Mawi by Malaika Rafi NovelR50587 Mawi (Episode 02)

Mawi by Malaika Rafi

صبح ناشتے کی ٹیبل پہ ۔۔۔ ماوی ناشتہ کرتے ہوئے ۔۔۔ اہرم کو چائے کی پیالی تھما رہی تھی۔۔۔ اور اس کی کاروائی کو ۔۔۔ ابرام نے نہایت خشمگین نگاہوں سے دیکھا تھا ۔۔۔

” اہرم ہمیشہ سے ۔۔۔ خود ہی ناشتہ کرتا آ رہا ہے ۔۔ “

بظاہر لہجہ نارمل ہی رکھا تھا لیکن آنکھیں جیسے آگ برسا رہی تھی۔۔۔ جسے ماوی نے طنزیہ انداز میں ملاحظہ فرمایا تھا۔۔۔

” گڈ مارننگ سر یہ فائلز ۔۔ “

اس سے پہلے اہرم کوئی جواب دیتا ۔۔۔ اس کا اسسٹنٹ فائلز لیے حاضر تھا ۔۔۔

” کیسی فائلز ہیں یہ ؟؟”

ابرام نے اچنبھے سے دیکھا تھا ۔۔۔ جبکہ اہرم احتیاط سے ۔۔۔ وہ فائلز لیتا مسکرانے لگا ۔۔

” بتاتا ہوں۔۔۔ تھینک یو یوسف ۔۔ اب آپ جا سکتے ہیں۔۔ “

” اوکے سر ۔۔ “

یوسف جا چکا۔۔۔ تو اہرم ہاتھ بڑھا کے ۔۔ ماوی کا ہاتھ ٹٹولنے لگا ۔۔

” ماوی ۔۔ “

ساتھ ہی اس کا ہاتھ اپنے لبوں سے لگایا تھا ۔۔

” کیا ہوا ہے اہرم ؟؟”

” یہ فائلز تمہاری ہے ماوی۔۔”

اہرم نے دونوں فائلز ماوی کی طرف بڑھائی تھی۔۔۔

” کیا ہیں اس میں؟؟”

ابرام بےچین ہو رہا تھا کہ اس کا بھائی کون سی بیوقوفی کرنے جا رہا ہے ان فائلز میں۔۔۔

جبکہ ماوی حیرت سے تمام پیپرز کو دیکھ رہی تھی۔۔۔

” میں نے اپنے حصے کے تمام شئیرز ماوی کے نام کر دیے ہیں۔۔۔ اب بزنس میں برابر کی حصہ دار ہے ماوی اور آفس بھی جایا کرے گی ۔۔ “

ابرام کے سر پہ جیسے بم پھوڑا گیا تھا ۔۔۔

” وہاٹ؟؟”

تبھی اچانک سے چلایا تھا۔۔۔ ماوی جو حیرت سے پیپرز کو دیکھ رہی تھی ۔۔۔ اب سب چھوڑ کے ۔۔۔ ابرام کو دیکھ رہی تھی۔۔ جیسے اس کی حالت سے محفوظ ہو رہی ہو ۔۔۔

” کیا ہوا ابرام ؟؟ ماوی میری بیوی ہے ۔۔۔ میرا ہی بزنس سنبھالے گی ۔۔ “

اہرم کے لہجے میں حیرت اور ناگواری محسوس کر کے ۔۔۔ وہ جلدی سے سنبھلا تھا ۔۔۔

” نہیں اہرم ۔۔۔یہ تو اچھی بات ہے لیکن ماوی ابھی نیو یے ۔۔۔ یہ ابھی بزنس کی اے بی سی بھی نہیں جانتی۔۔۔ کیسے سنبھال پائے گی ۔۔ “

ماوی اپنی مسکراہٹ روکے ۔۔۔ اسے ہی طنزیہ نگاہوں سے دیکھ رہی تھی۔۔

” آپ ہیں ناں ابرام ۔۔۔ آپ سمجھائے گیں۔۔۔ آپ کے ساتھ مل کے کام کرے گی ۔۔۔ “

اہرم کہہ رہا تھا اور پھر ہاتھ بڑھا کے ۔۔۔ وہ ماوی کے وہاں ہونے کا یقین کرنے لگا ۔۔

” ماوی یہیں ہو ؟؟ “

” جی اہرم ۔۔ “

ماوی نے چونک کے اس کا بڑھا ہاتھ تھاما تھا۔۔۔

” خاموش کیوں ہو ؟؟”

وہ پھر سےپوچھ رہا تھا ۔۔

” میں شاک میں ہوں اہرم ۔۔۔ یہ سب ؟؟ میرے نام ؟؟ مجھ سے پوچھا تک نہیں۔۔۔ میں کیسے یہ سب ہینڈل کروں گی ؟ میں تو کچھ نہیں جانتی ان سب کے بارے میں۔۔۔ اور نہ ہی میں اتنی ایجوکیٹڈ۔۔۔۔ “

ماوی نرمی سے ۔۔۔ اپنی مشکل بتانے لگی ۔۔۔

” ابرام ہیں ناں۔۔۔ مل کے ہینڈل کریں گے تمہارے ساتھ ۔۔۔ “

احرم کے چہرے پہ مسکراہٹ تھی۔۔۔ وہ ابرام کی سرد نگاہوں میں لو دیتے شعلوں کو دیکھنے لگی۔۔۔

” لیکن مجھے تمہارے ساتھ ہی سب ہینڈل کرنا ہے احرم ۔۔۔ہم دونوں مل کے کریں گے سب ۔۔ “

” میرا سب تمہارا ہی ہے ماوی ۔۔۔ میں۔۔ میرا گھر ۔۔ میرا بزنس ۔۔۔ میرے شیئرز۔۔۔ “

احرم نرمی سے ۔۔۔ اس کا ہاتھ تھامے کہہ رہا تھا ۔۔۔ ابرام جھٹکے سے اٹھ کے جاچکا تھا۔۔۔ جبکہ ماوی نرمی نگاہوں سے اس شخص کو دیکھ رہی تھی۔۔۔

جو اسکے لئے فرشتہ ہی تھا ۔۔۔ دو بھائی ۔۔۔ ایک شیطان تو دوسرا فرشتہ۔۔۔ کتنی عجیب بات ہے ناں۔۔۔ایک نے نوچا تھا اسے جبکہ دوسرے بھائی نے مرہم بن کے ۔۔۔ اس کے وجود پہ اپنی محبتیں نچھاور کی تھی ۔۔۔۔

” میرے لئے تم کافی ہو احرم ۔۔۔ مجھے کچھ نہیں چاہیئے ۔۔۔ “

بھرائی آواز میں۔۔۔ وہ بس اتنا ہی کہہ پائی تھی۔۔۔جبکہ احرم اس کی بات پہ مسکرا دیا تھا ۔۔۔

” میں تمہارے پاوں کے دھول جیسی ہوں احرم ۔۔۔ مٹی پر سے اٹھا کے ۔۔ مجھے تم نے یہ شرف بخشا ہے ۔۔۔ میرا ماضی تم جانتے ۔۔۔۔ “

” ہششش ۔۔۔ “

احرم نے اس کے لبوں پہ ۔۔۔ اپنی شہادت کی انگلی رکھ کے ۔۔۔ اسے کچھ بھی کہنے سے روک دیا تھا ۔۔۔۔

” تم کچھ نہیں ماوی ۔۔۔تم بس میری بیوی ہو ۔۔۔میری محبت ہو ۔۔۔مجھے بس وہ دن یاد ہے جب میں اس نائٹ بار میں آیا تھا ۔۔۔ میری ذہنی حالت بےحد ابتر تھی اور تم نے اس دن مجھے سہارا دیا تھا۔۔۔ میں پینا چاہتا تھا لیکن تمہاری باتوں نے جیسے مجھے زندگی بخشی تھی۔۔۔ماوی بےحد محبت کرتا ہوں تم سے ۔۔۔ جانتی ہو ناں تم ۔۔۔ “

” ہمممم ۔۔۔ “

وہ اثبات میں سر ہلانے لگی ۔۔۔

‘ یہ احرم ہے ابرام نوفل شاہ کا بھائی ۔۔۔ اسکی حالت کیوں خراب ہے آج اتنی ۔۔ ؟؟’

اسے وہ شام یاد آئی تھی۔۔۔ اور تب اس نے احرم کی زندگی میں شامل ہونے کا پلان بنایا تھا۔۔۔لیکن احرم کی محبت۔۔۔ اس کا التفات ۔۔۔ ماوی کے ہر پلان پہ بھاری پڑ رہی تھی۔۔ اور وہ صادقانہ اہرم کے ساتھ اس رشتے کو نبھانا چاہ رہی تھی اب ۔۔۔

غزل جب اس کے آفس داخل ہوئی ۔۔۔ تو آفس کی حالت ابتر ہی تھی۔۔۔

غصے میں فائلز اس نے نیچے پھینک دی تھی۔۔۔ میز پہ رکھا ڈیکوریشن پیش زمین بوس ہو چکا تھا۔۔۔ اور وہ خود سگریٹ نوشی کرتا ۔۔۔ وہیں ٹہل رہا تھا۔۔۔

غزل پورے کمرے کو حیرت سے دیکھتی آگے بڑھی تھی ۔۔

” یہ کیا ہے ابرام ؟؟؟ تم ٹھیک ہو ؟؟”

ابرام مڑ کے اسے دیکھنے لگا ۔۔۔ اس کے کانپتے ہاتھ ۔۔۔ اس کا اندرونی اضطراب بتا رہے تھے ۔۔۔

” کیا ہوا ہے ؟؟”

غزل پھر سے پوچھ رہی تھی۔۔۔ جبکہ وہ سگریٹ کا ادھورا ٹکڑا پھینک کے ۔۔۔ صوفے پہ جا کے بیٹھ گیا تھا ۔۔۔

اضطرابی انداز میں۔۔۔ اپنی انگلیاں بالوں میں چلانے لگا ۔۔۔

” بتاو گیں کچھ ؟؟”

غزل کی آواز اب کے تیز تھی۔۔۔ ابرام اسے دیکھنے لگا ۔۔۔

” احرم نے جس لڑکی سے شادی کی ہے وہ کوئی اور نہیں۔۔ ماوی ہے “

غزل کی آنکھوں میں حیرت ابھری تھی۔۔

” ماوی ؟؟ “

اور پھر اچانک سے ہنسنے لگی ۔۔۔

” ماوی ۔۔۔۔ وہی ماوی ۔۔۔ واو “

” شٹ اپ غزل ۔۔۔ “

ابرام کی دھاڑ پہ وہ چپ ہو گئی تھی۔۔۔ اور کمر پہ دونوں ہاتھ رکھ کے ۔۔۔ وہ کمرے کا پھر سے جائزہ لینے لگی ۔۔۔

” کمرے کی یہ حالت۔۔۔ ماوی کی وجہ سے ہے۔۔۔ اوہ افسوس ۔۔۔ “

اس بار ابرام خاموش ہی رہا ۔۔۔ تو غزل کو بھی سنجیدہ ہی ہونا پڑا۔۔۔

” تم تو اسے پھینک چکے تھے۔۔۔ پھر احرم سے وہ کہاں ملی ؟؟”

سوال کرتی۔۔ وہ اس کے قریب ہی صوفے پہ جا کے بیٹھی تھی۔۔۔ ابرام سر نفی میں ہلانے لگا ۔۔

” نہیں پتہ ۔۔۔ بلکل بھی نہیں پتہ ۔۔ کہ احرم اس سے کہاں ملا ۔۔۔ اور کیسے شادی کا ڈیسژن لیا ۔۔۔ ڈیم اٹ ۔۔۔۔ کاش اس رات اس بچ کا گلا گھونٹ کے ختم کر دیتا اسے ۔۔۔۔ ڈیم اٹ “

غصہ پھر سے اسے چڑھ رہا تھا ۔۔۔

” تو تم بھی عجیب انسان ہو ۔۔۔ ایک کوڑے اٹھانے والی لڑکی کو تم ۔۔۔۔ “

غزل کہتے کہتے خاموش ہو گئی تھی۔۔۔ ابرام بھی خاموشی سے۔۔۔ ہاتھ کی مٹھی بنا کے ۔۔ اس پہ ٹھوڑی ٹکائے وہ کچھ سوچ رہا تھا ۔۔۔

” آئی کانٹ ۔۔۔ ڈیم اٹ “

وہ اچانک سر نفی میں ہلاتا ۔۔۔ اپنی جگہ سے اٹھ کھڑا ہوا تھا ۔۔۔ سنگل صوفے کو ٹانگ رسید کرتا ۔۔۔ وہ اب کمرے کے بیچ و بیچ کھڑا تھا ۔۔۔

” اسے قتل کرنا ہے اب ۔۔۔ جب تک وہ نہیں مر جاتی۔۔۔ مجھے سکون نہیں ملنا ۔۔۔ احرم اسے میری برابری دے کے بہت غلط کر رہا ہے ۔۔۔ اس بچ کو ایک سیکنڈ کے لئے بھی میں اس آفس میں نہیں برداشت کر سکتا۔۔۔ “

” کیا مطلب ؟؟”

غزل نے اچنبھے سے اسے دیکھا تھا ۔۔

” مطلب یہ کہ احرم اپنے سارے شئیرز اس کے نام کر کے ۔۔۔ اسے اس بزنس کا ۔۔۔ اس آفس کی پارٹنر شپ سونپ چکا ہے ۔۔ “

ابرام دانت پیستے غرایا تھا ۔۔

” وہاٹ ؟؟”

غزل اپنی جگہ سے اچھل ہی پڑی تھی۔۔

” کیا چیز ہے یہ ماوی میڈم۔۔۔ احرم کو کچھ ہی دنوں میں۔۔۔۔

اپنی انگلیوں پہ نچانے لگ گئی ہے ۔۔۔ “

غزل مسکراتی آنکھوں سے ۔۔۔ ابرام کے سرد تاثرات بھرے چہرے کو دیکھ رہی تھی ۔۔۔

” تم میرا غصہ مزید بڑھا رہی ہو ۔۔۔ “

غزل کندھے اچکا گئی ۔۔

” عجیب ہے ناں۔۔۔ بیڈ پہ لے جاتے عورت کا اسٹیٹس مرد کو نظر نہیں آتا۔۔ لیکن جب فیملی پہ آتی ہے تب اسی عورت کا اسٹیٹس دوکوڑی کا لگتا مرد کو ۔۔۔ خیر “

اپنی بات کہہ کے ۔۔۔ غزل ادھر ادھر دیکھنے لگی ۔۔

” مجھے جانا ہے ۔۔ ایم گیٹنگ لیٹ ۔۔۔ “

وہ اپنا بیگ اٹھا کے جانے لگی۔۔۔ جب جھٹکے سے۔۔۔ ابرام نے اس کا بازو پکڑ کے اسے روکا تھا ۔۔

” تمہیں یہاں اس لئے نہیں بلایا تھا کہ کمنٹس پاس کر کے چلتی بنو ۔۔۔ “

” تو ؟؟”

غزل کی سوالیہ نظریں اس پہ تھی۔۔۔

” مجھے اس ماوی کو قتل کرنا ہے ۔۔ تمہارا ساتھ چاہیئے مجھے ۔۔۔ “

اب کے لہجہ پرسکون تھا۔۔۔ غزل کچھ دیر اس کی آنکھوں میں دیکھتی رہی ۔۔۔

” انگلش موویز دیکھ لو ۔۔۔ ایک سو ایک طریقے مل جائیں گے تمہیں ۔۔۔ میں کوئی سیریل کلر تھوڑی ہوں۔۔ “

وہ کندھے اچکا گئی ۔۔۔

” ملوانا ہےتمہیں اس سے ۔۔۔ “

وہ ہلکا سا مسکرایا تھا ۔۔

” ڈونٹ بی ۔۔۔ پاگل تو نہیں ہوئے ؟؟ میں کیا کروں گی اس سے مل کے۔۔ “

غزل منہ بنا کے بدکی تھی۔۔۔

” دوستی ۔۔۔ “

آنکھ ونک کرتا ۔۔۔ وہ غزل کو لیے باہر کی طرف گیا تھا ۔۔۔ جبکہ غزل تاسف بھری نظروں سے ۔۔۔ اسے دیکھتی آگے بڑھی تھی ۔۔۔۔

” کتنے مزے سے سناتی ہو تم یہ گوسیپز ۔۔۔ جوکس ۔۔۔۔ امیزنگ “

اسے خود سے لگائے ہنستے ہنستے احرم کہنے لگا ۔۔۔ ماوی کی شرارت بھری نظریں موبائل پہ تھی۔۔۔

” ایک ۔۔۔ ایک اور بھی ہے ۔۔ بہت مزے کا ہے سنو ۔۔ “

” ارے نہیں پلیز ۔۔۔ بس “

احرم نے اس کے ہاتھ سے موبائل لینا چاہا لیکن ماوی ہاتھ پیچھے کر چکی تھی۔۔۔

“ارے سنو تو یار ۔۔۔ “

” نہیں مجھے اب تمہیں سننا ہے ۔۔ “

اس کے چہرے کو ۔۔۔ اپنے ہاتھ سے چھوتا احرم کہنے لگا ۔۔۔ ماوی نے کچھ سوچ کے موبائل سائیڈ پہ رکھ لیا ۔۔

” کیا سننا چاہتے ہو ؟؟”

” کچھ بھی ۔۔۔ “

احرم نے کندھے اچکائے تھے۔۔۔ جبکہ ماوی نرم نگاہوں سے اسے دیکھ رہی تھی۔۔۔

” کچھ گنگناوں ۔۔۔ سنو گیں؟؟”

” یس ۔۔۔ آف کورس “

اسکے گرد بازوؤں کا گھیرا تنگ کر کے ۔۔۔ احرم مسکرایا تھا۔۔۔

” ہممممم ۔۔۔

آو حضور تم کو ۔۔۔

ستاروں میں لے چلوں۔۔۔

دل جھوم جائے ایسے ۔۔۔

بہاروں میں لے چلوں۔۔۔ “

اس کی گنگناہٹ سرگوشی میں تھی۔۔۔ لیکن اہرم کو ایسے لگ رہا تھا ۔۔۔ جیسے اس کی روح میں اتر رہی ہے۔۔۔۔

” ہمراز ۔۔ ہم خیال تو ہو ۔۔

ہم نظر بھی بنو ۔۔

طے ہوگا زندگی کا سفر ۔۔

ہم سفر بنو ۔۔۔ “

اس کے لب ۔۔۔ اس کی سانسیں اہرم کی گردن کو چھو رہی تھی۔۔۔ جبکہ اہرم نرمی سے ۔۔۔ اسے بانہوں میں سمیٹے اسے سن رہا تھا۔۔۔۔

” چاہت کے اجلے اجلے ۔۔۔

نظاروں میں لے چلوں۔۔

دل جھوم جائے ایسے ۔۔۔

بہاروں میں لے چلوں۔۔۔

آو حضور تم کو ۔۔۔

ستاروں میں لے چلوں۔۔

دل جھوم جائے ایسے ۔۔

بہاروں میں لے چلوں۔۔۔ “

وہ خاموش ہوئی تو احرم بھی دھیرے سے مسکرایا تھا ۔۔۔

” تمہاری مدھم سانسیں۔۔۔ تمہارے لبوں کا مبہم لمس ۔۔۔ اور تمہاری یہ خوبصورت آواز۔۔۔ مجھے تمہیں محبت کرنے پہ اکسا رہے ہیں۔۔۔ “

اسکی گھمبیر۔۔۔ بھاری اواز پہ ۔۔۔ ماوی کے دل کی دھڑکنیں مدھم ہوئی تھی۔۔۔ تبھی مسکرا کے آنکھیں موند گئی تھی ۔۔

” تو محبت کرو بہت ساری مجھے ۔۔۔ “

احرم نے جھک کے ۔۔۔ اس کے لبوں پہ اپنے لب رکھ کے ۔۔۔ اس کے سانسوں کی خوشبو۔۔۔ اپنی سانسوں میں اتاری تھی اور پھر نرمی سے پیچھے ہوا تھا ۔۔۔۔

” افس نہیں جانا آج میری مسز نے ؟؟”

نرمی سے اس کی بالوں میں انگلیاں چلاتا ۔۔۔ وہ سامنے دیوار کو دیکھ رہا تھا ۔۔۔ لیکن آنکھیں ساکت نہیں تھی آج۔۔۔بلکہ آنکھیں مسکرا رہی تھی۔۔۔۔

” مجھے کہیں نہیں جانا ۔۔۔ “

ماوی اب اس کی شرٹ کے بٹن سے کھیلنے لگی۔۔۔

” لیکن تمہیں یہ سب سنبھالنا ہی تو ہے اب ۔۔”

” کہہ تو ایسے رہے ہو جیسے کہیں دور جا رہے ہو تو اس سے پہلے سب مجھے سکھا کے ہی جاو گیں۔۔ “

ماوی کا منہ بن گیا تھا ۔۔۔ اہرم نرمی سے اپنی انگلیوں سے ۔۔۔ اس کے بالوں اور گردن کو سہلا رہا تھا۔۔۔

” میں چاہتا ہوں جب مجھے موت آئے تو تم ۔۔۔ تمہارا فیوچر سیکیور ہو مکمل ۔۔۔ “

ماوی جھٹکے سے الگ ہو کے ۔۔۔ اسے دیکھنے لگی۔۔جسکی آنکھوں میں نمی ٹھہری ہوئی تھی۔۔۔

“یہ کیا بات ہوئی احرم ؟؟ مجھے ایسی باتیں بلکل نہیں پسند ۔۔ “

اس کی آواز میں کپکپاہٹ سی تھی ۔۔۔

” تم نے میری زندگی میں جو رنگ بھرے ہیں ماوی ۔۔۔ ان کے آگے یہ سب بہت کم ہیں۔۔۔ “

احرم ہاتھ بڑھا کے نرمی سے کہہ رہا تھا جبکہ ماوی نے اس کے ہاتھ جھٹکے تھے ۔۔ احرم کی بات سے ۔۔۔ دل بےحد عجیب سوگوار سا ہوا تھا ۔۔۔

” میری قیمت لگا رہے ہو تم احرم ؟؟”

اسکی آواز میں غصہ تھا۔۔

” م۔۔۔ ماوی ۔۔۔ نہیں ماوی “

وہ کہنا چاہ رہا تھا لیکن ماوی نے اس کی بات کاٹ دی تھی۔۔۔

” میرے سامنے یہ سب فضولیات بول رہے ہو ۔۔۔ مرنے کی باتیں کر کے ۔۔ کون سا سکون مل رہا تمہیں احرم ؟ تمہارے ہونے سے ہی میں سیکیور ہوں احرم ۔۔۔ مجھے یہ بینک بیلنس ۔۔۔دولت ۔۔۔ بزنس کچھ نہیں چاہئے ۔۔ “

وہ غصے میں تیز تیز کہہ رہی تھی۔۔۔ احرم نے پھر سے ۔۔۔ اسے بانہوں میں بھرنا چاہا لیکن ماوی پھر سے ۔۔۔ اسکے ہاتھ جھٹک گئی تھی۔۔

” ماوی ۔۔۔ ماوی پلیز لسن ٹو می ۔۔۔ “

وہ بےچین ہوا تھا۔۔۔ ماوی بار بار اس کا ہاتھ جھٹک رہی تھی ۔۔

” ماوی پلیز ۔۔۔ ایسے نہیں کرو ۔۔۔ ایم۔سوری۔۔۔۔ لیکن پلیز ایسے نہیں کرو بار بار ۔۔۔ خود کو مجھ سے دور نہیں کرو ۔۔ مجھے قریب آنے دو اپنے پلیز ۔۔ “

” کیوں؟؟ ابھی جو تم میرا فیوچر سیکیور کرنے کے پلانز بنا رہے تھے وہ سب کیا ہوا ؟؟ مجھ سے الگ ہونا چاہتے ہو ناں؟؟ ایک بار ویٹرس جو ٹھہری میں۔۔۔ بھکاریوں کی بستی میں پلی بڑھی ایک بھکارن جو ٹھہری میں ۔۔۔ بھکاریوں کو بکنے کا شوق بھی تو ہوتا ہے ۔۔۔ تبھی میری قیمت ۔۔۔۔ “

وہ بپھر رہی تھی۔۔۔ اور اس سے پہلے اس کی بات مکمل ہوتی ۔۔۔ اہرم اسکے لب اپنے لبوں سے قید کر چکا تھا ۔۔۔ اس کے ہر احتجاج کو ناکام بناتا ۔۔۔۔ وہ ماوی کو اپنے مضبوط بازوؤں کے گھیرے میں لے چکا تھا ۔۔۔

وہ احرم کی بانہوں میں پرسکون ہونے لگی تھی ۔۔۔ تبھی ہر مزاحمت چھوڑ کے اسنے سسکی بھری تھی۔۔۔

” ہششش ماوی ۔۔۔ آئی رئیلی لو یو مائی ہارٹ بیٹ ۔۔۔

You are my special heart beat … “

وہ سرگوشی کرنے لگا ۔۔۔۔

” ہم خود سے متعلق ہر دن ۔۔۔ ہر لمحے کو اسپیشل بنائے گیں احرم۔۔۔۔۔ ساتھ میں۔۔۔ “

ماوی اس کے مضبوط ہاتھ۔۔۔ اپنے ہاتھوں میں لیتی کہنے لگی ۔۔

” میرے لئے تمہارے ساتھ گزرا ہر لمحہ اسپیشل ہے ماوی ۔۔۔ کیونکہ تم جیسے میرے زخموں پہ مرہم بن کے بکھری ہو ۔۔۔ لیکن جس دن تمہیں دیکھ پاؤں ۔۔ وہ دن میری لائف کا اسپیشل دن ہوگا اور اس دن کا ہر منٹ ہمارے لئے اسپیشل مومنٹ بناؤں گا میں۔۔۔ اٹس آ پرامس ۔۔۔ “

اس کی بھاری اواز بوجھل ہو رہی تھی۔۔۔ جب ماوی اس کا ہاتھ تھام کے جھٹکے سے اٹھی تھی ۔۔

” چلو چلو ۔۔۔ کہیں چلتے ہیں۔۔ “

” کہاں؟؟”

وہ حیران سا اٹھنے لگا۔۔

” ایک جگہ۔۔۔ چلو بھی ۔۔ “

ماوی اسکی شرٹ ٹھیک کرتی کہنے لگی ۔۔۔ اس کی آنکھیں مسکرا رہی تھی۔۔۔

وہ کب سے آئینے کے سامنے بیٹھی۔۔۔ اپنے چہرے کے اس آدھے حصے کو دیکھ رہی تھی۔۔۔ گندمی رنگت پہ وہ آدھا سیاہ داغ ۔۔۔ اسے ان سالوں میں بار بار اپنی کم مائیگی کا احساس دلا رہا تھا ۔۔۔

” تو اس حادثے میں تم اپنے چہرے پہ یہ داغ لگا کے ۔۔۔ میرے پاس کیا کرنے آئی ہے شین؟؟؟ اتنا بڑا دل نہیں میرا کہ تجھے قبول کروں گا ۔۔ “

اس کے درد پھر سے اڈھرے تھے ۔۔۔ وہ شاید آج پھر اصغر کو نیلم کے ساتھ دیکھ کے آئی تھی۔۔۔ اور تب سے خود کو آئینے میں دیکھ رہی تھی۔۔۔

” دیکھ اصغر تو مجھ سے پیار کرتا ہے ناں۔۔ ہم نے مل کے کتنے سپنے ساتھ میں دیکھے ہیں۔۔ تو نے کہا تھا کہ ہم شادی کرے گیں۔۔ “

وہ منت سے بولی تھی۔۔

” پیار کرتا تھا۔۔۔ اب میں نیلم سے پیار کرتا ہوں۔۔۔ تجھے کیا لگا تھا کہ یہ داغ جو تیرے چہرے پہ سجا ہے ۔ میں اس داغ کے ہوتے ہوئے تجھے اپنا لوں گا ۔۔۔ نیلم بےحد خوبصورت ہے ۔۔ “

اصغر کے انداز نے ۔۔۔ اس کے دل کی تپش جیسے بڑھا دی تھی۔۔۔ تبھی وہ تڑپ کے رو پڑی تھی ۔۔

” اپن تجھ سے پیار کرتی ہے اصغر ۔۔ “

” لیکن میں اب نیلم سے پیار کرتا ۔۔۔ تو چھوڑ دے میرا پیچھا ۔۔ “

وہ جھنجھلایا تھا ۔۔۔

” کل کو اگر نیلم کے ساتھ بھی یہ حادثہ ہوا تو ؟؟”

” نہیں ہوگا۔۔ کیونکہ اس کی دوست ماوی جیسی نہیں ہے ۔۔۔ جو اسے آگ میں دھکا دے کے ۔۔ خود پیچھے ہٹ جائے۔۔۔ “

اصغر کا انداز تمسخر بھرا تھا ۔۔ اور ابھی وہ آئینے کے سامنے بیٹھی رو پڑی تھی۔۔۔ زور سے اس نے شیشے پہ مٹھی بنا کے ماری تھی۔۔۔

” ماوی ۔۔۔۔۔ “

شیشے کے ٹکڑے ٹوٹ کے بکھرے تھے۔۔۔ اور وہ چیخ چیخ کے رو پڑی تھی۔۔۔

” اپن تیرے کو دوست سمجھا تھا ماوی ۔۔۔ دوست سمجھا تھا ۔۔۔ تو کتیا نکلی ۔۔۔ “

نگہت دوڑتی ہوئی آئی تھی۔۔ اپنی بیٹی کو تڑپ تڑپ کے روتے دیکھ کے ۔۔ وہ گھبرا کے اس کے قریب ہی بیٹھی تھی ۔۔۔

” کیا ہوا شین؟؟”

” اور کیا ہوگا اپن کے ساتھ ماں۔۔ اور کیا ہونا باقی ہے۔۔۔ اپن برباد ہو گئی ۔۔۔ یہ چہرہ ۔۔۔ یہ چہرہ “

وہ پاگلوں کی طرح نگہت کی طرف دیکھتی رو رہی تھی۔۔۔

” اپن کا سب چھن گیا ۔۔۔ چہرہ ۔۔۔ نصیب ۔۔۔ سب چھین کے لے گئی وہ بدبخت ۔۔۔ وہ کتیا۔۔ “

وہ دانت پیستی غرا رہی تھی۔۔۔ چیخ رہی تھی۔۔۔ اور اس لمحے اس کے چہرے کا وہ سیاہ داغ ۔۔۔ بےحد بھیانک لگ رہا تھا ۔۔۔

گاڑی اس خستہ حال بستی کے سامنے رکی تھی۔۔۔ اس خستہ حال بستی کے۔۔۔ ہر فاقہ زدہ جھونپڑی سے ۔۔۔ اس کی بھیانک یادیں تھی ۔۔۔

چھوٹے چھوٹے ننگے بچے ۔۔۔ حیرت سے اس نیو ماڈل کی گاڑی کو ذوق و شوق سے دیکھ رہے تھے۔۔۔ یہاں کے فاقہ زدہ مکینوں کے لئے ۔۔۔ وہ گاڑی بہت معتبر تھی۔۔۔

آنکھیں بند کر کے ۔۔۔ ماوی نے گہرا سانس لیا تھا ۔۔۔ جب اسے اپنے کندھے پہ ۔۔ احرم کے ہاتھ کا دباؤ محسوس ہوا تو چونک کے ۔۔۔ اسے دیکھنے لگی۔۔

” ماوی ۔۔ کیا ہوا ہے ؟؟ ہم کہاں آئے ہیں۔۔۔ ؟؟”

ماوی کے چہرے پہ تلخ مسکراہٹ آئی تھی۔۔۔

” دوسری دنیا میں۔۔۔ “

ڈرائیور نے نیچے اتر کے ۔۔۔ اس کے لئے گاڑی کا دروازہ کھولا تھا ۔۔۔ نازک سینڈل میں مقید ۔۔۔ سفید پاؤں جیسے ایک پل کو کپکپائے تھے ۔۔ اور پھر وہ نیچے اتر کے ۔۔۔ سامنے اس بستی کو دیکھنے لگی۔۔۔

‘ تیرا روکڑا کدھر ہے لڑکی؟؟’

بھاری اواز اس کے آس پاس گونجی تھی۔۔ اور وہ دو معصوم آنکھیں ۔۔۔

‘ بس یہی ؟؟ باقی کدھر ہے حرام زادی ؟؟’

‘ م ۔۔۔ مجھے نہیں مانگنا کسی سے ۔۔ یہ ۔۔۔ یہ مجھے کچرا جمع کرنے پہ ملے ہیں۔۔۔ میں بھکارن نہیں ہوں۔۔’

اس کی منمناہٹ اور پھر چٹاخ کی آواز گونجی تھی۔۔۔

” کتیا ۔۔۔ بدذات “

ماوی کا دل لرزا تھا ۔۔۔ بلکل ویسے ہی ۔۔۔

‘ تو نے مجھے مارا ۔۔۔ جمیلے کو مارا ۔۔ ‘

ہر طرف خون کی پھوار تھی ۔۔۔ وہ دو معصوم آنکھیں خوفزدہ تھی جمیل کے بہتے خون کو دیکھ کے ۔۔۔ جو اس کی ایک آنکھ سے ۔۔۔ کسی فوارے کی طرح بہہ رہا تھا کیونکہ ماوی نے اس کی انکھ میں چھری گھونپی تھی۔۔۔ اور پھر وہ بھاگی تھی۔۔۔ پھولتی سانسوں کے ساتھ وہ بھاگ رہی تھی۔۔۔

اور اچانک کسی سے ٹکرائی تھی ۔۔۔ اس تاریک رات میں کسی کے چوڑے سینے سے ۔۔۔

” ابرام نوفل شاہ ۔۔ “

ایک شیطان سے بچ کے ۔۔۔ دوسرے شیطان کے چنگل میں پھنسنے والی معصوم سی چڑیا ۔۔۔

اس نے جھرجھری لی تھی۔۔۔

” ماوی ۔۔ “

اس نے چونک کے احرم کو دیکھا تھا ۔۔۔

جو بار بار اپنی ناک پر سے ۔۔۔ کوئی نادیدہ چیز جیسے ہٹا رہا تھا ۔۔

” عجیب اسمیل ہے یہاں۔۔ کون سی جگہ ہے یہ ؟؟”

وہ ادھر ادھر جیسے کچھ دیکھنے کی کوشش میں ہلکان ہو رہا ہو ۔۔۔

” میری تلخ حقیقت ۔۔۔ “

کوڑے کے ڈھیر پہ نظر پڑی۔۔۔۔ تو اس نے جھرجھری سی لی تھی ۔۔۔ چھوٹا سا بچہ تھا ۔۔۔ خون کی دھار تھی۔۔۔ اور وہ گوشت کا لوتھڑا تھا ۔۔۔ چیل تھے ۔۔۔۔۔ کتا تھا ۔۔۔۔ دھندلائی نظروں سے وہ دیکھ رہی تھی۔۔۔۔ ہر طرف بدبو تھی۔۔۔۔ اور وہ سب مل کے اس بچے کو نوچ رہے تھے ۔۔۔۔۔ شور تھا ۔۔۔۔ وہ شاید مڑ رہی تھی۔۔۔ دل کی دھڑکنیں ڈوب رہی تھی۔۔۔۔ سانسیں مدھم تھی۔۔۔۔۔

گہرا سانس لے کے ۔۔۔ اس نے سر جھٹکا تھا ۔۔۔۔

احرم کا ہاتھ تھامے ۔۔۔ ماوی آگے بڑھ رہی تھی۔۔۔ ساتھ ساتھ اس کی مدد بھی کر رہی تھی کہ ٹھوکر سے وہ نیچے نہ گر جائے۔۔۔

” میری دنیا ہے یہ احرم ۔۔۔ یہاں گندا نالہ ہے ۔۔۔ جس میں سارا دن مکھیاں اڑتی رہتی ہے ۔۔۔ “

اس نے پاس بہتے نالے کو غور سے دیکھا تھا۔۔۔ جس میں کارا پانی تیر رہا تھا ۔۔۔

جھونپڑیوں سے عورتیں۔۔۔ لڑکیاں جھانک جھانک کے دیکھ رہی تھی۔۔۔

” یہاں بہت سی جھونپڑیاں ہیں احرم ۔۔۔ جس میں انسان سانس لیتے ہیں۔۔۔ رک رک کے چلتی سانسیں۔۔۔ تو کھبی تیز چلتی سانسیں ۔۔ اور ان کے بیچ ۔۔۔۔۔ “

رک کے اس نے تھوک نگلا تھا ۔۔۔

” میری جھونپڑی نہیں ہے ۔۔۔ “

اس کی دھیمی آواز ابھری تھی۔۔۔

چیخیں تھی۔۔۔ اگ کے شعلے تھے ہر طرف ۔۔۔ اسکی جھونپڑی جل رہی تھی۔۔۔ اسکا معذور باپ جل رہا تھا ۔۔۔ اس کی ماں چیخ رہی تھی۔۔ اس اپاہج جلتے انسان کو کھینچ رہی تھی۔۔۔ لیکن اس کے ہڈیوں والے جسم سے ۔۔۔ بچی کھچی گوشت پوست ہی اس کے ہاتھ آ رہی تھی۔۔۔۔

اور بھی جھونپڑیاں جل کے خاکستر ہو رہی تھی اور ویسے ہی وہاں زندگی سے بیزار انسان بھی۔۔۔

اور ماوی ۔۔۔ وہ دیکھ رہی تھی۔۔۔ وہ سن رہی تھی۔۔۔ اس کی آنکھیں ساکت تھی۔۔۔ اس کی دنیا جل رہی تھی۔۔۔ وہ اچانک سے بھاگی تھی۔۔۔ بےحد تیزی سے ۔۔۔

” ماوی ۔۔۔ ماوی ۔۔ “

کوئی اسے روک رہا تھا لیکن وہ دیکھ کہاں رہی تھی اور پھر اس نے اپنے سامنے آئی اس لڑکی کو دھکا دیا تھا ۔۔۔

چیخیں گونجی تھی۔۔ اگ کے شعلے لپکے تھے ۔۔۔ وہ چیخ رہی تھی۔۔۔ جل رہی تھی۔۔ لیکن ماوی بھاگ رہی تھی۔۔۔ بھاگتی جا رہی تھی۔۔

” ماوی ۔۔”

احرم کے پکارنے پہ ۔۔۔ وہ چونک کے وحشت زدہ سی اسے دیکھ رہی تھی۔۔۔

” تم ٹھیک ہو ماوی ؟؟”

اپنے ہاتھ کی پشت اور کلائی پہ ۔۔۔ وہ ماوی کے ہاتھ کا دباؤ اور اس کے ناخن محسوس کرتے وہ پوچھنے لگا ۔۔۔

ماوی نے تیزی سے اس کا ہاتھ جھٹکا تھا ۔۔

” ایم سوری ۔۔ ایم سوری ۔۔ “

” اٹس اوکے ماوی ۔۔۔ ایم فائن ۔۔۔ “

احرم پھر سے اس کی طرف ہاتھ بڑھانے لگا ۔۔۔ جسے ماوی نے تیزی سے تھام لیا تھا۔۔

” ماوی ۔۔۔ یہ تو ہے ماوی ؟؟”

نگہت کی اواز پہ ۔۔ وہ جھٹکے سے مڑی تھی۔۔۔ جو اسے سر سے پاؤں تک حیرت سے منہ کھولے دیکھ رہی تھی۔۔۔

” آئی ۔۔ “

وہ اس کے گلے لگنے کے لئے آگے بڑھی تھی جب نگہت پیچھے ہوئی ۔۔

” تیرے کپڑے میلے ہو جائیں گے ۔۔ “

ماوی وہیں رک کے ۔۔۔ بےبسی سے اسے دیکھنے لگی۔۔

” میں ماوی ہوں آئی۔۔۔ ماوی “

جبکہ نگہت اس کی بات نظرانداز کر کے ۔۔ احرم کو دیکھنے لگی۔۔

” میں نے شادی کر لی ہے آئی۔۔۔ یہ احرم ہے میرے شوہر “

وہ آہستگی سے بتانے لگی ۔۔۔ جبکہ جھونپڑی کے گھپ اندھیرے سے ۔۔۔ دو آنکھیں اسے دیکھ رہی تھی۔۔۔

” کتنا خوبصورت ہے تیرا شوہر۔۔۔ “

وہ کہہ رہی تھی۔۔ جبکہ ماوی کی آنکھیں کسی کو ڈھونڈ رہی تھی۔۔

” شین کہاں ہے ؟؟”

نگہت کے چہرے کا رنگ بدلا تھا۔۔۔ کچھ دیر پہلے ہی تو شین رو رہی تھی۔۔ بددعا دے رہی تھی ماوی کو ۔۔ چیخ رہی تھی۔۔۔

وہ خاموش ہی رہی ۔۔۔ ماوی کے چہرے پہ درد بھری مسکراہٹ ابھری تھی۔۔

” آج بھی مجھ سے نفرت کرتی ہے وہ ۔۔ “

اس نے بیگ سے کچھ رقم نکالی تھی۔۔ اور نگہت کے ہاتھ تھام کے ۔۔۔ اس کی ہتھیلی پہ رکھے تھے ۔۔۔ نگہت حیرت سے ان پیسوں کو دیکھ رہی تھی۔۔۔

شاید پہلی بار تھا کہ وہ اتنی زیادہ رقم ایک ساتھ دیکھ رہی تھی۔۔۔

” یہ ۔۔۔ یہ “

” آپ کے لئے آئی۔۔ رکھ لیں۔۔۔ “

نرمی سے کہتی ماوی پیچھے ہوئی تھی۔۔۔ اور احرم کا ہاتھ تھام کے ۔۔۔ نم آنکھوں سے اس جھونپڑی کو پھر سے دیکھنے لگی ۔۔۔

” شین سے کہیے گا کہ میرے لئے آج بھی وہ میری دوست ہے۔۔ بہت اچھی دوست ۔۔۔ اس کی نفرت سر آنکھوں پہ۔۔۔ لیکن میں وہ سب نہیں چاہتی تھی وہ سب بلکل ۔۔۔۔ “

وہ کہتے کہتے چپ ہوئی تھی۔۔۔ اس کے قدم کپکپائے تھے تبھی اس نے مضبوطی سے ۔۔۔ احرم کے کندھے پہ ۔۔ اپنے ہاتھ رکھ کے ۔۔۔ سہارا لیا تھا ۔۔۔

” ماوی ۔۔۔۔ تم ٹھیک ہو ؟؟”

وہ بےچینی سے ۔۔ ماوی کا چہرہ چھوتے پوچھنے لگا ۔۔

” چلیں احرم ۔۔ “

آہستہ آواز میں کہتی ۔۔۔ وہ ایک آخری نظر اس جھونپڑی پہ ڈال کے ۔۔۔ وہاں سے جانے لگی تھی۔۔۔ جبکہ اندر بیٹھی شین۔۔۔ بھیگی آنکھوں میں کرب اور نفرت لیے اسے جاتے ہوئے دیکھ رہی تھی۔۔۔ وہ حاسد نہیں تھی لیکن آج وہ حاسد بننے لگی تھی۔۔

وہ جھونپڑی باقی جھونپڑیوں سے ہٹ کے تھی ۔۔۔ جہاں وہ ایک آنکھ والا جمیلے ۔۔۔ کرسی پہ براجمان تھا۔۔۔ چہرے پہ خباثت لیے ۔۔ وہ ایک آنکھ والا انسان ۔۔۔ کراہیت بھری نظر سے ۔۔۔ وہاں موجود ۔۔۔ بچوں اور لڑکیوں کو دیکھ رہا تھا۔۔۔

اپنے پورے دن کی جمع پونجی ۔۔ وہ اس ایک آنکھ والے جمیل کے آگے رکھ رہے تھے ۔۔۔ کپکپاتے ہاتھ۔۔۔ نقاہت سے لڑکھڑاتے پاوں۔۔۔ اور بھوک و گرمی سے بےحال ان کے کمزور۔۔۔ کالے پڑتے جسم ۔۔۔

” یہ کیا ؟؟”

وہ دھاڑا تھا ۔۔۔ سولہ سال کی وہ کمزور سی لڑکی سہم گئی تھی اور خوفزدہ نظروں سے اسے دیکھ رہی تھی۔۔۔

” اتنا کم ۔۔ کیسے ؟؟ کتیا “

وہ پھر سے غرایا تھا ۔۔ اس کی غراہٹ سے ۔۔ وہاں موجود سب ڈر گئے تھے ۔۔۔

” م۔۔۔۔ معاف کر دیں۔۔۔ “

” چپ ۔۔ “

اپنی ٹانگ اس کے پیٹ پہ رسید کرتا وہ چیخا تھا اور وہ لڑکی پیچھے جا گری تھی۔۔۔

” تجھے تو میں بتاتا ہوں اب ۔۔ “

اور پھر سب چلے گئے تھے ۔۔ اپنی اپنی جھونپڑیوں میں۔۔۔ لیکن جمیل کی جھونپڑی سے ساری رات ۔۔۔ اس لڑکی کی درد بھری چیخیں اور سسکیاں سنائی دیتی رہی ۔۔۔ نہ جانے کتنی دفعہ اسے ہوس کا نشانہ بناتا رہا تھا وہ ہولناک آدمی۔۔۔ اپنے ساتھیوں کے ساتھ ۔۔۔ اس کمزور لاچار لڑکی کے برہنہ وجود پہ ۔۔۔ جشن مناتے رہے ۔۔۔ اور نوچتے رہے ۔۔