No Download Link
Rate this Novel
Episode 27
❤ ستمگر سے ہمسفر ❤
از فاطمہ
27 قسط
” ایسا کیسے ہو سکتا ہے کہ تین دن سے نہ کوئی گھر میں داخل ہوا ہے اور نہ کوئی باہر گیا ہے ۔۔۔۔۔۔۔۔ “
جب علی کو سلمان کے گھر کی یہ اپ ڈیٹ ملی تو وہ فورا زامن کے پاس آیا
” ایسا ہی ہے زامن ۔۔۔۔۔ “
زامن کے چلانے پر علی نے بات کی تصدیق کی
” تو تم نے مجھے بتایا کیوں نہیں ۔۔۔۔۔۔ ؟”
زامن اب اپنی چیئر سے اٹھ چکا تھا
” کہاں جا رہے ہو ۔۔۔۔۔۔”
علی نے زامن کی بات کو نظر انداز کر کے پوچھا
” سلمان کے گھر ۔۔۔۔۔۔ “
باہر نکلتے ہوئے زامن نے مختصر جواب دیا
” میں بھی ساتھ آؤں گا ۔۔۔۔۔۔۔۔۔۔۔ “
علی کو فکر ہوئی تھی کہ زامن پھر غصے میں کچھ غلط نہ کر دے اس لیے اس کے پیچھے باہر کی جانب بڑھا
سلمان کے گھر کے سامنے گاڑی روک کر زامن بھاگتے ہوئے اندر کی طرف بڑھا
جبکہ علی اس کے پیچھے ہی تھا
” حورین ۔۔۔۔۔۔۔ حورین ۔۔۔۔۔”
گھر کے اندر داخل ہو کر وہ چلاتا ہوا حورین کو پکارنے لگا
” جا چکی ہے وہ زامن شاہ ۔۔۔۔۔۔۔ تم سے دور ۔۔۔۔۔۔۔۔ “
کسی کمرے سے نکل کر سلمان باہر آیا تھا جبکہ اس کے منہ سے نکلے الفاظ زامن کی سماعتوں پر ہتھوڑے کی مانند لگے
” بکواس بند کرو اپنی سلمان نہیں تو وہ کروں گا کہ پچھتاؤ گے بعد میں ۔۔۔۔۔۔ “
زامن نے آگے بڑھ کر اس کا گریبان پکڑ لیا
” اب مجھے کوئی پچھتاوا نہیں زامن شاہ ۔۔۔۔۔۔”
زامن نے سلمان کی باتوں کو نظر انداز کر کے اس کا گریبان چھوڑا اور گھر میں ایک ایک کمرے کا دروازہ کھول کر حورین کو پکارتے ہوئے ڈھونڈنے لگا
جبکہ علی کو سامنے والی وال پر لگی کچھ تصویروں نے چونکا دیا
” یہ تو وہی لڑکی ہے ۔۔۔۔۔”
زامن ایک بار پھر سلمان کی طرف بڑھا اور اس کا گریبان پکڑ لیا
” کہاں ہے حورین ۔۔۔۔۔۔؟ “
” یہ کیا زامن شاہ ۔۔۔۔۔۔ جن آنکھوں میں ہمیشہ دہشت ہوتی تھی آج انہیں آنکھوں میں ڈر ہے ۔۔۔۔۔۔۔۔ کیا میرے سامنے کھڑا شخص زامن شاہ ہی ہے ۔۔۔۔۔۔؟ ۔۔۔۔۔۔”
زامن کی بے چینی دیکھ کر سلمان کے چہرے پر ایک چمک آئی تھی
اسی لیے بے خوف ہو کر بولا
” یو شٹ اپ ۔۔۔۔۔۔ اور سیدھی طرح بتاؤ حورین کہاں ہے ۔۔۔۔۔۔۔۔”
زامن ایک بار پھر دھاڈا تھا
” کبھی نہیں بتاؤ گا چاہے کچھ بھی کر لو تم ۔۔۔۔۔۔”
” تم سیدھی طرح بتاؤ گے یا میں اپنے طریقے سے پوچھوں ۔۔۔۔۔۔”
” نہیں بتاؤ گا ۔۔۔۔۔۔۔۔۔۔”
” علی لے جاؤ اسے اور وہ حشر کرو اس کا کہ بس اس کے منہ سے سچ ہی نکلے ۔۔۔۔۔۔۔۔۔”
زامن نے سلمان کو علی کی جانب دھکا دیا
علی نے سلمان کو پکڑا اور آہستہ آہستہ قدم اٹھاتا وہاں سے چلا گیا جبکہ اس کا دل اس وقت ایک انکشاف ہونے پر افسردہ ہو گیا تھا
وہ لڑکی جو علی کے دل میں نقش ہو چکی تھی جسے پہلی ملاقات سے ہی علی نہ بھولا تھا
جس کے دوبارہ ملنے کی اس نے خواہش کی تھی لیکن وہ شاید اب بہت دور تھی اس سے ۔۔۔۔۔۔۔۔۔
” نہیں حورین تم اتنی بڑی جرآت نہیں کر سکتی ۔۔۔۔۔۔۔ تم نے بہت غلط قدم اٹھایا ہے ۔۔۔۔۔۔۔۔ اس کی سزا تمہیں ضرور ملے گی ۔۔۔۔۔۔ تمہیں کیا لگتا ہے تم مجھ سے زامن شاہ کی پہنچ سے دور چلی جاؤ گی ۔۔۔۔۔۔۔۔ کبھی نہیں بلکل نہیں ۔۔۔۔۔۔۔۔”
علی اور سلمان کے جانے کے بعد زامن خود سے ہمکلام تھا
تھانے جانے کے راستے میں ہی سلمان کی شدید طبیعت خراب ہونے کی وجہ سے اسے فورا ہسپتال لے جایا گیا
ہسپتال پہنچ کر پتہ چلا کہ سلمان کو فالج کا اٹیک ہوا ہے اسی وجہ سے سلمان کا پورا جسم بے حرکت ہو گیا ہے
جب علی نے زامن کو سلمان کی حالت کا بتایا تو زامن نے علی کو سلمان کو ہسپتال میں رکھنے کا کہا
زامن کو اب سلمان سے حورین کے بارے میں بتانے کی امید نہیں تھی کیونکہ سلمان کی حالت ایسی نہیں تھی کہ اس پر تشدد کرکے کچھ پوچھا جا سکے
اسی لئے زامن اب خود ہی حورین کو ہر جگہ تلاش کرنے لگا
” زامن ۔۔۔۔۔۔۔ حورین کا کچھ پتہ لگا ۔۔۔۔۔۔۔ ؟
وہ تھانے سے آنے کے بعد سیدھا پاکیزہ شاہ کے کمرے میں آیا تھا
دو مہینے ہو گئے تھے وہ ہر جگہ حورین کو ڈھونڈ رہا تھا لیکن جانے وہ کہاں چلی گئی تھی کچھ پتہ نہیں چل پا رہا تھا
” نہیں ماما ۔۔۔۔۔۔۔ “
زامن نے ان کی گود میں سر رکھ دیا اور مایوسی سے جواب دیا
” ہمممم پریشان مت ہو ۔۔۔۔۔۔۔۔ مل جائے گی ۔۔۔۔۔۔۔۔ “
انہوں نے اس کے ماتھے پر ہاتھ رکھ کر اسے تسلی دی
” میں بہت برا ہوں ماما ۔۔۔۔۔۔۔ بہت گناہ گار ہوں میں ۔۔۔۔۔
وہ اسی لیے چھوڑ کر چلی گئی مجھے ۔۔۔۔۔۔۔ اور آپ بھی مجھ سے ناراض ہیں نا ۔۔۔۔۔۔۔۔”
زامن نے ان کے ہاتھوں کو تھام کر پوچھا
” اولاد جتنی بھی غلطیاں کر لے لیکن ماں اولاد سے ناراض نہیں رہ سکتی ۔۔۔۔۔۔۔۔۔۔ ماں کا دل اپنی اولاد کے لئے ہر وقت پریشان رہتا ہے ۔۔۔۔۔۔۔۔۔ تم اگر اپنی غلطیوں اور گناہوں کا اعتراف کر رہے ہو تو اچھی بات ہے ۔۔۔۔۔۔ لیکن جس کے ساتھ ذیادتی کی ہے اگر اس سے معافی مانگو گے تبھی خدا بھی معاف کرے گا ۔۔۔۔۔۔”
وہ زامن کے چہرے کو بغور دیکھ رہیں تھیں جیسے اس کا چہرہ پڑھ رہیں ہوں
” میں مانتا ہوں ماما مجھ سے ظلم ہوا ہے ۔۔۔۔۔۔۔ گناہ ہوئے ہیں ۔۔۔۔۔۔۔ تبھی تو سزا مل رہی ہے مجھے ۔۔۔۔۔۔۔۔ سکون نہیں ملتا مجھے بلکل ماں ۔۔۔۔۔۔۔ “
وہ آج اپنی ماں کے سامنے اپنے گناہوں کا اعتراف کر رہا تھا اس کے چہرے سے بے سکونی چھلک رہی تھی
” جب کوئی آپ کی وجہ سے بے سکون ہو تو آپ خود کیسے سکون سے رہ سکتے ہو ۔۔۔۔۔۔”
زامن کے بالوں میں انگلیاں چلاتے وہ بولیں تھیں
” میں اس کے ساتھ ظلم نہیں کرنا چاہتا تھا ماما ۔۔۔۔۔۔ لیکن میرے غصے اور انتقام نے سب برباد کر دیا ۔۔۔۔۔۔۔۔ وہ چھوڑ کر چلی گئی مجھے ۔۔۔۔۔۔”
وہ دو مہینوں سے پاگلوں کی طرح حورین کو ڈھونڈ رہا تھا لیکن اس کا کچھ پتہ نہیں چل رہا تھا سلمان کی ساری باڈی اٹیک کی وجہ سے ناکارہ ہو گئی تھی یہاں تک کہ وہ بول تک نہیں سکتا تھا
ان دو مہینوں میں ایسا کوئی پل نہ تھا جب زامن شاہ کو حورین کی یاد نہ آئی ہو
” مرد کو خُدا نے بے حد مضبوط بنایا ہے زامن ۔۔۔۔۔۔یہاں تک کے اُسے ایک شوہر کے روپ میں مجازی خُدا کا رتبہ دے دیا ۔۔۔۔۔۔۔
خدا اپنے آپ میں بہت بھاری لفظ ہے اور بہت کم مرد ہوتے ہیں جو اس لفظ کو سنبھال پاتے ہیں اگر تم اسکو عزت نہ دو گے جس کے مجازی خدا ہو تو کیا وہ تمہیں کبھی مجازی خُدا ماننے پہ آمادہ ہو گی ؟ ؟؟؟
یا ہر بنت حوا کو رسوا کر کے خدا ہونے کی طاقت آزماؤ گے ؟
خُدا کی قسم اگر تم ایک عورت کو عزت نہیں دے سکتے تو تُم مجازی خدا تو کیا مرد کہلانے کے بھی لائق نہیں ۔۔۔۔۔۔
کہ مرد تو محافظ ہوتا ہے ،عورت کا ۔۔۔۔۔۔۔۔۔”
” تم نے ایک عورت پر جبر کیا ۔۔۔۔۔۔۔۔ اپنے مرد ہونے کا ۔۔۔۔۔۔۔۔ طاقت ور ہونے کا فائدہ اٹھایا ہے ۔۔۔۔۔۔
•” بیٹا جب کسی بے قصور کے ساتھ ظلم ہوتا ہے اور وہ مسکرا کر یہ کہتا ہے کہ میں نے یہ معاملہ اللہ کے سپرد کیا ۔۔۔۔۔۔۔۔۔
تو یقین مانو فرش سے لے کر عرش تک ہر چیز لرز جاتی ہے اور وہ آہ ساتویں آسمان تک پہنچ جاتی ہے
جب معاملہ اللہ کے سپرد کر دیا جائے تو ظالم بچ نہیں پاتا وہ رحمان اور رحیم تو ہے مگر کیا تم نے نہیں سنا ؟ ” وہ ذوالجلال بھی ہے ۔۔۔۔۔۔۔۔۔ “
وہ بول رہیں تھیں اور زامن کا دل ڈوبتا جا رہا تھا اس کا چہرہ آنسوؤں سے بھیگ رہا تھا
پہلی بار وہ اپنے بیٹے کو اس طرح بچوں کی طرح روتے ہوئے دیکھ رہیں تھیں زامن کو دیکھ کر ان کا خود کا دل بھی رو رہا تھا لیکن ابھی انہوں نے اپنے بیٹے کی اصلاح کرنی تھی
اس کو سیدھی راہ دیکھانی تھی
” ماما میں نے اپنی اولاد کا بھی قتل کر دیا ۔۔۔۔۔۔۔۔۔ میں جانتا بھی تھا کہ وہ میرے بچے کی ماں بننے والی ہے پھر بھی وہ وہ ظلم کیے اس پر کے بیان بھی نہیں کر سکتا ۔۔۔۔۔۔۔۔۔۔
خدا کبھی معاف نہیں کرے گا مجھے ۔۔۔۔۔ بہت گناہ گار ہوں میں ۔۔۔۔۔۔ “
وہ چھوٹے بچے کی طرح رو رہا تھا اس وقت وہ خود کو دنیا کا سب سے گناہ گار شخص تصور کر رہا تھا
“- کوئی بھی انسان کتنا بھی گناہ گار کیوں نا ہو ۔۔۔۔۔۔
ربّ العالمین اس کیلئے دعا کا وسیلہ اور توبہ کا راستہ کبھی بند نہيں کرتا ۔۔۔۔۔۔۔۔۔۔ “
زامن کی ٹوٹی حالت پر اب کے انہوں نے اس کے ماتھے پر بوسا دیا اور تسلی دی
” کیا سچ میں ماما میں اس قابل ہوں کہ مجھے معاف کیا جائے ۔۔۔۔۔۔ ؟؟؟؟ “
وہ خود بھی نہیں جان پایا کہ یہ سوال اس نے ان سے کیا ہے یا اپنےآپ سے ۔۔۔۔۔۔۔
جبکہ زامن کی بات پر وہ تڑپ گئیں
” تم اس رحیم کے در پر جا کر تو دیکھو ۔۔۔۔۔۔ یہ آنسو اس کےدر پر بہا کر تو دیکھو ۔۔۔۔۔۔۔۔۔ “
وہ ایک امید سے بولیں تھیں
Like nd comments☺