Mawi by Malaika Rafi NovelR50587 Mawi (Episode 28)

Mawi by Malaika Rafi

” آنکھیں کیوں ریڈ ہو رہی ہے تمہاری ابرام؟؟”

کافی دیر تک خاموش بیٹھے رہے تھے دونوں بھائی۔۔۔ ایک اگر نظریں چرا رہا تھا تو دوسرا بھائی۔۔۔ مسکرا کے اپنے بڑے بھائی کو غور سے دیکھ رہا تھا۔۔۔

ابرام چونکا تھا۔۔۔ تیزی سے اپنی انگلیوں سے آنکھیں سہلانے لگا ۔۔۔

” ن ۔۔۔ نہیں تو ۔۔ “

” ڈرگز لینا سلوشن لگتا تمہیں ہر پرابلم کا؟؟”

وہ اب بھی مسکرا رہا تھا جبکہ ابرام اپنی کنپٹی سہلاتا ۔۔۔ ادھر ادھر دیکھنے لگا۔۔۔

” نہیں بس تھوڑی سی ۔۔۔ “

اپنی بات کہہ کے ۔۔ وہ گلا کھنکھارتا اب اپنے بھائی کو دیکھ رہا تھا۔۔۔ جو مسکرا تو رہا تھا لیکن آنکھوں کے نیچے حلقے واضح تھے ۔۔۔

آنسوؤں کا گلا گھونٹنا ہی تھا اسے ۔۔۔ تبھی اپنا موبائل دیکھنے لگا ۔۔

” میں نے تمہارے لئے ایک شرٹ آرڈر کی تھی۔۔۔ سیم کلر ہم دونوں کا ۔۔۔ کل شام تک آ جائے گا ۔۔۔ “

” آہم ۔۔۔ تھینک یو ۔۔ “

ابرام نے موبائل اس کے سامنے کیا تھا ۔۔

” واو ۔۔ یہ تو فیورٹ کلر تھا مام کا ۔۔۔ ہماری موسٹلی شرٹس اسی کلر میں لے کے آتی تھی مما ۔۔ “

احرم مسکراتے ہوئے پرانی باتیں یاد کرنے لگا۔۔۔ ابرام بھی کندھے اچکا گیا ۔۔

” مام تو ڈیڈ کے لئے بھی لایا کرتی تھی۔۔۔ “

” ہاں۔۔۔ “

موبائل سائیڈ پہ رکھ کے۔۔۔ وہ پھر سے دونوں ہاتھوں کی انگلیاں ایکدوسرے میں پھنسا کے۔۔۔ کنفیوز سا نظر آنے لگا ۔۔۔

” ابرام۔۔۔ “

احرم کے پکارنے پہ ۔۔۔ وہ بنا اسے دیکھے ۔۔ تیزی سے آگے بڑھ کے اس کے گلے لگا تھا ۔۔۔ سسکی بھرتا ۔۔۔ وہ آنسو بہانے لگا۔۔۔

احرم بھی اسے بازوؤں کے حصار میں لے چکا تھا ۔۔ اور دیر تک دونوں بھائی ایکدوسرے کے گلے ملے ۔۔۔ ہلکی آواز میں رو رہے تھے۔۔۔

” بہت پیار کرتا ہوں تم سے میرے بھائی بہت پیار۔۔۔ “

ابرام روتے ہوئے کہہ رہا تھا۔۔۔ اور احرم جانتا تھا کہ وہ کچھ بھی ہو دنیا والوں کے لئے ۔۔۔ لیکن اپنے بھائی کے لئے وہ ڈھال ہے ۔۔۔ اپنے سگے رشتوں سے وہ سچا ہے ہمیشہ۔۔۔

” مجھے معاف کردو ۔۔ میری کوتاہیوں کے لئے ۔۔۔ میری کسی بھی بات کے لئے ۔۔ جس سے تمہاری دل آزاری ہوئی ہو احرم ۔۔۔ مجھے معاف کردو میرے بھائی۔۔ “

” ہششش ۔۔ “

احرم نے اس سے الگ ہو کے ۔۔۔ بھیگی آنکھوں سے اسے دیکھا تھا۔۔۔ جو سرخ بھیگی آنکھوں میں محبت اور حسرت لیے اپنے بھائی کو دیکھ رہا تھا ۔۔

احرم سر جھٹک کے ۔۔ اس کا ہاتھ تھام کے اسے دیکھنے لگا۔۔۔

” مجھ سے پرامس کرو ابرام ۔۔۔ “

وہ کچھ دیر رکا تھا۔۔۔ ابرام کی سوالیہ نظریں اس پہ تھی۔۔۔

” ماوی کا خیال رکھو گے ۔۔۔ میں۔۔۔ ابرام میں بہت بیمار ہوں۔۔۔ میں بلکل بھی ٹھیک نہیں ہوں۔۔۔ میرے بعد ماوی کا خیال رکھو گے ۔۔۔ وعدہ ۔۔۔۔ “

احرم کی بات مکمل ہونے سے پہلے ہی ۔۔۔ ابرام اس کے لبوں پہ اپنی ہتھیلی رکھ چکا تھا۔۔۔

” بکواس بند کرو احرم ۔۔۔ بکواس بند کرو ۔۔ از ڈیٹ کلیئر ۔۔”

وہ تقریبا چلایا تھا ۔۔ لیکن اس کے غصے میں اپنے بھائی کے لئے محبت تھی ۔۔۔

” ماوی امانت ہے میرے پاس ۔۔ وعدہ کرتا ہوں ابرام اپنی آخری سانس تک اس کا خیال رکھوں گا۔۔ لیکن تم بھی وعدہ کرو کہ میرے بعد اسے تنہا نہیں چھوڑو گے ۔۔۔ “

وہ پھر سے کہہ رہا تھا جبکہ ابرام لب بھینچے اسے چپ ہونے کو کہہ رہا تھا۔۔

” چپ رہو احرم ۔۔ خاموش ہو جاو۔۔۔ چپ کرو۔۔۔ بس ۔۔۔ چپ ۔۔۔ “

اور آخر میں ایکدم سے چلاتا اپنی جگہ سے اٹھ کھڑا ہوا تھا۔۔

” امتحان مت لو میرا احرم ۔۔۔ اپنے سے جڑے رشتوں سے ۔۔۔ میں کچھ نہیں سننا چاہتا ۔۔ از ڈیٹ کلیئر احرم ۔۔ “

اپنی بات غصے میں کہہ کے وہ جانے لگا ۔۔

” تم دونوں کے بیچ میں آیا ہوں ابرام ۔۔۔ اور مجھے واپس جانا ہے ۔۔۔ میں جاوں گا تو ہی تم اور ماوی ۔۔۔۔ “

احرم کے الفاظ نے اس کے قدم روک لیے تھے۔۔ وہ تیزی سے مڑا تھا ۔۔

” احرم ۔۔۔ “

ابرام کی دھاڑ نے ۔۔۔ اس کے باقی الفاظ روک لیے تھے ۔۔۔ وہ خشمگین نگاہوں سے احرم کو دیکھ رہا تھا ۔۔۔

” تم بھائی ہو میرے ۔۔۔ میرے بھائی ہو احرم ۔۔۔ اپنے لئے موت کی بات کر کے ۔۔۔ تم مجھے ہرٹ کر رہے ہو ۔۔۔ جانتے ہو تم ؟؟ کہ تم کیا کر رہے ہو ۔۔۔ ۔۔۔۔ احرم “

احرم کو اپنی کنپٹی سہلاتا دیکھ کے ۔۔۔ وہ تیزی آگے بڑھا تھا۔۔۔

” احرم ۔۔۔ احرم ۔۔۔ “

درد کی شدت بڑھتی جا رہی تھی۔۔۔ ابرام نے تیزی سے۔۔۔ اسے بازوؤں میں بھرا تھا ۔۔۔ وہ اپنے بھائی سے محبت کرتا تھا ۔۔ بےحد محبت۔۔۔

وہ مغرور تھا ۔۔ زیرک تھا۔۔۔ کچھ لوگوں کے لئے بدتمیز بزنس مین تھا ۔۔ بےلحاظ تھا ۔۔۔ لیکن احرم کے لئے ۔۔ وہ بھائی تھا ۔۔ ایک باپ تھا ۔۔

اس کے ناک سی خون نکلتا دیکھ۔۔۔ وہ فورا سے پیشتر اسے اٹھا چکا تھا۔۔

کسی قیمتی متاع کی طرح اپنے بھائی کو خود میں بھینچے ۔۔۔ وہ اپارٹمنٹ سے باہر نکلا تھا ۔۔۔

پورے کمرے کا ایک ہی نظر میں جائزہ لیتی۔۔۔ وہ اب ہاسپٹل بیڈ پہ پڑے اس بےجان وجود کو دیکھ رہی تھی۔۔۔

یہ ایک گورنمنٹ ہاسپٹل تھا ۔۔۔ جس کے ایک کونے میں بنے کمرے میں۔۔۔ وہ تھی ۔۔۔

ماوی کے چہرے پہ تمسخر تھا۔۔۔ آنکھوں میں نفرت تھی۔۔۔

” غزل ذایان عالم ۔۔ ویسے سنا ہے نام چھین چکے ہیں وہ لوگ اپنا تم سے ۔۔ “

لہجہ بھی تمسخر لیا ہوا تھا۔۔

” ک ۔۔۔ کیوں آئی ہو یہاں؟؟”

بمشکل بولتی ۔۔۔ غزل آنکھوں میں نفرت اور حقارت لیے ماوی کو دیکھ رہی تھی۔۔۔

” امممم بہت ضروری بات بتانے آئی تھی۔۔۔ سوچا تمہیں بھی بتا دوں۔۔۔ آخر کو چھوٹا سا رشتہ تو بنتا ہی ہے تم سے ۔۔ “

ماوی دل جلانے والی مسکراہٹ چہرے پہ لیے اسے دیکھ رہی تھی۔۔۔

” احرم اور ابرام میں سے ۔۔۔ کس کی ہوئی تم ؟؟؟ بازی کون پلٹ گیا ۔۔۔ یہی بتانا ہوگا۔۔۔ “

غزل اس حالت میں بھی۔۔۔ اپنی نفرت کا اظہار کرنے سے نہیں کترا رہی تھی۔۔ ماوی لب بھینچے سر نفی میں ہلا گئی ۔

اس کے قریب جھک کے ۔۔۔ وہ غزل کی آنکھوں میں دیکھ رہی تھی۔۔۔

” خوش قسمتی سے۔۔۔ زایان عالم اور کشمالہ زایان کو ان کی کھوئی ہوئی بیٹی مل گئی ۔۔۔ تم۔سے رشتہ توڑ کے ۔۔ وہ لوگ اب نئی بیٹی سے رشتہ جوڑنے لگے ہیں۔۔۔ “

” ع۔۔۔سل “

آنکھوں میں حیرت لیے وہ زیر لب بڑبڑائی تھی۔۔۔ جبکہ ماوی گہرا مسکرائی تھی۔۔

” لیکن میں بہت بدنصیب ہوں۔۔ تم جیسی بہن کسی دشمن کو بھی نہ دے ۔۔۔ اور میں کتنی بدنصیب ہوں مجھے تمہیں اپنی بہن مانتے ہوئے بھی ۔۔۔ تم سے نفرت ہو رہی ہے ۔۔۔ “

ماوی کا لہجہ نفرت تھا ۔۔۔

” ما۔۔۔۔ وی “

غزل حیرت سے ماوی کو دیکھ رہی تھی۔۔۔

” ماوی نہیں۔۔۔ عسل زایان عالم ۔۔۔ لیکن تم۔سے نفرت اب بھی ہے مجھے ۔۔۔ بےحد نفرت۔۔۔ اچھا ہے میرے باپ کے گھر میں۔۔۔ تم مجھے نہیں ملو گی بار بار۔۔۔ “

وہ اپنی بات کہہ کے سیدھی ہو چکی تھی۔۔

“یہ گھر زیادہ سوٹ کرتا تم پہ ۔۔”

دل جلانے والی مسکراہٹ کے ساتھ وہ مڑی تھی۔۔۔ غزل کا پورا وجود سلگ اٹھا تھا۔۔۔ تبھی اس کی آواز بلند ہوئی تھی۔۔

” تمہارے بیٹے کو میں نے قتل کروایا ۔۔۔ “

ماوی کے قدم رکے تھے ۔۔۔ وہ مڑ کے بےیقینی سے غزل کو دیکھ رہی تھی۔۔۔ جس کے چہرے پہ تمسخر تھا اب ۔۔

” تمہارے اور ابرام کے بیچ غلط فہمی ڈالنے والی بھی میں ہوں۔۔۔ “

ماوی کا دل ڈوب کے ابھرا تھا ۔۔۔

” تمہاری وہ تصویریں ۔۔۔ جو کھبی تم نے بنائی ہی نہیں۔۔۔ جس میں تم نیم عریاں ہر دوسرے مرد کی بانہوں میں تھی۔۔۔ میں نے بنوائی تھی وہ سب ۔۔۔ اور بےوقوف ابرام ۔۔۔۔ اتنا زیرک ہو کے بھی وہ غلط اور صحیح کو پہچان نہ سکا۔۔۔ “

ماوی لڑکھڑائی تھی۔۔۔ بھیگی بےیقین آنکھیں غزل پہ تھی۔۔۔

” ابرام کے بعد تم احرم کی زندگی میں آئی تو احرم کو تم سے چھین لیا ۔۔۔ تمہارا بیڈ ۔۔۔ تمہارا ڈریس۔۔۔ تمہارا شوہر سب شئیر کر کے ۔۔۔ پرسکون ہو گئی میں۔۔۔ کیسے نہ ہوتی ۔۔۔ میری چیز میری ہے ۔۔۔ اس پہ اپنا نام لکھنا میں ضروری سمجھتی ۔۔۔ تبھی تو ۔۔۔ “

اس کی بات مکمل نہیں ہوئی تھی۔۔ جب ماوی چیختی ہوئی اس کے قریب آئی تھی۔۔ غزل کا گلا دبائے ۔۔ وہ چیخ رہی تھی۔۔ رو رہی تھی۔۔۔

جبکہ غزل کی گردن پہ اس کے دونوں ہاتھوں کا دباؤ بڑھتا جا رہا تھا ۔۔

” مار ڈالوں گی تمہیں۔۔۔ تم ڈائن ہو ۔۔۔ تم ناگن ہو ۔۔۔ میرا بیٹا کھا گئی تم ۔۔ میرا گھر برباد کر دیا ۔۔ مجھے برباد کر دیا ۔۔۔ مار ڈالوں گی ۔۔ “

وہ ہذیانی انداز میں چیخ رہی تھی ۔۔۔ میل اور فی میل نرسز آ کے۔۔۔ بمشکل ماوی کو اس سے الگ کیا تھا ۔۔ جبکہ وہ کھانستے ہوئی ہنس رہی تھی۔۔۔

” ماوی تمہیں برباد کر دیا میں نے ۔۔ تمہیں نابود کر دیا میں نے ۔۔۔ ماوی کچھ نہیں ہے اب ۔۔۔ “

وہ ہنستے ہوئے چیخ رہی تھی جبکہ ماوی بےجان سی وہیں گری تھی۔۔۔

سرخ آنکھیں لیے ۔۔۔ وہ مٹی کے ڈھیر کو دیکھ رہی تھی ۔۔۔ دونوں مٹی تلے پاس پاس ۔۔۔ ساتھ ساتھ سو رہے تھے ۔۔۔

علی ابرام شاہ اور احرم نوفل شاہ ۔۔۔

اور بکھری بکھری سی ماوی ۔۔۔ ان دو قبروں کے بیچ بیٹھی۔۔۔ باری باری مٹی کے ڈھیر کو دیکھ رہی تھی۔۔۔

منحوس۔۔۔

کلموہی ۔۔۔

سیاہ بخت ۔۔۔

بھکارن۔۔۔

بدذات۔۔۔ اور ان جیسے بہت سے القابات ۔۔۔ اس کے ذہن میں گونج رہے تھے ۔۔۔

چادر سر سے سرک کے ۔۔۔ کندھے کے ایک طرف پڑی ہوئی تھی۔۔۔ آنکھیں ویران اور سرخ تھی۔۔۔ لیکن بےتاثر ۔۔۔ کوئی احساس نہیں تھا ان میں۔۔۔

” وعدہ کرو ماوی ۔۔۔ مجھے بھول کے اپنی آگے کی زندگی گزارو گی ۔۔۔ مسکراتی آنکھوں کے ساتھ ۔۔ “

احرم کے الفاظ یاد آئے تھے اسے ۔۔۔

لیکن ماوی کو مسکراہٹ کہاں راس آئی ہے کھبی۔۔۔

اسے خوشیاں کب راس آئی ہے۔۔۔

جس سے محبت کی ماوی نے ۔۔

وہی چھن گیا اس سے ۔۔۔

ابرام ۔۔۔ علی ۔۔۔ احرم ۔۔۔

ہر معتبر رشتہ۔۔۔ جو اس کی زندگی میں آیا۔۔۔ ویسے ہی چھین بھی لیا گیا ۔۔ تو دائمی خوشیاں کہاں تھی اس کی ؟؟

وہ پیدا ہی سیاہ بخت ہوئی تھی کیا ؟؟

یا اسے سیاہ بخت بنا دیا گیا ۔۔۔

” عسل۔۔۔ “

کھردری اواز اس کی پشت پہ ابھری تھی۔۔۔ لیکن وہ خاموش ہی رہی ۔۔۔

” م ۔۔۔ ماوی ۔۔۔ “

ہچکچاہٹ ہوئی تھی اور پھر اس نے ماوی پکارا تھا ۔۔۔

” سیاہ بخت ہے میرا نام ۔۔۔ “

اس کے لب ہلے تھے ۔۔۔ اور سیاہ چادر میں لپٹا وہ وجود اس کے سامنے آ بیٹھا تھا ۔۔۔ بھیگی آنکھوں سے ۔۔۔ وہ اپنی بیٹی کو دیکھ رہی تھی۔۔۔ ۔

جس کے نصیب اسی کی وجہ سے سیاہ ہوئے تھے۔۔ وہی وجہ بنی تھی اپنی ہی بیٹی کی سیاہ بختی کے ۔۔۔

” میں ماوی نہیں ہوں۔۔۔ میں عسل نہیں ہوں۔۔۔ میں۔۔۔۔۔۔۔۔ سیاہ بخت ہوں۔۔۔ “

وہ پھر سے کہہ رہی تھی اور درفشاں رو پڑی تھی۔۔۔ اس کی بیٹی بیوگی کی چادر اوڑھے۔۔۔ اس کے سامنے بیٹھی تھی۔۔۔

اپنی بیٹی کا سب چھیننے والی۔۔۔ وہ خود ہی تو تھی۔۔

” تم نہیں میں سیاہ بخت ہوں۔۔۔ میری بچی ۔۔۔ میں وہ بدبخت ماں ہوں۔۔ جس نے اپنی بیٹی کو ۔۔ اپنے ہی وجود کے حصے کو ۔۔۔ گندگی کے ڈھیر پہ پھینک دیا تھا۔۔۔ “

” بس ۔۔۔ بس ۔۔۔۔ بس کر دیں۔۔۔ چپ کرو سب ۔۔۔ چپ رہو ۔۔۔ چپ چپ ۔۔۔ “

وہ ہذیانی انداز میں چیخنے لگی تھی۔۔۔

” چھوڑ دو میرا پیچھا سب ۔۔۔ چپ کر جاو ۔۔۔ بس کردو ۔۔۔ مر گئی ہے ماوی ۔۔ مر چکی ہے ماوی ۔۔۔ بس کردو ۔۔۔ “

وہ چیختی ہوئی وہاں سے اٹھ کے پاگلوں کی طرح بھاگنے لگی تھی ۔۔۔۔

لڑکھڑاتے قدموں۔۔۔ کانوں پہ ہاتھ رکھے۔۔۔ وہ قبرستان میں بھاگ رہی تھی۔۔۔

وہ کوئی اونچائی تھی ۔۔۔ جہاں سے وہ کودنا چاہ رہی تھی۔۔۔ نیچے دیکھنے پہ ۔۔ آنکھوں کے سامنے تاریکی سی چھا گئی تھی۔۔۔

گہری کھائی ۔۔۔ اور کارا پانی ۔۔۔

” ڈیم اٹ ۔۔۔ ماوی “

ابرام چلایا تھا ۔۔۔ لیکن وہ ان سنی کر گئی تھی۔۔۔ خود میں ہمت مجتمع کرتی۔۔۔ وہ بےحد اونچائی سے ۔۔۔اس گہری کھائی کو دیکھ رہی تھی۔۔۔

اس کا دماغ اسے آمادہ کر رہا تھا کہ وہ خود کو یہاں سے پھینک دیں۔۔۔ اور پھر سکوت ہوگا ۔۔۔ سکون ہوگا۔۔۔

لیکن اس سے پہلے وہ دو قدم آگے بڑھتی۔۔۔۔ اس کی کلائی پکڑ کے ۔۔۔ ابرام اسے اپنی طرف کھینچ چکا تھا ۔۔۔ جبکہ وہ خود کو چھڑانے کی کوشش کرنے لگی۔۔۔

” چھوڑو مجھے ۔۔۔ “

” کیا کر رہی ہو ماوی ؟”

ابرام چلایا تھا ۔۔۔

” مرنا چاہتی ہوں۔۔ میں مروں گی تو سب زندہ رہے گیں ۔۔ ورنہ ۔۔۔ ورنہ ایک ایک کر کے سب مر جائیں گے ۔۔ لیو می ۔۔۔ “

وہ آنکھوں میں خوف لیے چلا رہی تھی۔۔۔

” پاگل پن میں کرو ماوی ۔۔۔ چلو یہاں سے ۔۔۔”

ابرام اسے کھینچتا اپنے ساتھ لے جانے لگا ۔۔۔ جبکہ وہ کمزور سی لڑکی۔۔۔ اس مضبوط جسم کے مالک شخص کے سامنے کچھ بھی نہ تھی۔۔ تبھی کھنچتی چلی گئی ۔۔۔

اور جب کوئی احتجاج کام نہ آیا تو رونے لگی ۔۔۔ پھوٹ پھوٹ کے روتی ۔۔۔ وہ وہیں نیچے بیٹھنے لگی۔۔۔ ابرام بھی رک کے اسے دیکھنے لگا ۔۔

گہرا سانس لیتا ۔۔۔ وہ بھی وہیں بیٹھ چکا تھا ۔۔۔۔

” علی چلا گیا۔۔۔ احرم چلا گیا ۔۔۔ میرے دو پیارے رشتے مجھ سے منہ موڑ گئے ۔۔۔ “

غائب دماغی کی حالت میں وہ کہہ رہی تھی۔۔

” ابرام کیا واقع میں سیاہ بخت ہوں۔۔۔ جس کی زندگی میں جاتی ہوں۔۔ اپنی سیاہی سے۔۔۔ اسے سیاہ کر دیتی ہوں۔۔۔ “

” رشتے تو مجھ سے بھی چھن گئے ہیں ماوی ۔۔۔ پیرنٹس ۔۔۔ تم ۔۔۔ بیٹا اور اب بھائی ۔ “

بات کرتے کرتے ۔۔۔ ابرام کی آواز آخر میں رندھ گئی تھی ۔۔۔

” تو کیا میں بھی خود کو سیاہ بخت بول دوں؟؟؟ “

اچانک سے ماوی نے ہنسنا شروع کر دیا تھا ۔۔۔ ابرام لب بھینچے اسے دیکھ رہا تھا۔۔۔

” ہم ۔۔۔۔ ابرام ہم پھر بھی زندہ ہیں۔۔ ہماری سیاہ بختی تو دیکھو۔۔۔ کہ زمین کا ٹکڑا بھی ہمیں اپنی آغوش میں بھرنے سے انکاری ہے ۔۔۔ “

وہ ہنسے جا رہی تھی۔۔۔۔ اور پھر رونا شروع کر دیا تھا اس نے ۔۔

” ہائے کتنی سیاہ بخت ہوں میں۔۔ منحوس ہوں میں ۔۔ کلموہی ۔۔۔ بھکارن ۔۔۔ “

اپنا ماتھا پیٹتے خود کو کوسنے دے رہی تھی۔۔۔ جب اچانک ابرام نے آگے بڑھ کے ۔۔۔ اس کے دونوں ہاتھ پکڑ کے اسے روکا تھا ۔۔

” ماوی اسٹاپ۔۔۔ جسٹ اسٹاپ اٹ ماوی ۔۔۔ “

وہ تقریبا چلایا تھا ۔۔ جبکہ ماوی رک کے اسے بھیگی آنکھوں سے دیکھنے لگی۔۔۔

” تم بھی مر جاو گیں ابرام ؟؟”

وہ سوال کر رہی تھی۔۔۔ اور ابرام نے لب بھینچ کے۔۔۔ اس کے ہاتھ نرمی سے چھوڑے تھے۔۔۔

ماوی کھسک کے اچانک پیچھے ہوئی تھی۔۔۔

” مجھ پہ اعتبار کرو گے تو مر جاو گیں۔۔۔ مجھ پہ رحم کھاو گیں تو ختم ہو جاو گیں۔۔ تم نابود یو جاو گیں۔۔۔۔ سب نابود ہو جائیں گے ۔۔”

وہ اب دونوں ٹانگوں پہ ہاتھ رکھے ۔۔۔ چہرہ ان میں چھپائے پھوٹ پھوٹ کے رو رہی تھی۔۔۔ جبکہ ابرام بےبسی سے اسے دیکھ رہا تھا۔۔۔

احرم ؟؟؟

ہاں وہ احرم ہی تو تھا ۔۔ جو علی کا ہاتھ تھامے کہیں جا رہا تھا۔۔

پھولوں کی اس خوبصورت وادی میں۔۔۔ نیلے آسمان کے نیچے ۔۔۔ مہکی ہوا میں سانس لیتی۔۔۔ وہ ان دونوں کو دیکھ رہی تھی۔۔۔

” علی۔۔۔۔ احرم ۔۔ “

اس نے پکارا تھا اور ان کے چلتے قدم رکے تھے ۔۔۔ وہ دونوں مڑے تھے اور مسکراتی نظروں سے ماوی کو دیکھ رہے تھے۔۔۔

” مم ۔۔۔۔ مم “

علی ہنستا کھلکھلاتا ۔۔ بھاگتا ہوا اس کے قریب آیا تھا۔۔۔ اور ماوی کے گلے لگا تھا ۔۔۔

” مم کی جان ۔۔۔ “

ماوی بھی کھلکھلائی تھی اور اب وہ احرم کو دیکھ رہی تھی۔۔۔ جو بےحد محبت سے ماوی کو دیکھ رہا تھا۔۔۔

” احرم ۔۔۔ “

وہ کتنا حسین لگ رہا تھا ۔۔۔ بےتحاشا حسین۔۔۔ ماوی اسے دیکھے گئی ۔۔۔ پلکیں جھکا کے ۔۔ اس نے پھر سے اٹھائی تھی۔۔۔

تب احرم نے آگے بڑھ کے ۔۔ اس کے ماتھے پہ اپنے محبت کی مہر ثبت کی تھی۔۔۔

وہ بےحد دلکش پھولوں کا بوکے تھا ۔۔

” یہ ؟؟”

” تمہارے لئے ہیں ماوی ۔۔ ان کا بےحد خیال رکھنا۔۔۔ یہ تحفہ ہے جو تمہیں سونپ رہا ہوں۔۔۔ “

ماوی نے وہ خوبصورت تھام لیا تھا اور وہ دونوں اب جا رہے تھے۔۔۔ احرم اور علی جا رہے تھے اور ماوی کو ایسے لگ رہا تھا جیسے وہ بےجان ہو رہی ہے۔۔

” احرم ۔۔۔ علی۔۔۔ “

اس نے سسکی بھری تھی۔۔ لیکن وہ ان سنی کر گئے تھے۔۔۔

گ

اکھڑتی سانسوں کے بیچ ۔۔ وہ اٹھ بیٹھی تھی۔۔۔ وہ اپنے بیڈ پہ تھی۔۔۔ گہرے سانس لیتی ۔۔۔ وہ خود کو نارمل کرنے کی کوشش کر رہی تھی۔۔۔

اور اچانک اسے متلی سی محسوس ہوئی تھی۔۔۔ تبھی وہ بیڈ سے اتر کے واشروم کی طرف بھاگی تھی۔۔۔

وومٹنگ کر کے ۔۔ وہ سیدھی ہوئی تو اپنے قریب کھڑی کشمالہ کو دیکھ کے۔۔ وہ ڈر کے دو قدم پیچھے ہوئی تھی۔۔

” عسل بیٹا۔۔۔ کیا ہوا ہے ؟؟”

ہاتھ بڑھا کے انہوں نے ماوی کے بال سنوارنے چاہے تھے لیکن ماوی نے ان کے ہاتھ جھٹک دئیے تھے ۔۔

” میرا نام ماوی ہے ۔۔ “

کشمالہ لب کاٹتی اسے دیکھے گئی ۔۔ جبکہ ماوی سر جھٹک کے ۔۔۔ واشروم سے باہر نکلی تھی۔۔ اور پھر سے بیڈ پہ آ کے لیٹی تھی ۔۔۔

کشمالہ اس کی پشت کو نم آنکھوں سے دیکھتی رہی ۔۔

” م ۔۔۔۔ ماوی بیٹا کیا اپنی ماں کو معاف نہیں کرو گی ؟؟”

ماوی نے لیٹے لیٹے ہی اپنے لب بھینچ لیے تھے ۔۔ ہاتھ بڑھا کے لیمپ بھی آف کردیا تھا ۔۔ جس کا صاف مطلب یہی تھا کہ جا سکتی ہے آپ۔۔۔

کشمالہ لب کاٹتی کمرے سے نکل گئی تھی جبکہ ماوی بیڈ پہ لیٹی اپنے خواب کو سوچ رہی تھی۔۔۔ وہ احرم اور علی کو ایک ساتھ دیکھ چکی تھی خواب میں۔۔۔ اور وہ پھولوں کا خوبصورت بوکے ۔۔۔

وہ دیر تک سوچے گئی جب تک نیند کی دیوی اس پہ مہربان ہوئی تھی۔۔۔

” ابرام ۔۔۔ “

وہ چیخی تھی۔۔۔ جبکہ اپنی کنپٹی پہ رکھا ۔۔۔ ریوالور والا ہاتھ ابرام کا لرزا تھا۔۔۔

وہ مڑ کے ماوی کو دیکھنے لگا ۔۔۔ جو بےدھڑک اس کے کمرے میں آئی تھی ۔۔۔

” حرام کی موت مرنا بہت آسان ہے تمہارے لئے ؟؟”

ابرام کے چہرے پہ زخمی مسکراہٹ بکھری تھی۔۔

” کیوں آئی ہو یہاں؟؟”

” یہاں سب میرا تماشا بنانے کے لئے ہو ؟؟ ہر ایک شخص صرف مجھے اذیت دینے کے لئے ہو یہاں؟؟”

ماوی تیز آواز میں اس سے سوال کر رہی تھی۔۔۔

” تمہیں اس اذیت سے رہائی دے تو رہا ہوں۔۔”

وہ ٹوٹے لہجے میں کہہ رہا تھا۔۔ وہ پھر سے ریوالور اپنی کنپٹی پہ رکھ چکا تھا۔۔۔ جبکہ ماوی چیخی تھی ۔۔

” اسٹاپ ابرام ۔۔۔ بند کرو میرا تماشا بنانا ۔۔۔ بند کردو اذیت دینا۔۔۔ تم جو کر رہے ہو وہ میرے لئے اذیت کا باعث بن رہا ہے ابرام ۔۔۔ تمہاری موت سے مجھے خوشی نہیں ہوگی بلکہ ۔۔۔۔ میری اذیتیں بڑھے گی ۔۔ “

وہ کہتے کہتے رو پڑی تھی۔۔۔

” جاو یہاں سے ماوی ۔۔۔ چلی جاو۔۔۔ “

وہ رخ موڑ کے کہنے لگا جبکہ ماوی بھیگی آنکھوں سے اس کی پشت کو دیکھ رہی تھی۔۔۔

” احرم مجھے جو امانت سونپ گیا ہے ۔۔ میں کیسے سنبھال پاؤں گی اس امانت کو ۔۔۔ “

ابرام مڑ کے پھر سے اسے دیکھنے لگا جبکہ ماوی پلکیں جھکا گئی تھی ۔۔۔ ۔

” امانت ؟؟”

ابرام نے زیر لب دہرایا تھا۔۔۔

ماوی پھر سے اسے دیکھنے لگی ۔۔

” کوئی نہیں یہاں۔۔۔ میرا کوئی بھی نہیں ہے۔۔۔ سب مر گئے ۔۔ سب چھوڑ گئے ۔۔ لیکن ۔۔۔ “

وہ خاموش ہو کے ادھر ادھر دیکھنے لگی۔۔۔ اور پھر لرزتی پلکوں کو جھپکتی ابرام کو دیکھنے لگی۔۔

” کیا تم چاہتے ہو کہ ۔۔۔۔۔۔ اس ننھی سی جان کے اس دنیا میں آنے سے پہلے ہی ۔۔۔ تم اس سے اس کا آخری سائبان بھی چھین لو ۔۔۔ ؟؟”

ابرام حیرت سے اسے دیکھ رہا تھا۔۔۔ ماوی لب کاٹتی نظریں جھکا گئی تھی اور ابرام کے ہاتھ سے ۔۔۔ ریوالور چھوٹ کے نیچے گرا تھا۔۔۔

ہچکی کی آواز پہ ۔۔۔ ماوی نے پلکیں اٹھا کے دیکھا تھا۔۔۔ وہ رو رہا تھا۔۔۔ وہیں دیوار سے ٹیک لگائے وہ رو رہا تھا۔۔۔

ماوی بھی صوفے کے کونے میں۔۔۔ بیٹھ چکی تھی۔۔۔ اور سر جھکائے اپنی انگلیوں کو مروڑنے لگی ۔۔۔

” کاش۔۔۔ کاش میں اپنے بھائی کو بچا پاتا ۔۔۔ کاش۔۔۔ “

اس کی دھیمی آواز ابھری تھی۔۔۔ ماوی کی انکھ سے آنسو پھسل کے۔۔۔ اس کے گال پہ گرا تھا ۔۔۔

” میں حرام موت نہیں مرنا چاہتا ماوی ۔۔۔ لیکن کھبی کھبی زندگی کی تلخیاں آپ کو اس موڑ پہ لے آتی ہے کہ آپ تنہا رہ جاتے ہو ۔۔۔ بےحد تنہا اور اکیلے ۔۔۔ آپ کا دماغ صرف آپ کو موت کی دعوت دیتا رہتا ہے اور پھر آپ قبول کر لیتے ہو ۔۔۔ کتنا خوفناک ہے ناں ایک خاندان کا مکمل ختم ہو جانا ۔۔۔ کہ جہاں پھر سے کوئی نہ ہو آپ کا نام آگے لے جانے والا ۔۔۔ کس قدر خوفناک ہے ۔۔۔ لیکن۔۔۔۔ “

وہ پھوٹ پھوٹ کے رو دیا ۔۔۔ وہیں دیوار سے ٹیک لگائے وہ نیچے بیٹھ کے رو رہا تھا۔۔۔ وہ کہیں سے بھی ۔۔۔ وہ مغرور بزنس ٹائیکون ابرام نوفل شاہ نہیں لگ رہا تھا۔۔۔

” مجھے معاف کردو ماوی ۔۔۔ میرا عمل تو معافی مانگنے کے لائق بھی نہیں۔۔۔ لیکن میرے پاس سارے آپشنز ختم ہو چکے ہیں۔۔۔ بس یہی آپشن باقی رہتا ہے۔۔ کہ تم سے گڑگڑا کے معافی مانگ لوں۔۔۔۔ “

ماوی اب خاموشی سے اسے دیکھ رہی تھی۔۔۔

” میں نے بستی والوں کی باتوں کا یقین نہیں کیا تھا ماوی ۔۔۔ مجھے تم پہ اعتبار تھا ۔۔۔ ڈگمگایا نہیں تھا ابھی ۔۔ اس بستی کے ہر شخص کو وارننگ دے کے ۔۔۔ میں اس رات چلا گیا تھا لیکن پھر مجھے وہ ۔۔۔ وہ تصویریں ملی ۔۔۔ مجھے ویڈیو کلپس ملے ۔۔۔ اور ماوی اور۔۔۔۔۔۔ “

وہ خاموش ہو کے اپنی مٹھیاں بھینچ گیا ۔۔۔۔ اسے وہ لمحہ یاد آیا تھا کہ کس طرح سے ۔۔۔ اس نے ماوی کے جانے کے بعد وہ اپارٹمنٹ خاکستر کا ڈھیر بنا دیا تھا۔۔ وہاں کی ہر چیز جلا دی تھی اس نے ۔۔۔

” وہ تم نہیں تھی ماوی ۔۔ لیکن اس دن ۔۔۔ اس لمحے مجھے لگا تم سے ریلیٹیڈ ہر چیز کو آگ لگا دوں۔۔۔ بھسم کردوں۔۔۔ تم بدکار نہیں تھی ماوی ۔۔ لیکن وہ فوٹوز۔۔۔ وہ ویڈیوز تمہیں بدکار پروف کر رہی تھی۔۔۔ اور میں سب بھول گیا۔۔۔ یاد تھا تو یہی کہ تمہیں چھونے والا پہلا شخص مجھے ہونا چاہیے تھا۔۔۔ کیسے ؟؟ کیسے کوئی اور۔۔۔ اپنی بیوقوفی اور غصے میں۔۔۔ میں سب بھول گیا۔۔۔ سب بھول گیا ۔۔۔۔ “

وہ رکا تھا۔۔۔

” لیکن احرم نے مجھے ڈائیورس نہیں دی کھبی ۔۔۔ “

کچھ تو تھا اس کے لہجے میں۔۔۔ کہ ابرام چونک کے اسے دیکھنے لگا۔۔۔ اور پھر ان آنکھوں سے نظریں چرا گیا تھا وہ ۔۔۔

” شک اس نے بھی کیا تھا۔۔ بدگمان وہ بھی ہوا تھا لیکن ڈائیورس نہیں دی اس نے ۔۔۔ جانتے ہو کیوں؟؟؟ کیونکہ وہ کانوں کا کچا نہیں تھا ۔۔۔ غلطی اس نے بھی کی ۔۔ گناہ اس سے بھی سرزد ہوا لیکن وہ مجھے معاف کر گیا ۔۔۔ میرے ہر جھوٹ ۔۔۔ دھوکے ۔۔۔ بدگمانی سمیت ۔۔۔ وہ مجھے معاف کر گیا ۔۔۔ “

” مر کے بھی وہ جیت گیا ہے ۔۔ پا گیا ہے تمہیں۔۔۔ اور میں ہار گیا تمہیں۔۔۔ “

ابرام کا لہجہ ٹوٹا ہوا تھا۔۔۔ دونوں کے مابین پھر سے خاموشی آئی تھی۔۔۔ اور پھر خاموشی ٹوٹی تو ایسے جیسے قیامت آ گئی ہو ۔۔

” وہ تصویریں تمہیں غزل نے دی تھی ۔۔۔ “

” غزل ؟؟”

ابرام اچھنبے سے اسے دیکھنے لگا۔۔۔

” یہاں ایک عورت ہی دوسرے عورت کی قاتل ہے ابرام ۔۔۔ چاہے وہ بہن کے روپ میں ہو ۔۔۔ چاہے ماں کے روپ میں۔۔۔ برباد تو میں ہوئی ۔۔ شوہر میرا مر گیا ۔۔۔ بیٹا میرا مرا ۔۔۔ کھبی کھبی سوچتی ہوں کہ اگر میں جھوٹ نہ بولتی ۔۔۔ اگر میں احرم کو استعمال نہ کرتی ۔۔ اگر میں انتقام کی بجائے اپنے بیٹے کا ساتھ دیتی ۔۔۔ ایک ماں بن کے ۔۔۔ اپنے بیٹے کے قریب ہوتی ۔۔۔ تو شاید یہ سب نہ ہوتا۔۔ یا احرم سے محبت کر کے ۔۔ اسے اپنی سچائی بتاتی۔۔۔ تو شاید آج احرم بھی یہیں ہوتا ۔۔۔ میرے پاس ۔۔ اور علی بھی ۔۔۔ مجھے سزا ہی تو ملی ہے ۔۔۔ اپنے ہر کیے گناہ کی ۔۔ “

وہ کہہ رہی تھی۔۔ ابرام اٹھ کے اس کے قریب آیا تھا۔۔ ۔

” کیا کیا ہے غزل نے ؟؟”

ماوی شاکی نظروں سے اسے دیکھنے لگی۔۔

” کیا تم نہیں جانتے؟؟”

جبکہ ابرام نے لب بھینچ لیے تھے۔۔۔

” تم اب بھی جھوٹ بول رہی ہو ۔۔۔ “

ماوی نے نفی میں سر ہلایا تھا۔۔۔

” میرے بیٹے۔۔۔ میرے علی کی قاتل ہے وہ ۔۔۔ “

کہتے کہتے رو پڑی تھی۔۔

” اور میں اسے مار ہی نہ پائی۔۔۔ اس کا گلا گھونٹ نہیں پائی۔۔۔ “

دانت پیستی وہ ہذیانی انداز میں چیخی تھی ۔۔۔ جبکہ ابرام کچھ دیر سرد نگاہوں سے ۔۔۔ اسے روتے ہوئے دیکھنے لگا۔۔۔

پیچھے جا کے ۔۔۔ اس نے ریوالور اٹھایا تھا ۔۔۔ اور لمبے ڈگ بھرتا ۔۔۔ وہ وہاں سے نکلتا چلا گیا۔۔

” ابرام ۔۔۔۔۔ “

ماوی تیزی سے اس لے پیچھے لپکی تھی۔۔۔۔

” ابرام ۔۔۔”

لیکن وہ ان سنی کر کے چلا گیا تھا۔۔۔