۔۔ “
زامن نے عرش کو اپنی گود میں اٹھایا اور اسے لے کر ایک بینچ پر بیٹھ گیا
” رئیلی ڈیڈ ۔۔۔۔۔۔۔۔۔۔۔ “
عرش نے پر جوش ہو کر پوچھا
” ہاں نا میرے شہزادے ۔۔۔۔۔۔۔۔۔۔”
زامن نے اس کے دونوں گال چوم کر کہا
” چلو مام کے پاس چلتے ہیں عرش ۔۔۔۔۔۔۔۔۔”
Like nd comments ❤☺