Mawi by Malaika Rafi NovelR50587 Mawi (Episode 03)

Mawi by Malaika Rafi

” کانگریجولیشنز مسز ماوی احرم شاہ ۔۔۔ “

آفس ورکرز اسے مبارکباد دے رہے تھے اور وہ احرم کا ہاتھ تھامے مسکرا رہی تھی۔۔۔

” تھینک یو ۔۔۔ “

جبکہ میٹنگ روم کے ۔۔۔ سربراہی سیٹ پہ ۔۔۔ ابرام شاہ بیٹھا اسے غور سے دیکھ رہا تھا ۔۔۔ سرد چاکلیٹ براون آنکھوں میں ۔۔۔ اس کے لئے عجیب احساس تھا۔۔۔ شاید نفرت !!!

غزل بھی وہیں موجود تھی اور وہ کب سے ابرام کو نوٹ کر رہی تھی۔۔۔ جو شرر بار نگاہوں سے ۔۔۔ ماوی کو ہی دیکھ رہا تھا ۔۔۔

تبھی تھوڑا جھک کے سرگوشی کرنے لگی ۔۔۔

” ماوی زیادہ جچ رہی ہے احرم کے ساتھ ۔۔۔ “

ابرام نے لب بھینچے غزل کو دیکھا تھا تو وہ کندھے اچکا کے ۔۔۔ سیٹ کی پشت سے ٹیک لگا کے بیٹھ گئی تھی ۔۔۔

” زہر لگ رہی ہے مجھے یہ اس وقت احرم کے ساتھ “

اس کی مدھم سرد آواز پہ ۔۔ غزل نے زیر لب مسکراتے اسے دیکھا تھا۔۔۔

” اسی زہر کو پی کے ۔۔ بار بار سیراب ہونے کا شرف حاصل کر چکے ہو تم ۔۔۔ “

” شٹ اپ ۔۔ “

ابرام نے دانت پیسے تھے اور اسی لمحے ماوی کی نظریں اس سے ٹکرائی تھی۔۔۔ اسے طنزیہ نظروں سے دیکھتی ۔۔۔ وہ اب کسی جرنلسٹ کا سوال سن رہی تھی۔۔

” میم ۔۔ ہم کافی دیر سے نوٹ کر رہے ہیں۔۔۔ کہ جسطرح سے آپ مسٹر احرم کا خیال رکھ رہی ہے ۔۔ بار بار ان کا ہاتھ تھام کے ۔۔ ان کا ساتھ دے رہی ہے ۔۔۔

It’s like … awesome… we must say a caring love couple … “

ماوی مسکرا دی تھی۔۔۔ نظر بھر کے اس نے احرم کو دیکھا تھا جو مسکرا رہا تھا ۔۔۔

” احرم جیسا ہزبینڈ کا ملنا بھی تو نصیب کی بات ہوتی ہے ۔۔۔

The most caring .. loving person …

ایک ایسا انسان جس کے ہر انداز ۔۔۔ ہر لفظ میں میرے لئے عزت ہے ۔۔۔ احرم کوئی عام انسان نہیں ہے ۔۔۔

He is special …

جو مجھے ہمیشہ مان دیتا آ رہا ہے ۔۔۔

I really love him … “

وہ محبت سے کہتی ۔۔۔ پھر سے احرم کو دیکھنے لگی ۔۔۔ جس نے اس کا نازک ہاتھ اپنے لبوں سے لگایا تھا ۔۔۔

” اظہار محبت بہترین ہے ماوی کا اپنے ہزبینڈ کے لئے ۔۔۔

Very impressive .. I like her skills of …. “

غزل کہتے کہتے چپ ہو گئی تھی جب اس کی نظر ابرام کے چہرے پہ پڑی جو بھسم کر دینے والی نظروں سے اسے ہی دیکھ رہا تھا ۔۔۔

” I love you Maavi … infact I feel lucky for having you in my life …..

میرے لئے ماوی بہترین بیوی ہے ۔۔۔ “

احرم بھی اپنے احساسات کا بیان خوبصورت انداز میں کر رہا تھا ۔۔۔ ماوی نے ایک اتراتی نظر ابرام پہ ڈالی تھی۔۔۔ جس کی سرد آنکھوں میں انتقام کی آگ جل رہی تھی۔۔۔

لیکن وہ ماوی ہی کیا ۔۔۔ جس پہ اثر ہو ۔۔۔

” میں اپنے بزنس پارٹنر مسٹر ابرام نوفل شاہ کو بھی تھینکس کہوں گی ۔۔۔۔ اینڈ ہوپ فلی کہ یہ بہترین کا آغاز ہوگا ہمارے لئے ۔۔۔ کیوں مسٹر ابرام شاہ ۔۔۔ “

جرنلسٹس اس کی طرف مڑے تھے ۔۔۔ وہ جو خونخوار نظروں سے ماوی کو دیکھ رہا تھا ۔۔ ہلکا سا مسکرا دیا تھا ۔۔۔

” ہوپ سو ۔۔۔ ایکسکیوز می ۔۔ “

یک لفظی جواب دے کے ۔۔۔ وہ اٹھ کے میٹنگ روم سے باہر گیا تھا ۔۔۔ لمبے ڈگ بھرتا وہ اپنے آفس کی طرف جا رہا تھا جب ابرک اس کے سامنے آیا تھا ایک فائل لے کے۔۔۔

” یہ ڈیٹیلز ہیں ماوی میم کی ۔۔۔۔ “

وہ ابھی بات کر رہا تھا ۔۔۔ جب ابرام فائل اس کے ہاتھ سے ۔۔۔۔ جھپٹنے والے انداز میں لیتے ہوئے اپنے آفس کی طرف بڑھا تھا ۔۔۔

زور سے آفس کا دروازہ بند کر کے ۔۔ اس نے فائل ٹیبل پہ پٹخی تھی۔۔۔۔

” ڈیم اٹ “

اپنے بھاری بوت سے ۔۔۔کرسی کو ٹھوکر مارتا۔۔۔ وہ اپنا غصہ کم کرنے کی کوشش کر رہا تھا ۔۔۔

” ماوی ۔۔۔۔ماوی ۔۔۔۔ “

اس نے دانت پیسے تھے ۔۔۔

” تمہاری موت تو میرے ہاتھوں لکھی ہے۔۔۔ “

فائل کھول کے اس نے دیکھی تھی۔۔

” نائٹ بار ویٹرس ۔۔۔ ہمممم ۔۔۔۔ احرم بار میں کیا کرنے گیا تھا ۔۔۔ وہ تو جاتا نہیں ایسی جگہ ۔۔۔ “

وہ کچھ سوچتا پھر سے کمرے میں ٹہلنے لگا۔۔۔

” سیریل کلر ۔۔۔ کون ۔۔۔ کون ۔۔۔ کون ؟؟”

وہ یونہی ٹہلتا سوچے جا رہا تھا ۔۔۔ جب افس کا دروازہ کھلا تھا اور ماوی اندر آئی تھی۔۔۔ اور اسی لمحے ابرام نے جبڑے بھینچ لیے تھے ۔۔

” یہاں کیا کرنے آئی ہو ؟؟”

جبکہ وہ مسکراتی ۔۔۔ایک طائرانہ نظر پورے آفس پہ ڈالتی اسے دیکھنے لگی ۔۔۔

” بزدل کا چہرہ دیکھنے آئی ہوں۔۔ “

غصے سے ابرام نے اپنی مٹھیاں بھینچ لی تھی۔۔۔

” گیٹ لاسٹ ۔۔ “

وہ تقریبا دھاڑا تھا ۔۔ جبکہ ماوی اپنے کان کو ۔۔۔ شہادت کی انگلی سے کھجاتی ۔۔۔ آگے آئی تھی ۔۔۔

” آہستہ بولو ۔۔۔ میں سن لیتی ہوں۔۔۔ بہری نہیں ہوں۔۔۔ مجھے قتل کرنا چاہتے ہوگے ابھی ؟؟ ہے ناں؟؟”

دل جلا دینے والی مسکراہٹ کے ساتھ۔۔۔ وہ ابرام کو دیکھ رہی تھی۔۔۔

” پوری زندگی میں ۔۔۔ میرا دو خاص شیطانوں سے واسطہ پڑا ہے ۔۔۔ ایک جمیلے اور دوسرا تم ۔۔۔ “

” نکلو یہاں سے تم۔۔۔ “

وہ لب بھینچے غرایا تھا ۔۔۔

” بےرحم ۔۔۔ سنگدل ۔۔۔ سفاک ۔۔۔ درندہ ۔۔۔ “

وہ کہہ رہی تھی۔۔۔ جب ابرام نے جھٹکے سے ۔۔۔ اس کا جبڑا بھینچا تھا ۔۔

” چپ رہو تم ۔۔۔ “

اسے دیوار سے پن کرتا ۔۔ وہ پھر سے غرایا تھا ۔۔۔

” محبت کے نام پہ نوچنے والا بھیڑیا ۔۔۔ “

وہ بنا ڈرے پھر سے بولی تھی۔۔۔

” بس ۔۔۔ “

اس کے جبڑے پہ ۔۔۔ اپنے ہاتھ کا دباؤ بڑھایا تھا ابرام نے ۔۔۔ جبکہ ماوی بنا کچھ بولے۔۔۔ اسے دیکھے جا رہی تھی۔۔۔ جیسے اسے کچھ محسوس ہی نہ ہو رہا ہو ۔۔۔۔ ان آنکھوں میں کرب کے سوا کچھ نہیں تھا ۔۔۔

اور بلکل اچانک ابرام اسے چھوڑ کے پیچھے ہوا تھا ۔۔۔ کسی احساس کے تحت اس نے نظریں چرائی تھی۔۔۔ جبکہ ماوی کے چہرے پہ زخمی مسکراہٹ بکھری تھی۔۔۔

دو قدم وہ ابرام کے قریب آئی تھی۔۔۔

” مجھے سب یاد ہے ابرام ۔۔۔ سب “

ابرام لب بھینچے اسے دیکھ رہا تھا اب ۔۔۔

” میں جھکی تھی۔۔۔ تمہارے بلکل سامنے جھکی تھی۔۔۔ محبت پہ مان تھا ۔۔ تبھی جھکی تھی۔۔۔ وہ اذیت یہاں۔۔۔۔ “

اس نے اپنے دل کے مقام پہ شہادت کی انگلی رکھی ۔۔۔

” یہاں دفن ہے۔۔ اور تا ابد دفن رہے گا ۔۔۔ کیونکہ عورت کھبی وہ اذیت نہیں بھولتی جو اس کے محبوب سے اسے ملے ۔۔۔ “

” میرے بھائی کو بیچ میں لا کے تم نے صحیح نہیں کیا ماوی ۔۔۔ حساب تو پورا لوں گا اس کا میں تم سے ۔۔۔ “

وہ دانت پیستے غرایا تھا ۔۔ ماوی نے اس کے دل پہ ۔۔ اپنی شہادت کی انگلی رکھی تھی۔۔۔

” درد ہو رہا ہے تمہیں۔۔۔ بہت درد ۔۔۔ آہ ابرام یہی تو چاہتی ہوں میں۔۔۔ “

خاموش ہو کے وہ دو قدم پیچھے ہوئی تھی۔۔۔

” اپنے قدموں میں جھکاوں گی تمہیں۔۔۔ گھٹنوں کے بل گرو گے میرے سامنے ۔۔۔ تمہارا بھائی میری مٹھی میں ہے ۔۔۔ مٹھی کھول دی تو بوم ۔۔۔۔۔ “

ابرام کے چہرے کا رنگ اڑا تھا اپنے بھائی کے ذکر پہ ۔۔۔

جبکہ آنکھوں میں تمسخر لیے ۔۔۔ ماوی آنکھ ونک کر گئی تھی ۔۔۔ اور پھر مڑ کے ۔۔۔ کمرے سے باہر نکلی تھی۔۔۔

‘ میں تمہارا ڈریس چینج کر دیتا ہوں۔۔’

‘ میں تمہاری مکمل خوبصورتی دیکھنا چاہتا ہوں ماوی ۔۔۔ تم بہت خوبصورت ہو ۔۔’

‘ میں تم سے بےباک محبت چاہتا ہوں ماوی ۔۔۔ جس کی کوئی حد نہیں۔۔۔ کوئی سرحدیں نہیں۔۔۔ ‘

‘ ہم لباس ہیں ایکدوسرے کا ۔۔۔ لیکن اس بیڈ شیٹ کے نیچے ۔۔۔ میں تمہارے اور اپنے بیچ کوئی فاصلہ نہیں رکھنا چاہتا ماوی ۔۔۔ ‘

‘ بہت زیادہ محبت اور عشق کی آخری حد یہی ہے ۔۔۔ کہ ہم میں کوئی پردہ نہ رہے ۔۔۔ ہم محرم بنے ۔۔۔ ہر حد پار کر کے ۔۔۔ ‘

وہ چلتی جا رہی تھی۔۔۔ سانس بند ہوتی محسوس ہو رہی تھی اسے۔۔۔ آوازیں اس کا پیچھا کر رہی تھی۔۔۔ ماضی کے نہاں خانوں میں سے ۔۔۔ جھانک جھانک کے۔۔ اسے جھنجھوڑ رہی تھی۔۔۔

آنکھیں بھیگی ۔۔۔ تو سامنے کا منظر بھی دھندلانے لگا ۔۔۔ تبھی پلکیں جھپک کے۔۔۔ اس نے آنسوؤں کو پیچھے دھکیلنا چاہا اور لفٹ کا بٹن دبا کے وہ اندر داخل ہوئی تھی۔۔۔

” عورت محبت تو ایک ہی بار کرتی ہے ۔۔ لیکن وفا وہ بار بار نبھاتی ہے ۔۔ “

اور اسے وفا نبھانی تھی احرم سے ۔۔۔ اپنے شوہر سے۔۔۔ کیونکہ وہ ایک بیوی تھی اب ۔۔۔

لیکن اسکا انتقام ابھی باقی تھا ابرام نوفل شاہ سے ۔۔۔ بےحد محبت کے بعد ۔۔۔ بےحد نفرت ہی انتقام کی آگ کو بڑھاوا دیتی ہے ۔۔۔ اور ماوی کے لئے ۔۔ ابرام شاہ اب صرف انتقام ہی تھا ۔۔

” احرم کی بیوی بےحد خوبصورت ہے ۔۔۔ تم نے دیکھا ہے ناں غزل “

کشمالہ بےحد محبت سے اس لڑکی کا ذکر کر رہی تھی۔۔۔ جبکہ غزل نے منہ بنا کے آنکھیں گھمائی تھی۔۔۔

” تھی تو کوڑے جمع کرنے والی بھکارن ہی ۔۔ “

” یہ کیا بات ہوئی غزل ۔۔ “

کشمالہ نے کڑے تیوروں سے اپنی بیٹی کو دیکھا تھا ۔۔۔

” میری پرورش ایسا بولے گی ۔۔ میں نے کھبی نہیں سوچا تھا۔۔ “

غزل سر کھجا کے ۔۔ سامنے پڑے کیک سے انصاف کرنے لگی ۔۔

” احرم بےحد خوش ہے ماوی کے ساتھ ۔۔ ماشاءاللہ ۔۔۔ بہترین جوڑی ہے “

کشمالہ پھر سے کہہ رہی تھی۔۔ جبکہ غزل منہ بنا کے اپنا موبائل دیکھنے لگی۔۔۔

“آپ کوتو کوئی اچھی ہی نہ لگے ۔۔۔ ایک بار اچھی لگ گئی تو بس ۔۔۔ تعریفیں ہی ختم نہیں ہوتی ۔۔ “

” بیٹا وہ بہت اچھی لگی ہے مجھے ۔۔ بہت اچھی بچی ہے ۔۔ اللہ اس کے نصیب اچھے کریں۔۔ “

کشمالہ کے لہجے میں اب بھی محبت تھی اس اجنبی لڑکی کے لئے ۔۔ ۔

” اور کتنا نصیب اچھا کرے اس کا ۔۔۔ بھکارن سے وہ احرم کی بیوی بن گئی ہے ۔۔۔ جھونپڑی سے وہ شاہ مینشن میں پہنچ گئی ہے ۔۔ احرم کے پراپرٹی کی مالک بن گئی ہے ۔۔۔ “

غزل کے لہجے میں ۔۔ ماوی کے لئے حقارت تھی ۔۔۔جبکہ کشمالہ حیرت و غصے سے اپنی بیٹی کو دیکھ رہی تھی۔۔

” شرم کرو غزل۔۔۔ مقام شرم ہےتمہارے لئے ۔۔۔ یہ میری پرورش بول رہی ہے ؟؟؟ اتنا غرور۔۔۔ اتنا تکبر ۔۔۔

Shame on you … “

کشمالہ کہہ کے ۔۔۔ وہاں سے اٹھ کے چلی گئی تھی۔۔۔ جبکہ غزل نے کندھے اچکا کے ۔۔۔ پلیٹ پیچھے کھسکا دی تھی۔۔۔

” آپ کھبی نہیں سمجھے گی مما ۔۔ کہ وہ لڑکی مجھ سے کیا چھین چکی ہے ۔۔۔ خاموش ہوں لیکن ۔۔۔ “

وہ میز کی سطح کو گھورتی ۔۔۔ اپنے لب کاٹنے لگی۔۔۔

” دو کوڑی کی بھکارن ۔۔۔ “

وہ سنجیدہ چہرہ اس کی پلکوں پہ آن ٹھہرا۔۔۔ تو دل جیسے ٹھہر گیا تھا ۔۔۔۔ تبھی پلکیں جھپک کے ۔۔۔ اس نے خود کو کمپوز کرنے کی کوشش کی تھی۔۔۔۔

” نازو تو یہاں کیوں بیٹھی ہے ؟؟”

شین پاس پڑے کوڑے کے پچھلی طرف ۔۔۔ نازک کو گھٹڑی بنے بیٹھا دیکھ کے ۔۔۔حیرت سے پوچھنے لگی۔۔جبکہ وہ خوفزدہ نظروں سے ۔۔۔ شین کو دیکھنے لگی۔۔۔

” تو بتا دے گی جمیلے کو ؟؟ “

” کیا ؟؟”

وہ اب نازو کے پاس ہی ۔۔۔ جا کے بیٹھ گئی تھی کچرے کے ڈھیر پہ ۔۔۔

” کہ میں یہاں چھپی ہوئی ہوں؟؟”

“تو چھپ کیوں رہی ہے اس ایک آنکھ والے بلا سے ؟؟”

شین اب بھی حیرت سے۔۔۔ اس کی حالت دیکھ رہی تھی ۔۔۔ جبکہ وہ کانپتے ہوئے ادھر ادھر دیکھنے لگی ۔۔۔

” بہت درد ہو رہا میرے کو شین۔۔۔ میرا پورا جسم درد کر رہا ۔۔۔آج پھر پیسے نہیں جمع کیے ۔۔۔ وہ جمیلے ۔۔۔وہ پھر سے سزا دے گا مجھے ۔۔۔ میرے میں اور سکت نہیں ہے شین۔۔۔ میں بہت درد میں ہوں۔۔۔ “

شین نےہاتھ بڑھا کے اس کا جسم ٹٹولا تھا ۔۔۔

” تیرے ساتھ ؟؟”

اور وہ سر جھکاگئی تھی۔۔۔

“نہ بتانا کسی کو ۔۔۔ تجھے قسم ہے شین۔۔۔ تجھے قسم ہے۔۔ “

وہ کہتے کہتے رو پڑی تھی۔۔

” کاش ماوی اس حرام خور کی دونوں آنکھیں اندھا کر دیتی ۔۔۔ کتا ۔۔۔ ذلیل “

شین نے دانت پیسے تھے۔۔۔

” چل اٹھ۔۔۔تو اپن کے ساتھ اپن کے گھر چل ۔۔۔ “

” ن ۔۔۔ نہیں۔۔۔ وہ ۔۔۔ وہ مجھے دیکھ لے گا ۔۔ “

وہ بےحد خوفزدہ تھی۔۔

” کچھ نہیں ہوتا ۔۔۔ اپن تیرے ساتھ ۔۔تو فکر نہ کر ۔۔۔ چل”

شین اسے اٹھانے میں مدد دینے لگی ۔۔۔لیکن اسکے کپڑوں پہ نظر پڑتے ہی ۔۔ وہ جھٹکے سے پیچھے ہوئی تھی۔۔

” نازو یہ خون ؟؟؟ اتنا سارا خون ؟؟؟”

نازو گھبرا کے ۔۔۔ خود میں سمٹنے لگی ۔۔۔

” ت۔۔۔تجھے کیا ہوا ہے نازو ۔۔۔ ؟؟ یہ خون ؟؟”

وہ پھر سے پوچھ رہی تھی۔۔۔ جبکہ نازو لڑکھڑا کے نیچے گری تھی۔۔۔

” نازو۔۔۔ “

شین اسکے قریب آ بیٹھی تھی۔۔۔اور اسے کندھے سے تھام کے۔۔۔ اس کے نقاہت زدہ وجود کو سہارا دیا تھا۔۔۔

” تو ۔۔۔ تو ٹھیک نہیں ہے نازو۔۔۔ “

اندر کو دھنسی ہوئی آنکھوں سے ۔۔۔ اس نے شین کی طرف دیکھا تھا۔۔۔۔

” مجھے بہت درد ہو رہا شین۔۔۔ “

نقاہت زدہ آواز میں کہہ کے ۔۔۔ اس کا سر شین کے کندھے پہ لڑھکا تھا ۔۔

” نازو ۔۔۔۔۔ “

وہ چیخ ہی پڑی تھی۔۔۔۔

کمرے کے نیم تاریک ماحول میں۔۔۔ ابرام شاہ بیٹھا۔۔۔ ٹیبل پہ پڑا ڈرگ لے رہا تھا ۔۔۔

جس طرح سے ۔۔۔ ماوی احرم کے ذریعے اس سے انتقام لے رہی تھی ۔۔۔ یہ بات ابرام کے غصے کو ہوا دے رہی تھی۔۔۔

سرخ ہوتی انکھوں سے ۔۔۔ اس نے سائیڈ پہ پڑی فائل دیکھی ۔۔۔

آنکھوں میں چمک سی در آئی تھی ۔۔۔۔ احرم اپنے بیڈ روم میں سو رہا تھا اور ماوی نیچے لاونج میں ٹی وی دیکھ رہی تھی۔۔۔

تبھی وہ جھٹکے سے اٹھا اور فائل اٹھا کے ۔۔۔ لمبے ڈگ بھرتا کمرے سے باہر گیا تھا۔۔۔۔

ماوی جو فرائز سے انصاف کرتی ۔۔۔ کوئی مووی دیکھ رہی تھی۔۔۔ جب فائل اس کے سامنے ٹیبل پہ پھینک گئی ۔۔۔

” سائن کرو ان پہ ۔۔ “

ایک نظر اس نے فائل پہ اور دوسری ابرام پہ ڈالی۔۔۔ جو اس کے ساتھ والے صوفے پہ جا کے بیٹھ چکا تھا۔۔۔

اور پھر سے نظریں ٹی وی اسکرین پہ جمائی ۔۔۔ جبکہ ابرام بغور اس کا جائزہ لے رہا تھا۔۔۔

کتنا بدل گئی تھی وہ ۔۔۔ اس کا سراپا اب بھرا بھرا سا تھا ۔۔۔ چہرے کا حسن پہلے سے زیادہ دمکتا محسوس ہوتا۔۔۔ سفید رنگت میں اب گلابی پن کا امتزاج بھی تھا ۔۔۔۔ آنکھیں بےتاثر تھی ۔۔۔ اور اس کے اٹھنے بیٹھنے کے انداز میں کافی فرق محسوس ہوتا تھا۔۔۔

” نائٹ بار کیسے پہنچی تم ؟؟”

اس کی بھاری اواز گونجی تھی۔۔۔ وہ چونکی ضرور تھی لیکن کوئی خاص تاثر نہیں دیا تھا اسے ۔۔۔

” احرم کیا کرنے آیا تھا بار ؟؟ جو تم سے سامنا ہوا؟؟”

وہ پوچھنا رہا تھا اور ماوی اب بھی خاموش ہی تھی۔۔۔

” اسے ہمارے رشتے کا بتایا؟؟؟ نہیں بتایا ہوگا۔۔۔ تبھی تو ۔۔۔ “

وہ اب بھی ابرام کو نہیں دیکھ رہی تھی۔۔۔ جبکہ ابرام کے چہرے پہ مسکراہٹ رینگی تھی۔۔۔

” میرے قریب رہنے کے لئے ۔۔ اچھا ڈرامہ کر رہی ہو انتقام کا ۔۔۔ تم اب بھی شاید نہیں بھولی وہ شامیں۔۔۔ وہ راتیں۔۔۔ وہ سب جو ہمارے بیچ ہوا ۔۔۔ “

ماوی اب بھی خاموش رہی ۔۔۔

” ایک بھکارن سے نائٹ بار ویٹرس ۔۔۔ کوڑے کے ڈھیر پہ پلی بڑھی بھکارن سے اتنی ماڈرن بننے کا سفر ۔۔۔۔ اتنی محنت ۔۔۔ میرے گھر تک پہنچنے کے لئے ۔۔۔ مجھ تک پہنچنے کے لئے ۔۔۔ “

پانی کا گلاس منہ سے لگا کے۔۔۔ اس نے ایک نظر ابرام کو دیکھا جو اسے ہی دیکھ رہا تھا ۔۔۔

گلا کھنکھار کے ۔۔ وہ گلاس رکھ کے اپنی جگہ سے اٹھ کے ۔۔۔ سیڑھیوں کی طرف جانے کے لئے مڑی تھی۔۔۔

” میں جواب کا منتظر ہوں۔۔۔ “

ابرام کی اواز پہ اس کے قدم رکے تھے ۔۔۔ وہ مڑ کے ابرام کو دیکھنے لگی ۔۔۔ جو صوفے پہ آرام دہ انداز میں بیٹھا اسے ہی دیکھ رہا تھا ۔۔۔

چھوٹے چھوٹے قدم اٹھاتی وہ ابرام تک آئی تھی۔۔۔ ابرام کی طرف جھکتی ۔۔۔ وہ اس کی آنکھوں میں دیکھ رہی تھی۔۔۔

” تم کیا چاہ رہے ہو اس وقت مجھ سے ابرام شاہ؟؟”

وہ طنزیہ انداز میں کندھے اچکا گیا ۔۔۔

” کیا پھر سے وہ وقت چاہتے ہو تم ابرام شاہ؟؟”

بنا ڈرے۔۔۔ اس کی انکھوں میں دیکھتی ماوی پوچھ رہی تھی ۔۔۔ جبکہ وہ نشے سے بھاری ہوتے سر کو ۔۔۔ جھٹکتا اپنی جگہ سے کھڑا ہوا تھا۔۔۔

ماوی اس کا راستہ روک گئی تھی۔۔۔

” کہاں؟؟؟ جواب نہیں چاہئے اپنے سوالوں کے تمہیں؟؟ بار بار ہمارے بیچ جو ہوا کا حوالہ دے کے۔۔۔ تم پروف کیا کرنا چاہتے ہو ابرام ۔۔۔ ؟؟؟ کہ میں تمہارے بھائی سے بیوفائی کا مرتکب ہو جاؤں ۔۔۔ یہی ؟؟؟”

” مجھے تم سے کچھ نہیں چاہنا۔۔۔ سامنے سے ہٹو۔۔۔ “

ابرام ناگواری سے کہتا ۔۔۔ آگے بڑھنا چاہ رہا تھا ۔۔۔ جب ماوی پھر سے اس کے سامنے آئی تھی۔۔۔

” اب بھی بھکارن ہوں میں۔۔۔ اور آج بھی میرے وجود میں وہی بدبو ہے ۔۔۔ کوڑے کے ڈھیر کی بدبو ۔۔۔۔ بہت بدبودار ہوں میں ابرام شاہ۔۔ سونگھو مجھے ۔۔ “

وہ دو قدم آگے آئی تھی جبکہ ابرام بوکھلا کے دو قدم پیچھے ہوا تھا ۔۔۔

” اسی کوڑے کے ڈھیر پہ ۔۔۔ تمہارا بچہ بھی پڑا ہوا تھا جسے چیل اور کتے آ کے ۔۔۔ نوچ نوچ کے کھا گئے ۔۔۔ “

وہ اب بھی ابرام کے قریب جا رہی تھی جبکہ ابرام اسے حیرت سے دیکھتا پیچھے جا رہا تھا۔۔۔

” نوچنے مجھے بھی آئے تھے۔۔۔ لیکن تم سے اپنا اور اس معصوم جان کا بدلہ لینے کے لئے میں زندہ بچ گئی ۔۔۔ “

” پیچھے رہو ماوی ۔۔۔ “

ابرام کو اس لمحے۔۔۔ ماوی کی سرد آنکھوں سے واقع ڈر ہی لگا تھا ۔۔

” کوڑے کا ڈھیر وہ واحد جگہ ہے جو ہر روز گواہ بنتا ہے ۔۔۔ کیسے سنبھال چاہے بچوں کو ڈھیر وہاں گرتا ہے ۔۔۔ اور کیسے چیل ۔۔۔ کوے ۔۔۔ کتے ۔۔۔۔ کیڑے مکوڑے ان ننھی جانوں کو نوچنے آ جاتے ہیں۔۔۔ اور بھیڑیے نما ان کے سو کالڈ باپ ۔۔۔۔ سینہ تان کے سڑکوں پہ چلتے ہیں ۔۔ اور جب اس کوڑے کے ڈھیر کے سامنے سے گزرتے ہیں ۔۔۔ تو اپنی ناک پہ ٹشو رکھ کے ۔۔۔۔ اس بدبو سے خود کو بچاتے ہیں۔۔۔۔ وہ بدبو اسی بھیڑیے کے گلے سے بچے کی ہوتی ہے۔۔۔۔۔ میں نے دیکھا کیسے نوچ رہے تھے اسے ۔۔۔۔ تمہارا بچہ تھا وہ ابرام تمہارا ۔۔۔۔۔ “

وہ آنکھوں میں وحشت لیے ۔۔۔۔ سرسراتی آواز میں کہہ رہ تھی۔۔۔۔ جبکہ ابرام لب بھینچے پیچھے ہوا تھا ۔۔۔

” ماوی دور رہو مجھ سے ۔۔۔۔ “

ماوی کے چہرے پہ سرد مسکراہٹ پھیلی تھی۔۔۔

” میں نوچتی نہیں ہوں ابرام ۔۔۔ ڈرو مت ۔۔۔ تم سے حساب برابر کرنا ہے بس ۔۔۔ سارے حساب۔۔۔ اور میں حساب کتاب میں ہمیشہ سے اچھی رہی ہوں ابرام نوفل شاہ ۔۔۔ “

اپنی بات کہہ کے ۔۔۔ وہ پھر سے قدم پیچھے لے رہی تھی۔۔۔

” بزدل ۔۔۔۔۔ “

دانت پیستے کہہ کے ۔۔۔ وہ مری تھی۔۔۔۔۔

جبکہ ابرام وہیں کھڑا۔۔۔ لب بھینچے اسے دیکھ رہا تھا۔۔۔

وہ اب معصوم سی ماوی نہیں تھی۔۔۔ جو اس کی ہر بات ماننے کے لئے۔۔۔ تیزی سے اثبات میں سر ہلا دیتی ۔۔۔

وہ اب بےحد مضبوط تھی ۔۔۔ ایک مضبوط عورت کے روپ میں۔۔۔ اس کے سامنے کھڑی۔۔۔ اسے چیلنج کر رہی تھی۔۔۔ وہ جا چکی تھی اور ابرام وہیں کھڑا۔۔۔ ماوی سے اپنی جنگ لڑنے کے لئے پلان بنا رہا تھا۔۔۔ شطرنج کی خطرناک بازی پھیلانے کا سوچ رہا تھا وہ اب ۔۔۔۔

” کیا عمر ہے تیری ؟؟”

اپنی ایک آنکھ سے۔۔۔۔ جمیل اس بچے کو گھور رہا تھا۔۔۔

” صاب بارہ ۔۔۔ “

” ہمممم ۔۔۔ تجھے کوئی پیسے نہیں دیتا ؟؟”

وہ پھر سے اپنی کرخت آواز میں پوچھ رہا تھا جبکہ وہ لڑکا نفی میں سر ہلاتا جھکا گیا ۔۔۔

” تیرے ماں باپ کدھر ہیں؟؟”

وہ پھر پوچھ رہا تھا ۔۔۔۔

” صاب ۔۔۔اس کو اٹھا کے لائی تھی کملی مائی۔۔۔ “

کسی کی اواز پہ اس نے ہنکارا بھرا تھا ۔۔۔ اور مسکراتی معنی خیز نظروں سے۔۔۔ سر سے پاؤں تک اسے دیکھا تھا۔۔۔۔

” کچھ ایسا کروں گا کہ تجھ پہ سب کو رحم بھی آئے گا اور بھیک بھی ملے گی ۔۔۔ “

اس کی آواز میں عجیب سنسناہٹ سی تھی۔۔۔ وہ لڑکا انس تھا جو خوفزدہ نظروں سے اب اس ایک آنکھ والے بلا کو دیکھ رہا تھا ۔۔۔

” انور۔۔۔ ادھر آ “

اس نے اپنے خاص بندے کو آواز دی جو اٹھارہ سال کا نوجوان تھا ۔۔۔

” چل لے جا ۔۔ اور اس کی وہ حالت بنا کہ سب کو اس پہ رحم آ جائے اور اس کو بھیک دیں۔۔۔ “

” ن ۔۔۔ نہیں۔۔۔۔ نہیں۔۔۔ “

وہ روتے ہوئے چلانے لگا ۔۔۔ جبکہ انور اسے زبردستی کھینچتے ہوئے لے جانے لگا ۔۔۔

” چل سالے ۔۔۔۔ “

اور پھر دوسرے کمرے سے ۔۔۔ اس کی چیخیں سنائی دینے لگی۔۔۔ جبکہ جمیل باقیوں پہ نظر ڈال رہا تھا ۔۔۔

” جانتے ہو ۔۔۔ تمہارے اس دوست کے ساتھ کیا ہو رہا ہے ؟؟”

وہ سب خوفزدہ نظروں سے ۔۔۔ اسے دیکھتے سر نفی میں ہلا رہے تھے ۔۔۔

” اسکا ایک کان کاٹا جا رہا ہے ۔۔۔ اور اس کا سر منڈوا رہے ہیں۔۔ تا کہ وہ قابل رحم بھکاری لگے ۔۔۔ اگر تم سب چاہتے ہو کہ تم لوگوں کے ساتھ ایسا نہ ہو ۔۔۔تو اپنی کمائی بڑھاو۔۔۔ بڑھاو ۔۔۔۔ “

وہ اپنی بات کہہ کے ۔۔۔ اب دانت پیستے غرایا تھا ۔۔۔جب سیٹھ حشمت کو اندر آتے دیکھ ۔۔۔۔ وہ اپنی بتیسی کی نمائش کرنے لگا۔۔۔

” ارے آو ۔۔۔ آو سیٹھ حشمت ۔۔ کیسے آنا ہوا ہمارے غریب خانے پہ ۔۔؟؟”

سیٹھ حشمت پہ ۔۔۔ وہاں موجود بچوں اور لڑکیوں پہ طائرانہ نظر ڈالی تھی۔۔۔ ۔

” مال تو بہت جمع کر رکھا ہے تو نے جمیلے ۔۔۔ “

” محنت بھی تو بہت کرتا ہوں ۔۔ “

وہ جمیلے کے پاس ہی آ کے بیٹھ گیاتھا ۔۔۔

” چل تیری محنت کو خراج دینے کا وقت آگیا ہے جمیلے ۔۔۔ تیرے کچھ بچے چاہئے مجھے اڈے پہ ۔۔۔ اور یہ کام تو ہی کر سکتا میرے لئے۔۔۔ بدلے میں بہت پیسہ ملے گا تجھے ۔۔۔ بہت پیسہ۔۔۔۔ “

وہ اب بھی ۔۔۔وہاں موجود بچوں اور لڑکیوں کو ٹٹولتی نظروں سے دیکھ رہا تھا ۔۔۔

” ہممممم ۔۔۔۔ مجھے پیسہ چاہئے بس ۔۔۔ باقی یہ سب تیرے سامنے ہیں۔۔۔ ان میں سے بہت سے چوری کا مال ہیں ۔۔۔ جنہیں اٹھایا گیا ہے راستے سے ۔۔۔۔کچھ یہیں جھونپڑیوں کی پیداوار ہیں۔۔۔ اور کچھ ناجائز۔۔۔ ان کی مائیں امیروں کی عیاشی کا سامان بنی ہے اور پھر ان کی ناجائز اولادیں ہیں یہ ۔۔۔ ان میں سے بہت سوں کے باپ کا نہیں پتہ کہ کس کی عیاشی کا پھل ہے یہ ۔۔۔ جتنے چاہئے لے لو اور مجھے میرا پیسہ یاد سے دو ۔۔۔ “

جمیل نے اپنی بات کر کے ۔۔۔ ایک لمبی جمائی لی تھی جب انور اس کے پاس آیا۔۔۔

” صاب ۔۔۔۔ وہ لڑکا تڑپ رہا ہے درد سے ۔۔۔ کیا کروں۔۔۔”

” تڑپنے دے سالے کو ۔۔۔ اپنے گھر کا شہزادہ تھا ۔۔۔ اب اسے سمجھ آئے گی کہ وہ شہزادہ نہیں رہا اب ۔۔۔ اس جھونپڑی ۔۔۔ اس بستی کا بھکاری ہے وہ ۔۔۔ “

سرد اواز میں کہتا ۔۔۔ وہ اب سیٹھ حشمت کو دیکھ رہاتھا جو کسی بھوکے شیر کی طرح۔۔۔ رال ٹپکاتا ۔۔۔ہر نوعمر لڑکی کو ٹٹول کے دیکھ رہا تھا ۔۔۔ اور ہر لڑکے کو چیک کرتا ۔۔۔ وہ اپنی مرضی کا مال الگ کر رہا تھا ۔۔۔

جبکہ جمیل بتیسی کی نمائش کرتا ۔۔۔ انور کو دیکھ کے ۔۔۔ آنکھ ونک کر گیاتھا ۔۔۔۔ یہ بستی فاقہ زدہ بھکاریوں کی تھی۔۔۔ یہ بستی پسماندہ اور گندگی کا ڈھیر تھی۔۔۔

جہاں کی نہ حکومت کو خبر تھی۔۔۔ نہ انھیں کوئی فکر تھی۔۔۔ یہاں وہ سب ہوتا جو ہمارے معاشرے میں گناہ کے زمرے میں آتا ہے ۔۔۔

خرید و فروخت ۔۔۔ جسم فروشی ۔۔۔ ان چاہے بچے کو کوڑے کے ڈھیر پہ پھینکنا۔۔۔ گندگی ۔۔۔ بدبو ۔۔۔ تعفن زدہ جسم ۔۔۔ اور ان لاچار جسموں پہ رینگتے کیڑے مکوڑے۔۔۔۔