انسان بےبس کب محسوس کرتا ہے۔۔
کب؟
جب اسکے اپنے اسکے ساتھ برا کر رہے ہو اور وہ لاکھ چاہنے کے باوجود بھی خود کے لئے کچھ نہ کر پاۓ اور نہ ہی اس میں کچھ کرنے کی ہمّت ہو وہ تب بےبس محسوس کرتا ہے
اس وقت آئنے کے سامنے دلہن بنی کھڑی حفصہ ابراھیم خان کچھ ایسا ہی محسوس کر رہی تھی اس وقت اسکا دل ہی نہیں اسکی روح بھی رو رہی تھی اپنی قسمت پر ماتم کر رہی تھی آنسوں تھے جو رکنے کا نام نہیں لے رہے تھے خوبصورت گہری کالی آنکھیں اب رو رو کر لال ہو چکی تھی میک اپ کے نام پر اب لپسٹک ہی باقی رہ گئی تھی
ایک لڑکی کے لئے اسکی شادی کا دن بہت خاص ہوتا ہے نا بھولنے والا لمحہ پر اسکے لئے یہ کسی عذاب سے کم نہیں تھا اسکا بس نہیں چل رہا تھا کی وہ خود کو ختم کر دے
وہ یوں ہی کتنی دیر کھڑی آنسوں بھاتی رہی تھی کہ یکدم ہی کوئی اسکے روم کا دروازہ کھول کر اندر داخل ہوا تھا
حفصہ نے گردن موڑ کر دیکھا تو آنے والی ہستی کو دیکھ کر اسکے آنسوؤں میں مزید روانی آئی تھی
“” امی “
وہ تیزی سے پلٹی انکے سینے سے جا لگی تھی پھر نا رکنے والی سسکیؤں کا سلسلا شروع ہو گیا تھا وہ بھی اسکی طرح بےبس تھی مجبور تھی جتنا خلاف وہ اس شادی سے تھی اس سے کئی زیادہ وہ تھی
“” چپ کرو حفصہ یہ وقت رونے کا نہیں ہے کچھ کرنے کا ہے اس سے پہلے کہ بہت دیر ہو جائے “”
اپنی ماں کی نرم آواز سن کر اس نے جھٹکے سے سر اٹھا کر ناسمجھی سے انکی طرف دیکھا تھا وہ انکے لفظوں پر غور کر رہی تھی وہ کیا کرنے والی تھی اسکی سمجھ میں نہیں آیا تھا جبکہ وہ اچھی طرح جانتی تھی کچھ بھی ان دونوں کے ہاتھ میں نہیں تھا
“‘ یہ وقت حیران ہونے کا نہیں ہے بیٹا تمہیں یہاں سے نکلنا ہوگا اس سے پہلے کے وہ نکاح کے لئے یہاں آ جائے جلدی کرو “”
وہ اس سے الگ ہوتی اسکے وارڈراب کی طرف بڑھی تھی انہونے اپنے شوہر کو سمجھانے کی بہت کوشش کی تھی مگر وہ دولت کی حوس میں اتنے اندھے ہو چکے تھے کہ انہیں صحیح اور غلط میں کوئی فرق نہیں نظر آ رہا تھا
“‘ امی یہ آپ کیا کہہ رہیں ہیں ۔۔ یہ۔۔یہ ناممکن ہے ۔۔آ ۔۔اور میں کہاں جاؤنگی””
اپنی ماں کی بات سمجھ میں آتے ہی وہ اپنا رونا بھول کر حیران پریشان سی انکے پیچھے آ کھڑی ہوئی تھی جو بیگ میں اسکا ضروری سامنے رکھ رہیں تھی
“‘ کچھ بھی نا ممکن نہیں ہے میری جان اور میں اپنی آنکھوں کے سامنے تمہارا یوں سودا ہوتے ہوئے نہیں دیکھ سکتی””
انکا لہجہ اس وقت بہت مضبوط تھا اور شاید زندگی میں پہلی بار وہ یوں اپنی ماں کو کوئی فیصلہ لیتے ہوئے دیکھ رہی تھی ورنہ اسنے ہمیشہ ہی اپنی ماں کو سر جھکا کر اپنے باپ کا ہر حقم مانتے ہوئے دیکھا تھا چاہے اس میں اسکی ماں کی مرضی ہوتی تھی یا نہیں
“‘ پر امی میں آپکو ایسے چھوڑ کر نہیں جا سکتی اور میں کہاں جاؤنگی آپکے علاوہ اور کون ہے میرا اس دنیا میں”‘
ایک طرف تو اسکو سکون ملا تھا کہ وہ اس نکاح اس شخص سے محفوظ ہو جائے گی مگر دوسری طرف اسکو اپنی ماں کی فکر ہوئی تھی
“‘ تم یہاں سے کہیں بھی چلی جاؤ اپنے باپ کی پہنچ سے دور اللّه بہت بڑا ہے حفصہ وہ اس دنیا میں تمہارا ٹھکانہ بنا دیگا””
انہونے بیگ اسکے ہاتھ میں دیا تھا محبت بھری نظروں سے اسکو دیکھنے لگی
“‘ اگر تمہارا نکاح ہو گیا تو میں شاید کبھی خود کو معاف نہیں کر پاؤں گی یہ سوچ کر کہ میں اپنی بیٹی کے لئے کچھ نہیں کر پائی اس لئے میری خوشی اسی میں ہے کہ تم یہاں سے چلی جاؤ””
وہ اسکو لئے اسکے روم میں واحد کھڑکی کی طرف بڑھی جو مین گیٹ کی طرف کھلتی تھی مہمانوں کا انتظام پیچھے لان میں کیا گیا تھا اس لئے ادھر کا راستہ صاف تھا
“‘ امی میں آپکے بغیر کیسے رہ پاؤنگی “‘
اپنی ماں کو یوں اس حال میں چھوڑ کر جانا اسکو صحیح نہیں لگ رہا تھا
“‘ میرے لئے بھی مشکل ہے بیٹا پر تمھیں یہ کرنا ہوگا میرے لئے
انہونے آگے بڑھ کر اسکی پیشانی چومی تھی وہ اسکو کس طرح خود سے دور کر رہیں تھیں یہ انکا دل ہی جانتا تھا
“”اور ہاں کچھ دنوں تک فون پر مجھسے رابطہ کرنے کی کوشش بھی مت کرنا تم سمجھ رہی ہو نہ”
انہونے اسکو آخری نصیحت کی تھی اور کھڑکی سے باہر نکلنے میں مدد کی
“‘ اللّه تمہاری مدد کریگا بیٹا میری دعا تمہارے ساتھ ہے اور میری فکر مت کرنا تمہاری ماں بہت مضبوط ہے'”
انہونے مسکرا کر آخری الودہ کہا تھا اور وہ ایک محبت اور درد بھری آخری نگاہ ان پر ڈال کر وہاں سے نکلتی چلی گئی تھی اس نے مڑ کر نہیں دیکھا اگر وہ دیکھ لیتی تو شاید اسکے لئے جانا مشکل ہو جاتا اپنے آنسوں کو بے دردی سے رگڑتی وہ خان ولا کا گیٹ پار کر گئی تھی
💥💥💥
جانتے بھی ہو کیا بکواس کر رہے ہو تم ہاں۔۔بولو”
وہ اپنے وکیل کی پوری بات سن کر یک جھٹکے میں اسکی جانب پلٹا اور قہرآلودہ نظروں سے اسکو دیکھتا استفسار کر رہا تھا اس وقت غصّے کی وجہ سے اسکی رگے تنی ہوئی تھی
“‘ نوٹس میں یہی لکھا ہے وہ صاف لفظوں میں وہ اپنا حق مانگ رہی ہے”‘
سائم اپنے ماتھے پر آئی پسینے کی ننہی ننہی بوندے صاف کرتا ہوا بولا
وہ اس شہر کا نامی اور کامیاب وکیل تھا بہت ہی کم عمر میں اسنے بہت نام کما لیا تھا ہر کیس میں اسکو کامیابی حاصل تھی مگر اسکے سامنے کھڑی ہستی بھی کوئی معمولی شخصیت نہیں تھی
وہ اسفند یار خان تھا
خان انڈسٹریز کا مالک اس شہر کے رائس اور پاورفل لوگوں میں سے ایک اپنے ایک اشارے پر وہ کسی کا بھی کیریئر برباد کر سکتا تھا شاید اسکا بھی اسلئے سائم آفندی جیسا قابل انسان بھی اسکے سامنے گھبرا رہا تھا
“‘ کیا تم مجھے کھل کر بتا سکتے ہو وہ کیسا حق مانگ رہی ہے جہاں تک مجھے لگتا ہے اس پر میرا یا مجھ سے جڑی کسی بھی چیز پر کوئی حق نہیں ہے”‘
وہ اپنے چہرے پر ہاتھ پھیرتا اپنے غصّے کو کم کرنے کی کوشش کر رہا تھا ابھی تو وہ اپنے ماضی سے باہر نکل ہی نہیں پایا تھا کہ اسکا ماضی پھر سے دستک دے رہا تھا
“‘ انہونے کسٹڈی کے لئے کیس فائل کیا ہے اور وہ۔۔””
ابھی اسکا جملہ مکمل ہی نہیں ہو پایا تھا کہ وہ کسی شیر کی طرح اسکے کالر کو اپنی مٹھی میں دبوچ چکا تھا
“‘ کیا بکواس ہے یہ کیسی کسٹدی کیسا حق اتنے سالوں بعد وہ ہوتی کون ہے اپنا حق مانگنے والی”‘
وہ کسی زخمی شیر کی طرح غرایا تھا اگر اس وقت وہ اسکے سامنے ہوتی تو یقیناً اپنی آخری سانسیں گن رہی ہوتی
“‘ وہ ماں ہے اور کورٹ اسکو پوری طرح اجازت دیتا ہے اپنا حق مانگنے کے لئے “‘
سائم جیسا سمجھدار سلجھا ہوا وکیل بھی اسکے سامنے اپنی بات نہیں رکھ پا رہا تھا
“‘ پانچ سال پہلے اسکے اندر کی ماں کہاں غائب ہو گئی تھی اور اب اچانک پانچ سال بعد اسے اپنا حق کیسے یاد آ گیا””
وہ اسکے کالر کو ایک جھٹکے سے چھوڑتا اپنے روم میں موجود گلاس وال کے قریب آ کھڑا ہوا جہاں سے وہ شہر کا خوبصورت نظارہ دیکھ سکتا تھا
“‘ آپ اس بارے میں کچھ نہیں کر سکتے اور نہ انہیں کورٹ میں جانے سے روک سکتے ہیں “‘
سائم پریشانی سے اپنی پیشانی مسلتا ہوا بولا وہ خود بھی نوٹس دیکھ کر کافی حیران ہوا تھا وہ افسند کا پرسنل لوئر تھا اور وہ خود بھی کوئی راہ تلاش نہیں کر پا رہا تھا
“‘ تو تمھیں میں نے کس کام کے لئے رکھا ہوا یہ سوچنے کا تمہارا کام ہے کہ اس کیس کو کیسے ختم کرنا ہے “‘
وہ سامنے منظر پر نظریں گاڑے بولا لہجے میں سختی تھی
“‘ آپ پریشان نہ ہو سر میں کوئی نہ کوئی سولیوشن ضرور ڈھونڈھ لونگا مجھے بس کچھ وقت کی موہلت دیں آپ”‘
وہ اسفند کے غصّے سے اچھی طرح واقف تھا اور اسے اس کیس کو جیتنے کے لئے کچھ نہ کچھ تو سوچنا ہی تھا ویسے بھی اسکو اپنی نوکری بہت عزیز تھی
“‘ کچھ بھی کرو اس مسلے کا کوئی حل نکالو اور ہاں فیصلہ میرا حق میں ہی ہونا چاہیے”‘
اس بار وہ اسکی جانب پلٹا اور انگلی اٹھا کر اسکو وارن کرنے والے انداز میں بولا
“‘ ڈونٹ وری سر ایسا ہی ہوگا”‘
وہ ٹیبل سے فائل اٹھاتا واپس جانے کے لئے پلٹا تھا
“‘ اور ہاں ایک آخری بات اسفند یار خان نے آج تک ہارنا نہیں سیکھا میں تمھیں صرف دو دن دیتا ہوں اگر دو دن میں تم نے مجھے کوئی اچھی خبر نہیں سنائی تو اس شہر اور ملک میں اور بھی قابل وکیل موجود ہیں میرا کام کرنے کے لئے”‘
اس بار وہ اسکو باہر جانے کا اشارہ کرتا پھر سے گلاس وال کی جانب مڑ گیا
آج صبح ہی جب وہ آفس میں آیا تو اسکے ٹیبل پر رکھے نوٹس کو دیکھ کر اسکا غصّہ سے برا حال ہو گیا تھا وہ اسکو سب کچھ دینے کو تیار تھا مگر وہ جو اس سے مانگ رہی تھی تھی افسندٰ اسکو کسی بھی قیمت پر دینے کو تیار نہیں تھا اور وہ اس کیس کو جیتنے کے لئے کچھ بھی کر سکتا تھا ۔۔کچھ بھی
💥💥💥
“‘ عمل مجھے نہیں لگتا ہم ٹھیک کر رہے ہے ہمیں واپس چلے جانا چاہیے اس سے پہلے کہ کوئی گڑبڑ ہو جائے ہم کینٹین میں ہی کچھ کھا لیں گے نہ””
وہ خوفزدہ نظروں سے ادھر ادھر دیکھتی ہوئی اپنی واحد دوست کے پیچھے لپکی تھی جو آج اس سے کچھ نیا کروانے کے جوش میں تھی
“‘ کم آن عین تم تو ایسے ڈر رہی ہو جیسے میں تم سے کوئی غیر قانونی کام کروا رہی ہوں جسٹ چل یار ہم بس کسی اچھے سے ریسٹورانٹ میں لنچ ہی تو کرنے جا رہے ہیں اور آج کلاس بھی نہیں ہے تمہارے باڈی
گارڈ کو بھی کچھ معلوم نہیں ہوگا””
عمل لاپرواہی سے کہتی اسکی کلائی تھام کر یونی کے پچھلے گیٹ سے باہر نکلتی چلی گئی تھی
جبکہ عین کو اپنے بڑھتے قدموں کے ساتھ ساتھ اپنے دل کی ڈھڑکنے بھی بڑھتی ہوئی محسوس ہو رہی تھی بغیر اپنے باڈی گارڈ اور بغیر کسی کو انفارم کئے اکیلے باہر نکلنا اسکے لئے کسی غیر قانونی کام سے کم نہیں تھا
“‘ عمل تم نہیں جانتی گھر پر جب سبکو معلوم ہوگا تو وہ لوگ پریشان ہو جائے گے”‘
وہ اسکے ساتھ ہی ٹیکسی میں بیٹھتی ہوئی بہت پریشانی سے بولی
اس وقت اسکے اندر ایک انجانی سی خوشی بھی تھی دوسری طرف ایک ڈر تھا جو اسکو پوری طرح سے خوش بھی نہیں ہونے دے رہا تھا
“‘ ڈونٹ وری عین میں تمھیں خود ڈراپ کر دونگی گھر اگر دیر ہو گئی رہی بات تمہارے باڈی گارڈ کی تو ایک دن تم اسکے ساتھ گھر نہیں گئی تو کوئی طوفان تو نہیں آ جائے گا”‘
عمل اسکی سی گرین آنکھوں میں دیکھتی ہوئی بولی جو خوف کی وجہ سے اس وقت مزید خوبصورت لگ رہی تھی
اسکو اپنی یہ معصوم سی دوست بہت عزیز تھی پر اس پر لگی پابندی اسکو ہمیشہ ہی ناپسند تھی جس سے آج وہ اسکو تھوڑی سی آزادی دلوانا چاہتی تھی پر وہ یہ نہیں جانتی تھی کی اسکی یہ غلطی عین کے لئے کتنی بھاری پڑ سکتی ہے
“”طوفان ہی آ جائے گا اگر میں گھر تمہارے ساتھ گئی اس لئے عمل تم وہاں سے جلدی نکلنے کی کوشش کرنا گارڈز کے معلوم ہونے سے پہلے میں کوئی رسک نہیں لینا چاہتی “”
وہ عمل کی بات سے مطمعین تو ہو گئی تھی اور اگر گھر پر کسی کو معلوم ہو جاتا تو وہ ان لوگوں کو کسی طرح منا لیتی
پر۔۔ اگر انہیں معلوم ہو گیا تو وہ کیا کریگی اس شخص کے بارے میں خیال آتے ہی ایک بار پھر اسکے ڈر میں مزید اضافہ ہوا تھا
“‘ ارے وہاں پہنچنے تو دو پہلے تم ابھی سے واپس آنے کی بات کر رہی ہو اور اب جب پنجرا کھول ہی لیا ہے تو اڑتے ہوئے اتنا ڈر کیوں رہی ہو”‘
عمل اس بار تھوڑا شرارتی انداز میں اسکی طرف ایک آنکھ دبا کر بولی تو ناچاہتے ہوئے بھی وہ ہولے سے مسکرا دی تھی
پر وہ نہیں جانتی تھی کہ واپسی پر اسکی مسکراہٹ غائب ہونے والی ہے اگر اسے معلوم ہوتا تو وہ کبھی عمل کے ساتھ باہر لنچ کرنے پر کبھی بھی راضی نہ ہوتی
💥💥
“” انہیں ناپاک ہاتھوں سے تو نے اسکی تصویر کو چھوا تھا نہ “‘
چاکو کی تیز نوک سے وہ اپنے سامنے بیٹھے شخص کے ہاتھ کو ٹریس کر کرتا ہوا بولا وہ جو پہلے ہی اسکے ٹارچر سے تڑپ رہا تھا جب چاکو کی تیز دھار نے اسکی سکن کو کاٹنا شروع کیا تو اسکے حلق سے درد بھاری چیخ اس کمرے میں گونج اٹھی تھی
“‘ یہ وہیں ہاتھ ہیں نہ جو اسکے ہر ایک پل کو کیمرے میں قید کر رہے تھے اور اور اگر تیرے جسم میں یہ ہاتھ ہی نہ رہے تو کیسا لگے گا”‘
وہ بےدردی سے چاکو سے اسکے دوسرے ہاتھ پر ایک گہرا کٹ مارتا ہوا بولا اس بار وہ شخص اپنی جگہ سے تڑپ کر نیچے زمین پر گر چکا تھا جبکہ اسکی درد بھری چیخوں میں مزید اضافہ ہو گیا تھا
جبکہ اس روم میں موجود اسکے آدمی اپنے سامنے چلتے منظر کو ایسے دیکھ رہے تھے جیسے کوئی مووی کا کوئی سین چل رہا ہو
“‘ کیا ہوا بس اتنے میں ہمّت جواب دے گئی تمہاری آگے میں تمہارے ساتھ جو کرنے والا ہوں اسکو کیسے برداشت کروگے “‘
وہ زمین پر درد سے تڑپتے اس شخص کے قریب ہی جھکتا ہوا بولا لہجہ اس وقت برف کی طرح بلکل سرد تھا اور آنکھیں قہر برسا رہی تھی جیسے وہ اپنی آنکھوں سے نکلتی آگ سے اس شخص کو جلا کر مار دینا چاہ رہا ہو
اسکے اس وحشت زدہ انداز پر ایک پل کے لئے اسکے آدمیؤں کو اس سے دہشت سی محسوس ہوئی تھی
“‘ پلز مجھے مت مارو۔۔مجھ۔۔ مجھے بس آرڈر ملے تھے اسکو فالو کرنے کے'”
وہ آدمی اس سے اپنی زندگی کی بھیک مانگ رہا تھا کیونکہ اسکو لگ رہا تھا کہ سامنے کھڑا وہ شخص اسکےبخشے گا نہیں جبکہ وہ اسکی بات کو نظرانداز کرتے ہوئے اس نے اپنے سامنے کھڑے دونوں آدمیؤں کو اشارہ کیا اور وہ دونوں اسکا اشارہ سمجھتے ہی اس آدمی کے دونوں ہاتھوں کو اپنی گرفت میں لے چکے تھے
“‘ پلز مجھے معاف کر دو میں صرف اپنا کام کر رہا تھا مجھے جانے دو میں””
اس آدمی کی بات بھی پوری نہیں ہو پائی تھی کہ روم میں ہڈی ٹوٹنے کی آواز کے ساتھ ساتھ اس آدمی کی دردناک چیخے گونج اٹھی تھی
اسکا ایک آدمی اسکی انگلیوں کے ساتھ ساتھ اسکے ہاتھ کی ہڈی پوری طرح سے توڑ چکا تھا
اس وقت وہ اس آدمی کے فلیٹ میں موجود تھے جو سنسان علاقے میں تھا اور یہاں اسکی دردناک چیخ سننے والا کوئی نہیں تھا
“‘ کس نے اور کیا آرڈر ملے ہے تمھیں جھوٹ بولنے کی کوشش مت کرنا ورنہ'”
وہ ہاتھ کے اشارے سے اپنے آدمی کو روکتا ہوا اس سے مخاطب ہوا جو اس وقت اسکے دونوں آدمی کی گرفت میں تڑپ رہا تھا
“‘ کس نے آرڈر دئے مجھے نہیں معلوم بس مجھے اتنا کہا گیا تھا اس لڑکی کو فالو کرنا ہے جسکی مجھے اچھی رقم مل رہی تھی”‘
وہ آدمی بغیر رکے بولتا چلا گیا اسکو لگ رہا تھا شاید سچ بتانے کے بعد وہ اسکو چھوڑ دے مگے ایسا ہی تھا اسکے بات ختم کرتے ہی اس آدمی کی پھر سے دردناک چیخ کمرے میں گونجی تھی
“‘ م۔۔میں۔س۔۔۔سچ کہہ رہا ہوں مجھے کچھ نہیں معلوم مجھے معاف کر دو”‘
اب درد اسکی برداشت سے باہر ہو رہا تھا وہ زمین پر پڑا کسی بن پانی کی مچھلی کی طرح تڑپ رہا تھا
“‘ تم نے بہت بڑی غلطی کی ہے میری سب سے قیمتی چیز پر نظر ڈال کر اور مصطفیٰ زمان شاہ ایسی غلطی کی معافی نہیں سزا دیتا ہے”‘
وہ اپنے دونوں آدمی کو اشارہ کرتا اسی روم سے اٹیچ دوسرے روم میں آ گیا جہاں سامنے ہی دیوار پر حورین کی تصویرے لگی ہوئی تھی
کسی میں وہ مسکرا رہی تھی
کسی تصویر میں کسی سے بات کر رہی تھی
کینٹین میں کھانے کھاتے ہوئے لکھتے ہوئے جانے کتنی ہی تصویرے وہاں موجود تھی
ان سب کو دیکھ کر اسکا غصّہ مزید بڑھا تھا رگے جیسے تن گئی تھی حورین کی اپنی جان سے بھی زیادہ حفاظت کرنے کے بعد بھی پچھلے تین سال میں یہ دو بار ہو گیا تھا کچھ تو کمی رہ گئی تھی اسکے پروٹیکشن میں
آگے ایسا ہونے سے روکنے کے لئے اسے اپنی سکیورٹی مزید سخت کرنی ہوگی اس سے پہلے کہ کوئی حورین نقصان پہونچائے
“‘ میں تمھیں اس تک کبھی پہونچنے نہیں دونگا یہ میرا وعدہ ہے تم سے”‘
وہ دیوار پر لگی ایک ایک فوٹو کو اتارتا ہوا اپنی سوچ میں اس شخص سے مخاطب ہوا تھا جو یہ سب کروا رہا تھا جبکہ دوسرے کمرے سے مسلسل اس شخص کی چیخے اسکو سنائی دے رہی تھی جو وہ کام ادھورا چھوڑ کر گیا تھا اسکے آدمی پورا کر رہے تھے
“‘ تم اپنا کام اچھے سے جانتے ہو اسکی ڈیتھ باڈی کے ساتھ کیا کرنا ہے ‘”
وہ اسی روم میں داخل ہوتا اپنے آدمی سے مخاطب ہوا اور ایک نظر اس شخص کو دیکھا جو اپنی زندگی کی آخری سانسیں گن رہا تھا
وہ ان دونوں پر ایک آخری نظر ڈالتا روم سے باہر نکلا ہی تھا کہ اسکی بلیک لیدر جیکٹ کی پاکٹ میں بجتے موبائل نے اسکے قدموں کو روکا تھا سکرین پر جمگتے نمبر کو دیکھ کر اسکے ماتھے پر پڑے بلوں میں اضافہ ہوا کال رسیو کرکے موبائل کان سے لگایا تھا
“‘ ہاں بولو اس وقت فون کیوں کیا کوئی گڑبڑ “
سرد لہجے میں پوچھا گیا مگر سامنے والے کی بات سنتے ہی اسکی موبائل پر پکڑ سخت ہوئی تھی
“‘ تم کچھ مت کرو صرف دور سے نظر رکھو گھر پہونچتے ہی کال کرنا میں آ رہا ہوں”
اپنی بات مکمل کرکے وہ فون کٹ کرتا غصّے میں وہاں سے نکلا تھا
💥💥
(جاری ہے )