Kabhi Jo Ashna Sy Thy Hum by Malaika NovelR50630 Kabhi Jo Ashna Sy Thy Hum (Episode 17)

Kabhi Jo Ashna Sy Thy Hum by Malaika

وہ آج جاب سے جلدی آ گیا تھا گھر ۔۔۔۔ تقریباً دس بجے ہی ۔۔۔۔۔۔۔۔ گھر میں داخل ہوتے ہی اس کی نظر نفیسہ پہ پڑی جو بیگ پیک کیے اس کے انتظار میں بیٹھی ہوئی تھی ۔۔۔۔۔ اسے دیکھ کے وہ جلدی سے اپنی جگہ سے اٹھی۔ ۔۔۔ خوشی اس کے چہرے پہ درج تھی ۔۔۔۔۔۔۔ شاہ ویز نے سوالیہ نظروں سے بیگز کو اور پھر اپنی ماں کو دیکھا ۔۔۔۔۔

جبکہ نفیسہ کچھ پیپرز اس کے سامنے کرتی بولی

” ہمیں ہمارا گھر مل گیا شاہ ویز ۔۔۔۔ یہ دیکھو حمین شاہ کے آدمی دے کے گئے ہیں یہ سب ۔۔۔۔ دیکھو “

وہ خوشی سے بتا رہی تھی ۔۔۔۔ شاہ ویز پیپرز کو دیکھنے لگا ۔۔۔۔۔۔۔ گھر کے پیپرز تھے اور ایک اپائنٹمنٹ لیٹر بھی تھا ۔۔۔۔۔ ملک کی مشہور کمپنی کی طرف سے ۔۔۔۔۔۔

” یہ کیا ہے بیٹا ؟٫”

نفیسہ پوچھ رہی تھی

” اپائنٹمنٹ لیٹر ہے ۔۔۔۔۔ جاب کے لئے “

وہ دھیمے لہجے میں بولا تو نفیسہ کی خوشی سے باچھیں کھل گئی

” چلو بیٹا جلدی سے چلو ۔۔۔۔۔۔۔ مجھے ابھی کے ابھی اپنے گھر جانا ہے “

وہ جلدی جلدی اپنے بیگز اٹھانے لگی

” ہم کہیں نہیں جا رہے “

شاہ ویز کی سپاٹ آواز پہ وہ رک کے اسے دیکھنے لگی ۔۔۔

” کیوں شاہ ویز ؟”

” کیا کہہ کے جا رہی ہے آپ وہاں؟؟؟؟؟ آپ کی وجہ سے ہوا تھا یہ سب ۔۔۔۔۔ صرف آپ کی وجہ سے ۔۔۔۔۔۔۔ کھبی خیال آیا اس بات کا ۔۔۔ کھبی ؟؟؟؟ کہ زاہنور کے ساتھ کیا غلط کر چکی ہے آپ ؟؟؟ وہ آپ کو آپ کا سب لٹا کے آپ پہ احسان کر گئی ہے اور آپ ؟؟؟ آپ کیا کر رہی ہے بدلے میں ؟”

شاہ ویز سرد لہجے میں کہہ رہا تھا جبکہ نفیسہ اسے دیکھ کے رہ گئی ۔۔۔

” وہ ہمارا ہی گھر تھا “

” نہیں ہے وہ ہمارا گھر ۔۔۔۔۔۔۔۔ وہ لے چکے تھے ہمارا سب ہم سے اور اب احسان ہے ان کا جو لوٹا رہے ہیں پھر سے ۔۔۔۔۔ آپ کیا دے رہی ہے بدلے میں انھیں ؟”

اس کی آواز اونچی ہو گئی تھی ۔۔۔۔ نفیسہ ڈھرکتے دل کے ساتھ اسے دیکھ رہی تھی ۔۔۔۔

” شاہ ویز ۔۔۔۔ میں نے اپنی زندگی کے کھٹن دن گزارے ہیں یہاں ۔۔۔۔۔ اللہ سے دعا مانگی ہے کہ مجھے میرا گھر واپس مل جائے اب تم ۔۔۔۔ تم مجھے مایوس مت کرو “

وہ رو دینے والی ہو گئی تھی ۔۔۔۔۔ شاہ ویز اس کی آنکھوں میں آنسو دیکھ کے نرم پڑ گیا

” نہیں۔ کہہ رہا میں آپ کو کچھ ۔۔۔۔ جسٹ سمجھا رہا ہوں کہ ایٹ لیسٹ اتنا تو سوچے کہ زاہنور کے ساتھ ہم کتنا برا کر چکے ۔۔۔ ایک بار بس ایک بار اس سے معافی مانگنا ہمارا فرض بنتا ہے امی “

نفیسہ رو رہی تھی

” میں جاؤں گی اس کے پاس ۔۔۔۔ اس کے پاؤں پڑ کے اس سے معافی مانگ لوں گی لیکن ابھی تو ۔۔۔۔ ابھی تو مجھے میرے گھر لے چلو شاہ ویز “

وہ رو رہی تھی ۔۔۔۔ شاہ ویز نے ایک ٹھنڈی سانس بھری ۔۔۔۔ پھر اپنی ماں کو دیکھنے لگا

” چلئیے “

نفیسہ رونا بھول کے اپنا سامان اٹھانے لگی ۔۔۔۔۔۔۔۔۔۔

اور پھر اپنے گھر آ کے اس نے سکون کا سانس لیا ۔۔۔۔۔۔۔۔۔۔ اپنے گھر کی ہر چیز کو چھو کے وہ رو رہی تھی ۔۔۔۔۔۔

” اب کیوں رو رہی ہے آپ ؟”

شاہ ویز اسے روتا دیکھ کے پوچھنے لگا ۔

” میرا گھر ۔۔۔۔۔ اس گھر کی ہر چیز کو چھو کے آنسو خود بخود ہی گر رہے ہیں “

شاہ ویز وہیں لاونج میں صوفے پہ نیم دراز ہوگیا ۔۔۔۔۔۔۔ وہ کافی تھکا ہوا تھا ۔۔۔۔۔۔۔ لیٹتے ہی اسے نیند آ گئی تھی ۔۔۔۔۔۔۔۔۔۔۔ اور صبح جا کے اس کی آنکھ کھلی وہ بھی نفیسہ کے آواز دینے پہ ۔۔۔۔۔ وہ اپنی ماں کو دیکھنے لگا نیند بھری آنکھوں سے ۔۔۔۔۔۔۔۔

” اٹھو بیٹا ۔۔۔ تمہارا انٹرویو ہے آج “

اسے ایکدم سے اپائنٹمنٹ لیٹر کا خیال آیا ۔۔۔

” ٹائم کیا ہوا ہے ؟”

وہ پوچھنے لگا ۔۔۔۔۔۔

” آٹھ بج رہے ہیں ۔۔۔۔۔ “

شاہ ویز اٹھ کے بیٹھ چکا تھا ۔۔۔۔۔ اور کچھ سوچنے لگا ۔۔۔

” کیا سوچ رہے ہو بیٹا ؟؟ “

وہ اپنے بیٹے کو گم صُم بیٹھا دیکھ کے پوچھنے لگی ۔۔۔۔۔

” یہی سوچ رہا ہوں کہ جاؤں یا نہیں۔ “

وہ یونہی کھویا کھویا سا کہہ رہا تھا ۔۔۔۔۔۔

” یہی چانس ملا ہے تمہیں شاہ ویز ۔۔۔۔ اس چانس کو ہاتھ سے مت جانے دو بیٹا ۔۔۔۔۔ اٹھو میرے بچے اٹھو تیار ہو جاؤ “

نفیسہ اسے سمجھانے لگی تھی ۔۔۔۔۔۔

وہ بھی اپنی جگہ سے اٹھ کے اپنے کمرے میں گیا ۔۔۔۔۔۔۔۔۔۔۔۔ کمرے میں آتے ہی وہ اپنی ہر چیز کو غور سے دیکھنے لگا ۔۔۔۔۔۔۔۔۔۔۔ تھکا تھکا سا وہ وہیں صوفے پہ بیٹھ گیا ۔۔۔۔۔۔۔۔۔ اس کی نظر سامنے ڈریسنگ ٹیبل پہ گئی جہاں زاہنور کی کچھ چوڑیاں ابھی بھی رکھی ہوئی تھی ۔۔۔۔۔ اسکی فیورٹ پرفیوم کی بوتل بھی پڑی ہوئی تھی ۔۔۔۔۔۔۔۔ وہ اٹھ کے ٹیبل کے قریب گیا ۔۔۔۔۔۔۔ زاہنور کی لپ اسٹک بھی ایک کونے میں رکھی ہوئی تھی ۔۔۔۔۔۔ ان پہ اس کا دھیان کھبی نہیں گیا تھا اور اب جب وہ سب کھلی آنکھوں سے دیکھ رہا تھا تو اسے ہر طرف زاہنور ہی نظر آ رہی تھی ۔۔۔۔۔۔۔۔۔۔۔ اس کا بریسلیٹ بھی وہیں پڑا ہوا تھا جو اس نے شاید اتار دی تھی اور وہیں رکھ کے بھول گئی تھی ۔۔۔۔۔۔۔۔۔ اس کی نظر وارڈ روب پہ پڑی ۔۔۔۔۔۔۔۔۔۔ وہ چھوٹے چھوٹے قدم اٹھاتا وہیں جا کے کھڑا ہو گیا ۔۔۔۔۔۔۔۔۔ الماری کے پٹ کھول کے وہ زاہنور کی رکھی ہر چیز کو دیکھنے لگا ۔۔۔۔۔ وہ یہاں سے کچھ بھی لے کے نہیں گئی تھی بس ایک دو جوڑے ہی شاید لے کے گئی ہو ۔۔۔۔۔۔ اس کے کچھ ڈریسز اب بھی تھے یہاں ہینگ کیے ہوئے ۔۔۔۔۔

اس کا فیورٹ دوپٹہ بھی یونہی پڑا ہوا تھا ۔۔۔۔۔۔۔۔ جو اسے بہت پسند تھا ۔۔۔۔۔۔۔۔ اس کے کچھ شوز بھی ۔۔۔۔۔۔۔۔ وہ مسکرا کے رہ گیا ۔۔۔۔۔۔۔

” تم یہاں سے مکمل کھبی گئی ہی نہیں تھی زاہنور ۔۔۔۔ میں ہی آنکھیں بند کیے رہا تھا ۔۔۔۔ “

نفیسہ کی آواز پہ وہ چونکا تھا اسے دیر ہو رہی تھی ۔۔۔۔۔ وہ جلدی سے اپنے کپڑے نکال کے وہیں بیڈ پہ رکھ کے واشروم کی طرف بڑھ گیا ۔۔۔۔۔۔۔۔۔۔۔۔۔۔

⁦⁩⁦⁩⁦⁩⁦⁩

” چھوٹی بی بی جی ۔۔۔۔ کوئی آپ سے ملنے آئی ہے “

زاہنور جو سامیہ کو ہدایات دے رہی تھی آیشان اور آیہان سے متعلق ۔۔۔۔۔۔۔ سامیہ کو اس نے کچھ دن پہلے ہی رکھا تھا بچوں کی کئیر کے لئے ۔۔۔۔۔۔۔ چونک کے عبدل کو دیکھنے لگی ۔۔۔

” کون ہے ؟”

” جی وہ ۔۔۔۔۔ “

وہ سر جھکا گیا ۔۔۔۔ اسے سمجھ نہیں آئی کیا کہے ۔۔۔۔

” اچھا انھیں بٹھاؤ میں آتی ہوں “

عبدل سر اثبات میں ہلاتا چلا گیا ۔۔۔ زاہنور بھی بچوں کو پیار کر کے باہر نکلی ۔۔۔۔۔۔۔ ڈرائینگ روم تک وہ یہی سوچ رہی تھی کہ کون ہو سکتی ہے اور جیسے ہی ڈرائنگ روم میں داخل ہوئی تو سامنے نفیسہ کو دیکھ کے وہ وہیں رک گئی ۔۔۔۔۔۔ حیرت سے اسے دیکھ رہی تھی وہ جو پریشان سی صوفے پہ بیٹھی ہوئی تھی ۔۔۔۔۔۔۔۔ زاہنور کو دیکھ کے ایکدم سے اپنی جگہ سے کھڑی ہو گئی ۔۔۔۔۔۔۔

” زاہنور بیٹا ۔۔۔۔۔۔ “

” اسلام علیکم ۔۔۔۔ ” وہ بھی قریب آتے انھیں سلام کرنے لگی ۔۔۔۔۔

” وعلیکم السلام بیٹا “

اس نے نرمی سے جواب دیا ۔۔۔۔ زاہنور کو حیرت ہوئی تھی اس کا یہ نرم رویہ دیکھ کے ۔۔۔

” بیٹھئے ۔۔۔ “

وہ اپنے حیرت پہ قابو پاتے بولی ۔۔۔۔۔۔۔ تو وہ جلدی سے بیٹھ گئی ۔۔۔۔۔ زاہنور بھی بیٹھ چکی تھی ۔۔۔۔۔۔

” آپ کا بہت بہت شکریہ بیٹا جو شاہ ویز کی جاب لگوائی اور ہمارا گھر ہمیں واپس سونپ دیا “

اس کا مؤدبانہ لہجہ دیکھ کے زاہنور چونکی تھی ۔۔۔۔۔ اس نے غور سے نفیسہ کو دیکھا ۔۔۔۔ وہ کتنی کمزور ہو گئی تھی ۔۔۔۔۔۔۔ اس کا دل پسیج گیا تھا اسے یوں دیکھ کے ۔۔۔۔۔۔

” مجھے معاف کردے زاہنور بیٹا ۔۔۔۔ آپ کے ساتھ میں بہت برا کر چکی ہوں لیکن “

وہ ایکدم سے رونے لگ گئی ۔۔۔۔

” لیکن ان دنوں مجھے محسوس ہوا کہ میں کتنے ظلم ڈھا چکی آپ پہ ۔۔۔۔۔۔ میں “

وہ اپنی جگہ سے اٹھ کے زاہنور کے قدموں میں بیٹھنے لگی تھی جب زاہنور ایکدم سے کھڑی ہوئی اور اسے بازو سے تھام کے اپنے سامنے کھڑا کیا ۔

” یہ آپ کیا کر رہی ہے امی ۔۔۔۔۔ “

زاہنور نے گھبرا کے اسے دیکھتے کہا تھا ۔۔۔۔۔

” میں بہت گنہگار ہوں میری بچی “

نفیسہ آنسو بھری آنکھوں سے اسے دیکھ کے کہہ رہی تھی ۔

” مجھے اب احساس ہوا ہے کہ میں نے ہیرا کھویا ہے “

زاہنور کی آنکھیں بھی بھیگی تھی ۔۔۔۔

” ایسے مت کہئیے ۔۔۔۔۔۔ آپ میرے لئے آج بھی قابلِ احترام ہے ۔۔۔ پلیز یوں کر کے مجھے شرمندہ مت کیجئیے ۔۔۔۔۔۔۔ بڑی ہے آپ میری ۔۔۔۔۔ ماں جی سمجھا ہے آپ کو ہمیشہ پلیز یوں کہہ کر مجھے شرمندہ مت کیجئے ۔۔۔۔۔ “

زاہنور اس کے آنسو صاف کرنے لگی ۔۔۔۔۔۔۔۔ نفیسہ نے اس کا ماتھا چوما ۔۔۔۔۔

” اللہ تمہارے نصیب اچھے کرے ۔۔۔۔۔۔ “

زاہنور نے ان کے ہاتھ تھام کے انھیں بٹھایا

” آپ بیٹھیے ۔۔۔۔ میں چائے کا کہہ کے آتی ہوں ۔۔۔ “

” نہیں بیٹا میں جا رہی ہوں بس ۔۔۔۔ “

نفیسہ اٹھتے بولی ۔۔۔

” بلکل بھی نہیں۔ ۔۔۔ لنچ پہ بھی آپ یہیں ہے ۔۔۔۔ رکئیے میں آتی ہوں “

اسے بٹھا کے وہ باہر نکلی ۔۔۔۔۔۔ نفیسہ اس کی شاہانہ زندگی دیکھ کے مرعوب ہی ہو چکی تھی ۔۔۔۔ زاہنور مسکراتی ہوئی اندر آئی ۔۔۔۔۔۔ اور صوفے پہ بیٹھ گئی ۔۔۔۔۔۔۔

” شاہ ویز نے بتایا تمہارے ٹوینز ہوئے ہیں ۔۔۔ مبارک ہو “

نفیسہ کہنے لگی تو وہ مسکرا دی ۔۔۔

” تھینک یو ۔۔۔۔۔۔ “

وہ بھی جواباً بولی تھی ۔۔۔۔۔۔

” شاہ ویز کہہ رہا تھا بہت پیارے بچے ہیں ماشاءاللہ “

نفیسہ مسکرا کے بتا رہی تھی جب عبدل چائے کی ٹرالی لیے آیا ۔۔۔۔ زاہنور نے ٹرالی اپنی طرف کھینچی ۔۔۔

” میں بنا دوں گی آپ سامیہ سے کہے کہ دونوں بچوں کو یہاں لے آئے میرے پاس “

” جو حکم ۔۔۔ ” کہہ کے عبدل احترام سے سر جھکائے وہاں سے نکل گیا ۔۔۔۔۔۔

زاہنور چائے بنانے لگی جبکہ نفیسہ حیرت سے اس کے ٹھاٹھ باٹ دیکھ رہی تھی ۔۔۔۔۔۔ چائے رکھ کے وہ باقی لوازم بھی میز پہ رکھ چکی تو سامیہ بھی بچوں کو لے کے یہیں آ گئی ۔۔۔۔۔۔۔۔

زاہنور نے مسکرا کے نفیسہ کو دیکھا ۔۔۔۔۔۔۔۔

” یہ آیشان ہے اور یہ آیہان “

نفیسہ جھجک کے انھیں دیکھنے لگی ۔۔۔

” ماشاءاللہ بہت پیارے ہیں “

وہ دور سے ہی انھیں پیار سے دیکھ رہی تھی ۔۔۔۔ زاہنور نے اس کے چہرے پہ پھیلے سائے کو دیکھا تو مسکرا کے آیہان کو ان کی گود میں دے دیا ۔۔۔۔۔۔۔۔

نفیسہ نم آنکھوں سے اسے دیکھ رہی تھی ۔۔۔۔۔

” اللہ نصیب اچھے کرے ۔۔۔۔ ماشاءاللہ “

نفیسہ نے بےاختیار اس چھوٹے سے آیہان کو پیار کیا ۔۔۔۔۔۔۔

” اللہ تمہیں خوشیاں نصیب کرے بیٹا “

وہ زاہنور کو دیکھ کے کہہ رہی تھی ۔۔۔۔۔

” اللہ آپ کو بھی ہمیشہ خوشیاں دیں امی ۔۔۔۔ “

وہ رونے لگا تھا تو زاہنور نے آگے بڑھ کے اسے اپنی بانہوں میں بھر لیا ۔۔۔۔۔۔۔۔۔ اسے پیار سے چپ کرانے لگی ۔۔۔۔۔

نفیسہ کی آنکھوں کے سامنے شاہ ویز کا چہرہ گھوم گیا ۔۔۔۔۔ اس کے دل پہ جیسے گھونسہ سا پڑا تھا ۔۔۔ اس کا بیٹا اس خوشی سے محروم ہی تھا ۔۔۔۔۔

زاہنور نے دونوں بچوں کو سامیہ کے حوالے کیا تو وہ انھیں لیے وہاں سے نکل گئی ۔۔۔۔۔۔۔۔۔۔۔ جبکہ زاہنور نفیسہ کو دیکھ رہی تھی ۔۔۔۔۔

” کاش میرا بیٹا بھی اثنا خوش نصیب ہوتا “

اس نے اچانک سے کہا تھا زاہنور خاموشی سے نظریں چرا گئی ۔۔۔۔۔۔۔۔ تو نفیسہ کو بھی احساس ہوا تبھی چپ کر گئی اور چائے کے گھونٹ لینے لگی ۔۔۔۔

اس کی جاب لگ چکی تھی ۔۔۔۔۔ اور اب کافی مصروف رہنے لگا تھا ۔۔۔۔۔۔۔۔ ابھی بھی وہ بیڈ پہ بیٹھا لیپ ٹاپ لیے کام کر رہا تھا جب اس کے موبائل پہ کال آئی ۔۔۔۔ اس نے مصروف انداز میں کان سے لگایا

” ہیلو ۔۔۔۔۔ “

” ہیلو شاہ ویز “

دوسری طرف پلوشہ تھی ۔۔۔۔۔۔۔ اسنے حیرت سے گھور کے موبائل کو دیکھا پھر کان سے لگا لیا

” جی کہئیے ؟”

” کیسے ہیں آپ ؟”

وہ پوچھنے لگی ۔۔۔

” جی ٹھیک ہوں ۔۔۔ آپ کیسی ہے ؟”

وہ بھی کام کرتے ہوئے ساتھ ساتھ میں پوچھ رہا تھا ۔۔۔۔

” آپ کو یاد کر رہی تھی میں “

اس نے دھیمے لہجے میں کہا ۔۔۔۔ شاہ ویز لب بھینچ کے لیپ ٹاپ سائیڈ پہ رکھ کے اپنی کنپٹی سہلانے لگا

” کیوں ؟”

” آپ کو معلوم تو ہے سب “

پلوشہ نے بنا ہچکچاہٹ کے کہا ۔۔۔۔ ۔

” پلوشہ ۔۔۔۔۔ میں اپنا جواب بھی دے چکا ہوں “

شاہ ویز نے اسے دو ٹوک انداز میں جواب دیا ۔۔۔۔۔۔

” میں پھر بھی آپ کا ساتھ ہی چاہوں گی “

اس کے دھیمے لیکن مضبوط لہجے میں کہنے پہ وہ حیران ہی ہوا تھا ۔۔۔۔۔

” میں آپ کا ساتھ نہیں۔ دے سکتا پلوشہ “

” کیوں ؟”

وہ خاموش رہا ۔۔۔ ۔

” شاہ ویز ۔۔۔۔ “

اس نے دھیرے سے اس کا نام لیا

” جی ؟”

” مل سکتے ہیں ابھی مجھ سے ؟”

شاہ ویز نے گھڑی کی طرف دیکھا رات کے نو بج رہے تھے ۔۔۔۔

” اس وقت ؟”

اسے عجیب ہی لگا تھا ۔۔۔

” پلیز شاہ ویز ۔۔۔۔ “

وہ کچھ دیر خاموش رہا پھر اپنی رضامندی ظاہر کر کے اس نے کال ڈسکنیکٹ کر دی ۔۔۔۔۔۔ کچھ دیر وہ موبائل کو گھورتا رہا پھر اپنی آنکھیں مسل کے اس نے خود کو فریش کیا ۔۔۔۔۔۔۔ بیڈ سے اتر کے بائیک کی چابی لے کے باہر کی طرف نکل گیا ۔۔۔۔۔

سمندر کنارے وہ اس کی منتظر تھی ۔۔۔۔۔۔ شاہ ویز اسے دیکھ چکا تھا ۔۔۔۔۔ ایک گہرا سانس لے کے وہ اس کے پاس آیا ۔۔۔۔

” جی کہئے ؟” ۔

پلوشہ چونک کے اسے دیکھنے لگی ۔۔۔۔ اس کی آنکھوں میں محبت کے ہزاروں رنگ تھے ۔۔۔۔۔۔۔ شاہ ویز نے اپنی آنکھیں چرائی ۔۔۔۔

” شادی کرو گے مجھ سے ؟”

پلوشہ نے اچانک پوچھا تھا ۔۔۔۔ شاہ ویز حیرت سے اسے دیکھ رہا تھا جبکہ وہ مسکراتی آنکھوں سے اسے دیکھ رہی تھی ۔۔۔۔۔۔

” یہ کیا کہہ رہی ہے آپ ؟”

” وہی جو آپ سن رہے ہیں ۔۔۔ شادی کرنا چاہتی ہوں آپ سے ۔۔۔۔ کیا آپ بھی کرنا چاہے گیں ؟ سمپل سا سوال ہے “

اس کی لب بھی مسکرا رہے تھے ۔۔۔۔۔ محبت بھری نظروں سے وہ شاہ ویز کو دیکھ رہی تھی ۔۔۔۔۔

” لیکن میں آپ سے شادی نہیں کر سکتا ۔۔۔۔۔۔ “

وہ نظریں چراتے بولا

” کیوں ؟”

پلوشہ کے لہجے میں بیچینی پنہان تھی ۔۔۔۔

شاہ ویز نے بےچارگی سے اسے دیکھا ۔۔۔۔۔۔

” میں ۔۔۔۔ میں زاہنور کو نہیں بھول پا رہا ۔۔۔۔ “

پلوشہ کے چہرے پہ درد بھری مسکراہٹ پھیل گئی ۔۔۔

” تو کون کہہ رہا اسے بھولنے کو ؟”

شاہ ویز اسے دیکھ کے رہ گیا ۔۔۔۔۔

” جب اسے بھول ہی نہیں پا رہا تو اس کی جگہ کیسے کسی اور کو دوں پلوشہ “

” مجھے اس کی جگہ نہیں اپنی جگہ چاہئے بس ۔۔۔ جو میں آپ کی زندگی میں بنا کے رہوں گی “

پلوشہ راہ حل بتا رہی تھی ۔۔۔۔ جبکہ شاہ ویز لب بھینچ گیا ۔۔۔۔

” پھر بھی پلوشہ ۔۔۔۔ میری ذات سے تمہیں کوئی خوشی ۔۔۔ کوئی سکھ نہیں مل سکتا “

” کیوں ؟؟؟ کیسے کہہ سکتے ہو آپ یہ ؟”

وہ بےچینی سے اس کے چہرے پہ کچھ ڈھونڈ رہی تھی ۔۔۔۔۔ شاہ ویز کچھ پل اس کی آنکھوں میں دیکھتا رہا ۔۔۔۔ پھر نظریں جھکا گیا

” میں نہیں بتا سکتا کہ کیوں کہہ رہا میں یہ “

” لیکن مجھے جاننا ہے ۔۔۔۔ تم یوں مجھ سے شادی سے انکار کیوں کر رہے ہو شاہ ویز ۔۔۔۔ میں اس کے جتنی شاید خوبصورت نہیں ہوں لیکن پھر بھی شاہ ویز ۔۔۔ پھر بھی میں تم سے محبت کر بیٹھی ہوں “

وہ بےچارگی سے کہہ رہی تھی ۔۔۔۔ شاہ ویز خاموش رہا

” کیوں نہیں کر رہے مجھ سے شادی ۔۔۔ تمہیں بتانا ہوگا شاہ ویز “

وہ اس سے پوچھ رہی تھی

” کیونکہ ۔۔۔۔۔ کیونکہ میں کھبی تمہیں کھبی ماں بننے کی خوشی نہیں دے سکتا پلوشہ “

اس کے چہرے پہ کرب سا پھیلا تھا ۔۔۔۔۔ اس کی آنکھیں بےچین تھی ۔۔۔۔ پلوشہ اسے ہی دیکھ رہی تھی ۔۔۔۔۔۔

” پھر بھی میں شادی کرنا چاہتی ہوں تم سے ۔۔۔۔ “

شاہ ویز حیرت سے اسے دیکھ رہا تھا ۔۔۔۔۔ وہ کیسے کہہ سکتی یہ ۔۔۔۔۔

” جذبات میں کیے گئے فیصلے ہمیشہ دکھ ہی دیتے ہیں پلوشہ ” ۔

” میں سوچ سمجھ کے اپنا فیصلہ بتا رہی تمہیں شاہ ویز ۔۔۔۔ میں تم سے شادی کرنا چاہتی ہوں کیونکہ مجھے تم سے محبت ہو گئی ہے ۔۔۔ مجھے تم سے کوئی مطلب نہیں ۔۔۔۔ بس مجھے تمہارا ساتھ چاہئیے “

وہ اس کی بےبس ہوتی آنکھوں میں دیکھ کے کہہ رہی تھی ۔۔۔۔۔۔ جبکہ ان آنکھوں میں پلوشہ کے لئے کوئی جذبہ ۔۔۔ کوئی احساس نہیں تھا ۔۔۔۔۔۔ ایک بےبسی تھی۔ ۔۔۔۔۔۔۔۔

وہ پیچھے قدم اٹھانے لگا ۔۔۔۔۔

” میں ۔۔۔ میں نہیں کر سکتا ۔۔۔۔۔۔ ایم سوری پلوشہ “

یونہی چلتے چلتے وہ ایکدم مڑا اور وہاں سے بھاگتے ہوئے جانے لگا ۔۔۔۔۔ بائیک کے پاس آ کے اس نے گہری سانسیں لی ۔۔۔۔۔۔ وہ زاہنور کو نہیں بھول پا رہا تھا تو وہ پلوشہ کو کیا جگہ دے پاتا ۔۔۔۔۔۔

جانے اُس شخص کو ، یہ کیسا ہنر آتا ہے

رات ہوتی ہے تو آنکھوں میں اُتر آتا ہے

اُس کی چاہت کا تو انداز جُدا ہے سب سے

وہ تو خوشبُو کی طرح رُوح میں در آتا ہے

بات کرتا ہے تو الفاظ مہک اُٹھتے ہیں

جس طرح شاخِ محبت پہ ثمر آتا ہے

پُھول اُس کے لب و رُخسار پہ مَر مٹتے ہیں

پیار شبنم کو ، بہ اندازِ دِگر آتا ہے

ایسا تتلی سا وہ نازک ہے کہ چُھو لینے سے

رنگ اُس کا میرے ہاتھوں پہ اُتر آتا ہے

فاصلہ سات سمندر سے زیادہ ہے سلیمؔ

دِل تو مِلنے کے تصّور سے ہی بَھر آتا ہے

وہ آئینے کے سامنے کھڑا اپنا عکس دیکھ رہا تھا ۔۔۔۔۔۔۔۔ اس کی نظر گھڑی پہ پڑی ۔۔۔ رات کے تین بج رہے تھے ۔۔۔۔۔۔۔۔ اور نیند اس کی آنکھوں سے کوسوں دور تھی ۔۔۔۔۔ وہ خود کا عکس دیکھنے لگا ۔۔۔۔۔۔ اسے اپنی آنکھوں میں زاہنور کا عکس ہی دیکھ رہا تھا ۔۔۔۔۔۔۔۔۔۔ اس کے چہرے پہ بےچینی رقم تھی ۔۔۔۔۔۔۔۔ ہر سانس کے ساتھ اسے زاہنور کی یاد آ رہی تھی ۔۔۔۔۔۔۔۔۔۔ وہی زاہنور جسے وہ کھبی خوشی ۔۔۔ سکھ اور محبت نہ دے پایا تھا اور آج اس کی محبت میں وہ تڑپ رہا تھا ۔۔۔۔۔۔۔۔ اسے سکون نہیں مل رہا تھا ۔۔۔۔۔۔

اس کے کانوں سے پلوشہ کی آواز ٹکرائی تو وہ نفی میں سر ہلانے لگا۔۔۔۔۔

” مجھے کیوں یاد آ رہی ہو زاہنور “

اس کے دل میں طوفان سا تھا ۔۔۔۔۔۔۔۔۔ بےچینی بڑھتی جا رہی تھی ۔۔۔۔

” بہت یاد آتی ہو زاہنور بہت زیادہ “

وہ سرخ ہوتی آنکھوں کے ساتھ خود کو دیکھ رہا تھا ۔۔۔۔۔۔

” مت آؤ یاد پلیز ۔۔۔ مت آؤ ۔۔۔ تھوڑا رحم کر لو پلیز مت آؤ یاد ۔۔۔۔ پلیز زاہنور “

اس نے زور سے آنکھیں بند کر لیں ۔۔۔۔

” جب پاس تھی تب کوئی قدر ہی نہیں تھی ۔۔۔۔۔ درد ہی دیا تمہیں ۔۔۔۔ اذیت میں رکھا تمہیں۔ ۔۔۔۔ اب کیوں یاد آ رہی ہو ۔۔۔ اب کیوں محبت میں پاگل ہو رہا ہوں میں ۔۔۔۔ اب جب میری نہیں ہو ۔۔۔۔۔۔۔ میری ہو بھی نہیں۔ سکتی کھبی تو اب کیوں ۔۔۔۔ کیوں زاہنور کیوں ؟”

وہ وہیں نیچے بیٹھ کے اپنا چہرہ ہاتھوں میں چھپا گیا ۔۔۔۔۔۔۔۔۔ اس کی بےچینی بڑھ رہی تھی ۔۔۔۔۔۔۔ وہ پاگلوں کی طرح ادھر ادھر دیکھنے لگا ۔۔۔۔۔۔۔۔۔ اس کی نظر ڈریسنگ ٹیبل کے پاس پڑی جھمکوں پہ پڑی وہ انھیں دیکھنے لگا ۔۔۔ ہاتھوں میں لے کے وہ دیر تک زاہنور کی خوشبو کو محسوس کرتا رہا ۔۔۔۔۔۔

” تم آج بھی یہیں ہو زاہنور ۔۔۔ آج بھی اس کمرے میں موجود ہو ۔۔۔۔۔ تمہاری خوشبو آج بھی یہیں ہے ۔۔۔۔۔۔ تم یہاں ہر طرف ہو ۔۔۔۔۔۔ پھر بھی کھو چکا ہوں تمہیں۔ میں “

وہ خاموشی سے ٹانگوں کے گرد بازو حائل کیے یونہی بیٹھا ہوا تھا ۔۔۔۔۔۔۔اسے کچھ سمجھ نہیں آ رہی تھی اپنے وجود میں پھیلے اس درد کو کیسے کم کرے ۔۔۔۔