میں نے سیمی کے حوالے سے کافی سوچ و بچار کی ہے۔۔۔۔ اور اب میں نے فیصلہ کرلیا ہے” وہ بولا

ابا جی کی سوالیہ نظریں اسکے جواب کی منتظر تھیں۔۔۔۔۔۔۔۔۔۔

“بابا۔۔۔۔۔ ! یہ حقیقت ہے کہ میں نے جب جب سیمی سے شادی کے متعلق سوچا ہے میرے دل نے ہمیشہ انکار کیا، اسکی کئی ساری وجوہات ہیں۔ لیکن میں یہ بھی جانتا ہوں کہ آپ سمیت سبھی گھر والوں کی یہی منشا ہے کہ میں اس سے شادی کرلوں۔ اب جب آپ کی یہ رضا ہے تو میں اس رضا میں راضی ہوں۔ مجھے یقین ہے اللہ پاک کی بھی یہی مرضی ہوگی۔۔۔۔ میں سیمی سے شادی کرنے کے لیے تیار ہوں، آپ ان سے رشتے کی بات چلا سکتے ہیں۔۔۔۔” اس نے سر جھکایا

“بیٹا۔۔۔! میں تمہارے اس فیصلے سے بے حد خوش ہوں۔ مجھے یقین ہے سیمی تمہارے لیے ایک بہتر شریک حیات ثابت ہوگی۔۔۔” ابا جی نے تابش کا کندھا تھپتھپایا

تابش خاموشی سے وہاں سے اٹھ گیا۔

اباجی نے ناصرہ بیگم کو تابش کی رضامندی کے حوالے سے مطلع کیا۔ فیزی اور فری کو جب یہ خبر ملی تو انکی خوشی کا کوئی ٹھکانہ نا تھا۔ اس سے پہلے کے ناصرہ بیگم اپنی بہن سے اس متعلق بات کرتیں، فیزی اور فری نے سیمی کا نمبر ڈائل کیا۔

“ہیلو۔۔۔ !” سیمی نے فون اٹنڈ کیا

“کیا کررہی ہو۔۔۔ جلدی سے بتاؤ۔۔۔” فری بولی

“کچھ نہیں یار۔۔۔ بیڈ پہ لیٹی ہوں۔۔۔” اس نے بیزار ہوکے جواب دیا

“جلدی سے بیڈ سے اتر کے فرش پہ کھڑی ہو جاؤ۔۔۔۔۔”

“کیوں تنگ کررہی ہو۔۔۔۔۔؟ “

“ارے میں سچ کہہ رہی ہوں ، کیونکہ جو خبر میں تمہیں دینے والی ہوں وہ سن کے تم بیڈ سے گر جاؤ گی”

“کیسی خبر۔۔۔۔؟ اوہ آئی نو۔۔۔۔ تابش نے منع کردیا ہے نا۔۔۔۔۔ ایم ناٹ شاکڈ۔۔۔ اسکے بی ہیوئیر سے پہلے اندازہ ہوگیا تھا “

“خبر سنی نہیں بیچ میں اپنا تبصرہ شروع کردیا۔۔۔۔۔” فیزی نے فون پکڑا

فون کو سپیکر پہ ڈالا

“اچھا۔۔۔ ! سنا دو تم خبر۔۔۔۔ تم دونوں اپنے بھائی سے کم ہو کیا۔۔۔۔ مجھے ہی ستانا ہوتا ہے۔۔۔”

“اف۔۔۔۔۔ ! اب دل پہ ہاتھ رکھ لو”

“کیا مصیبت ہے۔۔۔۔ یار۔۔۔؟ جو بتانا ہے بتاؤ ورنہ میں فون بند کررہی ہوں۔۔۔”

“ہاؤ رووڈ۔۔۔۔۔ ! ایک تو ہم تمہیں اتنی اچھی خبر سنانا چاہ رہے اور تمہارے نخرے ہی ختم ہونے میں نہیں آرہے۔۔۔”

“اچھا بابا اب بتا دو۔۔۔۔ دیکھو۔۔۔ اگر تمہارے بھائی نے انکار کر دیا ہے تو پلیز مجھے مت بتانا، اسکے علاوہ کچھ ہے تو بتا دو۔۔۔۔”

“بھائی مان گئے ہیں۔۔۔۔۔۔” وہ دونوں مل کے بولیں

سیمی کی طرف خاموشی چھا گئی

“ہیلو۔۔۔ ! سیمی۔۔۔۔!۔۔۔ کہاں گئی۔۔۔۔” فیزی بولی

“کال تو چل رہی ہے۔۔۔۔۔ کہیں مر مرا تو نہیں گئی۔۔۔۔۔” فری بولی

“تم لوگ۔۔۔ جھوٹ بول رہے ہو نا۔۔۔۔؟” سیمی کی دبی سی آواز سنائی دی

“نہیں۔۔۔۔ سچ میں بھائی مان گئے ہیں، انھوں نے خود ابا جی سے کہا کہ رشتے کی بات چلائیں۔۔۔ ہمیں تو جیسے ہی پتا چلا سب سے پہلے تمہیں بتا رہے ہیں۔۔۔۔۔” فیزی نے تفصیلاً سب کچھ بتا دیا

“یاہووووووووووووووووووووووووو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ !” سیمی بیڈ پہ کھڑی ہوکر خوشی سے جھومنے لگی

فیزی اور فری اسکے عجیب و غریب آوازیں سن کے ہنسنے لگیں

“چلو۔۔۔ ! اب جلدی سے ہماری بھابی بننے کے لیے تیار ہوجاؤ۔۔۔۔” فری بولی

“جو حکم سرکار۔۔۔۔۔ ” سیمی نے جوشیلے انداز میں جواب دیا

“اب سے ہم تمہاری آفیشل نندیں بن رہی ہیں تو تمہیں ہمارا بہت خیال رکھنا پڑے گا۔۔۔۔۔” فری بولی

“اچھا ۔۔۔ اچھا۔۔۔ چلو اب فون بند کرو۔۔۔ میں امی کو بتانے جارہی ہوں۔۔۔۔” سیمی نے بیڈ سے نیچے چھلانگ لگا دی

“اے۔۔۔۔ رک۔۔۔۔ امی خود خالہ کو بتا دیں گی۔۔۔۔ تو بتا کے انکا مزہ خراب نا کر۔۔۔۔” فری نے اسے روکا

“یس۔۔ یو آر رائٹ۔۔۔۔ لیکن تم لوگ میری جان چھوڑو۔۔۔ میں اکیلے میں انجوائے کرنا چاہتی ہوں۔۔۔۔” سیمی بیڈ پہ الٹی گرتے ہوئے بولی

“اوکے۔۔۔۔۔ ! بائے۔۔۔۔” فری ناگواری سے بولی

“اے سنو سنو۔۔۔۔۔” سیمی بولی

“اب کیا ہے؟”

“تابش کو کال کرلوں۔۔۔؟”

“نہیں ابھی مت کرہ۔۔۔ آفیشلی انناؤنس تو ہونے دو۔۔۔۔”

“ہونہہ۔۔۔۔۔۔ ! اچھا”

“چلو بائے۔۔۔۔۔”

“رکو۔۔۔۔ ایک بات اور۔۔۔”

“اف۔۔۔۔ اب کیا ہے۔۔۔۔؟”

“میں نے کافی بار ٹرائی کیا۔۔۔۔ تابش کا نمبر بند کیوں رہیتا ہے۔۔۔۔۔”

“ارے ۔۔۔ ہاں۔۔۔ بھائی کا نمبر بدل گیا ہے۔۔۔۔”

“کیوں۔۔۔؟”

“آئی ڈونٹ نو۔۔۔۔ جن دنوں وہ گھر پہ نہیں تھے تب ہی انھوں نے نمبر چینج کیا تھا۔۔۔۔”

“وائے۔۔۔۔۔ ؟”

“ہمیں کیاپتا۔۔۔۔۔ ؟ ہاں ہاں یاد آیا۔۔۔۔ فری اور میں نے انکے نمبر کی لوکیشن ٹریس کی تھی، تب سے ہی وہ نمبر بند ہے۔۔۔۔”

“چلو جلدی سے مجھے نیا نمبر سینڈکرو۔۔۔۔”

“میں ٹیکسٹ کرتی ہوں۔۔۔۔”

“اوکے تھینک یو ۔۔۔۔”

“بائے۔۔۔”

“بائے۔۔۔۔ بائے۔۔۔”

تابش کے علاوہ سبھی گھر والے سیمی کے گھر باقاعدہ طور پہ رشتہ لے کے گئے، اور منگنی کی تاریخ طے کردی۔ منگنی میں دن کافی کم تھے اس لیے فیزی اور فری نے کالج سے چھٹیاں لیں اور منگنی کی تیاریوں میں جت گئیں۔۔۔۔ مہمانوں کے دعوت نامے چھپنے لگے اور شاپنگ شروع ہوگئی۔ جہاں ایک طرف سب خوش خرم تیاریوں میں مصروف تھے وہیں تابش اپنے آپ میں ہی گھٹ رہا تھا۔ جیسے جیسے دن پاس آرہے تھے ویسے ہی اسکی اداسی بڑھتی جارہی تھی۔ ماں باپ اور بہنوں کو خوش دیکھ کر بس پھیکی سی مسکراہٹ لبوں پہ ضرور آتی

“چلو۔۔۔! کسی کو تو خوشی ملی۔۔۔۔۔”

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

مولوی صاحب فجر کی نماز کے بعد صحن میں آئے تو نور تلاوت میں مشغول تھی۔ وہ بیٹی کے پاس آکے بیٹھ گئے۔ نور سمجھ گئی کہ وہ کوئی بات کرنا چاہتے ہیں، اس لیے اس نے قرآن پاک بند کیا اور انکی طرف دیکھنے لگی۔ مولوی صاحب لفظ جوڑنے لگے کہ بیٹی سے کس طرح بات شروع کریں

“بابا۔۔۔۔ ! کوئی بات ہے۔۔۔۔؟” نور بابا کے چہرے کے تاثرات پڑھتے ہوئے بولی

“بیٹا۔۔۔ ! میں تم سے وہ بات کرنا چاہتا ہوں جو اصولاً ایک ماں یا بڑی بہن کی ذمہ داری ہوتی ہے، لیکن افسوس کے یہ دونوں رشتے ہمارے درمیان میں موجود نہیں ہیں اس لیے میں خود تمہارے پاس آیا ہوں” وہ اداس ہوکے بولے

“بابا۔۔۔! میرے سبھی رشتے آپ سے شروع ہوکے آپ پہ ختم ہوتے ہیں، جب میں اپنے دل کی بات آپ سے کرنے میں نہیں جھجکھتی تو آپ اتنا کیوں پریشان ہورہے ہیں۔۔۔۔؟” نور نے انھیں تسلی دی

“بچے۔۔۔۔ ! گھما پھرا کے کیا بات کروں، صاف سی بات ہے کہ ہر بیٹی کو ایک نہ ایک دن باپ کا گھر چھوڑ کے جانا ہوتا ہے۔ بس اسی سلسلے میں تم سے بات کرنے آیا ہوں” وہ بولے

نور نے سر جھکا لیا۔مولوی صاحب نے بات جاری رکھی

” قریبی جاننے والوں سے میں نے اچھا رشتہ ڈھونڈنے کی بات کی تھی۔ چند ایک لوگوں کے بارے میں پتا بھی چلا لیکن دل نہیں مانا۔ کچھ دن قبل میرے ایک عزیز تصدق صاحب تشریف لائے تھے انھوں نے اپنے بھتیجے کے کے رشتے کی بات کی ہے ،لڑکا اچھا ہے نیک ہے، ایک مدرسے میں معلم ہے۔ کافی سالوں کی جان پہچان ہے اس لیے یہ بات میں بخوبی کہہ سکتا ہوں کہ شریف گھرانہ ہے”

مولوی صاحب خاموش ہوئے۔ نور بدستور سرجھکائے بیٹھی تھی۔

“وہ لوگ رشتے کے لیے آنا چاہتے ہیں۔۔۔۔ اگر تمہیں کوئی اعتراض نہیں ہے تو انھیں کھانا پہ کسی دن بلا لیتے ہیں” مولوی صاحب نے پوچھا

“بابا۔۔۔۔ ! جیسے آپکو مناسب لگے۔۔۔۔” نور نے آہستگی سے جواب دیا۔

نور اٹھ کے جانے لگی تو مولوی صاحب پھر سے گویا ہوئے

“اس رشتے کے حوالے سے ایک ضروری بات ہے جو تمہارے لیے جاننا بہت ضرروی ہے۔ اسکے بعد تم جو بھی ٖفیصلہ کرو”

نور نے مڑ کے انکی طرف دیکھا

“بیٹا۔۔۔۔ وہ لڑکا پہلے سے شادی شدہ ہے، دوسری شادی کی وجہ صرف اور صرف اولاد کا حصول ہے۔ یہ حقیقت تم اپنے ذھن نشین کرلو اور اچھی طرح سے سوچ سمجھ لو۔۔۔۔۔ تصدق صاحب نے جب مجھے اس بارے میں بتایا تو میں بھی پریشان ہوگیا تھا، شائد انکار بھی کردیتا لیکن کئی طرح کے وہم گمان دل میں ہیں۔ یہ بات حقیقت ہے کہ میں شروع سے یہی چاہتا تھا کہ تماری شادی ایک مولوی گھرانے میں ہو لیکن اس طرح سے کبھی نہیں سوچا تھا۔ آج کے دور میں بیٹیوں کے رشتے بہت مشکل ہوگئے ہیں، پتا نہیں پھر کبھی کوئی اچھا رشتہ آتا ہے یا نہیں۔۔۔ اور یہ بھی خبر نہیں کہ کب موت کا فرشتہ پہنچ جائے۔۔ میں تمہیں تن تنہا اس دنیا میں چھوڑ کے نہیں جا سکتا۔۔۔۔ تم ہر پہلو پہ غور کرو اور پھر مجھے جواب دینا۔۔۔۔۔” وہ وہاں سے اٹھ کے چلے گئے

نور کی آنکھوں میں آنسوؤں کے موتی چمکنے لگے۔۔۔۔۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

ایک ایک کر کے مارکیٹ کی ساری دکانیں بند ہونے لگیں۔ تابش حساب کتاب میں مگن تھا۔ تابش کی دکان کے سامنے حاجی صاحب کی پینٹس کی دکان تھی۔ انکی نظر تابش پہ پڑی تو اپنی دکان بند کراکے وہ اس کے پاس آگئے

“فاروق صاحب کافی دن سے غیر حاضر ہیں۔۔۔ خیریت تو ہے نا۔۔۔” وہ تابش کے کاؤنٹر کے سامنے آکے کھڑے ہوگئے

تابش کی نظر ان پہ پڑی تو اٹھ کے سلام کیا اور بیٹھنے کے لیے کرسی آگے بڑھائی

“کچھ دن پہلے تک تو بابا کی طبیعت کافی خراب تھی اس لیے نہیں آرہے تھے۔ طبیعت کچھ بہتر ہوئی تو گھر میں مصروفیت بڑھ گئی۔۔۔” تابش بتانے لگا

“خیریت۔۔۔۔؟ گھر میں کیسی مصروفیت۔۔۔۔؟ فاروق صاحب ایسے تو گھر بیٹھنے والے ہیں نہیں۔۔۔۔” حاجی صاحب انھیں بہت اچھی طرح سے جانتے تھے

“بس۔۔۔۔ وہ۔۔۔ کل منگنی کی چھوٹی سے تقریب ہے۔ اسی سلسلے میں بھاگ دوڑ چل رہی ہے۔۔۔” تابش کھاتے والا رجسٹر بند کر تے ہوئے بولا

“اچھا۔۔۔۔ کس کی منگنی ہے۔۔۔۔؟” حاجی صاحب نے سوال کیا

“چاچا جی۔۔۔ میرا رشتہ پکا ہوا ہے، کل منگنی کے لیے انکی طرف جانا ہے۔۔۔۔۔” تابش نے سرجھکالیا

“ماشاء اللہ۔۔۔۔ڈھیر سار مبارکباد۔۔۔۔۔۔ فاروق صاحب تو چھپے رستم نکلے ، چپ چاپ بیٹے کا رشتہ پکا کردیا اور ہمیں خبر تک نہیں دی، مٹھائی کھلانے سے تو نہیں ڈر گئے۔۔۔؟” وہ مسکراتے ہوئے بولے

“دراصل سب کچھ بہت اچانک ہوا۔۔۔ اتنے دن سے بابا کا دکان پہ بھی چکر نہیں لگا ورنہ آپ کو ضرور بتاتے۔۔۔” تابش انکی شکائیت دور کرنے لگا

“چلیں۔۔۔۔ فاروق صاحب اب دکان پہ آئیں گے تو مٹھائی تو کھلانی پڑے گی۔۔۔ “وہ بولے

“جی چاچا جی۔۔۔۔ ضرور۔۔۔ کیوں نہیں۔۔۔۔” تابش مسکرا دیا

“بیٹا۔۔۔۔ منگنی آپکی ہے تو بھاگ دوڑ بھی آپکو کرنی چاہیے تھی۔۔۔ اس عمر میں باپ کو کیوں پریشان کیا۔۔۔” حاجی صاحب نے پوچھا

“ہاں۔۔۔ وہ۔۔۔ دراصل دکان پہ بھی تو کسی کا ہونا ضروری تھا۔۔۔۔” تابش مناسب جواب ڈھونڈنے لگا

“دیکھو بیٹا۔۔۔۔ ! میں چھ دہایاں گزار چکا ہوں، دولہے کا چہرہ بتا دیتا ہے کہ وہ شادی سے خوش ہے کہ نہیں۔۔۔۔۔” انکی نظریں تابش کے چہرے پہ جمی تھیں

تابش خاموش ہوگیا۔

“مجھے لگتا ہے، اس شادی میں تمہاری رضا شامل نہیں ہے۔۔۔۔ ” حاجی صاحب سر ہلاتے ہوئے بولے

“نہیں۔۔۔۔ ایسی بات نہیں ہے، میں نے ہاں کی ہے تبھی تو بات آگے بڑھی ہے ۔۔۔؟” تابش نے انھیں جواب دیا

“ہاں کردینا ایک بات ہے لیکن دل سے کسی کو اپنانا دوسری بات، بیٹا۔۔۔۔ ! اس فیصلے کا اثر ایک آدھ دن پہ نہیں بلکہ پوری زندگی پہ ہوگا۔ تم سمجھدار ہو۔۔۔۔۔ پڑھے لکھے ہو۔۔۔۔ سوچ سمجھ کے فیصلہ کرو۔۔۔۔ اگر ابھی گھر والوں کی خوشی یا دباؤ میں فیصلہ کرو گے تو آگے چل کے پچھتانا پڑ سکتا ہے۔ اس لیے ہر پہلو سے سوچ لو۔۔۔۔۔” حاجی صاحب تابش کو سمجھانے لگے۔

اتنے میں حاجی صاحب کا بیٹا انھیں بلانے آگیا، وہ تابش کو سلام کرکے وہاں سے چلے گئے۔

تابش پھر سے سوچوں کی دلدل میں دھنسنے لگا۔

فون کی بیل پہ وہ چونکا، اجنبی نمبر سے کال تھی

تابش نے فون اٹنڈ کیا

“تابش۔۔۔۔؟” دوسری طرف سیمی تھی

“جی۔۔۔۔۔! میں تابش بات کر رہا ہوں۔۔۔” اس نے جواب دیا

“ارے۔۔۔ میں سیمی ہوں۔۔۔”

“جی۔۔۔ کیسی ہیں آپ”

“میں بالکل ٹھیک ہوں۔۔۔۔ تم بتاؤ۔۔۔”

“اللہ کا شکر ہے میں بھی خیریت سے ہوں۔۔۔۔۔ کیسے کال کی۔۔۔؟”

” کیوں۔۔۔؟ میں اپنے ہونے والے فیانسی کو کال نہیں کر سکتی۔۔۔؟”

“میں بس پوچھ رہا تھا کہ کوئی کام تو نہیں ہے؟”

“ہاں بالکل کام ہے”

“جی بتائیں۔۔۔۔”

“مجھے تمہارے دل کی آواز سننی ہے۔۔۔”

“میں سمجھا نہیں۔۔۔۔”

“اپنا فون دل کے پاس لے کے جاؤ۔۔۔۔ میں تمہاری دھڑکنیں سننا چاہتی ہوں”

“بچوں جیسی باتیں مت کریں۔۔۔۔ اصل والی بات بتائیں” وہ چڑ گیا

“دیکھو تابش۔۔۔۔ میں بہت دنوں سے تم سے بات کرنا چاہتی تھی۔ لیکن ہمت نہیں کر پائی۔۔۔” یہ کہہ کے وہ خاموش ہوگئی

“آپ کھل کے بات کریں۔۔۔۔۔۔ میں سن رہا ہوں”

” یار۔۔۔۔ ! بہت سمپل سی بات ہے مجھے ابھی تک یقین نہیں آیا کہ تم نے مجھ سے شادی کے لیے ہاں کردی ہے”

” کل ہماری منگنی ہے، اب بھی اگر یقین نہیں ہے تو میں کیا کرسکتا ہوں”

“تابش۔۔۔۔ ! میرے دل میں ایک خوف سا ہے۔۔۔۔۔۔”

“کیسا خوف۔۔۔۔؟”

“تمہیں کھو دینے کا خوف۔۔۔۔۔ پتا نہیں کیوں میرا دل کہتا ہے تم مجھے چھوڑ دو گے۔۔۔۔”

تابش نے کوئی جواب نہیں دیا

“ایسا کیوں ہے اسکی وجہ مجھے سمجھ نہیں آئی۔۔۔۔۔”

“آپ بلاوجہ پریشان ہورہی ہیں”

“اگر یہ بلاوجہ کی پریشانی ہے تو پھر ایک وعدہ کرو۔۔۔:

“کیسا وعدہ۔۔۔۔؟”

“ہمیشہ ہمیشہ کے لیے ساتھ نبھانے کا وعدہ۔۔۔۔”

تابش پھر سے خاموش ہوگیا

“تابش جواب دو نا۔۔۔۔ دیکھو اگر تم چاہو تو مجھے ابھی چھوڑ دو، میں سب کچھ خود پہ لے لوں گی، تم سے کوئی بھی سوال نہیں کرکے گا۔۔۔۔۔ پر کل جب ایک بار تم میرا ہاتھ تھام لوگے اور اسکے بعد تم نے چھوڑنے کا سوچا تو میں تمہیں کبھی معاف نہیں کروں گی اور نا ہی خود کو معاف کر پاؤں گی۔۔۔۔۔ “

تابش بدستور خاموش رہا

“تمہاری خاموشی میری جان لے لی گی۔۔۔۔ پلیز۔۔۔ جو بھی تمہارے دل میں ہے بول دو۔۔۔۔۔ “

“پریشان ہونے کی ضرورت نہیں ہے۔۔۔ آپکے ساتھ کچھ غلط نہیں ہوگا” وہ اسے تسلی دیتے ہوئے بولا

“پہلے وعدہ کرو۔۔۔۔۔” سیمی نے ضد پکڑ لی

“میں وعدہ کرتا ہوں، میں ہمیشہ ساتھ نبھاؤں گا”

“پکا۔۔۔۔۔۔ وعدہ؟”

“جی۔۔۔۔”

تابش کی آنکھوں سے بے اختیار آنسوؤں کی ایک لڑی جاری ہوئی اور اس نے اپنا ماتھا کاؤنٹر کے ساتھ ٹیک دیا۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

نور چارپائی پہ بیٹھ سبزی کاٹنے میں مصروف تھی، فاطمہ اسکے پاس بیٹھی باتیں کررہی تھی

“کیا ہوا ۔۔۔نور۔۔۔! میں جب سے آئی ہوں تم چپ چپ ہو۔۔۔” فاطمہ نور کا ہاتھ ہلا کے بولی

“نہیں ۔۔۔۔ کچھ نہیں۔۔۔۔۔ ” نور نے چونک کے جواب دیا

“پھر اتنی اداس کیوں ہو۔۔۔۔۔؟” وہ پوچھنے لگی

“ارے نہیں اداس کیوں ہونگی۔۔۔۔۔۔۔” نور نے جواب دیا

“کچھ تو بات ہے۔۔۔۔ “

“نہیں تو۔۔۔۔۔۔”

“اسکے بارے میں سوچ رہی ہو نا۔۔۔۔۔” فاطمہ کا اشارہ تابش کی جانب تھا

“کس کے بارے میں ۔۔۔۔۔۔؟” نور نے سے گھورا

“ارے۔۔۔۔۔ وہ۔۔۔۔ کیا نام تھا اسکا۔۔۔۔۔۔ ہاں۔۔۔۔ تابش۔۔۔۔ !۔۔۔۔ تابش کے بارے میں سوچ رہی ہو۔۔۔”

“سسس۔۔۔۔۔۔ !” نور کے منہ سے درد بھری آواز نکلی۔ چھری سے اسکی انگلی کٹ گئی۔۔۔

“اوہو۔۔۔۔ نور۔۔۔۔ دیکھ کے نہیں کر سکتی۔۔۔۔ پتا نہیں کہاں کھوئی رہیتی ہو۔۔۔۔”فاطمہ اس پہ چلانے لگی،اور دوڑتی ہوئی کمرے کی طرف چلی گئی

صاف کپڑے کی کتر سے اسن نے نور کے ہاتھ پہ پٹی باندھ دی۔

“نور۔۔۔۔ !” پٹی باندھنے کے بعد اس نے پوچھا

“جی۔۔۔۔!” اس نے جواب دیا

“تم اس لڑکے کے بارے میں جتنا سوچ رہی ہو، اس سے یہی ثابت ہوتا ہے کہ وہ تمہیں پسند ہے” فاطمہ اسکی آنکھوں میں دیکھ کے بولی

“پاگل ہوگئی ہو تم۔۔۔۔۔۔ کچھ بھی بولتی رہیتی ہو۔۔۔ میں بھلا کسی غیر مرد کو کیوں پسند کرنے لگی۔۔۔۔۔؟” نور نے اسے گھورا

“کسی کو شادی کے لیے پسند کرنا غلط بات نہیں ہے۔۔۔۔ ایک نہ ایک دن شادی تو کرنی ہے پھر اس سے کیوں نہیں۔۔۔؟” فاطمہ نے اسے گھیرا

“فاطمہ۔۔۔ ! پاگل ہوگئی ہو۔۔۔۔۔؟” نور چڑ گئی

“پاگل میں نہیں تم ہو۔۔۔۔ جس دن اس نے تم سے کہا تھا کہ وہ تمہیں پسند کرتا ہے تو تم کہہ دیتی کہ اپنے گھر والوں کو بھیج دے۔۔۔۔ کتنی بڑی بے وقوف ہو تم۔۔۔۔۔۔” فاطمہ نے اسے جھنجھوڑا

“فضول باتیں بند کرو فاطمہ۔۔۔۔۔۔ ! بابا نے میرے لیے رشتہ پسند کر لیا ہے۔۔۔۔” نور سبزی کی ٹوکری اٹھا کے کیچن کی طرف جانے لگی

“کیا۔۔۔۔۔ ؟ سچی۔۔۔۔ اتنی اچانک۔۔۔۔ پر کون ہے وہ۔۔۔۔۔؟” فاطمہ اسکی بات پہ ہکا بکا رہ گئی، وہ لگ بھگ دوڑتی ہوئی اسکے پیچھے کیچن میں پہنچی

“بابا کے جاننے والے ہیں، پہلے گھر سے اولاد نہیں ہوئی اسی لیے دوسری شادی کے خواہش مند ہیں۔۔۔” نور نے سنجیدہ ہو کے جواب دیا

“نور۔۔۔۔ ! پاگل ہو گئی ہو تم۔۔۔۔۔ تمہارے بابا نے ہاں کر دی ہے کیا۔۔۔۔۔؟” فاطمہ کو جھٹکا لگا

“ابھی ہاں نہیں کی وہ میرے جواب کے منتظر ہیں۔۔۔۔۔” نور اسکی طرف مڑ کے بولی

“شکر ہے خدا کا۔۔۔۔۔ تم نے ہاں نہیں کی ۔۔۔ میں تو ڈر ہی گئی تھی۔۔۔۔” فاطمہ اپنے دل پہ ہاتھ رکھ کے بولی

“لیکن میں ہاں کردوں گی ۔۔۔ تم جانتی ہو جہاں بابا کی مرضی وہیں میری مرضی۔۔۔۔۔۔” اسکی نظریں چولہے سے اٹھتی آگ لپٹوں پہ تھی۔

“نور۔۔۔۔ تمہارا دماغ خراب ہوگیا ہے؟” فاطمہ نے اسے بازو سے پکڑ کے گھمایا

آنکھوں میں اتر آئی نمی کو چھپانے کے لیے نور نے سر جھکا لیا۔۔۔۔۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

“بھائی ۔۔۔۔ ! جلدی سے تیار ہوجائیں۔۔۔ سب مہمان آگئے ہیں، ہم نے دس منٹ میں نکلنا ہے” فری نے ایک سانس میں سب بول دیا

“ارے ۔۔۔۔ پہننا کیا ہے۔۔۔۔؟ ایسے چلا جاؤں۔۔۔۔؟” تابش حیرانی سے اسے دیکھنے لگا

“اف۔۔۔۔ ! فیزی نے سوٹ لا کے نہیں دیا آپکو۔۔۔۔۔؟” وہ حیران ہو کے بولی

“کہاں یار۔۔۔۔ تم لوگ بھی حد کرتے ہو۔۔۔۔۔۔” تابش چڑ کے بولا

“بس۔۔۔ بس ایک منٹ میں خود لے کے آتی ہوں۔۔۔۔۔۔” فری بھاگتے ہوئے کمرے سے باہر نکلی۔۔۔ تابش پھر سے بیڈ پہ بیٹھ گیا

اگلے ہی پل وہ واپس پلٹی

“وہ میں بتانا بھول گئی۔۔۔۔۔ بابا پوچھ رہے ہیں آپ نے اپنے دوستوں کو انوائیٹ کیا ہے یا نہیں۔۔۔۔؟” فری ہڑبڑائی ہو پوچھنے لگی

“دوستوں کو۔۔۔۔۔۔ ؟” تابش سوچ میں ڈوب گیا۔۔۔۔

“ہاں ۔۔۔ وہ عاصم بھائی ، نومی بھائی وغیرہ۔۔۔۔۔ وہ منگنی میں آرہے ہیں نا۔۔۔۔؟” فری نے پھر سے سوال کیا

“عاصم۔۔۔۔۔ !” تابش کے منہ سے نکلا

یہ نام تابش کے کانوں میں ایسے گونجا جیسے کسی نے اسےگہرے کنوئیں میں دھکا دیا ہو۔۔۔۔۔۔