Mawi by Malaika Rafi

اسلام آباد ایئرپورٹ سے ہوتا ۔۔۔ وہ شاہ مینشن ہی جا رہا تھا۔۔۔ اپنے چھوٹے بھائی کی شادی پہ وہ موجود نہیں تھا ۔۔۔ کیونکہ بزنس میٹنگ کے لئے وہ نیویارک گیا ہوا تھا ۔۔

لیکن آج بڑے پیمانے پہ ۔۔۔ فارمل فنکشن رکھا گیا تھا ۔۔۔ اہرم نوفل شاہ اور ماوی نوفل شاہ کی نئی زندگی کی شروعات کے لئے ۔۔۔

جس میں ابرام نوفل شاہ بروقت پہنچا تھا ۔۔۔۔ بلیک پینٹ کوٹ میں ملبوس ۔۔۔ کسرتی جسم اور اونچے قد کا مالک ابرام نوفل شاہ ۔۔۔۔ بلکل اچانک سے وہاں موجود لوگوں کی نگاہوں کا مرکز بنا تھا ۔۔۔۔

” ارے ویلکم ویلکم ۔۔۔ ابرام نوفل شاہ ۔۔۔ گریٹ سرپرائز دے دیا ہمیں تو “

ارسلان ملک اس کی طرف قدم بڑھاتا ۔۔۔ مسکرا کے کہہ رہا تھا۔۔۔۔ ابرام نے پورے ہال میں طائرانہ نظر دوڑائی تھی۔۔۔۔

اور اچانک سے نظریں اس شخصیت پہ رکی تھی۔۔۔ اسکن کلر کی ساڑھی میں ملبوس ۔۔۔ میچنگ جیولری اور بولڈ میک اپ کے ساتھ۔۔۔ اپنے دمکتے حسن سمیت ۔۔ وہ سب کی نظروں کا مرکز بنی تھی۔۔۔

ابرام نے اس کی موجودگی کو یہاں اچنبھے سے دیکھا تھا ۔۔۔ وہ ماضی ہے ۔۔۔ تو یہاں کیا کر رہی ہے ۔۔۔ وہ جو اسے دفن کر چکا ۔۔۔ تو پھر سے کیوں زندہ ہے ۔۔ وہ بھی یہاں۔۔۔ ؟؟؟ اس کے بھائی کے فیملی فنکشن میں۔۔۔

تبھی لب بھینچے ۔۔۔ وہ لمبے ڈگ بھرتا اس تک پہنچا تھا ۔۔۔ خونخوار نظروں سے ۔۔۔ اس کے ہوشربا سراپے کو دیکھا تھا ۔۔۔۔ اس سےپہلے وہ کسی شدید ردعمل کا اظہار کرتا ۔۔۔ جب اہرم کی آواز پہ وہ چونک کے حیرت سے۔۔ اپنے بھائی کو دیکھنے لگا ۔۔

” ارے ماوی ۔۔۔ “

ماوی نے تیزی سے ۔۔۔ لیکن بےحد نزاکت سے اس کا ہاتھ تھاما تھا ۔۔۔ اور اس سے لگ کے کھڑی ہوئی تھی۔۔۔

” ارے اہرم ۔۔۔ تمہارے بھائی آئے ہوئے ہیں۔۔۔۔ “

مسکراتی لیکن جتاتی آنکھوں سے ۔۔۔ ابرام کے دھواں ہوتے چہرے کو دیکھتی ۔۔۔ وہ اہرم سے کہہ رہی تھی۔۔۔ جبکہ اہرم کی نظروں نے زاویہ بدلا تھا ۔۔۔

” ابرام ۔۔۔ ابرام ۔۔۔ “

آنکھوں کی روشنائی تو سالوں پہلے ۔۔۔ ایک حادثے میں ختم ہو چکی تھی ۔۔ اور تب سے اہرم نوفل شاہ اندھیروں میں جی رہا تھا۔۔۔ جہاں صرف تاریکیوں کا راج تھا۔۔۔

ابرام آگے بڑھ کے اس کے گلے لگا تھا ۔۔۔

ذہن اس قدر شاک تھا کہ کچھ بھی بولنے سے ۔۔۔ قاصر ہی تھا ۔۔۔

” مجھے تمہارا ہی انتظار تھا ابرام ۔۔۔ کیونکہ مجھے ماوی سے ملوانا تھا تمہیں۔۔۔ میری وائف ماوی ۔۔ “

اہرم اپنی دھن میں کہتا ۔۔۔ اس سے الگ ہوا تھا اور اب ابرام کی نظریں ماوی تھی۔۔۔ جس کی آنکھوں میں جیت کا نشہ سر چڑھ کے بول رہا تھا ۔۔۔

” بہت خوشی ہوئی مجھے آپ سے مل کے ابرام ۔۔۔ ہماری شادی کے فنکشن میں تو آپ تھے ہی نہیں ۔۔ اہرم نے آپ کو کافی مس کیا ۔۔۔ “

آواز میں نرماہٹ تھی لیکن آنکھوں میں وہ طنز پنہاں تھا جسے صرف ابرام نوفل شاہ ہی پڑھ سکتا تھا ۔۔۔ لب بھینچے وہ اپنے ماضی کو اپنے سامنے دیکھ رہا تھا۔۔۔۔ جسے وہ کب کا پھینک چکا تھا ۔۔ لیکن یہ جانے بنا کہ وہ اس کا حال بن کے ۔۔۔ اس کے بھائی کی زندگی میں آئے گی اور اس کے سامنے کھڑی ہوگی ۔۔

‘ تمہارا نام کیا ہے ؟؟’

اسے اپنی آواز سنائی دی تھی ماضی کی یادوں سے ۔۔۔

‘ میرا نام ماوی ہے ۔۔ ‘

وہ اپنا تھیلہ ایک ہاتھ سے دوسرے کندھے پہ منتقل کرتی بولی۔۔۔ جبکہ سر پہ موجود ۔۔۔ میلے دوپٹے سے اس نے اپنے چہرے پہ آیا پسینہ صاف کیا تھا ۔۔۔ دھوپ کی تمازت میں۔۔۔ اس کی دودھیا رنگت سرخی پڑ رہی تھی۔۔۔

‘ ان فقیروں کے بیچ ۔۔۔۔ جن کے کالے چہرے فاقہ زدہ ہیں ۔۔۔ یہ حسن کہاں سے آیا۔۔ ‘

اپنی ائیرکنڈیشنڈ گاڑی میں بیٹھا۔۔۔ ماوی کو دیکھتا وہ سوچ رہا تھا ۔۔۔

” ابرام مجھے مبارک باد نہیں دو گے ؟؟ آج تو چپ ہو بلکل ۔۔۔ پہلے کھبی ایسا نہیں ہوا۔۔ “

اہرم کی اواز پہ وہ چونکا تھا ۔۔۔ تبھی مسکرانے کی کوشش کرتا ۔۔۔ اپنی آواز کو نارمل ظاہر کرنے لگا ۔۔

” مبارک ہو اہرم ۔۔۔ کانگریجولیشنز ۔۔ “

اہرم کو خود سے لگاتے وہ کہہ رہا تھا ۔۔۔ اہرم نے مسکرا کے ۔۔۔ ماوی کی کمر پہ ہاتھ رکھ کے ۔۔۔ اسے اپنے قریب کیا تھا ۔۔۔

” سر فوٹو پلیز ۔۔ “

کسی کی آواز پہ وہ مڑا تھا ۔۔۔ کیمروں کی روشنیوں کے بیچ ان کی تصویریں بننے لگی۔۔۔ بظاہر وہ مسکرا رہا تھا ۔۔۔ لیکن اندر جیسے اس کا پورا جسم جل رہا تھا ۔۔۔۔

خود کو آگ کے شعلوں کے بیچ محسوس کر رہا تھا ۔۔۔ اس نے ایک نظر ماوی پہ ڈالی تھی۔۔۔ جو اہرم کے قریب کھڑی مسکرا رہی تھی۔۔۔اور دوسری نظر اہرم پہ ڈالی۔۔۔ جس کے چہرے پہ ۔۔۔ وہ مسکراہٹ دیکھ رہا تھا ۔۔۔

جس کی مردہ آنکھوں میں وہ زندگی کو پڑھ رہا تھا ۔۔۔ جس کے ہر انداز میں ماوی کے لئے التفات کو دیکھ رہا تھا وہ ۔۔۔۔

” اپنی اور میری جنگ میں۔۔۔تم میرے بھائی کو لے آو گی ۔۔۔ اتنا بھی گرا ہوا نہیں سمجھا تھا تمہیں۔۔ “

وہ جو کچن کی طرف پانی لینے کے لئے جا رہی تھی۔۔۔ جب ابرام کی آواز پہ رک کے اسے دیکھنے لگی۔۔۔۔ اور پھر چہرے پہ طنزیہ مسکراہٹ ابھری تھی۔۔۔

” فقیروں کی بستی میں۔۔۔۔ رہنے والی ایک فقیرن سے اور کیا امیدیں تھی تمہیں ابرام نوفل شاہ ؟؟؟ ۔۔۔ “

ابرام نے ابرو اچکا کے۔۔۔ اس کے انداز کو دیکھا تھا ۔۔۔

” یہی کہ بیڈ پہ کسی بھی مرد کو خوش کرنے کے کام آ سکتی ہے ۔۔۔ “

ابرام کے لہجے اور آنکھوں میں غرور تھا ۔۔۔ ماوی دو قدم اس کے قریب آئی تھی۔۔۔

” تمہارا بھائی بھی بےحد خوش ہے ۔۔۔ “

آنکھ ونک کر کے ۔۔ وہ پھر سے دو قدم پیچھے ہوئی تھی۔۔۔جبکہ ابرام نے لب بھینچ لیے تھے ۔۔۔

” لیکن اس کے ہر لمس میں عزت ہے میرے لئے ۔۔۔ احترام ہے ۔۔۔ نوچتا نہیں ہے وہ تمہاری طرح ۔۔۔ “

ماوی اب بھی ڈھٹائی سے اس کہ آنکھوں میں دیکھ رہی تھی ۔۔۔۔

” یو بلڈی ۔۔۔۔ “

ابرام نے آگے بڑھ کے۔۔۔ اس کی کلائی دبوچی تھی۔۔۔۔

” اےےےےے ۔۔۔ “

ماوی بنا ڈرے اس کی آنکھوں میں دیکھ کے چلائی تھی۔۔۔

” چل ۔۔۔ پیچھے ہٹ۔۔۔ “

جھٹکے سے اپنا ہاتھ چھڑا چکی تھی ۔۔۔

” اس فاقے زدہ بستی کی فقیرنی نہیں ہوں میں اب ۔۔۔ جو تو حکمران بن کے مجھے نوچنے آ جائے ۔۔۔ تیری اس پوری سلطنت کو اپنی ہر ایک انگلی پہ الگ الگ سے نچا کے۔۔۔ تجھے کھنگال کر دوں گی۔۔۔ادھر میرے قدموں میں گرے گا تو ۔۔۔۔ گرگرائے گا تو ۔۔۔ بھیک مانگے گا تو ۔۔۔ مجھے مانگے گا تو ۔۔۔ سجدے میں گر کے ۔۔۔ تو مجھے مانگے گا ۔۔۔ اور پھر ۔۔۔۔ “

وہ اب رک کے ۔۔۔ ابرام کی سرد آنکھوں میں دیکھ رہی تھی۔۔۔ گہرا سانس لے کے ۔۔۔ خود کو نارمل کرتی ۔۔۔وہ اب سکون سے مسکرا رہی تھی۔۔۔

” اہرم نوفل شاہ کی بیوی ہوں میں۔۔۔ بہت پیار کرتے ہو ناں اپنے بھائی سے ؟؟؟ تڑپتے ہوئے تماشا دیکھوں گی تمہارا میں اب ۔۔۔ جانتے ہو عورت کیا چیز ہے ؟ “

” شٹ اپ ۔۔۔ تمہاری بکواس سننے یہاں میں نہیں کھڑا۔۔۔ مجھ سے مقابلہ کرو گی توڑ دی جاو گی ۔۔۔اور اب تو اپنے اور میرے بیچ تم میرے بھائی کو لے آئی ہو ۔۔۔ ایسا زہر بن کے اتروں گا تمہاری رگوں میں ماوی جہانگیر ۔۔۔ کہ پناہ مانگو گی ۔۔۔”

اس کالہجہ بےحد سرد تھا جبکہ ماوی ہنسنے لگی تھی۔۔۔۔

” محبت سمجھی تھی میں تمہیں۔۔۔ عشق کر بیٹھی تھی تمہاری باتوں سے ۔۔۔ تمہارے جنوں۔۔۔تمہاری شدتوں سے ۔۔۔ عشق کر بیٹھی تھی میں ۔۔ تمہاری قربت کے ہر لمحے میں۔۔۔ میں روم روم عشق بن کے پگھلی تھی ابرام ۔۔۔ لیکن اب تمہیں اپنی نفرت کے دہکتے الاو میں جھلسا دوں گی ۔۔۔۔ عورت جب نفرت کرنے پہ آ جائے تو اپنا سب داو پہ لگا دیتی ہے۔۔۔ جتنے تم خوبصورت ہو اس سے کہیں بڑھ کے۔۔۔ بدصورت بن چکے ہو تم اب۔۔۔۔۔۔ تم میرے قدموں میں جھکو گیں۔۔۔۔ جھکا دوں گی میں تمہیں ابرام شاہ۔۔۔ “

اسکے لہجے میں نفرت تھی۔۔۔ ابرام نے آگے بڑھ کے اس کا باذو دبوچا تھا ۔۔۔

“ماوی ۔۔۔ “

اہرم کی اواز پہ دونوں چونکے تھے ۔۔۔

” ماوی کہاں رہ گئی ہو تم ۔۔۔ “

وہ پھر سے کہہ رہا تھا ۔۔۔ مسکراتی آنکھوں سے ۔۔۔۔ ابرام کو دیکھتی ۔۔ ماوی اس کے قریب ہوئی تھی جبکہ ابرام نے بوکھلا کے اس کا بازو چھوڑ دیا اور خود پیچھے ہوا تھا ۔۔۔

” بزدل۔۔۔ “

ماوی کہہ کے مڑی تھی اور اہرم کے قریب آ کے ۔۔۔ اسکے بازو سے لگ گئی ۔۔۔

” اہرم میں آ رہی تھی بس ۔۔۔ “

” جانتی ہو ناں ۔۔۔ ڈر لگنے لگتا ہے جب دور جاتی ہو تو ۔۔۔ سانس بند ہونے لگتی ہے ۔۔ “

اسے خود سےلگاتے اہرم کہنے لگا ۔۔۔ ماوی نے غور سے۔۔۔ اسے دیکھا تھا ۔۔۔ اس کی خوبصورت آنکھوں میں ۔۔۔ بےچینیاں تحریر تھی۔۔۔

” میں دور جا ہی نہیں سکتی تم سے اہرم ۔۔۔ بیڈ روم میں چلتے ہیں “

اس کے کندھے پہ ۔۔۔ سر رکھے ماوی نے اس کے ساتھ قدم آگے بڑھائے تھے ۔۔۔ جبکہ لب بھینچے ابرام کھڑا۔۔۔ انھیں دیکھ رہا تھا ۔۔۔

” گلا گھونٹ کے مار کیوں نہیں دیا میں نے اس عورت کو ۔۔۔ “

دانت پیستے وہ اب سوچ رہا تھا ۔۔۔ مٹھیاں بند کرتا ۔۔ وہ اپنے اشتعال کو کم کرنے کی کوشش میں ہلکان ہونے لگا ۔۔۔

” ارے کشمالہ یہاں کیوں بیٹھی ہو ؟؟”

ذایان عالم اپنی کنپٹی سہلاتے بالکونی میں آئے تھے ۔۔۔ جہاں کشمالہ کب سی بیٹھی کسی گہری سوچ میں ڈوبی ہوئی تھی۔۔۔

” تم تو سو رہی تھی۔۔۔ یہاں کیوں آ گئی ؟؟”

اس کے قریب بیٹھے وہ پوچھنے لگے ۔۔۔

” برا خواب دیکھا تھا۔۔۔ نیند ٹوٹ گئی تھی میری۔۔۔ “

کشمالہ آہستگی سے جواب دیتی انھیں دیکھ رہی تھی۔۔۔ جن کی آنکھوں میں ابھی بھی نیند کا خمار تھا۔۔۔

جبکہ وہ مسکرا دیے تھے۔۔

” برے خواب ۔۔۔ اچھے خواب ۔۔۔ بس خواب ہی ہوتے ہیں۔۔ پھر سے آنکھیں بند کر کے سو جایا کرو ۔۔ “

وہ نرمی سے ان کا بازو تھامے کہہ رہے تھے ۔۔۔ جبکہ وہ سر جھٹک کے آسمان پہ موجود ستاروں کو دیکھنے لگی۔۔۔

” اس سے کیا ہوگا ذایان ؟؟ مجھ سے جو گم ہوا ہے کیا وہ مل جائے گا مجھے ؟؟”

آنکھ سے آنسو ٹوٹ کے گال پہ گرا تھا ۔۔۔

” بدلے میں ہمیں غزل بھی تو ملی ہے ۔۔۔ “

ذایان انھیں سمجھانے کی کوشش کر رہے تھے لیکن دل میں ایک ٹھیس سی اٹھی تھی۔۔۔

” اللہ کا شکر ہے کہ اللہ نے ہمیں اپنی نعمتوں سے محروم نہیں رکھا لیکن ذایان عسل کو کھو دیا ہم نے ۔۔۔ ہماری چھوٹی سی بچی ۔۔۔ یہ غم میرے سینے میں جیسے آگ دہکا رہا ہے ۔۔۔ کیسے ؟؟ کیسے کھو دیا میں نے اپنی بچی کو ۔۔۔ کیسے ؟؟؟آج ہمارے پاس ہوتی تو وہ بھی غزل جتنی ہوتی ۔۔۔ غزل کی بڑی بہن ہوتی ۔۔۔ہم مکمل ہوتے ۔۔۔ بےحد مکمل ۔۔۔ لیکن ۔۔۔۔ آج ذایان آج اس کی سالگرہ منا رہے ہوتے ہم ۔۔۔ “

وہ اچانک سے پھوٹ پھوٹ کے رو دی تھی۔۔۔ ذایان نے آگے بڑھ کے ۔۔۔ انھیں اپنے سینے سے لگایا تھا ۔۔۔ وہ بھی رو رہے تھے ۔۔۔

سالوں پہلے جس بیٹی کو وہ اپنی لاپرواہی کی وجہ سے کھو چکے تھے۔۔۔ اس کا غم آج بھی۔۔۔ اس کی ہر سالگرہ پہ تازہ ہونے لگتا ۔۔ اور وہ دونوں ایکدوسرے سے لگ کے ۔۔۔ دیر تک روتےرہتے ۔۔۔

” تم بےحد خوبصورت ہو ماوی ۔۔۔ بےحد خوبصورت۔۔۔ “

اپنی شدتوں سے ۔۔۔ اس کو روم روم نکھارتا وہ رکا تھا ۔۔۔ اور اس کے کان کے قریب ہلکی سی سرگوشی کی تھی۔۔۔۔

ماوی آنکھیں کھول کے اسے دیکھنے لگی ۔۔۔ جو بےحد نرمی سے ۔۔۔ اپنی انگلیاں اس کے چہرے سے مس کر رہا تھا ۔۔۔ ماوی کی قربت کا اثر تھا جو اس کی چاکلیٹ براون آنکھیں سرخی مائل ہو رہی تھی۔۔۔ یہ الفاظ بےحد سکون بخشتے اسے ۔۔۔ اہرم جب جب اسے خوبصورت کہتا ۔۔۔۔

” کاش میں ان لمحوں میں تمہیں دیکھ سکتا ۔۔۔ اپنی محبت کا خمار تمہاری آنکھوں میں دیکھ پاتا ۔۔۔ تم کتنی خوبصورت لگ رہی ہو اس لمحے۔۔۔ محسوس کرنے کے ساتھ ساتھ دیکھ بھی پاتا۔۔۔ “

ماوی نرمی سے اپنے ہاتھ کی پشت۔۔۔ اس کی گردن اور بیئرڈ کندھے پہ پھیر رہی تھی۔۔۔

” میں بےحد خوبصورت ہوں اہرم ۔۔۔ بہت زیادہ خوبصورت ہوں میں۔۔۔ کیونکہ ۔۔۔۔ مجھ میں تمہاری محبت کا نکھار بھر رہا ہے اہرم ۔۔۔ “

وہ مدھم لہجے میں۔۔۔ سرگوشی کرتی اس کے لبوں پہ اپنے لب رکھ چکی تھی ۔۔۔

” میں تم سے خوبصورت ہوں اہرم ۔۔۔ “

اس کے لمس سے اہرم بےچین ہوا تھا ۔۔۔

” تمہیں دیکھنا چاہتا ہوں ماوی ۔۔۔ آج سالوں بعد یہ خواہش جاگ رہی ہے کہ میں دیکھ پاتا۔۔ کاش میں دیکھ پاتا۔۔۔ “

آنکھیں موندے وہ بےچین سی سرگوشی کر رہا تھا ۔۔۔۔ ماوی اس کے لئے بےحد دلکش احساس تھی ۔۔۔ اس کی قربت اہرم کے لئے ۔۔۔ بےحد خوبصورت تھی ۔۔۔ وہ جیسے زندگی کی طرف آنے لگا تھا ۔۔۔

اس کا ہاتھ تھام کے ۔۔۔ ماوی نے اپنے پہلو میں رکھا تھا ۔۔۔۔

” مجھے محبت کرو اہرم ۔۔۔ “

مدھم سرگوشی کرتی ۔۔ وہ اہرم کے بےحد قریب ہوئی تھی۔۔۔ سلک شیٹ کو خود پہ اور اس پہ ٹھیک کرتی ۔۔۔ وہ خود کو اس کے دسترس میں سونپ رہی تھی پھر سے ۔۔۔

اور اہرم دھیمے سے مسکرایا تھا ۔۔۔ ماوی آنکھیں موندے ۔۔۔ اس کی گہرائیوں میں جاتے لمس کو ۔۔۔ اپنے وجود پہ محسوس کر رہی تھی۔۔۔ کمرے کی خاموش فضا میں ان کی سانسوں کا شور تھا ۔۔۔ اور کھبی کھبی ماوی کی سکون بھری ۔۔ ہلکی ہلکی سسکیاں سی تھی۔۔۔ بیڈ شیٹ کو دونوں مٹھیوں سے جکڑے۔۔۔ وہ اہرم کی قربت میں پرسکون ہو رہی تھی۔۔۔ جبکہ اہرم بوند بوند اس میں اتر کے سیراب ہوتا ۔۔۔ اسے اپنی بانہوں میں بھرے ۔۔۔ اپنی شدتوں سے ۔۔۔ اسے اپنی محبت کا یقین دلا رہا تھا۔۔۔

” یس سر ؟؟”

رات کے دو بج رہے تھے جب ابرک کے موبائل پہ ۔۔۔۔ ابرام کی کال آئی تھی۔۔۔ تبھی وہ نیند سے جاگ کے چونکا تھا ۔۔

” ماوی جہانگیر کی ساری ڈیٹیلز چاہیئے مجھے کل تک ۔۔۔ “

ابرام نے بنا تمہید کے اپنی بات کہی تھی۔۔۔ ابرک چونکا تھا ۔۔

” اہرم سر کی وائف کا کہہ رہے ہیں آپ؟؟”

” ہمممم “

اس نے ہنکارا بھرا تھا ۔۔۔

” لیکن اپ کو ماوی میم کی ڈیٹیلز کیوں چاہئے سر ۔۔ وہ تو اہرم سر ۔۔۔۔ “

ابرک اپنی روانی میں کہہ رہا تھا ۔۔۔ لیکن ابرام کی دھاڑ نے اسے چپ کروا دیا تھا ۔۔۔

” شٹ اپ ۔۔۔ جتنا کہا ہے اتنا ہی کرو ۔۔۔ ماوی میرے بھائی کے پاس کیسے پہنچی ۔۔۔ ساری ڈیٹیلز چاہیئے مجھے ۔۔۔ “

اپنی بات کہہ کے ۔۔ اس نے کال ڈسکنیکٹ کر دی تھی۔۔۔

” ماوی ۔۔۔ ماوی ۔۔۔ ماوی ۔۔۔ “

آنکھوں میں شرر بار احساس تھا ۔۔۔

” مجھ سے لڑو گی ۔۔۔ میرے مقابل آو گی ۔۔۔ میں اپنی سلطنت کا حکمران۔۔۔ پوری دنیا کا بےتاج بادشاہ اور تم اس چھوٹی سی بستی کی فقیرنی ۔۔۔ جگہ جگہ سے گندگیاں جمع کرنے والی معمولی سی فقیرنی ۔۔۔ “

صوفے پہ بیٹھ کے ۔۔۔ ٹانگ پہ ٹانگ چڑھائے ۔۔۔ وہ سامنے ٹیبل پہ پڑا ڈرگ سونگھنے لگا ۔۔۔ انکھیں موندے ۔۔۔ وہ اس نشے کو خود میں اتار رہا تھا ۔۔ اور پھر پاس پڑی وائن کی گلاس بھی وہ چڑھا گیا۔۔۔

” اہ ماوی ۔۔۔ “

صوفے کی پشت پہ سر رکھ کے ۔۔۔ اس نے گہرا سانس لیا تھا ۔۔۔

” باہر پھینک دوں گا ۔۔۔ اس گھر سے ۔۔۔ اہرم کی زندگی سے ۔۔۔ اس شہر سے ۔۔۔ اس ملک سے ۔۔۔ اس دنیا سے ۔