Rooh E Rayan By Zarish Noor Readelle50110 Episode 19

ناول “”روح رایان””

از 🖋 زرش نور

قسط نمبر ۱۹

صبح کی چمکیلی دھوپ نکلی ہوئی تھی رات سے بارش کے بعد ہر چیز نکھری نکھری سی لگ رہی تھی۔گلوریا ایسٹ کی اس روڈ میں اس وقت اکا دکا گاڑیاں ہی تھی۔ایک گاڑی تیز رفتاری کے ساتھ آگے بڑھ رہی تھی۔اس گاڑی کی بیک سیٹ پر بیٹھی جینیفر بہت خوش تھی وہ آج پورے ایک سال کے بعد سنگاپور آئی تھی۔وہ بہت ایکسائیٹیڈ تھی۔
وہ اس وقت اپنے بواۓ فرینڈ سے ملنے جا رہی ہے۔وہ دونوں امریکہ میں رہتے ہوۓ چار سال تک ریلیشن میں رہے تھے۔پھر وہ سنگا پور لوٹ آیاتھا۔جینی نے اسے کچھ دنوں پہلے ایک ٹی وی پروگرام میں دیکھا تھا ۔جہاں وہ بزنس کے حوالے سے بات چیت کر رہا تھا۔اسے دیکھ کر جینیفر کی محبت پھر سے جاگ گئی۔

وہ ایک کامیاب بزنس مین تھا۔اس نے گوگل پر اسے سرچ کر کے اس کا ایڈریس نکالا اور اب وہ اس سے ملنے جا رہی تھی۔

رایان کی آنکھ کھلی تو اس نے یشال کو اپنے پہلو میں پایا ۔اسے گزری رات یاد آئی تو اس کے ہونٹوں پر مسکراہٹ دوڑ گئی۔اس نے جھک کر اس کی پیشانی چومی اور اٹھ کر واش روم میں چلا گیا۔

وہ تیار ہو کر نیچے آیا تو ایک ملازم اس کے پاس آیا۔

سر آپ سے ملنے کوئی آیا ہے ۔وہ خود کو آپ کی دوست بتا رہی ہیں اور دو گھنٹے سے وہ آپ کا انتظار کر رہی ہیں ۔

رایان ڈرائنگ روم میں داخل ہوا تو جینیفر کو دیکھ کر اس نے لاشعوری طور پر اوپر اپنے کمرے کی طرف دیکھا۔

وہ بھاگ کر آئی اور رایان کے گلے لگ گئی۔

رایان کی طرف سے کوئی دلچسپی محسوس نہ کر کے وہ پیچھے ہو گئی۔

کیسے ہو رونی؟

میں ٹھیک ہوں ۔تم کیسی ہو؟

یہاں کیسے پہنچی؟؟

یار تم تو مشہور ہستی ہو بس گوگل پہ سرچ کیا اور تمہارا ایڈریس مل گیا۔

رایان کچھ بے چینی محسوس کر رہا تھا۔وہ چاہتا تھا کے جلد سے جلد جینیفر کو یہاں سے چلتا کرے۔

یشال نے اپنی الماری کھولی تو آگے اسے بہت سے ڈریس نظر آۓ ۔اسے سمجھ نہیں آئی کے وہ کیا پہنے۔پھر اس نے اپنے لئے ایک پنک کلر کا فراک نکالا جس پر سلور نگینوں کا کام کیا ہوا تھا۔وہ جلدی سے واش روم میں فریش ہو کر آئی۔اپنے بال اس نے کھلے ہی رہنے دیا اوروائٹ کلر کا بڑا سادوپٹہ لیا اورنیچے کی طرف بھاگی وہ رایان کے آفس جانے سے پہلے نیچے پہنچنا چاہتی تھی۔

وہ نیچے آ کر مایوس ہو گئی کیونکہ رایان کہیں نظر نہیں آ رہا تھا۔

وہ مایوس ہو کر صوفے پر بیٹھ گئی۔

میڈم آپ ناشتے میں کیا لیں گیں۔

ایک گلاس اورنج جوس دے دو۔

ملازم جانے لگا تو یشا ل کو یاد آئی۔

بات سنو صاحب ناشتہ کر کے گئے ہیں؟؟

میڈم سر ابھی گھر میں ہی ہیں ۔ان کی کوئی گیسٹ آئی ہوئی ہیں وہ ڈرائنگ روم میں ہیں۔

یشال خوش ہو گئی اور ڈرائنگ روم کی طرف چل دی۔وہ ڈرائنگ روم کے دروازے سے اندر داخل ہوئی تو رایان کی یشال کی طرف پیٹھ تھی ۔وہ یشال کو نہیں دیکھ سکا۔لیکن یشال اس کے سامنے بیٹھی لڑکی کو دیکھ کر مبہوت رہ گئی۔

سنہری بال چمکتا گورا رنگ گلاب کی پنکھڑی سے ہونٹ گلابی گال لمبی گردن وہ جو بھی تھی بہت خوبصورت تھی ۔ٹائٹ جینز پر بلیک شرٹ پہنے وہ بہت پیاری لگ رہی تھی۔یشال نے لا شعوری طور پر اپنا اور اس کا موازنہ کیا تو اسے اپنی تیاری پھیکی سی لگی۔

جوں ہی وہ مڑنے لگی تو اس کا پاؤں پاس پڑے ٹیبل سے ٹکرایا اسے بہت زور سے چوٹ آئی وہ اپنا پاؤں پکڑ کر وہیں بیٹھ گئی۔

اس کے ٹکرانے کی آواز سے رایان نے جلدی سے پیچھے مڑ کر دیکھا تو یشال کو نیچے بیٹھے دیکھ کر وہ بھاگ کر یشال کے پاس آیا۔

کیا ہوا ہے کیا کر رہی تھی تم ؟؟وہ پریشانی اور فکر مندی سے بولا ۔

کچھ نہیں بس میں گزر رہی تھی تو اس ٹیبل سے ٹکرا گئی۔

رایان نے اس کا پاؤں دیکھا جو سوجھ گیا تھا۔

اس نے اپنی پاکٹ سے موبائل نکالا اور ڈاکٹر کو کال کی اور یشال کو بانہوں میں لے جا کر صوفے پر لٹایا۔

وہ بھول گیا کے یہاں کوئی اور بھی موجود ہے۔

جینیفر حیران تھی کے یہ کون ہے جس کے لئے وہ اتنا پریشان ہو رہا ہے۔کیونکہ اس نے تو اپنی پوری یونی میں یہی مشہور کیا ہوا تھا کے وہ اور رایان ریلیشن میں ہیں ۔اور رایان نے بھی لبھی بھی اس بات کی تردید نہیں کی ۔اس لئے جینیفر کو اورتقویت ملی لیکن حقیقتا جینی بہت کوشش کی لیکن رایان اور وہ کبھی فزیکلی ریلیشن میں نہیں رہے۔

لیکن آج اس لڑکی کے لئے رایان کی آنکھوں میں ایک الگ ہی جذبہ دیکھا تھا اس نے۔

❤️❤️❤️❤️❤️❤️❤️❤️❤️