Bandhe Eik Dor Se By Zarish Noor Readelle50069 Episode 14 Last

ناول ””بندھے اِک ڈور سے““

از قلم زرش نور

قسط نمبر ١٤ لاسٹ ایپیسوڈ

وہ کمرے میں داخل ہوٸی اور سامنےپڑے صوفے پر دراز ہو گٸی۔
اماں بی نے عینک درست کرتے ہوۓ اسے دیکھا۔
روحا آج جلدی ہی لوٹ آٸی ہو؟

”وہ سیدھی ہو کر بیٹھ گٸی۔“ جی آگٸی ہوں او اس کی وجہ آپ کا لاڈلا پوتا ہے جس نے مجھے جاب سے نکلوا دیا ہے۔
اماں بی منہ پر ہاتھ رکھ کر ہنسنے لگیں۔چلو آچھا ہی کیا ہے اس نے تمہیں کیا ضرورت ہے نوکری کی ۔میرا پوتا ماشا ٕاللہ سے لاکھوں کماتا ہے۔

اماں بی سے بحث کرنا فضول تھا۔اس نے اپنا بیگ اٹھایا اور الماری کی طرف بڑھ گٸی ۔یگ الماری میں رکھ کر اپنے کپڑے لے کر واش روم میں گھس گٸی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
آج سب لوگ نےاماں بی کے کمرے میں محفل جماٸی ہوٸی
تھی۔

حیدر حسن بہت خوش تھے آج بہت عرصے کے بعدفاریہ بھی سب کے ساتھ بیٹھی تھیں اور اب روحا کو اپنے پاس بٹھاۓ بہت خوشدلی سے سب سے بات کر رہی تھی ۔اور ہر بات کاجواب دیتے ہوۓ تاٸید کےلٸے روحا کی طرف دیکھتیں اور وہ فرمانبردار بہو کی طرح انکی ہاں میں ہاں ملا رہی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رات گٸے محفل اپنے اختتام کو پہنچی اور سب کےجانے کے بعد روحا کچن میں اماں بی کے لٸے پانی لینے آٸی تو کچن سے کھٹ پھٹ کی آوازیں آ رہی تھیں ۔اس نے جھانک کر دیکھا تو زین حیدر کف فولڈ کیے چولہا جلاۓ اپنے لٸے کھانا گرم کر رہاتھا۔وہ سوچ میں پڑ گٸی کہ جاۓ یا پھر یہاں سے ہی مڑ جاۓ۔تبھی زین کی آواز سناٸی دی ۔

آجاٶ اندر۔

روحا حیران ہوٸی ”کیسے پتہ چلا میں ہوں۔“

زین نےمڑ کر اس کی طرف دیکھا اور دونوں بازو سینے پر باندھ کر بڑی دلکشی سے مسکرایا۔
” یہ ایک راز ہے۔“ جو بیویوں کو کبھی پتہ نہیں چلنا چاہیۓ۔

اس کے بیوی کہنے پر وہ سٹپٹا گٸی۔

آپ کیا کر رہے ہیں۔وہ بات بدلنے کے لٸے بولی۔
میں تمہارے کرنے کے کا م خود کر رہا ہوں۔

وہ جتنا اس ٹاپک سے بچنا چا رہی تھی۔وہ اتنا ہی گھما پھرا کر بات وہیں لے آتا۔

آپ ہٹیں میں کر دیتی ہوں۔

نہیں یار سنڈے تک رک جاٶ تب تک تم دلہن جو ہو ۔اس کے بعد پکی یہ تمہاری ہی ڈیوٹی ہے۔
روحا کو ڈھیر ساری شرم نے آ گھیرا اس سے پلکیں اٹھانا مشکل ہو گٸیں۔
زین نے بہت دل چسپی سے اس کے بدلتے رنگ دیکھے اور کھانا لے کر ڈاٸننگ پر بیٹھ گیا۔”ساتھ اسے دعوت دینا نہیں بھولا۔“
وہ آج بات بہ بات اسے حیران کر رہا تھا۔
تمہیں مجھ سے یہ بھی تو شکایت ہے نہ کہ تم مجھے جب کھانا بنا کہ دیتی ہو میں تمہیں پوچھتا ہی نہیں ہوں۔
اور روحا کا بس نہیں چل رہا تھا کہ وہ اڑ کر اماں بی کے پاس پہنچے جو اس کی ساری باتیں اس کو بتاتی رہی ہیں۔
اور ہاں میں کھڑوس بھی بہت ہوں۔اور ہاں خود کو کہیں کا شہزادہ سمجھتا ہوں۔

اس کی باتوں پر وہ شرم سے پانی پانی ہو رہی تھی۔
اس نے جلدی سے پانی کی بوتل لی اور وہاں سے جانے مں ہی عافیت جانی۔
سنو!
وہ دروازے تک پہنچ چکی تھی۔اس نے مڑکر نہیں دیکھا لیکن رک گٸی تھی۔
میں تمہیں سنڈے ناٸٹ کو بتاٶں گا کہ میں کتنا کھڑوس ہوں۔
اور اس کی بات پوری ہونے سے پہلے ہی وہ وہاں سے بھاگ گٸی۔

کمرے میں پہنچ کر اس نے اپنے دل پر ہاتھ رکھ لیا جو بہت تیزی سے دھڑک رہا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاریہ ممامی روحا کو ڈھونڈتی پچھلے صحن تک چلیں آٸیں جہاں وہ آج مالی سے مل کر پودوں کی کانٹ چھانٹ کر رہی تھی۔فاریہ مامی کی بلانے پر جلدی سے ہاتھ جھاڑتی ہوٸی ان تک پہنچی۔
جی ممامی کیا ہوا؟
کچھ نہیں بیٹا!میں تو یہ کہنے آٸی تھی کہ باہر گاڑی میں ڈراٸیور تمہارا انتظار کر رہا ہے ۔تم جاٶ جلدی سے ولیمے کا سوٹ بھی لے آٶ اور پارلر سے مہندی بھی لگوا آٶ۔

جی وہ مٶدب سی سر ہلاتی وہاں سے چلی گٸی۔
اور فاریہ مامی وہیں پر پڑی کرسیوں پر دھوپ سینکنے کے لٸے بیٹھ گٸی۔
کبھی کبھی جب ہم فیصلہ نہیں کر سکتے تو اللہ کوٸی وسیلہ بنا دیتا ہے اور ہمارے لٸے فیصلہ کرنا آ سان ہو جاتا ہے۔ان کے ساتھ بھی ایسا ہی ہوا تھا۔
انہیں روما سے بہت پیار تھا۔ایک تو ایک ہی بھاٸی تھا اور اس کی اکلوتی بیٹی۔
زین کو روحا سے کوٸی بھی رشتہ نہ رکھنے کا وعدہ لے کر وہ بھاٸی کے گھر گٸی اور انہیں یقین دلایا کہ زین روما سے ہی شادی کر ے گا۔
وہ کافی دیر وہاں رہیں لیکن اس دوران روما انہیں نہیں دکھاٸی دی۔بھاٸی سے پوچھنے پر انہوں نے بتایا کہ وہ اپنی کسی دوست کے گر گٸی ہوٸی ہے۔

وہ وضو کرنے کے ارادے سے اٹھی اور ان کے بھاٸی کے گھر ان کے لٸے مختص کیے گٸے کمرے میں گٸی۔وہ نماز پڑھ رہی تھی تبھی انہیں ساتھ والے کمرے سے روما کی آواز آٸی جو شاید کسی سےفون پر بات کر رہی تھی۔

غیر ارادی طور پر اس کی باتیں سننے لگیں۔
ارے کون !وہ میرا کزن زین ۔۔۔۔۔صیح کہہ رہی ہو بہت ہینڈسم ہے۔لیکن وہاں میر ی دال نہیں گلنے والی۔
میں اس سے محبت کا اقرار کیا تو کہتا ہے ۔وہ تو بہت پہلے ہی کسی اور کا ہو چکا ہے۔جتنا وہ ڈیشنگ اور ہینڈسم ہے ۔میں نے سوچا لڑکی بھی کوٸی ایسی ہو گی۔لیکن لڑکی کون نکلی وہ بہن جی اس کی یتیم کزن روحا کمال۔
تمہیں پتہ ہے زندگی میں پہلی بار مجھے کسی پہ رشک بھی آیا اور حسد بھی ہوا۔کیا ہے وہ لڑکی اور دیکھو زین جیسا شخص اس سے محبت کرتا ہے۔

تمہیں پتہ ہے میں نے اپنے دوست شاہ ویز حمدانی کے آفس میں اس کوجاب بھی دلاٸی ۔اور میں نے اسے سمجھا دیا تھا کہ وہ اس لڑکی کو زین کی نظروں میں گرا دے تو میں اس سے شادی کر لوں گی۔لیکن اس بے وقوف کے کچھ کرنے سے پہلے ہی وہ زین کی نظروں میں آ گٸی ۔اور زین نے شاویز حمدانی سے کوٸی ڈیل فاٸنل کی اور شرط رکھی کے وہ روحا کو جاب سے فارغ کر دے۔
وہ اور بھی بہت کچھ کہہ رہی تھی ۔لیکن فاریہ بیگم میں سننے کی سکت نہیں تھی۔جو لڑکی اتنی پلاننگ کر رہی ہے ۔یہ نہ جانے ہمارے ساتھ بعد میں کیا کرتی۔
لیکن انہیں اس سے کو ٸی گلہ نہیں تھا ۔کیوں کےوہ تو ناسمجھ تھی ۔جو ایسا کر رہی تھی ۔لیکن وہ خود احتسابی کے عمل میں گر گٸی ۔وہ خود کیا کرنے چلیں تھیں۔اپنے بیٹے کی خوشیوں کا گلہ گھونٹنے چلیں تھی۔وہ تو روما کی شکر گزار تھی جس کی وجہ اے ان کی آنکھوں پر بندھی پٹی کھل گٸی۔

ولیمہ ایک شاندار ہوٹل میں منعقد کیا گیا۔جس میں شہر کی بڑی بڑی شخصیات نے شرکت کی۔خود زین کے گھر والے بھی حیران تھے ۔اتنے بڑے پیمانے پر انتظام کیا گیا تھا۔وہ گرے کلر کے تھری پیس سوٹ میں ملبوس تھا۔جبکہ روحا گرے کلر کی کام والی میکسی میں بہت خوبصورت لگ رہی تھی۔بیوٹیشن کی مہارت نے اس کے حسن کو دو آتشہ کر دیا تھا۔زین سب مہمانو ں میں مصروف تھا۔کیونکہ وہ اب ایک بزنس ٹاٸیکون تھا ۔اور اس نے اپنے جیسے بہت سے بڑے بڑے بزنس مین کو مدعو کیا تھا۔سب کے ساتھ مصروفیت میں بھی اس کی نظریں سٹیج پر بیٹھی روحا کی طرف جب اٹھتی تو پلٹنا بھول جاتی۔
فنکشن کے اختتام پر روحا کو لا کر گاڑی میں بٹھایا گیا ۔وہ سر جھکاۓ ماضی میں کھو گٸی ۔ہوش تو تب آیا جب دروازہ کھول کر زین فرنٹ سیٹ پر بیٹبھا۔اس نے اپنے آس پاس نظر دوڑاٸی تو گھر والے سارے جا چکے تھے۔
ایسے یا آنکھیں پھاڑ پھاڑ کر دیکھ رہی ہو، جیسے بھوت دیکھ لیا ہو۔خوف زدہ تو مجھے ہونا چاہٸے رات کے تین بجے اتنی خوفناک شکل دیکھ کر اب جا کر سٶٶں گا تو بھی ڈراٶنے خواب آٸیں گے۔”اس نے اس کے میک اپ لیے چہرے کو نشانہ بنایا۔“
وہ آنسو روکنے کی کوشش میں نچلا لب کچلنے لگی۔

اور یہ حرکت کرتے ہوۓ وہ زین حیدر کا موڈ غارت کر گٸی ۔اور وہ مزید کچھ بھی کہے بغیر اسے اپنے فارم ہاٶس لے آیا۔
بڑے سے گیراج میں گاڑی روک کر اس نے ملازمہ کو اسے کمرے میں پہنچانے کو کہا۔اور ساتھ ہی اس کے موباٸل میں کال آنے لگی۔
سکرین پر نظر آتے نمبر کو دیکھ کر وہ روحا سے پہلے کمرے میں چلا گیا ۔اور کمرے کے ٹیرس کی طرف کھلتی گلاس ڈور کھول کر ٹیرس پر چلا آیا اور کال ریسیو کر کے کانو ں سے لگاٸی۔

ہیلو زین حیدر میں شاویز حمدانی بات کر رہا ہوں۔
زین حیدر میں تم پر کیس کروں گا ۔تم نے مجھ سے کانٹریکٹ کیا ہوا ہے اور تم اس سے نہیں پھر سکتے۔میرے پاس سارے کاغذات موجود ہیں۔

میری طرف سے شوق سے جاٶ کورٹ لیکن اس سے پہلے وہ کاغذات کسی وکیل سے چیک کروا لینا۔ورنہ یہ نہ ہو کہ میں تم پر غلط کیس کرنے پر ہرجانے کا دعوا کر دوں۔ ویسے بھی میرے بارے میں ایک بات یاد رکھنا میں اپنی عزت پر غلط نظر ڈالنے والوں کو معاف نہیں کرتا۔

روحا کمرے میں داخل ہوٸی تو گلاب کے پھولوں کی خوشبو جیسے اس میں بھی رچ بس گٸی ۔ہر طرف سفید گلاب کے پھول اور پتیاں تھیں۔
تبھی زین گلاس ڈور دھکیلتا ہوا کمرے میں داخل ہوا۔ روحا کو گبھراہٹ سی ہونے لگی۔وہ دلکشی سے متانت چال چلتا ہوا اس کے قریب آیا۔اور اسے ہاتھ سے پکڑ کر بیڈ پر بٹھایا۔اور خود اس کے سامنے بیٹھ گیا۔
پوچھو گی نہیں کہ ہر طرف سرخ گلاب کی جگہ سفید گلاب کیوں ہیں۔

روحا نے سوالیہ نظروں سے اس کی طرف دیکھا۔
کہتے ہیں سفید گلاب انتظار کی علامت ہے۔میں نے تمہارا بہت انتظار کیا ہے۔اس لٸے آج یہ پھول میرے انتظار کہ ایک ایک پل کے گواہ ہیں۔
زین نے اس کے داٸیں ہاتھ کو اپنے ہاتھ میں تھامااور پھر آہستگی سے لب اسی ہاتھ کی پشت پر رکھ کر اپنی محبت کی مہر ثبت کی وہ جھینپ گٸی تو گہری مسکراہٹ نے اس کے لبوں کا احاطہ کیا۔۔۔۔۔۔یک دم چہارسو زندگی مسکرا اٹھی۔

وہ تو نہ جانے کب سے ایک ان دیکھی ڈور میں بندھے تھے۔ان کا ملاپ تو ازل سے لکھ دیا گیا تھا۔تبھی تو زین کے دل میں روحا اور روحا کے دل میں زین بغیر کچھ کہے سنے ان کے دل کے نہا خانوں میں نہ جانے کب سے موجود تھا۔