Tera Ishq Jaan Lewa By Amreen Riaz Readelle50262 Tera Ishq Jaan Lewa (Episode 13)

Tera Ishq Jaan Lewa By Amreen Riaz

برزل کمرے میں آیا تو فاریسہ اپنے موبائل کے ساتھ لگی تھی اور مسکرا رہی تھی اور یہ مسکراہٹ صرف اس وجہ سے تھی کہ وہ پہلی دفعہ گھومنے جا رہی ہے۔

“برزل ابراہیم،اگر تم پہلے ہی اپنی بیوی کو ٹور پر لے جاتے تو اس وقت تمہیں یہ کڑوا گھونٹ نہ بھرنا پڑتا۔۔۔۔۔۔۔۔۔۔۔۔”وہ خود کو ملامت کرتا ٹروزر شرٹ وارڈرب سے نکالتا واشروم میں گھس گیا جب دس منٹ بعد باہر آیا تو فاریسہ کو ویسی حالت میں ہی پایا۔

“کیا ہو رہا ہے۔۔۔۔۔۔۔۔۔۔”بالوں میں برش کرتا وہ اسکی توجہ خود کی جانب کرنے میں کامیاب ہو گیا تھا۔

“میں زارا سے بات کررہی تھی،اس نے مجھے نام بتایا ہم نے جن جگہوں پر جانا ہے اور یہ دیکھیں میں نے گوگل سے سب نکالیں ہیں دیکھیں تو کتنی زیادہ خوبصورت ہے۔۔۔۔۔۔۔۔۔۔۔۔۔”وہ موبائل کی سکرین اسکی طرف کرکے بولی جو اب بیڈ پر بیٹھ رہا تھا۔

“واو نائس پلیسز۔۔۔۔۔۔۔۔۔۔۔۔”وہ اس کے اشتیاق کے پیش نظر بولا۔

“بہت مزہ آنے والا ہے،زارا کہہ رہی تھی کہ وہاں سے ہم شاپنگ بھی کریں گئے وہ بیس ہزار لے کر جا رہی اپنے بابا سے،کیا اس میں اتنے ہونگے۔۔۔۔۔۔۔۔۔۔۔۔۔۔۔۔”وہ ایم ٹی کارڈ کی طرف دیکھ کر بولی جو کچھ دیر پہلے سلیمان نے اسے دیا تھا برزل نے مسکراہٹ روکی تھی۔

“اس میں بیس ہزار تو نہیں ہیں۔۔۔۔۔۔۔۔۔۔”

“اوہ کوئی بات نہیں میں زیادہ چیزیں نہیں لونگی۔۔۔۔۔۔۔۔۔۔۔۔۔۔”فاریسہ اسے شرمندہ نہیں کرنا چاہتی تھی۔

“میری کالج پاکٹ منی جو آپ دیتے ہیں دس ہزار ہے وہ بھی،کیونکہ میں بس کبھی کبھار ہی کچھ کھاتی ہوں کالج سے۔۔۔۔۔۔۔۔۔۔”وہ اچھی بیویوں کی طرح تھوڑے پیسے میں ہی گزارہ کرنے والی بننے لگی تھی برزل کو اس وقت اتنی اچھی لگی کے وہ بے ساختہ ہی جھک کر اس کے رخسار پر اپنے ہونٹ رکھ گیا جو اس کی حرکت پر سن ہوئی تھی اور اس کے لمس پر گلابی ہوئی تھی۔

“اس میں بیس ہزار نہیں بلکہ بیس لاکھ سے بھی زیادہ اماؤنٹ ہے،تم جو چاہے خرید سکتی ہو۔۔۔۔۔۔۔۔۔۔۔۔”وہ اسے شرم سے نکالنے کو ہلکے پھلکے انداز میں کہنے لگا تو وہ اس کی بات پر حیران ہوتی آنکھوں کے ساتھ منہ بھی کھول گئی تھی جس کی صورت میں برزل کو پھر سے اپنے دل کے ہاتھ مجبور ہو کے اس کے دوسرے رخسار پر ہونٹ رکھنے پڑے اب کی بار وہ شرم سے لال گلابی ہوتی پیچھے کو سرکنے لگی۔

“میں نے تمہیں ٹرپ پر جانے کی اجاذت دی ہے کچھ تو شکریہ بنتا تھا میرا،ہے نہ۔۔۔۔۔۔۔۔۔۔۔۔”اسکا ہاتھ پکڑتا وہ پوچھنے لگا جو اسکی طرف دیکھ ہی نہیں رہی تھی۔

“جی،میں ابھی آئی۔۔۔۔۔۔۔۔۔۔۔۔۔”وہ ہاتھ چھڑواتی جلدی سے اٹھ کھڑی ہوئی اور دھک دھک کرتے دل کو سھمبالتی کمرے سے باہر آگئی۔

“اف،ایسے شکریہ کون لیتا ہے۔۔۔۔۔۔۔۔۔”وہ اپنے دونوں گالوں پر ہاتھ رکھتی بڑبڑائی۔

!_____________________________________________!

حیدر آج یہاں سے ہمیشہ کے لیے ہی جا رہا تھا اور کور سٹوری یہ بنانی تھی کہ وہ اپنے گھر والوں سے ملنے گیا اور ان کے سلوک سے دلبراشتہ ہو کر خودکشی کر گیا جو کہ اس فاؤنڈیشن کے چوکیدار نے سب کو کہنا تھا۔

“آج پھر تم جانا چاہتی ہو،ارے ابھی تین دن پہلے ہی تو اپنے گھر والوں سے مار کھا کر آئی تھی تم۔۔۔۔۔۔۔۔۔۔۔۔۔۔۔۔”ہانیہ اس کے منہ سے سن کر حیران رہ گئی۔

“کیا کروں امی کی بڑی یاد آ رہی ہے،وہ اس دن بیمار تھیں اب پتہ لینے تو جانا ہے نہ۔۔۔۔۔۔۔۔۔۔۔”صدف نے لپ اسٹک کو ہونٹوں پر رگڑتے ہوئے کہا۔

“مگر صدف وہ پھر سے۔۔۔۔۔۔۔۔….”

“نہیں اب جیسا کہ مجھے میڈم سے ایک دن کی چھٹی ملی ہے تو میں اس ٹائم گھر جاؤنگی جب بھائی لوگ اپنے کام پر گئے ہوتے ہیں۔۔۔۔۔۔۔۔۔۔۔۔”

“چلو ٹھیک ہے اب تم کہہ رہی ہو تو۔۔۔۔۔۔۔۔۔۔۔”

“تم میری اتنی فکر کرتی ہو مجھے بہت اچھا لگتا ہے،تم بہت اچھی ہو ہانیہ۔۔۔۔۔۔۔۔۔۔۔’اسکا ہاتھ اپنے ہاتھوں میں لے کر وہ سچے دل سے بولتا ہانیہ کو عجیب سا احساس دلا گیا کہ وہ اسکی آنکھوں سے پھوٹتی روشنی سے نظریں چرانےگی۔

“تم خود بہت اچھی ہو صدف۔۔۔۔۔۔۔۔۔۔۔”وہ غیر محسوس انداز میں اپنا ہاتھ کھینچ گئی۔

“پر تم بہت زیادہ اچھی ہو،میں تمہیں ہمیشہ اپنے دل میں یاد رکھونگی۔۔۔۔۔۔۔۔۔۔”

“یہ تم ایک دن کی چھٹی پر جا رہی ہو کہ ایک سال کی۔۔۔۔۔۔۔۔۔۔”ہانیہ نے مسکراتے ہوئے پوچھا جس پر حیدر بھی مسکرا دیا اور اس پر ایک بھرپور نظر ڈالتا وہاں سے نکلتا چلا گیا۔

“بہت جلد تم سے دوبارہ ملاقات ہو گی ہانیہ،مگر صدف بن کرنہیں بلکہ حیدر بن کر۔۔۔۔۔۔۔۔۔”وہ دل ہی دل میں ہمکلام ہوا۔

!___________________________________________!

ایس پی نازراعوان جو کہ برزل ابراہیم کو قابو کرنے کے بارے میں سوچ رہا تھا مگر اسکی اپنی ذات ہی ایسے چکر میں قابو ہوئی کہ وہ کتنے پل ہی دم بخود رہ گیا۔

“یہ کیا پاپا،یہ چینل والے کیا بکواس کیے جا رہے ہیں،کس نے دیے انکو آپ کے خلاف یہ ثبوت۔۔۔۔۔۔۔۔۔۔۔”حسن کی آواز پر وہ چونکا پھر اپنے موبائل کی طرف لپکا اگلے آدھے گھنٹے تک اس نے ان تمام لوگوں کو کال کر کے اس گیم سے نکالنے کی درخواست کی تھی جن کے اس نے ڈھیر سارے کام کیے تھے مگر اس وقت ان سب کو اپنی اپنی فکر تھی وہ اس کا ساتھ دے کر یا اس کی سفارش کر کے اپنی کرسیاں گنوانا نہیں چاہتے تھے۔

“دیکھ لونگا میں ان سب کو۔۔۔۔۔۔۔۔۔۔”موبائل کو بیڈ پر پھینکتا وہ سر تھام کر رہ گیا اس کی رہی سہی کسر آئی جی کے دفتر سے موصول ہوئی کال نے نکال دی تھی کہ اسے نوکری سے نکال دیا گیا تھا بلکہ اس پر بلاوجہ قتل اور رشوت لینے کے الزام میں کیس بھی کر دیا گیا تھا۔

“برزل ابراہیم،برزل ابراہیم۔۔۔۔۔۔۔۔۔۔۔۔”یہ نام ایک پھنکار کی طرح اس کے ہونٹوں سے ادا ہوا تھا۔

دوسری طرف ٹی وی دیکھتے سلیمان اور برزل ابراہیم مسکرا دیے تھے۔

“پہلا تحفہ تو مل گیا ایس پی کو اور اگلا۔۔۔۔۔۔۔۔۔۔۔۔”سلیمان نے پوچھا۔

“اگلے کے لیے زرا صبر کرو سلیمان،ابھی اسکا ہی مزہ لینے دو،میں نہیں چاہتا کہ جھٹکے پر جھٹکہ ملنے سے اسے ہارٹ اٹیک آ جائے اور اتنی آسان موت تو میں نہیں چاہتا اس ایس پی کی۔۔۔۔۔۔۔۔۔۔۔۔”برزل ابراہیم کی آنکھوں اور لہجے میں صرف اس کے لیے نفرت ہی تھی۔

“یہ تو جیل چلا جائے گا۔۔۔۔۔۔۔۔۔۔”

“ہاں جائے گا مگر جیل اسکا دوسرا گھر ہے یہ وہاں بیٹھ کر ہمارے لیے کچھ پلان کرے گا،رئیس کی مدد سے،شاید مجھ پر حملہ یا فاریسہ کو مجھ سے دور کرنے کی کوشش،کچھ بھی ایسا۔۔۔۔۔۔۔۔۔۔۔۔”

“تو آپ بتا دیں سب بھابھی کو۔۔۔۔۔۔۔۔۔۔۔”

“یہ بتاؤں کہ اس کے باپ کو جیل میں بجھوانے والا میں ہوں بلکہ کل کو کو اسے مارنے والا بھی میں ہوں تا کہ وہ ساری زندگی مجھ سے نفرت کرے۔۔۔۔۔۔۔۔۔۔”برزل کے روکھے لہجے پر وہ سر نفی میں ہلاتا بولا۔

“یہ نہیں بلکہ یہ کہ یہ نازر اعوان نے کیسے آپ کے پیرنٹس کو۔۔۔۔۔۔۔۔۔۔۔۔”

“یہ بھی نہیں سلیمان،میں اسے ان سب باتوں سے الگ رکھنا چاہتا ہوں،ہاں یہ بتاؤنگا کہ میں اسکی عائشہ پھوپھو کا بیٹا ہوں مگر نازر اعوان کے مرنے کے بعد اور مجھے اسے اور زندہ بلکل نہیں دیکھنا ہے۔۔۔۔۔۔۔۔۔۔۔”وہ جیبوں میں ہاتھ پھنساتا اٹھ کھڑا ہوا۔

“اسکی موت سے پہلے ایک شاندار ملاقات کرنی ہو گی مجھے اس سے۔۔۔۔۔۔۔۔۔۔۔۔”ٹی وی پر آتی اسکی تصویر کو گھورتے دیکھ کر کہہ اٹھا سلیمان مسکرا دیا۔

!__________________________________________!

حیدر کے واپس آنے پر فاریسہ بہت زیادہ خوش ہوئی تھی اور اب اسے اپنی ٹرپ کے بارے میں بتا رہی تھی جس کے ساتھ وہ کل جا رہی تھی۔

“بھائی آپکو اکیلے بھیجنے پر رضامند ہوگئے۔۔۔۔۔۔۔۔۔۔۔۔۔۔”وہ حیران تھا کیونکہ آج تک حیدر کبھی اکیلا نہیں گیا تھا۔

“اکیلی کہاں؟میری فرینڈز ہو گی نہ ساتھ۔۔۔۔۔۔۔۔۔۔۔۔۔۔۔۔۔۔۔”

“تین دن کے لیے آپ جا رہی ہیں،میں تو پیچھے بور ہو جاؤنگا،آج ہی تو میں اتنے دن بعد آیا ہوں کل آپ چلی جائیں گی۔۔۔۔۔۔۔۔۔۔۔۔۔۔”اس کے کہنے پر فاریسہ نے اسکی طرف دیکھا پھر کچھ سوچ کر کہنے لگی۔

“آپ بھی چلے جائیں اپنے دوستوں کے ساتھ۔۔۔۔۔۔۔۔۔۔۔۔۔۔۔۔”

“نہیں جا سکتا فلحال،جب ہمارا مقصد پورا ہو جائے گا پھر ہم ورلڈ تور پر جائیں گئے،یہ بھائی نے پرامس کیا ہوا ہے اس کے بعد ہی بی_سکائے شوروم کا انچارج لینا ہے میں نے۔۔۔۔۔۔۔۔۔۔۔”حیدر اپنے پلان بتانے لگا۔

“کونسا مقصد۔۔۔۔۔۔۔۔۔۔۔”فاریسہ کے سوال پر حیدر نے خود کو کوسا۔

“مقصد مطلب کہ یہ جو میں پراجیکٹ کر رہا ہوں جس میں مجھے وہ کردار کرنا پڑا،یہ۔۔۔۔۔۔۔۔۔۔”

“اوہ اچھا۔۔۔۔۔۔۔۔۔۔۔۔۔”وہ سر ہلا گئی جس پر حیدر نے سکون کا سانس لیا کہ کوئی اور سوال نہیں کیا۔

“مس زونا لے بھی آئیں کچھ۔۔۔۔۔۔۔۔۔۔۔۔۔”وہ مس زونا کو وہی سے آواز دینے لگا۔

“یہ کیا طریقہ ہے حیدر۔۔۔۔۔۔۔۔۔۔۔”پیچھے سے برزل ابراہیم کی سرزنش پر وہ چونک کر صوفے سے اٹھا تھا۔

“میں تو بس ایسے ہی۔۔۔۔۔۔۔۔۔۔”وہ جلدی سے مودب بن گیا اس دن والی مار پھر سے تازہ ہو گئی تھی۔

“گڈ جاب۔۔۔۔۔۔۔۔۔۔۔۔”برزل نے پیشانی چوم کر اسکا کندھا تھپتھپایا تھا جس پر حیدر کے دل میں اس کے لیے محبت اور بڑھ گئی تھی۔

“مس زونا اگریہ آپ سے ایسے بات کرتا ہے تو آپ دال چاول کا ٹوٹکا پھر سے یوز کر سکتی ہیں۔۔۔۔۔۔۔۔۔۔”اگلے لمحے ہی برزل مس زونا کو کہتا حیدر کے دل سے وہ محبت کا جذبہ پھر سے سلا گیا جو تھوڑی دیر پہلے جاگا تھا۔

“اف یہ بھائی نہیں بدل سکتے۔۔۔۔۔۔۔۔۔”وہ پیر پٹخ کر رہ گیا اور برزل کے جاتے ہی مسکینی نظروں سے مس زونا کو دیکھنے لگا کہ وہ مسکراتی ہوئی اس کا فیورٹ جھنک فوڈ اس کے سامنے رکھ گئی۔

“آہ،جیو مس زونا،لو یو سو مچ۔۔۔۔۔۔۔۔۔۔۔۔۔۔۔”حیدر کی بات پر جہاں فاریسہ نے چونک کر مس زونا کو دیکھا وہاں ہی مس زونا بھی ہنستی ہوئی فاریسہ سے بولی۔

“میم!حیدر سر دن میں چار دفعہ اظہار کرتے رہتے ہیں،آپ بتائیں کیا کھائیں گی۔۔۔۔۔۔۔۔۔۔”

“کچھ نہیں۔۔۔۔۔۔۔۔۔۔”فاریسہ کے کہنے پر وہ سر ہلا کر چلی گئی۔

“اگر یہ اظہار کسی اور نے سن لیا تو۔۔۔۔۔۔۔۔۔۔۔”فاریسہ کا اشارہ جس طرف تھا حیدر جان گیا تھا۔

“فکر نہ کریں مائے لونگ بھابھی،بھائی کو بھی اب عادت ہو گئی ہے وہ سنتے رہتے ہیں۔۔۔۔۔۔۔۔۔۔۔۔۔۔۔۔”

“آپکو ڈر نہیں لگتا ان سے۔۔۔۔۔۔۔۔۔۔۔۔”

“ارے ڈر کس بات کا،برزل ابراہیم تو حیدر سے ڈرتا۔۔۔۔۔۔۔۔۔۔۔”اس کے الفاظ منہ میں ہی رہ گئے جب سیڑھیاں اترتے برزل پر نظر پڑی۔

“ہاں ڈرتا ہوں میں ان سے،آخرکو بڑے بھائی ہیں میرے۔۔۔۔۔۔۔۔۔۔۔۔۔”وہ جس طرح بات بدل گیا تھا فاریسہ نے ہونق پن سے دیکھا جو کن انکھیوں سے برزل کو ہی دیکھ رہا تھا جو ان پرایک نظر ڈالتا باہر چلا گیا تھا۔

“آپ نے تو کہا تھا کہ آپ نہیں ڈرتے ان سے۔۔۔۔۔۔۔۔۔۔۔۔۔”

“اف بھابھی یہ سیکرٹ ہے پلیز دل میں رکھیں یہ بات۔۔۔۔۔۔۔۔۔۔۔۔۔”وہ فاریسہ کو الجھن میں ڈالتا خود زنگر کے بڑے بڑے بائٹ لینے لگا۔

!__________________________________________!

“ہاں کیا خبر ہے دلاور۔۔۔۔۔۔۔۔۔۔۔۔”نازر اعوان جیل میں بھی موبائل پر بزی تھا۔

“سر آپکی بیٹی فاریسہ آج کالج ٹرپ پر اسلام آباد جا رہی ہے وہاں ایک رات رک کر پھر آگے جانے کا پلان ہے۔۔۔۔۔۔۔۔۔۔”

“گڈ،جو کہا ہے وہی کرو اوکے۔۔۔۔۔۔۔۔۔”

“اوکے سر۔۔۔۔۔۔۔۔۔۔”دلاور نے کال بند کر دی۔

“تم نے جس حال تک مجھے پہنچایا ہے برزل ابراہیم میں بھی تمہیں اتنی ہی تکلیف دونگا چاہے اس میں میری بیٹی ہی کیوں نہ قربان کرنی پڑے مجھے۔۔۔۔۔۔۔۔۔۔۔۔۔۔۔۔”نازر اعوان کی آنکھوں میں برزل کے لیے قہر صاف محسوس کیا جا سکتاتھا۔

!__________________________________________!

فاریسہ کا یہ پہلا سفر تھا اسلام آباد کا وہ بھی اپنی دوستوں کے ساتھ جسکی وجہ سے وہ بہت زیادہ خوش تھی۔

“ہم کتنی دیر تک پہنچ جائیں گئے۔۔۔۔۔۔۔۔۔۔۔۔۔۔”وہ زارا سے پوچھنے لگی۔

“بس اسلام آباد تو ہم پہنچنے والے ہیں۔۔۔۔۔۔۔۔۔۔۔۔۔”زارا نے نے کھڑکی سے باہر جھانکا جہاں اونچے اونچے پہاڑ اس بات کی نشانداہی کر رہے تھے کہ وہ اسلام آباد کی حدود میں داخل ہو چکے تھے۔

“اس کا کوئی دوست نہیں ہے کیا۔۔۔۔۔۔۔۔۔۔۔۔”فاریسہ کی نظر اب لائبہ پر پڑی تھی جو اپنے موبائل کے ساتھ بزی تھی۔

“شاید اسے کسی دوست کی ضرورت نہیں ہے۔۔۔۔۔۔۔۔”زارا نے بھی اس طرف نگاہ کی تھی۔

“ایک ماہ سے دیکھ رہی میں اسے،یہ بہت چپ چپ رہتی ہے زارا کیا پتہ اسے کوئی مسلہ ہو ہمیں اس سے بات چیت کرنی چاہئیے۔۔۔۔۔۔۔۔۔۔۔۔”فاریسہ کی ہمدرد طبعیت بیدار ہوئی۔

“اوکے۔۔۔۔۔۔۔۔۔۔۔۔”زارا نے ہامی بھری جس پر فاریسہ مسکرا دی۔

جبکہ دوسری طرف لائبہ ٹائپ کر رہی تھی۔

“جی سر،نہیں اسے آج تک مجھ پر شک نہیں ہوا،اوکے ٹھیک ہے آج دی اینڈ کر دوں گی میں اپنے اس گیم کا،بائے سر۔۔۔۔۔۔۔۔۔۔۔۔”وہ ٹائپنگ سے فارح ہوتی فاریسہ کو نظر میں رکھتی مسکرائی تھی۔

“بہت بڑا سپرائز ہے تمہارے لیے اسلام آباد میں۔۔۔۔۔۔۔۔۔۔۔۔”وہ بڑبڑائی تھی۔

!____________________________________________!