No Download Link
Rate this Novel
Episode 19
❤ ستمگر سے ہمسفر ❤
از فاطمہ
19 قسط
زامن کسی کام سے باہر گیا ہوا تھا
حورین نے مغرب کی نماز ادا کی اور اٹھ کر بیڈ کی ایک جانب آکر لیٹ گئی اور غیر مرئی نقطے کو تکتی اپنی سوچوں میں گم ہو گئی
کتنا کچھ بدل گیا تھا اس کی زندگی میں ۔۔۔۔۔۔۔
وہ تو اپنی زندگی میں اپنی پڑھائی میں مگن رہتی تھی
زامن کی وجہ سے اس کی پڑھائی بھی چھوٹ گئی تھی کیا کیا خواب نہیں تھے اس کے ۔۔۔۔۔۔
وہ اپنے ماں باپ سے ملنے کے لیے تڑپتی رہتی تھی لیکن زامن سے کہنے کی ہمت نہیں رکھتی تھی
سب سے بڑی تبدیلی جو اب آئی تھی اس کی زندگی میں وہ یہ خبر تھی کہ وہ پریگننٹ ہے
اس خبر سے اسے یہ امید تھی کہ زامن کا رویہ اب بدل جائے گا لیکن ایسا نہ ہوا
زامن ابھی بھی اس سے نفرت کرتا تھا اسے اذیت دیتا تھا
اس کی نظر میں اس کی کوئی اوقات نہیں تھیں
زامن کے لیے صرف اس کا بچہ اہم تھا
ابھی وہ اپنی سوچوں میں گم تھی کہ سائیڈ ٹیبل پر رکھا ہوا زامن کا سیل فون بجنے لگا
” لگتا ہے فون یہیں بھول گئے ۔۔۔۔۔۔۔”
حورین نے ٹیبل پر رکھا فون دیکھ کر خود سے کہا
دو تین بیلز کے بعد فون بجنا بند ہو گیا
لیکن یکدم حورین کے دماغ میں ایک سوچ آئی اور کچھ سوچتے ہوئے اس نے زامن جا سیل فون اٹھایا
” گھر فون کرتی ہوں ماما اور رامین سے بات کرنے کا بہت دل چاہ رہا ہے ۔۔۔۔۔۔۔۔ پتہ نہیں کیسے ہونگے سب ۔۔۔۔۔۔
نہیں نہیں ۔۔۔۔۔۔۔ اگر زامن کو پتہ چل گیا تو وہ تو مجھے بہت ماریں گے ۔۔۔۔۔۔۔
ہاں نہیں کرتی فون ۔۔۔۔۔۔ “
زامن کے غصے کو وہ بہت اچھی طرح جانتی تھی زامن کبھی غلطی معاف نہیں کرتا تھا
اداسی سے سوچتے ہوئے اس نے موبائل سائیڈ ٹیبل پر رکھ دیا
” نہیں ۔۔۔۔۔ بات کر کے ہسٹری ڈیلیٹ کردوں گی ۔۔۔۔۔۔ پھر تو ان کو پتہ نہیں چلے گا ۔۔۔۔۔۔۔ ہاں پھر پھر یہ موقع ملے یا نہ ملے ۔۔۔۔۔۔۔۔”
پھر ایک امید سے اس نے زامن کا سیل فون اٹھایا لیکن زامن کے فون پر پاسورڈ لگا ہوا تھا
اداسی سے اس نے موبائل رکھ دیا اور اٹھ کر نیچے چلی گئی
لیکن بار بار اس کا دھیان لین لائن فون کی طرف جا رہا تھا
زامن ابھی تک نہیں آیا تھا
اماں بھی پاکیزہ ماما کے روم میں تھیں
حورین نے کچھ ہمت کر کے صوفے کے پاس رکھا ہوا فون پر گھر کا نمبر ملایا اور کان سے لگایا
دل اس کا دھک دھک کر رہا تھا
سرد موسم میں بھی اسے پسینے آ رہے تھے
“اگر زامن کو پتہ چل گیا تو ۔۔۔۔۔۔۔ “
اس سے آگے اس کی سوچ جانے سے انکاری تھی
” ہیلو ۔۔۔۔۔۔۔۔۔ “
سمعیہ بیگم کی آواز سن کر حورین کی آنکھیں بھیگ گئیں
” ہیلو ۔۔۔۔۔”
سمعیہ بیگم کی پھر سے آواز ابھری
” ماما ۔۔۔۔۔۔ “
اس سے زیادہ حورین سے نہ بولا گیا اور وہ پھوٹ پھوٹ کر رونے لگی
” حورین میری جان ۔۔۔۔۔۔ میرا بچہ ۔۔۔۔۔ “
سمعیہ بیگم بھی اتنے دنوں بعد حورین کی آواز سن کر رونے لگیں
” مممم ماما ۔۔۔۔۔ “
اس وقت حورین خود کو بہت بے بس محسوس کررہی تھی
وہ اپنی ماں کے گلے لگنا چاہتی تھی
لیکن بہت مجبور تھی
” نہیں حورین ۔۔۔۔۔ نہیں میرا بچہ ۔۔۔۔۔۔ مت رو میری جان ۔۔۔۔۔۔۔۔ کیسی ہے میری بیٹی ۔۔۔۔۔۔”
سمعیہ بیگم حورین کے رونے سے تڑپ گئیں تھیں
” ماما آپ کیسی ہیں ۔۔۔۔۔۔ آپ ٹھیک ہیں نا ۔۔۔۔؟ پاپا کیسے ہیں ۔۔۔۔۔؟ ۔۔۔۔۔ اور رامین ۔۔۔۔۔ رامین کیسی ہے ماما ۔۔۔۔۔؟ ۔۔”
حورین روتے ہوئے ان سے پوچھ رہی تھی
” سب ٹھیک ہیں بیٹا ۔۔۔۔۔۔ تم بتاؤ ۔۔۔۔۔۔ تم کیسی ہو ۔۔۔؟ ۔۔۔۔۔ زامن کا رویہ کیسا ہے تمہارے ساتھ ۔۔؟۔۔۔۔۔۔ حورین بیٹا تم ٹھیک ہو نا ۔۔۔۔۔؟ ۔۔۔۔۔۔”
ابھی اس سے پہلے کہ حورین کوئی جواب دیتی زامن نے اسے بازو سے پکڑ کر اس کا رخ اپنی طرف کیا اور زوردار تھپڑ حورین کو مارا
تھپڑ اتنا زور سے مارا گیا تھا کہ حورین کے ہونٹ سے خون بہنے لگا اور وہ فرش پر جا گری
پھر زامن نے فون اٹھا کر پوری قوت سے فرش پر دے مارا جس کی وجہ سے اس کے ٹکڑے ٹکڑے ہو گئے
خوف کی وجہ سے حورین تھرتھرکانپنے لگی یہاں تک کہ اس کے آنسو خشک ہو گئے اور آنکھیں خوف کی وجہ سے پھیلی ہوئی تھیں
حورین کو فون پر بات کرتے دیکھ کر زامن کو شدید غصہ آیا تھا
زامن کا چہرہ بےحد سرخ تھا
اس کی آنکھیں انگارے برسا رہیں تھیں
” یہ کیا حرکت تھی حورین ۔؟۔۔۔۔۔۔۔”
وہ اپنا غصہ دبانے کی بےحد کوشش کررہا تھا لیکن حورین انجانے میں اس کے اندر کا حیوان جگا چکی تھی
” پپ پلیز ۔۔۔۔۔۔ معاف کردیں ۔۔۔۔۔۔ ممم میں ۔۔۔۔ ممم ماما سے ببب بات ۔۔۔۔۔۔۔ ممم مجھے ۔۔۔۔۔۔ بب بہت ۔۔۔۔۔۔ یاد آ رہی تھی پلیز ممم معاف ۔۔۔۔ کر دیں ۔۔۔۔۔۔۔۔ “
اس وقت حورین بہت ڈر گئی تھی اور باقاعدہ زامن کے آگے اپنے ہاتھ جوڑ جر معافی مانگنے لگی
” ننن نہیں ۔۔۔۔۔ پلیز ۔۔۔۔۔۔ زامن پپ پلیز معاف کردیں ۔۔۔۔۔۔ آئیندہ کک کبھی نہیں ہو گا ایسا ۔۔۔۔۔۔۔ پلیز مممعاف کر دیں۔۔۔۔۔۔۔۔۔ “
حورین روتی ہوئی زامن سے فریاد کر رہی تھی لیکن زامن پر اس کی کسی بات کا اثر نہیں ہو رہا تھا
اس نے حورین کو بازو سے پکڑا اور گھسیٹتے ہوئے زینے چڑھنے لگا
شور سن کر اماں باہر نکلی جو کہ پاکیزہ شاہ کو دوائی دے رہیں تھیں
لاؤنج کا منظر دیکھ کر اماں حیران رہ گئیں
ایک طرف فرش پر فون کے ٹکڑے پڑے تھے
اور زامن حورین کو گھسیٹتے ہوئے لے جا رہا تھا جبکہ حورین خود کو زامن کی گرفت سے چھڑانے کی ناکام کوشش کر رہی تھی اور
روتی سسکتی معافیاں مانگ رہی تھی
لیکن زامن پر جنون سوار ہو گیا تھا وہ اسے گھسیٹتے ہوئے کمرے میں لے گیا
” یا اللہ رحم کر اس بے قصور پر ۔۔۔۔۔۔۔
ہائے کیا کروں ۔۔۔۔ شاہ جی تو بہت غصے میں ہیں ۔۔۔۔۔۔ ہم دعا کے سوا کیا کر سکتے ہیں ۔۔۔۔۔۔۔۔ خدا رحم کر اس معصوم پر ۔۔۔۔۔۔۔ “
اماں دعا کرتی ہوئیں پاکیزہ کے کمرے میں چلی گئیں
Like nd comments☺