Saza By SI Writes Readelle50234 Episode 2

یونی کے لیے تیار وہ ناشتے کی ٹیبل پر مریم کا انتظار کر رہی تھی۔ جیسے ہی وہ آئیں۔۔ ۔۔۔۔۔
تو وفا نے بھی کھانا شروع کیا۔
مریم نے ایک نظر اس پر ڈالی خود بھی خاموشی سے ناشتہ کرنا شروع کر دیا۔۔۔۔۔
اُسنے عجلت میں پے در پے کئی نوالے حلق میں ڈالے۔
آج یونی میں اسکا ٹیسٹ تھا۔۔۔۔۔۔
جسکے لیے اسے اپنی کلاس فیلوز سے کچھ ضروری ڈسکشن کرنی تھی۔ جب تک وہ سر جھکا کر مگن انداز میں کھاتی رہی۔۔۔۔۔
مریم بھی خاموش رہی۔۔۔۔۔۔۔
مگر جیسے ہی اس نے سر اٹھا کر خدا حافظ بولا اور مریم کی نگاہ اسکی طرف اٹھی۔۔۔۔۔۔
غصے کی شدید لہریں اسکے دماغ میں ابھرنے لگیں۔۔۔۔۔۔
کیا کرنے جا رہی ہو یونی-۔۔۔۔۔
بھنویں سیکٹر کر تیز نظروں سے وہ وفا کو گھورنے لگیں۔۔۔۔۔۔ آج میرا ٹیسٹ ہے۔۔۔۔۔۔
سپاٹ انداز میں جواب دیا گیا۔۔۔۔۔۔
مگرتمہاری تیاری سے تو ایسا نہیں لگ رہا۔۔۔۔۔
وہ اسکی آنکھوں کی طرف غور سے دیکھ طنز کرنے لگیں۔۔۔۔۔
پہلے تو اُسے اپنی ماں کا یہ طنز سمجھ نہ آیا۔۔۔۔
مگر جب سمجھ آیا تو نفی میں سرہلا کر رہ گئی۔۔۔۔۔
رات دیر تک پڑھائی کرتی رہی تھی۔۔۔۔۔
آنکھوں میں تکلیف ہو رہی تھی اس لیے کاجل ڈالا تھا۔۔۔۔
ایک آنکھ میں صرف کاجل ڈالنے کی صفائی دیتے ہوئے اس کا دل کُرلایا۔۔۔۔۔۔۔
جاؤ جا کر اسکو ابھی کے ابھی صاف کرو۔۔۔۔۔
میں تمہارے لیے ڈراپس بھجواتی ہوں۔۔۔۔۔۔
اسے آنکھوں میں ڈال کر چلی جانا۔۔۔۔۔۔
اپنا کھانا چھوڑ وہ اپنے کمرے کی طرف بڑھ گئیں۔۔۔۔۔۔
وفا نے ایک افسوس بھری نظر اپنی ماں کی پشت پر ڈالی۔۔۔۔۔
اور خود بھی آنکھوں سے کاجل صاف کرنے کی غرض سے اپنے کمرے میں واپس آگئی۔۔۔۔۔۔۔۔
💕💕💕
یہ روشن ولاء کا منظر تھا۔۔۔۔۔۔
آٹھ کنال پر مشتمل شیشے کی طرح چمکتا روشن ولاء کسی خوبصورت پیلس سے کم نہ تھا۔۔۔۔۔۔۔
ویسے تو یہاں تین فیملیز ایک ساتھ قیام پذیر تھیں۔۔۔۔۔۔
مگریہاں کے مکینوں کی طرز زندگی کچھ الگ سی تھی۔۔۔۔۔۔
کسی کو کسی سے مطلب نہ تھا۔۔۔۔۔۔
گھر میں صرف نوکروں کے دم سے چہل پہل تھی۔۔۔۔
، ورنہ روشن ولاء کے مکین، دعوتوں ، سیاسی پارٹیوں ، یا کسی گرینڈ فنکشن میں پائے جاتے تھے۔۔۔۔۔۔
باقی کا وقت جو روشن ولاء کے حصے میں آتا اُس وقت میں سبھی لوگ اپنے اپنے کمروں میں سکون کرتے۔۔۔۔۔۔
وہاب رائے زادہ کے دو بیٹے اور ایک بیٹی تھی۔۔۔۔۔
فرقان رائے زادہ ، عدنان رائے زادہ –
انکے دو بیٹے جبکہ دانین رائے زادہ کو انکی بیٹی ہونے کا شرف حاصل تھا۔۔۔۔۔۔۔
فاطمہ سےشادی کے بعد فرقان رائے زادہ کے ہاں ایک ہی بیٹا تھا۔۔۔۔۔ التمش رائے زادہ “
جوکہ خاندان کے سب سے بڑے بیٹے کے عہدے پر فائز تھا۔
اسکے بعد عدنان رائے زادہ کو خدا نے ایک بیٹا ارشد اور دو بیٹیوں مائرہ اور مائزہ سے نوازا تھا۔۔۔۔۔۔۔
جو کہ ابھی پڑھ رہے تھے۔
وہاب رائے زادہ نے اپنی بیٹی دانین رائے زادہ کی شادی خاندان میں ہی آصف رائے زادہ سے کردی۔۔۔۔۔۔
دانین کی ہٹ دھرم طبیعت کی وجہ سے یہ شادی دو سال بھی نہ چل سکی۔۔۔۔
اور دانین رائے زادہ شوہر سے طلاق لے کر اپنے بیٹے عادی رائے زادہ کے ہمراہ واپس روشن ولا آبسی۔
فاطمہ نے دروازے پر دستک دی ۔
آجائیں مما -۔۔۔۔۔۔۔
ناجانے کیسے وہ دستک سے ہی پہچان جاتا تھا کہ ماں آئی ہے۔
پر شفقت مسکراہٹ چہرے پر سجائے وہ کمرے میں داخل ہوئی۔ ایک نظر بیڈ پر بیٹھے اپنے خوبرو بیٹے کی طرف دیکھا۔۔۔۔۔۔
جو بلیک ٹی شرٹ اور ڈھیلے ڈھالے پاجامے میں گود میں لیپ ٹاپ رکھے کیبورڈ پر پھرتی سے انگلیاں چلا رہا تھا۔۔۔۔۔
کسرتی مضبوط بازو ٹی شرٹ سے صاف چھلک رہے تھے۔۔۔۔۔
گھنے کالے بال کشادہ پیشانی پر بکھرے تھے۔۔۔۔۔
سختی سے بھنچے لب ، ماتھے پر پھیلی تیوریاں ، اسکرین پر ساکت جمی گہری کالی آنکھیں اس بات کا ثبوت تھیں۔۔۔۔۔
کہ وہ اس وقت کسی پریشانی کا شکار ہے۔۔۔۔۔۔۔
اگلے ہی لمحے لیپ ٹاپ بند کر کے ایک طرف رکھا اور ہمیشہ کی طرح چہرے پر نرم سی مسکراہٹ سجا کر وہ اپنی ماں کی طرف متوجہ ہوا۔۔۔۔۔۔
جی ماں کچھ کام تھا۔ ۔۔۔۔۔
ہمممم کام تو بہت ضروری تھا۔۔۔۔۔۔
مگر تم بتاؤ کیا فری ہو؟؟؟
جی ماں آپ کے لیے میں ہروقت فری ہوں۔۔۔۔۔
ہاتھ پکڑ کر انہیں اپنے ساتھ بیڈ پر بٹھا کر اسنے انکے دونوں ہاتھوں کو اپنے مضبوط ہاتھوں میں لیا۔۔۔۔۔۔
کیسا رہا آج یونی کا فنکشن۔۔۔۔۔۔
بہت ساری لڑکیاں ہونگی وہاں پر۔۔۔۔۔۔
تمہیں کوئی پسند آئی۔۔۔۔۔۔۔
وہ اشتیاق سے گویا ہوئی ۔۔۔۔۔
تو وہ گہری مسکراہٹ کے ساتھ سر جھکا گیا۔۔۔۔۔
ماں آپ بھی نا۔۔۔۔۔
ایسے لڑکیاں پسند نہیں کی جاتیں۔۔۔۔۔۔
انکا ہاتھ دبا کر وہ انہیں سمجھانے کیا کوشش کرنے لگا۔۔۔۔
تو پھر کیسے پسند کی جاتی ہے۔۔۔۔۔۔۔
مجھے بھی بتادو۔۔۔۔۔۔۔
اپنی بڑھتی عمر ” میرے اور اپنے ابا کے ارمانوں کا کچھ تو خیال کرو۔۔۔۔۔۔۔۔۔
انکا محبت بھرا انداز اسے سوچ میں ڈال گیا۔۔۔۔۔۔
ہم تو آپ کو کیسی بہو چاہیے۔۔۔۔۔۔
بیٹا مجھے بہو سے زیادہ تمہارے لیے ایک مخلص بیوی چاہیے۔۔۔۔ اب میں نے باقی سب ساسوں کی طرح اس سے جھاڑو پوچھا تو کروانا نہیں ہے۔۔۔۔۔۔
ماشاء اللہ سے خدانے اپنی ہر نعمت سے نواز رکھا ہے۔۔۔۔
اور اپنی پسند سے زیادہ میں یہ چاہتی ہوں کہ لڑکی تمہارے پسند کی ہو ۔۔۔۔۔۔۔
کیونکہ زندگی بھی تو تمہی نے گزارنی ہے۔۔۔۔۔
اچھا تو پھر آپ لڑکی دیکھ آئیں۔۔۔۔۔۔۔
اسنے جیسے اپنی ماں کے سر پر دھماکہ کیا تھا۔۔۔۔۔
تبھی کچھ پل کیلئے فاطمہ کا منہ کھلا کا کھلارہ گیا۔۔۔۔۔۔۔
تت …… تم سچ کہہ رہے ہو ۔
وہ حیران ہوئی۔۔۔۔۔۔۔
ہممم بالکل سچ۔۔۔۔۔۔-
ہاتھ بڑھا کر اپنی ماں کا گال کھینچا ۔۔۔۔تاکہ وہ ہوش کی دنیا میں واپس آئے۔
کون ہے وہ لڑکی ،
کہاں رہتی ہے،
کیسی نظر آتی ہے ، کچھ تو بتاؤ۔۔۔۔۔۔۔۔
انکا اتاولاپن التمش کو کھکھلانے پر مجبور کر گیا۔
ماں ایسا کچھ نہیں ہے۔
بس میں چاہتا ہوں کہ۔۔۔۔۔
وہ کچھ توقف کے لیے رک کر اپنی ماں کو دیکھنے لگا۔۔۔۔
جو اسکے ایک ایک لفظ کو بڑے غور سے سن رہی تھی۔ کہ؟؟؟؟؟
کہ آج سے پانچ سال پہلے آپکے اور آپکی دوست کے درمیان جو گفتگو ہوئی تھی۔۔۔۔۔۔۔
آپ اس پر دوبارہ نظرثانی کریں۔۔۔۔۔۔
التمش کی بات نے انہیں حیران و پریشان کر دیا۔۔۔۔۔۔
مگر بیٹا وہ بات تو پانچ سال پہلے کی تھی۔۔۔۔۔۔
اور اسوقت ہنسی مذاق چل رہا تھا۔۔۔۔۔۔
کیا پتہ انہوں نے وہ بات مذاق میں بول دی ہو۔۔۔۔۔۔۔
فاطمہ نے اپنی کشمکش اسکے سامنے رکھی۔۔۔۔۔۔
نو مما پلیز میری خاطر آپ ایک بار ان سے بات کر کے دیکھیں۔۔۔۔۔۔
التمش کا پُرامید چہرہ دیکھ وہ خاموش ہوگئیں۔۔۔۔۔۔۔
آخر انکے اکلوتے بیٹے کی خواہش کا سوال تھا ۔
بھلا وہ کیسے منع کر سکتی تھی۔ ۔۔۔۔۔
اپنی طرف سے اسے اِس معاملے پر غور کرنے کا بول کروہ وہاں سے چلی آئی۔۔۔۔۔۔۔۔۔
💞💞💞
وہ دیکھو پیسوں والی بھکارن آگئی۔۔۔۔۔۔
جیسے ہی وہ اپنی کلاس میں جانے کے لیے سیڑھیاں چڑھنے لگی وہاں بیٹھا لڑکیوں کا ایک گروپ روز کی طرح اس کا مذاق اڑانے لگا۔۔۔۔۔۔۔۔۔۔۔
اچھا وفا سنو سنو ،
وہ ان سب کو اگنور کر کے آگے بڑھنے لگی۔۔۔۔۔
جب ان میں سے ایک لڑکی تیزی سے اٹھ کر اسکے سامنے آئی۔ دیکھو وفا ہم سب تمہارے دشمن نہیں ہیں۔۔۔۔
بلکہ تمہارے دوست ہیں۔۔۔۔۔۔۔
اگر تمہیں کسی مدد کی ضرورت ہے۔۔۔۔۔۔
تو بلا جھجھک ہم سے بول سکتی ہوں۔۔۔۔۔۔۔
لیکن دل سے بول رہی ہوں یار۔۔۔۔۔۔۔
تمہیں اِس حال میں دیکھ کر بہت برا محسوس ہوتا ہے۔۔۔۔
وفا کا سرتا پاؤں جائزہ لے کر اس نے نفی میں سر ہلایا۔۔۔۔
جبکہ اسکے اِس انداز پروفا نے ناسمجھی سے اسکی طرف دیکھا۔۔۔۔
اس لڑکی کے باقی دوست بھی اٹھ کے ان دونوں کےپاس آ گئے۔۔۔۔۔۔۔
تم یہ بھکاریوں والا چوغا پہننا چھوڑ دو۔۔۔۔۔
ایک بار پھر اس نے وفا کے کھلے کھلے کپڑوں پر چوٹ کی۔۔۔۔ جہاں باقی سب کی دبی دبی ہنسی چھوٹ گئی۔۔۔۔۔۔۔
وہیں وفا نے خاموشی سے سر جھکا کر وہاں سے گزر جانا ہی مناسب سمجھا۔۔۔۔۔۔۔
وہ ان سب کے منہ نہیں لگنا چاہتی تھی۔۔۔۔۔۔۔
کیونکہ یہ سب اسکی مما کی دوستوں کی بیٹیاں اور بیٹے تھے۔
سنو وفا میرے پاس بہت سے ایسے کپڑے پڑے ہیں۔۔۔۔۔۔
جو شاید تمہیں فٹ آ جائیں ۔۔۔۔۔۔۔
میں انہیں پہن پہن کر بور ہو چکی ہوں۔۔۔۔۔۔
تم اگر میری اترن پہنوں گی۔۔۔۔۔۔
تو کم از کم بھکارن سے زیادہ اچھی لگو گی۔۔۔۔۔۔۔
لفظ اترن پر اس کا دل کٹ کے رہ گیا۔۔۔۔۔۔
جبکہ باقی سب کا قہقہہ بلند ہوا۔۔۔۔۔
جو اسکے کانوں میں کسی نشتر کی طرح چبھ گیا۔۔۔۔۔
💞💞💞
یونی میں روز کی طرح ہوئی تذلیل ہونے پر آج بھی واپسی پر اسکے سر میں شدید درد اٹھ گیا تھا۔۔۔۔۔۔
چکراتے سر اور بند ہوتی آنکھوں کے ساتھ وہ ڈرائنگ روم میں رکھے صوفے پر ڈھ سی گئی۔۔۔۔۔۔۔
ماسی ( نوکرانی ) ایک گلاس پانی لادیں پلیز۔۔۔۔۔۔
گلابی چہرے میں گھلی معمول سے زیادہ سرخیاں ، تپے ستے چہرے پر پھیلا کرب اسکے اندر کی توڑ پھوڑ کا پتہ دے رہا تھا۔۔۔۔۔۔
حد سے زیادہ کھلی فراق ، بوسیدہ سی چپل ، بادامی رنگ کی پرانی چادر میں وہ کہیں سے بھی مریم خان کی بیٹی نہیں لگ رہی تھی۔
وہاں سے گزرتی دو آنکھوں نے اِس منظر کو بڑے غور سے دیکھا اور وہاں سے ہٹ گیا۔۔۔۔۔۔۔
بی بی جی پانی۔۔۔۔۔۔۔
سلمہ نے اسے پانی لا کر دیا۔۔۔۔۔۔۔
نقاہت سے بمشکل اٹھ کر چند سانسوں میں پیا۔۔۔۔۔
اور بیگ اٹھا کر بے دلی سے اپنے کمرے کی طرف بڑھ گئی۔۔۔
اپنی ماں کے کمرے کے سامنے سے گزرتے ہوئے اسے انکی ہنسی کی آواز سنائی دی۔۔۔۔۔۔
اسی کے ساتھ کسی اور عورت کی آواز بھی ان کے کمرے سے آرہی تھی۔۔۔۔۔۔۔۔
جس سے اسکی ماں اسطرح بات کر رہی تھی جیسے مریم خان ناجانے کس قدر خوش مزاج عورت ہو۔۔۔۔۔۔۔
لیکن نا جانے کتناوقت گزر گیا تھا۔۔۔۔۔
انہوں نے اپنی بیٹی کی طرف مسکرا کر دیکھنے کی بھی غلطی نہ کی تھی۔۔۔۔۔۔۔۔
💕💕💕
یہ لو مٹھائی کھاؤ۔۔۔۔۔۔۔
فاطمہ نے رس گلا التمش کی طرف بڑھایا۔۔۔۔
بس بس ماں۔۔۔۔۔۔۔
کیا ہو گیا اتنی خوشی کس بات کی؟
پورا رس گلا کھا کر وہ اپنی ماں کے خوشی سے تمتماتے چہرے کی طرف حیرت سے دیکھنے لگا۔۔۔۔۔۔۔۔
تمہارے بولنے پر آج میں اپنی دوست کی طرف گئی تھی ۔۔۔۔۔
اور ان سے تمہاے رشتےکی بات بھی کی۔۔۔۔۔۔
پھر؟؟؟؟
وہ تجسس سے گویا ہوا۔
دل کی دھڑکن جیسے کچھ پل کے لیے تھم سی گئی۔۔۔۔۔۔
پھر کیا تھا۔۔۔۔۔۔۔
انہوں نے بولا کہ التمش رائے زادہ کو اپنا داماد بنانا انکی خوش قسمتی ہوگی۔۔۔۔۔۔۔۔
سینے میں رکا سانس اِس خبر پر بحال ہوا۔۔۔۔۔۔۔
ابھی یہ باؤل تم رکھو۔۔۔۔۔
میں ذرا باقی سب کی بھی اس معاملے میں رائے لے لوں۔۔۔۔۔۔۔۔
انکی ایکسائٹمنٹ پر وہ مسکرا کر رہ گیا۔۔۔۔۔۔
وہ جانتا تھا کہ اگر اسکی ماں جا کر اس رشتے میں اسکی مرضی کا بتائے گی۔۔۔۔۔۔۔۔
تو کوئی بھی اِس رشتے سے انکار نہیں کرے گا۔۔۔۔۔۔
تبھی وہ پر سکون ہو کر اپنے کمرے میں چلا گیا۔۔۔۔۔
💞💞💞
آج تم یونی نہیں جاؤ گی۔۔۔۔۔۔۔
ناشتے کی ٹیبل پر مریم نے اس پر حکم صادر کرڈالا۔۔۔۔۔
جس پر وفا نے بس ایک نظر انکی طرف دیکھا۔۔۔۔۔
اور دوبارہ اپنی پلیٹ پر جھک گئی۔۔۔۔۔
انکار کا کوئی فائدہ نہیں تھا۔۔۔۔۔۔
کیونکہ ہونا وہی تھا جو انہوں نے بول دیا تھا۔۔۔۔۔۔۔
کچھ دیر میں سلمہ کے ہاتھوں تمہارے لیے سوٹ بھیجو اؤں گی۔ پہن کر تیار ہو جانا۔۔۔۔۔۔۔۔
دوپہر تک میرے کچھ خاص گیسٹ آئیں گے۔۔۔۔۔۔
انکے سامنے اچھے سے مسکرا کر پیش آنا۔۔۔۔۔۔
آج شاید پہلی بار وہ اس سے نرم لہجے میں ہدایت دے رہی تھی مگر وفا کے دماغ میں خطرے کی کئی گھنٹیاں ایک ساتھ بجنے لگیں۔۔۔۔۔۔۔
آخر ایسے کون سے گیسٹ تھے جن کے سامنے اُسے جانا تھا۔ ورنہ آج تک اس گھر کا جیسے ایک قانون بن گیا تھا۔۔۔۔۔
کہ یہاں کوئی بھی آئے یا جائے مگر وفاکسی کے سامنے نہیں آئے گی۔۔۔۔۔۔۔
💕💕💕
مہرون رنگ کی پاؤں کو چھوتی فراق ،
جس پر زرقون کے چھوٹے چھوٹے موتیوں اور ستاروں سے ہلکی پھلکی کشیده کاری کی گئی تھی۔۔۔۔۔۔۔
چوڑی دار پاجامہ اور بڑا سا دوپٹہ جس کی کناریوں پر سنہرے رنگ کی خوبصورت کڑھائی سے بارڈر لگایا گیا تھا۔۔۔۔۔۔
ایک پل کے لیے اپنے لیے مریم کے منتخب کیے گئے کپڑوں پر اسے حیرت ہوئی۔۔۔۔۔۔۔
آج تک جس ماں نے اسے شوخ رنگ دیکھنے کے لیے بھی نہیں دیا تھا۔۔۔۔۔۔۔
کسی کامدار سوٹ کا تو شاید اسکی زندگی میں نام ونشان بھی نہ تھا۔ آج اسی ماں نے اسکے لیے مہرون رنگ کا انتخاب کیا تھا۔۔۔۔
اور اِس کڑھائی کو دیکھ کر تو وہ مبہوت رہ گئی تھی۔
چند پل ان مصنوعی پھولوں کو چھو کر محسوس کرتے ہی گزر گئے.
لیکن جب نظر مہرون رنگ کے سنہری زری سے سجی نفیس موجڑیوں پر گئی ۔
تب وہ مزید حیرت زده ہو گئی ۔
بی بی جی بیگم صاحبہ بول رہی ہیں کہ آپ تیار ہو کر نیچے آجائیں ۔۔۔۔۔۔۔
سلمی کی آواز پر وہ یکدم چونکی ۔۔۔۔۔۔
ہہم ٹھیک ہے آپ چلیں میں آتی ہوں پانچ منٹ میں۔۔۔۔۔۔
وہ خاموشی سے اٹھ کر چیجنگ روم کی طرف بڑھ گئی۔۔۔۔۔۔
کچھ دیر بعد جب وہ اُس فرا ك کو زیب تن کرکے آئینے کے سامنے آئی تو چند پلوں کے لیے اپنا آپ پہچاننا مشکل ہوگیا۔۔۔۔
اپنے ہی عکس سے نظریں چرا کر ایک نظر ڈریسنگ ٹیبل پر رکھے سامان پر نظریں دوڑائیں۔۔۔۔۔۔۔
جہاں لوشن ، ہیئر برش ، کاجل ، لپ بام کے سوا تیار ہونے کیلئے کوئی سامان میسر نہ تھا۔۔۔۔۔
صرف ایک کاجل تھا جسے اسنے ضرورتاً آنکھوں میں سجا کر غلطی کر دی تھی۔۔۔۔۔۔۔۔
مگر فلوقت تو اسکی ماں نے خود تیار ہونے کا بولا تھا۔۔۔۔۔
اسی لیے بالوں میں برش کے بعد اسنے کاجل کی ایک ایک دهار سے دوبارہ اپنی آنکھیں سجا لیں۔۔۔۔۔
لپ اسٹک کے نام پر سردیوں کے دنوں کی بچی کھچی گلابی رنگ کی لپ بام ہونٹوں پر لگا لی۔۔۔۔۔۔۔
دوپٹے کو اچھے طریقے سے سرپر سیٹ کیا۔۔۔۔۔۔
اور خوبصورت پیروں میں نئی لائی گئی موجڑیاں ڈال کر اسے اپنا آپ نیا نیا اور خوبصورت لگ رہا تھا۔۔۔۔۔۔
خاموشی سے وہ آہستہ آہستہ چلتی ڈرائنگ روم میں چلی آئی۔ جہاں ناجانے کون کونسے نئے مہمان آئے بیٹھے تھے۔۔۔۔۔
ان سب کو تو شاید اس نے زندگی میں کبھی نہیں دیکھا تھا۔۔۔۔۔
ان سب کو آہستگی سے سلام کر بنا کسی کی طرف دیکھے وہ خاموشی سے اپنی ماں کے صوفے پر ان سے تھوڑا ہٹ کر فاصلے پر بیٹھ ہے۔۔۔۔۔۔
واؤ بیوٹی فل۔۔۔۔۔۔
یہ ناجانے کس کی پیشن گوئی تھی۔۔۔۔۔
میرے التمش کی ہونے والی دلہن ہے۔۔۔۔۔
لاکھوں میں ایک ہی ہوگی نا۔۔۔۔۔۔
دوسری آواز ابھری۔۔۔۔۔۔۔
مریم سب کا سرگوشیوں پر صرف مسکرانے پر اکتفا کر رہی تھی ۔ جبکہ التمش کے نام پر وفا کو حیرت ہوئی۔۔۔۔۔۔
پر مامی کل جب ہم لوگ یہاں آئے تھے۔۔۔۔
تب ان کی ڈریسنگ بہت عجیب و غریب تھی۔۔۔۔۔۔
یہ عادی رائے زادہ تھا جو کل بھی فاطمہ کے ساتھ یہاں آیا تھا۔ ارے چھوڑو بیٹا۔۔۔۔۔
اب ہر کوئی رائے زادہ نہیں ہوتا۔۔۔۔۔
کہ ہر وقت ویل ڈریسڈ رہے۔۔۔۔۔۔
یہ دانین رائے زاده تھی۔۔۔۔۔۔
جسے وفا کچھ خاص پسند نہ آئی تھی۔۔۔۔۔۔
یا پھر وہ التمش کی شادی کسی ہائی سوسائٹی میں کرنا چاہتی تھیں۔ مگر رائے زادہ نام پر وفا کے سرپر جیسے آسمان آگرا ہو۔۔۔۔۔
اوہو مما آپ ان سب کو چھوڑیں میں تو ویسے ہی بول رہا تھا ۔ اور ڈریسنگ سے بھلا کیا فرق پڑتا ہے۔۔۔۔۔
ہمیں تو بس التمش بھائی کی ہونے والی دلہن سے مطلب ہے۔ بالکل صحیح کہا عادی۔۔۔۔۔۔۔
اور مجھے اپنے بیٹے کے لیے یہ لڑکی بہت پسند آئی ہے ،
دانین کو فاطمہ کا یہ جتاتا انداز بالکل پسند نہ آیا۔۔۔۔۔
ہنہ مخمل میں ٹاٹ کا پیوند۔۔۔۔۔
دانین تو ہمیشہ سے ہی کڑوی زبان والی منہ پھٹ رہی تھی۔۔۔۔۔۔
پھر بھلا یہاں کیسے باز آجاتی۔۔۔۔۔۔۔
ارے پھوپھو آپ خوامخواہ ہی بول رہی ہیں۔۔۔۔۔۔
ہماری ہونے والی بھابھی سچ میں بہت خوبصورت ہیں۔۔۔۔۔
یہ ارشد تھا جو اس ساری گفتگو میں پہلی بار بولا تھا۔۔۔۔۔
وہ لوگ اور بھی ناجانے کیا کیا بحث کر رہے تھے۔۔۔۔۔۔
مریم ان سبھی سے خوش دلی کا مظاہرہ کر رہی تھی۔۔۔۔۔۔
مگر اسکا دل ہر چیز سے اچاٹ ہوچکا تھا۔۔۔۔۔۔۔
تبھی مریم کا ایک اشاره ملنے پر وہ خاموشی سے اٹھ کر وہاں سے چلی گئی۔۔۔۔۔۔۔
💕💕💕
کمرے میں آکر اس نے تکیے کے نیچے چھپایا چھوٹا سا اسمارٹ فون نکالا۔۔۔۔۔
کانپتے ہاتھ تیزی سے ایک مخصوص نمبر ملانے لگے ۔
پہلی بیل پر ہی دوسری طرف سے کال رسیو کر لی گئی۔۔۔۔۔
یہ تم نے کیا کیا۔۔۔۔۔
نیچے سب میری التمش رائے زادہ سے شادی کروانے کا ارادہ رکھتے ہیں۔۔۔۔۔۔۔
اور تم میری بربادی میں پیش پیش ہو۔۔۔۔۔۔
وہ روہانسی ہوئی۔۔۔۔۔۔۔
میں کیا کروں یار میں بے بس ہوں۔۔۔۔۔۔
اس سے پہلے کہ میں ہم دونوں کی شادی کے لیے گھروالوں کو راضی کرتا نجانے کیسے التمش بھائی نے تم سے شادی کرنے کی خواہش ظاہر کردی۔۔۔۔۔۔۔
مگر میں سمجھ نہیں پارہا آخر انہیں تمہارے بارے میں کیسے پتہ چلا۔۔۔۔۔۔۔
دوسری طرف سے پریشانی بھری آواز ابھری۔۔۔۔۔۔
تو کیا تم منع نہیں کر سکے یا پھر تمہارا پیار اس قدر کمزور ہے کہ وہ التمش رائے زادہ کا مقابلہ نہیں کر سکتا۔۔۔۔۔۔
ایسی بات نہیں وفا ۔۔۔۔۔۔
مگر التمش بھائی کی خواہش کو کوئی بھی منع کرنے کا سوچ بھی نہیں سکتا۔۔۔۔۔۔۔
تو اسکا مطلب یہ کہ تم میرے پیار کو صرف اپنے بھائی کے لیے ٹھکرا رہے ہو۔۔۔۔۔۔۔
نہیں بالکل نہیں۔۔۔۔۔۔۔
لیکن اگر میں تمہارے اور اپنے بارے میں اب گھر والوں سے بات کروں گا۔۔۔۔۔۔
تو کوئی بھی اِس رشتے کے لیے رضا مند نہ ہوگا۔۔۔۔۔۔۔
ایسی سچویشن میں بس ایک ہی کام ہوسکتا ہے۔۔۔۔۔۔
کونسا کام ؟؟
اگر تم خود اپنی ماں کو ا التمش کے لیے منع کر دو ۔۔۔۔
اور میرے لیے اپنی ماں سے بات کرو۔۔۔۔
تو میں خود بھی یہاں ہم دونوں کے لیے بات کرسکتا ہوں۔۔۔۔ مگر تم اپنی اُس خرانٹ ماں کے آگے اپنی دفاع کہاں کر پاؤ گی ۔ سامنے والے کے لہجے میں طنز نہیں ایک افسوس تھا۔۔۔۔۔
جسے سمجھ کر وہ خاموش ہوگئی۔۔۔۔۔۔۔
بنا کچھ بولے کال بند کر وہ وہیں بیڈ پر ڈھ سی گئی۔۔۔۔۔
واقعی یہ ایک تلخ حقیقت تھی کہ وہ اپنے حق کے لیے بھی دفاع نہیں کرسکتی تھی۔۔۔۔۔۔
مگر اِس بار بات اسکی پوری زندگی کی تھی۔۔۔۔۔۔۔
سو کہیں نہ کہیں سے ہمت مجتمع کرکے اسے یہ کرنا ہوگا۔۔۔۔۔۔۔
دل میں پختہ ارادہ کر وہ اپنی ماں کا مہمانوں سے فارغ ہونے کا انتظار کرنے لگی۔
💞💞💞💞
جاری ہے