Anokhi Muhabbat Season 2 By Rimsha Khan Readelle50283 Anokhi Muhabbat Season 2 (Episode 21)

Anokhi Muhabbat Season 2 By Rimsha Khan

آپ سے ایک بات پوچھ سکتی ہوں۔۔۔۔ ارمغان اور حبا کے جانے کے بعد وہ غمگین سی اریشہ کے ساتھ بیٹھی گپ شپ لگا رہی تھی۔۔۔۔ کہ اریشہ نے کب سے دل میں پنپتا سوال پوچھنا چاہا۔۔۔۔

بلکل پوچھ لو۔۔۔۔ حورم نے خوشدلی سے اجازت دی۔۔۔

آپ کی اور عائش کی لو میرج ہے۔۔۔

ہاں۔۔۔۔۔ میں پیار کرتی ہوں عائش سے۔۔۔ حورم ٹرانس کی کیفیت میں بولی۔۔۔۔۔ اور ایک بات اور شائد تمہارے علم میں نا ہو۔۔۔۔

کونسی بات۔۔۔ اریشہ بے تابی سے پوچھ بیٹھی۔۔۔۔

عائش مجھ سے چھوٹا ہے۔۔۔۔۔ اور وہ بھی پورے چھ سال ۔۔۔۔ حورم نے بلا جھجھک کہا۔۔۔۔

واٹ۔۔۔۔۔ ایسے کیسے۔۔۔۔ مطلب لگ تو نہیں رہا کہ آپ بڑی ہے اس سے۔۔۔۔ اریشہ کو جیسے کرنٹ لگ گئی ۔۔۔۔

حقیقت ہے۔۔۔۔

میں نے اس کی آنکھوں میں آپ کے لئے پیار کئیر ریسپکٹ ایک ساتھ دیکھا ہے۔۔۔ آپ بہت لکی ہے۔۔۔۔عایش جیسا لڑکا کسی کا بھی ائیڈئل ہوسکتا ہے۔۔۔۔

عایش ایک نشہ ہے۔۔۔ جو بہت بری طرح مجھ پر حاوی ہو گیا ہے۔۔۔۔۔۔ ایک خاص قسم کی انسیت ہوئی ہے مجھے اس سے۔۔۔۔وہ پاس ہوتا ہے تو اسکی شخصیت کی طلسم میں کھو جاتی ہوں۔۔۔۔نظروں سے دور ہوتا ہے تو رک رک کر سانسیں آتی ہے۔۔۔ اس طرح میری حواسوں پر چھایا ہوا ہے کہ ایک منٹ کے لئے نظروں سے اوجھل ہو تو دل اسکو ایک نظر دیکھنے کے لئے بیقرار ہوجاتا ہے۔۔۔ ہو بار اسے دیکھنے سے مجھے نئے سرے سے اسے محبت ہوجاتی ہے۔۔۔۔۔پہلی بار وہ کسی انجان کے سامنے کھل کر اظہار کر رہی تھی ۔۔۔۔۔

صرف آپ کرتی ہے ان سے پیار ۔۔۔ وہ نہیں کرتا۔۔۔۔۔

حورم کے کچھ بولنے سے پہلے موبائل فون رنگ ہوا۔۔۔۔

اسلام وعلیکم ڈیڈ۔۔۔۔ حورم نے ویڈیو کال پک کرلی تھی۔۔۔۔

وعلیکم السلام ۔۔۔۔ کیسا ہے میرا بچا۔۔۔۔ آریز کی گھمبیر اور شفقت بھری آواز سن کر اریشہ کے دل میں اسے دیکھنے کا اشتیاق پیدا ہوا۔۔۔۔۔وہ بھی حورم کے برابر آکر بیٹھ گئی۔۔۔۔۔

میں ٹھیک ہوں ڈیڈ۔۔۔ موم کیسی ہے۔؟؟ مما اینڈ پاپا؟؟؟۔۔۔ حورم نے مسکان بھری نظریں اریشہ پر ڈال دی۔۔۔۔۔

ما شاءاللہ ۔۔۔۔ آپکے ڈیڈ بہت پیارے ہیں۔۔۔۔ اریشہ تحیر سے موبائل سکرین پر نظر ڈالے بولی۔۔۔۔

اسلام وعلیکم ڈیڈ۔۔۔۔ عائش نے حورم کے پیچھے صوفے کی پشت پر بازوؤں ٹکا کر سلام کیا۔۔۔۔

وعلیکم السلام میرے جگر میرے شیر۔۔۔۔ کیسا ہے تو۔۔۔۔ اپنے ڈیڈ کو بھول گیا نا ۔۔۔۔۔اریز نے شکوہ کیا۔۔۔۔۔

آپ کا بیٹا اتنا بے وفا نہیں ہے جان من۔۔۔اپ نے ہی بیٹی پلے باندھی ہے تو۔۔۔۔۔ اور بتا میری بیوٹیفل لیڈی کہاں ہے۔۔۔۔۔ میرے نا ہونے کا بھرپور فایدہ اٹھایا ہوگا آپ نے ۔۔۔ میرے حصے کا پیار بھی آپ وصول کرتے ہوں گے۔۔۔۔ اریشہ کو سمجھ نہیں آرہا تھا کہ یہ حورم کا باپ ہے یا عائش کا۔۔۔۔ اتنی چاہت اتنا لگاؤ۔۔۔۔

ہائے۔۔۔۔۔ میری اتنی قسمت۔۔۔ تمہاری بیوٹیفل لیڈی اتنے بھاؤ کھاتی ہے۔۔۔۔ مجھے گھاس تک نہیں ڈالتی۔۔۔۔

بس کردے آپ۔۔۔ بچوں کے سامنے شروع ہوجاتے ہیں۔۔۔۔ حنا نے موبائل اس کے ہاتھ سے لیکر عائش کو دیکھا تو آنکھوں کے راستے دل میں اتارنے لگی۔۔۔۔۔

تو خوش ہے نا بیٹا۔۔۔۔۔ حنا نے دونوں کو ساتھ دیکھ کر نجانے کون سے احساس کے تحت پوچھ لیا۔۔۔

۔ عایش نے ہاتھ صوفے سے ہٹا کر حورم کے کندھوں پر رکھ دیئے۔۔۔۔۔

نہیں۔۔۔ بہت ذیادتی کی ہے آپکے ہسبنڈ نے میرے ساتھ ۔۔۔۔ مصنوعی تاسف چہرے پر سجا کر وہ گویا ہوا تو حنا کے ہاتھ کپکپائے۔۔۔۔ آریز نے جلدی سے اسکا ہاتھ تھام لیا۔۔۔۔

کک کیا مطلب۔۔۔۔ حنا شاک کی کیفیت میں بولی۔۔۔۔

حورم کا سانس گلے میں اٹک گیا۔۔۔۔۔ دل بے ساختہ دھڑک اٹھا۔۔۔۔

میری شادی کروادی۔۔۔۔ اور

اور کیا۔۔۔۔حنا فق چہرہ لئے عائش کے ہلتے لبوں کو دیکھنے لگی۔۔۔

اور یہ سب آپکے بے رحم اور سفاک شوہر نے ایک سازش کے تھرو کروائی ہے کہ میرا دھیان آپ سے ہٹ جائے اور میرے حصے کا پیار بھی یہ بٹورے۔۔۔۔ عائش نے مسکینیت سے کہہ کر ایک جاندار قہقہ لگایا تو سب کے جسم میں جیسی توانائی بھر دی گئی۔۔۔۔۔

موم خوش ہوں میں۔۔۔۔ آپ لوگوں نے مجھے اپنی بیٹی کے قابل سمجھا ۔۔۔۔ یہ آپ لوگوں کا اس بندہ ناقص پر تاحیات احسان رہے گا۔۔۔ عائش نے موبائل سکرین پر ہاتھ رکھ کر حورم کے گال پر اپنے لب رکھے اور پھر ہاتھ ہٹایا ۔۔۔۔حورم اپنی جگہ سن ہوگئی۔۔۔۔۔

یہ سکرین کو کیا ہوگیا۔۔۔۔ حورم کے بے چین سراپے پر نظر ڈال کر حنا نے پوچھا تو اس نے موبائل عائش کو دیا اور اپنی حفت چھپانے کے لئے لمبے لمبے سانس بھرنے لگی۔۔۔ اریشہ کو بے اختیار ہنسی آگئی۔۔۔۔

کیا ہوا عائش۔۔۔۔ آریز کی متفکر آواز سپیکر سے باہر نکلی ۔۔۔۔۔

یار ڈیڈ اب پرائیویسی میں گھسنا بند کردے۔۔۔۔۔ اب بندہ ہر ایک بات تو بولنے سے رہا ۔۔۔ عائش نے بے باکی سے کہہ کر آنکھ ونک کی تو آریز نثار ہوتی نظروں سے اسے دیکھنے لگا ۔۔۔۔

ڈھیٹ انسان۔۔۔۔

آپ پر گیا ہوں ڈیڈ۔۔۔ عایش نے بدلہ چکایا۔۔۔۔

اچھا بیٹا اپنا خیال رکھنا ۔۔۔۔

جی موم۔۔۔۔ لو یو۔۔۔۔

لو یو ٹو میرا بچا۔۔۔۔۔۔۔

^^^^^^^^^^^^^^^^^

اریشہ بات کرنی تھی تم سے۔۔۔۔ عائش اور شارق نے اسکی طبیعت میں تھوڑی بہتری دیکھی تو بات کرنے لگے۔۔۔۔

جی۔۔۔۔ اریشہ دونوں کی طرف متوجہ ہوگئی ۔۔۔۔

شائد تم جانتی ہوگی یو نہیں تمہارے باپ کی تمہاری موم کیساتھ دوسری شادی تھی۔۔۔۔ پہلی شادی اس نے اپنی من پسند لڑکی سے تھی۔۔۔ اور ان سے دو بیٹے بھی تھے۔۔۔ مگر باہر جاکر وہ بلیک ورلڈ سے کنکٹ ہوگیا۔۔۔۔ اور اسکی بیوی کو جب پتہ چلا تو اپنے دونوں بیٹوں کو لیکر مائکے چلی گئی۔۔۔۔ اور بدقسمتی سے تمہارے ڈیڈ میرے ماموں ہیں۔۔۔۔ اتنا کہہ کر عائش سانس لینے کے لئے رک گیا۔۔۔۔ مگر اریشہ کا حال ایسا تھا جیسے کاٹو تو بدن میں لہو نہیں۔۔۔۔ وہ منجمد ہوکر عائش کو دیکھ رہی تھی۔۔۔۔

میری مما اور تمہارے ڈیڈ بس دو ہی بہن بھائی تھے۔۔۔۔ میرے پاپا صارم فاروقی اور شارق کے بابا اسفند کے ہاتھوں ان کے گرفتاری ہوئی تھی۔۔۔۔۔

مم۔۔میرے دو بھائی ہیں۔۔۔ مطلب میں اکیلی نہیں ہوں۔۔لاوارث نہیں ہوں۔۔۔۔۔ میری بھی فیملی ہے۔۔۔ بھائی ہے۔۔۔ پھپھو ہے۔۔۔۔ وہ جنونی انداز میں بولنے لگی۔۔۔۔

ہاں اور ایک بات اور سن کر تمہیں دکھ ہوگا مگر ۔۔۔۔۔عایش نے بات ادھوری چھوڑ دی۔۔۔۔

کیا ؟؟؟؟

تمہارے ڈیڈ اب اس دنیا میں نہیں رہے۔۔۔۔شارق نے تاسف سے سر ہلایا۔۔۔۔۔

وہ تو کب کا میرے لئے مر چکے تھے ۔۔۔۔ اریشہ کے آنکھوں سے اشکوں کی برسات رواں تھی۔۔۔۔

تمہارے ڈیڈ نے مرنے سے پہلے تمہارے چھوٹے بھائی ابیان کو بلایا تھا اور اسے تمہارے بارے میں بتایا کہ وہ تمہیں پروٹیکٹ کرے تمہیں خطرہ ہے ۔۔۔۔ اور تمہیں یہ جان کر خوشی ہوگی کہ تمہارا بھائی بھی ایک ایس پی ہے۔۔۔ اور بڑا بھائی تمہارا ایک کالج میں پروفیسر ہے۔۔۔۔

اور میری ماں۔۔۔۔ اریشہ بے قراری سے پوچھنے لگی وہ رشتوں کی ترسی بچی اتنے میں بھی خوش ہوگئی۔۔۔۔عایش کے اندر چھناک سے کچھ ٹوٹا۔۔۔ اب وہ اسے نہیں بتا سکتا کہ اس کی ماں نے اریشہ کو اپنانے سے انکار کیا ہے۔۔۔۔ بقول انکے اریشہ کی ماں انکی ہستی بستی زندگی کو جہنم بنا گئی تھی۔۔۔۔۔۔

وہ بھی ہے۔۔۔ مگر تھوڑی ناراض ہے۔۔۔ اور بنتا بھی ہے نا۔۔۔۔ جب شوہر بیوفائی کرکے دوسری شادی کرتا ہے تو کون اپنی سوتن کی اولاد کو اتنی جلدی ایکسپٹ کرتا ہے۔۔۔۔

اریشہ کی ویران آنکھیں دیکھ کر شارق اٹھ کر اس کے قریب ایا۔۔۔۔

تو میں کہاں جاؤں گی۔۔۔۔ جب دنیا میں میرے لئے رشتے نہیں تھے ۔۔۔۔ جگہ نہیں تھی تو مجھے پیدا کیوں کیا گیا تھا۔۔۔۔ اپنا چہرہ ہاتھوں میں چھپا کر وہ رونے لگی۔۔۔۔۔

شارق بے بسی سے ہونٹ چبانے لگا۔۔۔۔۔

میرے گھر۔۔۔۔ عائش کے کہنے پر اس نے بے یقینی سے سر اٹھایا۔۔۔۔ کہ اسے سننے میں غلطی ہوئی ہے ۔۔۔۔۔

مطلب اپنے پھپھو کے گھر۔۔۔ انفیکٹ میری مما بے تابی سے تمہارا ویٹ کر رہی ہے۔۔۔ اسکی بھائی کی بیٹی ہو تم۔۔۔۔ تم وہاں بہت خوش رہو گی ۔۔۔۔

مگر مجھے اپنے بھائیوں اور موم کے پاس رہنا ہے۔۔۔۔ اور میں ان سب کو منا لوں گی۔۔۔۔ اریشہ نے ایک عزم سے کہا۔۔۔۔

بلکل ہم سب تمہارے ساتھ ہے۔۔۔۔ ممانی بہت اچھی ہے۔۔۔ بس بکھری ہوئی ہے اور ہمیں یقین ہے تم اسے سمیٹ لو گی۔۔۔۔ ان شاءاللہ ۔۔۔۔ حورم نے اسے آس دلائی۔۔۔۔

ابیان بھائی آرہا ہے۔۔۔۔ تم اس کے ساتھ پاکستان چلی جانا۔۔۔ پہلے میرے گھر جاؤگی پھر جب ممانی مان جائے گی تو اپنے گھر چلی جانا۔۔۔۔

کاش میں یہاں مزید رک پاتی اور یونیورسٹی میں سب کو فخریہ بتا پاتی کہ عایش میرا فرسٹ کزن ہے میرا بھائی ہے۔۔۔۔ وہ گلوگیر لہجے میں بولی تو سب مسکرائے۔۔۔۔

پاکستان میں بھی میرے کافی سارے فینز ہیں وہاں بھی اپنی حواہش پور کر سکتی ہو ۔۔۔ عایش نے اسے خود سے لگایا۔۔۔۔

تمہیں اب کوئی اعتراض نہیں کہ شارق میرے ساتھ چیزیں شئیر کرےگا۔۔۔ اریشہ نے معصومیت سے کہا۔۔۔۔۔

نہیں۔۔۔۔۔ اگر تم چاہو تو روم بھی شئیر کرسکتی ہو بشرط یہ کہ تم اسے جھلے کا ہاتھ ہمیشہ کے لئے تھام لو۔۔۔۔ عائش نے شارق کی آنکھیں دکھانے کے باوجود بات مکمل کی تو اریشہ جھینپ گئی۔۔۔۔

مم۔میں آتی ہوں ۔۔۔ وہ بھاگ کر روم میں بند ہوگیی۔۔۔۔ عقب میں سب کے قہقہے گھونجنے لگے۔۔۔۔

کیا ضرورت تھی ابھی بتانے کی۔۔۔ شارق نے خفگی سے منہ پھلایا۔۔۔۔۔

اچھے کام میں دیری نہیں کرنی چاہیے برو۔۔۔۔ کیا پتا پاکستان جاکر کہیں اور دل نا لگا بیٹھے ۔۔۔۔۔ عایش نے اسکی دکھتی رگ چھیڑی۔۔۔۔

اللہ نا کرے۔۔۔۔ شارق کے منہ سے بے ساختہ نکل گیا۔۔۔۔۔

میں بابا سے بات کرکے آتا ہوں۔۔۔۔۔ شارق کال ملا کر باہر چلا گیا۔۔۔۔ پیچھے حورم اور عایش اکیلے رہ گئے۔۔۔۔

عائش تم واقعی خوش ہو ۔۔۔۔ حورم نے اپنے موم والا سوال دہرایا ۔۔۔۔

آپکو کیا لگتا ہے۔۔۔۔۔ سوال پر سوال اٹھایا ۔۔۔۔۔

تم میرے سمجھ سے باہر ہو۔۔۔۔ انفیکٹ سب کی یہی سوچ ہے۔۔۔ تمہیں سمجھنا ناممکن ہے۔۔۔۔ حورم نے صاف گوئی سے کام لیا۔۔۔۔۔

چلو میرا تو آپکو پتہ ہے۔۔۔ اپنے بارے میں بتائیں۔۔۔ آپ خوش ہے۔؟؟؟؟۔۔ عایش نے جانچتی نظروں سے اسے دیکھا۔۔۔۔۔۔

ہاں۔۔۔۔ یک لفظی جواب دیا ۔۔۔۔

کتنا۔۔۔۔ عایش اسکے قریب ہوگیا بس ایک انچ کے فاصلے پر اور اس کے ہونٹوں پر انگلی پھیر کر آنکھوں کے قریب لے ایا۔۔۔۔۔

لپ اسٹک نہیں لگائی میں نے۔۔۔ نیچرل ہے ۔۔۔۔۔ اتنا تو وہ جان گئی تھی کہ اسے بناؤ سنگھار پسند نہیں۔۔۔۔

جواب ۔۔۔۔۔۔۔۔۔ عائش منتظر تھا ۔۔

کتنے کا پتہ نہیں بس اچھے لگتے ہو بہت۔۔۔۔۔ حورم کی پلکیں حیا سے جھک گئی۔۔۔۔۔۔

پاپا کو آپ نے بتایا تھا۔۔۔۔۔ حورم نے جھٹکے سے سر اوپر اٹھایا ۔۔۔۔۔۔

نن۔نہیں۔۔۔۔ قسم سے میں نے پاپا کو کچھ نہیں بتایا۔۔۔۔ حورم کا پورا جسم ٹھنڈا پڑ گیا۔۔۔۔

تو پاپا نے کیا سوچ کر اتنا بڑا ڈیسیجن لیا۔۔۔۔۔ وہ کیسے بھول گئی تھی کہ عائش پوچھ سکتا ہے۔۔۔۔۔

ڈڈ۔۔ڈیڈ نے کہا تھا ان سے۔۔۔۔ حورم نے لب باہم پیوست کردیے ۔۔۔۔۔

اور ڈیڈ کو کس نے بتایا۔۔۔۔ اسکی ٹھوڑی کو اوپر اٹھا کر اسکے بند آنکھوں پر پھونک ماری ۔۔۔۔

حورم نے نفی میں سر ہلایا ۔۔۔۔۔

ابھی میں نے کچھ دیکھا تھا ویڈیو کال کے دوران۔۔۔۔۔ عائش کی انگلی اسکے گلے میں موجود چین پر آکر رکی ۔۔۔۔۔

کک۔۔ کیا۔۔۔؟؟؟ دھک دھک کرتے دل کو قابو میں رکھنے کی کوشش کی۔۔۔۔۔۔

میری پورٹریٹ ۔۔۔۔ آپ نے بنائی تھی۔؟؟؟۔۔۔۔ وہ جھک کر کوئی گستاخی کرنے لگا تھا کہ حورم نے اس کے سینے پر ہاتھ رکھ کر اسے دور کر دیا۔۔۔۔

ہم روم میں نہیں ہیں۔۔۔۔ گھر میں اور بھی لوگ موجود ہیں۔ ۔۔۔۔ اور ہاں میں نے بنائی تھی فوٹو۔۔۔۔۔ سختی سے مٹھیاں بھینچ کر خود کو کمپوز کیا۔۔۔۔

کب بنائی تھی۔ ؟؟؟؟ اور وجہ پوچھ سکتا ہوں کیوں بنائی تھی۔۔۔؟؟؟

جب تم ہاسٹل شفٹ ہوگئے تھے تب ۔۔۔۔ اور وجہ مجھے خود نہیں پتہ ۔۔۔۔۔

ویسے کافی مشکل سے بنا ہوگا نا ۔۔۔۔ جبکہ میں پاس بھی نہیں تھا۔۔۔اتنا پرفیکٹ سکیچ تب بنتا ہے جب بندہ پاس موجود ہوتا ہو۔۔۔ یا پھر کسی کا ایک ایک نقش زبر زیر یاد ہو۔۔۔۔عائش واقعی اس کی سوچ سے بھی ذیادہ الجھا ہوا اور گہرا انسان تھا۔۔۔۔۔

میرے ہاتھوں میں پلے بڑھے ہو تم۔۔۔ سالوں سے نظروں کے سامنے۔۔۔۔اور بلکل ٹھیک سوچا تم نے۔۔۔۔خفظ ہوچکے ہو تم مجھے ۔۔۔۔ ماتھے پر پسینے کے ننھے ننھے قطرے چمک رہے تھے۔۔۔۔

یہ پسینہ کیوں آرہا ہے آپ کو۔۔۔ وہ بھی اتنی ٹھنڈ میں ۔۔۔۔ دو صورتوں میں ہوتا ہے ایسا ۔۔۔۔ ایک جب کوئی جھوٹ بولتا ہو تب۔۔۔۔ دوسرا کوئی بات چھپاتا ہو ۔۔۔۔ آپ ہی بتائیں ۔۔۔۔۔

کیا سننا ہے تمہیں۔۔۔۔۔حورم بدستور نظریں چرا رہی تھی ۔۔۔۔۔

جو آپ چھپانے کی کوشش کر رہی ہیں۔۔۔۔ عائش اسے کرید رہا تھا۔۔۔۔

ڈیڈ پیار کرتے ہیں تم سے۔۔۔۔ ان کی فرمائش تھی۔۔۔۔ اس میں ہمت نہیں تھی حقیقت بتانے کی۔۔۔۔

ہمممم۔۔۔۔ مطلب ڈیڈ کی بیٹی نے صرف انکی فرمائش پوری کی ہے۔۔۔۔ مجھے ایویں ہی خوش فہمی ہوگئی تھی۔۔۔۔ عائش نے تیوری چڑھائی ۔۔۔۔۔

اوکے میں ابیان بھائی کو لینے جارہا ہوں۔۔۔ آپ لوگ کسی کے لئے ڈور اوپن مت کرنا اور ابھی نورین اجائے گی وہ ہیلف کروادے گی صفائی کرنے میں۔۔۔

جی۔۔۔۔۔

^^^^^^^^^^^^^^^^^^^^^

موم پلیز مان جائے آپ۔۔۔۔ وہ بے سہارا بچی کہاں جائے گی۔۔۔ ہمارے گھر کی عزت ہے وہ۔۔۔۔ اگر خدا نخواستہ کسی دشمن کے ہتھے چڑھ گئی تو ۔۔۔۔ باقی کے الفاظ ایان کے خلق میں معدوم ہوگئے۔۔۔۔

جب سے ابیان گیا تھا اریشہ کو لینے آیان مسلسل دلیلیں دےکر اپنے ماں کو منانے کے لیے جتن کر رہا تھا مگر وہ مکمل انکاری تھی۔۔۔۔ کچھ بھی سننے کو تیار نہیں تھی۔۔۔۔

ایزل نے اسکے کندھے پر ہاتھ رکھ کر اسے اشارہ دیا تو وہ کمرے سے باہر نکل ایا۔۔۔۔

آپ خود کو ٹینشن مت دیے پلیز۔۔۔۔ کوئی عورت یہ گوارا نہیں کرتی کہ اسکا شوہر اسکے ساتھ محبت میں کسی کو شراکت دار بناییں۔۔۔ آپ موم کو ٹائم دے وہ ابھی تک صدمے سے نہیں نکلی۔۔۔۔ ادینہ آنٹی نے بولا ہے نا وہ اپنے پاس رکھ لے گی اریشہ کو ۔۔۔۔ جب موم کی حالت سمبھل جائے گی ہم اسے لے آئیں گے۔۔۔۔

یار سمجھ نہیں ارہا۔۔۔۔ بھائی ہوکر اتنے بے بس ہیں ہم۔۔۔۔ اتنے بے غیرت ہیں ہم کہ وہ معصوم بچی پردیس میں غیروں کے رحم و کرم پر یتیموں جیسی زندگی جی رہی ہے۔۔۔۔ جس کے سر پر کسی اپنے کا سایہ نہیں۔۔۔نا باپ کی شفقت ملی اسے نا ماں کی ممتا بھری آغوش۔۔۔ اور نا کوئی لاڈ اٹھوانے والا بھائی ملا۔۔۔در بدر بھٹک رہی ہے۔۔۔۔ موم کیوں نہیں سمجھ رہی۔۔۔ ایان نے بالوں کو مٹھیوں میں جھکڑ لیا۔۔۔۔۔

میں سمجھ سکتی ہوں۔۔۔۔ مگر موم کی کنڈیشن ٹھیک نہیں ۔۔۔ ہم ان سے ملنے جائیں گے انکی محرومیوں کا ازالہ تو خیر نہیں کرسکتے مگر کوشش کریں گے کہ انکو وہ سب رشتے لوٹا دے جو اسکے ہوکر بھی اسے نہیں ملے تھے۔۔۔۔ ایزل نے اسکا سر اپنے کندھے پر رکھ لیا اور اسکو ریلیکس کرنے کے لئے بالوں میں انگلیاں چلانے لگی ۔۔۔۔ جس سے وہ تھوڑا پرسکون ہوگیا۔۔۔۔۔

^^^^^^^^^^^^^^^^^^

باجی آپکے بھائی اور بھابھی چلے گئے؟؟؟؟ نورین برتن دھو رہی تھی اور حورم ساتھ بیٹھی دوپہر کے کھانے کی تیاری کر رہی تھی۔۔۔۔

ہاں صبح گئے ہیں۔۔۔

اور یہ باہر لڑکی کون ہے؟؟؟

یہ عائش کی کزن ہے۔۔۔۔ اسکا بھائی لینے آرہا ہے جارہی ہے ان کے ساتھ ۔۔۔۔ حورم جلدی جلدی ہاتھ چلا رہی تھی ساتھ ساتھ نورین کے سوالوں کے جواب بھی دے رہی تھی۔۔۔۔ رات کو بھی نہیں سوئی تھی ۔۔۔۔ طبیعت میں سستی عود آئی تھی۔۔۔۔

اچھا ۔۔۔۔۔ نورین صفائی پسند تھی پھرتی سے ہر کام کرتی تھی ۔۔۔

نورین تم تھوڑا ریسٹ کرو تھک گئی تم۔۔۔ حورم نے کچن کو توصیفی نظروں سے دیکھ کر اسے داد دی۔۔۔۔

نہیں باجی۔۔۔۔ مجھے اچھا لگتا ہے آپکے ساتھ باتیں کرتے ہوئے۔۔۔۔ تھکاوٹ کا احساس ہی نہیں ہوتا۔۔۔۔

مین ڈور ان لاک ہونے کی آواز آئی تو حورم نے جلدی سے اسکارف ٹھیک کرلیا۔۔۔عایش لوگ ابیان کو لیکر آچکے تھے۔۔۔۔

اسلام وعلیکم ۔۔۔۔ حورم نے نورین کو فریش جوس بنانے کا کہا اور کچن سے نکل کر سلام کیا ۔۔۔۔

وعلیکم السلام ۔۔۔۔ کیسی ہو حورم۔۔۔

میں ٹھیک الحمد للّٰہ ۔۔۔۔

شارق نورین کی ہلف کرو تم۔۔۔ میں اریشہ کو لیکر آتی ہوں۔۔۔ حورم نے شارق کو منظر سے ہٹایا۔۔۔۔۔

وہ اریشہ کو لیکر باہر نکلی۔۔۔۔ تو اپنے سامنے عائش کی طرح ایک مضبوط قد کاٹ اور وجیہ چہرہ لئے اپنے بھائی کو حیرت سے گنگ دیکھنے لگی۔۔۔۔

اریشہ یہ ابیان تمہارے بھائی۔۔۔۔ عایش نے اسکا سکتہ توڑا ۔۔۔ وہ قریب آنے سے ہچکچا رہی تھی۔۔۔

ادھر آجاؤ گڑیا۔۔۔ بھائی کے پاس ۔۔۔۔ مقابل کی نرمی اور محبت سے باہیں واہ کئے تو وہ بھاگ کر گئی اور اس کے چوڑے سینے سے لگی ۔۔۔۔۔ ایک دم ایک مضبوط تحفظ اور سائبان کا احساس ہوا تو وہ پھوٹ پھوٹ کر رونے لگی۔۔۔۔۔۔ کچھ آنسو ابیان کی آنکھوں سے بھی ٹوٹ پڑے۔۔۔۔

میں سمجھتی تھی اللّٰہ کو مجھ سے پیار نہیں ہے اسلئے ماں باپ کا سایہ سر سے اٹھا لیا۔۔۔ہر وقت گلہ کرتی تھی ۔۔۔۔ مگر اللہ تو بہتر کی جگہ بہترین سے نوازتا ہے۔۔۔ مجھے بدلےمیں آپ سب دے دیے۔۔۔۔ اب میں اللہ سے ناراض نہیں ہوں گلہ بھی نہیں کروں گی۔۔۔۔ وہ رو رو کر اپنی دل کی تکلیف بیان کر رہی تھی۔۔۔۔

ابیان نے اس کے سر پر بوسہ دیا۔۔۔۔ دل کو ٹھنڈک ملی۔۔۔۔ ایک بہن کا بھائی ہونا بھی ایک انوکھا احساس ہوتا ہے یہ آج اسے اچھے سے سمجھ اگیا۔۔۔۔

میں آگیا ہوں نا سب ٹھیک ہو جائے گا۔۔۔۔ اس نے تسلی دی۔۔۔۔۔

موم مجھ سے خفہ ہے نا۔۔۔ میں اسے منا لوں گی۔۔۔۔ آنسو پونچھتی وہ بولی تو ابیان کو بلکل چھوٹی بچی لگی۔۔۔۔

ان شاءاللہ ۔۔۔ ہم ملکر منا لیں گے۔۔۔ اتنی پیاری بیٹی سے وہ زیادہ دیر تک ناراض نہیں ہوں گی۔۔۔ مان جائے گی۔۔۔۔

شارق جوس لے آیا ۔۔۔۔ تو کن اکھیوں سے اریشہ کو دیکھا جس کے چہرے پر خوشی کے ہزاروں رنگ تھے۔۔۔۔

ہاں عائش سٹڈی کیسی جا رہی ہے۔۔۔

فرسٹ کلاس ۔۔۔۔

گڈ۔۔۔۔۔ اور میریڈ لائف ۔۔۔۔ اتنی جلدی سب کچھ ہوگیا ابھی تک ہمیں یقین بھی نہیں ہورہا کہ ہم سے سات سال چھوٹے بھائی کی شادی ہوگئی اور ہم ابھی تک کنوارے ہیں۔۔۔ ابیان اپنے مخصوص شرارتی لہجے میں بول رہا تھا ۔۔۔۔

ویسے یہ سہولت محض عائش فاروقی کے لئے درکار تھی ۔۔۔ اللہ کی خاص کرم نوازی ہے مجھ پر۔۔۔ پہلی بار عائش نے کسی سے لمبی بات کی۔۔۔ ورنہ وہ ہمیشہ دولفظی بات کرتا ۔۔۔۔

یہ عائش آپ سے سات سال چھوٹا ہے۔۔۔۔اریشہ کو یقین نہیں ہورہا تھا۔۔۔۔

بلکل۔۔۔ اس کی باڈی پر مت جا۔۔۔ یہ صارم انکل سے ورثے میں ملی ہے اسے۔۔۔۔۔ ویسے میں نے بھی ان سے انسپائر ہو کر اسکی فیلڈ کو چنا تھا۔۔۔۔ ابیان کا لہجہ صارم کے لئے ستائش اور احترام سے کھوٹ کھوٹ کر بھرا ہوا تھا۔۔۔۔۔

بھائی آپ فریش ہو جائے ہم کھانا لگاتے ہیں۔۔۔ آپ نے اتنی جلدی ریٹرن ٹکٹ اوکے کیا تھا۔۔۔ ایک دن تو رک جاتے۔۔۔۔ شارق اریشہ کے جانے سے اداس تھا۔۔۔۔

ہاں یار بٹ چھٹی مشکل سے ملی ۔۔۔ اور موم کا تو تم لوگوں کو پتہ ہے مینٹلی ڈسٹرب ہے۔۔۔ تم لوگ کھانا لگاؤ میں آتا ہوں۔۔۔۔۔

^^^^^^^^^^^^^^^^^

اوے مجنون کی اولاد کب تک سوگ منائے گا محبوبہ کے جانے کا۔۔۔۔ شارق جو اریشہ کے جانے سے کافی افسردہ تھا اسے ایک جگہ پر ٹکتے دیکھ کر عائش نے چھیڑا۔۔۔۔۔

اپنی باری بھول گیا تو۔۔۔۔ کیسا سلگ رہا تھا ۔۔۔۔ بجائے مجھ سے ہمدردی دکھانے طعنے مار رہے ہو۔۔۔ شارق نے اسے شرمندہ کرنا چاہا۔۔۔۔۔

ہاں تو آگیا نا ہمدردی جتانے ۔۔۔ تمہیں رونے کے لئے اپنا یہ سپیشل کندھا فراہم کرنے۔۔۔۔ عائش نے امڈنے والے قہقے کا گلہ دبایا۔۔۔۔

تجھ سے تو اظہار تک نہیں ہوا۔۔۔۔ کم از کم محبت کے دو بول تو بول لیتے ۔۔۔۔ میرے ساتھ رہ کر بھی کچھ نہیں سیکھا۔۔۔۔ عائش نے ڈھیٹ پن سے فرضی کالر جھاڑے۔۔۔۔۔

سو ڈھیٹ مرے ہوں گے جب تو نے جنم لیا ہوگا۔۔۔۔ یہ تو میرا جگر بڑا تھا جو تجھ جیسے کمینے کو برداشت کرتا رہا۔۔۔۔ شارق نے کچھ زیادہ دل پر لیا تھا۔۔۔۔۔۔

ویسے صاف صاف بولنے میں کیا حرج ہے کہ تم مجھ سے پیار کرتے ہو۔۔۔ عایش اسے زچ کرنے پر تلا ہوا تھا ۔۔۔۔۔

اوئے ہیلو۔۔۔۔۔ میں بلکل پیور مرد ہوں۔۔۔۔ اب تم اتنے بھی ہینڈسم نہیں ہو کہ میں تم پر مر مٹو۔۔۔۔ بڑا آیا اپنے منہ میاں مٹھو ۔۔۔۔۔ اندر تمہاری بیگم موجود ہے یہ واہیات باتیں سن لی تو تمہیں منہ بھی نا لگائیں۔۔۔۔۔

ہاہاہاہاہاہاہا ۔۔۔۔ تیر نشانے پر لگ گیا۔۔۔۔۔ وہ شارق کا دھیان ہٹانا چاہتا تھا اور کامیاب بھی ہوا تھا۔۔۔۔۔ ویسے میری بیوی منہ کہاں لگاتی ہے مجھے ۔۔۔۔ ہم تو سمندر کے کنارے رہ کر بھی پیاسے ہیں ۔۔۔۔ عائش نے دہائی دی۔۔۔۔۔

ایکٹنگ کی دکان۔۔۔۔ شارق اٹھ کر چائے بنانے لگا۔۔۔۔ حورم کو انہوں نے سونے کے لئے بھیج دیا۔۔۔۔ تھکاوٹ سے چور ہورہی تھی۔۔۔۔۔ رات کا کھانا بھی عائش نے باہر سے منگوایا تھا۔۔۔۔۔

یار حورم سے اتنا کام مت کروایا کرو۔۔۔ وہ عادی نہیں ہے۔۔۔ گھر میں تو تمہارے موم اور مما کچن خود سمبھالتے تھے۔۔۔۔ باقی ماموں کے لیے ملازمین تھے۔۔۔۔ اوپر سے کل رات تمہاری وجہ سے وہ سوئی نہیں۔۔۔ شارق نے چائے کا کپ اسے پکڑواکر کہا۔۔۔۔۔

میں نے کب فورس کیا ہے اسے کام کرنے کے لئے۔۔۔ پہلے وہ تو نہیں تھی تب بھی ہم سب کچھ کر لیتے تھے نا۔۔۔۔ اب بھی کھانا باہر سے منگوایا کریں گے۔۔۔ برتن دھونے اور صفائی کرنے میں نورین ہاتھ بٹاتی ہے ۔۔۔۔۔ اب انکو خود گھرداری کرنے کا شوق چڑھا ہے تو میں کیا بول سکتا ہوں ۔۔۔۔۔ بائے دا وے میں بتا دوں گا۔۔۔۔ عائش کپ ٹیبل پر رکھ کر کھڑا ہوا۔۔۔۔۔

^^^^^^^^^^^^^^^^^^