Mawi by Malaika Rafi NovelR50587 Mawi (Episode 19)

Mawi by Malaika Rafi

اس کے ارد گرد کیا ہو رہا تھا؟؟

کون رو رہا تھا ؟؟ کوئی کیا کہہ رہا تھا؟؟

وہ گم صم بیٹھی ساکت نظروں سے ۔۔۔ سامنے زمین کو گھور رہی تھی۔۔۔

جب سہ وہ ہاسپٹل سے آئی تھی۔۔۔

وہ کچھ نہیں بول رہی تھی۔۔۔

بس خاموش نظروں سے تماشا دیکھ رہی تھی۔۔۔۔

احرم کے ہاتھ کا لمس ۔۔۔ اسے اپنے چہرے پہ محسوس ہوا ۔۔۔

تو نظریں پھیر کے ۔۔۔ وہ احرم کو دیکھنے لگی ۔۔۔ جس کی نم آنکھیں سرخی مائل ہو رہی تھی۔۔۔

” ماوی ۔۔۔ “

اس کے چہرے کو نرمی سے سہلاتے ۔۔۔ احرم نے اس کا نام لیا تھا۔۔۔ اور وہ ایکدم سے ہنسنا شروع ہوئی تھی۔۔۔

وہاں موجود سب ۔۔ اسے دیکھنا شروع ہو چکے تھے ۔۔ جب کہ وہ چلا چلا کے ہنس رہی تھی۔۔۔

بکھری بکھری سی حالت تھی۔۔۔ نم سرخ آنکھوں کے ساتھ ۔۔ وہ سب کو دیکھتی قہقہے لگا رہی تھی۔۔۔

” ماوی ۔۔۔ ماوی ۔۔۔ “

احرم نے پریشانی سے ۔۔ اسے تھامنا چاہا تھا۔۔۔ جبکہ وہ بدک کے پیچھے ہوئی تھی۔۔

” تم سب پاگل ہو ۔۔۔ پا ۔۔۔ گل ۔۔۔ “

کہہ کے وہ پھر سے ہنسنے لگی ۔۔۔

” اتنے سارے لوگ ۔۔ یہاں بیٹھ کے ۔۔ کوئی تماشا دیکھنے آئے ہو ؟؟ پتہ کیا میں ماوی ہوں۔۔۔ ما ۔۔۔ وی ۔۔۔

ایک بھکارن ۔۔۔ کھبی کسی بھکارن کو خوش قسمت ہوتے دیکھا ہے؟؟ دیکھا ہے ؟؟ بتاو سب ؟؟”

وہ سب کے بیچ کھڑی چلا چلا کے ہنستے ہوئے سب سے کہہ رہی تھی۔۔۔ جبکہ وہ سب اسے پریشان نظروں سے دیکھ رہے تھے۔۔۔

” ارے ۔۔۔ اگر بھکارن خوش قسمت ہوتی تو وہ بھکارن ہی کیوں ہوتی ؟؟ محل کی رانی ہوتی۔۔۔ “

کہہ کے وہ پھر سے ہنسنے لگی۔۔۔

” ماوی پلیز اسٹاپ۔۔۔ “

احرم اس کے کندھے پہ ہاتھ رکھے۔۔۔ اسے چپ کرانے کی کوشش کر رہا تھا۔۔۔ جبکہ وہ احرم کا ہاتھ اپنے کندھے سے ہٹا کے ۔۔۔ آگے بڑھی تھی۔۔۔

شائستہ اسے دیکھ دیکھ کے رو رہی تھی۔۔۔ وہ ان کے پاس جا کے بیٹھ چکی تھی۔۔۔ اور آنکھیں پٹپٹا کے ۔۔۔ انھیں دیکھنے لگی۔۔

” میرے لئے مت روئیے ۔۔۔ میں اس قابل نہیں ہوں کہ میرے لئے کوئی روئے۔۔۔”

” ماوی میری بچی ۔۔ میری جان۔۔۔ “

شائستہ اس کے بال سنوارنے لگی ۔۔ جبکہ وہ نفی میں سر ہلاتی پیچھے ہوئی تھی۔۔

” کوئی نہ روئیے میرے لئے ۔۔۔ سب چپ ۔۔۔ “

وہ اونچی آواز میں چلائی تھی۔۔۔

” میں سیاہ بخت ہوں۔۔۔ میں بد ذات ہوں ۔۔۔ میں۔۔۔ میں بھکارن ہوں۔۔۔ منحوس ہوں میں۔۔۔ ماوی ۔۔۔ ماوی سیاہ بخت ہے ۔۔۔ سیاہ بخت ۔۔۔ ڈائن “

وہ چیخی تھی۔۔ سمیرا نے اٹھ کے اسے بانہوں میں بھرنا چاہا تھا ۔۔۔

” ماوی ہوش کرو ۔۔ میری جان “

” ن۔۔۔ نہیں میرا بیٹا مرا ہے ۔۔ میں کیسے چپ رہوں۔۔۔”

تھکے تھکے انداز میں کہتی ۔۔ وہ سامنے دیکھنے لگی ۔۔۔ جہاں علی کے آخری رسومات کی ادائیگی کے لئے ۔۔۔ اسے یہاں لایا گیا تھا۔۔۔

طلال نے ایک نظر ماوی کے بکھرے حلیے کو دیکھا تھا۔۔۔ جو تھکے تھکے قدم اٹھاتی۔۔۔ ان کے قریب آ رہی تھی۔۔۔

اس کی نظر علی کے سفید کفن میں لپٹے چہرے پہ پڑی۔۔۔

ایسے لگ رہا تھا جیسے وہ سو رہا ہے ۔۔۔ ایک بلند ہچکی لیتی ۔۔۔ وہ گھٹنوں کے بل ۔۔۔ وہیں گرنے والے انداز میں بیٹھی تھی۔۔۔

چہرے پہ نرم مسکراہٹ سجائے۔۔۔ وہ علی کی بند پلکوں کو دیکھ رہی تھی۔۔۔

پیچھے موجود عورتوں کے رونے کی آواز بلند ہوئی ۔۔۔ تو اس نے اپنے لبوں پہ انگلی رکھ کے ۔۔ سب کو گھورا تھا۔۔۔

” ہشششش ۔۔۔ چپ ۔۔ دیکھ نہیں رہے ۔۔ میرا بیٹا مرا ہے ۔۔۔ م۔۔۔ میرا بیٹا۔۔۔ میرا چاند ۔۔۔ میری جان۔۔۔ کتنا خوبصورت لگ رہا ہے ۔۔۔ “

آنسو گر رہے تھے۔۔ اور وہ بولے جا رہی تھی۔۔۔

” چیل کتوں سے بچا تو لیا میرے بچے ۔۔۔ لیکن یہاں بھیڑیوں سے نہ بچا سکی تمہیں۔۔۔ “

پست آواز میں کہتی ۔۔۔ وہ علی کے سفید کفن میں لپٹے وجود پہ ہاتھ پھیرنے لگی ۔۔۔ پھر نظر اٹھا کے طلال کو دیکھنے لگی۔۔۔

اس کی سرخ آنکھیں ۔۔۔ طلال کو اپنے دل میں چھبتی محسوس ہوئی تھی۔۔۔

” اسے ۔۔۔ ک ۔۔۔ کیوں لائے ہو یہاں۔۔۔ یہاں بھیڑیے ہیں۔۔۔ بھیڑیے۔۔۔ ل ۔۔۔ لے جاو اسے ۔۔۔ لے جاو “

وہ سرگوشی کے انداز میں کہہ رہی تھی۔۔۔ جبکہ طلال نے اپنی ماں کی طرف دیکھا تھا۔۔۔

ان آنکھوں میں التجا تھی۔۔۔ کرب تھا۔۔ ماضی کی کرچیاں تھی۔۔۔ وہ شخص اپنا سب کھو چکا تھا۔۔۔ ایسے ہی ۔۔۔ جس طرح سے آج ماوی کھو بیٹھی تھی۔۔۔

اپنا سب کچھ ۔۔۔ !!

” ل ۔۔۔ لے جاو۔۔۔ لے جاو “

ماوی کی آواز پہ ۔۔۔ وہ پھر سے ماوی کی طرف متوجہ ہوا تھا۔۔ جبکہ ماوی بدک کے پیچھے جا رہی تھی۔۔

ہاتھ ایسے جھٹک رہی تھی۔۔ جیسے کوئی اچھوت ہو ۔۔۔

” ی ۔۔۔ یہاں بھیڑیے ہیں۔۔ وہ ۔۔ وہ چیل ۔۔۔ وہ وہ ۔۔۔۔ وہاں۔۔۔ “

وہ چیخی تھی۔۔ کسی نادیدہ شے کو دیکھتی ۔۔

” وہ کھا جائے گا۔۔۔ وہ کھا جائے گا ۔۔۔ لے جاو ۔۔۔ لے جاو ۔۔۔ “

شائستہ اور سمیرا نے آگے بڑھ کے ۔۔۔ بمشکل اسے سنبھالا تھا۔۔۔ اور اسے اپنے ساتھ کمرے کی طرف کے گئے تھے ۔۔۔

جبکہ طلال کی سرخ آنکھیں۔۔۔ اس پہ تھی۔۔۔ جب تک وہ نظروں سے اوجھل نہ ہوئی ۔۔۔

آج اس بدنصیب عورت میں۔۔۔ اسے اپنا آپ نظر آ رہا تھا۔۔ اپنا ماضی۔۔۔ اپنا ٹوٹتا بکھرتا وجود ۔۔

مغرور ۔۔۔ امیر کبیر ۔۔۔ بزنس ٹائیکون ۔۔

ایسا لگ رہا تھا۔۔۔ جیسے یہ سب الفاظ ہنس رہے ہیں اس پہ ۔۔۔

بیوی کو تحفظ نہ دے سکا ۔۔۔

محبت نبھا نہ سکا ۔۔۔

بیٹے کو بچا نہ سکا ۔۔۔

ٹوٹتے گھر کے تنکوں کو نہ سمیٹ سکا۔۔۔

وہ مرد تھا؟؟؟

مرد تو تحفظ ہوتا ہے ۔۔۔

سائبان ہوتا ہے۔۔

وہ کیا تھا پھر ؟؟

طلال نے اس کے کندھے پہ ہاتھ رکھا تھا۔۔۔ اور جب ابرام نے سر اٹھا کے ۔۔۔ بھیگی آنکھوں سے اسے دیکھا۔۔۔

اس لمحے طلال کو لگا ۔۔۔

وہ اپنا سایہ ہی تو دیکھ رہا ہے ۔۔۔

ایک باپ تھا وہ بھی ۔۔

بیٹی اور بیوی کے مردہ جسموں کو کندھا دینا ۔۔۔ اس کے لئے کس قدر مشکل تھا۔۔۔

وہ اس لمحے ابرام کی آنکھوں میں دیکھ رہا تھا۔۔۔

ایک باپ کی آنکھوں میں التجا کو وہ سن رہا تھا۔۔۔

جبکہ ابرام نفی میں سر ہلا رہا تھا۔۔۔

” ن ۔۔۔ نہیں ہوگا مجھ سے ۔۔ نہیں ہوگا “

اس کی آواز بھرائی ہوئی تھی۔۔ وہ ہولے ہولے کانپ رہا تھا۔۔۔ جبکہ طلال نے لب بھینچے تھے ۔۔

” باپ کو کندھا دینا ہوتا ہے ابرام ۔۔۔ وقت نکل رہا ہے ۔۔ سب منتظر ہے۔۔ “

اور طلال کے الفاظ اسے اپنے سینے پہ ۔۔۔ جیسے چھرا گھونپنے کے مترادف لگ رہے تھے ۔۔۔

دل میں جلن سی ہوئی تھی۔۔۔ طوفان سا مچا تھا۔۔۔

طلال کے سہارے وہ اٹھنے کی کوشش میں لڑکھڑایا تھا۔۔۔ جبکہ طلال نے اسے دونوں بازوؤں سے تھام کے سہارا دیا تھا۔۔

اور پھر اس ننھے بچے کو ۔۔۔ اپنے ہی بیٹے کو مٹی کے سپرد کرتے وہ رو پڑا تھا۔۔۔

” پاپا ۔۔۔ مجھے یہاں سے لے چلو ۔۔ پاپا آئی ول مس یو پاپا ۔۔۔ “

اس سفید چادر سے ۔۔۔ اسے ننھی سی آوازیں آ رہی تھی۔۔۔ اپنے سینے کو مسلتے ۔۔۔ وہ بھیگی آنکھوں سے ۔۔۔ اس بےجان وجود کو دیکھ رہا تھا۔۔

جس پہ مٹی ڈالی جا رہی تھی۔۔۔

” پاپا ۔۔ یہاں میں اکیلا کیسے سووں گا پاپا ۔۔۔ پاپا ۔۔۔ پاپا “

ابرام کے کندھے جیسے جھک چکے تھے۔۔۔ وہ چیخا تھا ۔۔۔ اور پھر چیخ چیخ کے رو پڑا تھا۔۔۔

طلال نے رک کے اسے دیکھا تھا ۔۔ اس کے ہاتھ کانپے تھے ۔۔۔ وہ جو سخت دل تھا۔۔ ایک باپ کو بکھرتے دیکھ کے ۔۔۔ پھر سے بکھرنے لگا تھا ۔۔۔

ابرام کو روتے دیکھ کے ۔۔۔ برسوں پہلے جو اپنے زخم سیے ہوئے تھے اس نے ۔۔۔ وہ اب ادھڑنے لگے تھے ۔۔۔

تبھی لڑکھڑاتے قدموں وہ پیچھے ہوا تھا ۔۔۔

دل ماتم کناں ہو چکا تھا۔۔۔

‘ میں اور مما اکیلے ہیں یہاں پاپا۔۔۔ ‘

اسے آواز آئی تھی۔۔ اور وہ قدم قدم پیچھے جا رہا تھا ۔۔۔ کنپٹی اور گردن کی رگیں پھٹنے کو تھی۔۔۔

رخ موڑ کے ۔۔۔ اپنا سر دبائے ۔۔۔ وہ تیزی سے وہاں سے بھاگا تھا۔۔۔

وہ بھاگ رہا تھا۔۔۔ ان آوازوں۔۔۔ ان آہوں سے پیچھا چھڑانے کی کوشش میں۔۔ وہ تیزی سے بھاگ رہا تھا۔۔۔

اور پھر وہ بھیگی سرخ آنکھوں۔۔۔ اس کے ذہن کے پردے پہ جھلملائی تھی۔۔ وہ نیم پاگل سی ۔۔۔ ماں تھی وہ ۔۔۔ جو ہنس رہی تھی۔۔۔ رو رہی تھی۔۔

اور یہ سنگ دل ۔۔۔ مضبوط مرد ۔۔۔ آج اپنے بکھرتے ٹکڑوں کو پھر سے بکھرتا دیکھ رہا تھا ۔۔۔ اسے سمیٹنے والا کوئی نہیں تھا۔۔۔

وہ جو ان لمحوں سے بھاگ رہا تھا۔۔۔ آج پھر سے ان لمحوں کا اسیر ہو رہا تھا ۔۔۔

” کچھ تو کھا لو ماوی بیٹا۔۔ “

سمیرا کے بعد ۔۔۔ شائستہ نے بھی اسے کھانا کھانے کی کوشش کی ۔۔

لیکن بےسود رہی ۔۔۔

اپنے ہی سوچوں میں گم ۔۔۔ وہ کھبی ہنس پڑتی۔۔۔ تو کھبی خاموشی سے ۔۔۔ چھت کو گھورتی رہتی۔۔۔

دروازے پہ دستک دے کے ۔۔۔ تھکے تھکے قدموں ابرام اندر آیا تھا۔۔۔

ماوی پہ نظر پڑتے ہی ۔۔۔ اس کا دل ڈوب سا گیا تھا۔۔۔ خود میں ہمت مجتمع کر کے ۔۔ وہ آہستہ روی سے ۔۔۔ ماوی کی طرف آنے لگا ۔۔۔

جبکہ ماوی کی نظر پڑتے ہی ۔۔۔ وہ بیڈ کراون سے لگی تھی۔۔۔۔

” یہ ۔۔۔ یہ ب ۔۔۔۔ بھ ۔۔۔۔ بھیڑیا ہے ۔۔۔ “

ٹوٹے الفاظ اس کے منہ سے ادا ہوئے تھے اور ابرام کے قدم وہیں رکے تھے ۔۔۔

اس سے دو قدم کے فاصلے کھڑا اسے بھیگی آنکھوں سے دیکھ رہا تھا۔۔۔

” بھیڑیا۔۔۔ انسانوں کو نوچنے والا بھیڑیا۔۔۔ آدم خور ۔۔۔ “

وہ چیخی تھی۔۔۔ ابرام نے اپنے لب بھینچ لیے تھے ۔۔۔ ماوی کی آنکھوں کی نفرت لمحہ لمحہ بڑھتی جا رہی تھی۔۔۔

” ماوی ۔۔۔ “

ابرام نے کہنے کی کوشش کی تھی جبکہ وہ چیخی تھی ۔۔

” نہیں۔۔۔ تم بھیڑیے ہو ۔۔۔ بھیانک بھیڑیے۔۔۔ نوچ کے کھاتے ہو تم۔۔۔ تم نوچ چکے ہو مجھے ۔۔ تم نے نوچا ہے مجھے ۔۔۔ “

اس پہ تھوک کے ۔۔۔ وہ اب ہنسنے لگی ۔۔۔ زور زور سے ہنستی ۔۔۔ وہ سب کو دیکھ رہی تھی۔۔۔

” تم سب کو بھی نوچے گا۔۔۔ تم سب کو نوچ لے گا ۔۔۔ “

” ماوی چپ کرو پلیز ۔۔۔ “

سمیرا نے کہنے کی کوشش کی تھی۔۔ جبکہ وہ بیڈ سے نیچے اتر کے ۔۔۔ ابرام کے روبرو آ کھڑی ہوئی تھی۔۔۔

ابرام اسے ہی دیکھ رہا تھا۔۔۔ جبکہ ماوی اس کے سینے پہ ۔۔۔ ہاتھ مارتے ۔۔۔ اس کا چہرہ نوچنے لگی۔۔۔

” تم نے سب ختم کردیا ۔۔ سب ختم کر دیا ۔۔۔ تم ظالم ہو ۔۔۔ تم بھیڑیے ہو ۔۔۔ تم انسان نہیں ہو ۔۔۔ آدم خور ہو ۔۔ آدم خور “

وہ ابرام کو مار رہی تھی۔۔۔ چیخ رہی تھی۔۔۔ جبکہ ابرام خاموشی سے اس کی مار کھا رہا تھا ۔۔۔ سمیرا اور شائستہ آگے بڑھی تھی اسے روکنے کے لئے۔۔ لیکن ابرام نے انھیں روک دیا تھا ۔۔۔

ماوی کی نظر احرم پہ پڑی۔۔۔ جو پیچھے دروازے پہ کھڑا تھا۔۔۔

” آو ۔۔۔ آو دیکھ لو تم بھی ۔۔۔ میرا ماتم دیکھ لو ۔۔۔ سب آو۔۔۔ اور تم دونوں جشن مناو ۔۔۔ ایک عورت کو برباد کرنے کا جشن مناو ۔۔۔ ایک عورت کے لٹ جانے کا جشن مناو تم دونوں مل کے۔۔۔ بھیڑیے ہو تم دونوں۔۔۔ آدم خور ہو ۔۔۔ مجھے برباد کرنے ۔۔۔۔”

اپنی بات ادھوری چھوڑ کے ۔۔ وہ احرم کے قریب گئی تھی۔۔۔ اس کے دونوں ہاتھ تھام کے ۔۔۔ وہ خود کو مارنے لگی۔۔

” تم بھی نوچ لو مجھے۔۔ تمہاری بیوی ہوں۔۔۔ نوچ لو ۔۔۔ زانی ہو تم زانی ۔۔۔ میرے ہی بیڈ پہ دوسری عورت کو لے گئے ۔۔۔ اب نوچو ۔۔ مجھے بھی نوچ لو ۔۔۔ نوچو “

وہ پھر سے چیخ رہی تھی۔۔۔ شائستہ اور سمیرا نے اسے بمشکل احرم سے الگ کر کے ۔۔۔ اپنی بانہوں میں بھر لیا تھا ۔۔۔

” میں تمہیں کھبی معاف نہیں کروں گی ۔۔۔ کھبی نہیں کروں گی معاف ۔۔۔ “

احرم لڑکھڑاتے قدموں پیچھے ہوا تھا۔۔۔ جبکہ ابرام لب بھینچے ۔۔۔ ماوی کو دیکھ رہا تھا۔۔

جو اب چیختی چلاتی ۔۔۔ ہنسنا شروع ہوئی تھی۔۔۔ وہ نیم پاگل عورت ہی لگ رہی تھی اس لمحے ۔۔ پاگلوں کی طرح ہنستی ۔۔۔

” ماوی کا بچہ مر گیا ۔۔۔ ؟؟؟ کس نے کہا؟؟”

شین حیرت سے اپنی ماں کو دیکھ رہی تھی۔۔۔ جو یہ اطلاع دے کے۔۔ اب روٹیاں بنانے لگی تھی۔۔۔

” کیسے مر گیا ۔۔۔ ؟ وہ اتنی امیر کبیر ہے ۔۔۔”

” تو کیا امیروں کے بچے نہیں مرتے ؟؟”

نگہت نے گھور کے اپنی بیٹی کو دیکھا تھا۔۔

” نہ کر اماں ۔۔۔ ماوی کا بچہ کیسے مر سکتا۔۔ اپن کو نہیں یقین ۔۔ “

شین نفی میں سر ہلاتی۔۔ اپنے لئے سالن نکالنے لگی ۔۔۔

” تیرے یقین سے کہا ہوگا شین ۔۔۔ ماوی کا بچہ زندہ ہو جائے گا ؟؟ وہ نصیباں ہے ناں۔۔۔ وہ سمیرا میم کے لئے کام کرتی ہے ۔۔ اس نے بتایا کہ ماوی پاگل ہو چکی ہے ۔۔ کھبی ہنستی ہے تو کھبی چیختی ہے ۔۔۔ “

نگہت کے بتانے پہ ۔۔۔ شین نے اپنے دل پہ ہاتھ رکھا تھا۔۔۔ بےیقین آنکھوں سے اپنی ماں کو دیکھتی۔۔۔ اس کا دل جیسے ہر چیز سے اچاٹ گیا تھا۔۔۔

” یہ تو کیا کہہ رہی ہے اماں ۔۔۔ میرا دل بیٹھا جا رہا ہے ماوی کا سوچ کے ۔۔ “

” دل تو میرا بھی دکھا ہے معصوم بچی کے لئے ۔۔۔ کتنے دکھ سہے ہیں اس بیچاری نے ۔۔۔ اور اب یہ بچے کا دکھ ۔۔۔ “

نگہت تاسف سے سر ہلاتی کہہ رہی تھی۔۔۔ جبکہ شین اپنی جگہ سے کھڑی ہو چکی تھی۔۔

” کدھر جا رہی ہے تو ۔۔ بیٹھ کے کھانا کھا لے ۔۔ “

نگہت اسے حیرت سے دیکھتی کہنے لگی ۔۔۔ جبکہ شین نے نفی میں سر ہلایا تھا۔۔

” نہ اماں ۔۔۔ بھوک مر گئی ہے ۔۔۔ “

تھکے تھکے انداز میں کہتی۔۔ وہ جھونپڑی سے باہر آئی تھی کہ اندر گھٹن بڑھ رہا تھا۔۔۔

” یا اللہ ۔۔ ماوی کے ساتھ یہ کیا ہو گیا؟؟ اس کے ساتھ کھبی کچھ اچھا بھی ہوگا کیا؟؟ “

خود سے بڑبڑاتی۔۔۔ وہ چھوٹے چھوٹے قدم اٹھاتی ۔۔۔ چل رہی تھی۔۔۔

کہ اس جھونپڑی ۔۔۔ اس بستی سے ۔۔۔ آس پاس کے لوگوں سے ۔۔۔ اسے اس لمحے وحشت سی محسوس ہو رہی تھی ۔۔۔

ماوی اس کی دوست تھی۔۔۔ اس کی خوشی میں وہ خوش تھی سچے دل سے ۔۔۔ اور اب یوں اچانک ۔۔۔ !!

نرس است میڈیسن دے کے ۔۔۔ اب اس کی ڈریسنگ کرنے کے لئے ۔۔ اس پر سے شیٹ ہٹا رہی تھی۔۔۔

جب غزل نے بھیگی آنکھوں سے ۔۔۔ ادھر ادھر نظریں دوڑائی تھی ۔۔۔

” م ۔۔۔ مما کہاں ہے ؟؟”

بھرائی آواز میں اس نے پوچھا تھا۔۔۔

” آپ کی مما تو آئی نہیں ہے ۔۔۔ کافی دنوں سے ۔۔۔ “

مصروف سے انداز میں نرس نے جواب دیا تھا۔۔۔ اور وہ پوچھ بھی نہ سکی کہ کیوں ؟؟؟

خاموش آنسو آنکھ سے پھسل کے ۔۔۔ اس کے گال پہ لکیر سی بنا گیا تھا۔۔۔

” ویسے ڈاکٹرز کہہ رہے تھے کہ تمہارے لئے فنڈ جمع کرنا چاہئے۔۔۔ یہ ایک گورنمنٹ ہاسپٹل ہے ۔۔۔ اور تمہارے ماں باپ بھی تمہیں اپاہج مان کے چھوڑ گئے ہیں۔۔۔ تو یہی بہتر ہوگا کہ لوگوں سے مدد لی جائے تمہارے علاج کے لئے۔۔۔ “

وہ نرس کہہ رہی تھی جبکہ غزل ڈوبتے دل کے ساتھ سن رہی تھی اسے ۔۔

” میں ملازمہ سے کہتی ہوں کہ آ کے تمہاری صفائی کر جائے۔۔۔ مجھے اور بھی کام ہے ابھی کرنے کے لئے۔۔۔ “

نرس اپنے گلوز اتارتی ۔۔۔ اسے کہتی کمرے سے جا چکی تھی۔۔۔ جبکہ غزل اس ہاسپٹل بیڈ پہ پڑی۔۔۔ اپنے ساکت جسم کو حرکت دینے کی کوشش کرنے لگی ۔۔۔

لیکن بےسود ہی رہا ۔۔۔ اور پھر گہرے سانس لیتی ۔۔۔ وہ رو پڑی تھی۔۔۔ اپنے ہر کیے گئے گناہ کو یاد کر کے ۔۔۔ وہ بے آواز آنسو بہانے لگی ۔۔۔

جب ملازمہ بڑبڑاتی اندر آئی تھی۔۔۔

” چلو تمہارے صفائی کرنے کا ٹائم ہو رہا ہے ۔۔۔ میں ماسک لگا لوں۔۔۔ بہت بو آتی ہے تم سے تو ۔۔۔ “

وہ ادھیڑ عمر کی عورت تھی۔۔۔ جو شاید کافی غصے میں لگ رہی تھی۔۔۔

غزل نے خاموشی سے اپنی آنکھیں موند لی تھی۔۔۔

کہ یہ ذلت خود اس کی اپنی لکھی ہوئی تھی ۔۔ جو اپنے گناہوں کے بدلے میں۔۔۔ وہ اپنے نصیب میں لکھ چکی تھی۔۔۔