Mawi by Malaika Rafi NovelR50587 Mawi (Episode 24)

Mawi by Malaika Rafi

سامنے وہ خستہ حال بستی تھی۔۔۔ جہاں کے لوگ عام دنیا سے مختلف تھے ۔۔۔

جہاں بھوک پیاس کا ستم اپنے عروج پہ تھا ۔۔۔ دھوپ کی تمازت میں۔۔ ان کے کالے جسم مزید جھلس رہے تھے۔۔۔

جہاں کی بدبو میں وہ سانس لیتے تھے ۔۔۔ اور جہاں کی گندگی میں۔۔۔ وہ آلتی پالتی مار کے ۔۔۔ اپنے دن بھر کی بھیک میں مانگی گئی کمائی کو گنتے تھے ۔۔۔

دھندلا سا تھا سب ۔۔۔ اس کے لئے ۔۔

ایک بڑے سے پتھر پہ ۔۔۔ وہ بیٹھی۔۔۔۔ سب سے بےخبر ۔۔۔ تپتی گرمی سے بےنیاز سامنے کا منظر دیکھ رہی تھی۔۔۔

وہاں کی عورتیں اور سوکھے سے بچے ۔۔۔ رک رک کے ۔۔۔ اس خوبصورت مورتی کو دیکھ رہے تھے۔۔۔

جو اپنے قیمتی لباس میں ملبوس ۔۔۔ سوگ منا رہی تھی۔۔۔

لیکن سوال یہ تھا۔۔۔

کہ وہ خوبصورت مورتی۔۔۔ کس کس بات کا غم مناتی۔۔۔ کس کس کرب کا سوگ مناتی۔۔۔

محبت کے نام پہ ایک عورت کی تذلیل کا۔۔۔۔ یا یقین کے نام پہ اپنے شوہر کی بیوفائی کا ماتم ۔۔۔ یا اپنوں کی جھوٹی دوستی یا اپنائیت کا۔۔۔

علی۔۔۔ !!

وہ اب دل ہی دل میں اپنے خدا سے شکوہ کناں ہوئی تھی۔۔۔ تبھی بھیگی پلکیں اٹھا کے ۔۔ وہ شکایت بھری نظروں سے آسمان کو دیکھنے لگی ۔۔۔

جو ایک سائبان کی طرح اس پہ چھایا ہوا تھا ۔۔۔۔ لیکن وہ اوپر والی ذات ماوی کے دکھوں سے ۔۔۔ ماوی کے کرب سے آشنا تھی۔۔۔

شاید کوئی حکمت ہی تھی اس پاک ذات کی ۔۔۔ شاید ماوی کے صبر کا امتحان ۔۔۔

” عسل ۔۔۔۔ عسل ۔۔۔ “

ایک کھردری اواز پہ ۔۔۔ اس نے نظریں گھما کے اپنے دائیں جانب دیکھا تھا۔۔۔ جہاں وہ عورت کھڑی تھی ۔۔۔۔ سیاہ پیوند زدہ لباس میں ملبوس ۔۔۔ آدھے جھلسے ہوئے چہرے کے ساتھ۔۔۔ اسے ایک آنکھ سے دیکھ رہی تھی۔۔۔

” ت ۔۔۔تم عسل ہو ۔۔۔ “

ماوی کے متوجہ ہونے پہ ۔۔۔ وہ پھر سے اپنی کھردری اواز میں بولی تھی۔۔۔ جبکہ ماوی گنگ اسے دیکھ رہی تھی۔۔۔ وہ بول بھی نہیں پائی تھی کہ میں عسل نہیں ماوی ہوں۔۔۔

” میں کب سے تمہیں ڈھونڈ رہی تھی۔۔۔ کب سے تمہاری تلاش میں تھی ۔۔۔ “

وہ اب بات کرتے ماوی کے قریب آ رہی تھی۔۔۔ جبکہ ماوی دھڑکتے دل کے ساتھ اس عورت کو دیکھ رہی تھی۔۔۔

” میری تلاش آج ختم ہوئی ۔۔۔ میری سزا آج ختم ہوئی ۔۔۔ میرا کرب۔۔۔ میری اذیتیں ختم ہو گئی ۔۔۔ عسل ۔۔۔ عسل میری بچی ۔۔۔ “

وہ جیسے ہی ماوی کے قریب آئی۔۔۔ وہ بدک کے اپنی جگہ سے اٹھ کے پیچھے ہوئی تھی۔۔۔ اجنبی نظروں سے ۔۔۔ اسے سر تا پا دیکھتی وہ چلائی تھی۔۔۔

” م ۔۔۔ میں ماوی ہوں ماوی ۔۔۔ کون ہو تم ؟”

وہ چیخی تھی۔۔۔ خوفزدہ نظروں سے وہ اس عورت کو دیکھ رہی تھی جس کے آدھا جھلسے ہوئے چہرے سے ۔۔۔ اسے خوف محسوس ہو رہا تھا ۔۔۔

” میں تمہاری بربادی کا وہ پہلا باب ہوں۔۔۔ کہ جس کے بعد سے تمہاری سیاہ بختی شروع ہوئی تھی عسل ۔۔۔ “

اس عورت کی کھردری اواز۔۔۔ ماوی کو اپنے کانوں میں جیسے پگھلا ہوا سیسہ انڈیلتے ہوئے لگ رہی تھی۔۔۔

” تم یہاں کیا نہیں ہو ۔۔۔ یہ تاریک بوسیدہ دنیا تمہاری نہیں ہے عسل ۔۔۔ یہ ۔۔۔ یہ گندگی ۔۔۔ یہ بو ۔۔۔ یہ تاریکی میری تھی ۔۔۔ میری ۔۔۔ جس میں تمہیں میں نے لا کے پھینک دیا۔۔۔ “

وہ ماوی کو نم آنکھوں سے دیکھتی۔۔۔ اس کے قریب آ رہی تھی۔۔۔ جبکہ ماوی پیچھے قدم رکھتی اس سے دور ہو رہی تھی ۔۔

” مجھ سے مت ڈرو عسل ۔۔۔ میں۔۔۔ میں قاتل ہوں تمہاری ۔۔۔ مجھے سزا دو ۔۔ “

وہ پھر سے کہہ رہی تھی۔۔۔ ہاتھ آگے بڑھا کے ماوی کو چھونا چاہتی تھی۔۔۔ جبکہ ماوی تیزی سے قدم رکھتی ۔۔۔ اس سے دور ہوئی تھی۔۔۔

وہ بھاگ رہی تھی۔۔۔

تیزی سے دھڑکتے دل ۔۔۔ اور کانپتی ٹانگوں کے ساتھ وہ بھاگ رہی تھی۔۔۔۔

گرمی اور خوف کی شدت سے ۔۔۔ اسے اپنے گلے میں کانٹے سے اگتے محسوس ہو رہے تھے۔۔۔

بیچ سڑک میں کھڑی۔۔۔ اپنے چکراتے سر کو سنبھالتی ۔۔۔ وہ اجنبی نظروں سے چاروں طرف دیکھ رہی تھی۔۔۔ جیسے جاننے کی کوشش کر رہی ہو ۔۔۔ کہ اسے کس راستے جانا ہے ۔۔۔۔

گاڑی کے ٹائر اس کے قریب چرچرائے تھے ۔۔۔ اور وہ ٹس سے مس نہ ہوئی تھی۔۔۔ گہرے سانس لیتی ۔۔۔ وہ چاروں طرف دیکھ رہی تھی۔۔۔

” ماوی ۔۔۔ “

کوئی اس کے قریب چلایا تھا ۔۔۔ اور وہ ان اجنبی نظروں سے اس شخص کو دیکھ رہی تھی۔۔۔

جو اسے کندھے سے تھامے ۔۔۔ پریشان نظروں سے اسے دیکھ رہا تھا۔۔۔ ان آنکھوں میں وی اپنے لئے پریشانی واضح دیکھ رہی تھی۔۔۔

” ماوی ۔۔۔ کیا ہوا ہے؟؟؟”

احرم پھر سے پوچھ رہا تھا۔۔۔ جو ماوی کا پوچھتا۔۔۔ یہاں آیا تھا۔۔۔ اس کے گارڈ نے یہی ایڈریس دیا تھا ماوی کا ۔۔۔

اور وہ سانس لینے کی کوشش میں نڈھال ہوتی ۔۔۔ احرم کی شرٹ اپنی مٹھیوں میں جکڑ چکی تھی۔۔۔

” ماوی ۔۔۔ ہشششش ۔۔۔ میری طرف دیکھو۔۔۔ “

احرم اس کا چہرہ تھپتھپانے لگا ۔۔۔

” لسن ماوی ۔۔۔ میری طرح سانس ان ہیل کرنے کی کوشش کرو ۔۔۔ “

وہ پھر سے کہہ رہا تھا۔۔۔ جبکہ ماوی سہمی سہمی سی ۔۔۔ ادھر ادھر دیکھتی ۔۔۔ نڈھال ہو رہی تھی۔۔۔

احرم اسے بازوؤں میں بھر کے ۔۔ گاڑی میں لا کے بٹھا چکا تھا ۔۔۔ ماوی کی آنکھیں بند ہو رہی تھی۔۔۔ جیسے وہ ہوش سے بیگانہ ہو رہی ہو ۔۔۔

” ماوی پلیز آنکھیں بند مت کرو ۔۔۔ ماوی پلیز “

بےبسی سے ۔۔۔ ماوی کے نیلی پڑتے لبوں کو دیکھتا وہ کہنے لگا ۔۔۔

اور پھر خود ماوی کے قریب ہوتا۔۔۔۔ اس کے لبوں پہ اپنے لب رکھ کے ۔۔۔ اسے اپنی سانسیں ان ہیل کرنے لگا۔۔۔۔

تین چار بار یہی عمل کرنے کے بعد۔۔۔ اسے محسوس ہو رہا تھا کہ جیسے ماوی سانس لینے کی کوشش کر رہی ہے ۔۔۔

اسے اپنی پشت پہ ۔۔۔ ماوی کے ہاتھوں کا لمس محسوس ہوا تھا ۔۔۔ جیسے وہ احرم کو تھامنا چاہ رہی ہو ۔۔۔

اس کی آواز ابھری تھی۔۔۔ اپنے لبوں پہ ماوی کے حرکت کرتے لبوں کا لمس محسوس ہوا ۔۔۔ تو جیسے وہ لمحے ٹھہر ہی گئے ۔۔۔

اس لمحے کو جینے کی چاہ ابھری تو بےدھڑک ان لبوں پہ اپنے محبت بھرے لمس بکھیرنے لگا۔۔۔۔

لیکن وہ رو رہی تھی ۔۔۔ بند ہوتی ہچکیوں کے ساتھ وہ رو رہی تھی۔۔۔ احرم رک کے اسے دیکھنے لگا۔۔۔ جبکہ وہ احرم کے وجود کے گرد ۔۔۔ اپنے بازو باندھے رو رہی تھی۔۔۔

” ماوی ۔۔۔ ؟؟”

اس نے دھیرے سے سرگوشی کی تھی۔۔۔

” م۔۔۔ میں کون ہوں۔۔۔ م۔۔۔ میں۔۔۔۔ ک ۔۔۔ کون ۔۔۔۔۔ “

وہ روتے ہوئے ہچکیوں کے بیچ بولی تھی۔۔۔

” تم ماوی ہو ۔۔۔۔ احرم کی ماوی ۔۔۔ میری ماوی ۔۔۔ “

احرم کرب بھری نظروں سے ۔۔۔ اس کے آنسو بھرے چہرے پہ ہاتھ پھیرتے کہنے لگا ۔۔۔

” وہ ۔۔۔۔ وہ ۔۔۔۔ وہاں۔۔۔۔ وہاں۔۔۔۔ ک ۔۔۔ کھائی ۔۔۔ ک ۔۔۔ ک ۔۔۔۔۔ “

بھیگی آنکھوں سے احرم کو دیکھتی وہ کہہ رہی تھی۔۔۔ جبکہ احرم ان آنکھوں میں خوف کو دیکھ رہا تھا۔۔۔ بےبسی کو دیکھ رہا تھا۔۔

” پ ۔۔۔ پ ۔۔۔ پانی ۔۔۔۔ “

خشک ہوتے لبوں پہ ۔۔۔ اپنی زبان پھیرنے کی کوشش کرتی وہ پھر سے کہہ رہی تھی ۔۔۔ جبکہ احرم اسے پانی کو بوتل دیتا۔۔۔ خود نم آنکھوں سے ۔۔۔ اس نازک لڑکی کو دیکھ رہا تھا ۔۔

کہ جسے دکھ اور درد دینے میں۔۔۔ وہ خود کو بھی برابر کا شریک سمجھتا تھا ۔۔۔

لب بھینچے ۔۔۔ اس نے اپنے سر میں ابھرتے درد کو محسوس کیا تھا ۔۔۔ اور پھر سر جھٹک کے ۔۔۔ وہ ماوی کو دیکھنے لگا ۔۔۔

جو سیٹ کی پشت پہ سر رکھے۔۔۔ آنکھیں موند گئی تھی اب ۔۔۔ شاید وہ اپنے حواس میں ابھی بھی نہیں تھی۔۔۔

اس کے چہرے کی تھکن کو اپنی آنکھوں میں حفظ کرتا۔۔۔ وہ سیدھا ہو کے بیٹھ چکا تھا ۔۔۔

سامنے روڈ پہ نظریں جمائے ۔۔۔ وہ اب بھی لب بھینچے ہوا تھا ۔۔۔ خود کو ریلیکس کرنے کی کوشش کرتا ۔۔۔ وہ اپنی کنپٹی سہلانے لگا ۔۔۔ کہ درد کی ٹیسیں دفن کرنا تھا اسے ۔۔۔

” ہمممم ۔۔۔ “

پرسوچ نظروں سے اپنے بھائی کو دیکھتا ابرام نے ہنکارا بھرا تھا ۔۔۔

جبکہ احرم کی سوالیہ نظروں میں پریشانی تھی۔۔ ۔

” تمہیں ماوی وہیں ملی تھی ناں ابرام ۔۔۔ اسی بستی کے پاس ۔۔۔ تو اس کا پاسٹ بھی جانتے ہوگیں ۔۔ کیا ہوا ہے اس کے ساتھ ؟؟”

” ماوی سب بتا تو چکی ہے تمہیں۔۔۔ مجھ سے کون سا سوال کر رہے ہو ؟؟”

ابرام کے لہجے میں عجیب چھبن تھی۔۔۔ تبھی احرم چونک کے اسے دیکھنے لگا ۔۔

جبکہ ابرام نظریں چرا کے ۔۔۔ صوفے کی پشت سے ٹیک لگا کے بیٹھ گیا۔۔

” ماوی کو دائیورس کیوں دی تھی تم نے ابرام ؟؟”

احرم کے اچانک سوال پہ ۔۔۔ ابرام ابرو اچکا کے اسے دیکھنے لگا ۔۔۔

” استعمال ہی کرنا تھا تو کر کے پھینک دیتے ۔۔۔ محبت کے نام پہ اس کا مذاق کیوں بنایا تھا ؟؟”

احرم کا لہجہ اب کے سرد تھا ۔۔۔

” مجھ سے یہ سوال کرنے کا حق تم نہیں رکھتے احرم ۔۔۔ ماوی کے ساتھ بیوفائی کا مرتکب ہو چکے ہو تم ۔۔۔ “

ابرام کے لہجے میں طنز کا عنصر نمایاں تھا۔۔۔

” میری چھوڑو ۔۔۔ وہ تو تم بھی جانتے ہو کہ میرے نشے میں ہونے کا فائدہ اٹھایا گیا ۔۔۔ تم تو محبت کرتے تھے ناں ماوی سے ۔۔۔ ایٹ لیسٹ تم ہی اسے سنبھال کے رکھ لیتے اپنے پاس ۔۔۔ اپنی عزت بنا کے ۔۔۔ دوسروں کے لئے نہ چھوڑتے۔۔۔ “

احرم اب بھی ابرام کو ہی دیکھ رہا تھا ۔۔۔

” شٹ اپ ۔۔ “

ابرام لب بھینچے اپنی جگہ سے کھڑا ہوا تھا۔۔۔ جبکہ احرم ویسے ہی صوفے پہ بیٹھا اسے دیکھ رہا تھا ۔۔۔

” سنا ہے ۔۔۔ اسے slut … بنا دیا تھا تم نے ۔۔۔ اس بستی والوں کے ساتھ مل کے۔۔۔ “

ابرام چونک کے اسے دیکھنے لگا۔۔۔

” تم سے پہلے وہ ہر مرد کے ساتھ رہی ہے ؟؟؟ رئیلی؟؟؟ کیا ایسا ہی تھا؟؟”۔

احرم اس کی آنکھوں میں دیکھ رہا تھا ۔۔۔ جبکہ وہ نظریں چرا کے ۔۔۔ لب بھینچ گیا تھا۔۔۔

” زیرک مرد ہو کے بھی تم چوک گئے مسٹر ابرام نوفل شاہ۔۔۔۔ شوہر کے میٹر میں زیرو ہی رہے ۔۔۔ اپنی ہی بیوی کی پاکدامنی پہ شک کر گئے ۔۔۔ شیم آن یو ۔۔۔۔ ایسا ہی تھا تو ٹشو کی طرح استعمال کر کے پھینک دیتے ۔۔۔ نکاح کے دو بول کے بعد ۔۔۔طلاق کا طمانچہ اس کے منہ پہ نہ مارتے ۔۔۔ “

وہ تلخ ہوا تھا جب سے وہ سچائی جان گیا تھا ۔۔۔ ابرام نے لب بھینچے اسے گھورا تھا ۔۔۔اور پھر تیزی سے کمرے سے نکلتا چلا گیا ۔۔۔

اپنے تنے اعصاب احرم نے گہرا سانس لے کے ڈھیلے کیے تھے ۔۔۔ سر میں اٹھتی درد کی ٹیسوں کو دباتا ۔۔۔ وہ اپنی جگہ سے اٹھا تھا ۔۔۔

ناک سے بہتے سیال مادے کو ۔۔۔ اس نے انگلی کی پور پہ چنا تھا ۔۔۔

” مسٹر احرم میں آپ کو وارن کر رہا ہوں۔۔۔ یہ آپریشن آپ کے لئے ڈینجرس بھی ہو سکتا ہے ۔۔۔ آپ یہ رسک لے رہے ہیں۔۔۔ “

اسے ڈاکٹر کی بھاری آواز سنائی دی تھی۔۔۔ اور پھر اسے اپنی کہی بات یاد آئی تھی۔۔

” مجھے ہر رسک منظور ہے ۔۔۔ میں بس ماوی کو دیکھنا چاہتا ہوں اپنی آنکھوں سے ۔۔۔ “

” یہ رسک بھاری پڑ سکتا ہے۔۔۔ “

سر جھٹک کے وہ واشروم کی طرف بڑھا تھا ۔۔۔ پانی کی چھینٹے اپنے چہرے پہ مارتے اس نے خود کو سامنے لگے مرر میں دیکھا تھا ۔۔۔

دھندلاہٹ سی تھی۔۔۔ وہ دیوار پہ لگے کیبنٹ سے ۔۔۔ میڈیسن لیتا ۔۔۔ اب پرسکون ہونے کی کوشش کر رہا تھا ۔۔۔

” ابھی نہیں میرے اللہ ۔۔۔ پلیز ابھی نہیں۔۔۔ بس کچھ دن اور۔۔۔ کچھ دن اور پلیز ۔۔۔ مجھے ماوی کے پاس رہنے دیں پلیز میرے اللہ۔۔۔ “

زیر لب دہراتا ۔۔۔ وہ واشروم سے باہر نکلا تھا ۔۔۔

” کیوں آئے ہو یہاں ؟؟”

آنکھوں میں سرد تاثرات لیے ۔۔۔ وہ احرم کے روبرو تھی۔۔۔ ہاتھوں میں بوکے لیے نظر بھر کے احرم نے اس کے سراپے کو دیکھا تھا ۔۔۔

زیر لب مسکراتا وہ ماوی کی آنکھوں میں تحریر غصے کو دیکھ رہا تھا۔۔۔

” تم سے ملنے کی چاہ ابھری تھی دل میں۔۔ “

ماوی کی آنکھوں میں بےیقینی ابھری تھی۔۔۔ اور پھر سرد مہری ۔۔ ابھری تھی ۔۔۔

” میں مہمان ہوں تمہارا ۔۔۔ اندر تو آنے دو ۔۔ “

اس کے قریب سے ہوتا ۔۔ وہ گھر کے اندر آ چکا تھا ۔۔۔ بوکے سائیڈ ٹیبل پہ رکھتا۔۔۔ وہ اب دونوں ہاتھ پینٹ پاکٹس میں ڈالے مڑ کے اسے دیکھ رہا تھا ۔۔۔

جبکہ ماوی نظریں پھیر کے ۔۔۔ وہاں سے جانے کا سوچ رہی تھی۔۔۔

” کیسی طبیعت ہے اب ؟؟”

احرم کے سوال پہ وہ رک کے اسے دیکھنے لگی۔۔۔

” تمہیں اپنی سانسیں میں نے ان ہیل کی تھی۔۔ “

وہ اسے زچ کرنے کے لئے کہہ رہا تھا ۔۔۔ جبکہ ماوی سرخ پڑتی نظریں چرا گئی تھی۔۔۔

” جاو یہاں سے احرم ۔۔۔ “

سپاٹ لہجے میں کہتی ۔۔۔ وہ لب بھینچ گئی تھی۔۔۔

” چلا جاؤں گا ماوی ۔۔۔ ہمیشہ کے لئے چلا جاؤں گا ۔۔۔ ابھی تمہیں دیکھنے تو دو جی بھر کے ۔۔۔ “

بوجھل لہجے میں کہتا ۔۔۔ وہ ماوی کے دل کی دھڑکنیں بےترتیب کر گیا تھا۔۔۔

تبھی خاموشی سے رخ پھیر گئی تھی۔۔۔ کہ دل کی کیفیت چہرے پہ عیاں ہونے لگی تھی۔۔۔

احرم ہلکا سا مسکرا کے ۔۔۔ اس کی پشت پہ آ کھڑا ہوا تھا ۔۔۔

” کچھ لمحے تو سونپ دیا کرو مجھے ماوی ۔۔۔ تمہیں دیکھنے کی آس بہت زیادہ ہے ۔۔۔ میری زندگی کے لمحوں سے بھی زیادہ ۔۔ “

اس کے گردن کی پشت پہ ۔۔۔ اپنی سانسیں چھوڑتا وہ بوجھل سرگوشی کر رہا تھا۔۔ ماوی بدک کے پیچھے ہٹنا چاہتی تھی۔۔۔

لیکن احرم اسے بازوؤں کے حصار میں لے چکا تھا ۔۔۔ ماوی کی پشت اس کے سینے سے لگی تھی ۔۔۔

” ہششش ابھی نہیں پلیز ۔۔ “

اب کے لبوں نے گردن پہ سرگوشی کی تھی۔۔۔ جبکہ ماوی اپنی منتشر ہوتی دھڑکنیں سنبھالتی ۔۔۔ سانس روک گئی تھی۔۔۔

” ان آنکھوں کو تمہیں نظر بھر کے دیکھ لینے کی بےحد چاہ ہے ماوی ۔۔۔ “

لبوں کا سفر اس کی گردن سے ہوتا۔۔۔ اس کے کندھے پہ آ ٹھہرا تھا ۔۔۔

” ان مہینوں میں لمحہ لمحہ۔۔۔ اس پل کا منتظر ہی تو رہا ہوں ماوی ۔۔۔ کہ تمہیں اپنے حصار میں لے پاؤں ۔۔۔ کیا تم منتظر نہیں تھی ؟؟”

اس کے کندھے پہ لبوں کا لمس چھوڑتا۔۔۔ احرم آنکھیں موند کے ۔۔۔ اس کے بالوں کی خوشبو اپنی سانسوں میں اتارنے لگا ۔۔۔

جبکہ ماوی کو اپنی سانسیں اٹکتی محسوس ہو رہی تھی اس کی قربت میں۔۔۔

” میں ان ہیل کردوں؟؟ سانسیں؟؟ “

بوجھل لہجے میں کہتا ۔۔۔ ماوی کا رخ اپنی طرف موڑ چکا تھا وہ ۔۔۔

اور اسی لمحے ماوی بدک کے تیزی سے پیچھے ہٹی تھی۔۔۔

” ک ۔۔۔ کیوں ب ۔۔۔ بار بار ایسا کرتے ہو۔۔۔ سب ختم کر کے ۔۔۔ اب کیا چاہتے ہو احرم نوفل شاہ۔۔۔ “

اپنی سانسیں ہموار کرنے کی کوشش کرتی ۔۔۔ وہ چلائی تھی ۔۔

” تمہیں۔۔۔ “

احرم بےدھڑک انداز میں کہتا ۔۔ زیرلب مسکرایا تھا ۔۔۔ جبکہ ماوی خود کو ان لمحوں کے حصار سے باہر نکال چکی تھی۔۔۔۔

” نہیں چاہئے تم مجھے اب ۔۔ نہیں چاہئے ہو تم مجھے “

وہ چلائی تھی بھیگی آنکھوں سمیت ۔۔

احرم کی آنکھوں میں درد کی کرچیاں بکھری تھی۔۔۔

” تو کیوں میری منتظر رہی اب تک ماوی ؟؟ کیوں؟؟”

احرم لب بھینچے اسے دیکھ رہا تھا۔۔

” میں تمہاری کھبی منتظر نہیں رہی احرم نوفل شاہ۔۔۔ “

وہ سپاٹ لہجے میں کہہ رہی تھی۔۔

” تم میری منتظر رہی ہو ماوی ۔۔۔ تم ہمیشہ سے میری منتظر رہی ہو ۔۔۔ جس لمحے میں جا رہا تھا تم تب سے میری منتظر رہی ہو ۔۔۔ “

احرم نرمی سے کہتا ۔۔۔ بےچین نظروں سے بار بار اسے دیکھ رہا تھا۔۔۔جیسے آخری بار دیکھ رہا ہو اس لمحے اسے۔۔۔

جبکہ ماوی ان نظروں کو نظرانداز کر رہی تھی۔۔۔ ان آنکھوں کی بےچینیوں سے نظریں چرا گئی تھی۔۔۔

” یہ تمہاری خوش فہمی ہے ۔۔ “

” تو کیوں الگ نہیں ہوئی مجھ سے ؟؟؟ “

احرم کی آنکھوں میں طنز تھا ۔۔ جبکہ ماوی کی آنکھوں میں غصے کی جھلک تھی۔۔۔

” بولو ماوئ ۔۔۔ کیوں الگ نہیں ہوئی ؟؟ کیوں طلاق کے سارے پیپرز پھاڑ کے پھینک دیے۔۔۔ کیوں؟؟”

وہ سراپا سوال تھا۔۔۔

” کیونکہ بار بار طلاق لے کے ۔۔ مجھے اپنا مذاق نہیں بنانا ۔۔ میری خاموشی کو تم محبت کا نام مت دو ۔۔۔ تم آج بھی بےوفا ہو میرے لئے ۔۔۔ “

کہتے کہتے اس کی آنکھیں بھیگی تھی اور احرم اسے دیکھ کے رہ گیا۔۔۔

” میں آج بھی خود کو تمہارا مجرم ہی سمجھتا ہوں ماوی ۔۔۔ میں آج بھی اپنے جرم کے لئے تمہاری ہر سزا سننے کو تیار ہوں۔۔۔ لیکن سزائے موت ہے تمہاری جدائی ۔۔۔ تمہاری بےرخی میرے لئے ۔۔۔ “

کہتے کہتے اس کی آنکھیں بھی بھیگی تھی۔۔۔ ماوی خاموش ہی رہی تھی۔۔۔

” تم سے بھیک نہیں مانگ سکتا کہ مجھے محبت کرو ۔۔ مجھے چاہو ۔۔ یہ زبردستی نہیں ہوتا ۔۔۔ لیکن ماوی ۔۔ میں بھکاری ہوں۔۔۔ تمہارے در کا بھکاری۔۔۔ تم میری کشکول میں چاہے سکے ڈالو یا نہیں۔۔۔ لیکن میں بار بار تمہارا در کھٹکھٹا رہوں گا ۔۔۔ جب تک میری سانسوں کی مہلت ختم نہیں ہوتی۔۔۔ “

ماوی لب بھینچ گئی تھی ۔۔۔ دل ان الفاظ کی سوز میں پگھلنے کو تیار تھا ۔۔۔ کتنی عجیب ہے عورت ذات بھی ۔۔ چند محبت بھرے الفاظ ۔۔ کچھ بےچینیاں عیاں کرتے الفاظ۔۔۔ اور پھر دل پگھلنے لگتا ہے ۔۔۔

” معاف کردو مجھے ماوی ۔۔ ختم کردو میری سزا۔۔۔ میں بہکا تھا ۔۔۔ لیکن میں۔۔ ماوی میں۔۔۔ میں نے کھبی کسی دوسری عورت کو تمہارے اور اپنے بیچ لانے کا کھبی نہیں سوچا تھا ۔۔۔ کھبی بھی نہیں۔۔۔ کیا صرف عورت مجبور ہوتی ہے ؟؟ کیا مرد کھبی مجبور نہیں ہوتا؟؟ کیا کھبی مرد ٹریپ نہیں ہوتا ؟؟؟ ایک اندھے مرد سے تم کیا توقعات رکھو گی ماوی ؟؟ جو پل پل تمہارا ہی محتاج رہا ہو ؟؟ “

ماوی بھیگی آنکھوں کے ساتھ اسے دیکھ رہی تھی۔۔۔

” ٹوٹ گیا تھا ۔۔۔ بکھر گیا تھا ۔۔۔ ایک اندھا شخص۔۔۔ اپنی تاریکیوں میں تنہا رہ گیا تھا ۔۔۔ ایک اندھا شخص اور کیا کر سکتا ہے سوائے ۔۔۔ ماوی سوائے اس کے کہ ۔۔۔۔ سب پہ ایک بھاری بوجھ ہی بن جائے۔۔۔۔ اور کیا کر سکتا ہے ؟؟”

وہ رو پڑا تھا ۔۔۔

” گڑگڑایا ہوں اپنے رب کے حضور۔۔۔ “

رک کے اس نے اپنے آنسو صاف کیے تھے۔۔۔ ماوی اب بھی اس کا یقین نہیں کر رہی تھی۔۔۔

” میں تمہاری معافی کے قابل بھی نہیں تھا ماوی ۔۔۔ بہت تکلیف ہو رہی ہے ۔۔ یہ اذیت پورے وجود کو میرے ۔۔ اپنی لپیٹ میں لے رہا ہے ۔۔۔ “

احرم کا لہجہ ٹوٹا ہوا تھا ۔۔

” میرے ہرجائی ہو تم احرم ۔۔ کھبی معاف نہیں کروں گی تمہیں۔۔۔ کھبی بھی نہیں۔۔۔ “

ماوی کی آواز بھیگی ہوئی تھی۔۔ وہ شکایت کر رہی تھی۔۔۔ وہ آج غصہ نہیں شکایت کر رہی تھی۔۔۔ اپنے ہرجائی سے شکوہ۔۔۔۔ احرم ہلکا سا مسکرایا تھا ۔۔۔

” تو ریوالور اٹھاو اور ختم کر دو میری سانسیں۔۔۔ میری اور تمہاری اذیت ختم ہو جائے گی ۔۔۔ “

احرم ریوالور نکالتا اس کے سامنے ٹیبل پہ رکھ چکا تھا ۔۔۔

ان اچانک کہے الفاظ پہ۔۔۔۔ ماوی کی آنکھوں میں حیرت در آئی تھی۔۔۔ وہ حیرت سے احرم کو دیکھ رہی تھی۔۔۔

” حیران مت ہو ۔۔ میں گنہگار ہوں تمہارا ماوی ۔۔ لیکن تم سے محبت گناہ ہے ؟؟ تم پہ یقین گناہ ہے ؟؟ تمہیں مان دینا گناہ ہے ؟؟ مانتا ہوں گناہ سرزد ہوا ہے مجھ سے ۔۔۔ اس گناہ کے لئے۔۔۔ میں سجدہ ریز ہوا ہوں بار بار اپنے رب کے سامنے ۔۔۔

گھٹنوں کے بل جھک کے ۔۔ تم سے معافی مانگی ہے ۔۔ لیکن مجھے دھوکا دینا ۔۔۔ مجھ سے جھوٹ بولنا ۔۔۔ رشتے کو جھوٹ کی بنیاد میں اسٹارٹ کرنا ۔۔ مجھے استعمال کرنا ۔۔۔ اپنی حقیقت چھپانا ۔۔۔ ماوی ؟؟ یہ سب ؟؟ میں نے تو تم سے ایک سوال بھی نہیں کیا۔۔۔ نہ تمہیں کٹہرے میں کھڑا کیا ۔۔۔ اور میں روز کٹہرے میں کھڑا ہوتا ہوں۔۔ روز گڑگڑا کے معافی مانگتا ہوں ۔۔ معاف کردو میری غلطی۔۔۔ درگزر کردو میرا گناہ ۔۔۔ “

وہ ٹوٹے لہجے میں کہتا ۔۔۔ اپنی کنپٹی سہلانے لگا ۔۔

” ہری آپ ماوی ۔۔ ریوالور اٹھاو اورختم کردو میری سانسیں۔۔ “

درد کی ٹیسوں کو دباتا ۔۔۔ وہ دھندلائی آنکھوں سے ماوی کو دیکھ رہا تھا۔۔۔ جبکہ ماوی لب سیے اسے دیکھ رہی تھی۔۔۔

وہ استعمال کر چکی تھی احرم کا ۔۔

وہ آئی ہی اس لئے تھی احرم کے قریب۔۔۔ کہ وہ ابرام کا بدلہ لے سکے احرم کی صورت میں۔۔۔

رشتے کی پہلی اینٹ ہی اس نے جھوٹ پہ رکھی تھی۔۔ اور احرم ۔۔۔ ؟؟ وہ کھلی کتاب تھا ماوی کے سامنے۔۔

اس کی محبت۔۔ اس کی مہربانیاں۔۔۔ اس کے الفاظ۔۔ اس کے احساسات ۔۔ اس کے التفات۔۔۔ سب سچ تھے جھوٹ نہیں۔۔۔

اور پھر وہ بھیانک رات کا ۔۔۔ وہ بھیانک لمحہ۔۔۔ سب ختم کر گیا تھا ۔۔۔سب خاکستر کر گیا تھا ۔۔۔

لیکن !!!

سامنے کھڑا وجود دھڑام سے نیچے گرا تھا ۔۔۔ ماوی سر جھٹک کے ۔۔۔ آنکھوں کی نمی کو پیچھے دھکیلتی سامنے دیکھنے لگی۔۔۔

وہ سر تھامے ہوئے تھا ۔۔ درد بھری آہیں تھی اور ۔۔۔۔

خون ؟؟؟

اس کی ناک سے خون بہہ رہا تھا ۔۔۔

ان آنکھوں میں خوف ابھرا تھا ۔۔۔

” احرم ۔۔۔ “

وہ چلائی تھی۔۔۔ جبکہ احرم اسے دیکھنے کی کوشش کرنے لگا ۔۔ لیکن سب دھندلا ہی گیا تھا ۔۔۔

اپنی سوچوں میں الجھے ۔۔ انہوں نے گھر سے باہر قدم رکھا ہی تھا ۔۔۔ جب سیاہ چادر میں لپٹے دو ہاتھ ۔۔ ان کے پاؤں پہ آن ٹھہرے تھے ۔۔

وہ چونک کے رکے تھے ۔۔ اور اس سیاہ چادر میں لپٹے وجود کو ۔۔۔ اجنبی نظروں سے دیکھنے لگے ۔۔۔

” میں گنہگار ہوں آپ کی ذایان ۔۔۔ “

کھردری سی اواز ابھری تھی ۔۔

” کون ہیں آپ؟؟ پلیز اٹھئیے یہاں سے “

اپنے پاؤں پیچھے ہٹاتے۔۔ وہ کہنے لگے ۔۔۔

” نہیں ذایان ۔۔۔ مجھے یہیں رہنے دیں۔۔ میں اپ کے قدموں کی دھول ہوں۔۔۔ آپ کی گنہگار ہوں۔۔۔ “

وہ کہہ رہی تھی ۔۔۔ جبکہ ذایان حیرت سے اسے دیکھ رہے تھے ۔۔۔

” اٹھئیے محترمہ کون ہیں آپ؟؟”

اب کے ان کی آواز میں رعب تھا ۔۔۔ لیکن جیسے ہی سیاہ چادر کے ہالے سے وہ چہرہ نظر آیا۔۔۔ تو وہ سکتے میں آ گئے تھے ۔۔۔

” در افشاں “

ان کے لب ہلے تھے ۔۔۔ اور وہ بھیگی آنکھیں لیے اپنی جگہ سے اٹھ کھڑی ہوئی تھی۔۔

” تو میں آپ کو یاد ہوں؟؟”

وہ زخمی مسکراہٹ کے ساتھ کہہ رہی تھی جبکہ ذایان حیرت سے ۔۔۔ اس کے کھردرے چہرے کو دیکھ رہے تھے۔۔۔

” دیکھ لیں۔۔۔ جن آنکھوں پہ آپ مرنے کا دم بھرتے تھے ۔۔ وہ آنکھ ہی نہیں رہی اب ۔۔ گوشت کا لوتھڑا بن چکا ہے۔۔۔ ” ۔

” تم یہاں؟؟ ” ذایان اپنے گھر کے بند دروازے کو چور نظروں سے دیکھتے ۔۔۔ پوچھ رہے تھے۔۔

” مت ڈرئیے آپ کی بیوی اور آپ کے بیچ دراڑ ڈالنے نہیں آئی میں صاحب۔۔۔ اب تو میری اتنی اوقات بھی نہیں رہی کہ میں آپ کے ساتھ کھڑی ہو سکوں۔۔۔ “

استہزائیہ انداز تھا ۔۔۔ جبکہ ذایان نے نفی میں سر ہلایا تھا۔۔۔

” یہ سب ۔۔۔ کیا ہوا ہے تمہارے ساتھ ؟؟”

وہ پوچھنے لگے تھے ۔۔ جبکہ وہ خاموش بھیگی آنکھوں کے ساتھ اپنے مقابل کھڑے اس شخص کو دیکھ رہی تھی۔۔۔

سیاہ چادر کا کونا سرکا ۔۔۔ تو آدھے سر پہ بال نہیں تھے بلکہ جلد کھردری ہو چکی تھی بلکل اس کے چہرے کی طرح ۔۔۔

وہ تیزی سے اپنی سیاہ چادر ٹھیک کرتی ۔۔۔ نظریں جھکا گئی تھی۔۔۔

” عسل کہاں ہے ذایان ؟؟ “

وہ اب سوالیہ نظریں اٹھائے ذایان کو دیکھ رہی تھی۔۔ جبکہ ذایان اتنے سالوں بعد اپنی بیٹی کا نام سن کے ۔۔۔ لڑکھڑا گئے تھے ۔۔۔

” مجھے عسل سے ملنا ہے ۔۔۔ “