Tera Ishq Jaan Lewa By Amreen Riaz Readelle50262 Tera Ishq Jaan Lewa (Episode 18)

Tera Ishq Jaan Lewa By Amreen Riaz

برزل لاؤنج میں لیپ ٹاپ پر ہی کچھ کام کر رہا تھا جب اس نے سلیمان کو لاونج کے دروازے سے اندر داخل ہوتے دیکھا۔

“آ گئے تم۔۔۔۔۔۔۔۔۔۔۔۔”برزل نے لیپ ٹاپ ایک طرف رکھ دیا۔

“جی۔۔۔۔۔۔۔۔۔۔۔۔”وہ اس کے پاس بیٹھنے کی بجائے کھڑا رہا تھا۔

“بہت دیر لگا دی تم نے،جبکہ حارث نے تو دو گھنٹے قبل ہی تمہیں فری کر دیا تھا۔۔۔۔۔۔۔۔۔۔۔۔۔۔۔۔”

“ہاں ایک کام یاد آ گیا تھا۔۔۔۔۔۔۔۔۔۔۔۔۔”سلیمان نے پورے اعتماد سے جواب دیا تو برزل نے سر ہلایا۔

“میں دو دنوں کے لیے حیدر اور فاریسہ کو آنسہ پھوپھو کے پاس دبئی بھیج رہا ہوں،تا کہ فاریسہ زرا اپنے بابا کے غم سے دھیان ادھر ادھر بٹا سکے اور حیدر بھی جانا چاہ رہا تھا تو تم دیکھ لو اس کے پاسپورٹ اور ٹکٹس وغیرہ۔۔۔۔۔۔۔۔۔۔۔۔۔۔”سلیمان اسکی بات پر کچھ حیران ہوا تھا مگر ظاہر نہیں کیا تھا شاید ان کے جانے کا مقصد اسکی سمجھ میں نہیں آیا تھا۔

“جی بھائی میں ایک دو دن میں کر دیتا ہوں۔۔۔۔۔۔۔۔۔۔۔۔۔۔”

“اوکے گڈ۔۔۔۔۔۔۔۔۔۔۔۔۔۔”برزل نے پھر سے لیپ ٹاپ اپنی گود میں رکھ لیا تو سلیمان بھی سر جھٹک کر اپنے کمرے میں چلا آیا۔

“یہ فیصلہ کیونکر ہوا۔۔۔۔۔۔۔۔۔۔۔۔”وہ اسی سوچ میں غلطاں تھا جب حیدر کو اپنے کمرے میں آتا دیکھ کر وہ اسکی طرف متوجہ ہوا۔

“بھائی آپ فری ہیں نہ۔۔۔۔۔۔۔۔۔۔۔۔۔”حیدر نے احتیتاطً پوچھا۔

“ہاں بلکل تم آؤ نہ۔۔۔۔۔۔۔۔۔۔۔۔۔۔۔۔۔”

“یہ آپ اتنا تیار شیار ہو کر کس خاتون سے ملنے گئے تھے۔۔۔۔۔۔۔۔۔۔۔۔۔۔۔”حیدر کو تب کہ یہی مڑوڑ اٹھ رہے تھے۔

“خاتون سے کیونکر ملونگا میں۔۔۔۔۔۔۔۔۔۔۔۔۔”سلیمان نے کندھے اچکائے۔

“کیوں ملا جاتا کسی خاتون سے،ارے بھائی کوئی عشق وشق کے لیے ہی نہ تو۔۔۔۔۔۔۔۔۔۔۔۔”

“عشق وشق وہ بھی ہماری کیٹگری میں بلکل نہیں لڑکے۔۔۔۔۔۔۔۔۔۔”سلیمان کی بات پر حیدر کی آنکھوں کے سامنے ہانیہ کا چہرہ لہرایا۔

“مگر محبت ہونے کو ہو جاتی ہے،اس میں کسی کیٹگری کے ہونے نہ ہونے سے کوئی فرق نہیں پڑتا بھائی۔۔۔۔۔۔۔۔۔۔۔۔۔”

“خیر ہے چھوٹے،تم تو نہیں اس چکر میں پڑ گئے۔۔۔۔۔۔۔۔۔۔۔۔۔۔”سلیمان نے سر سے پاؤں تک اسے معنی خیزی سے دیکھا تھا حیدر سر کھجانے لگا۔

“ابھی کہاں بھائی،ابھی تو شروعات کی تھی مگر برزل بھائی نے پلین ہی چوپٹ کر دیا۔۔۔۔۔۔۔۔۔۔۔۔”حیدر نے منہ بسورا۔

“کیوں۔۔۔۔۔۔۔۔۔۔۔۔۔”سلیمان اسے بیٹھنے کا اشارہ کر کے خود بھی ایک طرف ٹک گیا۔

“آپکو نہیں پتہ کہ بھائی ہمیں دبئی بھیج رہے ہیں کچھ دنوں کے لیے۔۔۔۔۔۔۔۔۔۔۔”

“ہاں تو تم خود ہی ایکسائیٹڈ تھے وہاں جانے کے لیے۔۔۔۔۔۔۔۔۔۔۔۔۔”

“وہ تو پہلے تھا نہ،اب تو زبردستی بھیج رہے ہیں بھائی مجھے،میں نے کیا کہ بھابھی کو بھیج دیں پر نہیں وہ مجھے بھی ساتھ ہی جانے کو کہہ رہے۔۔۔۔۔۔۔۔۔۔۔۔”حیدر جسے ہانیہ سے ملنا تھا اتنا اس نے پلان کیا ہوا تھا اب وہ کڑھ رہا تھا۔

“ابھی تو میری لو اسٹوری پہلی قسط پر تھی کہ بھائی نے ایک لمبا گیپ دے دیا۔۔۔۔۔۔۔۔۔۔۔۔۔”وہ اپنا ہی رونا رو رہا تھا اس کے برعکس سلیمان کچھ اور سوچ رہا تھا۔

“برزل بھائی تو کہہ رہے تھے کہ حیدر خود جانا چاہتا ہے۔۔۔۔۔۔۔۔۔۔۔۔”

“ارے میں ایسا کیوں چاہونگا،اس لیے تو آپ کے پاس آیا ہوں کہ آپ بھائی سے سفارش کریں نہ میری،یا ایک ہفتے کی مہلت دے دیں،میرا زرا بھی دل نہیں جانے کا۔۔۔۔۔۔۔۔۔۔۔۔۔”

“اوکے میں بات کرونگا،تم فکر نہ کرو۔۔۔۔۔۔۔۔۔۔۔۔۔۔”

“ہائے شکریہ مائے ہینڈسم برو۔۔۔۔۔۔۔۔۔۔۔۔۔”حیدر مکھن لگانے میں تو ماہر تھا سلیمان نے مسکراتے ہوئے اس کے بال بگاڑے۔

حیدر کے جانے کے بعد وہ مسلسل کچھ سوچتا رہا پھر جیسے اسکی آنکھیں چمکیں تھیں اور وہ عجلت میں کمرے سے باہر نکلا تھا۔

!_______________________!

برزل دیکھ رہا تھا کہ وہ جب سے اعوان ہاوس سے واپس آئی تھی کچھ گم صم اور بجھی بجھی سی تھی وہ آج اپنے سارے ضروری کاموں کو لات مارتا آج کا دن اس کے ساتھ بتانے والا تھا۔

“کیا سوچا جا رہا ہے۔۔۔۔۔۔۔۔۔۔۔”وہ اس کے ساتھ بیڈ پر ہی ٹک گیا۔

“کچھ بھی نہیں۔۔۔۔۔۔۔۔۔۔۔”فاریسہ نے دیکھا وہ انہی کپڑوں میں ملبوس تھا جو اس نے جاگنگ کے لیے پہنے ہوئے تھے۔

“آپ آفس نہیں جائیں گئے آج۔۔۔۔۔۔۔۔۔۔۔۔”وہ ٹائم دیکھنے لگی جہاں گھڑی نو کے ہندسے کو پار کرنے والی تھی۔

“اُداس بیوی کو چھوڑ کر کون احمق آفس جائے گا۔۔۔۔۔۔۔۔۔۔۔۔”

“آپ۔۔۔۔۔۔۔۔۔۔۔۔۔۔۔۔۔”وہ بے ارادہ ہی اس کے لبوں سے نکلا تھا اور برزل اچھل کر اسکی طرف پلٹا تھا۔

“کیا کہا۔۔۔۔۔۔۔۔۔۔”

“وہ میرا مطلب تھا کہ آپ کو کیوں لگا کہ میں اُداس ہوں۔۔۔۔۔۔۔۔۔۔۔۔”وہ گڑبڑا کر صفائی دینے لگی پھر بے ساختہ اسکا ہاتھ پکڑ گئی۔

“میرا وہ مطلب نہیں تھا میں تو بس۔۔۔۔۔۔۔۔۔۔۔”

“اس ادا پر تو سات خون بھی معاف کیے جا سکتے ہیں۔۔۔۔۔۔۔۔۔۔۔۔۔”اسکا اشارہ اس کے ہاتھ پکڑنے پر تھا جس پر وہ خجل ہوتی ہاتھ چھوڑ گئی مگر برزل نے اسی ہاتھ سے اسکا ہاتھ تھام کر لبوں سے لگایا تھا۔

“تم دو دن سے چپ چپ ہو فاریسہ،تمہاری یہ خاموشی میری جان جلا رہی ہے یار۔۔۔۔۔۔۔۔۔۔۔۔۔۔”اب کہ وہ نرمی سے اس کا ہاتھ دبانے لگا تھا۔

“وہ آپ میرے کیا لگتے ہیں۔۔۔۔۔۔۔۔۔۔۔۔۔”اس کے عجیب سے سوال پر برزل کا دل چاہا ہسے مگر اس کی کیفیت کا اندازہ کرتا وہ آسانی سے جواب دے گیا۔

“تمہارا شوہر ہوں اور کیا۔۔۔۔۔۔۔۔۔۔۔۔۔”

“اس کے علاوہ۔۔۔۔۔۔۔۔۔۔۔۔”فاریسہ کے اس سوال پر جیسے وہ سارا معاملہ سمجھ گیا تھا اور یہ بھی کہ دو دنوں سے وہ اسی کشمکش میں الجھی ہوئی تھی۔

برزل بنا کچھ بولے اٹھا اور وارڈرب کے اندر بنے لاک ڈور کو کھولتا وہ ایک البم باہر نکال کر اس کے پاس چلا آیا۔

“اس میں میری مما اور پاپا کی تصویروں کے ساتھ میری بچپن کی تصویریں ہیں اور تمہارے سوال کا جواب بھی۔۔۔۔۔۔۔۔۔۔۔”فاریسہ نے البم کھولا تھا اور پہلی تصویر پر نظر پڑتے ہی اس کی آنکھیں کھلیں تھیں۔

“عائشہ پھوپھو۔۔۔۔۔۔۔۔۔۔۔۔”وہ مہ پارہ کے پاس انکی تصویریں دیکھ چکی تھی کیونکہ دونوں کزنز اور بیسٹ فرینڈ بھی تھیں۔

“میں تمہاری عائشہ پھوپھو کا بیٹا ہی ہوں اور تمہارا شوہر بھی اور کزن بھی لگتا ہوں۔۔۔۔۔۔۔۔۔۔۔۔۔”

“مما نے بتایا تھا،مجھے لگا انکو غلط فہمی ہو رہی ہیں کیونکہ آپ نے مجھے نہیں بتایا نہ پاپا کو،ورنہ وہ آپ سے کبھی نہ لڑتے۔۔۔۔۔۔۔۔۔۔۔۔”فاریسہ کی بات پر اپنے سرد تاثرات کو بخوبی چھپا گیا جو نازر اعوان کے زکر پر نمودار ہوئے تھے۔

“تمہیں بتانا چاہتا تھا مگر کچھ حالات ایسے رہے کہ بتا نہیں سکا کیونکہ مجھے بھی یہ حقیقت شادی کے بعد پتہ چلی تھی کہ جسے میں دل دیئے بیٹھا ہوں اس کے ساتھ میرے دو دو رشتے ہیں۔۔۔۔۔۔۔۔۔۔۔۔”برزل نرمی سے مسکراتا بولا جو مسکرا کر تصوریں دیکھ رہی تھی برزل کی بچپن کی تصویروں پر وہ خوب ہنسی تھی کیونکہ عائشہ اور ابراہیم نے برزل کی ہر شرارت کو کیمرے میں مقید کیا ہوا تھا جیسے انکو پتہ تھا کہ وہ اسکا بس بچپن ہی دیکھ سکیں گئے۔

“آپ کے پاپا بلکل آپ جیسے ہیں۔۔۔۔۔۔۔۔۔۔۔۔۔”عائشہ اور ابراہیم کی مری کے اسی کاٹیج کی تصویر تھی جہاں یہ رہ کر آئے تھے۔

“میں بلکل اپنے پاپا جیسا ہوں،اس لیے تو بہت خوبصورت ہوں۔۔۔۔۔۔۔۔۔۔۔۔۔”برزل نے اسکا جملہ درست کرتے ہوئے شوخی سے کہا۔

“یہ کس نے کہا۔۔۔۔۔۔۔۔۔۔۔”وہ بھی شرارت کے موڈ میں آئی تھی اور برزل کو یہ چیز خوش آئند لگی تھی۔

“تمہاری ان خوبصورت آنکھوں نے۔۔۔۔۔۔۔۔۔۔۔۔۔۔”برزل اسکی دونوں آنکھوں پر باری باری جھکا تھا۔

“آنکھیں بھلا بولتی ہیں کیا۔۔۔۔۔۔۔۔۔۔۔۔”وہ اس سے پرے ہونے لگی مگر یہ کوشش ناکام کر دی گئی۔

“بہت ساری باتیں آنکھوں سے ہی تو شروع ہوتی ہیں جیسے کہ میری آنکھیں اب بول رہی ہیں کہ مسز برزل کو قریب سے قریب تر کیا جائے۔۔۔۔۔۔۔۔۔۔۔۔”گھمبیر لہجے میں بولتا وہ اسے سچ مچ میں سٹپٹانے پر مجبور کر گیا فاریسہ اسکی نگاہوں کی معنی خیزی سے خود میں سمٹنے لگی۔

“تم اب بہکا رہی ہو۔۔۔۔۔۔۔۔۔۔۔۔”برزل نے اسکے ڈوپٹے کو اپنے ہاتھ میں لیتے اسے دیکھا۔

“نہیں تو،میں تو مس زونا کے پاس جا رہی ہوں۔۔۔۔۔۔۔۔۔۔۔۔۔۔”اسکے اشارے کرتی نگاہوں سے نظریں چراتی وہ ڈوپٹہ اس کے ہاتھ میں ہی چھوڑے اٹھ کھڑی ہوئی اور اس سے پہلے کہ وہ کمرے سے باہر جاتی برزل نے بری پھرتی سے اسے اپنے قابو کیا تھا۔

“مس زونا سے زیادہ اس وقت تمہارے شوہر کو تمہاری ضرورت ہے۔۔۔۔۔۔۔۔۔۔۔۔”وہ ایک پاؤں کی مدد سے دروازہ بند کرتا اب بیڈ کی طرف آ رہا تھا۔

“وہ حیدر بھائی نے۔۔۔۔۔۔۔۔۔۔۔۔”

“حیدر نامعہ سننے کا زرا موڈ نہیں اور جو موڈ بن رہا ہے تم اس پر فوکس نہیں کر رہی۔۔۔۔۔۔۔۔۔۔۔”برزل نے فاریسہ کو بیڈ پر دھکیلا تھا۔

“آفس سے چھٹی کا کچھ تو مداوا بنتا ہے نہ مسز۔۔۔۔۔۔۔۔۔۔۔۔۔۔۔”اس کے چہرے پر جھکتا وہ اس کے پوش اڑانے لگا تھا جو اسکی گرفت میں پھڑپھڑا کر رہ گئی پھر اسکی شدتوں کے آگے بے بس ہوتی اسکے سینے میں ہی سر چھپانے کو مجبور ہو گئی۔

!_____________________________!

برزل کے کہے کے مطابق کل رات کی اسکی اور فاریسہ کی فلائٹ تھی وہ برزل کے آگے چپ ہو گیا تھا مگر فاریسہ کو اس نے اپنے ساتھ ملانے کی کوشش ضرور کی تھی۔

“آپکو پتہ بھائی ہمیں کل آنسہ پھوپھو کے پاس بھیج رہے ہیں۔۔۔۔۔۔۔۔۔۔”حیدر نے زارا سے بات کرتی فاریسہ سے کہا جو کہ موبائل ایک طرف رکھ کر اسکی طرف متوجہ ہوئی۔

“ہاں انہوں نے بتایا تھا آج اور آنسہ پھوپھو نے مجھ سے بات کی تھی۔۔۔۔۔۔۔۔۔۔”

“تو کیا آپ تیار ہیں جانے کو۔۔۔۔۔۔۔۔۔۔”فاریسہ کا ریلکیس موڈ دیکھ کر وہ اچنھبے سے پوچھنے لگا۔

“ہاں کیونکہ میرا بڑا دل ہے گھومنے پھرنے کا،برزل نے بتایا کہ دبئی میں بہت اچھی اچھی جگہ ہیں۔۔۔۔۔۔۔۔”وہ ایکسائٹڈ ہوتی حیدر کے سارے ارمانوں پر پانی ڈال چکی تھی۔

“مگر بھابھی اچھی جگہیں تو پاکستان میں بھی ہیں۔۔۔۔۔۔۔۔۔۔۔۔۔۔۔”

“ہاں وہ تو ہیں مگر برزل نے کہا ہے کہ پہلے دبئی دیکھ آؤ پھر پاکستان وہ خود دکھا دیں گئے۔۔۔۔۔۔۔۔۔۔۔۔”

“اف برزل بھائی،آپ بہت تیز آدمی ہیں،مما کہاں پھنسا کر چلی گئیں آپ مجھے۔۔۔۔۔۔۔۔۔۔۔۔”وہ صوفے پر ڈھیر ہوتا کڑھنے لگا فاریسہ کچھ پریشان سی ہونے لگی۔

“کیا ہوا ہے بھائی۔۔۔۔۔۔۔۔۔۔۔”

“اس وقت اس سے یہ نہ سوال کیا جائے تو بہتر ہے،بے چارہ اپنے غم میں غرق ہے۔۔۔۔۔۔۔۔۔۔۔۔”سیڑھیاں اترتے سلیمان نے بھی جلتی میں تیل چھڑکا تھا۔

“آپ دونوں مجھ پر بہت ظلم کر رہے ہیں بھائی،میں پوری دنیا کو بتاؤنگا۔۔۔۔۔۔۔۔۔۔۔۔۔”حیدر غمگین آواز میں کہہ اٹھا۔

“دنیا کو بتا کر کس پر ظلم کرو گئے پیارے حیدر۔۔۔۔۔۔۔۔۔۔۔۔۔۔”سلیمان کے مسکراتے لہجے پر حیدر غصے سے پیر پٹختا باہر چلا گیا فاریسہ حیران پریشان سب دیکھ رہی تھی سلیمان کی طرف پلٹی جو مسکرارہا تھا۔۔

“کیا ہوا ہے انکو۔۔۔۔۔۔۔۔۔۔۔”

“اصل میں وہ ابھی دبئی نہیں جانا چاہتا،مگر برزل بھائی آپکی وجہ سے اسے بھیج رہے ہیں۔۔۔۔۔۔۔۔۔۔۔”

“اوہ اچھا۔۔۔۔۔۔۔۔۔۔۔۔۔”فاریسہ نے سر ہلایا اور برزل سے بات کرنے کے بارے میں سوچنے لگی۔

“آپکی تیاری مکمل ہے۔۔۔۔۔۔۔۔۔۔۔”

“جی۔۔۔۔۔۔۔۔۔۔۔”سلیمان کو بتا کر وہ اپنے موبائل کی طرف متوجہ ہوئی جہاں مہ پارہ بیگم کی کال تھی وہ کال یس کرتی وہاں سے چل دی۔

“کل رات نو کی فلائٹ ہے،یہ دونوں گھر سے ڈرائیور کے ساتھ ائیرپورٹ پر جائینگے،آگے اب تمہارا کام ہے شاہانہ،پرسوں ملاقات ہوگی برزل ابراییم کو ایک بڑا سپرائز دینے کے لیے۔۔۔۔۔۔۔۔۔۔۔۔۔۔۔۔”شاہانہ کے نمبر پر میسج چھوڑتا وہ بڑے کھلے انداز میں مسکرایا تھا۔

!____________________________!

رات کے کھانے پر بھی حیدر کا رونا دھونا جاری تھا کہ جب نک سک سے تیار برزل ابراہیم جو کہیں گیا ہوا تھا ڈائنگ ٹیبل کی طرف آیا تو حیدر کے لبوں کو جیسے تالا لگ گیا۔

“کیا شور مچا رہے تھے تم۔۔۔۔۔۔۔۔۔۔۔۔”کچھ بات تو برزل کے کانوں میں بھی پڑ چکی تھی اس لیے براہ راست حیدر سے پوچھا جو گڑبڑا گیا۔

“کچھ بھی تو نہیں۔۔۔۔۔۔۔۔۔۔۔۔۔”وہ فورًا سر نفی میں ہلا گیا۔

“سر آپ کیا کھائیں گئے۔۔۔۔۔۔۔۔۔۔۔”مس زونا جو ان تینوں کے آگے کھانا سرو کر چکی تھی اب برزل سے بولی۔

“آپ جائیں یہ کام آج آپکی میم کریں گی۔۔۔۔۔۔۔۔۔۔۔۔”برزل کے کہنے پر وہ سر ہلاتی چلی گئی جبکہ فاریسہ کچھ حیرت سے برزل کو دیکھنے لگی جس نے آج سے پہلے یہ فرمائش نہیں کی تھی۔

“کیا کچھ مشکل کام کہہ دیا میں نے۔۔۔۔۔۔۔۔۔۔۔۔”

“نہیں تو۔۔۔۔۔۔۔۔۔۔”وہ کہہ کر اس کی پسند کے کوفتے پلیٹ میں ڈال کر اس کے آگے رکھے اور ساتھ ایک چپاتی بھی۔

“بھائی حیدر کو بھیجنا ضروری ہے کیا۔۔۔۔۔۔۔۔۔۔”سلیمان اسکی مسکینی صورت پر بلیک میل ہوتا برزل سے بات کرنے پر مجبور ہو گیا جو کہ اب یوں معصوم بنا بیٹھا تھا جیسے بولنا آتا ہی نہ ہو۔

“سلیمان تم جانتے ہو کہ میں فاریسہ کے ساتھ اسے کیوں بھیج رہا ہوں ویسے بھی آنسہ پھوپھو کافی عرصے سے کہہ رہی ہیں کہ حیدر ملنے نہیں آ رہا،ریحان بھی بہت مس کر رہا اسے،اکلوتا دوست ہے وہ اسکا۔۔۔۔۔۔۔۔۔۔۔۔۔۔”

“ریحان خود یہاں آنا چاہتا ہے مگر۔۔۔۔۔۔۔۔۔۔۔”حیدر نے بولنا چاہا مگر برزل نے جس نگاہ سے اسے دیکھا تھا وہ وہی چپ ہو گیا تھا۔

“میں سوچ رہا کہ یہ جتنے بھی کام ہیں سب کو ختم کر کے اپنے ولیمے کی دعوت رکھوں اور آنسہ پھوپھو کی فیملی سمیت سب دوستوں کو مدعو کروں جو میرے یوں سمپل نکاح کرنے پر کافی نالاں ہیں۔۔۔۔۔۔۔۔۔۔۔۔۔”برزل نے فاریسہ کی طرف دیکھا جو اس بات پر مسکرائی تھی آخر اسے بھی دلہن بننے کا سجنے سنورنے کا اس خاص دن کا شروع سے انتظار تھا ہر لڑکی اپنے اس دن کے لیے آنکھوں میں بہت سارے سپنے سجاتی ہے وہی دن تو سب کی نظروں میں اسے اسپیشل پرسن کا ٹیگ دیتا ہے۔

“یہ تو بہت اچھی بات ہے۔۔۔۔۔۔۔۔۔۔۔۔”وہ دونوں اس بات پر خوش ہوئے تھے۔

“اس دعوت کا اسپیشل گیسٹ پتہ ہے کون ہوگا۔۔۔۔۔۔۔۔۔۔۔۔”

“آنسہ پھوپھو۔۔۔۔۔۔۔۔۔۔۔”حیدر نے گیس کرنا چاہا مگر برزل کے سر نفی میں ہلانے پر منہ لٹکا گیا۔

“فاریسہ بھابھی۔۔۔۔۔۔۔۔۔۔۔”سلیمان نے بھی کوشش کی مگر ناکام۔

“ہم تو دولہا دلہن ہونگے،ہمارے علاوہ۔۔۔۔۔۔۔۔۔۔۔۔۔۔”

“کیا نینی۔۔۔۔۔۔۔۔۔۔۔۔۔۔۔”فاریسہ کی بات پر جہاں برزل محفوظ ہوتا مسکرایا تھا وہی حیدر خوشی سے اچھلا تھا۔

“ارے میں کیوں نہیں یہ سوچ پایا،یہ تو سب سے اچھی بات ہے۔۔۔۔۔۔۔۔۔۔۔۔۔۔”

“تمہارا دماغ تو بس دبئی نہ جانے میں اٹکا ہوا ہے تم کیسے یہ سوچتے۔۔۔۔۔۔۔۔۔۔۔۔۔”برزل نے طنز کیا حیدر خفیف سا ہو گیا۔

“بھابھی تو بھائی کو اچھے سے سمجھنے لگی ہیں۔۔۔۔۔۔۔۔۔”سلیمان نے فاریسہ کی تعریف کی جس پر وہ مسکرائی تھی۔

“شی از مائے وائف سلیمان،اور شوہر کو بیوی سے زیادہ کون جان پائے گا۔۔۔۔۔۔۔۔۔۔۔۔۔”برزل نے فاریسہ کا چھوڑا ہوا پانی کا گلاس منہ سے لگا لیا۔

“یہ تو ہے۔۔۔۔۔۔۔۔۔۔۔۔۔۔”سلیمان سر ہلاگیا۔

“تمہاری تیاری ہو گئی حیدر۔۔۔۔۔۔۔۔۔۔۔۔”وہ حیدر کی طرف متوجہ ہوا۔

“جی بھائی۔۔۔۔۔۔۔۔۔۔”

“مجھے کل صبح ہی کسی ضروری کام سے اسلام آباد جانا ہے،تم دونوں کو امجد سی آف کرنے جائے گا۔۔۔۔۔۔۔۔۔۔۔۔۔۔”برزل کے لبوں سے امجد کا سن کر حیدر بدمزہ ہوا وہ اس بندے کو اپنا بہت بڑا دشمن سمجھتا تھا کیونکہ یہ ہمیشہ اسکی جاسوسی کر کے برزل کے ہاتھوں اسے بے عزت کرواتا تھا۔

“اس امجد کو تو صبح میں ایسا مزہ چکھاؤنگا نہ لگ پتہ جائے گا اسے۔۔۔۔۔۔۔۔۔۔”برزل اور فاریسہ کے جانے کے بعد وہ بڑبڑایا۔

“اور اس بار میں بھی تمہارا ساتھ دونگا۔۔۔۔۔۔۔۔۔۔۔”سلیمان مسکرا کر بولتا اسے حیران کر گیا۔

“واقع میں۔۔۔۔۔۔۔۔۔۔۔۔”

“یس مائے سویٹ لٹل برو۔۔۔۔۔۔۔۔۔۔۔۔۔۔”سلیمان کی یقین دہانی پر وہ خوش ہوا تھا یہ جانے بغیر کہ کل سلیمان اسکی نہیں اپنی مدد کرنے والا تھا امجد کو ہٹا کر وہ شاہانہ کا راستہ صاف کرنے جا رہا تھا۔

!__________________________________!

“اگر حیدر بھائی نہیں جانا چاہتے تھے تو آپ کیوں زبردستی بھیج رہے ہیں۔۔۔۔۔۔۔۔۔۔۔۔۔۔۔۔”

فاریسہ نے نائٹ ڈریس کی ڈوریاں بند کرتے ہوئے برزل سے کہا جو صوفے پر بیٹھا اپنے لیپ ٹاپ کے ساتھ ہی کچھ چھیڑ چھانی کر رہا تھا۔

“وہ جس کام کے کیے رکنا چاہتا ہے وہ کام بعد میں بھی ہو سکتا ہے۔۔۔۔۔۔۔۔۔۔۔۔۔”برزل نے بنا دیکھے جواب دیا۔

“اپنا موبائل دو مجھے۔۔۔۔۔۔۔۔۔۔۔۔”برزل کے کہنے پر فاریسہ نے سوالیہ نگاہوں سے دیکھا مگر وہ اپنے کام میں بزی تھا فاریسہ نے موبائل برزل کو دیا جو اب اسکے موبائل کو لیپ ٹاپ کے ساتھ کنکیٹ کرتا کچھ کرنے لگا تھا۔

“یہ کیا کر رہے ہیں آپ۔۔۔۔۔۔۔۔۔۔۔”برزل اسکے موبائل کی باڈی اتار کر کوئی اور باڈی ساتھ اٹیچ کر رہا تھا۔

“کچھ نہیں،بس ایک تجربہ کر رہا ہوں آخر ایک شوروم کا اونر ہوں پرزوں کو جوڑنے توڑنے کا کافی شوق ہے مجھے۔۔۔۔۔۔۔۔۔۔۔۔”برزل کی بات پر وہ نہ سمجھی سے کندھے اچکاتی بیڈ کی طرف پلٹ گئی۔

“مما کل ملنے آ رہیں مجھے۔۔۔۔۔۔۔۔۔۔۔”فاریسہ نے کچھ دیر پہلے ہوئی بات اس کو بتائی۔

“اچھی بات ہے۔۔۔۔۔۔۔۔۔۔۔”اس کے تاثرات سپاٹ ہی تھے۔

“کیا آپ ہمارے گھر نہیں جایا کریں گئے،شاہ زر چاچو تو آپ کے ماموں ہیں وہ ہیں بھی کافی بیمار،فالج ہو گیا انکو۔۔۔۔۔۔۔۔۔۔۔۔۔”

“فاریسہ کیا گفٹ لاؤ گی تم وہاں سے میرے لیے۔۔۔۔۔۔۔۔۔۔۔۔”وہ اس وقت اعوان ہاوس کے لوگوں کے بارے بات نہیں کرنا چاہتا تھا اس لیے کمال خوبصورتی سے ٹال گیا تھا جس پر فاریسہ نے بھی نوٹس نہ لیا۔

“میں۔۔۔۔۔۔۔۔۔۔۔”وہ سوچنے لگی اور برزل اس وقت یہی چاہتا تھا کہ وہ اپنی سوچوں میں ہی الجھی رہے تا کہ وہ اپنا کام کر سکے۔

“آپکو کیا چاہئیے۔۔۔۔۔۔۔۔۔۔۔۔”

“مجھے۔۔۔۔۔۔۔۔۔”برزل اپنا کام ختم کر چکا تھا اس لیے اٹھ کر اسکی طرف آیا۔

“مجھے تو فاریسہ چاہئیے بلکل ایسے ہی ہستی مسکراتی مسز برزل ۔۔۔۔۔۔۔۔۔۔۔۔۔۔۔۔۔۔۔۔”وہ پیار سے اسکی گود میں سر رکھتا لیٹ گیا۔

“وہ تو آپکی ہی ہے۔۔۔۔۔۔۔۔۔۔۔۔”فاریسہ شرمگیں مسکراہٹ لیے آہستہ سے بول گئی جس پر برزل نے وارفتانہ نظروں سے اسے دیکھا اور نرمی سے اس کے چہرے کا جھکاؤ اپنی طرف کرتا اس کے گال کو اپنے لمس سے دہکا گیا۔

“فاریسہ کے علاوہ کسی چیز کا ارمان نہیں برزل کو،تم جانتی ہو کہ تم میرے لیے کس قدر خاص ہو،میری زندگی کی اولین چاہت میرے دل کا سکون اور میری جان ہو تم۔۔۔۔۔۔۔۔۔۔۔۔۔”بوجھل لہجے میں کہتا اس کے رخساروں پر پھول کھلا گیا۔

“یہ تین دن بہت مشکل گزرنے والے ہیں تمہارے بغیر۔۔۔۔۔۔۔۔۔۔۔۔۔۔۔”وہ اسکا ہاتھ تھام گیا۔

“تو آپ بھی ساتھ آ جائیں۔۔۔۔۔۔۔۔۔”نہ جانے کیوں فاریسہ کو بھی برزل کے بغیر جانا اداس کر رہا تھا۔

“دل تو میرا بھی تھا مگر یہاں کچھ بہت ضروری کام ہیں،خاص طور پر نینا کی واپسی،تم مل آؤ پھوپھو لوگوں سے وہ جب سے شادی ہوئی تب سے تم سے ملنے کی ضد کر رہی ہیں۔۔۔۔۔۔۔۔۔۔۔۔۔۔۔۔”

“میں نینا کے لیے بہت دعا کرتی ہوں۔۔۔۔۔۔۔۔۔۔۔۔”فاریسہ سچے دل سے بولتی اسے بہت پیاری لگی۔

“جانتا ہوں کہ تم اپنی اکلوتی نند سے ملنے کو بہت بے چین ہو مگر دھیان سے وہ حیدر کی کاپی ہے بلکل،دونوں نے تمہیں بہت تنگ کرنا ہے۔۔۔۔۔۔۔۔۔۔۔۔۔۔”برزل مسکرا کر کہنے لگا۔

“میں ہینڈل کر سکتی ہوں۔۔۔۔۔۔۔۔۔۔۔”

“جی اس میں کوئی شک نہیں آخر کو برزل ابراہیم کو ہینڈل کر رہی ہیں آپ،یہ آسان تو نہ تھا۔۔۔۔۔۔۔۔۔۔۔۔”برزل نے اس کی کچھ دیر پہلے بند کی ڈوریاں کھول دی تھیں جس پر وہ جھجھک کر اسے پرے کرنی لگی۔

“آج کی رات ہینڈل کر لو پھر تین راتوں کی چھٹی بھی تو آ رہی ہے نہ۔۔۔۔۔۔۔۔۔۔۔”برزل نے ایک جھٹکا دیتے ہوئے اسے اپنے اوپر گرایا تھا۔

“آپ بہت مطلبی ہیں۔۔۔۔۔۔۔۔۔۔۔”وہ شرم سے ہلکان ہوئی تھی۔

“اس معاملے میں ہونا بنتا ہے۔۔۔۔۔۔۔۔۔۔۔۔۔۔۔”برزل نے لائٹ آف کر کے اسے اپنی اپنی گرفت میں لیا تھا۔

!______________________________!