“بابا۔۔۔۔۔۔ ! مجھے نور چاہیے۔۔۔۔۔ پلیز۔۔۔۔۔۔ مجھے نور چاہیے۔۔۔۔۔” تابش بچوں کی طرح رونے لگا

“کون نور۔۔۔۔۔۔ !” بابا ادھر ادھر دیکھنے لگے۔۔۔۔۔

“مولوی صاحب کی بیٹی۔۔۔۔۔ “

اسکے دل میں اتنے دن سے جو لاوا پک رہا تھا، آنسوؤں کی صورت میں باہر امڈنے لگا۔۔۔۔۔

ناصرہ بیگم کے ہاتھ سے دودھ کا گلاس چھوٹا، فری اور فیزی کی آنکھیں پھٹی کی پھٹی رہ گئیں۔ ابا جی کچھ بھی سمجھنے سے قاصر تھے۔

“ناصرہ۔۔۔ ! یہ کیا کہہ رہا ہے، مجھے کچھ سمجھ نہیں آرہا” اباجی ناصرہ بیگم کی طرف دیکھ کے بولے

وہ پہلے ہی حواس باختہ تھیں، کوئی جواب نہیں دے پائیں

تابش اباجی کے بستر سے ماتھا ٹیکے ویسے رو رہا تھا۔

“بھائی۔۔۔۔۔ کیا کہہ رہیں آپ۔۔۔۔ کون ہے نور۔۔۔۔۔ ؟ ٹھیک طرح سے بتائیں۔۔۔” فری نے آگے بڑھ کے تابش کے کندھے پہ ہاتھ رکھا

“نور۔۔۔۔ وہ مولوی صاحب کی بیٹی ہے۔۔۔۔ میں انکے گھر پہ رکا تھا۔۔۔۔۔ میں ۔۔۔۔ میں اس سے۔۔۔۔۔۔۔۔” وہ پھر سے پھوٹ پھوٹ کے رونے لگا

“کیا۔۔۔۔۔ کیا آپ اس سے۔۔۔۔۔؟” فری نے پوچھا

“میں اس سے پیار کرتا ہوں۔۔۔۔۔۔۔۔۔۔۔ میں نے بہت کوشش کی کہ اسکے بارے میں نہ سوچوں۔۔۔ لیکن نہیں ہو پایا۔۔۔۔۔ میں خود سے لڑ لڑ کے تھک گیا ہوں۔۔۔۔ ہار گیا ہوں خود سے۔۔۔۔۔”

کمرے کے اس خوفناک سناٹے میں تابش کی آواز گونجتی رہی۔۔۔۔۔ باقی سب بت بنے اسے سن رہے تھے

“فریحہ اسے یہاں سے لے جاؤ۔۔۔۔۔۔۔ میرے اندر مزید ہمت نہیں ہے اسے سننے کی۔۔۔۔۔۔۔” اباجی بامشکل بولے

“بابا۔۔۔۔ ! مجھے نور چاہیے۔۔۔۔۔ پلیز۔۔۔۔۔۔۔ بابا۔۔۔۔۔۔ ” تابش اباجی کی طرف دیکھتے ہوئے بولا

انھوں نے منہ دوسری طرف پھیر لیا

“اٹھیں آپ۔۔۔۔۔۔ باہر چلیں۔۔۔۔ بابا کو اور پریشان نہ کریں۔۔۔۔۔۔” فری نے اسکا ہاتھ پکڑا

“بابا۔۔۔۔۔ ! میں مر جاؤں گا۔۔۔۔۔۔ پلیز۔۔۔۔۔۔ میری بات سنیں ۔۔۔۔۔۔” تابش بے بس ہونے لگا

“فریحہ اسے باہر لے جاؤ۔۔۔۔۔۔ خدا کے لیے۔۔۔۔ میرا دل گھٹ رہا ہے۔۔۔۔۔” اباجی اسکے طرف دیکھنا نہیں چاہتے تھے

“بھائی۔۔۔۔۔ اٹھیں۔۔۔۔۔۔ باہر چلیں۔۔۔۔۔۔۔۔” فیزی جو اب تک سکتے میں تھی اباجی کی حالت دیکھ کے آگے بڑھی

ناصرہ بیگم صوفے پہ بے حس و حرکت بیٹھی تھیں

فیزی اور فری نے تابش کے دونوں بازوں سے پکڑ کے اٹھایا

“بابا۔۔۔۔ ! ۔۔۔۔۔ بابا۔۔۔۔۔!” تابش بلبلاتے ہوئے بولا

وہ سب اس بات سے بے خبر تھے کے دروازے سے ٹیک لگائے سیمی یہ سارا منظر دیکھ رہی تھی۔ فری کی جیسی اس پہ نظر پڑی۔۔۔۔ اس نے تابش کا بازو چھوڑا اور اسکی طرف لپکی۔۔۔۔

سیمی نے اسے اپنی طرف آتے دیکھا تو آنسو پونچھتے ہوئے وہ گھر کی دروازے کی طرف دوڑی۔ فری جب تک دروازے پہ پہنچی تو وہ اپنی گاڑی میں بیٹھ چکی تھی۔

“سیمی۔۔۔۔۔ ! سیمی۔۔۔۔! میری بات سنو۔۔۔۔۔ رکو۔۔۔۔۔۔” وہ اسے آوازیں دیتی رہی۔۔۔ لیکن سیمی نے اسکی ایک بات نہیں سنی اور وہاں سے چلی گئی۔

فری واپس پلٹی تو فیزی تابش کا ہاتھ تھام کے اسے اسکے کمرے میں لے جارہی تھی۔۔۔۔۔ تابش بدستور رو رہا تھا۔ فری نے پاس آکے ایک جھٹکے سے اسکا بازو پکڑا۔۔۔۔

“سب کچھ برباد کردیا آپ نے۔۔۔۔۔۔۔۔۔۔۔ سب کچھ۔۔۔۔۔۔” وہ غصے سے چلائی

تابش نے اسکی بات کا جواب نہیں دیا

“فری۔۔۔۔ ! پاگل ہوگئی ہو۔۔۔۔۔ یہ کونسا طریقہ ہے بھائی سے بات کرنے کا۔۔۔۔۔۔۔؟” فیزی اس پہ چلائی

“بھائی۔۔۔۔۔ ؟ کونسا بھائی۔۔۔۔۔؟ یہ اگر ہمارے سگے تو یہ سب نہ ہوتا۔۔۔۔۔۔ ” فری گرج کے بولی

“فری۔۔۔۔ ! شٹ اپ۔۔۔۔ اپنی بکواس بند کرو۔۔۔۔” فیزی بولی

“میں سچ کہہ رہی ہوں۔۔۔۔۔ یہ بھائی کہلانے کے لائق ہی نہیں ہیں۔۔۔۔۔۔ آج سگے اور سوتیلے کا فرق پتا چل گیا ۔۔۔۔۔” فری روتے ہوئے اباجی کے کمرے میں چلی گئی

تابش کی حالت کسی بیمار جیسی تھی، جو سانس تو لے رہا تھا لیکن جسم میں جان باقی نہیں تھی

فیزی اسے کمرے میں لے گئی اور بیڈ پہ بٹھا دیا۔۔۔ پانی کا گلاس اسکی طرف بڑھایا۔۔۔۔ تابش نے ہاتھ کے اشارے سے پانی پینے سے منع کیا

“بھائی۔۔۔۔۔ ! کیا ہے یہ سب۔۔۔۔۔؟ ہم لوگوں نے کئی بار آپ سے پوچھا کہ کسی اور کو پسند کرتے ہیں تو بتا دیں۔۔۔۔ تب کیوں نہیں بتایا۔۔۔۔۔ اب جب منگنی ہوچکی ہے پھر یہ سب۔۔۔۔۔” فیزی نے فرش پہ گھٹنے ٹیک دیے اور تابش کا ہاتھ پکڑ کے پوچھنے لگی

“اگر میں نے اور دیر کی تو اسکی زندگی تباہ ہوجائے گی۔۔۔۔۔۔” تابش لبوں میں بڑبڑایا

“کس کی زندگی تباہ ہوجائے گی۔۔۔۔۔؟” فیزی نے پوچھا

“نور کی ۔۔۔۔۔” تابش نے جواب دیا

” اچانک ایسا کیا ہوگیا۔۔۔۔۔۔۔؟” فیزی کی سمجھ میں کچھ نہیں آرہا تھا

“فیزی۔۔۔۔۔ پلیز۔۔۔۔ تم کچھ کرو۔۔۔۔۔ گر میں نے نور سے شادی نہ کی تو اسکی زندگی تباہ ہوجائے گی۔۔۔۔ خدا کے لیے میری مدد کرو۔۔۔۔” تابش بیڈ سے فرش پہ آگیا، اور فیزی کا ہاتھ پکڑ کے بولا

“نور کو کچھ نہیں ہوگا۔۔۔۔۔۔۔۔ آپ تسلی رکھیں۔۔۔۔۔” فیزی نے اسے سمجھانے کی کوشش کی

“تم کچھ نہیں جانتی ۔۔۔۔۔ اسکے سر پہ بہت بڑی مصیبت منڈلا رہی ہے۔۔۔۔ میں ہی اسے بچا سکتا ہوں۔۔۔۔۔ پلیز۔۔۔ بابا کو سمجھاؤ۔۔۔۔۔۔” تابش گڑ گڑانے لگا

“بھائی۔۔۔۔ ! سنبھالیں خود کو۔۔۔۔۔۔ اس وقت کوئی آپکی بات نہیں سنے گا۔۔۔۔۔ سب کچھ ہاتھ سے نکل چکا ہے۔۔۔” فیزی روتے ہوئے بولی۔۔۔ اس سے تابش کی حالت دیکھی نہیں جا رہی تھی

“فیزی۔۔۔۔۔ وقت بہت کم ہے۔۔۔۔۔ خدا کے لیے کچھ کرو۔۔۔۔ ورنہ میں خود کو کبھی معاف نہیں کر پاؤں گا۔۔۔۔” تابش سسکیاں لینے لگا

“کاش۔۔۔۔۔ کاش آپ نے یہ بات دو دن پہلے بتا دی ہوتی۔۔۔ سب کچھ ٹھیک ہو سکتا تھا۔۔۔۔۔” فیزی خود کو بے بس محسوس کرنے لگی

“اب بھی سب ٹھیک ہو سکتا ہے۔۔۔۔ تم کر سکتی ہو۔۔۔۔ تم سمجھا سکتی ہو سب کو۔۔۔۔۔۔ میں تم سے بھیک مانگتا ہوں۔۔۔۔ میری مدد کرو۔۔۔۔۔” تابش نے ہاتھ جوڑ لیے

“خدارا ہاتھ مت جوڑیں۔۔۔۔۔ میں وعدہ کرتی ہوں جس حد تک ہوسکا میں سب کو منانے کے کوشش کروں گی۔۔۔۔۔ لیکن سب مان جائیں گے ۔۔۔۔ اس بات کی کوئی گارنٹی نہیں ہے۔۔۔۔” فیزی نے اسے سمجھانے کی کوشش کی

“ایسے مت بولو۔۔۔۔ اگر سب نہیں مانے تو میں خود کشی کرلوں گا۔۔۔۔ میں نور کے ساتھ غلط ہوتے ہوئے نہیں دیکھ سکتا” تابش پھر سے پھوٹ پڑا

“میں پوری کوشش کروں گی۔۔۔۔۔ پر آپ خود کو سنبھالیں۔۔۔۔۔۔ ” فیزی اسکے کندھے پہ ہاتھ رکھ کے بولی

دوسری طرف فری ناصرہ بیگم کو تسلی دے رہی تھی

“امی۔۔۔۔ سنبھالیں خود کو۔۔۔۔۔”

ناصرہ بیگم منہ پہ دوپٹہ رکھ کے رو رہی تھیں

“میں کہتی تھی نا۔۔۔۔۔ یہ میری اولاد نہیں ہے۔۔۔۔ آج ثابت ہوگیا ۔۔۔۔۔ میری بھانجی کی زندگی تباہ کردی۔۔۔۔ ” ناصرہ بیگم بولیں

“بھائی نے اچھا نہیں کیا۔۔۔۔۔۔ آپ مت روئیں پلیز۔۔۔۔” فری ماں کے آنسو پونچھتے ہوئے بولی

“کیسے نہ روؤں۔۔۔۔۔ میری بہن دنیا کو کیا منہ دکھائے گی۔۔۔۔۔ سیمی نے اب تک گھر میں بتا دیا ہوگا۔۔۔۔۔ میں کیسے سامنا کروں گی ان لوگوں کا۔۔۔۔۔ ” وہ بولیں

“کچھ نہیں ہوگا۔۔۔۔۔ بھائی کو سیمی سے شادی کرنی ہی پڑے گی۔۔۔۔۔” فری کی آنکھوں میں غصہ تھا

“نہیں۔۔۔۔ ہرگز نہیں۔۔۔۔۔ اب تو میں اپنی بھانجی کی زندگی خراب نہیں ہونے دوں گی۔۔۔۔” ناصرہ بیگم بیٹی کو دیکھ کے بولیں

“فاروق صاحب۔۔۔۔۔۔ ! دیکھ لیا آپکے بیٹے نے کیسا صلہ دیا ہے مجھے۔۔۔۔۔۔۔۔ ” ناصرہ بیگم کھڑی ہوکے اباجی سے مخاطب ہوئیں

وہ سرجھکائے بیٹھے رہے۔

“یہ سب آپکی وجہ سے ہوا ہے۔۔۔۔ آپ نے ہمیشہ میری زبان پہ تالے لگا کے رکھے۔۔۔۔ اور اپنے بیٹے کو من مانی کرنے دی۔۔۔۔ میری بربادی کے ذمہ دار آپ ہیں۔۔۔۔۔” وہ شکوہ کناں تھی

“امی۔۔۔۔ ! اس میں بابا کی کیا غلطی ہے۔۔۔۔۔۔؟ یہ سب بھائی کا کیا دھرا ہے۔۔۔۔۔” فری نے ماں کو روکا

ناصرہ بیگم پھر سے صوفے پہ بیٹھ گئیں اور پھوٹ پھوٹ کے رونے لگیں

فری غصے سے لال پیلی ہوتی تابش کے کمرے میں پہنچی جہاں فیزی اسے تسلیاں دے رہی تھی

“آپ نے یہ سب میری ماں کو ذلیل کرنے کے لیے کیا ہے نا۔۔۔۔۔؟ سوتیلے پن کا بدلہ لینا چاہتے تھے آپ۔۔۔۔” فری نے آتے ہیں چلانا شروع کیا

“تم پھر سے بکواس کررہی ہو۔۔۔۔” فیزی اسکے سامنے کھڑی ہوگئی

“فیزی۔۔۔۔ تم پاگل ہو۔۔۔۔۔۔ تمہیں ابھی تک اس آدمی کی اصلیت سمجھ نہیں آئی۔۔۔۔۔” فری نے اسے جواب دیا

“پاگل تم ہوگئی ہو۔۔۔۔۔ میں نہیں۔۔۔۔۔ یہ انکا اپنا فیصلہ ہے کہ یہ کس کے ساتھ رہنا چاہتے ہیں کس کے ساتھ نہیں۔۔۔۔” فیزی تنک کے بولی

“تو پہلے کیوں نہیں پھوٹے۔۔۔۔۔ ایک دن منگنی ہوئی، اگلے دن پرانی محبت یاد آگئی۔۔۔۔ واہ۔۔۔۔ یہ انکا سوچا سمجھا پلان تھا تاکہ یہ امی کو انکے خاندان کے سامنے رسوا کر سکیں۔۔۔۔۔” فری شدید غصے میں تھیں

“شٹ اپ فری۔۔۔۔۔ دفع ہو جاؤ یہاں سے۔۔۔۔۔” فیزی نے اسے دروازے کی طرف دھکا دیا

“کبھی خوش نہیں رہیں گے آپ۔۔۔۔۔ کبھی بھی نہیں۔۔۔۔۔۔” فری دھاڑتے ہوئے وہاں سے چلی گئی

تابش کسی مجرم کی طرح سر جھکائے خاموش بیٹھا رہا۔۔۔

“بھائی۔۔۔۔ ابھی آپ آرام کریں۔۔۔ صبح اٹھ کے میں بابا سے بات کروں گی۔۔۔۔ پلیز اب بچوں کی طرح روئیے گا مت۔۔۔۔” فیزی نے اسے فرش سے اٹھا کے بیڈ پہ بٹھایا۔۔۔۔۔

وہ سب پہ ایک قیامت کی رات تھی، ایکطرف تابش سولی پہ لٹکا تھا کہ کس طرح نور کو عاصم کے چنگل سے بچائے، ناصرہ بیگم اباجی کے سامنے ٹسوے بہاتی رہیں، فیزی اور فری کے درمیان ایک اور ہی جنگ چھڑ چکی تھی۔ جہاں فری امی اور سیمی کے حق کے لیے لڑ رہی تھی وہیں فیزی تابش کا جی جان سے ساتھ دیتی رہی۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

نور مولوی صاحب کے سامنے سے ناشتے کے خالی برتن اٹھانے لگی تو وہ بیٹی کی طرف دیکھ کے بولے

“نور بیٹا۔۔۔۔!”

“جی بابا۔۔۔” اس نے جواب دیا

“کچھ دن پہلے میں نے تصدق صاحب کے بھتیجے کی بات کی تھی۔۔۔۔ اس بارے میں کچھ سوچا۔۔۔؟” مولوی صاحب سوالیہ نظروں سے دیکھنے لگے

“بابا۔۔۔ ! میں نے اسی دن ہی آپکو جواب دے دیا تھا کہ اگر یہ رشتہ آپکو مناسب لگ رہا تو مجھے کوئی اعتراض نہیں ہے۔۔۔” نور دوپٹہ ٹھیک کرتے ہوئے بولی

“بیٹا۔۔۔۔ ! یہ زندگی تمہاری ہے، اس لیے بہتر یہی ہے کہ فیصلہ بھی تمہارا ہو۔۔۔” مولوی صاحب اسے سمجھاتے ہوئے بولے

“مجھے پورا یقین ہے کہ آپ جو بھی فیصلہ کریں گے وہی میرے حق میں بہتر ہوگا۔ ۔۔۔” نور سر جھکا کے بولی

“اللہ پاک تمہارا نصیب اچھا کرے۔۔۔۔ میں ایک بار مولوی سراج صاحب سے بات کرلوں۔۔۔ اگر تو وہ بھی تسلی دیتے ہیں تو پھر زیادہ دیر نہیں کرنی چاہیے۔۔۔۔۔” مولوی صاحب سوچتے ہوئے بولے۔۔۔

نور وہاں سے چلی گئی۔۔۔۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

صبح سب کے چہروں پہ اداسی تھی۔ ناصرہ بیگم کیچن میں ناشتہ بنانے میں مصروف تھیں۔ فری کے نمبر پہ سیمی کی ماں کا فون تھا۔ فری نے ناصرہ کو فون پکڑایا۔ سیمی کی ماں ہاتھ دھو کے شروع ہوگئیں، ناصرہ بیگم اسے سمجھانے کی کوشش کرتی رہیں کہ تابش کے اس کارنامے کے بارے میں انھیں پہلے علم ہوتا تو وہ کبھی بھی سیمی کے رشتے کی بات نا کرتیں۔۔۔ لیکن وہ ایک بات بھی سننے کو تیار نہ تھیں۔ ان کی پوری کوشش تھی کہ اس معاملے سے خود کو اور اپنی بیٹیوں کو بری الذمہ کرالیں لیکن ایسا ہو نہیں پایا۔ سیمی کی ماں نے ان سے سبھی رشتے ناتے توڑ دیے اور فون بند کردیا۔

فون بند ہوتے ہی ناصرہ بیگم نے گھر میں کہرام برپا کردیا۔۔۔۔ اتنے سالوں سے تابش کے لیے انکے دل میں جو کچھ تھا سب باہر آنے لگا۔ کیچن کے فرش پہ بیٹھ کے وہ اپنا سر پیٹنے لگیں۔۔۔۔۔ فری انکے ہاتھ پکڑتی رہی لیکن جب وہ نہیں رکیں تو فری غصے سے تلملاتی ہوئی تابش کے کمرے کی طرف بڑھی۔

اس نے جیسے ہی دروازہ کھولنے کی غرض سے ہاتھ آگے بڑھایا فیزی نے اک جھٹکے سے اسکا ہاتھ پکڑ لیا۔

“کیا کررہی ہو۔۔۔۔۔۔؟” فیزی تنک کے بولی

“کیا کروں گی۔۔۔۔ میں اس شخص کو دکھانا چاہتی ہوں کہ اسکی وجہ سے میری ماں کی کیا حالت ہو گئی ہے۔۔۔” فری کی آنکھوں میں آنسو تھے

فیزی اسے ہاتھ سے پکڑے کیچن میں گھسیٹتے ہوئے لائی

“امی۔۔۔۔ خدا کا خوف کریں ۔۔۔۔ یہ کیا بچوں کی طرح رونا پیٹنا ڈالا ہوا ہے۔۔” فیزی ماں پہ چلائی

“اس لڑکے نے مجھے برباد کردیا۔۔۔۔ میں ہمیشہ ہمیشہ کے لیے اپنے بہن بھائیوں سے کٹ گئی۔۔۔۔۔” ناصرہ بیگم پھر سے سر پیٹنا شروع ہوئیں

“دیکھا۔۔۔۔۔ امی کی کیا حالت ہوگئی ہے۔۔۔۔۔ ؟ پھربھی تم انھی کا ساتھ دی رہی ہو۔۔۔۔” فری نے فیزی کو گھیرا

“امی کی یہ حالت انکی اپنی وجہ سے ہے، بھائی نے نہیں کہا کہ یہ ایسا کچھ کریں۔۔۔۔” فیزی نے اس جواب دیا اور ماں کی طرف لپکی

“بد بخت۔۔۔۔۔ تو بھی اس کے ساتھ ملی ہوئی ہے۔۔۔۔۔۔ تٌو تو میری سگی اولاد ہے۔۔۔۔۔۔” ناصرہ بیگم نے توپوں کا رخ فیزی کی طرف موڑا

“امی ۔۔۔۔ اس کی آنکھوں پہ پٹی بندھی ہوئی ہے۔۔۔۔۔ اسے ہماری کوئی پرواہ نہیں۔۔۔۔۔” فری نے بھی فیزی پہ وار کیا

ناصرہ بیگم نے فلک بوس صدائیں لگانا شروع کیں۔۔۔

ابا جی بامشکل چلتے ہوئے صحن میں پہنچے۔۔۔۔۔

“کیا ہوا ہے۔۔۔۔۔؟” ناصرہ بیگم کی خوفناک چیخیں سن کے وہ گھبرا گئے۔۔۔۔

تابش بھی بوکھلایا ہوا اپنے کمرے سے نکلا۔۔۔۔۔

فیزی اور فری نے بابا کی آواز سنی تو کیچن سے باہر نکلیں۔۔۔۔

ناصرہ بیگم بدستور روتی بلکتی انکے پیچھے پیچھے آگئی۔۔۔۔

“میں لٹ گئی۔۔۔۔ میں برباد ہوگئی۔۔۔۔۔۔۔ ” وہ اپنی چھاتی پیٹنے لگیں۔۔۔۔

تابش انکی طرف بڑھا

“فری ۔۔۔ اسے کہہ دے میرے پاس نہ آئے۔۔۔۔ یہ میرے پاس آیا تو میں اپنے ساتھ کچھ کرلوں گی۔۔۔۔۔” ناصرہ بیگم چلائی

تابش کے قدم وہیں پہ رک گئے۔۔۔۔

فیزی نے تابش کو کمرے میں جانے کا اشارہ کیا۔۔۔۔ وہ واپس مڑ گیا

اباجی اس ساری صورت حال سے دلبرداشتہ ہوگئے۔۔۔۔ فیزی انکی حالت دیکھ رہی تھی

“بابا۔۔۔۔۔ ! آپ امی کو سمجھائیں نا۔۔۔۔ ” فیزی بولی

“بیٹا۔۔۔۔۔ میں ہار گیا ہوں۔۔۔۔۔۔ اس گھر کو گھر بنانے میں سالوں لگے۔۔۔ تمہارے بھائی کی ایک غلطی نے سب خاک میں ملا دیا۔۔۔۔۔” انکی آنکھیں چھلک پڑیں۔۔۔۔

“خدا کے لیے آپ خود کو سنبھالیں۔۔۔۔۔ آپ ایسے ٹوٹ گئے تو ہم سب کا کیا ہوگا۔۔۔۔” فیزی نے انکا ہاتھ تھاما

ناصرہ بیگم کی چیخ و پکار انکے کانوں کے پردے پھاڑتی رہی

“میں ٹوٹ گیا ہوں بیٹا۔۔۔۔۔۔۔ تابش نے سب برباد کردیا۔۔۔۔۔” اباجی کی کمر جھکنے لگی۔

فیزی نےا نھیں سہارا دے کر کرسی پہ بٹھایا۔ پھر ماں کی طرف پلٹی۔۔۔۔

“امی۔۔۔ خدا کے لیے اب بس کردیں۔۔۔۔۔” فیزی انکے سامنے ہاتھ جوڑ کے کھڑی ہوگئی

“مار دے مجھے۔۔۔۔۔ گلہ دبا دے۔۔۔۔ ” وہ چلائیں

“کس بات پہ اتنا ہنگامہ ہے۔۔۔۔۔ منگنی ٹوٹی ہے، آپکی بھانجی کا قتل نہیں ہوا۔۔۔۔۔” فیزی نے بھی چلا کر جواب دیا

“دیکھ۔۔۔۔ دیکھ۔۔۔۔ یہ میرا خون ہے۔۔۔۔۔ میں بے اولاد ہی رہ جاتی۔۔۔۔۔۔ یا اللہ مجھے اٹھا لے۔۔۔۔” ناصرہ بیگم نے آسمان کی طرف ہاتھ بلند کیے۔۔۔۔

“فیزی۔۔۔۔۔۔ ! دفع ہوجا۔۔۔۔ تجھے امی کا ذرہ بھی احساس ہے۔۔۔۔۔؟” فری چلائی

“تم بیچ میں مت بولو۔۔۔۔ میں تمہیں وارن کررہی ہوں۔۔۔۔۔۔” فیزی نے اسکی طرف انگلی کھڑی کی

“آپ مجھے بتائیں۔۔۔۔۔ کیا ایسا کردیا بھائی نے۔۔۔۔؟ اپنی زندگی کا فیصلہ لینے کا پورا حق ہے انکے پاس۔۔۔” فیزی ماں سے مخاطب تھی

“تو پہلے کیوں نہیں بتایا۔۔۔۔۔ منگنی کے بعد ہی کیوں۔۔۔۔؟” ناصرہ نے سوال کیا

“منگنی کے بعد بتایا تو کونسی قیامت ٹوٹ پڑی۔۔۔۔ شادی تو نہیں ہوئی نا ابھی۔۔۔۔ ” فیزی بولی

“ارے وہ تو میری بھانجی کی قسمت اچھی تھی جو پہلے بھانڈہ پھوٹ گیا۔۔۔۔۔”

“واہ۔۔۔۔ اور یہ بھانڈہ کس نے پھوڑا۔۔۔۔۔ آپ نے بھائی پہ چھاپہ مارا یا پھر آپکی بھانجی نے انھیں رنگے ہاتھوں پکڑا۔۔۔؟ ارے وہ فریبی ہوتے تو ایسے سب کے سامنے آکے کہتے۔۔۔۔۔۔؟”

“اس سے بڑا فریب اور کیا ہوگا۔۔۔۔۔۔ ؟ اگر اسکے دل میں کوئی اور تھا تو سیمی کے لیے ہاں کیوں کی۔۔۔۔؟”

“یہ بات آپ تسلیم کر لیں کہ آپ نے انکی پرورش ضرور کی ہے لیکن ماں نہیں بن پائیں۔ انکے لیے آپکے دل میں ذرا سی بھی مامتا ہوتی تو آپکو محسوس ہوتا کہ وہ کیسے گھٹ گھٹ کے مر رہے ہیں۔۔۔۔۔ ایک عرصہ ہوا ہے کسی نے انھیں مسکراتے بھی دیکھا ہے۔۔۔۔۔۔۔۔۔۔ ؟”

“جب وہ خود اپنے منہ سے کچھ پھوٹیں گے نہیں تو کسی کو کیسے پتا چلے گا۔۔۔۔” فری بیچ میں بولی

“واہ۔۔۔۔ آج جب پھوٹے ہیں تو تم سب انھیں پھانسی پہ لٹکانا چاہتے ہو۔۔۔۔۔ انھوں نے ہاں اس لیے کی کیوں کہ ہم چاہتے تھے کہ سیمی اس گھر میں آئے۔۔۔۔۔۔۔ اور امی اگر آپ سچ سننا ہی چاہتی ہیں تو سنیں آپ اپنی بھانجی کو اس لیے اس گھر میں لانا چاہتی تھیں کہ کوئی اور آپکی سیٹ نہ سنبھال سکے۔۔۔۔۔۔۔۔۔” فیزی نے ناصرہ بیگم کو انکا اصل چہرہ دکھایا۔۔۔

فری اور ناصرہ کو اپنے کانوں پہ یقین نہیں آرہا تھا کہ فیزی اس حد تک تابش کے حق میں بولے گی۔۔۔۔

“مجھے مار دو۔۔۔۔ میں مرنا چاہتی ہوں۔۔۔۔ میری سگی بیٹی میرے خلاف کھڑی ہوگئی ہے۔۔۔۔۔۔” ناصرہ بیگم دوڑتی ہوئی کیچن میں گھسی۔۔۔

“میں آگ لگا دوں گی خود کو۔۔۔۔ میں اور نہیں جینا چاہتی۔۔۔۔۔۔ میں خود کشی کر لوں گی۔۔۔” وہ پاگلوں کی طرح مٹی کے تیل کا کین ڈھونڈنے لگیں۔۔۔۔

فری اور فیزی انھیں پکڑتی رہیں۔۔۔۔

بڑھتا ہوا شور سن کے تابش کیچن میں پہنچا۔۔۔۔۔

ناصرہ بیگم کے ایک ہاتھ میں تیل کا کین تھا اور دوسرے ہاتھ میں ماچس۔۔۔۔ فری اور فیزی ماں کو روکنے کی کوشش کرنے لگیں۔۔۔۔۔

تابش برق رفتاری سے آگے بڑھا اور انکے ہاتھ سے تیل کا کین اور ماچس چھین لی۔۔۔۔

“اگر کسی کو مرنا ہے تو وہ میں ہوں۔۔۔۔ آپ نہیں ۔۔۔۔۔” یہ کہہ کے وہ اپنے کمرے کی طرف لپکا۔۔۔۔۔

فیزی اسکے پیچھ بھاگی۔۔۔۔۔

“بھائی۔۔۔۔ خدا کے لیے۔۔۔۔ آپ تو ہوش کے ناخن لیں۔۔۔۔۔۔ ” وہ چلاتی ہوئی اسکے کمرے میں آگئی

تابش الماری سے اپنی پستول ڈھونڈنے لگا۔ فیزی نے اسکے پاؤں پکڑ لیے۔۔۔۔۔ اور گڑگڑانے لگی۔

وہ پھر بھی نہیں رکا تو وہ ااسکے سامنے کھڑی ہوگئی اور اسے پستول تک پہنچنے سے روکا۔ وہ بھاگتا ہوا کمرے سے باہر نکلا۔

ناصرہ بیگم صحن کے فرش پہ بیٹھ تھیں۔۔۔۔ فری نے ان کندھے پہ ہاتھ رکھا ہوا تھا۔۔۔ تابش کیچن میں گھسا۔۔۔۔ اس سے پہلے فیزی اس تک پہنچتی اس نے چھری اٹھائی اور اپنی کلائی پہ چلانے لگا

فیزی کے پیچھے پیچھے فری بھی آگئی۔۔۔۔۔ دنوں نے اسکے ہاتھ سے چھری پکڑی لیکن تب تک خون کا ایک فورا اسکی کلائی سے جاری ہوچکا تھا۔۔۔۔۔۔

ان دونوں نے زور زور س چلانا شروع کیا۔۔۔۔۔۔ ابا جی اور ناصرہ کے بھی اوسان خطا ہوئے۔۔۔۔

ایمبولینس بلا کے فری اور فیزی تابش کو اسپتال لے کے گئیں۔ تابش کی نس کٹنے سے بچ گئی لیکن کلائی پہ گہرا زخم ضرور ہوا۔۔۔۔مرہم پٹی کرانے کے بعد وہ دونوں اسے گھر واپس لے آئیں۔۔۔۔

تابش کی اس حرکت کے بعد اباجی بہت زیادہ پریشان تھے۔ ناصرہ بیگم نے بھی خاموشی اختیار کرلی۔

صبح ہوئی تو اباجی تابش کے کمرے میں آئے۔ وہ انھیں دیکھ کے اٹھ بیٹھا

“بیٹا۔۔۔۔ اور کتنے امتحان لوگے ۔۔۔۔۔؟” وہ افسردہ ہوکے بولے

تابش نے سر جھکا لیا

“یہ حرکت کرتے ہوئے تمہیں ایک بار بھی خیال نہیں آیا کہ تمہارے پیچھے ہم سب کا کیا ہوتا۔۔ ؟” انکی آنکھیں نم تھیں

“بابا۔۔۔ ! مجھے معاف کردیں۔۔۔ اب سے آپ جیسا چاہیں گے ویسا ہوگا۔۔۔۔” وہ بولا

“اب ہمارے چاہنے کی باری ختم ہوگئی ہے، تم بتاؤ تم کیا چاہتے ہو۔۔۔۔؟” اباجی بولے

تابش خاموش رہا۔۔

“بتاؤ بھئی۔۔۔۔ کون ہے نور۔۔۔۔۔؟” انھوں نے سوال کیا

“بابا۔۔۔ ! جن دنوں میں گھر پہ نہیں تھا، میں انھی کے گھر رکا ہوا تھا،بہت اچھے اور شریف لوگ ہیں۔۔ نورا ایک مدرسے میں پڑھاتی ہے۔۔۔۔” تابش بتانے لگا

“وہ بھی تمہیں پسند کرتی ہے۔۔۔۔؟” ابا جی بولے

“نہیں۔۔۔۔ ” تابش نے سر جھکا لیا

“پھر تم اس سے کیوں شادی کرنا چاہتے ہو۔۔۔۔؟” وہ حیران ہوئے

“مجھے وہ پسند ہے۔۔۔۔ اور اس سے شادی کرنا میرے لیے بہت ضروری ہے۔۔۔۔” تابش نے سنجیدہ ہوکے جواب دیا

“اور اگر ان لوگوں نے رشتے سے منع کردیا تو۔۔۔۔؟” اباجی نے پوچھا

“بنا ان سے بات کیے ہم کیسے اندازہ لگا سکتے ہیں۔۔۔۔؟” تابش نے سر اٹھا کے انکی طرف دیکھا

“ٹھیک ہے۔۔۔۔ لے چلو ہمیں۔۔۔۔ بات کرکے دیکھ لیتے ہیں۔۔۔۔” اباجی نے جواب دیا

“لیکن۔۔۔ امی۔۔۔۔۔؟” تابش نے سوالیہ نظروں سے انھیں دیکھا

“تمہاری زندگی سے بڑھ کے کچھ نہیں میرے لیے۔۔۔۔ ناصرہ سے میں نے بات کرلی ہے۔۔۔۔ اسکی تم فکر مت کرو۔۔۔۔ ” انھوں نے تابش کو تسلی دی۔

ابا جی اٹھ کے جانے لگے۔۔۔

“لیکن ۔۔۔ وہ سیمی۔۔۔۔۔” تابش نے ان کی طرف دیکھا

“بیٹا جو گزر گیا اسے بھول جاؤ۔۔۔۔” وہ یہ کہہ کے کمرے سے باہر آگئے۔۔۔۔

تابش جلدی سے انکے پیچھے پیچھے گیا، ناصرہ بیگم اپنے کمرے کی الماری سے کپڑے نکال رہی تھیں

“مجھے معاف کردیں۔۔۔ میں نے آپکا بہت دل دکھایا۔۔۔۔۔” تابش ہاتھ جوڑ کے کھڑا ہوگیا

ناصرہ بیگم نے اسے کوئی جواب نہیں دیا۔۔۔۔

“امی۔۔۔ ! مان جائیں نا۔۔۔۔۔ پلیز۔۔۔۔” فیزی پاس آکے بولی

“بھائی کی چمچی۔۔۔۔۔ ” ناصرہ نے اسے گھورا۔۔۔۔۔

“معاف کیا۔۔۔۔ جاؤ۔۔۔۔ پھر کبھی خود کشی کرنے کی کوشش کی تو معاف نہیں کروں گی” وہ بولیں

تابش مسکرانے لگا۔۔۔۔

“بھائی ۔۔۔ ! مجھے بھی معاف کردیں۔۔۔۔ میں نے آپ سے بہت بدتمیزی کی۔۔۔” فری بھی آگئی

تابش نے فری کو گلے سے لگا لیا۔۔۔۔

“یہ صحیح ہے بھئی۔۔۔۔ جو ان کی خاطر سب سے لڑتی رہی اسکے لیے کچھ نہیں۔۔۔۔ ” فیزی خفا ہے کے بولی۔۔۔

تابش نے اپنے دونوں بازو پھیلائے اور بہنوں کو گلے سے لگا لیا۔۔۔۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

مولوی صاحب گھر میں داخل ہوتے ہی نور کو آوازیں دینے لگے۔۔۔

نور کمرے سے باہر آئی

“جی بابا۔۔۔!”

“بیٹا۔۔۔ مولوی سراج صاحب ، تصدق صاحب کے گھر والوں کے ہمراہ پہنچتے ہی ہوں گے، تم نے کھانے پینے کا سارا انتظام کرلیا ہے نہ۔۔۔۔؟” مولوی صاحب پوچھنے لگے

“جی بابا۔۔! کھانے کا انتظام ہوگیا، آپ بے فکر رہیں۔۔۔۔ ” نور نے انھیں تسلی دی

“فاطمہ بیٹی اور انکی والدہ کو بلایا یا نہیں۔۔۔ انکا ساتھ ہونا ضروری ہے، خواتین بھی آرہی ہیں۔۔۔۔” مولوی صاحب نے مزید استسفار کیا

“ہاں بابا۔۔۔! فاطمہ تو پہلے ہی آگئی تھی، خالہ بھی آتی ہوں گی۔۔۔۔” نور نے انھیں بتایا۔۔۔۔

اتنے میں دروازے پہ دستک ہوئی۔۔۔۔

“شائد مہمان آگئے۔۔۔۔۔۔” مولوی صاحب دروازے کی طرف بڑھے

نور کا دل زور زور سے دھڑکنا شروع ہوا۔۔۔۔۔۔

جاری ہے