Rabba Qismat Mein Rona Kun Likha by Ayat Noor NovelR50716 Rabba Qismat Mein Rona Kun Likha by Ayat Noor Episode 11,12

رات دس بجے کا وقت تھا… سونا روم میں لیٹی تھی.. هاتھ میں موبائیل تھا جس میں وه تصویریں دیکھ رهی تھی… اپنی اور اپنی دوستوں کی تصویریں… بابا کے ساتھ اس کی تصویریں… ساره کے بھائ کی شادی پر لی گئ سیلفیز… ٹرپ کے دوران مختلف مقامات پر لی گئ تصویریں… وه تصویریں دیکھتے هوۓ ذیر لب مسکرا رهی تھی… ان چاروں کی شرارتیں یاد آ گئ تھیں… وه پرانے مناظر میں کھو سی گئ… تبھی دروازے پر دستک هوئ… وه سیدھی هو کر بیٹھی… اس وقت کون آ گیا… بڑبڑائ اور پھر اندر آنے کو کها… دروازه کھلا اور عبدالهادی روم میں داخل هوۓ… “کیا کر رهی هو سونا… میں نے ڈسٹرب تو نهیں کیا اپنی گڑیا کو…” وه چلتے هوۓ بیڈ کی جانب آۓ اور سونا کے مقابل بیٹھ گۓ… “ارے نهیں بابا… ایسی کوئ بات نهیں… میں بس پکس دیکھ رهی تھی…” سونا نے موبائیل کو سائڈ پر رکھا اور ان کی جانب متوجه هوئ… “کیسا لگ رها هے یهاں آ کر…¿¿ بور تو نهیں هوتی… کیسے لگے حویلی کے افراد… ¿¿¿” عبدالهادی نے عام سے لھجے میں سوال کیا… “بھت اچھے هیں سب بابا… بھت محبت کرنے والے… پر خلوص…” سونا نے دل سے ان کی تعریف کی… عبدالھادی مسکراۓ… “آپ تو یھاں آ کر مجھے بھول هی گۓ هیں بابا… اپنی فیملی مل گئ تو اب بیٹی کو بھی ٹائم نهیں دیتے…” سونا کا انداز شکایتی تھا… “ارے نهیں بیٹا… میں تمهیں کیسے بھول سکتا هوں… بس بھائ صاحب کے ساتھ زمینوں کی طرف چلا جاتا تھا…اور پھر تمهارے ساتھ شائسته, نادیه اور عائشه بھی تو تھیں… ان کے ساتھ انجواۓ نهیں کیا…¿¿¿” عبدالھادی نے نرم سا لهجه اپنایا… “وه تو تھیں… لیکن آپ کی کمی کوئ پوری تو نهیں کر سکتا نا…” سونا نے منه بسورا… عبدالهادی کے چهرے پر مسکراهٹ بکھری… “آؤ نیچے لان میں چلتے هیں… باپ بیٹی کچھ وقت ساتھ گزاریں گے…اور تم سے کچھ ضروری بات بھی کرنی هے…” وه اٹھ کھڑے هوۓ… سونا بھی ان کی بات پر اٹھی اور دونوں باهر کی جانب بڑھ گۓ.

باہر لان میں اندھیرا چھایا تھا… ایسے میں فوارے کے گرد لگی ننھی نھنی سی لائٹیں اپنی مدھم روشنی سے اندھیرا مٹانے کی کوشش کر رہی تھیں…سونا اپنے بابا کے ساتھ ایک بینچ پر بیٹھی تھی… دونوں کی نظریں سامنے فوارے پر جمی تھیں… سونا منتظر تھی کہ عبدالہادی اپنی بات اسٹارٹ کریں… جبکہ عبدالہادی اس سوچ میں گم تھے کہ کن الفاظ میں سونا سے اپنی بات کہیں…آج پہلی بار وہ سونا سے کوئ بات کہتے ہوۓ ہچکچا رہے تھے…پھر گہری سانس لی اور گویا ہوۓ… “سونا…تم سے ایک بات پوچھنی تھی… “نظریں بدستور فوارے پر جمی تھیں… سونا نے گردن گھما کر ان کی جانب دیکھا… پھر نظریں واپس فوارے پر جما دیں… ” جی پوچھیں بابا…” وہ حیران سی تھی کہ أج بابا اتنے کنفیوز کیوں ہیں… “دیکھو بیٹا… تمہاری ماما زندہ ہوتیں تو آج وہ تم سے یہ بات کرتیں… لڑکیاں اپنی فیلنگز ,اپنے جذبات و احساسات باپ سے زیادہ ماں سے کھل کر شئیر کر پاتی ہیں… لیکن اب مجھے تم سے یہ سب باتیں کرنا پڑ رہی ہیں… سنو! تم مجھے اس وقت ایک باپ کی بجاۓ اپنی ماں اور بیسٹ فرینڈ سمجھ کر اپنے دل کی بات سچ سچ بتانا…ہچکچانا نہیں… جھجھکنا اور ڈرنا بھی نہیں…تمہارا فیصلہ… تمہاری خواہش میری لیے ہر صورت میں مقدم ہو گی… سمجھ رہی ہو میری بات… ” سونا نے ان کی بات پر رخ ان کی جانب موڑا…اور ان کی آنکھوں میں جھانکا… “بابا… ایسی کیا بات ہے جو آپ کو اتنی لمبی تمہید باندھنی پڑ رہی ہے…اور آپ جانتے ہیں نا اچھی طرح…کہ میں آپ سے اپنے دل کی ہر بات شئیر کر لیتی ہوں… بلا جھجھک…پھر اب کیوں آپ کو ایسا لگ رہا ہے کہ میں اپنی فیلنگز آپ کے ساتھ شئیر نہیں کروں گی… ¿¿¿” اس نے نرمی سے بابا کا ہاتھ تھام کر اپنی ہتھیلی پر رکھا اور دوسرا ہاتھ بھی ان کے ہاتھ پر رکھ دیا…

حوصلہ افزا انداز میں ان کی جانب دیکھا تا کہ وہ ایزی ہو کر اپنی بات کہہ سکیں… عبدالہادی نے مسکرا کر اس کی جانب دیکھا… “میرے بچے… میں اچھی طرح جانتا ہوں یہ سب…لیکن یہ بات ہی ایسی ہے کہ جس پر ہر لڑکی جھجھک جاتی ہے…خیر میں موضوع کی جانب آتا ہوں…” انہوں نے سونا کی آنکھوں میں دیکھا جہاں ڈھیروں سوالات تھے… “سونا… تمہیں کوئ پسند تو نہیں ہے نا… آئ مین… تم کسی میں انٹرسٹڈ تو نہیں ہو… ایز آ لائف پارٹنر…¿¿¿” انہوں نے نرمی سے اپنا سوال اس کے سامنے پیش کیا…سونا پہلے تو ناسمجھی سے ان کی جانب دیکھتی رہی جیسے ان کی بات سمجھ نہ پائ ہو… پھر جب سوال سمجھی تو بے اختیار نظریں جھکا گئ… چہرے پر سرخی چھائ تھی… وہ خاموش ہو گئ… تصور میں کہیں دو نیلی آنکھیں ابھری تھیں… حسین ترین نیلی آنکھیں… “بتاؤ بیٹا…آج تم کھل کر اپنے دل کی بات کر سکتی ہو مجھ سے… ایک دوست سمجھ کر… اور یقین رکھو… میرے لیے تمہارا فیصلہ سب سے آگے ہو گا…” عبدالہادی نے اس کے سر پر ہاتھ رکھ کر اسے حوصلہ دینا چاہا…سونا نے تصور میں ابھرتی ان نیلی آنکھوں کو جھٹکا… “

وہ میری قسمت میں کہاں ” سونا نے سوچا اور سر اٹھا کر عبدالہادی کی جانب دیکھا…

“بابا اگر ایسا کچھ ہوتا تو میں ضرور آپ سے شئیر کرتی…لیکن میری لائف میں ایک آپ کے سوا کوئ مرد نہیں ہے… اور میں کسی میں انٹرسٹڈ کیسے ہو سکتی ہوں…وہ بھی کسی نامحرم میں… جب آپ نے میری تربیت ہی ایسی نہیں کی… مجھے آپ کی اور اپنی عزت کا بہت خیال ہے…اور میں کبھی بھی کوئ ایسا قدم اٹھانے کا سوچ بھی نہیں سکتی جس سے آپ کی عزت, آپ کے مان کو ٹھیس پہنچے…” سونا نے بہت سادہ اور پروقار طریقے سے اپنی بات ان تک پہنچائ…عبدالہادی مسکرا دیے… “تو کیا ایک اجازت مل سکتی ہے…¿¿¿” عبدالہادی نے بشاش سے لہجے میں سونا کا ہاتھ اپنے ہاتھ میں لیا…سونا کی آنکھیں پھیلیں… چہرے پر خفگی ابھری… “بابا… آپ ایسا کیوں کہہ رہے ہیں… آپ کو بھلا مجھ سے کسی بات کیلیے اجازت لینے کی کیا ضرورت ہے…” لہجہ بھی خفا سا تھا…عبدالہادی اس کے چہرے کے تاثرات دیکھ کر کھل کر مسکراۓ…سونا نے چہرہ پھیر لیا… خفگی کا اظہار… “ارے سنو تو میری بات… ” عبدالہادی نے اس کا چہرہ اپنی جانب موڑا…سونا کچھ پل خاموش رہی پھر بولی…”جی کہیے..” عبدالہادی بھی سنجیدہ ہوۓ… “بیٹا… کیا مجھے یہ حق مل سکتا ہے کہ میں تمہارے لیے لڑکا ڈھونڈوں…¿¿¿ تمہارا رشتہ اپنی مرضی سے طے کر سکوں… ¿¿¿” عبدالہادی نے سوالیہ نگاہوں سے اسکی جانب دیکھا… سونا کے دل میں ان کیلیے عزت و اخترام کچھ اور بڑھ گیا… لوگ تو بیٹیوں کو بھیڑ بکریوں کی طرح رخصت کر دیتے تھے… ان سے پوچھنا تو دور بتانا تک گوارا نہیں کیس جاتا تھا…لیکن اسے فخر ہوا اپنے بابا پر…جنہوں نے کبھی کوئ چیز, کبھی کوئ بات اس پر زبردستی مسلط نہیں کی تھی.. ہر فیصلے میں اس کی راۓ لیتے تھے…

“بابا… یہ حق شروع سے آپ کا تھا…آپ کا ہے… اور آپ کا ہی رہے گا…ماں باپ اولاد کو پیدا کرتے ہیں… پڑھاتے لکھاتے ہیں…پرورش کرتے ہیں…اتنا بڑا کرتے ہیں…تو کیا اس کے بدلے اولاد انہیں اتنا بھی حق نہیں دے سکتی کہ وہ اپنی مرضی سے ان کا رشتہ طے کر سکیں…ہم لڑکیاں تو نادان ہوتی ہیں بابا.. ہمیں اچھے برے لوگوں کی پہچان کہاں… لیکن ماں باپ نے تو ایک عمر گزاری ہوتی ہے…ان کے پاس تجربہ ہوتا ہے لوگوں کو پرکھنے کا… اور کوئ بھی پیرنٹس اپنی اولاد کیلیے کبھی غلط فیصلہ نہیں کر سکتے.. کبھی اپنی اولاد کا برا نہیں چاہ سکتے… اینڈ بلیو می بابا…آپ میرے لیے جو بھی فیصلہ کریں گے مجھے دل و جان سے قبول ہو گا… کیونکہ مجھے آپ پر بھروسہ ہے… آپ کی محبت پر اعتماد ہے…” سونا نے تفصیل سے کہتے ہوۓ ان کے ہاتھوں کو تھام کر آنکھوں سے لگایا… یہ ان کیلیے عقیدت اور محبت کا اظہار تھا… عبدالہادی نے فرط جذبات سے اس کے ماتھے پر بوسہ دیا… ” جیتی رہو میری گڑیا… مجھے تم پر فخر ہے… تم رشتوں کا مان رکھنا جانتی ہو… ” سونا مسکرائ…

“اچھا سنو…ابھی سب سے اہم بات بتانے جا رہا ہوں میں…” عبدالہادی نے سسپنس پھیلاتے ہوۓ ڈرامائ انداز میں کہا… سونا کھلکھلائ…”عرض کیجیے حضور…” شرارتی لہجے میں کہا گیا…پھر دونوں ہنس دیے…کچھ دیر کے توقف سے عبدالہادی پھر گویا ہوۓ… “سونا…تمہارے تایا جی نے اپنے چھوٹے بیٹے شاہ زیب کا رشتہ پیش کیا ہے تمہارے لیے…” عبدالہادی نے بڑے آرام سے دھماکہ کیا…سونا بے یقینی سے ان کی جانب دیکھنے لگی… ذہن میں وہ کھڑوس انسان… اس کی بات… اسکا انداز ابھرا تھا… اور اپنی توہین بھی… وہ خاموش ہو گئ… جبکہ عبدالہادی کہہ رہے تھے… ” پچھلے کچھ عرصے سے میں بہت پریشان تھا سونا…جانتی ہو لوگ بیٹیوں کے پیدا ہونے سے نہیں ڈرتے… لوگ ڈرتے ہیں تو بیٹیوں کے نصیب سے… مجھے بھی بہت ڈر لگنے لگا تھا… آخر تمہیں کسی کے ساتھ تو وداع کرنا تھا نا… یہی سوچ بار بار ڈراتی کہ میں نے اپنی گڑیا کو اتنے لاڈ پیار سے پالا ہے…نہ جانے آگے سسرال میں کیسے لوگوں سے واسطہ پڑے گا…” عبدالہادی کے لہجے میں اداسی گھل گئ… سونا خاموشی سے ہتھیلیاں مسلتی انہیں سن رہی تھی…

“جب میں پہلی بار یہاں آیا تو شاہزیب سے ملا تھا…پہلی ہی ملاقات میں وہ مقابل کو اپنا دیوانہ بنا دینے کی صلاحیت رکھتا ہے… میں بھی امپریس ہوا تھا اس سے…اس جیسے لڑکے شاذونادر ہی ہوتے ہیں… پھر بعد میں بھی اس سے میری کئ ملاقاتیں ہوئیں…مجھے اسکا ہر انداز پسند آیا… اٹھنے بیٹھنے, کھانے پینے, چلنے پھرنے, بات کرنے کے انداز میں وقار جھلکتا ہے…بلاشبہ وہ جس کا بھی نصیب ہوگا وہ لڑکی بہت خوش نصیب ہو گی… شاہزیب سے مل کر, اسے دیکھ کر میرے دل نے بہت چپکے سے یہ دعا کی تھی کہ کاش یہ میری بیٹی کا نصیب بن جاۓ… لیکن میں خود بھائ صاحب کے سامنے دامن نہیں پھیلا سکتا تھا… بیٹی کا باپ جو ٹہرا… لیکن چند روز پہلے بھائ صاحب اور بابا سائیں نے مجھ سے تمہارا رشتہ مانگا شاہزیب کیلیے… میں سن کر شاکڈ رہ گیا کہ دعائیں ایسے بھی قبول ہوتی ہیں کیا… بے شک رب ہمارے دلوں کے بھید خوب جانتا ہے… اس نے میری بھی سن لی… اور سب سے بڑھ کر یہ کہ شاہزیب نے تمہیں خود پسند کیا… اس کے کہنے پر ہی بھائ صاحب نے یہ رشتہ پیش کیا… میں نے ابھی ان سے وقت مانگا ہے… وہ جلد از جلد ہمارا جواب جاننا چاہتے ہیں… لیکن مجھے تم سے بات کرنی تھی… تمہاری رضا کے بغیر میں یہ فیصلہ نہیں کر سکتا تھا… مجھے تو شاہزیب تمہارے لیے ہر طرح سے پرفیکٹ لگا ہے… تم بھی اس سے مل چکی ہو گی… بتاؤ تمہاری کیا راۓ ہے… تمہاری کیا مرضی ہے…¿¿¿ اور سنو… تمہارا جو بھی فیصلہ ہو گا میں تمہارے ساتھ ہی ہوں گا… ” عبدالہادی نے بات مکمل کر کے اسکی جانب دیکھا… سونا کے چہرے پر الجھن تھی… “بابا… ابھی آپ نے کہا کہ شاہزیب نے مجھے خود پسند کیا اور اسکی خواہش پر ہی تایا جی نے آپ سے یہ بات کی… لیکن شاہزیب نے مجھے کہاں دیکھا…” وہ سوالیہ نگاہوں سے ان کی طرف دیکھے گئ.. “معلوم نہیں بیٹا… کہیں دیکھا ہو گا اس نے تمہیں… ” سونا کے ذہن میں پھر سے وہ ملاقات تازہ ہوئ… شاہزیب کے کمرے میں جب وہ بال لینے گئ تھی… شاہزیب کے انداز کچھ اور کہتے تھے اور ابھی بابا کچھ اور بتا رہے تھے… الجھن کا کوئ سرا ہاتھ نہیں آ رہا تھا… وہ کشمکش میں مبتلا ہوئ کہ کیا جواب دے… بابا کے چہرے پر اس وقت بے تحاشہ خوشی تھی… وہ اس خوشی کو برباد نہیں کرنا چاہتی تھی… لیکن اس کھڑوس سے شادی…اف… اتنے عرصے بعد بابا کے اپنی فیملی سی تعلقات بہتر ہوۓ تھے… ان کی وہ خوشی, وہ سرشاری اس سے چھپی تو نہیں تھی نا…اور یہ رشتہ تایا جی اور دادا جی نے پیش کیا تھا… انکار کی صورت میں کہیں وہ پھر سے بابا سے اپنا رشتہ ختم نہ کر لیں… سونا کے انکار کا اثر بابا اور ان کی فیملی کے ریلیشن شپ پر پڑ سکتا تھا.. اور وہ بابا کو پھر سے تنہا نہیں کرنا چاہتی تھی… شاہزیب کے حوالے سے اس نے خود کو یہ سوچ کر مطمئین کرنے کی کوشش کی کہ پہلی ملاقات پر ہی کسی کو جج نہیں کیا جسلا سکتا کہ وہ کیسا ہے … کسی کو سمجھنے کےلیے اسے وقت دینا پڑتا ہے… ہو سکتا ہے جیسا سونا نے اسے سمجھا ویسا نہ ہو… آخر اسکی تربیت بھی تو اس گھر میں ہی ہوئ تھی پھر وہ اس گھر کے لوگوں سے مختلف کیسے ہو سکتا ہے… سونا خود سے ہی الجھتی رہی پھر بابا کی طرف دیکھا… وہ پرامید نظروں سے اس کی جانب دیکھ رہے تھے… اس نے ایک پل میں فیصلہ کیا تھا ان کی امید کو نا توڑنے کا فیصلہ… ” بابا اگر آپ کو شاہزیب اتنا پسند آیا ہے میرے لیے… پرفیکٹ لگا ہے ہر لحاظ سے… تو آپ ہاں ہر سکتے ہیں… مجھے کوئ اعتراض نہیں… آپ نے جو بھی سوچا میرے لیے بہتر ہی سوچا ہو گا… مجھے آپ کا ہر فیصلہ منظور ہے…” کہہ کر وہ نظریں جھکا گئ… دل کی دہائیوں, اور بار, بار آنکھوں کے سامنے ابھرتی ان نیلی آنکھوں کو نظر انداز کر دیا… بہر حال اس کے لیے اپنے بابا سے بڑھ کر کچھ بھی عزیز نہیں تھا… اپنا دل بھی نہیں.

_______

سکندر اور پریشے اس وقت پارک میں بیٹھے تھے… اسی پارک میں جہاں پریشے نے پہلی بار سکندر کو ملنے کے لیے بلایا تھا…

“میری مانو کیسی ہے اب…¿¿” پریشے نے سکندر سے پوچھا… نظریں سامنے کچھ فاصلے پر کھیلتے بچوں پر جمی تھیں… ” اب تو کافی بہتر ہے…” سکندر نے مسکرا کر جواب دیا…

دو دن پہلے وہ دونوں ہلانگ ڈرائیو کیلیے نکلے تھے…تبھی پریشے نے ایک دم سکندر کو گاڑی روکنے کو کہا… سکندر نے جلدی سے بریک پر پاؤں رکھا اور سوالیہ نظروں سے پریشے کو دیکھا جیسے پوچھ رہا ہو کہ کیا ہوا… ریشے جلدی سے گاڑی سے اتری اور پیچھے کی جانب بھاگی… سکندر حیران سا اس کے پیچھے ہی چلا آیا… یہ سوچتے ہوۓ کہ اچانک کیا ہوا پری کو… قریب جا کر دیکھا تو روڈ کی سائیڈ پر ایک بلی تھی… جس کی ٹانگ زخمی تھی… اور پریشے نے جاتے ہی اسے گود میں اٹھایا… اس کے چہرے پر پریشانی تھی… اس نے غور سے بلی کی ٹانگ کو دیکھا… بلی درد کی وجہ سے عجیب و غریب آوازیں نکال رہی تھی… “بے حس ظالم لوگ… بے زبان جانوروں کو بھی اپنی گاڑیوں تلے کچل کر رکھ دیتے ہیں…” وہ مسلسل بلی کی جانب متوجہ تھی… اسے شروع سے ہی بلیاں بہت پسند تھیں… اور یہ بلی تو تھی بھی بہت خوبصورت.مم بڑے بڑے سفید بالوں والی… سکندر خاموشی سے کھڑا پریشے کے چہرے کے تاثرات ملاحظہ کر رہا تھا..

اسے فخر ہو رہا تھا اپنی محبت پہ… کہ جو اتنی نرم دل تھی کہ جانور کی تکلیف پر بھی تڑپ اٹھی تھی… تبھی پریشے نے چٹکی بجا کر اسے اپنی جانب متوجہ کیا… ایک ہاتھ سے بلی کو اٹھا رکھا تھا… “میں پوچھ رہی ہوں کہ گاڑی میں فرسٹ ایڈ باکس ہے کیا…¿¿¿ اس کی ٹانگ پر بینڈیج کر دیتے ہیں… بے چاری کیسے تڑپ رہی ہے تکلیف سے…” سکندر نے اسکی بات پر سر اثبات میں ہلایا… “ہاں ہے… آؤ..” کہہ کر وہ گاڑی کی جانب بڑھ گیا… دونوں نے اسکی مرہم پٹی کی… پھر سکندر اسے اپنے گھر ہی لے گیا… گھر جا کر ایک ملازم کو اس بلی کا خیال رکھنے کا کام سونپا… ان دو دنوں میں اسے بھی انسیت سی ہو گئ تھی اس سے… جس کیلیے پری اتنی پریشان تھی وہ اسکا خیال کیوں نہ کرتا… اسے کیسے سڑک پر یوں مرنے کو چھوڑ دیتا…ابھی بھی پریشے اسی بلی کے بارے میں پوچھ رہی تھی…

سکندر نے گلا کھنکارا… “پریشے تم سے ایک بات کرنی تھی…” سکندر نے بات شروع کی… پریشے نے ایک نظر اسے دیکھا اور پھر سے نگاہ بچوں پر جما دی.. “کہو…” اجازت دی گئ تھی… “سنڈے کو میرے پیرنٹس آ رہے ہیں نیو یارک… سو میں تمہیں اپنے گھر لے جانا چاہتا ہوں ان سے ملوانے…اور وہاں ایک بہت خوبصورت سرپرائز بھی تمہارا منتظر ہے…” سکندر نے مدعا بیان کیا… پریشے ایک دم گڑبڑائ… “لیکن سکندر…” اس نے کوئ بہانہ بنانا چاہا…. ” لیکن ویکن کچھ نہیں پری… میں سمجھ نہیں پا رہا… جب ذندگی ساتھ گزارنے کا فیصلہ کر ہی لیا ہے تو پھر اعتراض کیسا… آخر دیر کرنے کی وجہ کیا ہے… یہ ہچکچاہٹ یہ انکار کیوں…¿¿¿” سکندر آج طے کر کے آیا تھا کہ پری کو ہر حال میں منا کر ہی دم لے گا… “سکندر…میں کنفیوزڈ ہوں… ڈر لگتا ہے… نہ جانے وہ مجھے قبول کریں گے یا نہیں… کہیں انکار ہی نہ کر دیں… میں ڈرتی ہوں تمہیں کھونے سے…” پری نے آنکھوں میں آنسو لاتے ہوۓ کہا… جبکہ دل ہی دل میں وہ پریشان ہو چکی تھی… سکندر کے انداز سے جان گئ تھی کہ اب کی بار وہ اس کے انکار کو کوئ اہمیت نہیں دے گا… “کیوں نہیں کریں گے قبول تمہیں…تم میری پسند ہو پری… اور میری پسند کو وہ کبھی ریجیکٹ نہیں کریں گے…” سکندر نے نرمی سے اسے سمجھانا چاہا… “لیکن سکندر…تمہارے اور میرے اسٹیٹس میں بہت فرق ہے… وہ کیسے ایک ایسی لڑکی کو اپنی بہو کے طور پر قبول کریں گے جو ان کے ہم پلہ نہ ہو… جس کے ماں باپ , کوئ رشتہ دار اس کے ساتھ نہ ہو…” پری نےایک اور عذر تراشنا چاہا… وہ کسی بھی طرح سکندر کو ٹالنا چاہتی تھی بس… جو ایک معمولی سی جاب کرتی ہو”وہ سب تم مجھ پر چھوڑ دو… میں خود ہینڈل کر لوں گا… ڈونٹ وری… بس اس سنڈے تم میرے ساتھ جا رہی ہو میرے گھر… اینڈ اٹس فائنل… ” سکندر نے بات ختم کرتے ہوۓ کہا… پریشے لب بھینچ ہر رہ گئ.

•••••••

پریشے اس وقت سیم کے فلیٹ میں موجود تھی…سکندر کی آج کی باتوں نے اسے ٹینس کر دیا تھا… وہ ہاتھوں کی انگلیاں چٹخاتی مضطرب سی صوفہ پر بیٹھی تھی… تبھی سیم اندر داخل ہوا… “کیسی ہو بے بی…¿¿¿” سیم نے چمکتی آنکھوں سے اسکی جانب دیکھتے ہوۓ پوچھا… “ٹھیک ہوں..” مدھم سے لہجے میں جواب دیا گیا تھا… سیم نے اس کے ساتھ رکھے دوسرے صوفہ پر بیٹھتے ہوۓ بہت غور سے اس کا چہرہ دیکھا… “کیا ہوا…¿¿ کچھ پریشان سی لگ رہی ہو… سب خیریت تو ہے نا… ” پریشے نے اس کی بات پر سر اٹھایا… ” ہاں پریشان ہوں… سیم …سکندر مجھے مسلسل شادی کے لیے فورس کر رہا ہے… تمہارے مائنڈ میں کیا ہے اب… کب تک اس سب ڈرامے کو ختم کرنے کا ارادہ ہے.. پلیز میں مزید یہ سب نہیں کر سکتی… جتنا جلد ہو سکے میری جان چھڑاؤ اس سے…” وہ روہانسی ہوئ تھی… “ریلیکس یار….کیا ہو گیا ہے….. ” سیم کا لہجہ ابھی بھی پرسکون تھا… “سیم… وہ اس سنڈے مجھے اپنے پیرنٹس سے ملوانے لے جا رہا ہے… میں نے بہت کوشش کہ ٹالنے کی بٹ اب وہ میری نہیں سنے گا… اور میں اس سب جھنجھٹ میں نہیں پڑنا چاہتی… مجھے نہیں ملنا اسے کے پیرنٹس سے…تمہیں جو بھی کرنا ہے جلدی کرو بٹ اس سب کو ختم کرو اب…” اس کی بات پر سیم کے چہرے پر مسکراہٹ پھیلی تھی.. شاطرانہ مسکراہٹ… “اوہ… مطلب اس ڈرامے کے ڈراپ سین کا وقت آ گیا ہے اب… ڈونٹ وری جان… تمہیں اس کے پیرنٹس سے ملنا نہیں پڑے گا… اب بہت جلد اس کھیل کا اور سکندر صاحب کا دی اینڈ کر دیا جاۓ گا… ” وہ کمینگی سے بولا تھا… آنکھوں میں شیطانی مسکراہٹ تھی… اس کی بات سن کر پریشے کا دل ایک لمحے کو کانپا…” تم کیا کرنے والے ہو سیم… تمہیں نہیں لگتا کہ ہم یہ سب غلط کر رہے ہیں… مم… میرا مطلب… سکندر ایک بہت اچھا انسان ہے… مخلص…یوں اسے دھوکا دینا.. کیا یہ ٹھیک ہے…¿¿” پریشے الجھی سی بولی تھی… سیم نے اسکی بات پر غور سے اسکی طرف دیکھا… “اوہ کم آن ڈارلنگ… یہ جو امیر لوگ ہوتے ہیں نہ… ان کی دولت ہی ان کی دشمن ہوتی ہے… اور پھر وہ اتنی دولت کا کیا کرے گا… قبر میں تھوڑی لے جاۓ گا… ہمارا بھی تو حق بنتا ہے نہ اسکی دولت پر تھوڑا سا…بس ایک بار ہمارا پلان کامیاب ہو جاۓ… پھر یہاں سے کہیں دور چلے جائیں گے..م شادی کریں گے… تم ہو گی میں ہوں گا اور پیسہ ہو گا….عیش کریں گے عیش…” وہ اسے سہانے خوب دکھا رہا تھا… پریشے خاموش رہی تو وہ اس کی طرف دیکھنے لگا.. “اس کے ساتھ رہ کر کہیں تم بھی تو اس سے محبت نہیں کر بیٹھی…¿¿” سیم نے گھٹیا انداز میں آنکھ دبائ اور دوبارہ سے ہنسنے لگا…پری نے خفگی سے اسکی جانب دیکھا… “محبت صرف ایک بار ہوتی ہے… اور میں تم سے کر چکی ہوں محبت… تمہارے سوا کسی اور کی گنجائش نہیں میری ذندگی میں…” خفا سے لہجے میں کہا گیا.. “اوہ… سو سویٹ بے بی… چلو اسی خوشی میں آج کا ڈنر میری طرف سے… ” اس نے مسکراتے ہوۓ کہا… پریشے بھی پھیکا سا مسکرائ… دل میں کچھ کھٹک رہا تھا… کوئ احساس جرم… بے چینی اضطراب… لیکن اس نے اپنے ضمیر کی آواز کو نظر انداز کر دیا۔