No Download Link
Rate this Novel
Episode 26
❤ ستمگر سے ہمسفر ❤
از فاطمہ
26 قسط
وہ جب حورین کو تڑپتا سسکتا چھوڑ کر حویلی سے نکلا تو اس وقت پوری طرح اجالا ہو چکا تھا
گاڑی ڈرائیور کرتے ہوئے بھی گزشتہ رات کے مناظر بار بار اس کی آنکھوں کے سامنے آ رہے تھے
ہر بار کی طرح گزشتہ رات کو بھی اس نے حورین کو پہلے سے زیادہ اذیت دی تھی
وہ نہ اس پر ہاتھ اٹھانا چاہتا تھا اور نہ کوئی اذیت دینا چاہتا تھا اسے۔۔۔۔۔۔۔۔۔۔
لیکن حورین کی باتوں نے اس کے غصے اور جنون کو ہوا دی تھی
ابھی بھی وہ اسے اسی طرح اذیت میں چھوڑ کر حویلی سے چلا گیا تھا
لیکن اس دفعہ وہ خود بھی اذیت سے گزر رہا تھا
بار بار اس کا دھیان حورین کی طرف جا رہا تھا اور اسے پچھتاوا ہو رہا تھا
وہ سمجھ سکتا تھا حورین اس وقت کس ذہنی اذیت سے گزر رہی تھی اسی لیے اتنا کچھ بول گئی تھی
اسے سمجھنے کے بجائے وہ غصے سے پاگل ہو گیا اور پھر سے وحشی بن گیا تھا
اس کی گاڑی کا رخ شہر سے باہر تھا لیکن اس کا موبائل مسلسل بج رہا تھا
لیکن اس نے آخر تنگ آکر موبائل ہی آف کر دیا
زامن اس دن کا گیا چار دن بعد حویلی واپس آیا تھا
لیکن یہاں پہنچ کر اسے جو خبر ملی تھی اس کے اب اس کا رخ اپنی ماں کے کمرے کی طرف تھا
اسے کسی صورت یہ بات چین نہیں دے رہی تھی کہ حورین حویلی میں موجود نہیں ہے
” ماما آپ نے حورین کو میری اجازت کے بغیر کیسے کہیں بھیج دیا ۔۔۔۔۔۔۔”
ان سے مل کر اس نے پہلا سوال یہی پوچھا
” پہلی بات ۔۔۔۔۔۔ ماں میں تمہاری ہوں ۔۔۔۔ تم میرے باپ نہیں ہو اس لیے میں تمہارے آگے جواب دہ نہیں ہوں ۔۔۔۔۔۔ اور دوسری بات ۔۔۔۔۔۔ وہ اپنے ماں باپ کے گھر گئی ہے ۔۔۔۔۔۔ اسی لیے اتنا شور مچانے کی ضرورت نہیں ہے ۔۔۔۔۔۔۔۔”
پاکیزہ نے ایک نظر بھی زامن کو دیکھنا گوارا نہ کیا تھا اور ہاتھوں میں پکڑی تسبیح کو چوم کر سائیڈ ٹیبل پر رکھتی وہ بولیں تھیں
جبکہ اپنی شفیق ماں کا یہ لہجہ اسے ڈرا گیا تھا
” ماما میں تو بس پوچھ ر ۔۔۔۔۔۔۔۔ “
وہ ابھی بات کر ہی رہا تھا کہ پاکیزہ شاہ نے اسے ہاتھ کے اشارے سے کچھ بھی کہنے سے روکا
” اس معصوم پر ابھی کوئی اور ظلم کرنا ہے تمہیں ۔۔۔۔۔۔۔ جو اتنے بے چین ہو رہے ہو ۔۔۔۔۔۔۔ “
پاکیزہ شاہ کی بات پر زامن کا رنگ فق سے اڑ گیا
اپنی ماں کے اس انداز سے وہ باخوبی اندازہ لگا سکتا تھا کہ ان کو سب پتہ چل چکا ہے
حورین یہ تم نے ٹھیک نہیں کیا ۔۔۔۔۔۔ تمہیں ماما کو کچھ بھی نہیں بتانا چاہیے تھا
اسے بے اختیار حورین پر غصہ آیا تھا
” ماما ۔۔۔۔”
” مت کہو زامن مجھے ماں ۔۔۔۔۔۔۔۔ تم نے میرا مان توڑ دیا ۔۔۔۔۔۔ وہ مان جو مجھے میرے بیٹے پر تھا ۔۔۔۔۔۔
وہ یقین جو مجھے اپنی تربیت پر تھا ۔۔۔۔۔ شرمندہ کر دیا تم نے مجھے حورین کے سامنے ۔۔۔۔۔۔ آنکھیں ملانے کے قابل نہیں چھوڑا تم نے مجھے ۔۔۔۔۔۔ کیوں زامن کیوں کیا اتنے سنگدل اتنے ظالم بن گئے تم ۔۔۔۔۔۔ “
ان کی آواز ان کا ٹوٹا ہوا لہجہ زامن کو زمین میں گاڑ رہا تھا
وہ سر جھکائے ان کے سامنے بیٹھا تھا
لیکن اس دفعہ اس کا سر احترام میں نہیں بلکہ شرمندگی سے جھکا تھا
” انتقام لینے میں اتنے اندھے ہو گئے تھے تم ۔۔۔۔۔ اس بات تک کو فراموش کر بیٹھے کہ جسے اپنے انتقام کی آگ میں جلا رہے ہو وہ بھی بیہ کی طرح بے قصور ہے ۔۔۔۔۔۔
اگر خدا حساب لینے پر آیا تو کیسے بچو گے ۔۔۔۔۔ “
” اتنے سب کے بعد تم سے امید تو نہیں کرنی چاہیے لیکن پھر بھی کہوں گی ۔۔۔۔۔۔ حورین کو فلحال اس کے حال پر چھوڑ دو ۔۔۔۔۔۔ رہنے دو اسے کچھ دن یہاں سے دور ۔۔۔۔۔۔”
” لیکن ماما ۔۔۔۔۔ “
” یہ دیکھو بندھے ہوئے ہاتھ میرے ۔۔۔۔۔۔ بخش دو اس بچی کو ۔۔۔۔۔ مت اور گناہ کماؤ ۔۔۔۔۔۔ “
اس سے پہلے زامن کچھ کہتا پاکیزہ شاہ نے اس کے آگے ہاتھ جوڑ دیے
” پلیز ماما ۔۔۔۔۔۔”
ان کے ہاتھوں کو تھام کر زامن نے دکھ سے پکارا
” ہمارے معاشرے میں ہر روز ہزاروں لڑکیوں کی زندگی کے ساتھ کھیلا جاتا ہے ۔۔۔۔۔۔۔
روز کتنی ہی لڑکیاں حوس کا نشانہ بنتی ہیں ۔۔۔۔۔۔۔
کئی ایسی ہیں جن کے ساتھ جسمانی تشدد ہوتا ہے ۔۔۔۔۔۔۔
کئی شوہروں کی بے وفائی برداشت کر رہیں ہیں ۔۔۔۔۔۔۔
کئی اپنے شوہروں کی مار پیٹ سہہ رہی ہیں ۔۔۔۔۔۔۔
لیکن پھر بھی سب ویسے ہی چلتا رہتا ہے کسی کو کوئی فرق نہیں پڑتا ۔۔۔۔۔۔۔
نہ کچھ بدلا ہے کبھی ۔۔۔۔۔۔۔۔۔۔ زندگی اپنے معمول کے مطابق چلتی رہتی ہے
کیونکہ ہمارے معاشرے میں عورت کے ساتھ ظلم ایک عام سی بات ہے ۔۔۔۔۔۔۔ ایک معمولی سا فعل سمجھا جاتا ہے
“زامن شاہ تم نے مجھے برباد کر دیا ۔۔۔۔۔۔۔۔ مجھ سے میرا سب کچھ چھین لیا تم نے ۔۔۔۔۔۔۔
میرے خواب ۔۔۔۔۔۔۔ میری خوشیاں ۔۔۔۔۔۔۔۔ میری معصومیت ۔۔۔۔۔۔۔۔ میری ماں ۔۔۔۔۔۔۔۔۔۔
مم میرا بچہ بھی ۔۔۔۔۔۔۔۔ سب کچھ زامن شاہ ۔۔۔۔۔۔۔۔۔۔۔ سب کچھ چھین لیا تم نے ۔۔۔۔۔۔۔
مار دیا مجھے تم نے ۔۔۔۔۔۔۔۔ مار دیا زامن ۔۔۔۔۔۔۔
میرا دل کر رہا ہے کہ ۔۔۔۔۔۔۔۔۔۔۔۔ کوئی میرے جسم کے چھوٹے چھوٹے ٹکڑے کر دے ۔۔۔۔۔۔۔۔۔ لیکن میری موت پھر بھی واقع نہ ہو ۔۔۔۔۔۔۔۔۔۔۔
اور میں اس اذیت کو محسوس کرتی رہوں ۔۔۔۔۔۔۔۔ کیوں کہ میں تم سے محبت کرنے کی خود کو سزا دینا چاہتی ہوں ۔۔۔۔۔۔۔۔۔۔
کیوں کہ تم سے محبت میرا سب سے بڑا جرم تھا ۔۔۔۔۔۔۔
ﻣﯿﮟ ﻧﮯ ﺗﻢ ﺳﮯ ﺍﺗﻨﯽ ﻣﺤﺒﺖ ﮐﯽ ﮨﮯ ﮐﮧ ﻣﺠﮭﮯ ﺧﻮﺩ ﺳﮯ ﻧﻔﺮﺕ ﮨﻮﻧﮯ ﻟﮕﯽ ﮨﮯ زامن شاہ ۔۔۔۔۔۔۔
میں اتنی بے بس ہوں کہ تمہارے لیے بد دعا بھی نہیں کر سکتی ۔۔۔۔۔۔۔۔۔
لیکن ۔۔۔۔۔۔۔
جس دن تمہارے نام سے میری آنکھوں سے آنسو بہنا بند ہو گئے اس دن معاف بھی کر دوں گی تمہیں ۔۔۔۔۔۔۔۔
لیکن میں تمہیں زندگی میں اب کبھی نہیں دیکھنا چاہتی ۔۔۔۔۔۔
دعا ہے خدا سے کہ اب ہمارا کبھی سامنا نہ ہو ۔۔۔۔۔۔۔۔۔ “
وہ اور رامین ائیر پورٹ پہنچ چکیں تھیں
کچھ ہی دیر میں ان کی فلائٹ تھی ۔۔۔۔۔۔۔ وہ بہت دور جا رہی تھی ۔۔۔۔۔۔ زامن شاہ سے ۔۔۔۔۔۔ اس کے ظلموں سے ۔۔۔۔۔
” جب ماما نے تجھے بلایا تھا اس وقت مجھے نہیں بتا سکتا تھا تو ۔۔۔۔۔۔۔”
تھانے پہنچ کر سب سے پہلے اس نے علی کو اپنے آفس میں بلایا تھا
” کیا مطلب ۔۔۔۔۔۔ زامن صاحب ۔۔۔۔۔۔ ذرا اپنا موبائل چیک کریں ۔۔۔۔۔۔۔ کوئی ہزار بار کال کی تھی میں نے آپ کو ۔۔۔۔۔۔
لیکن تم کب کسی کو خاطر میں لاتے ہو بس اپنی مرضی کرتے ہو اب پانچ دن بعد تشریف لا رہے ہو ۔۔۔۔۔۔۔
لیکن کوئی پریشانی نہیں چہرے پر اگر یہی حرکت ہم میں سے کوئی کرتا بتائے بغیر چھٹی پر رہتے تو اس وقت یہاں نظر نہ آ رہے ہوتے لیکن نہیں بھئی آپ تو ایس پی زامن شاہ ہو اور ڈی ایس پی سر کے بھی فیورٹ ۔۔۔۔۔۔ “
” اچھا اچھا ۔۔۔۔۔۔۔ ختم کر اس بات کو ۔۔۔۔۔۔ اور ایک کام کر سلمان کے گھر پر نظر رکھ ۔۔۔۔۔۔ کون آ رہا ہے کون جا رہا ہے ۔۔۔۔ گھر کے اندر کیا ہو رہا ہے سب پتہ لگا ۔۔۔۔۔ “
زامن نے علی کو مزید کچھ کہنے سے روکا اور گویا ہوا
” زامن پلیز یار بس کر جا اب ۔۔۔۔۔۔ چھوڑ دے سلمان کا پیچھا اب ۔۔۔۔۔۔
بھابھی کے ساتھ اپنے رشتے کو وقت دے ۔۔۔۔۔
پتہ ہے مجھے اتنا شوق تھا بھابھی سے ملنے کا لیکن ان کو دیکھ کر دکھ ہوا مجھے ۔۔۔۔۔۔۔ شوہر اور باپ کے بیچ پس وہ رہیں ہیں
بے چاری سہمی ہوئی تھی اس دن ۔۔۔۔۔۔
رحم کر ان پر ۔۔۔۔۔۔”
علی کی آنکھوں کے سامنے حورین کا سہما ہوا چہرہ آیا تھا
” اچھا یار چھوڑ اسے جو کہا ہے بس وہ کر ۔۔۔۔۔۔ “
حورین کے ذکر پر زامن بے چین ہوا تھا
اور اس کی یہ بے چینی علی کی آنکھوں سے چھپ نہ سکی
Like nd comments