Rabba Qismat Mein Rona Kun Likha by Ayat Noor NovelR50716 Rabba Qismat Mein Rona Kun Likha by Ayat Noor Episode 06,07

پچھلے دو مهینوں میں سونا کے هاں اس کے تایا جی تین بار آ چکے تھے… دو بار تو اکیلے تھے… ایک بار ایک نوجوان کے ساتھ آۓ جو ان کا بیٹا تھا… اس کے ساتھ ساتھ ان کے هاں سے درجنوں فون بھی آ چکے تھے جن میں مسلسل اصرار کیا جا رها تھا که سونا اور عبدالهادی حویلی چکر لگائیں… سونا الجھ کر ره گئ… کهاں تو وه لوگ هماری شکل دیکھنے کے روادار نه تھے… اور اب اتنی اپنائیت دکھائ جا رهی تھی… ایسا کیا هوا که ان کے ذهن بدل گۓ… عبدالهادی چونکه آجکل بھت مصروف تھے اس لیے چاه کر بھی وقت نکال نهیں پا رهے تھے …آج پھر عبدالعزیز اور ان کے والد صاحب کا فون آیا تھا… شکوے شکایات سے بھر پور… حویلی نه آنے کےگلے …. اور سونا کے دادا جی تو رو هی پڑے تھے فون پر… تڑپ رهے تھے اپنے لخت جگر سے ملنے کو… اس لیے عبدالهادی نے آج شام هی حویلی کیلیے روانه هونےکا اراده کیا… سونا کا آخری سمسٹر تھا…اور ایگزام میں ایک ماه ره گیا تھا…اس لیے وه نهیں جا رهی تھی ساتھ…اس نے بابا سے کهه دیا تھا که اس سمسٹر کے ایگزامز ختم هونے کے بعد وه سکون سے, ٹینشن فری هو کر جاۓ گی ان کے ساتھ حویلی… ابھی اسے صرف اور صرف اسٹڈیز اور پیپرز پر هی توجه دینی هے… عبدالهادی اسے اپنا خیال رکھنے کی تاکید کرتے گھر سے روانه هو گۓ… ان کے انداز میں جو خوشی اور جوش تھا… اپنوں سے ملنے کا… سونا اسے محسوس کیے بنا نه ره سکی اور مسکرا دی…

——–

سکندر اس وقت اپنے عالیشان آفس میں بیٹھا تھا… سامنے اس کا سیکرٹری بیٹھا تھا جسے سکندر کچھ هدایات دے رها تھا… تبھی فون کی گھنٹی سنائ دی… سکندر نے فائل دیکھتے هوۓ ایک هاتھ سے فون ریسیو کیا… نظریں اور توجه فائل پر هی مرکوز تھیں… دوسری جانب ریسیپشنسٹ کی آواز سنائ دی… “سر… کسی پریشے نام کی لڑکی کا فون هے… آپ سے بات کرنا چاهتی هیں… کهه رهی هیں که ضروری کام هے آپ سے… ” سکندر نے پین پکڑا اور فائل پر کچھ انڈر لائن کرتے هوۓ اس کی بات سنی… “کون پریشے…¿¿¿ اور مجھ سے کیا کام هو سکتا هے انهیں…” وه بڑبڑایا تھا تبھی ریسیپشنسٹ بولی… ” آئ ڈونٹ نو سر… کیا کهوں انهیں… آپ کال لیں گے یا منع کر دوں…¿¿¿” سکندر نے کچھ لمحے سوچا… “اوکے… کال ملائیے…” وه مصروف سا بولا … دوسری طرف سے کال ملا دی گئ… چند لمحوں کے توقف سے فون پر ایک خوبصورت نسوانی آواز ابھری… “”

“هیلو…” “هیلو… سکندر اسپیکنگ…” سکندر نے پین سے فائل پر کچھ اهم پوائنٹس پر نشان لگاۓ… “سر… میں پریشے بات کر رهی هوں…” لڑکی تھوڑی نروس هوئ تھی… “آئ نو… بٹ کون پریشے… آئ مین… میں آپ کو نهیں جانتا… اینڈ مجھ سے کیا کام هے آپ کو…” اب کی بار سکندر کے لهجے میں اکتاهٹ اور بے زاری نمایاں تھی… دوسرے طرف چند لمحوں کیلیے بالکل خوشی چھا گئ… “هیلو مس… آر یو ہیر…¿¿¿” سکندر کو گماں هوا شاید لائن کٹ گئ هے… “ایکچوئلی…. میں وهی لڑکی بات کر رهی هوں جس کا آپ کی گاڑی سے ایکسیڈنٹ هوا تھا اور آپ مجھے هاسپٹل لے کر گۓ تھے…اس کے بعد بھی آپ سے دو تین بار ملاقات هوئ تھی… آپ نے بات کرنے کی کوشش کی تھی لیکن میں نے ڈپٹ دیا تھا آپ کو…” پریشے نے لب کاٹتے هوۓ وضاحت دی… “میری گاڑی سے ایکسیڈنٹ… هاسپٹل…” سکندر الجھا تھا… اور پھر ایک دم اسکے ذهن میں وه منظر روشن هوا… اسے خفیف سا جھٹکا لگا… وه تو امید هی چھوڑ بیٹھا تھا که یه لڑکی اس سے رابطه کرےگی… “او مائ گاڈ… آپ… پ.. پریشے بات کر رهی هیں… آئم… آئم سو سوری… میں آپ کو پهچان نهیں پایا … ایکچوئلی مجھے آپ کا نام معلوم نهیں تھا…” سامنے بیٹھے سیکرٹری نے حیرت سے سکندر کو دیکھا… ابھی کچھ دیر پهلے سکندر کا لهجه اکتاهٹ سے بھر پور تھا… وه فن بند کرنا چاه رها تھا اور اب ایکدم سے اس کے لهجے میں دنیا جهان کی خوشی, جوش , بے یقینی سمٹ آئ تھی… تبھی اسکی نگاه سیکرٹری پر پڑی… “ایکسکیوزمی… ویٹ آ منٹ پلیز…” فون پر کها اور پھر سیکرٹری کی جانب متوجه هوا… “حماد… ابھی یه فائل پر میں نے اهم پوائنٹس پر نشان لگا دئیے هیں… انهیں پڑھ لیجیے… باقی انسٹرکشنز میں کچھ دیر بعد دیتا هوں… اوکے… ” “شیور سر…” حماد نے فائل اٹھائ اور دروازه کھول کر باهرچلا گیا..

“یس…” سکندر نے پھر سے فون کان کو لگایا… دوسری طرف خاموشی چھائ رهی… سکندر نے ریسیور هٹا کر ایک نظر دیکھا اور پھر سے کان سے لگایا… “سر… میں آپ سے ملنا چاهتی هوں…” دوسری طرف سے مدعا بیان کیا گیا… سکندر ایک بار پھر حیرت کے سمندر میں ڈوبا…کهاں تو وه لڑکی اس کی شکل تک دیکھنا نهیں چاهتی تھی… اور کهاں اب اچانک سے ملنے کی فرمائش… اس کی خاموشی سے جانے پریشے نے کیا مطلب اخذ کیا تھا تبھی لجاجت سے کهنے لگی… “سر… میں نے آپ سے جو بھی رویه اختیار کیا اس کے لیے بھت معذرت… هو سکے تو معاف کر دیجیے گا… اور مجھے آپ سے ضروری بات کرنی هے… فون پر نهیں کهه سکتی… اگر آپ کے پاس تھوڑی سی فرصت هو تو پلیز مجھ سے مل.لیجیے گا…” لهجه درخواست گزار تھا… “ارے نهیں نهیں… معذرت کی کوئ ضرورت نهیں…آپ نے جو بھی کها اس کے لیے حق بجانب تھیں… اینڈ رهی بات فرصت کی… تو آپ کیلیے میرے پاس فرصت هی فرصت هے… بتائیے … کب اور کهاں ملنا پسند کریں گی…” سکندر کے لهجے میں بشاشت اور سرشاری تھی…پریشے نے وقت اور جگه کا نام بتا کر فون بند کر دیا تو وه مسکراتے هوۓ اس کے بارے میں

سوچنے لگا…

——–

عبدالهادی اس وقت لاؤنج میں صوفه پر بیٹھے ایک فائل پر کچھ کام کر رهے تھے جب سونا پیچھے سے آئ اور ان کے گلے میں بانهیں ڈال کر ان کے کندھے پر سر رکھا… “کیا هو رها هے ڈئیر بابا جانی…” عبدالهادی ایک.لمحے کو چونکے تھے پھر مسکرا کر ایک هاتھ سے سونا کے بالوں کو پیار سے چھوا… “کچھ خاص نهیں… بس آفس کا تھوڑا سا کام تھا وهی کر رها هوں… ” سونا بھی مسکراتی هوئ ان کے ساتھ هی آ بیٹھی… “آهم آهم… جب سے حویلی سے چکر لگا کر آۓ هیں…بھت خوش رهنے لگے هیں آپ بابا… ایسا کیا ملا اس حویلی میں… مجھے بھی تو بتائیں… آپ تو پهلے سے بھی زیاده هینڈسم لگنے لگے هیں…” سونا کے انداز میں شرارت کے ساتھ ساتھ تجسس بھی تھا… اسکی بات پر عبدالهادی هنس دئیے… “اپنوں سے مل کر کون خوش نهیں هوتا میری جان… جیسے تم اپنے بابا سے مل کر, باتیں کر کے خوش هوتی هو… جیسے مجھ سے پیار کرتی هو…بالکل ایسے هی میں بھی اپنے بابا سے محبت کرتا هوں… تو ان سے ملنے کی هی خوشی هے یه… اور رهی بات هینڈسم هونے کی… تو وه تو میں پهلے سے هی هوں… بس تمهیں آج نظر آیا شاید… ” عبدالهادی بھی بات کرتے کرتے آخر میں شرارت پر آماده هوۓ …سونا کھلکھلا دی… تبھی عبدالهادی پھر سے مخاطب هوۓ… “سونا بشیراں سے کهه دو که آج کھانا نه بناۓ…آج ڈنر هم باهر کرنے جائیں گے…اور تم جلدی سے تیار هو جاؤ… کافی عرصه هو گیا میں اپنی گڑیا کو کهیں باهر لے کر نهیں گیا…” انهوں نے سونا کی طرف دیکھا… “اچھا… اور اگر میں جانے سے انکار کر دوں تو… ¿¿¿” سونا نے شرارتی انداز میں ابرو اچکاۓ… “ایز یو وش مائ بے بی…” عبدالهادی فائل پر جھک گۓ جبکه لبوں پر خفیف سی مسکراهٹ تھی… “نهیں نهیں بابا… میں مذاق کر رهی تھی… بھلا ایسا کبھی هو سکتا هے که مجھے آپ کے ساتھ کهیں جانے کا موقع ملے اور میں انکار کر دوں…” سونا جلدی سے بولی مبادا جانے کا پروگرام واقعی کینسل نه هو جاۓ… عبدالهادی نے سر اٹھایا اور محبت بھری نظروں سے اسے دیکھا… “آئ نو بیٹا جی… تم همیشه ویٹ کرتی رهتی هو که میں تمهیں باهر لے کر جاؤں… دونوں ڈھیر سارا وقت ایک دوسرے کے ساتھ بتائیں… اور آجکل مصروفیت کی وجه سے میں تمهیں پراپر ٹائم نهیں دے پا رها… آفس میں کام بڑھ گیا هے آجکل…. ” انهوں نے فائل پرے کھسکا دی …. ” جانتی هوں بابا… اور مجھے آپ سے کوئ شکایت نهیں هے… بس اپنی ڈھیر ساری مصروفیات میں یه یاد رکھیے گا که آپ کی ایک پیاری سی بیٹی بھی هے… سونا… جو آپ سے بے حد پیار کرتی هے…” سونا نے لگاوٹ سے ان کے کندھے پر سر رکھا تو عبدالهادی نے اس کے ماتھے پر بوسه دیا… پھر اپنا ایک بازو اس کے کندھوں کے گرد پھیلایا… “اپنے اس بے حد پیار میں سے تھوڑا سا حصه کسی اور کے لیے بھی رکھ لو…. سارا پیار مجھے هی دے دو گی کیا…¿¿¿” وه شرارت سے گویا هوۓ …. سونا سیدھی هو کر بیٹھی اور تیکھی نظروں سے ان کی طرف دیکھا…. “کسی اور کیلیے کس کیلیے…¿¿¿” عبدالهادی مسکراۓ “ارے وهی… جو تم سے شادی کر کے… تمهارے بابا سے چرا کے تمهیں دور لے جاۓ گا… تمهارے خوابوں کا شهزاده…”

ان کی بات پر سونا گڑبڑائ تھی ایک پل کو…آج سے پهلے کبھی عبدالهادی نے اسطرح کی بات تو نهیں کی تھی… پھر وه ان کیطرف سے تھوڑا سا رخ موڑ کر بیٹھ گئ… یه خفگی کا اظهار تھا… “کوئ نهیں هے میرے خوابوں کا شهزاده… اور کهیں نهیں جا رهی میں… آپ سے دور تو بالکل بھی نهیں… نه هی مجھے شادی کرنی هے…مجھے همیشه اپنے بابا کے ساتھ رهنا هے…آپ کے پاس… آپ میرے لیے کافی هیں اور میں آپ کیلیے… کسی تیسرے کی هماری لائف میں کوئ گنجائش نهیں…” وه نروٹھے پن سے بولی تھی… بابا کی بات سے دل کو دھچکا سا لگا تھا… آنکھوں میں پانی جمع هونے لگا… “میری گڑیا…کوئ کتنا بھی کیوں نه چاهے…بیٹیوں کو وداع تو کرنا هی پڑتا هے…ایک نه ایک دن تو بیٹی کو شادی کر کے جانا هی هوتا هے اپنے اصل گھر… ” عبدالهادی کے لهجے میں بھی اداسی گھل گئ تھی… “لیکن بابا…” سونا که آواز بھرائ تھی… “لیکن ویکن کچھ نهیں… اس ٹاپک کو ابھی رهنے دو… تم جانتی هو نه مجھے اپنی گڑیا کی آنکھوں میں آنسو بالکل گوارا نهیں… چلو اٹھو شاباش… تیاری کرو… ابھی هم جا رهے هیں باهر ڈنر کیلیے… اٹھو اٹھو…” انهوں نے سونا کے آنسو صاف کرتے هوۓ هاتھ پکڑ کر اسے اٹھایا… تو وه اپنے کمرے کی جانب بڑھ گئ..

Episode 7