میں اس کے ساتھ ایسا کیسے کر سکتا ہوں میں اسے تکلیف نہیں دینا چاہتا تھا نہ خوف زدہ کرنا چاہتا تھا بابا آپ جانتے ہو نا آپ کا بیٹا ایسا نہیں ہے پر نہ جانے کیوں جب وہ میرے سامنے آتی ہے مجھے سب یاد آجاتا ہے میں کیا کروں مجھے کچھ سمجھ نہیں آتا بابا اس نے سیسکتے ہوئے اپنا سر میز پر کھلی ڈائری پر رکھ دیا بابا کی موت کے بعد یہ ڈائری ہی اس کا سہارا تھی جس میں وہ اپنے دل کی ہر بات لکھتا تھا

_______________________

خوبصورت سرخ رنگ کی انارکلی فراک جو اس کے گھٹنوں سے کچھ نیچے آ رہی تھی لائٹ سے میک اپ میں بالوں کو کھلا چھوڑے وہ نظر لگ جانے کی حد تک خوبصورت لگ رہی تھی__

شاہ نہ جانے کب سے دیوار کے ساتھ ٹیک لگائے اسے اپنی نظروں کی قید میں لیے ہوئے تھا جیسے ہی یشال کی نظر شاہ پر پڑی اس نے شرما کر اپنی پلکیں جھکا دیں __

اور اپنے خوبصورت ہونٹوں کو دانتوں سے کاٹنے لگی شاہ بے خودی کے عالم میں اس کی طرف بڑھا اور اس کے کانپتے وجود پر ایک نظر ڈالی اور دھیرے سے اس کے لبوں کو اسکےدانتوں کی قید سے آزاد کیا اتنا ظلم میری جان__

یشال اس کے چھونے سے خود میں سمٹ کر رہ گئی شاہ نے اس کے دہکتے ہوئے گالوں پر اپنے لب رکھ دیے __

یشال کو لگا کہ شاید وہ اگلی سانس بھی نہیں لے پائے گی شاہ نے جب اس کی غیر ہوتی حالت محسوس کی اس کے ہونٹوں پر ایک خوبصورت مسکراہٹ بکھر گئ__

یشال یک ٹک اس کے گال پر پرنے والے ڈمپل کو دیکھتی رہی اسے اپنا دل شاہ کے ڈمپل میں ڈوبتا محسوس ہو رہا تھا شاہ آپ کی مسکراہٹ بہت خوبصورت ہے بے اختیار یشال نےشاہ کی مسکراہٹ کی تعریف کردی اچانک شاہ کی مسکراہٹ غائب ہوگئی __

آو نیچے چلیں ناشتہ تیار ہے شاہ نے اس کا ہاتھ پکڑتے ہوئے کہا یشال اپنے ہاتھ پر شاہ کی سخت پکڑ محسوس کر کے کانپ کر رہ گئی __

اس کا دل گواہی دے رہا تھا کہ آنے والی زندگی آسان نہیں لیکن اسے اپنے اللہ پر پورا یقین تھا کے اس کی یہ پریشانیاں جلد ختم ہوجائیں گی ایک خوشحال زندگی اس کی منتظر ہوگی

___________________________

جیسے ہی مسز زمان صدیقی زمان ولا میں داخل ہوئیں ایک معصوم سی چھے سات سال کی لڑکی جس نے گلابی کلر کی فراک پہن رکھی تھی بھاگ کر زمان صدیقی کی ٹانگوں سے لپٹ گئی __

پاپا آپ آگے آپ میرے لیے ماما لے کر آئے ہیں نہ اس بچی نے اپنی خوبصورت آنکھیں معصومیت سے مسز زمان صدیقی پرٹکاتے ہوئے کہا __

جی میری جان یہ آپ کی ماما ہیں مسٹر زمان میں لاریب کی طرف اشارہ کرتے ہوئے کہا__

اور

لاریب یہ ہے میری پیاری سی گڑیا __

ماما میں آپ کو اپنا روم دکھاتی ہوں گڑیا نے لاریب کا ہاتھ پکڑتے ہوئے کہا نہیں بیٹا ابھی میں بہت تھکی ہوئی ہوں بعد میں آپ کا روم دیکھ لوں گی لاریب ناگواری سے اپنا ہاتھ گڑیا کے ہاتھوں سے نکالا__

اور زمان کو پیار بھری نظروں سے دیکھتے ہوئے اپنے روم کے بارے میں پوچھنے لگی__

گڑیا خاموشی سے اپنے کمرے کی طرف بڑھ گئی_

زمان صاحب نے جب گڑیا کی خاموشی محسوس کی تو لاریب کو ٹو کے بنا نہ رہ سکے لاریب تمہیں گڑیا سے بات نہیں کرنی چاہیے تھی__

او صدیقی میں بعد میں اسے منا لو گی ابھی میں سچ میں بہت تھکی ہوئی ہوں تو کیا ہم اپنے کمرے میں چل سکتے ہیں__

دادو یہ منظر دیکھ کر آنکھوں میں آنسو لیے گڑیا کے کمرے کی طرف چل دی جانتی تھی کہ وہ معصوم کس قدر خوش تھی

گڑیا بیٹا میری جان کیا ہوا دادو نے اس کے آنسو صاف کرتے ہوئے کہا دادو ماما بالکل اچھی نہیں ہے وہ گندی ہیں __

نہیں میری جان ایسے نہیں کہتے __

آپ کو پتہ ہے نہ کہ کسی کے پیٹھ پیچھے اس کی برائی کرنے والے سے اللہ میاں ناراض ہوتے ہیں

سوری دادو

میں اب ایسا کبھی نہیں بولوں گی گڑیا نے معصومیت سے اپنے کان پکڑتے ہوئے کہا

اس کی معصومیت پردادومسکرا دی اور اسے اپنے سینے سے لگا لیا__

___________________________

وہ مسلسل کافی دنوں سے نوٹ کر رہی تھی کہ کوئی اس کا پیچھا کر رہا ہے وہ جہاں بھی جاتی وہ اس کے پیچھے آتا شاپنگ مالز کینٹین کالج ریسٹورنٹ غرض ہر وہ جگہ جہاں وہ ہوتی خود پر اس کی نظروں کو محسوس کرتی کچھ دن تو اگنور کرتی رہی کہ ہو سکتا ہے کہ اس کی غلط فہمی ہو__

لیکن آج جب وہ اپنی دوست کے ساتھ ایک ریسٹورنٹ میں بیٹھی کافی پی رہی تھی اسے وہاں موجود دیکھ کر اس کا پارہ ایک دم چڑھ گیا__

وہ ناصرف موجود تھا بلکہ مسلسل اسے گھور رہا تھا

وہ تیر کی طرح سیدھی اس کے میز پر جا پہنچی__

بھائی صاحب آپ کی پرابلم کیا ہے

آپ کسی مجنوں فرہاد پنو رومیو کے خاندان سے تعلق رکھتے ہیں

جہاں بھی میں جاتی ہوں آپ کسی چمگاڈر کی طرح میرے آس پاس منڈلا رہے ہوتے ہیں__

وہ بنا آگے پیچھے کی پرواہ کیے اس کو سنا رہی تھی اس کی دوست اس کو روکنے کی کوشش کرتے کرتے ہلکان ہو چکی تھی اور وہی رکھی کرسی پر سر پکڑ کر بیٹھ گئی__

نہیں میم ایسا تو کچھ نہیں آپ کوغلط فہمی ہوئی ہے

ہاہاہا غلط فہمی تو کیا بیوٹی پارلر میں میک اپ کروانے کے لیے آئے تھے اس نے طنزیہ ہنسی ہنستے ہوئے کہا__

وہاں موجود سبھی لوگوں کے چہروں پر مسکراہٹ بکھر گئی جہاں باقی لوگ اس تماشے کو ہنستے ہوئے دیکھ رہے تھے

وہی دو آنکھیں دلچسپی سے اس کے گلابی چہرے کو دیکھنے میں مصروف تھی بڑی بڑی آنکھیں چھوٹی سی ناک گلاب کی پنکھڑیوں سے بھی نازک ہونٹ جن پہ طنزیہ مسکراہٹ بکھری تھی کمر سے نیچے آتے بال جن کو باندھنے کی زحمت نہیں کی گئی تھی دونوں ہاتھ کمر پر رکھے نظر اپنے سامنے بیٹھے شخص پر جمائے وہ اس کے بولنے کی منتظر تھی__

وہ مجھے آپ سے کچھ بات کرنی تھی اچھا کرو بات وہ بالکل اس کے سامنے والی کرسی پر بیٹھ گی

نہیں_میرا _وہ

ہاں بولو میں سن رہی ہوں

وہ کچھ نہیں

اس لڑکے نے جلدی سے اپنی کرسی سے اٹھتے ہوئے کہا

رکو__

آج کے بعد میرا یا کسی بھی لڑکی کا پیچھا کیا تو یاد رکھنا آج تو پانی پھینکا ہے اگلی بار تیزاب پھینک کر جلا دوں گی__

سمجھ گئے اس نے پانی سے بھرا کلاس اس پر پھینکتے ہوئے کہا

اور ہوا کے جھونکے کی طرح ریسٹورنٹ سے نکل گئی

سعد کا کب سے کھلا وہ منہ دیکھ کر ذین نے اس کے سر پر ایک تھپڑ لگایا منہ بند کر میرے بھائی وہ جا چکی ہے

یار لڑکی ہے یا طوفان سعد نے حیرانگی سے کہا

چلیں میٹنگ کے لئے دیر ہو رہی ہے شاکر صاحب انتظار کر رہے ہوں گے

زین نے اپنی کرسی خالی کرتے ہوئے کہا

اوکے بوس__

سعد نے برگر کا آخری پیس منہ میں رکھتے ہوئے کہا اور کرسی سے اٹھ کھڑا ہوا

_______________________________

شاہ کا پورا وجود پسینے سے بھیگا ہوا تھا اس کا حلق پیاس سے خشک ہو رہا تھا کیا ہوا شاہ آپ ٹھیک تو ہیں یشال نے پریشانی سے اس کی کاندھے پر ہاتھ رکھتے ہوئے کہا

پ _ا _نی

شاہ نے اپنےخشک ہونٹوں پر زبان پھیرتے بمشکل پانی مانگا

یشال جلدی سے پانی کا گلاس اسے پکڑایا

جو شاہ ایک ہی سانس میں خالی کر گیا __

آپ ٹھیک تو ہیں شاہ ہاں ہاں میں ٹھیک ہوں تم آرام کرو

شاہ نے لائٹ آف کرتے ہوئے کہا

شاہ کیا آپ نے کوئی برا خواب دیکھا ہے کچھ نہیں ہوا میں نے کہا نہ خود بھی سوجاو اور مجھے بھی سونے دو

پر شاہ

کہا نہ سو جاؤ شاہ نے دہاڑتے ہوئے کہا __

میں نے تو بس طبیعت کا ہی پوچھا تھا اس میں اتنا غصہ کرنے والی کیا بات تھی.

جاری ہے