No Download Link
Rate this Novel
Episode 23
سالک حیدر نے عدنان کو پورے گاؤں کی سیر کرائی،، عدنان کو اس کا گاؤں بہت پسند آیا تھا وہ حقیقتاً بہت متاثر ہوا ۔۔۔۔۔۔۔۔ اس کے بعد وہ اسے حویلی لے آیا جہاں اس نے سب سے ملاقات کے بعد رخصتی لے لی تھی،، اور سالک حیدر ڈیرے پر چلا گیا تھا ۔۔۔۔
وہ برآمدے میں سب کے ساتھ گپ شپ کرنے کے بعد چہل قدمی کی غرض سے باغ سے ملحق پچھلے حصّے کی جانب چلی آئی،،، اس حصّے کی طرف اس کا کبھی آنا نہیں ہوا تھا ۔۔۔۔۔۔ حویلی ہی اس قدر بڑی تھی کہ اس پانچ منزلہ حویلی کی اس نے ابھی صرف 3 منزلہ ہی سیر کی تھی ۔۔۔۔۔۔۔۔ اس کا کمرہ دوسری منزل پر تھا ۔۔۔۔۔۔۔۔۔۔۔۔۔ باغ کی ایک سائیڈ پر بنے دروازے کو کھول کر وہ اندر داخل ہوئی ۔۔۔۔۔ وہ صاف ستھری و کافی وسیع و عریض جگہ تھی جس کی دیواریں اصطبل کے ساتھ ملی ہوئی تھیں ۔۔۔۔۔۔۔۔۔۔ یہاں بھینس و دنبے وغیرہ بندھے ہوئے تھے ۔۔۔۔۔۔۔ وہ زرا اور چلتی لکڑی کے بنے ایک دروازے کے سامنے آ رکی جبھی اپنے پیچھے کسی اور کی موجودگی محسوس کر کے وہ جھٹکے سے پلٹی تو سامنے پلوشہ کو کھڑا پایا۔ سوہا کو اس کی نظروں کا تاثر بہت عجیب سا لگا۔
تم یہاں کیا کر رہی ہو ؟؟ اس نے رعونت بھرے انداز میں پوچھا
میں بس یہاں سیر کے لئے آئی تھی ۔۔۔۔۔۔۔۔۔۔ آؤ نا بیٹھ کے باتیں کرتے ہیں ۔۔۔۔۔۔۔۔۔ سوہا نے ہلکے سے مسکرا کر خوشدلی سے کہا
میرے ابھی اتنے برے دن نہیں آئے کہ میں تمہارے ساتھ بیٹھ کے باتیں کروں سمجھی ۔۔۔۔۔۔۔۔۔ وہ تلخی سے بولی تو سوہا گہری سانس بھر کے رہ گئی
پلوشہ،، تمہیں شروع دن سے ہی مجھ سے مسئلہ رہا ہے ۔۔۔۔۔۔ آخر کیوں ؟؟ میں سمجھ نہیں پا رہی ۔۔۔۔۔ جو کچھ ہوا اس میں میرا تو کوئی قصور نہیں تھا ۔۔۔۔۔ کیا تم میرے ساتھ اپنے اس عجیب و غریب رویےّ کی وضاحت کرو گی ؟ ۔۔۔۔۔۔۔۔۔۔۔ سوہا نے نا سمجھی سے کہا تو پلوشہ کے ہونٹوں پر ایک طنزیہ مسکراہٹ آ گئی۔
تمہارا ہی تو سارا قصور ہے،، تم نے پیٹھ پیچھے عاشقی کا چکّر چلایا میرے منگیتر کے ساتھ،، اور آخر کار اسے مجھ سے الگ کرنے کی سازش میں کامیاب ہو ہی گئی تم ۔۔۔۔۔ کچھ بھولی نہیں ہوں میں ۔۔۔۔۔۔۔۔۔۔۔ وہ چبا چبا کر بولی تو سوہا نے تاسف سے سر ہلاتے ہوئے بنا کچھ کہے وہاں سے نکلنے کے لئے دروازے کی سمت قدم بڑھایا ہی تھا کہ پیچھے سے پلوشہ نے اس کا ہاتھ سختی سے پکڑ کر اسے جھٹکا دیا وہ گویا ہل کر رہ گئی ۔۔۔۔۔۔ سوہا کو لگا اس کا بازو ٹوٹ جائے گا
پلوشہ چھوڑو مجھے،، یہ کیا کر رہی ہو تم ؟؟ وہ درد کی شِدّت سے گھٹی گھٹی آواز میں بولی تو پلوشہ ہذیانی ہنسی ہنسی۔
نہیں چھوڑوں گی بتاؤ کیا بگاڑ لو گی میرا ۔۔۔۔۔۔۔۔۔۔۔۔۔۔۔ وہ اس وقت ہوش و حواس سے مکمل طور پر بیگانہ لگ رہی تھی ۔۔۔۔۔۔۔ سوہا کو اس سے خوف سا محسوس ہوا
پلوشہ کیا تم پاگل ہو گئی ہو ؟ میں کہہ رہی ہوں میرا ہاتھ چھوڑو پلیز ۔۔۔۔۔۔۔ مجھے درد ہو رہا ہے ۔۔۔۔۔۔۔۔۔۔۔۔۔۔۔۔ سوہا کا چہرہ بے تحاشہ سرخ اور آنکھیں نم ہو گئی تھیں۔
ہاں میں پاگل ہو گئی ہوں اور اب دیکھنا اسی پاگل پن میں تمہارے ساتھ کیا کرتی ہوں میں ۔۔۔۔۔۔۔۔۔۔۔۔۔۔۔۔۔ وہ اسی سختی سے اس کا ہاتھ پکڑے اسے لکڑی سے بنے دروازے کے قریب لے آئی ۔۔۔۔۔۔ اور بند دروازے کی کنڈی کھول دی ۔۔۔۔۔۔۔ اندر کا منظر دیکھ کر سوہا کی آنکھیں خوف کی شِدّت سے پھٹ گئیں ۔۔۔۔۔۔۔۔ اس کمرے میں رات کو حویلی کے باہر چھوڑے جانے والے جنگلی کتّے موجود تھے ۔۔۔۔۔۔۔۔۔ جن کی تعداد لگ بھگ آٹھ سے دس کے قریب تھی۔ وہ سارے زنجیر میں بندھے ہوئے تھے اور اپنی لمبی زبانیں باہر کو لٹکائے کچھ کھڑے جبکہ کچھ زمین پر بیٹھے ہوئے تھے ۔۔۔۔۔۔۔۔۔۔۔ خوف کے مارے سوہا کی سانسیں رک گئیں۔ اس نے بے ساختہ پورا زور لگا کر اپنا ہاتھ پلوشہ کی مضبوط گرفت سے آزاد کرنا چاہا،، مگر اب اس نے دونوں ہی ہاتھوں سے اس کا ہاتھ جکڑا ہوا تھا ۔۔۔۔۔۔۔۔ اس کی سخت پکڑ سے اس کا ہاتھ لال ہو گیا تھا۔
چھوڑو میرا ہاتھ پلوشہ ۔۔۔۔۔۔۔۔۔۔۔ پلیز ۔۔۔۔۔۔۔۔ وہ اپنا ہاتھ چھڑانے کی کوشش میں روہانسی ہوتی چیخ کر بولی جبکہ وہ اسی پراسرار سی مسکراہٹ کیساتھ اسے دیکھ رہی تھی
چِلاّؤ خوب چِلاّؤ ۔۔۔۔۔۔ اس وقت یہاں کوئی نہیں آنے والا ۔۔۔۔۔۔۔ وہ اسہزائیہ انداز میں کہتی اس کا ہاتھ پکڑ کر اسے بیدردی سے کھینچتے اندر لے آئی ۔۔۔۔۔ اور اسے زمین پر دھکا دے دیا ،،، سوہا تیر کی سی تیزی سے اٹھ کر دروازے کی سمت بھاگی اور اس کی دروازہ بند کرنے کی کوشش کو روکنے کی سعی کی ۔۔۔۔۔ اسی جدو جہد میں اس کا ہاتھ دروازے سے کچل گیا ۔۔۔۔۔۔۔۔ وہ بری طرح تڑپ کر پیچھے ہٹی ۔۔۔۔۔ اور تب تک وہ باہر سے دروازہ بند کر چکی تھی ۔۔۔۔۔۔۔۔
پلوشہ تم اتنی ظالم کیسے ہو سکتی ہو ؟؟ پلیز دروازہ کھولو ۔۔۔۔۔۔۔ مجھے بہت ڈر لگ رہا ہے ۔۔۔۔۔۔۔ میں مر جاؤں گی ۔۔۔۔ تم ایسا کیسے کر سکتی ہو ۔۔۔۔۔۔۔ مجھے یہاں سے نکالو خدا کیلئے ۔۔۔۔۔۔۔۔۔ ایک نظر پیچھے کچھ فاصلے پر بندھے کُتوں پر ڈالتے و تڑپ تڑپ کر روتے ہوئے اس نے دروازہ بری طرح پیٹ ڈالا مگر وہ جا چکی تھی ۔۔۔۔۔۔۔ وہ اسی شِدّت سے روتی اپنا بے تحاشہ درد کرتا جو کہ دروازے میں آنے کی وجہ سے نیلا ہو رہا تھا، پکڑ کر دروازے سے بالکل چپک کر کھڑی ہو گئی اور روتے ہوئے دروازے سے سر ٹکا لیا۔
حیدر سائیں کہاں ہیں آپ ۔۔۔۔۔۔۔ مجھے یہاں سے نکالیں ۔۔۔۔۔۔۔۔۔ پلیز آ جائیں جلدی ۔۔۔۔۔۔۔ مجھے بہت ڈر لگ رہا ہے ۔۔۔۔۔۔۔۔۔۔۔ اپنے سامنے بندھے کتوّں کو غراتا ہوا دیکھکر وہ زار و قطار پھوٹ پھوٹ کر رو دی۔
*****************دوپہر کے ایک بجنے کو تھے جب سالک حیدر ڈیرے سے واپس آیا تھا۔ مہروز خان کے علاوہ بقیہ مرد حضرات بھی میل کی ہی جانب گئے ہوئے تھے۔ وہ بی جان سے ملنے کے بعد اپنے کمرے میں داخل ہوا تو سوہا موجود نہیں تھی۔ وہ اطراف میں نظریں دوڑاتا کمرے سے باہر نکلا تو سامنے گُلشن (ملازمہ) آتی دکھائی دی
بات سنو،، سوہا بی بی کو میرے پاس بھیجو ۔۔۔۔۔۔۔۔۔۔۔۔۔ وہ اسے حکم دیتا واپس کمرے میں چلا گیا۔ تقریباً پونہ گھنٹہ ہو چلا تھا اور گُلشن کی واپسی ابھی بھی نہیں ہوئی تھی ۔۔۔۔۔۔۔۔ وہ غصّے سے بل کھاتا باہر نکلا اور بلند آواز میں اسے آواز دی تو وہ ہانپتی ڈھانپتی سیڑھیاں چڑھ کر اوپر آئی
کدھر مر گئی تھیں تم ؟؟ وہ اسے دیکھ کے دہاڑا تو وہ اور بھی ہڑبڑا گئی۔
س،، سائیں نیچے ہر جگہ دیکھ لیا میں نے لیکن سوہا بی بی نہیں ملیں جی ۔۔۔۔۔۔۔۔ وہ کانپتی آواز میں بولی تو، وہ الجھتا ہوا سیڑھیاں اتر کے نیچے آ گیا۔ وہ صحن میں داخل ہوا تو وہاں بی جان کیساتھ شرمین بیگم بھی موجود تھیں۔
بی جان سوہا کدھر ہے ؟؟ اس نے بی جان سے پوچھا
صبح برآمدے میں موجود تھی اس کے بعد تو میں نے بھی نہیں دیکھا اسے ،،، تو اپنے کمرے میں دیکھ لے ہو سکتا ہے وہیں موجود ہو ۔۔۔۔۔۔۔۔۔۔۔۔۔ بی جان نے جواب دیا
بی جان میں وہاں دیکھ چکا ہوں وہ کمرے میں نہیں ہے ۔۔۔۔۔۔۔۔۔۔۔ گُلشن سے بھی کہا اسے بلانے کو تو اس نے بتایا کہ وہ نیچے کہیں موجود نہیں ہے ۔۔۔۔۔۔۔۔ اس کی بات پر بی جان بھی سوچ میں پڑ گئیں۔
ہیں ؟؟ تو اوپر علیزے وغیرہ کے کمرے میں ہوگی ادھر پتہ کروا ،، کدھر گئی یہ لڑکی ۔۔۔۔۔۔۔۔۔۔۔۔۔ بی جان کے کہنے پر وہ بالوں میں ہاتھ پھیرتا صحن سے باہر نکلا ۔۔۔۔۔۔۔۔۔ اور شنّو (ملازمہ) کو اوپر سوہا کو بلانے کیلئے بھیجا ۔۔۔۔۔۔ تھوڑی دیر بعد وہ واپس لوٹی ۔۔۔۔۔ اس کا بھی وہی جواب تھا جو گلشن کا تھا ۔۔۔۔۔۔۔۔ وہ حیرت زدہ سا ہوتا باغ کی سمت آ گیا ۔۔۔۔۔۔۔۔ وہاں گُلاٹی (ملازمہ) کے الاوہ کوئی نہ تھا اسے اِدھر بھی موجود نہ پا کر وہ اضطراری انداز میں پلٹ کر اندر جانے کو ہی تھا کہ باغ کی ایک سائیڈ کا دروازہ کھول کر حواس باختہ سا انور آتا دکھائی دیا۔ اسے دیکھکر وہ دوڑتے قدموں سے نزدیک آیا
سائیں وہ میں جانوروں کو چارا ڈالنے گیا تھا جی ۔۔۔۔۔۔۔۔۔۔۔ تو جس کمرے میں کُتے ہوتے ہیں نا جی اس کمرے میں سوہا بی بی بیہوش پڑی ہیں،، اور دروازہ باہر سے بند تھا ۔۔۔۔۔۔۔۔۔۔۔۔۔ انور نے پھولی سانسوں سمیت بات مکمل کی تو سالک حیدر پہ جیسے پہاڑ ٹوٹ پڑا جبکہ گُلاٹی جھاڑو پھینک کر بھاگتے ہوئے اندر اعلان کرنے چلی گئی
واٹ ؟؟؟ وہ زور سے چیخا اس کے چہرے کا رنگ متغیر ہو گیا تھا ،،، وہ تیر کی سی تیزی سے دروازے سے اندر داخل ہو کر اس کمرے تک پہنچا ۔۔۔۔۔۔ اندر کا منظر دیکھکر اس کا دل جیسے کسی نے مٹھی میں بھینچ لیا ۔۔۔۔۔۔ وہ بے ترتیب سی ابتر حالت میں نیچے زمین پہ پڑی ہوئی تھی۔
سوہا میری جان ۔۔۔۔۔۔۔۔۔۔۔۔۔۔۔ تیزی سے کمرے میں داخل ہوتا وہ ایک گھٹنے کے بل جھکا اور اسے اٹھا کر اپنے بازوؤں میں بھرا ۔۔۔۔۔۔۔
سوہا؛؛ آنکھیں کھولو ۔۔۔۔۔۔۔۔۔۔۔ اس کے گال تھپتھپاتے ہوئے وہ بیحد پریشان حال تھا، اور وہ ہنوز بیہوشی کے عالم میں تھی۔
کیسے آئی ادھر یہ ؟ اور کس نے بند کیا اسے یہاں ؟؟؟ کیا تم میں سے کسی نے بھی نہیں دیکھا ؟ وہ پیچھے کھڑے انور پر زور سے چلایا
سائیں،، صبح کے وقت کامو کتوّں کو باندھ کے اور میں بھینس کا دودھ نکال کے دروازہ بند کر گیا تھا ۔۔۔۔۔۔ مجھے نہیں معلوم بی بی جی ادھر کیسے آئیں !!! انور سہمے ہوئے لہجے میں بولا،، سالک حیدر اس کے بیہوش وجود کو اپنے بازوؤں میں اٹھائے کمرے سے باہر نکل گیا۔
وہ باغ کے دروازے سے نکلتا اندر کی جانب بڑھا،، اس اثناء میں اسماء بیگم بی جان سمیت زونیہ و علیزے وغیرہ بھی پریشان سی اسی جانب آ رہی تھیں ۔۔۔۔
سالک کے بازوؤں میں اس کے بے سدھ وجود کو دیکھتے بی جان کا کلیجہ منہ کو آ گیا ۔۔۔۔۔۔ بیحال سی اسماء بیگم بھی اسے دیکھنے لگیں !!!
سالک حیدر نے اسے لاؤنج کے صوفے پر لٹایا ۔۔۔۔۔۔ ضبط کی شِدّت سے اسکا چہرہ سرخ ہو رہا تھا ۔۔۔۔۔۔۔ صبح وہ اسے ہنستا مسکراتا چھوڑ کر گیا تھا اور اب اس کی یہ حالت دیکھکر اس کا بس نہیں چل رہا تھا کہ وہ کیا کر ڈالے۔
پانی لے کر آؤ جلدی ۔۔۔۔۔۔۔۔۔۔۔۔۔۔ اس نے بوکھلائی ہوئی سی کھڑی بانو (ملازمہ) سے کہا تو وہ باورچی خانے کی سمت بھاگی
ہائے میری بچّی ۔۔۔۔۔۔۔۔۔۔ کیا حالت ہو گئی ہے میری دھی کی ۔۔۔۔۔۔ کس نے بند کیا اسے کمرے میں،، آخر کس نے کیا یہ ظلم ۔۔۔۔۔ بی جان بیقراری سے بولتی اس کے قریب ٹک گئیں اور اس کے بکھرے بالوں کو سمیٹا ،،، لڑکیاں پریشانی و ناسمجھی کی کیفیت میں ایک دوسرے کو دیکھ رہی تھیں اور ان کے ساتھ پلوشہ بھی موجود تھی جس کی کینہ توز نظریں سوہا کے چہرے پر تھیں ۔۔۔۔ اسماء بیگم روہانسی سی ہو گئی تھیں۔
سوہا ۔۔۔۔۔۔۔۔۔۔ سالک حیدر نے بھینچے ہوئے لہجے میں اسے پکارا لیکن اسکی ساکت پلکوں میں کوئی جنبش نہیں ہوئی۔ جبھی بانو پانی لے آئی تھی اس نے اس کے ہاتھ سے گلاس لے کر پانی کے چند چھینٹے اس کے چہرے پر مارے تو وہ کسمسائی تھی ۔۔۔۔۔۔۔۔
گلاس رکھ کر وہ فوراً اس پر جھکا ۔۔۔۔۔۔ اور اس کا گال تھپتھپایا
سوہا آنکھیں کھولو ۔۔۔۔۔۔۔ مجھے دیکھو میں ادھر ہوں تمہارے پاس ۔۔۔۔۔۔۔۔ اس نے اس کے چہرے کو سہلاتے ہوئے کہا تو وہ آنکھیں کھول کر خالی خالی نظروں سے اسے دیکھنے لگی ۔۔۔۔۔۔۔۔۔ سالک حیدر نے اسے سہارا دیتے اٹھایا اور خود اس کے قریب صوفے پر بیٹھ گیا ۔۔۔۔۔۔۔۔ وہ اب مکمل ہوش میں آ چکی تھی مگر نڈھال سی تھی۔
میری دھی،، تو بتا مجھے تو وہاں کیسے پہنچی اور تجھے کس نے کمرے میں بند کیا ؟؟؟ بی جان اس کے سر پر ہاتھ پھیر کر آبدیدہ سی بولیں ۔۔۔۔ اور وہ اس کا سر اپنے شانے سے لگا گیا اور ساتھ ہی جیسے ہی اس کا ہاتھ تھاما وہ تکلیف کی شِدّت سے ہچکی لیتے ہاتھ پیچھے کر گئی۔
سالک حیدر نے اس کا ہاتھ تھام کر سامنے کیا تو پوری ہتھیلی نیلی ہوئی پڑی تھی ۔۔۔۔۔۔۔۔۔ اس کی آنکھیں بے تحاشہ سرخ اور پارہ ساتویں آسمان پر جا پہنچا ۔۔۔۔۔ پلوشہ کی آنکھوں میں خوف اب واضح طور پر ہلکورے لے رہا تھا
سوہا مجھے بتاؤ ۔۔۔۔۔۔۔ کس نے کیا یہ ؟؟؟ اس نے اس سے پوچھتے ہوئے اس کا چہرہ سامنے کیا
میں وہاں سیر کے لئے گئی تھی،، پھر وہاں پلوشہ آ گئی اس نے مجھے اس کمرے میں بند کر دیا میں دروازہ کھولنے کی کوشش میں تھی پھر دروازے سے میرا ہاتھ کچل گیا ۔۔۔۔۔۔۔۔۔۔۔ وہ ہچکیوں کے درمیان بولی تو سب حیرت و تاسف سے پلوشہ کو دیکھنے لگے جس کے چہرے کا رنگ اڑا ہوا تھا۔ گلناز بیگم فق چہرے کے ساتھ بیٹی کو دیکھنے لگیں ۔۔۔۔۔۔۔۔ سالک حیدر کا جاہ و جلال انتہا کو پہنچ گیا تھا ۔۔۔۔۔۔۔۔ آنکھوں میں جیسے خون اتر آیا تھا بے تحاشہ سلگتی آنکھوں سے وہ اسے خود سے الگ کرتا اٹھا تھا تو بی جان نے نڈھال سی سوہا کو اپنے سینے سے لگا لیا۔ اسماء بیگم بھی بیٹی کے پاس آ بیٹھیں اور اس کا سر سہلانے لگیں۔
ہائے پلوشہ،، تجھے زرا بھی خوفِ خدا نہ آیا ۔۔۔۔۔۔۔ میری بچی کا ہاتھ اتنی بری طرح دروازے میں آ گیا ۔۔۔۔ تونے اس کو مارنے میں کوئی کثر نہیں چھوڑی ۔۔۔۔۔۔۔ بی جان باقاعدہ رونے لگیں۔
سالک حیدر چلتا ہوا اس کے سامنے جا کھڑا ہوا ۔۔۔۔۔۔۔ وہ بری طرح گڑبڑا گئی۔
کیوں کیا تم نے ایسا بتاؤ ؟ وہ بولا نہیں تھا دہاڑا تھا
کچھ نہیں کیا میں نے اس کے ساتھ،، یہ جھوٹی اور مکارّ ۔۔۔۔۔۔۔۔۔۔۔۔۔۔۔۔،،،
چٹاخ ۔۔۔۔۔۔۔۔۔،،، پلوشہ کے باقی کے الفاظ منہ میں ہی رہ گئے جب اسے ایک زوردار تھپڑ پڑا تھا وہ لڑھک کر پیچھے صوفے پر جا گری،،، گلناز بیگم مارے شرمندگی کے سر نہیں اٹھا پا رہی تھیں۔
جسٹ شٹ اپ ۔۔۔۔۔۔۔ انف از انف ۔۔۔۔۔۔۔ ایک بات اچھی طرح زہن نشین کر لو یہ لڑکی میری پہلی اور آخری محبّت ہے ۔۔۔۔۔۔۔۔۔ آئیندہ اگر تم نے اس کے ساتھ کچھ بھی غلط کرنے کی کوشش کی تو میں تمہیں زندہ زمین میں گاڑ دونگا ۔۔۔۔۔۔ سنا تمہیں ۔۔۔۔ دفع ہو جاؤ یہاں سے ۔۔۔۔۔۔ آئیندہ اس کے آس پاس بھی نظر مت آنا ۔۔۔۔۔۔۔۔۔۔ وہ پھنکارتے ہوئے بولا ،،،، اس کی گرجدار آواز گویا حویلی کی چھت پھاڑے جا رہی تھی ۔۔۔۔۔۔۔ پلوشہ اٹھی اور بھاگتی ہوئی وہاں سے نکل گئی۔ سب تاسف سے اپنی اپنی جگہ کھڑے تھے ۔۔۔۔ بی جان و اسماء بیگم صدمے کی سی کیفیت میں بیٹھی تھیں ۔۔۔۔۔۔ اپنا غصّہ کمپوز کرنے کی کوشش کرتا وہ اس کے قریب آ گیا
چلو کمرے میں ۔۔۔۔۔۔۔۔۔۔ اس نے اسے بازوؤں میں اٹھاتے کہا ۔۔۔ ساتھ ہی ملازمہ سے اپنے کمرے میں پانی کی بوتل رکھنے کو کہا۔
سوہا اب تم دوا کھا کر آرام کرو بیٹا ۔۔۔۔۔۔۔۔ سو کر اٹھو گی تو بہتر محسوس کرو گی ۔۔۔۔۔۔۔۔۔۔۔ اسماء بیگم نے کہا تو وہ نڈھال سی سر ہلا گئی،،، بی جان نے بھی آرام کی تاکید کی ۔۔۔۔۔۔ وہ حقیقتاً بہت سہم سی گئی تھی۔ سالک حیدر اسے لئے سیڑھیاں چڑھتا کمرے میں آ گیا جبھی ملازمہ پانی لے آئی تھی ۔۔۔۔۔ اسے سائیڈ ٹیبل پر پانی رکھنے کو کہتا وہ اسے بیڈ پر بٹھاتے ہوئے خود بھی اس کے پاس بیٹھ گیا ۔۔۔۔۔ ساتھ ہی ملازمہ سے اس کیلئے کھانا لانے کو کہا تو وہ سر ہلاتی چلی گئی ۔۔۔۔۔۔۔ اس کے جانے کے بعد وہ اسے دیکھنے لگا جو سر جھکائے ہولے ہولے سوں سوں کرتی کوئی ننھی سی بچی لگ رہی تھی ۔۔۔۔۔۔۔۔۔ اس نے اس کا ہاتھ تھام لیا اور معائنہ کرتے ہوئے اس کا ہاتھ اپنے لبوں سے لگا لیا ۔۔۔۔۔۔۔ وہ اسے دیکھنے لگی۔
اور کہاں کہاں چوٹ آئی ہے ؟ اس نے پوچھتے ہوئے اس کا ہاتھ دیکھا تو اس نے دوسرے ہاتھ کی شہادت کی انگلی سے اپنی کلائی پر ہاتھ رکھا سالک حیدر نے اس کی کلائی چوم لی ۔۔۔۔۔ اس کی سوں سوں ہنوز جاری تھی
اور ؟ اس نے پیار سے پوچھتے ہوئے اسے دیکھا
اور یہاں بھی ۔۔۔۔ اس نے کلائی سے زرا اوپر انگلی رکھی ۔۔۔ سالک نے وہاں بھی اپنے لب رکھ دئیے ۔۔۔۔ وہ اب دوبارہ زور و شور سے رونے کی تیاری میں تھی۔ اس نے بے اختیار اسے خود میں سمو لیا۔
بس اب نہیں رونا ہے تم نے ۔۔۔۔۔۔۔ بالکل چپ ۔۔۔۔۔۔ اسے پیار سے چپ کراتا وہ اسے کچھ اور بھی خود میں بھینچ گیا۔
حیدر سائیں میں بہت ڈر گئی تھی ۔۔۔۔۔۔ مجھے محسوس ہو رہا تھا خوف کے مارے میری جان نکل جائے گی ۔۔۔۔۔۔۔۔۔۔ وہ بھیگی آواز میں بولی تو اس نے اسے خود سے الگ کرتے اس کے لبوں پر انگلی رکھ دی۔
میں ہوں نا تمہارے پاس تمہارے ساتھ میری جان،، بس اب خاموش،، مرنے کی باتیں تو نہ کرو پلیز ۔۔۔۔۔۔۔ وہ اس کی پیشانی چومتے ہوئے بولا تو دھیرے دھیرے اس کی حواس باختگی و خوف زائل سا ہونے لگا تھا۔ ملازمہ کھانا لے کر آ گئی۔ اس نے ٹرے پاس رکھتے ہوئے نوالہ بنا کر اس کی جانب بڑھایا تو وہ منہ کھول گئی۔
آپ نے لنچ کیا ؟ وہ کھاتے کھاتے ہی رک کر پوچھنے لگی
میں کر لوں گا،،، تم بس ابھی یہ کھا کر پین کلر لو اور ریسٹ کرو،، وہ اسے نہایت توجّہ سے ہدایت کرتا بولا تو وہ سر ہلا گئی۔ کھانے کے بعد پین کلر لے کر وہ لیٹ گئی اور وہ اس کے قریب بیٹھ گیا ۔۔۔۔۔۔ کچھ ہی دیر بعد وہ گہری نیند میں تھی،،، اس کے معصوم سے چہرے کو محبت پاش نظروں سے دیکھتے ہوئے وہ اس پر کمفرٹر ڈالتا کمرے سے باہر نکل گیا۔
****************کرا لی بے عِزّتی ؟؟؟ پڑ گئی تمہارے کلیجے کو ٹھنڈ ہاں ؟؟؟ گلناز بیگم سخت طیش کے عالم میں تھیں جبکہ وہ چپ چاپ بیٹھی زمین کو گھور رہی تھی۔
کیوں کیا تو نے ایسا بول ؟ گلناز بیگم کلس کر بولیں تو وہ جھٹکے سے اٹھ کھڑی ہوئی
کیونکہ وہ لڑکی میرے حق پہ ڈاکہ ڈال کر بیٹھی ہے اس لئے کیا ۔۔۔۔۔۔۔۔۔۔۔ اس کی وہی مرغے کی ایک ٹانگ ۔۔۔۔۔۔۔!!!
دیکھ پلوشہ ۔۔۔۔۔۔ حیدر کے منہ سے تونے صاف طور پر سن تو لیا ہے نا کہ اس نے کیا کہا ہے،، سوہا اس کی پہلی اور آخری محبّت ہے ۔۔۔۔۔ جب سوہا اس رشتے کے خلاف تھی تب بھی اس نے سب کے سامنے اس سے اپنی محبّت کا اظہار کیا تھا ۔۔۔۔۔۔ اب تو خیر سوہا بھی اس رشتے کو قبول کر چکی ہے ۔۔۔۔۔۔۔ تیرے اور میرے جھٹلانے سے حقیقت نہیں بدل جائے گی ۔۔۔۔۔۔۔۔۔ جان چھوڑ دے اب اس کی ۔۔۔۔۔۔ خود بھی عِزّت سے جی اور مجھے بھی جینے دے ۔۔۔۔۔۔۔۔۔۔۔ گلناز بیگم آگ بگولہ ہو کر اپنی بات کہتی کمرے سے نکل گئی ۔۔۔۔۔۔۔ پیچھے وہ اپنا سا منہ لے کر بیٹھی رہ گئی۔ اسے لگا تھا ہمیشہ کی طرح گلناز بیگم اس کا ساتھ دینگی،، مگر وہ سب کے سامنے بھلے ہی نہ قبول کرتیں مگر دل ہی دل میں اس حقیقت کو قبول کر چکی تھیں۔
***************** بھرپور ریسٹ کر کے وہ اٹھی تو شام کے چار بج رہے تھے۔ سالک حیدر کمرے میں موجود نہیں تھا۔ اس کا درد بھی کچھ حد تک کم ہو گیا تھا ۔۔۔۔۔ وہ وضو کر کے نمازِ عصر ادا کرتی نیچے اتر آئی تو سب نے اسے دیکھ کر سکھ کا سانس لیا ۔۔۔۔۔ دوپہر میں جو اس کی حالت تھی، اس کے مقابلے اب وہ ٹھیک تھی۔
وہ بی جان کے پاس تخت پر آ بیٹھی ۔۔۔۔۔ انہوں نے طبیعت پوچھی تو ان کی تسلی کی ۔۔۔۔۔۔ ساتھ ہی اسماء بیگم کا پوچھا تو بی جان نے بتایا وہ مراد صاحب کو شام کی دوا دینے گئی ہیں۔ وہ وہاں سے اٹھ کر اسماء بیگم کے پاس چلی آئی۔ مراد صاحب بیٹی کو دیکھکر خوش ہو گئے۔ دوپہر کے وقت وہ حویلی میں موجود نہ تھے ۔۔۔ بلکہ سب کے ساتھ میل کی طرف ہی گئے ہوئے تھے ۔۔۔۔۔ اسماء بیگم نے ان کی پریشانی کے خیال سے انہیں اس بابت کچھ بھی نہیں بتایا تھا۔ وہ مراد صاحب کے پاس کافی دیر تک بیٹھی گپ شپ کرتی رہی۔
سالک حیدر کھیتوں کی طرف گیا ہوا تھا ۔۔۔۔۔۔ اس کی واپسی رات کے کھانے تک ہوئی تھی ۔۔۔۔۔۔ وہ لان میں بیٹھی گویا اسی کے انتظار میں تھی ۔۔۔۔۔ اسے آتا دیکھکر فوراً جھولے سے اٹھ کھڑی ہوئی ۔۔۔۔۔ وہ اسے پہلے سے ٹھیک دیکھ کر دل کی گہرائیوں سے مطمئن ہوا
کہاں تھے ؟ وہ بیتابی سے بولی تو وہ مسکراتی نظروں سے اسے دیکھنے لگا،، اس کی نظروں کی معنی خیزی محسوس کر کے وہ جھینپ سی گئی۔ دوپہر میں جو خوف و دہشت اس پر حاوی تھی وہ اب کم ہوئی تھی تو پھر سے اس پر حیا غالب آنے لگی تھی۔
کیوں آپ ہمارے انتظار میں یہاں بیٹھی تھیں کیا ؟؟ وہ پرشوق نظروں سے اسے دیکھتا بولا تو پزل سی ہو گئی جبکہ وہ اس کے قریب آ گیا اور اس کا ہاتھ اپنے ہاتھوں میں لے کر دیکھنے لگا ۔۔۔۔
اب درد کچھ کم ہے ؟ وہ تشویش سے پوچھتا اتنا اچھا لگ رہا تھا کہ وہ بس اسے دیکھے گئی ۔۔۔۔۔۔ جواب نہ ملنے پر سر اٹھایا تو اس کو یک ٹک اپنی سمت دیکھتے پایا وہ ایک ابرو اُچکاتا اسے دیکھنے لگا۔
کیا دیکھ رہی ہیں جناب ؟؟ اس کے پوچھنے پر وہ بری طرح گڑبڑا گئی
ک،، کچھ تو نہیں !!! وہ پزل سی ہوتی سر جھکا گئی اور وہ ایک جھٹکے سے اسے اپنے حصار میں جکڑتا اپنے قریب کر گیا۔
کچھ تو ؟؟ شرارت آمیز انداز میں اس کی آنکھوں میں دیکھا تو وہ پلکیں جھکا گئی۔
حیدر سائیں ۔۔۔۔۔۔ کوئی آ جائے گا ۔۔۔۔۔ چھوڑیں ۔۔۔۔۔ اس نے خود کو چھڑانا چاہا مگر وہ اسے خود سے اور بھی قریب کر گیا ۔۔۔۔ وہ لب دانتوں میں دبائے سامنے دیکھنے لگی۔
نانا سائیں آپ ۔۔۔۔۔۔۔۔۔۔۔ اس نے زرا اونچی آواز میں کہا تو سالک حیدر نے جھٹکے سے اسے چھوڑا تو وہ کھلکھلا کر ہنس پڑی ۔۔۔۔۔۔ اس کی شرارت سمجھ کر وہ سرعت سے اس کی جانب بڑھا مگر وہ اسے انگوٹھا دکھاتی اندر بھاگ گئی تھی ۔۔۔۔۔۔ وہ بھی زیر لب مسکراتے ہوئے بالوں میں ہاتھ پھیرتا اندر بڑھ گیا۔
***************کھانے کے بعد ہمیشہ کی طرح شعر و شاعری کا دور شروع ہونے کو تھا ۔۔۔۔۔۔۔ سوہا نے بس سوپ پیا تھا اسے کچھ خاص بھوک نہیں محسوس ہو رہی تھی۔ گھر کے بڑے مرد حضرات مردان خانے میں جبکہ لڑکے و لڑکیاں (پلوشہ کو چھوڑ کر) حال کمرے میں جمع ہو گئے تھے ۔۔۔۔۔۔ سالک حیدر سوہا کا ہاتھ پکڑے ساتھ ہی حال کمرے میں داخل ہوا اور اسے ساتھ لئے صوفے پر بیٹھ گیا،، اس کے لمبے قد و قامت کے سامنے وہ کوئی گڑیا محسوس ہوتی تھی ۔۔۔۔۔۔ سب کی موجودگی میں وہ نروس سا فیل کر رہی تھی لیکن اس شخص کو کسی کی کہاں پرواہ تھی۔ باقی سب بھی فل موڈ میں اپنی اپنی جگہ براجمان ہو چکے تھے۔ ان کی چائے بھی آ چکی تھی۔
آج لائبہ سے شروع کرتے ہیں ۔۔۔۔۔۔۔۔۔۔ چلو شروع ہو جاؤ لائبہ ۔۔۔۔۔۔۔۔ میں بھی تو دیکھوں تم کون سا تیر مارتی ہو ۔۔۔۔۔۔۔۔ مجھے تو بہت طعنے دیتی ہو نا بدزوقی کے ۔۔۔۔۔۔۔۔۔۔۔ فواد سر ہلاتے ہوئے بولا تو سب اپنی مسکراہٹ ضبط کر گئے۔ لائبہ اسے گھورتے ہوئے اپنا کلام سنانے کو گلہ کھنکھار کر شروع ہوئی۔ سالک حیدر صوفے کی پشت پر اس زاوئیے سے ہاتھ پھیلا کر بیٹھا تھا کہ سوہا اس کے قریب بیٹھی سوہا اس کے حصار میں معلوم ہو رہی تھی ۔۔۔۔۔ وہ گاہے گاہے اس پر اپنی نظریں ڈال رہا تھا ۔۔۔ جبکہ وہ اتنی نروس تھی کہ اس کی نظروں کو محسوس کرتے اس کو دیکھنے سے بچ رہی تھی۔
تم ابرِ گُریزاں ہو میں صحرا کی طرح ہوں دو بوند جو برسوگے بیکار میں برسو گے ہے خشک بہت مٹی ہر سمت بگولے ہیں صحرا کے بگولوں سے اٹھتے ہی تو شعلے ہیں تم کھل کے اگر برسو صحرا میں گلستاں ہو پر تم سے کہیں کیسے تم ابرِ گُریزاں ہو!!!
لائبہ کی غزل ختم ہوئی تو تالیوں کی آواز ہر طرف گونج اٹھی تھی۔
واہ بھئی کمال کر دیا ۔۔۔۔۔۔ کیا اعلیٰ انتخاب ہے ۔۔۔۔۔۔۔۔۔ بہت خوب،، سب کے تعریفی کلمات پر لائبہ جتاتی نظروں سے فواد کو دیکھتی داد وصول کرنے لگی جبکہ وہ دانت پیس کر رہ گیا ۔۔۔۔۔۔۔ !!!
شاذل تم سناؤ ۔۔۔۔۔۔۔۔ سب نے شاذل سے کہا تو وہ سر ہلاتا گویا ہوا
تیرے ہجر کا ملال تھا مگر اب نہیں مجھے صرف تیرا خیال تھا مگر اب نہیں میری بے مثال محبتوں کے نصاب میں تو زمانے بھر میں مثال تھا مگر اب نہیں جسے تو نے داد عطا کیا وہی شخص تیری قربتوں میں نہال تھا مگر اب نہیں میں تیری تلاش میں ریزہ ریزہ بکھر گیا وہ جنونِ شوقِ وصال تھا مگر اب نہیں تیرے در پہ آخری بار آ کر پلٹ گیا میری زندگی کا سوال تھا مگر اب نہیں
واہ کیا کہنے،، عمدہ ۔۔۔۔۔۔ لاجواب،، سب نے دل کھول کر واہ واہی کی ۔۔۔۔۔۔ شاذل کا چہرہ داد وصولتے ہوئے چمک چمک گیا۔
اب ہماری بیگم کی باری ہے ۔۔۔۔۔۔۔۔۔ چلو زونیہ ۔۔۔۔۔۔۔۔۔ معاذ نے زونیہ کو اشارہ کیا وہ جو اپنی باری کے انتظار میں تھی پرجوش ہو گئی۔
ورق ورق یہ تیری عبارت، تیرا فسانہ تیری حکایت کتابِ ہستی جہاں سے کھولی تیری محبت کا باب نکلا
ہائے میں مر جاواں ۔۔۔۔۔۔۔ بہت شکریہ بیگم ۔۔۔۔۔۔ معاذ نے سینے پر ہاتھ رکھ کر ڈرامائی انداز میں کہا تو سب ہنس پڑے ۔۔۔۔۔۔
حیدر لالا آپ سنائیں ۔۔۔۔۔۔۔۔۔ سب نے سالک حیدر کو بولا تو وہ مدھم سی مسکراہٹ سے سوہا کو دیکھکر اپنا کلام شروع کر گیا ۔۔۔۔۔۔۔۔ سوہا کی نگاہیں اس کے خوبرو چہرے پہ ٹکی ہوئی تھیں۔
عشق لیلائے تمنّا کا فسوں،، عشق بے دارییٓ وحشت کا صحرا عشق شہروں کا دھواں عشق صحرا کا غبار عشق آغوشِ لحد عشق جذبوں کا قرار عشق شعلوں کی لپک عشق پتھر کا گداز،،، عشق ایک نغمہٓ جاں عشق ایک موت کا ساز عشق پازیبِ جفا عشق زنجیر سمِ عشق شیریں کے سلگتے ہوئے خواب عشق فرہاد کا خوں، قیس کا رقصِ جنوں عشق جینے کی ادا عشق ہر دل کی صدا “عشق کے لوچے میں ہے شاہ بھی گدا”
بہت اعلیٰ،، بیحد خوبصورت کلام ۔۔۔۔۔۔۔۔۔۔ تعریف کے لئے الفاظ کم پڑ گئے ہیں ۔۔۔۔۔۔۔۔ سب نے دل کھول کر تعریف کی سوہا بھی تعریفی نظروں سے اسے دیکھنے لگی ساتھ ہی سب کیساتھ تالیاں بجائیں تو وہ شکریہ ادا کرتا اسے دیکھنے لگا ۔۔۔۔۔۔۔ ہونٹوں پر پیاری سی مسکراہٹ سجائے بیٹھی وہ اس کے جذبات جگائے دے رہی تھی۔
رات گئے تک محفل کا اختتام ہوا تو وہ دونوں بھی اپنے کمرے کی جانب بڑھ گئے۔ سالک حیدر نے کمرے میں آتے ہی سب سے پہلے اسے پین کلر دی تا کہ اس کی رات سکون سے گزرے ۔۔۔۔۔۔۔۔ ساتھ ہی وہ لائٹ آف کرتا بیڈ پر لیٹا اور تکئے پر اپنا بازو پھیلایا تو وہ شرماتی جھجھکتی اس کے بازو پر سر رکھ کر لیٹ گئی وہ اس پر جھک گیا۔
حیدر سائیں ۔۔۔۔۔۔۔۔۔۔۔۔۔ اس کو گستاخی کے موڈ میں دیکھکر وہ سرخ ہوتی اسے ٹوکنے کو تھی کہ وہ اس کے لبوں پر انگلی رکھ کر اسے خاموش کر گیا۔
بس تمہیں دیکھ رہا ہوں ۔۔۔۔۔۔۔۔۔۔ تمہارے ہر ایک نقش کو خود میں جذب کر لینا چاہتا ہوں ۔۔۔۔۔۔۔۔۔۔۔۔ وہ جھک کر اس کی چھوٹی سی ناک کو چھوتے ہوئے بولا ۔۔۔۔۔۔ ساتھ ہی اسے خود میں سمیٹ کر اس کی گردن پر جھک گیا ۔۔۔۔۔۔۔ اس کی شِدتوں پر سوہا کا سانس حلق میں اٹکنے لگا ۔۔۔۔۔۔۔ چہرہ حجاب آلود ہو گیا تھا۔
سالک حیدر اس کا چہرہ ہاتھوں میں تھام کر اس پر جھک گیا ۔۔۔۔۔۔۔ اپنے چہرے کے ہر نقوش پر اس کا لمس محسوس کرتی سوہا کی دھڑکنیں کبھی اس کی گستاخیوں پر مدھم تو کبھی تیز تر ہوتی جاتی تھیں ۔۔۔۔۔۔۔۔۔ کچھ ثانیے بعد اس نے شرارت آمیز انداز میں اس کی جانب دیکھا تو وہ سرخ چہرے سمیت رخ موڑ کر ڈریسنگ ٹیبل کے مرر کو دیکھنے لگی۔
سو جاؤ اب ۔۔۔۔۔۔۔۔۔۔ انشاء اللّہ کل تک اور بھی بہتر ہو جائے گا ہاتھ ۔۔۔۔۔۔۔۔۔۔۔ وہ سائیڈ لیمپ آف کرتا اسے خود میں سمیٹتے ہوئے بولا تو اس نے دھک دھک کرتے دل کیساتھ اس کے سینے پر سر رکھ کر سکون سے آنکھیں بند کر لیں۔
اس نے چوما میری آنکھوں کو سحر دم اور پھر رکھ گیا میرے سرہانے میرے خوابوں کے گلاب کون چھو کے انہیں گزرا کہ کھلے جاتے ہیں اتنے سرشار تو نہ تھے ہونٹوں کے گلاب جاری ہے