Tera Ishq Jaan Lewa By Amreen Riaz Readelle50262 Tera Ishq Jaan Lewa (Episode 08)

Tera Ishq Jaan Lewa By Amreen Riaz

فاریسہ فریش ہو کر کمرے سے نکلتی لاؤنج میں آئی جہاں اُسے سلیمان اور برزل ابراہیم بیٹھے دکھائی دیے وہ چھوٹے چھوٹے قدم اُٹھاتی اُنکی طرف بڑھنے لگی کہ اُن کے ساتھ بیٹھی ہستی کو دیکھ کر اُس کے قدم تھمے تھے بلکہ وہ کچھ حیرانگی سے دیکھنے لگی اس کے سُرخ سُوٹ میں ملبوس وہ کوئی لڑکی تھی۔

“یہ تو میرا ڈریس ہے۔۔۔۔۔۔۔۔۔۔۔”وہ سوچتے ہوئے آگے بڑھی تا کہ اس لڑکی کی شکل دیکھ سکے جس نے اسکا سُوٹ پہننے کی ہمت کی تھی۔

“آئیے بھابھی۔۔۔۔۔۔۔۔۔۔۔۔۔”برزل ابراہیم کے بعد سلیمان کی اُس پرنظر پڑی تو وہ احترام سے اُٹھتا اسے بیٹھنے کا کہتا خود اُس لڑکی کی طرف بیٹھ گیا جس کی ابھی بھی اس طرف پشت تھی۔

“یہ،یہ کون ہیں۔۔۔۔۔۔۔۔۔۔۔؟وہ بلا تجسس پوچھ گئی اب پوچھا کس سے تھا یہ کہنا مشکل تھا کیونکہ وہ اس لڑکی پر نظریں ٹکائے ہی بولی تھی۔

“یہ آپکی نند صدف ہے۔۔۔۔۔۔۔۔۔۔۔۔۔”سلیمان مسکراتے ہوئے بتانے لگا فاریسہ نے حیرانگی سے برزل ابراہیم کی طرف دیکھا جو زیرلب مسکرا رہا تھا۔

“صدف۔۔۔۔۔۔۔۔۔۔۔”اُس کے لبوں سے یہ الفاظ ادا ہوئے تو وہ لڑکی گھوم کر اس کی طرف ہوئی۔

“کیسی ہیں آپ بھابھی۔۔۔۔۔۔۔۔۔۔۔۔”وہ بہت باریک آواز میں بولتی اسے دھچکا لگا گئی کیونکہ سُرخ سوٹ میں ملبوس بال پشت پر لہرائے فل میک اپ میں وہ اسے حیدر کی طرح لگی تھی نہ جانے کیوں کچھ عجیب سی لگی تھی اور پھر دو پل نظر گاڑھے وہ اتنا جان چُکی تھی کہ وہ لڑکی نہیں تھی کوئی دوسری مخلوق تھی۔

“یہ،یہ۔۔۔۔۔۔۔۔۔۔۔۔۔”

“لگتا ہے آپ مجھے پہچان نہیں پائی ہیں۔۔۔۔۔۔۔۔۔۔۔”حیدر مسکراتے ہوئے بولتا اسے نہ صرف چونکا گیا بلکہ وہ آنکھیں پھاڑے بے یقینی سے اُسے دیکھنی لگی۔

“حیدر بھائی۔۔۔۔۔۔۔۔۔۔۔۔۔”وہ شاید ابھی بھی بے یقینی کے سفر میں غوطہ زن تھی۔

“کیسا لگ رہا ہوں۔۔۔۔۔۔۔۔۔۔۔۔۔۔۔”وہ مسکرا رہا تھا فاریسہ جو پہلے حیرت زدہ تھی اب اسکو دیکھتی ہنسی تھی اور پھر ہنستی چلی گئی تھی حیدر نے خفت زدہ ہو کر برزل ابراہیم کو دیکھا جو پُرشوق نگاہوں سے اپنی بیوی کو ہنستا دیکھ رہا تھا۔

“اللہ،بھائی،یہ آپ۔۔۔۔۔۔۔۔۔۔۔۔۔۔۔۔”وہ مسلسل ہنس رہی تھی جس سے اُسکی آنکھوں میں پانی اُبھر آیا تھا۔

“بھائی اگر بھابھی ہنس رہی ہیں ہیں تو جو بھی دیکھے گا ہنسے گا۔۔۔۔۔۔۔۔۔۔۔۔۔۔۔”وہ نروٹھے انداز میں بولتا صوفے پر ٹک گیا۔

“سچ میں یار بہت کیوٹ لگ رہے ہو،بھابھی تو اس لیے ہنس رہی ہیں کہ اُنکو پتہ ہے کہ تم حیدر سے یہ عجوبہ بنے ہو۔۔۔۔۔۔۔۔۔۔۔۔”سلیمان نے مسکراہٹ روکی تھی۔

“عجوبہ۔۔۔۔۔۔۔۔۔۔۔۔”وہ سلیمان کو خشمگیں نگاہوں سے دیکھنے لگا۔

“ہاں ایسا عجوبہ جو میری بیوی کے ہونٹوں پر ہنسی لے آیا ہے،اس کے بدلے تو تمہیں سات خون معاف ہیں حیدر۔۔۔۔۔۔۔۔۔۔۔۔۔۔”برزل ابراہیم پیار بھری نظر فاریسہ پر ڈال کر کہہ اُٹھا جو اسکی بات پر خجل سی ہو گئی۔

“بھابھی کیا میں واقع میں اچھا نہیں لگ رہا ہوں۔۔۔۔۔۔۔۔۔۔۔۔۔۔۔”شاید وہ دُنیا کا پہلا شخص تھا جسے یہ فکر کھائے جا رہی تھی کہ وہ ہیجڑا بن کر اچھا لگ رہا تھا یا نہیں۔

“آپ بہت اچھے لگ رہے ہیں،ایسے ہی رہا کریں۔۔۔۔۔۔۔۔۔۔۔۔۔”وہ اُسے تسلی دیتی شاید نہیں یقیننا کچھ بُڑا بول گئی جس کا اندازہ اُسے برزل ابراہیم اور سلیمان کے قہقے سے ہوا تھا۔

“بھائی۔۔۔۔۔۔۔۔۔۔۔”حیدر خفیف سا ہو گیا۔

“اچھا ٹھیک ہے،اب تم لوگ جاؤ،جیسے بولا ہے ویسے ہی کرنا ہے۔۔۔۔۔۔۔۔۔۔۔۔”برزل ابراہیم کے کہنے پر دونوں سر ہلا کر چلے گئے جبکہ فاریسہ کے لبوں پر ایک دفعہ پھر مسکراہٹ آ گئی تھی۔۔۔

“مُسکراتے ہوئے اچھی لگتی ہو۔۔۔۔۔۔۔۔۔۔۔۔۔”برزل ابراہیم کے دلکش لب و لہجے پر اُسکا دل دھڑکا تھا وہ نظریں ملائے بنا اُٹھ کھڑی ہوئی تھی۔

“کہاں جا رہی ہو۔۔۔۔۔۔۔۔۔۔۔”وہ بھی اُٹھ کھڑا ہوا۔

“وہ،کمرے میں۔۔۔۔۔۔۔۔۔۔۔”وہ اُس کے نزدیک آنے پر کچھ گھبرائی تھی۔

“کمرے میں اس وقت نہ ہی جاؤ تو بہتر ہے کیونکہ کمرے میں،میں جا رہا ہوں۔۔۔۔۔۔۔۔۔۔۔۔۔۔۔”اُسکا لہجہ معنی خیز تھا فاریسہ اُس کے الفاظ میں چھپی معنی خیزیت پر اُسکا دل دھک سا رہ گیا وہ دھڑکنوں کی اتھل پتھل ہوتی رفتار پر کچن کی جانب بھاگ گئی جبکہ برزل مسکراتا ہوا کمرے میں چلا گیا اور پھر واقع ہی فاریسہ رات تک کمرے میں نہ گئی تھی اور جب دھڑکتے دل کے ساتھ گئی تو برزل ابراہیم کو سوتا دیکھ کر سکون کا سانس لیتی بیڈ پر ٹک گئی۔

“____________________________________________”

حیدر اپنی کور سٹوری کے مطابق مسز وقار رانا کے ساتھ ٹکراتا اُسکی ہمدردی سمیٹ چُکا تھا اور برزل ابراہیم کے اندازے کے مطابق مسز رانا نے اسے اپنے “سہارا دارلامان” میں ہی بھیجا تھا۔

“میم اسکا ہم کیا کریں گئے۔۔۔۔۔۔۔۔۔۔۔۔۔”اُس دارلامان کی انچارج انیلا نے کچھ بے زاری سے اس مخلوق کو دیکھا تھا۔

“تم پاگل ہو انیلا،یہ بھی ہمارے لیے فائدہ مند ہو سکتا ہے اور اگر نہ بھی ہو تو لوگوں کے لیے ہم سہارا دینے والے ہیں تو سہارا ہر ایک کے لیے ہے۔۔۔۔۔۔۔۔۔۔۔۔”مسز رانا انیلا کو دبے دبے انداز میں کہتی چلی گئ تو انیلا بھی صدف نامی اس مخلوق کی طرف متوجہ ہوئی جو کہ کچھ سہمی ہوئی نظروں سے اسکی طرف دیکھ رہی تھی۔

“چلو۔۔۔۔۔۔۔۔۔۔۔۔۔۔”انیلا اُسے چلنے کا اشارہ کرتی اندر کی طرف بڑھی جہاں اس وقت دارالامان کے مرکزی کمرے میں سب عورتیں اور لڑکیاں لنچ کر رہی تھیں۔

“ارے دیکھو تو کون آیا۔۔۔۔۔۔۔۔۔۔۔”صدف کے کانوں میں مختلف آوازیں پڑی تھیں کچھ مسکراتی کچھ طنزیہ کچھ ہمدردی لیے آنکھیں اسکا پوسٹ مارٹم کر رہی تھیں۔

“یہ تم لوگوں کی نئی ساتھی ہے،اسکا نام صدف ہے،یہ لوگوں کی طنزیہ نگاہوں اور کچھ وحشی جانوروں سے بچتی یہاں پناہ لینے پر مجبور ہوئی ہے اس لیے تم لوگ اسکو اپنے جیسی ایک مظلوم عورت ہی لو۔۔۔۔۔۔۔۔۔۔۔”انیلا کہتی ہوئی واپس چلی گئی تو صدف نے ہچکچاتے ہوئے اپنے ڈوپٹے کو سہی کیا اور ایک طرف کرسی گھسیٹ کر بیٹھ گئی۔

“کھانا کھاؤ گی۔۔۔۔۔۔۔۔۔۔۔”یہ ہانیہ تھی جسے شروع سے ہی اس مخلوق سے گہری ہمدردی رہی تھی صدف نے سر اُٹھا کر دیکھا پنک کلر کے سادہ سے لباس میں ملبوس ڈوپٹے کو سر پر لیے سادہ سی وہ لڑکی صدف کو اچھی لگی تھی بلکہ صدف کے اندر چھپے حیدر کو بھی اچھی لگی تھی اس لیے سر ہلا دیا۔

ہانیہ ایک پلیٹ میں دال چاول ڈال کر اس کے قریب آئی اور پلیٹ اس کے آگے رکھ کر خود بھی ساتھ ٹک گئی۔

“مجھے ہمیشہ سے اس بات کا دُکھ رہا ہے کہ انسان کس قدر جانور بن گیا ہے کہ تم لوگوں پر بھی اُسے رحم نہیں آتا۔۔۔۔۔۔۔۔۔۔۔۔”صدف کو جھجکتے ہوئے چاولوں کی طرف ہاتھ بڑھاتے ہوئے ہانیہ دلگرفتگی سے بولی تھی۔

“باہر کے جانوروں سے اتنا خوف کبھی محسوس نہ ہو اگر اپنے گھر کے لوگ ہمیں اپنا سمجھ لیں تو۔۔۔۔۔۔۔۔۔۔۔۔”صدف کے لب و لہجے میں گہرے دکھ کی جھلک تھی ہانیہ کا دل کٹ کر رہ گیا۔

“لگتا ہے تمہیں بھی تمہارے گھر والوں نے اس حقیقت کے ساتھ قبول نہیں کیا ہے۔۔۔۔۔۔۔۔۔۔۔۔۔۔”ہانیہ نے اس کے خوبصورت چہرے پر جمے میک اپ کو دیکھا تھا۔

“نہیں کیا تو میں یہاں ہوں نہ،کیونکہ میں اپنے بھائیوں اور بہنوں کی اچھی قسمت کے راستے کی سب سے بڑی رکاوٹ تھی اور شاید بابا کی عزت بھی رول رہی تھی۔۔۔۔۔۔۔۔۔۔۔۔۔۔”صدف کی نم آنکھیں ہانیہ کی آنکھیں بھی نم کر گئی تھیں بلکہ باقی جو ان کے ارد گرد عورتیں تھیں وہ بھی افسوس سے اسکی طرف دیکھنے لگیں جو لب کاٹ رہی تھی۔

“ہم چاہے ایک جیسی نہیں پر ہمارے دُکھ ایک جیسے ہی ہیں۔۔۔۔۔۔۔۔۔۔۔۔۔”عروج کی غم زدہ آواز پر سب ہی دل مسوس کر رہ گئیں تھیں۔۔

!___________________________________________!

آج پھر وہ اُسی محلے میں موجود تھا اور اُمید لیے محلے کی جامعہ مسجد میں مولوی عبیداللہ کا انتظار کر رہا تھا جو ظہر کی ازان سے فارغ ہوتے اس اجنبی کی طرف آئے تھے۔

“ہاں بولو بیٹا۔۔۔۔۔۔۔۔۔۔۔”مولوی عبیداللہ اس کے قریب بیٹھ گئے اور اس خوش شکل نوجوان کی طرف دیکھا جو بڑا مودب سا بیٹھا تھا۔

“آپ سے کچھ مدد چاہیئے۔۔۔۔۔۔۔۔۔۔”

“اگر میرے لائق ہوئی تو ضرور کرونگا۔۔۔۔۔۔۔۔۔۔۔۔”

“میں تین دفعہ اس محلے میں کسی کو تلاش کرنے آ گیا ہوں مگر تلاش کرنے میں ناکام رہا ہوں کیونکہ جس کے پاس بھی گیا وہ ہی پہنچ سے دور ہوتا چلا گیا۔۔۔۔۔۔۔۔۔۔۔”اُس نے بات شروع کی تھی۔

“کس کو تلاش کر رہے ہو۔۔۔۔۔۔۔۔۔۔۔”مولوی کے پوچھنے پر وہ گہرا سانس بھرتا بولا۔

“زولفقار صاحب کو،آج سے بیس پچیس سال پہلے وہ اس محلے میں رہتے تھے اور اُنکی وفات بھی اسی محلے میں ہوئی تھی۔۔۔۔۔۔۔۔۔۔۔۔۔”اُسکی بات پر مولوی عبیداللہ نے ایک نظر اُسکی سوالیہ نظروں کی طرف دیکھا پھر سر ہلا گئے۔

“زولفقار اعوان۔۔۔۔۔۔۔۔۔۔۔۔۔۔۔”اُنکے کہنے پر وہ خوشگوار انداز میں گویا ہوا۔

“تو آپ جانتے ہیں اُنکو؟مجھے اُنکے گھر والوں سے ملنا ہے۔۔۔۔۔۔۔۔۔۔۔۔۔”

“یہ تو میں نہیں جانتا کہ اُن کے گھر والے اس محلے سے اُٹھ کر کہاں گئے ہیں مگر اتنا پتہ ہے کہ ایک شخص تمہیں اُن کے گھر تک لے جائے گا۔۔۔۔۔۔۔۔۔۔۔۔۔۔۔۔۔”مولوی عبیداللہ نے جیسے اس پر بہت بڑا احسان کر دیا تھا وہ تشکر بھری نظروں سے دیکھتا انکے اگلے الفاظ کا منتظر تھا۔

“زولفقار اعوان کا بڑا بیٹا ایس پی نازر اعوان۔۔۔۔۔۔۔۔۔۔۔۔۔”الفاظ کیا تھے اُس کے لیے ایک جھٹکے کا باعث ثابت ہوئے تھے وہ اپنی پوری زندگی میں اس قدر حیران نہیں ہوا تھا جتنا اب حیران سا اُنکی طرف دیکھ رہا تھا۔

“ایس پی نازر اعوان۔۔۔۔۔۔۔۔۔۔۔۔”وہ بے یقینی سے بڑبڑایا۔

“ہاں اُنکا بڑا بیٹا ایس پی ہے،جبکہ چھوٹا بیٹا شاہ زر اعوان کوئی کاروبار سھنمبالتا ہے،اُنکی ایک بیٹی عائشہ تھی جو اُنکی وفات سے کچھ سال بعد ہی فوت ہو گئی تھی۔۔۔۔۔۔۔۔۔۔۔۔۔۔۔۔۔”ان باتوں کے جاننے کے بعد اب کچھ بھی جاننے کو نہ بچا تھا وہ لب بھینچ کر اُن سے اجازت طلب کرتا اُٹھ کھڑا ہوا۔

“تُم کون ہو بیٹا۔۔۔۔۔۔۔۔۔”اس کے ساتھ ہی اُٹھتے مولوی عبیداللہ نے دیارفت کیا تھا۔

“میں زولفقار اعوان کی بیٹی عائشہ اعوان کا بیٹا ہوں،برزل ابراہیم۔۔۔۔۔۔۔۔۔۔۔۔۔”اُنکو حیرت میں چھوڑتا وہ لمبے لمبے ڈگ بھرتا وہاں سے نکلتا چلا گیا۔

اپنی گاڑی کے پاس آ کر وہ گہرا سانس لیتا خود کو کمپوز کرنے لگا۔

“پہلے تو تم نے صرف میرا غصہ دیکھا تھا اب تم برزل ابراہیم کے قہر کو دیکھو گئے۔۔۔۔۔۔۔۔۔۔۔۔۔”وہ نازر اعوان سے مخاطب ہوتا اپنی گاڑی میں بیٹھ گیا۔

“سلیمان گھر آ کر ملو مجھے۔۔۔۔۔۔۔۔۔۔۔۔”سلیمان کو میسج چھوڑتا وہ گاڑی گھر کے راستوں پر ڈال گیا۔

!___________________________________________!

جب وہ گھر آیا تو سلیمان اُسے اسٹڈی روم میں ہی مل گیا تھا وہ دروازہ بند کرتا اُس کے قریب آیا جو اسے کچھ عجیب سی نظروں سے دیکھ رہا تھا کیونکہ برزل ابراہیم کے لب غصے اور ضبط سے بھینچے ہوئے تھے جبکہ رگیں اُبھری ہوئیں تھیں۔

“کیا بات ہے بھائی۔۔۔۔۔۔۔۔۔۔۔۔۔”سلیمان کو اس کے تاثرات سے پریشانی محسوس ہوئی تھی۔

“مما پاپا کا قاتل نازر اعوان ہے۔۔۔۔۔۔۔۔۔۔۔۔۔۔۔۔”برزل ابراہیم نے سلیمان کی سماعتوں میں بم پھوڑا تھا۔

“مطلب۔۔۔۔۔۔۔۔۔۔۔۔۔”وہ بے یقینی سے دیکھنے لگا جو گہرے سانس بھرتا ضبط کے کٹھن مراحلوں سے گزر رہا تھا ورنہ بس نہیں چل رہا تھا کہ اُسے ابھی جا کر ختم کر دے۔

“مطلب عائشہ چچی کا بھائی نازر اعوان ہے۔۔۔۔۔۔۔۔۔۔۔۔۔۔۔”سلیمان بھی شدید حیرت میں مبتلا تھا جس انسان کو وہ کب سے ڈھونڈ رہے تھے وہ اُنکی نظروں کے سامنے موجود تھا۔

“ہاں،نازر اعوان ہی وہ قاتل ہے جسے ہم اتنے سالوں سے ڈھونڈ رہے تھے۔۔۔۔۔۔۔۔۔۔۔۔۔۔”

“کیا اُسے معلوم ہوگا کہ ہم۔۔۔۔۔۔۔۔۔۔۔۔۔”سلیمان نے بات اُدھوری چھوڑ کر اُسکی طرف دیکھا جو سر نفی میں ہلا گیا تھا۔

“بلکل بھی نہیں،اگر اُسے یہ پتہ ہوتا کہ میں زندہ ہوں تو وہ کب کا مجھے بھی مما پاپا کے پاس بھیجنے کا کوئی منصوبہ بنا چُکا ہوتا،اس لیے ہم اُسکی بے خبری کا فائدہ اُٹھا کر اُس کا سانس لینا بھی بند کر دیں گئے۔۔۔۔۔۔۔۔۔۔۔۔”برزل ابراہیم کے لہجے میں چٹانوں سی سختی اور آنکھوں میں نفرت اور غم و غصے کے شعلے لپک رہے تھے۔

“اور بھابھی،اُنکا کیا ہوگا۔۔۔۔۔۔۔۔۔۔۔۔۔”سلیمان کے اچنبھے سے پوچھے گئے سوال پر برزل ابراہیم نے ایک نظر اُسے دیکھا تھا اور پھر بے تاثر انداز میں کہہ اُٹھا۔

“میں بیس سالوں سے ماں باپ کے بغیر زندگی گُزار رہا ہوں اگر اب وہ بھی باپ کے بغیر باقی کی زندگی گُزار لے گی تو کوئی فرق نہیں پڑے گا۔۔۔۔۔۔۔۔۔۔۔۔۔”

“زندگی تو گُزار لیں گی مگر اپنے باپ کے قاتل کے ساتھ کیسے۔۔۔۔۔۔۔۔۔۔۔”سلیمان کو یہی اُلجھن تھی کہ اگر فاریسہ کو پتہ چل گیا تو وہ ان لوگوں سے نفرت ہی کرے گی۔

“میں بھی تو ساری عمر اُس کے ساتھ اس حقیقت کو جھٹلا کر رہونگا کہ وہ میرے ماں باپ کے قاتل کی بیٹی ہے،اور دوسری بات میں یہ راز کبھی بھی اُسے نہیں بتاؤنگا کہ ہمارا کوئی اور رشتہ بھی ہے۔۔۔۔۔۔۔۔۔۔۔۔۔”برزل ابراہیم نے فیصلہ کن انداز میں سلیمان کی طرف دیکھا۔

“اور جہاں تک اُس کے باپ کی بات ہے وہ مرے گا تو میرے ہاتھوں ہی مگر فاریسہ کیا کسی کو بھی اس بات کا پتہ نہیں لگے گا کہ نازر اعوان کی جان لینے والا برزل ابراہیم ہے۔۔۔۔۔۔۔۔۔۔۔۔۔۔۔”

“میں سمجھ گیا بھائی۔۔۔۔۔۔۔۔۔۔۔۔۔۔۔”سلیمان جانتا تھا کہ برزل ابراہیم اپنا شکار کیسے کرتا تھا۔

“اور وہ راز۔۔۔۔۔۔۔۔۔۔۔۔۔۔۔۔۔”سلیمان کی ادھوری بات پر ہی برزل ابراہیم کی آنکھیں سُرخ ہو گئیں تھیں۔

“اُس راز تک ہمیں نازر اعوان نہیں حیدر لے کر جائے گا اس لیے ہمیں فلحال ایس پی کو اپنی طرف سے غافل رکھنا ہے کہ اُس کا دشمن برزل ابراہیم اصل میں ہے کون۔۔۔۔۔۔۔۔۔۔۔۔۔۔۔۔۔”برزل ابراہیم نے نازر اعوان کی بربادی کا کھیل شروع کر دیا تھا۔

سلیمان کو ایک اہم کام سونپ کر وہ اپنے روم میں آیا تو سامنے ہی اپنے موبائل کے ساتھ لگی فاریسہ کو دیکھ کر وہ ایک گہری سانس بھر کر رہ گیا اگر شادی سے پہلے اُسے پتہ ہوتا کہ فاریسہ کا باپ ہی قاتل ہے تو وہ شاید کبھی بھی اس سے شادی نہ کرتا کیونکہ اُس نے اپنی پوری زندگی میں کسی سے اگر نفرت کی تھی تو وہ اپنی ماں کا خاندان تھا جس نے اسکے ماں باپ کو اپنے جھانسے میں پھسلا کر موت کے گھاٹ اُتار دیا تھا وہ اُس خاندان کے کسی بھی فرد کو اپنے اتنے نزدیک نہیں دیکھ سکتا تھا اور اب اُس قاتل کی بیٹی کو اپنی زندگی کا سب سے بڑا مقام دے دیا تھا۔

“آپ۔۔۔۔۔۔۔۔۔۔۔۔۔۔۔۔”فاریسہ اُسے وہی دروازے کے پاس کھڑے خود کی طرف عجیب سی نظروں سے دیکھتا پا کر بے اختیار اُٹھ کر اُس کے قریب آئی تھی جو غیر محسوس انداز میں ایک قدم پیچھے ہوا تھا۔

“کیا ہو رہا ہے۔۔۔۔۔۔۔۔۔۔۔۔۔”وہ اپنے منتشر ہوتے جذبات پر قابو پاتا اس کے قریب سے گزرتا آگے بڑھ گیا۔

“کچھ نہیں،وہ۔۔۔۔۔۔۔۔۔۔۔۔۔۔۔۔”وہ سر نفی میں ہلاتی کچھ پوچھتی پوچھتی چپ کر گئی۔

“کچھ پوچھنا ہے کیا۔۔۔۔۔۔۔۔۔۔۔۔”وہ اسکی طرف دیکھنے لگا جس کے نین و نقش اسے اسکی باپ کی یاد دلا گئے وہ مٹھیاں بھینچ کر چہرے کا رُخ موڑ گیا۔

“وہ بھائی،وہ حیدر بھائی ایسے کیوں۔۔۔۔۔۔۔۔۔۔۔۔۔۔۔۔۔۔۔”جس بات پر وہ کل سے پریشان اور سوچ سوچ کر ہلکان ہو رہی تھی اس سے پوچھ گئی۔

“پریشانی والی بات نہیں،اصل میں اُسے اپنی یونی میں ایک پلے پیش کرنا ہے جس میں اُسکا رول یہ ہے،وہ ریہرسل کے لیے کچھ دن اپنے دوستوں کے ساتھ اپنے فلیٹ میں رُکے گا۔۔۔۔۔۔۔۔۔۔۔۔۔۔۔ “وہ نرمی سے کہتا اُسے پرسکون کر گیا۔

“مجھے ایک ضروری کام سے جانا ہے شاید دو دن تک نہ آؤں،تم نے کل سے کالج جوائن کرنا ہے اس لیے دو باتوں کو زہن میں رکھنا کہ اب تم مسز برزل ابراہیم ہو اس لیے فاریسہ اعوان کو بھول جاؤ اور اعوان ہاوس کو بھی کیونکہ وہاں اب تمہارا کوئی خیر خواہ نہیں بیٹھا،وہ لوگ تم سے قطع تعلق کر چکے ہیں اور اس بات کی تصدیق بھی تم اپنی چچی سے بات کر کے دیکھ چکی ہو جنہوں نے تمہیں تمہاری مما سے بات نہیں کرنے دی،میں تم سے وعدہ کرتا ہوں کہ بہت جلد تمہیں تمہاری مما سے ملواؤنگا مگر تب تک تم کوئی ایسی حرکت نہیں کرنا کہ مجھے افسوس ہو،اور دوسری بات تم ہمیشہ اپنا خیال رکھنا کیونکہ تم اپنے پاس میری امانت ہو۔۔۔۔۔۔۔۔۔۔۔۔۔۔”اُس کے قریب کھڑا اُس کے گال کو نرمی سے سہلاتا وہ فاریسہ اعوان کو یہ باور کروا چُکا تھا کہ وہ اُس کے لیے خاص ہے اور خود کو بھی باور کروا گیا تھا کہ چاہے اُسکا باپ قاتل تھا مگر وہ معصوم تھی اُسکی محبت اور اُسکی بیوی تھی جسے وہ خود سے اس بات پر لاتعلقی کا اظہار نہیں کر سکتا تھا کہ وہ ایک قاتل کی بیٹی تھی کیونکہ برزل ابراہیم ہمیشہ ظلم کرنے والوں کے لیے عذاب تھا معصوم اور مظلوم کے لیے وہ ایک نرم اور ٹھنڈی آبشار ثابت ہوا تھا۔

“جی۔۔۔۔۔۔۔۔۔۔۔۔۔۔۔”وہ اُس کی اس قدر نزدیکی پر بمشکل ہی سر ہلا پائی۔

برزل ابراہیم نے ایک نظر اُس کے گالوں پر چھائی سُرخی کو دیکھا پھر ایک سانس ہوا کے سُپرد کرتا واش روم میں چلا گیا جبکہ فاریسہ نے بھی کب کی روکی سانس اب ہوا کے سُپرد کی تھی۔۔

!____________________________________________!