Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum Last Episode

Kabhi Jo Ashna Sy Thy Hum by Malaika

وہ تیزی سے گاڑی چلا رہا تھا ۔۔۔۔ اس کا چہرہ ۔۔۔۔ اس کے ہاتھوں پہ ۔۔۔۔ اس کی شرٹ پہ زاہنور کے خون کے دھبے تھے ۔۔۔۔۔۔۔۔۔ وہ بار بار زاہنور کی طرف بھی دیکھ رہا تھا ۔۔۔۔۔۔ جو غنودگی میں تھی

” تمہیں کچھ ہونے نہیں دوں گا میں زاہنور “

وہ رونے ہی لگ گیا تھا ۔۔۔۔۔

ایک ہاتھ سے ڈرائیو کرتے دوسرے ہاتھ سے زاہنور کا ہاتھ تھامے وہ اس کے چہرے پہ نظر ڈال کے اب سامنے دیکھ رہا تھا ۔۔۔۔ اس کی آنکھیں دھندلا رہی تھی ۔۔۔۔۔۔۔ وہ رو رہا تھا ۔۔۔۔۔۔۔۔۔۔ ہاسپٹل پہنچنے کی جلدی تھی اسے ۔۔۔۔ وہ کسی بھی قیمت پہ زاہنور کو یوں نہیں کھونا چاہتا تھا ۔۔۔۔۔۔۔۔۔۔ گاڑی روک کے وہ نیچے اترا ۔۔۔۔

” ہیلپ ۔۔۔۔ ہیلپ ۔۔۔۔۔ ” وہ زاہنور کی طرف آ کے اسے گاڑی سے نکالتے چلا رہا تھا ۔۔۔۔۔۔۔۔ اسٹریچر لایا گیا جلدی سے اور اسے بھاگتے ہوئے اندر لے جانے لگیں ۔۔۔۔۔۔۔۔۔۔۔ شاہ ویز بے جان قدموں سے ان کے ساتھ چلا جا رہا تھا ۔۔۔۔ دھندلائی آنکھوں سے وہ زاہنور کو پل پل خود سے دور ہوتا دیکھ رہا تھا ۔۔۔۔۔

کال ابھی تک نہیں آئی تھی ۔۔۔۔ انتظار کر کر کے وہ تھک چکا تھا۔۔۔۔ اب تو اس کا اشتعال بڑھنے لگا تھا ۔۔۔۔۔۔۔ اسے شاہ ویز کے موت کی خبر سننے کا انتظار تھا ۔۔۔۔۔۔۔۔کچھ سوچ کے جب اس نے اپنے خاص آدمی کو کال کیا ۔۔۔

” کہاں مر گئے ہیں وہ چاروں ؟ کال کیوں نہیں اٹھا رہے ہیں میرا ؟”

وہ ڈھارا تھا

” سر وہ ۔۔۔۔ بیڈ نیوز ہے “

” کیا بیڈ نیوز ہے ۔۔۔ وہ پھر سے بچ گیا ؟ “

وہ چلایا تھا ۔۔۔۔۔ دوسری طرف خاموشی چھا گئی تھی

” بھونکو کچھ “

وہ ڈھارا تھا ۔۔۔

” زاہنور میم کو گولیاں لگی ہے ۔۔۔۔ اور وہ لوگ بھاگ گئے ہیں آپ کے غصے کا سوچ کے ہی وہ آپ کے پاس نہیں۔ آئے “

موبائل حمین شاہ کے ہاتھ سے گر چکا تھا ۔۔۔۔ وہ پھٹی آنکھوں سے سامنے دیکھ رہا تھا ۔۔۔۔۔۔۔ زاہنور کو گولیاں ۔۔۔۔ یہ کیسے ہو سکتا ہے ؟؟؟؟ وہ لوگ تو شاہ ویز کو مارنے گئے تھے زاہنور کو کیسے لگی گولیاں ؟؟؟؟؟

ایکدم اپنی جگہ سے اٹھ کے وہ تقریباً بھاگتے ہوئے وہاں سے نکلا تھا ۔۔۔۔۔۔ اس کا پورا اسٹاف اسے دیکھ کے اپنی جگہ سے کھڑا ہو گیا ۔۔۔۔ اپنے باس کو پاگلوں کی طرح ادھر ادھر بھاگتے دیکھ کر وہ حیران ہو گئے تھے ۔۔۔۔۔۔

وہ بہ مشکل اپنے چکراتے سر کو سنبھالتا آگے بڑھ رہا تھا ۔۔۔۔

” سر ۔۔۔ سر کیا ہوا ؟”

کوئی آگے بڑھا تھا ۔۔۔ اسے سمجھ نہیں۔ آئی کون تھا ۔۔۔۔۔۔ لیکن اس کا ہاتھ تھامے وہ اس کی منت کرنے لگا تھا ۔۔۔۔

” م۔۔۔مجھے ہاسپٹل لے چلو ۔۔۔۔۔۔ ز۔۔۔ زاہنور کے پاس “

اس نے حمین شاہ کو تھاما تھا ۔۔۔۔۔۔

” سر ۔۔۔۔۔ ریلیکس کیجئیے ۔۔۔ ہم چلتے ہیں”

” جلدی کرو ۔۔۔ جلدی ۔۔۔۔ میری زاہنور کو گولیاں لگی ہے ۔۔۔۔ اسے گولیاں کیسے لگ سکتی ہے “

وہ رونے والا ہو گیا تھا ۔۔۔۔۔

سب حیرت سے اسے دیکھ رہے تھے ۔۔۔۔ زاہنور کو گولیاں لگی ہیں ۔۔۔ یہ کیسے ؟؟؟؟؟

ہاسپٹل کوریڈور میں بھاگتے ہوئے وہ جا رہا تھا ۔۔۔

” زاہنور ۔۔۔۔۔ “

وہ چلایا تھا ۔۔۔۔۔۔ شاہ ویز دیوار سے ٹیک لگائے کھڑا تھا ۔۔۔۔۔۔۔۔ حمین شاہ کی آواز اس ک کانوں سے ٹکرائی تھی ۔۔۔۔ وہ خاموش آنکھوں سے اسے اپنی طرف آتا دیکھ رہا تھا وہ پاگلوں کی طرح لڑکھڑاتا ہوا چل رہا تھا ۔۔۔

وہ اس کے قریب آ چکا تھا ۔۔۔۔۔ شاہ ویز کے کپڑوں پہ زاہنور کے لگے خون کو وہ کچھ دیر دیکھتا رہا ۔۔۔۔ اس کا دل ڈوب کے ابھرا تھا ۔۔۔۔۔۔۔۔۔۔ پھر اسے کندھوں سے ہلایا

” زاہنور کہاں ہے ؟”

وہ کچھ نہیں کہہ رہا تھا ۔۔

ساکت آنکھوں سے اپنے سامنے کھڑے حمین شاہ کو ٹوٹتے بکھرتے دیکھ رہا تھا ۔۔۔۔۔۔۔۔

اسے چھوڑ کے وہ آئی سی یو کی طرف بھاگا تھا ۔۔

جہاں زاہنور کی ہارٹ ریٹ کو معمول پہ لانے کی کوشش ہو رہی تھی ۔۔۔۔

وہ ان کے پاس آیا تھا ۔۔۔۔ نرسز اسے روکنے کے لئے آگے بڑھے تھے ۔۔۔۔۔۔۔ لیکن وہ چلا رہا تھا ۔۔۔ زاہنور کا بےجان وجود اس کے سامنے تھا ۔۔۔۔۔۔۔

وہ اس کے پاس جانے کی تگ و دو کر رہا تھا ۔۔۔۔

” زاہنور ۔۔۔۔ زاہنور “

” آپ باہر جائیے پلیز ۔۔۔ “

نرسز کہہ رہے تھے ۔۔۔۔۔ لیکن اسکی آنکھیں زاہنور پہ تھی ۔۔۔

” سر ہارٹ رک چکی ہے پیشنٹ کی “

ڈاکٹر کی آواز جیسے بم کی طرح اس کے کانوں میں گونجی تھی ۔۔۔۔ سینئر ڈاکٹر بھی سر اثبات میں ہلانے لگے ۔۔۔۔۔

” ہممممم “

وہ اب کوشش کرنا چھوڑ چکے تھے ۔۔۔۔۔۔۔۔

اپنا ماسک اتار کے وہ آگے بڑھ رہے تھے ۔۔۔

” نہیں ۔۔۔۔ نہیں “

وہ چلا رہا تھا ۔۔۔ زاہنور کے بےجان وجود کے پاس جا کے وہ اسے اٹھانے کی کوشش کر رہا تھا ۔۔۔

” زاہنور اٹھو ۔۔۔۔ اٹھو زاہنور ۔۔۔۔۔ دیکھو تمہارا حمین آیا ہے ۔۔۔۔۔ اٹھو “

وہ ایکدم چلایا تھا ۔۔۔۔۔۔ اور وہیں گر گیا ۔۔۔۔۔۔۔ اس کے بدلے کی جیت ہو چکی تھی ۔۔۔۔۔ اس کے غرور کی جیت ہو چکی تھی ۔۔۔۔۔۔۔

اور باہر کھڑا شاہ ویز ڈاکٹرز کو سر جھکائے باہر نکلتے دیکھ چکا تھا ۔۔۔۔۔۔۔ اس کی دھڑکنیں جیسے رک سی گئی تھی وہ وہیں دیوار سے ٹیک لگائے نیچے بیٹھتا گیا ۔۔۔۔۔۔۔

اس کے ضد کی جیت ہوئی تھی ۔۔۔۔۔۔۔۔

حمین شاہ یونہی بیٹھا سامنے دیکھ رہا تھا ۔۔۔۔ آیشان اور آیہان رو رہے تھے ۔۔۔۔ سامیہ ان کا رونا سن کے کمرے میں آئی تھی ۔۔۔۔۔۔۔ حمین شاہ کو یوں بیٹھا دیکھ کے وہ اسے پکارنے لگی

” سر ۔۔۔۔۔ حمین سر “

لیکن وہ بت بنا بیٹھا ہوا تھا ۔۔۔ سامیہ نے آگے بڑھ کے دونوں بچوں کو بانہوں میں بھر لیا ۔۔۔۔۔۔ وہ ان کو روتا دیکھ کے پریشان ہو گئی کہ پہلے کسے چپ کرائے ۔۔۔۔۔۔۔۔

وہ حمین شاہ کو دیکھ رہی تھی جسکی نظریں اسی پہ تھی ۔۔۔۔۔۔۔۔۔

محبت کو ضد بننے میں دیر ہی کتنی لگتی ہے اور جب محبت ضد بن جائے تو وہ برباد ہو جاتی ہے ۔۔۔۔۔ اپنے ساتھ ومقابل کو بھی برباد کر دیتی ہے ۔۔۔۔۔۔ زاہنور کے چھن جانے کا خوف اس پہ اتنا حاوی ہو چکا تھا کہ وہ زاہنور کو خود کے قریب کرنے کی بجائے ۔۔۔۔۔۔۔ وہ ضد اور انا کے بیچ میں۔ پھنسا شیطان بننے چل نکلا تھا ۔۔۔۔

وہ ایک ایسا طوفان بن چلا تھا جو اپنے راستے آئی ہر چیز کو روندتا چلا جاتا ہے ۔۔۔۔ وہ شاہ ویز کو راستے سے ہٹانا چاہتا تھا لیکن وہ اپنے زاہنور کو کھو بیٹھا ۔۔۔۔۔۔

” لاو مجھے دو”

سر جھٹک کے اس نے سامیہ سے کہا تو سامیہ نے جھجھک کے آیہان کو اس کی گود میں دے دیا ۔۔۔۔۔

وہ اپنے بیٹے کو دیکھنے لگا ۔۔۔۔۔

بن ماں کے پلی بڑھی تھی زاہنور اور اب اس کے بچے بھی بن ماں کے ہی پلے گیں ۔۔۔۔ ہوک سی اٹھی تھی اس کے دل میں ۔۔۔ !!

خاموش نظروں سے وہ اس کی قبر کو دیکھ رہا تھا ۔۔۔۔۔۔ دل میں ایک طوفان سا امڈا پڑا تھا ۔۔۔۔ لیکن باہر سے وہ پرسکون تھا ۔۔۔۔۔۔۔۔۔ اس کی آنکھوں میں عجیب وحشت تھی ۔۔۔۔۔۔۔۔۔۔ کھو دینے کا احساس اس کے چہرے پہ عیاں تھا ۔۔۔۔۔۔ پلوشہ اس کے پاس آئی تھی ۔۔۔۔۔۔ اس کے کندھے پہ ہاتھ رکھا ۔۔۔۔۔۔ شاہ ویز نے چونک کے اسے دیکھا ۔۔۔۔اور یونہی دیکھتا رہا ۔۔۔۔۔۔۔ پلوشہ کو اس پہ ترس آیا تھا ۔۔۔۔۔۔ وہ کئی دنوں سے اسی حالت میں یہیں بیٹھا تھا ۔۔۔۔

” چلو شاہ ویز ۔۔”

” ہشششششش “

اس نے اپنے لبوں پہ انگلی رکھ کے اسے چپ رہنے کو کہا ۔۔۔

” زاہنور سو رہی ہے ۔۔۔ باتیں نہیں کرو وہ ڈسٹرب ہو جائے گی “

اس کی آنکھوں میں عجیب وحشت تھی ۔۔۔۔۔۔ پلوشہ کا دل ہی تڑپ اٹھا تھا ۔۔۔۔۔۔۔ اس کی آنکھیں بھیگ گئی تھی ۔۔۔۔ اس نے کھبی نہیں سوچا تھا کہ زاہنور یوں انھیں ایک دن چھوڑ کے چلی جائے گی ۔۔۔۔۔۔۔۔۔

” میری زاہنور سو رہی ہے ۔۔۔۔۔ میں یہیں ہوں اس کے پاس ۔۔۔ اگر وہ جاگ گئی اور میں اس کے پاس نہ ہوا تو وہ ناراض ہو جائے گی ۔۔۔۔۔ میں ۔۔۔۔ میں کیسے اس کی ناراضگی برداشت کر سکتا “

اس کی آواز میں نمی گھل چکی تھی ۔۔۔ پلوشہ وہیں اس کے پاس بیٹھ گئی ۔۔۔۔۔۔۔

” گھر چلتے ہیں تھوڑا ریسٹ کر لو پلیز ۔۔۔۔ “

” نہیں “۔

وہ تیز نظروں سے اسے دیکھنے لگا

” جاؤ تم یہاں سے ۔۔۔۔ میں اپنی زاہنور کے پاس ہی رہوں گا ۔۔۔ میری زاہنور سو رہی ہے “

وہ پھر سے قبر کی طرف دیکھنے لگا اور پلوشہ خاموش آنسو بہاتی اسے دیکھ رہی تھی ۔۔۔۔!!!! وہ حال سے بےحال ہو چکا تھا ۔۔۔۔۔۔ اسے اپنی کوئی خبر نہ تھی ۔۔۔۔۔۔ وہ کسی ہارے جواری کی طرح اجڑا بیٹھا ہوا تھا ۔۔۔۔۔۔۔۔

” زاہنور ۔۔۔۔ زاہنور “

وہ بڑبڑانے لگا

” اٹھو زاہنور ۔۔۔۔۔۔ اٹھو پلیز ۔۔۔۔۔۔۔ اچھا سوری ۔۔۔۔۔۔۔ اب نہیں دیکھتا تمہیں۔ ۔۔۔۔۔۔۔ آنکھیں بند کر کے باتیں کروں گا تم سے ۔۔۔

لیکن تم اٹھو تو ۔۔۔۔ “

پلوشہ اس کے اجڑے چہرے کو دیکھ رہی تھی ۔۔۔

” تمہیں۔ غصہ آیا ہے نا ؟؟ ناراض ہو گئی ہو جب میں نے کہا کہ ۔۔۔۔۔۔۔ تمہاری یادوں کو میں ختم کر رہا اپنے کمرے کے درودیوار سے ۔۔۔۔۔ اس لئے ناراض ہو ۔۔۔۔۔ اچھا بابا نہیں کرتا دفن ان یادوں کو ۔۔۔۔ اب تو ناراضگی ختم کردو پلیز ۔۔۔۔۔ “

وہ ایکدم رو پڑا ۔۔۔۔۔

” اتنی لمبی ناراضگی تمہاری میری جان لے لیں گی زاہنور اٹھو پلیز ۔۔۔۔۔۔ “

وہ پلوشہ کو دیکھنے لگا

” کیسے مناؤں زاہنور کو میں ؟؟؟ تم ہی ہیلپ کردو پلیز ۔۔۔۔۔ اسے بولو شاہ ویز تم سے بےحد محبت کرتا ہے۔ ۔۔۔۔۔ کوئی دل نہیں۔ توڑتے ۔۔۔۔ منہ نہیں موڑتے محبتوں سے ۔۔۔۔ بولو اسے “

وہ گھٹنوں میں سر دیے رو رہا تھا اور پلوشہ اسے بھیگی آنکھوں سے دیکھ رہی تھی ۔۔۔۔

” کیوں کیا زاہنور ایسے کیوں کیا ؟ میرے حصے کی گولیاں کھا کے تم نے میرے ساتھ زیادتی کی ہے زاہنور ۔۔۔۔ بہت بڑی زیادتی ۔۔۔۔۔۔۔ اتنی بڑی سزا کا میں حقدار تو نہیں تھا زاہنور “

کون سزاوار ہے ۔۔۔۔ کون بےگناہ ہے۔۔۔۔۔۔۔ کس کو آخر کس گناہ کی سزا ملے !!!!!!

نکاح ۔۔۔۔ طلاق ۔۔۔۔ حلالہ ۔۔۔ یہ کوئی کھیل نہیں۔ ہیں۔۔۔۔ عورت کوئی کھلونا نہیں ہے ۔۔۔۔۔۔۔ عورت بھی احساسات رکھتی ہے ۔۔۔ جیتی جاگتی انسان ہے ۔۔۔۔۔ کوئی شو پیس نہیں ہے وہ ۔۔۔۔۔۔۔۔۔

مرد کے لئے حکم ہے کہ اپنی بیوی سے محبت سے پیش آؤ ۔۔۔۔۔۔۔ اس کے لئے ذلت بھری زندگی کا انتخاب نہ کرو ۔۔۔۔۔ وہ تمہاری محبت ۔۔۔ تمہاری عزت کی حقدار ہے ۔۔۔۔۔

اس کے لئے طلاق کا لفظ استعمال نہ کرو ۔۔۔۔۔۔۔۔ اسے حلالہ کے نام پہ کسی دوسرے مرد کے حوالے کر کے اس کی زندگی کو کٹھ پتلی نہ بناؤ ۔۔۔۔۔۔۔۔

مرد طلاق دے تو دیتا ہے ۔۔۔۔ پھر ساری زندگی پچھتاؤں میں گھر کے وہ پھر سے اسے اپنانے کی تگ و دو کرتا ہے اور وہ عورت جسے طلاق ہو چکی ہے ۔۔۔۔ دوسرے مرد کے ساتھ نکاح کر کے اپنی زندگی بنانے چلی ہوتی ہے لیکن وہ دو حصوں میں بٹ جاتی ہے ۔۔۔۔۔۔۔

طاقت کے نشے میں انسان اپنا آپ بھول جاتا ہے ۔۔۔۔ اپنا خدا بھول جاتا ہے ۔۔۔۔۔ انسان کو طاقت کے بل بوتے پہ ختم کرتے وقت وہ بھول جاتا ہے ۔۔۔

کہ اوپر اللہ کی ذات ہے ۔۔۔۔۔۔ جس نے مقدر میں کیا لکھا ہے یہ ہم میں سے کوئی نہیں جانتا ۔۔۔۔۔۔۔ دو مردوں کی ضد نے ایک عورت کو ختم کر دیا ۔۔۔۔۔ دو بچوں سے اس کے ماں کی ممتا چھین لی ۔۔۔۔۔۔ اگر انسان اللہ کے تعین کردہ احکامات کے مطابق اپنی زندگی گزارے تو زندگی کھبی مشکل نہ بنے ۔۔۔۔

کسی ایسے دوراہے پہ کھبی آنے کی نوبت ہی نہ آئے ۔۔۔۔۔۔۔۔۔ وقت پہ احساس کر کے اپنی غلطی سدھار لو ورنہ بعد میں پچھتاؤں کے علاؤہ زندگی میں کچھ نہیں بچتا ۔۔۔۔۔

اور رہی بات عورت کی ۔۔۔۔ تو عورت کو اپنے شوہر کے اتنے قریب ہونا چاہئے کہ وہ کوئی بھی چھوٹی سے چھوٹی بات اپنے شوہر سے نہ چھپائے ۔۔۔

مرد کا اعتبار جیتنے میں وقت لگتا ہے لیکن چھن سے ٹوٹ جانے میں ایک لمحہ لگتا ہے ۔۔۔ اپنی زندگیوں میں اس لمحے کے آنے سے پہلے ہی سنبھل جانا چاہئیے ۔۔۔۔۔ جھوٹ کا سہارا لے کے آپ بچتے نہیں ہیں بلکہ ایک ایسے دلدل میں پھنستے جاتے ہیں جہاں سے نکلنا آسان نہیں۔ رہتا ۔۔۔۔۔۔