Anokhi Muhabbat Season 2 By Rimsha Khan Readelle50283 Anokhi Muhabbat Season 2 (Episode 12)

Anokhi Muhabbat Season 2 By Rimsha Khan

آپی آپ سوچ لے ایک بار پھر ۔۔۔ آپکو بھائی کے غصے کا بھی پتہ ہے ۔۔۔ پاپا اور ڈیڈ کا بھی۔۔۔۔

وہ ابھی ابھی یوکے پہنچی تھی جس ہوٹل میں ایگزیبیشن کے لئےآئے ہوئے لوگوں کا سٹے تھا ۔۔۔وہ بھی ادھر ہی تھی ۔۔۔۔عائز خوفزدہ تھا اسکے فیصلے سے۔۔۔۔۔

سوچ لیا ہے میں نے۔۔۔ حورم بھی ضد کی پکی تھی۔۔۔۔۔

عائز نے توصیفی نظروں سے خود سے آٹھ سال بڑی اپنی بہن جیسی کزن کو دیکھا جو کہی سے بھی 27 کی نہیں لگ رہی تھی۔۔۔۔

حوبصورت ترین لڑکی تھی وہ۔۔۔۔ اسکے پاپا کی طرح گرین ائیز۔۔۔ سرخ و سفید کلر جو کسی بھی آرائش سے پاک تھا۔۔۔۔ ڈیڈ جیسی ناک۔۔۔ بال اسکے کسی نے بھی نہیں دیکھے تھے کیونکہ وہ ہمیشہ اسکارف سے اپنے بالوں کو کور رکھتی تھی۔۔۔۔۔اس کے آنکھوں میں حورم کے لئے ستائش تھی۔۔۔۔اور اپنے بھائی کی بدقسمتی پر افسوس۔۔۔۔۔۔ایک سے بڑھ کر ایک لڑکی اسے انکار نہیں کورتی اگر وہ نظر اٹھا کر دیکھتا۔۔۔۔۔

ایسے کیا دیکھ رہے ہو ۔۔۔۔ حورم نے اسے خود کو ٹکٹکی باندھے دیکھا تو پوچھ لیا ۔۔۔۔۔

یار پہلی دفعہ روبرو ملا ہوں آپ سے۔۔۔ دیکھ تو لینے دیں نا میرے پاپا کی بیٹی کو۔۔۔۔

حورم نے مسکرا کر اسے گلے لگایا ۔۔۔۔ اور اسکے گال پر پیار کیا۔۔۔۔

میں اب چلتا ہوں ۔۔۔۔ بھائی سے ملنے جانا ہے ۔۔۔۔۔اگر کسی چیز کی ضرورت ہو تو کال دینا۔۔۔۔۔عائز جانے لگا۔۔۔

اچھا ٹھیک ہے تم جاؤ۔۔۔۔۔

وہ وہاں سے ڈائریکٹ عائش کے فلیٹ پر آیا۔۔۔۔

آس کے پاس دوسری چابی موجود تھی۔۔۔ شارق باہر گیا تھا۔۔۔ وہ سمجھا شارق واپس آیا ہوگا

۔۔۔

اسلئے سابقہ پوزیشن میں بیٹھ کر اسموکنگ کرنے لگا۔۔۔ اور دوسرے ہاتھ میں موبائل پکڑے حورم کی برتھڈے ویڈیو پلے کی تھی۔۔۔۔ یہاں آکر اس نے سیگریٹ پینا تقریباً کم کیا تھا۔۔۔ مگر جب طلب بڑھ جاتی پی لیتا ۔۔۔۔۔

شارق کے آنے سے اتنی سکون شانتی تو ہر گز نہیں ہوتی۔۔۔ایک احساس کے تحت پلک جھپکتے ہی ہاتھ میں پکڑا سیگریٹ بالکنی سے نیچے پھینک دیا اور موبائل لاک کردیا۔۔۔۔ پیچھے موڑ کر عایز کو دیکھا تو وہ خونخوار نظروں سے اسے تک رہا تھا۔۔۔۔۔

ایک ہی دفعہ میں بتادے آپنے بارے میں تاکہ بار بار نئے نئے طریقوں سے اٹیک ہونے سے بچ جاؤں میں۔۔۔ عایز نے نہایت کڑوے انداز میں پوچھا ۔۔۔۔

ادھر آو تم۔۔۔۔ عائش نے اسے اپنے قریب بٹھایا۔۔۔۔۔

بس کبھی کبھار ہی پیتا ہوں۔۔۔ ورنہ پہلے کبھی دیکھا ہے تم نے ۔۔۔۔

میں نے بے شک دیکھا نہیں ہے اپکو ۔۔۔۔۔۔ مگر شک ہوگیا تھا مجھے۔۔۔ آپکے یہ لپس میری طرح پنک نہیں ہے۔۔۔ مما بولتی تھی نا کہ ہم دونوں میں کافی مشابہت ہے۔۔۔۔ مگر اسموکنگ کی وجہ سے انکا کلر پنک نہیں رہا ۔۔۔ کافی ڈارک ہوگیا ہے۔۔۔۔۔۔ اب میں اتنا بھی بچہ نہیں ہوں۔۔۔۔ عایز نے خفگی سے منہ موڑا۔۔۔۔

عائش اسے دیکھے جارہا تھا۔۔۔۔ اور پھر اسے گلے لگایا ۔۔۔۔

تت۔تم تو یہ پرفیوم یوز نہیں کرتے تھے نا آج یہ سمل ۔۔۔۔ وہ اسے سینے سے لگاتے ہولے سے بولا۔۔۔۔ تو عائز کے دل کی دھڑکنوں میں شور مچ گیا۔۔۔۔ اسکا بھائی یہ خوشبو بھول نہیں سکا ابھی تک۔۔۔۔۔

کیسا سمل بھائی۔۔۔ بظاہر ناسمجھی سے مگر انداز چھیڑنے والا تھا۔۔۔۔

پتہ نہیں بس شائد مجھے ایسا فیل ہوا ہوگا۔۔۔ حورم کے پرفیوم کی سمل۔۔۔۔ اسکا دل انتہائی گہرائیوں میں ڈوب کے ابھرا ۔۔۔۔

ہاہاہاہاہا۔۔ گڈ آپکا مطلب ہے کہ میں ابھی آپکے حورم کو گلے لگا کر آیا ہوں۔۔۔۔ عایز نے مذاق مذاق میں ہی حقیقت بتا دی۔۔۔۔

اب ایسا بھی نہیں بولا میں۔۔۔۔

اتنی محبت کرتے ہیں اس سے اپ۔۔۔۔

محبت۔۔۔۔ مجھے عشق ہے اس سے۔۔۔ محبت نہیں۔۔۔ محبت تو کسی سے بھی ہوسکتی ہے۔۔۔ کسی حوبصورت چہرے سے۔۔۔ کسی کی باتوں سے۔۔۔۔ کسی کے الفاظ سے۔۔۔ بارش سے سمندر سے ۔۔۔۔۔مجھے عشق ہے اس سے ۔۔۔جو ہر کسی سے نہیں ہوتا بس ایک پر شروع ہوکر اسی پر ختم ہوجاتا ہے۔۔۔۔

بھائی آپ بہت ڈیپ ہو کبھی کبھی میرے سمجھ سے بھی باہر ۔۔۔۔۔

پتہ ہے عائش زندگی میں کبھی کبھی ایسے موڑ بھی آتے ہیں کہ ہمیں جان سے عزیز رشتوں اور لوگوں کی خوشیوں کے لئے خود کو دربدر کرنا پڑتا ہے۔۔۔ اگر میں وہاں رہتا نا تو خود پر کنٹرول نہیں رکھ پاتا۔۔۔۔ رشتوں کے ساتھ ساتھ اپنے سپنوں کو بھی خیرباد کہتا ۔۔۔

بھائی مجھے جیلسی فیل ہورہی ہے آپی سے۔۔۔ میری جگہ کہاں ہے؟؟؟؟

تم میں سانسیں بسی ہے میری۔۔۔ تمہارے ساتھ رہ کر اس کی یاد کم آتی ہے۔۔۔۔۔

یہ آپ خود کو دھوکہ دے رہے ہیں۔۔۔۔ آپ ایک لمحے کے لئے بھی اسکی یادوں سے غافل نہیں ہوئے ہیں اور ثبوت یہ ہے۔۔۔۔ اسکے ہاتھ میں پکڑے موبائل کی طرف دیکھ کر اشارہ کیا۔۔۔۔۔ جہاں اس نے ویڈیو دیکھی تھی۔۔۔۔

^^^^^^^^^^^^^^^^^^^^^

یہ کوئیسچن سمجھا دے ۔۔۔ حبا اس کے پاس بیڈ پر بیٹھ گئی اور بک اسکے سامنے رکھ دی۔۔۔ وہ جو لیپ ٹاپ پر مہارت سے انگلیاں چلا رہا تھا۔۔۔ سر اٹھا کر اسے دیکھنے لگا۔۔۔۔ جس نے شارٹ بلیک شرٹ جس پر ملٹی کلر کی ایمبرائیڈری ہوئی تھی بلیک کیپری پہن رکھی تھی۔۔۔۔ بالوں کی اونچی چوٹی بنائی تھی۔۔۔ جس میں اس کی شفاف گردن پر پہنا ہوا چین جو ارمغان نے ہی لاکر دیا تھا واضح دکھ رہا تھا۔۔۔۔

اس نے لیپ ٹاپ سائڈ پر رکھ کر کوئسچن دیکھا اور اسے سمجھانے لگا۔۔۔۔

سمجھ گئی۔۔۔ کچھ وقت بعد پوچھ لیا ۔۔۔۔

جی۔۔۔۔ یہ ٹیچر نے بھی سمجھایا تھا اسی طرح مگر بھول گئی تھی۔۔۔۔

اب تو یاد ہوگا نا۔۔۔۔

ہاں۔۔۔۔ وہ بک اٹھا کر جانے لگی کہ ارمغان نے بک کے اوپر ہاتھ رکھ دیا۔۔۔

اپنا اتنا امپورٹنٹ کام چھوڑ کر تمہیں ٹائم دیا اب مجھے بھی کچھ لمحے دو۔۔۔۔۔

کام امپورٹنٹ تھا اور بیوی؟؟؟؟ حبا نے لڑاکا بیویوں کی طرح گھور کر دیکھا۔۔۔۔۔

بیوی بنی کب ہو تم ۔۔۔۔۔ ورنہ میری پرییورٹی تم ہی ہو۔۔۔۔۔

م۔مم۔میں ۔۔۔۔ وہ کچھ بولنے لگی تھی کہ ارمغان نے ہاتھ بڑھا کر اسے اپنے قریب کردیا۔۔۔۔۔تو حبا نے اسکے سینے پر دونوں ہاتھ رکھ کر فاصلہ بنائے رکھا۔۔۔۔ اس کا فوکس گردن ہی تھا۔۔۔۔ مگر چوٹی کے بالوں نے آگے آکر دیوار حائل کردی تھی۔۔۔۔ گردن سے بال ہٹا کر چین کو ٹریس کررہا تھا کہ موبائل رنگ ہوا۔۔۔۔

رخ موڑ کر سائڈ ٹیبل پر رکھے گئے فون کو دیکھا تو” ارمان کالنگ” سکرین پر جگمگا رہا تھا۔۔۔۔

نام حبا نے بھی دیکھ لیا تھا۔۔۔ جہاں ارمغان کے ماتھے پر شکنوں کا جال بن گیا وہی حبا کے ہونٹوں پر ایک دلفریب مسکراہٹ ابھری۔۔۔۔

ویسے مجھے یہ سوتن زہر سے کم نہیں لگتا لیکن کبھی کبھی یہ کافی سمجھداری کا ثبوت دیتا ہے۔۔۔۔ حبا پر اسکی گوفت نرم پڑ گئی تو اس نے پھرتی سے اسکے حصار سے خود کو آزاد کردیا۔۔۔۔

کمینے انسان۔۔۔ تمہیں بولا بھی تھا کہ اب میں شادی شدہ ہوں تو ٹائم دیکھ کر فون کیا کرو۔۔۔۔ دانت چبا کر کہا۔۔۔

اوہہہ لگتا ہے۔۔۔۔ ارمغان دی گریٹ کے رومینس میں کباب میں ہڈی بن گیا یہ معصوم سا بندہ۔۔۔ اب مجھے الہام تھوڑی ہوا تھا کہ تم ۔۔۔۔۔

بکو اب۔۔۔ ترشی سے اس کی بات کاٹ کر کہا۔۔۔۔۔

فارن سے جو ڈیلیگیشن آیا ہے۔۔۔۔ اسکے ساتھ کل 9 بجے آپکی میٹنگ ہے۔۔۔۔ لوکیشن میں نے آپکو بھیج دی ہے۔۔۔۔ اور ان کی فایل آج چیک کرکے تیار رکھے۔۔۔۔۔

کر رہا تھا ابھی وہی۔۔۔۔۔ ارمغان نے ایک نظر صوفے پر بیٹھی حبا پر ڈالی جو اسے ہی شرارتی نظروں سے دیکھ رہی تھی ۔۔۔۔۔

مجھے تو کچھ اور لگ رہا تھا ۔۔۔۔۔ جتنا تمہارا جلتا بھنتا انداز تھا ۔۔۔۔ ارمان ڈھیٹ پن سے بولا۔۔۔

ہاں جو بدقسمتی سے تمہاری وجہ سے نہیں کرپایا۔۔۔۔ ہاتھ سے نکل گیا۔۔۔۔۔

ہاہاہاہاہاہا۔۔ ہائے بے چارہ۔۔۔۔ کتنی دفعہ سمجھایا تھا۔۔۔۔ تمہاری مسز باوری بادل کی طرح ہے۔۔۔۔ آسانی سے ہاتھ نہیں آئے گی۔۔۔ مگر تم پر تو عشق کا بھوت سوار تھا نا۔۔۔ اب بھگتو ۔۔۔۔۔ ارمان کی آواز سپیکر سے باہر آرہی تھی۔۔۔۔۔

اس کی آواز سن کر وہ سرعت سے ارمغان کے قریب آئی اور جھٹ سے موبائل اس کے ہاتھ سے لیکر کان سے لگایا۔۔۔۔۔

اور آپکی یہ چھچھوروں والی حرکتیں بتا رہی ہے کہ آپ کنوارے ہی مریں گے ۔۔۔۔۔ میرے ہسبنڈ کو الٹی سیدھی پٹیاں پڑھا دی تو دیکھ لوں گی آپ کو۔۔۔۔ اور کال ڈسکنکٹ کردی۔۔۔۔۔

آپ ان سے دور رہے۔۔۔۔ مجھے رتی برابر بھروسہ نہیں اس پر ۔۔۔۔۔

واٹ۔۔۔۔ اب مرد ہوکر مرد سے بھی دور رہوں گا۔۔۔ لڑکی تو نہیں ہے وہ۔۔۔۔۔ اور تم کون سا گھاس ڈالتی ہو مجھے۔۔۔۔۔

اس نئے لاجک پر تو وہ آنکھیں پھاڑے اپنی بیوی کو دیکھتا رہا جو پل بھر میں رنگ بدلتی رہتی ۔۔۔۔

تم ادھر آو۔۔۔ بات کرنی ہے تم سے۔۔۔۔ ارمغان کے آنکھوں کے بدلتے رنگ سے اسے خوف آنے لگا۔۔۔

نن۔نہیں آرہی میں۔۔۔۔۔ حبا اٹک اٹک کر بولی۔۔۔

حبا ۔۔۔۔ آواز میں تنبیہہ تھی۔۔۔۔۔

وہ جھجھکتے ہوئیں قریب آکر بیٹھ گئی۔۔۔۔۔ دل الگ دھڑلے سے دھڑکنے لگا۔۔۔۔ ارمغان نے ہاتھ پیچھے لے جاکر اسکے بال کھولنے چاہے تو حبا نے ڈر کر اسکا ہاتھ جھٹک دیا۔۔۔۔۔سارے جذبات جھاگ کی طرح بیٹھ گئے۔۔۔۔۔

یہ رومینس کا پریکٹس مجھ پر مت کر آپکی بیوی اپ کے جذبات کا ستیا ناس کرنے والی ہے۔۔۔ لکھ لے۔۔۔۔ برس پہلے کہے گئے عائش کے الفاظ ساعتوں میں پگھلے سیسے کی طرح گرنے لگے ۔۔۔۔۔

ارمغان نے متغیر آنکھوں سے برہم ہوکر اسے دیکھا۔۔۔۔۔ تو وہ خود بھی اپنے حرکت پر شرمندہ ہوگئی ۔۔۔۔۔

اٹھو۔۔۔۔۔۔وہ کرخت لہجے میں دھاڑا۔۔۔۔۔

م۔مم۔۔غلطی سے ہوگیا۔۔۔۔۔۔ وہ منمنائی ۔۔۔

لیپ ٹاپ اٹھا کر وہ ڈریسنگ روم میں گھس گیا اور دھڑام سے دروازہ بند کردیا ۔۔۔۔

حبا دونوں ہاتھوں میں چہرہ چھپا کر پھوٹ پھوٹ کر رو دی۔۔۔۔۔ اور پھر وہ ساری رات ڈریسنگ روم میں ہی رہا اور حبا نے روم میں ہی بیٹھ کر جاگتے ہوئے رات گزاری ۔۔۔۔۔۔

^^^^^^^^^^^^^^^^

حبا بیٹا۔۔۔۔ تمہاری طبیعت ٹھیک ہے۔۔۔۔

کھلتی ہوئی حبا جو ہر وقت چڑیوں کی طرح چہچہاتی ۔۔۔ ایسی بجھی بجھی دیکھ کر صارم نے س کے قریب آکر پوچھا تو وہ اسکے سینے سے لگ کر رو دی۔۔۔۔۔

ارے کیا ہوا۔۔۔ کسی نے کچھ نے کہا ہے میری بچی سے۔۔۔ ارمغان نے کچھ کہا ہے میں ابھی اس کو سیدھا کرتا ہوں ۔۔۔۔وہ آج چھٹی پر تھا ۔۔۔ ادینہ کی طبیعت ٹھیک نہیں تھی اسے آج ڈاکٹر کی پاس لیکر جارہا تھا لیکن ہال میں حبا کو اس طرح پریشان دیکھ کر وہ اس کے پاس چلا آیا ۔۔۔۔

کیا ہوا ہے اسے۔۔۔ حنا اور ادینہ بھی روم سے باہر نکلی ۔۔۔۔۔

میں گئی تھی صبح اس کو اٹھانے مگر اس نے کہا میرے سر میں درد ہے کالج نہیں جاؤں گی۔۔۔ حنا اس کے ساتھ بیٹھ گئی۔۔۔۔

پاپا وہ۔۔۔۔اس نے مجھ پر غصہ کیا ۔۔۔۔ اور پھر سے ہچکیوں میں رونے لگی ۔۔۔۔

آنے دو اس کو گھر۔۔۔۔ اس کے کان کھینچ لینے ہیں میں نے۔۔۔۔صارم نے اس کے آنسو صاف کرکے بولا۔۔۔۔ تم جاکر ناشتہ کرو ۔۔۔۔ ہم ڈاکٹر کے پاس جاتے ہیں پھر شام کو میں نے اچھی خاصی ڈسٹنگ کرنی ہے تمہاری شوہر نامدار کی۔۔۔۔

اسکی ہمت دیکھو میری بچی کو رلا دیا۔۔۔۔

جی۔۔۔۔ وہ روم میں گئی فریش ہونے ۔۔۔۔۔

^^^^^^^^^^^^^^^^^^^

ارمغان تم نے حبا کو ڈانٹا تھا۔۔۔۔ وہ لوگ ڈنر کرکے فارغ ہوگئے تو صارم نے کاٹ دار نظروں سے اسے گھورا ۔۔۔۔ تو اس نے سرد تیوروں سے حبا کو دیکھا۔۔۔۔ اس کی آنکھیں سوجھی ہوئی تھی۔۔۔۔

نن۔نہیں۔۔۔۔یک لفظی جواب ایا۔۔۔۔

تو یہ سارا دن بغیر کسی وجہ کے روتی رہی۔۔۔۔ حنا نے غصہ دباتے اسے دیکھ کر پوچھا۔۔۔۔۔۔

ہاں دل بھر آیا ہوگا۔۔۔۔ تو رو لیا ہوگا۔۔۔۔۔لاپروائی سے بول دیا۔۔۔۔

ڈیڈ پاپا یہ جھوٹ بولتے ہیں۔۔۔۔ اس نے مجھے ڈانٹا ۔۔۔ مجھ پر چلائے بھی۔۔۔ اور پھر ساری رات مجھے روم میں اکیلا چھوڑ کر ڈریسنگ روم میں گزار دی۔۔ یہ جانتے ہوئے بھی کہ مجھے ان کے بغیر نیند نہیں اتی۔۔۔۔۔۔ میں نے بس غلطی سے۔۔۔۔۔۔۔

وہ روانی میں اپنے ہی بولے جا رہی تھی کہ ارمغان نے اس کر منہ پر ہاتھ رکھا۔۔۔۔۔

باقی سب شرارتی مسکان لئے دونوں کو دیکھ رہے تھے۔۔۔۔

بولنے دو نا اسے۔۔۔۔ادینہ نے چھیڑا۔۔۔۔۔

مما یہ تو پاگل ہے۔۔۔۔ کچھ بھی ۔۔۔۔ آپ تو سمجھے۔۔۔۔ عزت کا جنازہ نکال رہی ہے باپ کے سامنے۔۔۔۔ ارمغان نے ادینہ کے کان میں سرگوشی کی۔۔۔۔۔

مم۔۔میں اس کو مناتا ہوں۔۔۔ اس نے حبا کا ہاتھ پکڑا اور سرعت سے اسے روم میں لے آیا ۔۔۔۔۔ عقب میں قہقہوں کا شور گونج اٹھا۔۔۔۔۔

یہ کیا تھا۔۔۔۔۔ تم میں اتنی بھی عقل نہیں ہے۔۔۔۔ اب اپنی پرائیویسی باہر ڈسکس کروگی ۔۔۔ دودھ پیتی بچی ہو۔۔۔۔ اشتعال انگیز لہجہ تھا۔۔۔۔

آپ پھر مجھے ڈانٹ رہے ہیں ۔۔۔۔ آنکھوں کے کونے بھیگنے لگے ۔۔۔۔۔۔

آف میرے اللّٰہ کہاں پھنسا دیا مجھے۔۔۔۔ کنپٹیوں کی رگیں ابھرنے لگی۔۔۔۔ وہ اپنے غصے کے ابال کو دبانے لگا ۔۔۔۔۔

وہ اس کے ساتھ بیٹھ گئی۔۔۔۔ آئی ایم سوری۔۔۔۔ سرخ ناک سے سوں سوں کرتی اس کے سینے سے لگی۔۔۔۔۔ مجھے آپکے ساتھ سونے کی عادت ہو گئی ہے میں ایک سیکینڈ کے لئے بھی نہیں سوئی۔۔۔۔۔

عائش ٹھیک بولتا تھا تمہارے بارے میں۔۔۔۔۔ارمغان نے اس کے بالوں میں انگلیاں پھیرتے ہوئے کہا۔

کک۔ک۔کیا بولا تھا اس نے۔۔۔۔

کچھ نہیں چھوڑو۔۔۔۔۔

کیا اس نے میری بے وقوفیاں اسے بتائی ہوگی۔۔۔اسے تو سوچ کر ہی موت آنے لگی ۔۔۔۔

اس نے اپکو یہ بولا کہ میں اسے پسند کرتی تھی۔۔۔۔اپنے ڈر کو زبان دے دی۔۔۔۔۔

اسے تو کوئی بھی پسند کرسکتا ہے۔۔۔۔ اتنی بڑی بات تو نہیں۔۔۔۔۔ میں خود بہت چاہتا ہوں اسے۔۔۔۔

آپ سے کوئی رشتہ نہیں بنا تھا اس لئے وہ اچھا لگتا تھا۔۔۔۔ وہ میرا بچپنا تھا۔۔۔۔ مگر اب میں صرف آپ سے پیار کرتی ہوں۔۔۔۔ وہ انجانے میں اظہار کر بیٹھی۔۔۔۔۔۔ ارمغان نے اسکا چہرہ ہاتھ کی پیالے میں بھر کر اسکے بھیگتے آنکھوں کو نرمی سے چھوا۔۔۔۔

چلو تم اپنا کام کمپلیٹ کرو۔۔۔ مجھے آنلائن میٹنگ اٹینڈ کرنی ہے۔۔۔۔ اس کے ماتھے پر لب رکھ کر وہ لیپ ٹاپ اٹھا کر ڈریسنگ روم میں چلا گیا۔۔۔۔۔

اس نے سکھ کا سانس لیا۔۔۔۔ واقعی تم پیار کے حقدار ہو۔۔۔ میں کیسے بھول گئی کہ تم صارم فاروقی کے بیٹے ہو۔۔۔ خوددار ۔۔۔ رشتوں کا تقدس پامال نہیں کرتے۔۔۔۔ خود سے مخاطب ہو کر کہا اور آٹھ گئی۔۔۔۔۔۔

^^^^^^^^^^^^^^^^^^^^

اسے یو کے آئے ہوئے پانچ دن ہوگئے تھے ۔۔۔۔ مگر اس نے ایک بار بھی عائش سے ملنے کی کوشش نہیں کی۔۔۔۔ ابھی بھی وہ ہوٹل سے باہر نکل کر روڈ پر واک کر رہی تھی۔۔۔ گھٹنوں سے نیچے تک لونگ کورٹ پہنے۔۔۔ بالوں کو سرخ سکارف سے کور کرکے وہ عائز کے ساتھ ویڈیو کال پر بزی تھی۔۔۔۔ عایز اس سے ملنے جارہا تھا۔۔۔۔

بس میں نکل رہا ہوں بھائی سے نظر بچا کر۔۔۔۔ وہ نکلنے والا تھا۔۔۔ جیکٹ پہن رہا تھا کہ سکرین پر نظر پڑتے ہی چہرہ سپید پڑ گیا ۔۔۔حورم کے پیچھے سے ایک گاڑی پوری سپیڈ سے آرہی تھی۔۔۔۔

حورم۔۔۔۔۔۔۔۔۔۔ وہ دہشت سے چلایا مگر وہ گاڑی اسے ہٹ کر آگے بڑھ چکی تھی۔۔۔۔۔ وہ خواس باختہ چلایا۔۔۔۔۔

کیا ہوا۔۔۔ شارق اور عائش دونوںاس کی آواز سن کر روم میں آگئے اور اسے پسینے میں شرابور کانپتے دیکھا ۔۔۔۔

بب۔بھائی ح۔حورم آپی۔۔۔۔۔۔۔

حورم کیا۔۔۔۔ شارق نے اسکے سپید پڑتے چہرے پر نظر گاڑتے ہوئے پوچھا۔۔۔۔

و۔و۔وہ یہاں آئی ہے۔۔۔ ایک ہفتہ ہوگیا۔۔۔۔ اآپ کو بتانے سے منع کیا تھا۔۔۔۔ ووہ گاڑی نے اسے ہٹ کیا۔۔۔۔ وہ اٹک اٹک کر ٹوٹے سانسوں سے بولا تو عائش کا سر گھومنے لگا۔۔۔۔۔ شریانیں پھٹنے کے قریب تھی ۔۔۔۔

کک۔کہاں رکی ہوئی ہے۔۔۔۔۔ چلو۔۔۔۔ اسکو ہاتھ سے پکڑ کر اٹھایا ۔۔۔۔

وہ بھاگتے ہوئے جارہے تھے۔۔۔۔ مطلوبہ جگہ پہنچ کر دیکھا تو وہاں کوئی نہیں تھا لوگوں سے پوچھنے پر پتہ چلا کہ کچھ لوگ اسے ہسپٹل لےکر گئے۔۔۔۔۔

عائش کی جان جانے لگی تھی۔۔۔۔اللہ اللہ کرکے وہ لوگ ہسپٹل پہنچ گئے تو اسے ایمرجنسی میں لے جایا گیا تھا۔۔۔ پاکستان سے آے ہوئے کچھ لوگ ساتھ میں تھے۔۔۔۔۔

وہ بے چینی اور بیقراری سے ادھر ادھر ٹہلنے لگا۔۔۔۔ پھر عایز کے سامنے آکر اسکا بازوؤں جھنجھوڑا جو خود سکتے میں کھڑا ہونٹ کاٹ رہا تھا۔۔۔انکھیں رونے کی وجہ سے سرخ ہوگئی تھی ۔۔۔۔۔

تم نے بتایا کیوں نہیں تھا۔۔۔۔ تم ملے تھے نا اس سے ۔۔۔۔اب وہ باقاعدہ دھاڑا۔۔۔۔مٹھی بھینچ کر پورے زور سے دیوار پر ماری۔۔۔۔ آنکھوں سے عجیب سی وحشت ٹپک رہی تھی۔۔۔۔ چہرے کے تاثرات حطرناک خد تک سرد ہوچکے تھے۔۔۔۔ اگر اسے کچھ ہوگیا نا تو تم اپنے بھائی کو ہمیشہ کےلئے کھو دو گے۔۔۔۔۔

نن۔نہیں۔۔اس نے آپکی قسم دی تھی۔۔۔۔ قسم توڑ دیتا تو بھی آپکو کھو دیتا۔۔۔۔ وہ روتے روتے زمین پر بیٹھ گیا۔۔۔۔ شارق اس کے ساتھ ہی بیٹھ کر اسے سنبھالنے لگا۔۔۔۔

عائش بچہ ہے یہ۔۔۔۔شارق نے ڈپٹا۔۔۔۔۔۔

جبکہ عایش پھر سے ایمرجنسی کے قریب ایا۔۔۔۔۔

ایک ڈاکٹر باہر نکلا تو وہ لپک کر اس کے پاس گیا۔۔۔۔۔

ڈاکٹر کیسی ہے وہ۔۔؟؟؟۔۔

شی از فاین۔۔۔ بس گاڑی چھو کر گزری تھی ۔۔۔. گرنے کی وجہ کچھ چھوٹیں آئیں ہے ۔۔۔۔ خوف کیوجہ سے بے ہوش ہوگئی تھی۔۔۔ ابھی روم میں شفٹ کر وارہے ہیں پھر مل لینا۔۔۔۔۔ اس نے تشکرانہ نظریں اوپر اٹھا کر ایک لمبی سانس فضا کے سپرد کی۔۔۔۔۔ پھر عایز کے قریب آیا جو بےسدھ سا زمین پر بکھری حالت میں بیٹھا تھا۔۔۔ اسکو سینے سے لگایا ۔۔۔۔۔۔

آئی ایم سوری۔۔۔۔۔ اسکے سر پر اپنے لب رکھ کر سسکی لی۔۔۔۔۔عایز بغیر کسی ردعمل کے بیٹھا رہا۔۔۔۔۔۔

عایز ۔۔۔۔ اس کو خود سے الگ کرکے پھر پکارا۔۔۔۔

مر گیا عایز۔۔۔۔۔ ایک ایک لمحہ مرا ہوں میں ابھی ۔۔۔ کہ اگر اسے کچھ ہوگیا تو آپکو کھو دوں گا۔۔۔۔ آپ اسکے پیار میں اتنےاندھے ہوگئے ہیں آپنے بھائی کی تکلیف بھی محسوس نہیں کی۔۔۔۔۔ اتنی چھوٹی سی تو جان تھی میری وہ نکال دی آپ نے ۔۔۔۔۔

میں تم سے بھی بہت پیار کرتا ہوں ۔۔۔ عایز کے الفاظ اسکی روح کو گھائل کر رہے تھے۔۔۔۔

جھوٹ بولتے ہیں آپ۔۔۔۔ آپ خود غرض بن گئے ہیں۔۔۔۔۔

عائز کول میری جان۔۔۔۔۔وہ اسے خود میں بھینچے دلاسہ دے رہا تھا ۔۔۔۔۔۔

آپکے پیشنٹ کو ہوش آگیا ہے۔۔۔ ایک نرس نے انکو اطلاع دی تو سب اپنی جگہ سے اٹھ کر روم میں چلے گئے۔۔۔۔۔

اس کی آنکھیں کھلی تو سر بھاری ہورہا تھا۔۔۔ پورا جسم تھکن سے چور ہورہا تھا ۔۔۔۔۔سب سے پہلے اسے جس انسان کا چہرہ نظر آیا اسے دیکھ کر حورم کے وجود میں سنسنی پھیلنے لگی۔۔۔۔۔اس نے آنکھیں موندھ لی۔۔۔۔ اسے لگا یہ پھر سے کوئی جاگتی آنکھوں کا سپنا ہے۔۔۔

عائش نے اسکے قریب پہنچ کر اسکے شانوں کو سختی سے جکڑ کیا۔۔۔۔اسطرح غیروں کے ساتھ اکیلے رہ کر کیا ثابت کرنا چاہتی تھی۔۔۔ ہم مر گئے تھے کیا۔۔۔۔ پہلی بار وہ ان آنکھوں کو اتنے قریب سے دیکھ رہا تھا ۔۔۔۔۔ورنہ جب بھی ملتا یہ آنکھیں بند ہوتی۔۔۔۔حسین مگر تڑپا دینے والی انکھیں۔۔۔۔۔شارق اور عائز دونوں اسے آپے سے باہر دیکھ کر روم سے باہر نکل گئے۔۔۔۔۔

چھوڑو مجھے۔۔۔ ہرٹ ہورہا ہے۔۔۔۔ وہ سن اعصاب کے ساتھ مزاحمت کرکے اسے دیکھ رہی تھی۔۔۔۔ جو اپنی سحر انگیز شخصیت کے ساتھ کھڑا تھا۔۔۔۔ قد کاٹ سب کچھ اپنے پاپا سے چرایا تھا۔۔۔ کسرتی بدن ۔۔۔ چوڑا سینا۔۔۔ کہی سے بھی وہ اکیس بائیس سالہ لڑکا نہیں لگ رہا تھا ۔۔۔۔۔۔

ایک جھٹکے سے اسے چھوڑ کر وہ پیچھے ہٹا۔۔۔۔اور روم سے باہر نکلا۔۔۔۔

اسکو اٹھاو۔۔۔۔ میں کلیریینس کرکے آتا ہوں۔۔۔۔۔دونوں کی طرف دیکھ کر سردمہری سے کہہ کر وہ چلا گیا۔۔۔۔۔

^^^^^^^^^^^^^^^^^^^^^^

اسے میرے روم میں لے جاو۔۔۔ میں شارق کے ساتھ روم شئیر کرلوں گا۔۔۔ وہ اسے لیکر فلیٹ پر آگئے تو عائش نے عائز کو بولا جو سہارا دیکر اسے اندر تک لایا تھا۔۔۔۔ اور ہاں گھر میں کسی کو بھی اس بات کی بھنک نہیں لگنی چاہیے ۔۔۔۔ اس نے سرد کٹیلی نظر حورم پر ڈال کر سب کو تنبیہ کی۔۔۔۔۔

عائز کچن میں کھڑا حورم کے لئے فریش جوس بنانے لگا۔۔۔۔عایش نے پیچھے سے آکر اسکو ہگ کیا۔۔۔۔ یار بس کردو نا۔۔روٹھی بیویوں کی طرح شکل بنائی ہے۔۔۔۔۔ اب اتنی ناراضگی سہہ نہیں سکتا۔۔۔۔

وہ چپ چاپ کھڑا جوس گلاس میں ڈالنے لگا۔۔۔۔

جیسے ہی وہ گلاس اٹھا رہا تھا۔۔۔۔ عایش نے اسے گدگدی کروانا شروع کردی۔۔۔۔ تو وہ کھلکھلا کر ہنسنے لگا۔۔۔۔۔ چھوڑ دے مجھے۔۔۔۔۔ ہیٹ پر ہاتھ رکھ کر خود کو چھڑانے کی کوشش کی مگر عائش کے مضبوط آہنی گرفت سے نکلنا مشکل تھا۔۔۔۔۔ بھائی بس کردو۔۔۔۔ میرے ناراض ہونے سے آپکو کیوں فرق پڑ رہا ہے۔۔۔۔ اپنی حورم کے پاس جاؤ نا۔۔۔ وہ تو صحیح سلامت ہے۔۔۔ اب فکر کیوں کر رہے ہو۔۔۔۔۔

اگر اسکی جگہ تمہیں تکلیف ہوتی تو بھی میں اس طرح ری ایکٹ کرتا۔۔۔۔ تم جانتے ہو نا میں کتنا پوزیسیو ہوں۔۔۔۔ اسے تھوڑا سنبھلنے دو اس بھی اٹھا کر پھینک دوں گا۔۔۔۔۔

میں نے پوچھا بھی تھا کہ تمہارے کپڑوں سے اس کی خوشبو آرہی تھی۔۔۔۔ کیوں نہیں ںتایا۔۔۔۔ عایش نے گھوری سے نوازا ۔۔۔۔۔

بتایا تو تھا اس وقت کہ اس کو گلے لگا کر آیا ہوں۔۔۔۔ آپ نے مذاق میں بات ٹال دی۔۔۔۔۔ عایز نے کہہ کر گلاس اٹھایا ۔۔۔۔ یہ لو جاکر دے آو۔۔۔۔

مجھے اسکی شکل نہیں دیکھنی۔۔۔۔ تم جاؤ دے آو۔۔۔۔ویسے بھی سارے راز ونیاز تو تمہارے ساتھ کرتی ہے نا۔۔۔ اب تیمارداری کرلو جاکر ۔۔۔

۔۔

ابھی تو میں کر دیتا ہوں ۔۔۔ شام تک میں چلا جاؤں گا۔۔۔ میری کلاسس ضائع ہوگی۔۔۔ خیال رکھنا اسکا۔۔۔۔

اوکے میرے باپ۔۔۔۔۔۔

^^^^^^^^^^^^^^^^^^^^^^^