Girhan by Zoya Hassan NovelR50726 Girhan by Zoya Hassan Episode08
No Download Link
496.4K
14
Rate this Novel
Girhan by Zoya Hassan Episode01 Girhan by Zoya Hassan Episode02 Girhan by Zoya Hassan Episode03 Girhan by Zoya Hassan Episode04 Girhan by Zoya Hassan Episode05 Girhan by Zoya Hassan Episode06 Girhan by Zoya Hassan Episode07 Girhan by Zoya Hassan Episode08 (Watching)Girhan by Zoya Hassan Episode09 Girhan by Zoya Hassan Episode10 Girhan by Zoya Hassan Episode11 Girhan by Zoya Hassan Episode12 Girhan by Zoya Hassan Episode13 Girhan by Zoya Hassan Last Episode
Girhan by Zoya Hassan Episode08
Girhan by Zoya Hassan Episode08
“مالک۔۔۔۔۔ ! جو کرب میں نے اپنی جھولی میں بھرا ہے۔ اس کی سزا میں تا حیات جھلینے کو تیار ہوں۔۔۔۔۔ پر اسے اس کرب کی قید سے آزاد کردے جسکا نام نہ لینے کی قسم کھائی ہے۔۔۔۔۔۔۔۔۔۔بس یہی ایک دعا سن لے۔۔۔۔ اس کے بعد کوئی خواہش باقی نہیں ہے”
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
“بھائی۔۔۔ ! آپ ایسے اندر نہیں آ سکتے۔۔۔۔ پہلے آنکھیں بند کریں۔۔۔” فیزی گھر کے دروازہ کھول کے بولی
“کیوں۔۔۔۔؟ کیا ہوا۔۔۔؟” تابش نے حیران ہو کے پوچھا
“بس۔۔۔ کہہ دیا نا۔۔۔۔۔” وہ حاکمانہ انداز میں بولی
“اچھا۔۔۔۔۔ بابا ! لو کرلیں بند۔۔۔۔۔” تابش آنکھیں بند کرتے ہوئے بولا
فیزی اسے ہاتھ سے پکڑ کے کمرے کے اندر لے گئی۔
“چلیں۔۔۔۔ اب ہاتھ آگے کریں۔۔۔۔۔ پر آنکھیں با لکل نہیں کھولنی۔۔۔۔۔” فیزی بولی
تابش نے ہاتھ آگے بڑھایا، فیزی نے اسکے ہاتھ میں کسی کا ہاتھ رکھ دیا اور بولی
“گس کریں یہ کون ہے۔۔۔۔۔؟”
“ارے یار۔۔۔۔۔ ! کیا کر رہے تم لوگ۔۔۔۔ “تابش نے جلدی سے ہاتھ پیچھے کیا اور آنکھیں کھول دیں۔۔۔
“سیمی۔۔۔۔۔ !” تابش نے اپنے سامنے کھڑی ہوئی لڑکی کو دیکھ کہا
جواباً ا س نے ایک قہقہہ لگایا
“بھائی۔۔۔ ! آپ نے چیٹنگ کی ہے۔۔۔۔ یہ غلط ہے” فیزی خفا ہوگئی
“ہیلو ۔۔۔۔! مسٹر تابش۔۔۔” سیمی بولی
“اسلام علیکم۔۔۔۔ !” تابش نے سلام کیا
“وعلیکم سلام۔۔۔۔۔ ! ارے یار تمہارا بھائی صرف شکل سے نہیں عادتوں سے بھی مولوی بن گیا ہے۔۔۔۔”وہ فیزی کی طرف دیکھ کے بولی
“آپ کب واپس آئیں۔۔۔۔۔؟” تابش نے پوچھا
“کافی دن ہوگئے ہیں۔۔۔۔۔ میں تو پہلے بھی یہاں سے ہوکے گئی ہوں۔ تب آپ گم تھے۔۔۔۔” سیمی مسکراتے ہوئے بولی
“فیزی۔۔۔۔ ! تمہارے گھر میں مہمانوں کو کھڑا ہی رکھا جاتا ہے۔۔۔؟” وہ فیزی کی طرف مڑ کے بولی
“اوہ سوری۔۔۔۔ بیٹھیں آپ۔۔۔ ” تابش شرمندہ ہو کے بولا
“تھینکس۔۔۔۔۔!” وہ صوفے پہ بیٹھتے ہوئے بولی
“آپ لوگ باتیں کریں۔۔۔ میں چائے لے کے آتی ہوں۔۔۔۔” فیزی بولی
“نو ۔۔۔ پلیز۔۔۔ نو ٹی۔۔۔ نو کوفی۔۔۔۔۔” سیمی اسے ہاتھ کا اشارہ کر کے بولی
“ارے کیوں۔۔۔۔۔ ؟” فیزی نے پوچھا
“بابا۔۔۔ یو نو۔۔۔۔۔ ! سکن پرابلم۔۔۔۔ چائے ، تمہاری چائے کے چکر میں مَیں پمپلز کو دعوت نہیں دے سکتی۔۔۔۔۔ ” سیمی ہنستے ہوئے بولی
“اف۔۔۔۔۔ ! جوس تو چلے گا ؟” اس نے پوچھا
“یس۔۔۔۔ ! وائے ناٹ۔۔۔” سیمی نے سر ہلایا
تابش خاموش بیٹھا دونوں کی باتیں سنتا رہا
“سو مسٹر تابش۔۔۔۔ کیا چل رہا ہے لائف میں۔۔۔۔؟” سیمی تابش سے مخاطب ہوئی
“کچھ نہیں۔۔۔۔بس بابا کے ساتھ شاپ پہ ہوتا ہوں۔۔۔۔” تابش نے جواب دیا
“واٹ۔۔۔۔۔ شاپ پہ۔۔۔ سیریسلی۔۔۔۔۔۔! فیزی اور فری بتا رہی تھیں کہ تم باہر جانے کا پلان کررہے ہو۔۔۔۔” وہ ڈرامائی انداز میں بولی
“پلان تو تھا۔۔۔۔ پر اب نہیں۔۔۔ بس یہیں رہنا ہے۔۔۔۔” تابش نے سر ہلایا
“کم آن ڈووڈ۔۔۔۔۔۔ کیوں لائف کا بینڈ بجانے پہ تلے ہو۔۔۔۔۔ ایم بی اے فنانس کرکے تم ہارڈ وئیر کی شاپ چلا رہے ہو۔۔۔۔۔۔۔ آئی کانٹ بلیوو دس۔۔۔۔ سیریسلی۔۔۔” وہ حیران ہوکے بولی
“شاپ چلانے میں کیا پرابلم ہے۔۔۔۔؟ پہلے میں بھی یہی سوچتا تھا کہ یہ کام میرے لیول کا نہیں ہے۔۔۔ پر جب سے شاپ پہ بیٹھا ہوں اندازہ ہوا کہ نوکری سے چار گنا اچھا کام ہے۔۔۔ اور ویسے بھی بابا کو میری ضرورت ہے۔۔۔” تابش نے واضح کیا
“او ایم جی۔۔۔۔۔ ! تم تابش ہی ہو نا۔۔۔۔۔؟ آئی کانٹ بلیوو دس مین۔۔۔ لٹ می چیک دیٹ۔۔۔۔۔”
وہ اسکے بالکل پاس آکے کھڑی ہوئی اور ماتھے سے بال ہٹا کے چہرہ غور سے دیکھنے لگی۔۔۔۔ تابش نے اپنا چہرہ پیچھے کیا اور ہڑ بڑا کے کھڑا ہوگیا۔۔۔۔
“آپ یہ کیا کررہی ہیں۔۔۔۔۔؟” وہ تلملا گیا
“ریلیکس۔۔۔۔۔ ! تم تو ایسے ڈر رہے ہو جیسا ابھی میں تمہارا ریپ کر دوں گی۔۔۔۔ہاہاہاہا۔۔۔۔” اس نے ایک زور دار قہقہہ لگایا
“یہ کیا بے ہودگی ہے۔۔۔۔ ” تابش تپ گیا
“تابش۔۔۔۔ ! کم آن۔۔۔۔ اتنا مائنڈ کیوں کررہے ہو۔۔۔۔؟ ہم اتنے پرانے دوست ہیں ۔۔۔۔ تمہارا اتنا بدلا ہوا رویہ سمجھ سے باہر ہے۔۔۔۔۔” وہ سنجیدہ ہوکے پیچھے ہٹی۔۔
اتنے میں فیزی بھی کمرے میں آگئی۔۔۔ اسکے ہاتھ میں ٹرے تھی جس پہ دو چائے کے کپ تھےاور ایک جوس کا گلاس
“یہ لیں۔۔۔ گرما گرم چائے اور ٹھنڈا ٹھندا جوس۔۔۔۔۔” اس نے ٹرے ٹیبل پہ رکھ دی
دونوں کی طرف سے کوئی جواب نہیں آیا
“کیا ہوا۔۔۔۔۔ ! آپ لوگ اتنا چپ چاپ کیوں بیٹھے ہیں۔۔۔۔؟” اس نے دونوں کے چہروں پہ نظر دوڑائی
“اپنے بھائی سے پوچھو۔۔۔۔۔ !” سیمی غصے میں تلملاتی ہوئی کمرے سے باہر چلی گئی تابش الماری کی طرف بڑھا
“بھائی۔۔۔۔ ! یہ کیا ہے؟ کیا کہا آپ نے اسے۔۔۔۔۔؟” فیزی اکتا کے بولی
“کچھ نہیں۔۔۔۔ میں نے کیا کہنا ہے۔۔۔۔” تابش الماری سے کپڑے نکالتے ہوئے بولا
“تو۔۔۔۔ وہ ایسے روٹھ کے کیوں چلی گئی۔۔۔۔؟” فیزی تابش کے پاس آکے کھڑی ہوئی
“بابا۔۔۔۔ کچھ نہیں کہا میں نے۔۔۔۔۔ اسے چھوڑو اور یہ بتاؤ باقی لوگ کہاں ہیں؟” تابش اسکی طرف مڑا
“امی کے کچھ ٹیسٹ کرانے تھے بابا اور فری انکے ساتھ لیبارٹری گئے ہیں۔۔۔۔ میں سیمی کے ساتھ رک گئی۔۔۔” فیزی بتا کے سیمی کے پیچھے چلی گئی
فیزی جب کمرے میں پہنچی تو سیمی بیڈ پہ الٹی لیٹی ہوئی تھی، اور شائد رو بھی رہی تھی
“کیا ہوا۔۔۔۔۔ ! تم رو رہی ہو۔۔۔؟” وہ اسکے ساتھ بیڈ پہ بیٹھ گئی
“یار تمہارا بھائی خود کو سمجھتا کیا ہے۔۔۔۔ آئی ڈونٹ نو اتنی اکڑ کس بات کی ہے اسے۔۔۔۔؟” سیمی اٹھ کے بیٹھ گئی
“ارے۔۔۔۔ ایسا نہیں ہے،۔۔۔۔ تمہیں غلط فہمی ہوئی ہے۔۔۔ بھائی میں اکڑ بالکل بھی نہیں ہے۔۔۔۔” فیزی نے سمجھایا
“کم آن۔۔۔۔ ! خود دیکھ کے آئی ہوں۔۔۔۔۔” سیمی خفا ہوکے بولی
“اچھا بتاؤ نا ۔۔۔۔ بات کیا ہوئی ہے۔۔۔۔ ؟” فیزی سنجیدہ ہوکے بولی
“نتھنگ یار۔۔۔۔۔ ! مجھے گھر جانا ہے۔۔۔۔ میں ممی کو کال کرتی ہوں” وہ بیگ سے اپنا موبائل نکلالنے لگی
“سیمی۔۔۔۔ ! آر یو کریزی۔۔۔۔ ؟ تم خالہ سے پانچ دن کی اجازت لے کی آئی ہو۔۔۔ چند گھنٹوں میں اکتا گئی۔۔۔۔؟” فیزی نے اسکے ہاتھ سے بیگ چھینا
“یار بیگ دو۔۔۔۔۔ مجھے نہیں رہنا یہاں۔۔۔۔۔۔ ” وہ چڑ گئی
“ہرگز نہیں۔۔۔۔ ایسے کیسے تم چلی جاؤ گی۔۔۔۔” فیزی بیڈ سے نیچے اتر کے کھڑی ہوگئی
“مجھے تابش سے ایسے بی ہیووئیر کی امید نہیں تھی۔۔۔۔ ” اسکی آنکھیں نم ہونے لگیں
“اوہ ۔۔۔۔۔۔ مائی سویٹ ہارٹ۔۔۔۔۔!” فیزی نے جا کے اسے گلے لگایا
سیمی اپنے آنسو پوچھنے لگی
“چلو۔۔۔ میں بھائی سے بات کرتی ہوں۔۔۔ وہ تمہیں سوری بولیں گے۔۔۔۔” فیزی نے اسے تسلی دی
“نو۔۔۔۔ آئی دونٹ نیڈ سوری۔۔۔۔” وہ ناگواری سی بولی
“ایسے کیسے۔۔۔۔ ؟ سوری تو بولنا پڑے گا انھیں۔۔۔۔۔” فیزی بولی
سیمی چپ ہوگئی
تھوڑی دیر بعد باقی لوگ بھی واپس آگئے
رات کا کھانا لگا تو امی نے فیزی سے کہا کہ سیمی کو کھانے کے لیے بلا لے۔ پر سیمی نے بھوک نہ ہونے کا بہانہ کیا۔ فیزی نے فری کو چپکے سے بتا دیا کہ وہ بھائی سے ناراض ہے اس لیے کھانا نہیں کھا رہی
وہ دونوں تابش کے کمرے میں پہنچیں
“بھائی ۔۔۔۔ ! آپ نے فری سے ایسا کیا کہہ دیا ہے وہ کھانا نہیں کھا رہی، باربار گھر جانے کی ضد کررہی ہے” فری نے آتے ہی تابش کو گھیرا
“میں نے کچھ نہیں کہا اسے۔۔۔۔۔ کیوں تم لوگ میرے پیچھے پڑے ہو۔۔۔” تابش چڑ گیا
“کوئی نا کوئی بات تو ہوگی۔۔۔ بلاوجہ وہ ایسا کیوں کرے گی۔۔۔۔” فیزی بولی
“اب میں کیسے سمجھاؤں تم لوگوں کو۔۔۔۔۔۔” تابش بیزار ہوکے بولا
“ہمیں سمجھانے کی ضرورت نہیں ہے۔۔۔ بس آپ اسے سمجھائیں ۔۔۔۔ اور اسکو سوری بولیں۔۔۔ گیسٹ ہے وہ۔۔۔۔۔” فری بولی
“اچھا بابا۔۔۔۔ میں ہی معافی مانگ لیتا ہوں۔۔۔۔” تابش کھڑا ہوگیا۔
کمرے میں پہنچا تو سیمی لیپ ٹاپ پہ نظریں جمائی بیڈ پہ بیٹھی تھی
تابش کے کھنکارنے پہ وہ اس نے سر اٹھا کے دیکھا۔ پھر خفگی سی نظریں پھیر لیں
“اگر آپکو میری کسی بات سے دکھ پہنچا ہے تو میں معافی چاہتا ہوں۔۔۔ لیکن کھانے پہ اپنا غصہ مت نکالیں۔۔۔۔” تابش مؤدبانہ انداز میں بولا
“اوہ۔۔۔ کتنے مھان ہیں آپ۔۔۔۔ پہلے تو اتنا غصہ کیا، اور اب معافی مانگ کے سب صحیح کرنے کی کوشش کررہے ہیں۔۔۔۔۔” سیمی اسے گھورتے ہوئے بولی
“دیکھیں۔۔ میں نے آپ پہ غصہ نہیں کیا بس سمجھانے کی کوشش کررہا تھا۔۔۔۔” تابش بولا
“اچھا۔۔۔۔ سمجھ گئی میں اب ۔۔۔۔۔ خوش۔۔۔؟” سیمی نے طنز کیا
“چلیں ۔۔۔ ! اب کھانا کھا لیں۔۔۔۔” تابش نے اسکے چہرے کی طرف دیکھتے ہوئے کہا
“ایک شرط پہ۔۔۔۔۔” وہ جھٹ سے بولی
“کیسی شرط۔۔۔۔۔۔؟” تابش نے سوالیہ نظروں سے اسے دیکھا
“تم یہ آپ جناب کا ڈرامہ بند کرو تو میں کھانا کھا لیتی ہوں۔۔۔۔” اس نے لیپ ٹاپ بند کیا
تابش اسکا منہ تکنے لگا۔۔۔
“ڈیل۔۔۔۔۔؟” سیمی نے اپنا ہاتھ اسکی طرف بڑھایا
“ٹھیک ہے۔۔۔۔ اب چلیں۔۔۔۔” تابش نے ہاتھ ملانے سے اجتناب کیا
“چلیں نہیں۔۔۔۔ چلو۔۔۔۔ اوکے۔۔۔؟” سیمی بیڈ سے اترتے ہوئے بولی
“او کے۔۔۔۔” تابش نے سر جھکا لیا۔
وہ سیمی کے پیچھے پیچھے جا کے کھانے کی ٹیبل کی طرف بڑھا
“سیمی بیٹا۔۔۔۔ فیزی بتا رہی تھی کہ تمہیں بھوک نہیں ہے۔۔۔۔” ناصرہ بیگم نے سے سیمی سے پوچھا
“خالہ ۔۔۔ بھوک تو نہیں تھی۔۔۔ پر آپکے بیٹے نے ضد ہی اتنی کی۔۔۔ میں نے سوچا بیچارے کا دل نہیں توڑتے۔۔۔۔۔ کیوں تابش۔۔۔۔؟” وہ شرارتاً بولی
تابش نے کوئی رد عمل نہیں دیا۔ فیزی اور فری دبی ہنسی ہنسنے لگیں
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
“امی ۔۔۔۔ ! پلیز۔۔۔ آپ بابا سے بات کریں نا۔۔۔۔ ” فری ناصرہ بیگم سے ضد کرنے لگی
“نا بھئی ۔۔۔ !تمہارے بابا کبھی نہیں مانیں گے۔۔۔۔ الٹا مجھے ہی ڈانٹ دیں گے” ناصرہ بیگم نے ہاتھ کھڑے کیے
” آپ کہنا ہی نہیں چاہتیں۔۔۔۔۔ ورنہ ہمیں پتا ہے بابا آپکی کوئی بات نہیں ٹالتے۔۔۔۔ ” فری خفگی سے بولی
“ہمارے لیے نہیں تو اپنی بھانجی کے لیے کہہ دیں۔۔۔۔ پلیز۔۔۔۔۔” فیزی بھی شروع ہوئی
“ہاں۔۔۔ خالہ۔۔۔۔ آپ انکل سے بات کریں نا۔۔۔۔ ہم کونسا اکیلے جانے کی بات کر رہے ہیں۔ تابش بھی تو ہمارے ساتھ ہی ہوگا نا۔۔۔۔۔” سیمی نے بھی ان دونوں کا ساتھ دیا
“اف۔۔۔ یہ دو چڑیلیں میرے سر پہ کم تھیں جو اب تم نے بھی انکی طرف داری شروع کردی ہے۔۔۔۔” ناصرہ بیگم نے بھانجی کو گھورا
“اچھا ۔۔۔۔! میں بھی چڑیل ہوں۔۔۔۔ اب تو آپکو اس خوبصورت چڑیل کی بات ماننی ہی پڑے گی۔۔۔۔” سیمی فلمی انداز میں اپنے بال جھٹک کے بولی
“اچھا بابا۔۔۔۔ میں بات کرتی ہوں ان سے۔۔۔ لیکن اس بات کی کوئی گارنٹی نہیں کہ وہ مانیں گے بھی یا نہیں۔۔۔۔” ناصرہ بیگم اٹھ کے کمرے میں چلی گئیں
“امی مان گئی ہیں تو سمجھو کام ہوگیا۔۔۔۔۔” فیزی جوشیلے انداز میں بولی
“چلو۔۔۔۔ ! بھائی سے بات کرتے ہیں۔۔۔۔ ” فیزی بولی
“واٹ۔۔۔۔ تم لوگوں نے تابش سے بات نہیں کی ابھی۔۔۔۔؟” سیمی حیران ہوکے بولی
“ارے بھائی کو منانا بائیں ہاتھ کا کھیل ہے۔۔۔۔۔ نو ٹینشن۔۔۔۔” فیزی نے اسے تسلی دی
وہ تینوں تابش کے کمرے میں پہنچیں تو وہ صوفے پہ بیٹھا کتاب پڑھا رہا تھا
“بھائی ۔۔۔۔ ! فٹا فٹ تیار ہوجائیں” فری نے آتے ہی حکم صادر کیا
“کیوں۔۔۔۔ ؟” تابش نے حیرانی سے ان تینوں کے چہروں کا جائزہ لیا
“ہم سینما جارہے ہیں۔۔۔۔۔” فیزی بولی
“واٹ۔۔۔۔ کیوں۔۔۔۔؟” تابش بولا
“لو۔۔۔۔ اور سنو۔۔۔۔ انھیں ابھی تک یہ نہیں پتا کہ سینما کیوں جاتے ہیں۔۔۔” سیمی طنزیہ انداز میں بولی
“بھائی۔۔۔۔ ! یہ کیا بات ہوئی۔۔۔ کیوں نہیں جا سکتے۔۔۔۔ اس بار تو ہم لیگل طریقے سے جارہے ہیں۔۔۔۔ بابا اور امی سے اجازت لے کے۔۔۔۔ اب آپ ضد مت کریں پلیز۔۔۔۔” فری بولی
“ہرگز نہیں۔۔۔۔ کوئی بھی سینما نہیں جا رہا۔۔۔۔ ” تابش نے کتاب میز پہ رکھ دی
“تم لوگ۔۔۔۔۔ انکل سے ایسے ہی ڈر رہے تھے۔۔۔۔ اصل مسئلہ تو ان مولوی صاحب کا تھا۔۔۔۔” سیمی نے پھر سے طنزیہ وار کیا
“بھائی۔۔۔ پلیز نا۔۔۔۔۔ ایسے مت کریں۔۔۔۔ کل سیمی چلی جائے گی۔۔۔۔ ” فیزی نے درخواست کی
“میں نے کہہ دیا ۔۔۔۔۔ نہیں تو نہیں۔۔۔۔۔۔ بابا نے اگر اجازت دی ہے تو پھر انھیں ہی ساتھ لے جاؤ۔۔۔۔ میں تو نہیں جارہا۔۔۔” وہ بے رخی سے واش روم کی طرف چل پڑا
فیزی اور فری ایکدوسرے کا منہ تکنے لگیں
وہ تینوں مایوس ہوکے باہر آئیں تو امی نے خوشخبری دی کہ بابا نے اجازت دے دی ہے۔۔۔
“اب کیا فائدہ۔۔۔۔۔۔ ؟” فری نے اداس ہو کے کہا
“کیوں۔۔۔۔ ! کیا ہوا۔۔۔۔ ؟ پانچ منٹ پہلے تو بڑی اچھل رہی تھیں تم تینوں۔۔۔ اب ایک دم سے کونسا سانپ سونگھ گیا۔۔۔” ناصرہ بیگم حیران ہو کے بولیں
“تابش۔۔۔۔ اسکا سانپ کا نام تابش ہے” سیمی نے چڑ کے جواب دیا
فیزی اور فری اسے گھورنے لگیں
“تابش نے کیا کہا ہے۔۔۔۔؟” ناصرہ بیگم نے پوچھا
“امی۔۔۔ بھائی نے سینما جانے سے منع کردیا ہے۔ وہ تو ہمارے جانے پہ بھی راضی نہیں ہیں۔۔۔۔” فری نے جواب دیا
“اچھا۔۔۔۔ بھئی یہ تمارا اور تمہارے بھائی کا معاملہ ہے۔ میں اس میں کچھ نہیں کرسکتی۔۔۔۔ میرے سر پہ جو ذمہ داری تم لوگوں نے ڈالی تھی میں نے پوری کردی ہے۔ اب تم جانو اور تابش۔۔۔۔۔” ناصرہ بیگم ہاتھ لہراتے ہوئے چلی گئیں
وہ تینوں بے بس ہوکے ایکدوسرے کا منہ دیکھتی رہیں
اتنے میں ابا جی اپنے کمرے سے نکلے
“تم لو گ۔۔۔ گئے نہیں ابھی۔۔؟” بابا نے پوچھا
“بھائی نے ساتھ جانے سے منع کردیا ہے۔۔۔۔” فیزی نے جواب دیا
“کیوں۔۔۔۔؟ بلاؤ اسے۔۔۔۔۔” بابا نے اسے کہا
فیزی بھاگتی ہوئی تابش کے پاس گئی اور اسے بلا کے لے آئی
“کیا ہوا بھئی۔۔۔ تم ان لوگوں کے ساتھ کیوں نہیں جارہے۔۔۔۔۔ میں نے تو اس سوچ پہ اجازت دی تھی کہ تم ساتھ ہوگے ۔۔۔۔۔” بابا نے اس پوچھا
“بابا۔۔۔۔ لڑکیوں کا سینما جانا مناسب نہیں ہے۔۔۔ وہاں طرح طرح کے لوگ ہوتے ہیں۔۔۔۔۔” تابش سر جھکا کے بولا
تابش کی اس بات پہ سبھی کی گردنیں اسکی طرف مڑیں۔۔۔
بابا بھی خاموش کھڑے اسکی طرف دیکھتے رہے۔۔۔ پھر بولے
“بیٹا۔۔۔۔ سارا دن تو گھر میں پڑی رہیتی ہیں۔۔۔ اب انکی سہیلی آئی ہے تو اسے گھمانے لے جانا چاہتی ہوں گی۔۔۔ پھر بھی اگر تمہیں مناسب نہیں لگ رہا تو کوئی بات نہیں۔۔۔۔” بابا نے اسے کہا
تابش نے سر گھما کے بہنوں کے چہرے پہ نظر ڈالی انکے وہ بے بس ہوکے تابش کے فیصلے کا انتظار کرنے لگیں
“اچھا ۔۔۔ چلو۔۔ تیار ہو جاؤ تم لوگ۔۔۔” تابش نے مسکراتے ہوئے کہا
وہ تینوں خوشی سے اچھل پڑیں۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
سینما پہنچے تو سیمی نے جھٹ سے تابش کی ساتھ والی سیٹ پہ قبضہ کیا فیزی اور فری کو آگے جگہ ملی
“تابش۔۔۔۔۔ !” سیمی بولی
“جی۔۔۔۔!” اس نے جواب دیا
“تم کتنے بدل گئے ہو۔۔۔۔” اسکی نظریں تابش کے چہرے پہ جمی تھیں
“نہیں تو۔۔۔۔ میں ویسا ہی ہوں۔۔۔۔” تابش نے اسکی طرف دیکھے بنا ہی جواب دیا
“نہیں ہو تم ویسے۔۔۔۔۔ مجھے یاد ہے دو سال پہلے جب میں آئی تھی تو ہم لوگوں نے کتنا انجوائے کیا تھا۔۔۔۔ پر اب ۔۔۔۔ اب تم وہ رہے ہی نہیں ہو۔۔۔۔۔” وہ اداس ہو کے بولی
“ایسا کچھ نہیں ہے۔۔۔۔ اب ذمہ داریاں ہیں سر پہ شائد اس لیے۔۔۔۔ ” تابش کے پاس اسکی بات کا مناسب جواب نہیں تھا۔
“اوہ ۔۔۔۔ تابش ۔۔۔۔ ! کس کو بے وقوف بنا رہے ہو۔۔۔۔؟” سیمی چڑ گئی
تابش خاموش ہوگیا
“تمہیں پتا ہے۔۔۔۔ واپس آکے مجھے جس سے ملنے کی سب سے زیادہ خواہش تھی وہ تم ہو۔۔۔۔ لیکن تم سے ملنے کے بعد تمہارا یہ سرد روّیہ دیکھ کے بات کرتے ہوئے بھی ڈر لگتا ہے۔۔۔۔۔” سیمی کے چہرے پہ پریشانی کے آثار تھے
“تم کچھ زیادہ سوچ رہی ہو۔۔۔۔ ” تابش اسکی طرف دیکھ کے بولا
“تو تم میری سوچ غلط ثابت کردو۔۔۔۔۔۔ ” سیمی نے تابش کا ہاتھ اپنے ہاتھوں میں لیا اور اسکے کندھے پہ اپنا سر رکھ دیا
تابش کے چہرے پہ عجیب سے تاثرات امڈنے لگے۔۔۔۔۔
جاری ہے